حسيت برغبة قوية فيه وكانت الفكرة في راسي من فترة أساساً لكن في رمضان ومع روحانياته، أخدت القرار الكنت مترددة فيه كتير " حألبس النقاب"
النقاب بالنسبة لي ما كان مجرد زي أو مظهر خارجي؛ كان رسالة لنفسي قبل أي زول تاني رسالة إنو أنا اخترت الله قبل كل شي.
اللحظة الأولى ما كانت سهلة .. أول مرة طلعت بنقابي حسّيت بتوتر شديد وتداخلت بين الخوف والفخر .. لكن مع كل يوم بيمر كنت بحس أني أقرب لله و السلام الداخلي جواي بزيد.
رمضان خلاني أعيش تجربة خاصة .. تجربة استوعبت من خلالها إنو أحياناً القرارات الصعبة هي الخطوة الأولى لـ حياة مليانة رضا وطمأنينة.
______
"بـ لسان نود"
في يوم بعد الإفطار أصريت على كريم يمشي معاي الصيدلية .. أساسًا عاوزة أشتري كريمي ومرطبي بس إتحججت ليو إنو المعجون والشامبو خلصانين .. قام بفتور قال لي :
_أرح.
="بحماس" .. بحب المشاوير البتكون بالليل ياخ.
لما وصلنا وإشترينا فجأة لفت نظري شريط إختبار الحمل .. بدون ما أشعر قلت لي كريم:
_كريم، عاوزة شريط حمل.
كريم وقف مكانه للحظة، واتلفت علي بدهشة:
_شريط شنو؟
أنا ما عارفة ريأكشناته مرات بتكون غريبة ليه .. رديت ليو وأنا بلم الحاجات:
=شريط حمل، شنو يعني اول مرة تسمع بيه؟
كريم رفع حاجبه وقرب مني وهمس بصوت مدهوش:
_إنتِ جادة؟نود إنتِ....
=ما عارفة .. بس والله من زمان نفسي أمسكه وأشوفه .. ياخ ما عندك شغلة أدفع بس .. أنا حرة في قروشك أشتري بيهم العاوزاه.
كريم ضحك بصوت عالي:
_حتموتي يوم من ورا الفضول .. هسي بالجد ما هناي يعني .. ما تدسي مني أنا راجلك.
=أدس شنو .. أنا لو حامل حوري الناس ديل كلهم.
_شششش حيسمعوا.
=خلاص إشتري وأرح عشان ما نتفضح أكتر.
_يحليل قروشي رايحة تفاهات ساي.
=إنت لاقي .. هسي لو ما عرستني وقت ده إنت ذاتك ما كان عرفته ولا شفته .. أحمد ربنا عندك مرة طموحة زيِّ كده ومثقفاك.
مشى دفع وطول الطريق بيسأل فيني .. وأنا قدر ما حلفت ليو إنو الموضوع فضول مني ساي ما صدق لحدي ما مشينا البيت وجربته ليهو حتى إقتنع.
_إتبسطي كده؟
=أيوة أصلًا قلت ليك حموت وأجربه.
_طيب خلي الاتنين ديل معاك يمكن تحتاجي ليهم.
=مشتريهم 3 كرم منك ولا شنو يعني؟
_ما بخلي في نفسك حاجة حتى لو حاجة تافهة وما مهمة.
=بس دي حاجة مهمة.
_"ضحك" .. ياخ خلاص الزول نهائي ما يعزز ليك.
=عزز بحقك والله.
________
"بـ لسان صلاح"
قاعد في مكتبي بعد ما عملت صفقة ناجحة مع شركة إيطالية .. معتصم نزل معاي الشركة وخفف علي حمل كنت شايلو براي .. وأساساً ده المطلوب عشان لما أقرر أسافر الحاج ما يقيف في طريقي .. رجعت البيت بعد يوم طويل ومتعب .. وأنا داخة على الصالة سامع أمي بتتكلم مع أخواتي وبتقول:
_نحنا لازم الجمعة الفينا دي نمشي لبت عمكم .. البت عرست وحملت ونحنا خبرا ما جبناهُ .. وبثينة النصيحة ست واجب ما دايرين نغلط في حقها كمان.
مهاد: صحي والله يا أمي أنا إتصلت علي أسرار وكلمتني بحمل ننا ده لكن قدر ما أخطط أمشي ما بفضى.
مودة: خلاص يا أمي نمشي عليهم يوم الجمعه كلنا زيما قلتي
أمهم: خلاص إن شاء الله بكلم أبوكم وصلاح ونمشي ليهم.
دخلت بدون مقدمات وملامح وشي ما بتتفسر .. أمي سلمت علي ما رديت دخلت غرفتي طوالي وقفلتها علي .. إتوترت توتر ما قدرت أقعد في مكان واحد كيف يعني حامل ؟؟
كيف يعني وأنا لسة بحاول أتعافى من موضوع زواجا من الحيوان داك؟؟
غيرت ملابسي وحاولت أشغل نفسي نهائي ما قدرت .. فجأة راسي وجعني .. بقيت أصرخ بصوت عالي وأكسر أي حاجة جنبي ودموعي الما حصل نزلتها .. نزلت الليلة.
#يُتبع.
#على_الهامش:
""الشعر، الأحلام، الرغبة، الغروب، كُل شيء يقودُني إليك))
#نُودين_بِت_مِن_حُب.
#ننس_تمدين.
النقاب بالنسبة لي ما كان مجرد زي أو مظهر خارجي؛ كان رسالة لنفسي قبل أي زول تاني رسالة إنو أنا اخترت الله قبل كل شي.
اللحظة الأولى ما كانت سهلة .. أول مرة طلعت بنقابي حسّيت بتوتر شديد وتداخلت بين الخوف والفخر .. لكن مع كل يوم بيمر كنت بحس أني أقرب لله و السلام الداخلي جواي بزيد.
رمضان خلاني أعيش تجربة خاصة .. تجربة استوعبت من خلالها إنو أحياناً القرارات الصعبة هي الخطوة الأولى لـ حياة مليانة رضا وطمأنينة.
______
"بـ لسان نود"
في يوم بعد الإفطار أصريت على كريم يمشي معاي الصيدلية .. أساسًا عاوزة أشتري كريمي ومرطبي بس إتحججت ليو إنو المعجون والشامبو خلصانين .. قام بفتور قال لي :
_أرح.
="بحماس" .. بحب المشاوير البتكون بالليل ياخ.
لما وصلنا وإشترينا فجأة لفت نظري شريط إختبار الحمل .. بدون ما أشعر قلت لي كريم:
_كريم، عاوزة شريط حمل.
كريم وقف مكانه للحظة، واتلفت علي بدهشة:
_شريط شنو؟
أنا ما عارفة ريأكشناته مرات بتكون غريبة ليه .. رديت ليو وأنا بلم الحاجات:
=شريط حمل، شنو يعني اول مرة تسمع بيه؟
كريم رفع حاجبه وقرب مني وهمس بصوت مدهوش:
_إنتِ جادة؟نود إنتِ....
=ما عارفة .. بس والله من زمان نفسي أمسكه وأشوفه .. ياخ ما عندك شغلة أدفع بس .. أنا حرة في قروشك أشتري بيهم العاوزاه.
كريم ضحك بصوت عالي:
_حتموتي يوم من ورا الفضول .. هسي بالجد ما هناي يعني .. ما تدسي مني أنا راجلك.
=أدس شنو .. أنا لو حامل حوري الناس ديل كلهم.
_شششش حيسمعوا.
=خلاص إشتري وأرح عشان ما نتفضح أكتر.
_يحليل قروشي رايحة تفاهات ساي.
=إنت لاقي .. هسي لو ما عرستني وقت ده إنت ذاتك ما كان عرفته ولا شفته .. أحمد ربنا عندك مرة طموحة زيِّ كده ومثقفاك.
مشى دفع وطول الطريق بيسأل فيني .. وأنا قدر ما حلفت ليو إنو الموضوع فضول مني ساي ما صدق لحدي ما مشينا البيت وجربته ليهو حتى إقتنع.
_إتبسطي كده؟
=أيوة أصلًا قلت ليك حموت وأجربه.
_طيب خلي الاتنين ديل معاك يمكن تحتاجي ليهم.
=مشتريهم 3 كرم منك ولا شنو يعني؟
_ما بخلي في نفسك حاجة حتى لو حاجة تافهة وما مهمة.
=بس دي حاجة مهمة.
_"ضحك" .. ياخ خلاص الزول نهائي ما يعزز ليك.
=عزز بحقك والله.
________
"بـ لسان صلاح"
قاعد في مكتبي بعد ما عملت صفقة ناجحة مع شركة إيطالية .. معتصم نزل معاي الشركة وخفف علي حمل كنت شايلو براي .. وأساساً ده المطلوب عشان لما أقرر أسافر الحاج ما يقيف في طريقي .. رجعت البيت بعد يوم طويل ومتعب .. وأنا داخة على الصالة سامع أمي بتتكلم مع أخواتي وبتقول:
_نحنا لازم الجمعة الفينا دي نمشي لبت عمكم .. البت عرست وحملت ونحنا خبرا ما جبناهُ .. وبثينة النصيحة ست واجب ما دايرين نغلط في حقها كمان.
مهاد: صحي والله يا أمي أنا إتصلت علي أسرار وكلمتني بحمل ننا ده لكن قدر ما أخطط أمشي ما بفضى.
مودة: خلاص يا أمي نمشي عليهم يوم الجمعه كلنا زيما قلتي
أمهم: خلاص إن شاء الله بكلم أبوكم وصلاح ونمشي ليهم.
دخلت بدون مقدمات وملامح وشي ما بتتفسر .. أمي سلمت علي ما رديت دخلت غرفتي طوالي وقفلتها علي .. إتوترت توتر ما قدرت أقعد في مكان واحد كيف يعني حامل ؟؟
كيف يعني وأنا لسة بحاول أتعافى من موضوع زواجا من الحيوان داك؟؟
غيرت ملابسي وحاولت أشغل نفسي نهائي ما قدرت .. فجأة راسي وجعني .. بقيت أصرخ بصوت عالي وأكسر أي حاجة جنبي ودموعي الما حصل نزلتها .. نزلت الليلة.
#يُتبع.
#على_الهامش:
""الشعر، الأحلام، الرغبة، الغروب، كُل شيء يقودُني إليك))
#نُودين_بِت_مِن_حُب.
#ننس_تمدين.
