Omnia Nagy """":⁦♡♡

قالت : حقيقي أنا بقيت بحس إن العيب عندي فعلا ، وإني أنا اللي مبعرفش أوصل اللي عايزاه ، وإني مبعرفش أحب فعلا وإني عندي مشكله في التعبير ، وإن طريقتي وأسلوبي غلط ، وإني ردود أفعالي غلط ، بقيت بحس إني شخص غلط وفاشل ..

لـ أمنية ناجي ..🤍

- أنا عارفه إنك جي من الشغل تعبان النهارده ياريت تنام وترتاح وبكرا نتكلم ..

= أنا لو مسمعتش حكاياتك عن تفاهات العالم ومشاكله وأزاي كُل شئ بيتغير بسرعه ، ولو مسمعتش تفاصيل يومك وطعم الشاي بلبن النهارده كان أزاي ، ويا تري شربتي نسكافيه في نص النهار علشان تواجهي بيه العالم ، وجالك صداع كم مره وخنقات البيت خلصت ولا حروب المطبخ بين الام وبنتها مازالت مستمره ، ابوكي حضنك كام مره النهارده قوليلي وموعدكيش إني مش هغير كل يوم بقول كدا وبغير بردو ، أكيد أخوكي غلس عليكي كعادته صح ، شربتي ميكس فراوله باللبن النهاردة ولا نسيتي تجيبي ، أه صحيح أي اللي حصل في المسلسل عيطتي عالبطله كام مره النهارده ما أنا عارفك بتحبيها كأنكم متربيين مع بعض ، أحكيلي يلا علشان أعرف أنام وأنا مرتاح فعلا ..♥

#أمنية_ناجي

لي ديما لازم نظهر عكس اللي جوانا علشان الناس، ما طظ في الناس، لي أبين عكس اللي جوايا علشان الناس تقول عليا جامدة وقويه ومفيش منها، الوقت اللي بجمد فيه بيبان عليا والوقت اللي بنهار فيه بيبان عليا، نفسنا تستاهل إننا نديها حريه الانهيار والانهزام زي ما بنطلب منها القوة والجمدان، يمكن كلامي ملغبط بس أنا المفروض محدش من الناس يهمني علشان اداري احساسي وقت انهزامي علشانه.

_ بتقولي حاجة يا انسه !
_ سكتت وانتبهت للصوت كدا وبدأت تركز ورفعت عينها _ عُمر !
_ آه عُمر بس تقريبا انتِ قولتي مش موافقه اصلا مامتك قالت إنك مش بتحبي الرجاله وشايفه محدش فيهم يُطاق وقله زوق وقله أدب ومفيش تفاهم وتقبل للرأي وحاجة آخر عكننه _ يَا طنط ود مش موافق.......
_ موافقه موافقه والمصحف
_ بس انتِ عايزة تشتغلي وتبقي سيدة أعمال قد الدُنيا !
_ أعمال أي الست ملهاش غير بيت جوزها .
_ بس انتِ مش بتحبي الرجاله
_ مهو انتَ غير الرجاله
_ لي مش من الرجاله أنا !!
_ انتَ كُل الرجاله في عيني .

صوت الست في الخلفية بتقول
" وقابلتك انتَ لقيتك بتغير كُل حياتي "

After 1 Year ..

اصحي يـ عُمر أنا بولد
_ بولد يَا عُمر يخربيت الجواز وسنينه ، الرجاله دي متتعاشرش لا ، أوامر ونواهي ويعمل فيها سي السيد ، أنا قولت متجوزش محدش صدقنييييي كان زماني سيدة أعمال قد الدُنيا ، قووووووم بولد .
_ تاني يا ود !

_ " كُل شخص فينا عنده فوبيا من حاجة معينه ، فوبيا القُرب ، فوبيا العلاقات ، الشخص المحظوظ اللي هيلاقي اللي يعالج الفوبيا دي ويحببه في الحياة "♥️

#أمنية_ناجي
#كل_يوم_حكايه

_ أما انتَ غريب جداً بصراحة
وبعدين دقيقه انتَ عرفت مكاني منين انتَ بتراقبني !
_ بصراحه آه إمبارح لما مطلعتيش تشربي النسكافيه بتاعك في البلكونه زي كل يوم عرفت إنك قررتي تهربي فـ صحيت النهاردة وجهزت واستنيت اشوفك هتروحي علي فين علشان اجي اشربه معاكي
تعرفي إني عُمري ما شربت نسكافيه ! ولا حبيته

_ تعرف إنك رغاي
وبعدين عمال تتكلم هو انا سمحتلك اصلا تقعد علشان تفتح مواضيع كمان وترغي معايا !
_ انتِ جميلة أوي بس مش عارف إزاي بترمي دبش كدا بصراحه بيطلع منين الكلام دا أنا مش عارف بجد .
_ مش عاجبك كلامي ، بيطلع مني فـ طالما مش عاجبك اتفضل .
_ لا لو منك وانتِ راضيه فـ أنا هحبه عادي

ابتسمت إبتسامة خفيفه ورجعت تاني للتكشيرة
_ طب لي طيب الإنسان ما صدق ضحكتي في وشه
_ طيب أنا هسمحلك تشرب معايا النسكافيه بس أنا مش بحب الرغي اشطا ! اشطا إن شاء الله
_ موافق .

بس يا سيدي وبعدين بقا نقلنا من شقه اسكندرية وجينا القاهرة هِنا لما بابا اتوفي وبعدين _ انتَ بتضحك علي أي !
_ لا أصل انتِ قولتي إنك مش بتحبي الرغي وبقالك ساعه و46 دقيقه و15ثانيه بتتكلمي
_ قصدك إني رغايه يعني ، طب مش متكلمه .
_ لا قصدي إن شكلك حلو وانتِ بتتكلمي ، كملي .

صوت عمرو حسن في الخلفية بيقول:
" انتِ أجمل ست في العالم أو عمومًا انتِ أجمل ما رَآيت "

وبعدين يا ست ودّ !
_ بس يا ست ماما ومطلعش خنيق ولا مش متقبل الرأي الآخر ولا سي السيد ولا حاجه دا طلع لذيذ خالص .
شوفتي يا طنط وتقولك مين عاقله تستحمل راجل في حياتها _ربنا يسترك يا يَا دكتور عُمر ياقمر انتَ علشان غيرت فِكر البني ادمه دي .
_ يعني اقتنعتي إن مش كل الرجالة زي ما كنتي متخيله يَا ود !!
_ آه دا طلع في رجاله لذيذه خالص يَا فاطمة

أنا قررت أتكلم مع ماما في الموضوع يا خالد _ أنا عايز اخطبها
_ أنا خايف تكون بس مشدود لشخصيتها أو لطريقتها أو كنت عايز تسمع حكايتها مش اكتر خايف ميكنش دا حُب حقيقي وتندم إنك اتسرعت
_ لا أنا بقيت بعمل حاجات غريبه مش عارف ازاي بعملها ، أنا كنت بسمعها وهيا بتتكلم عكس أي حد تاني ، أنا اكتر حد سمع ناس في حياته سمعت حكايات كتير جدًا عمري ما كنت بسمع بشغف قد ما كنت بسمعها _كنت بفرح أوي وهيا بتحكي عن إنجاز عملته وهيا صغيرة وكإنها بنتي مش واحدة عاديه
_ انتَ شايف إنك بتحبها
_ وقعتني ، وقعت فيها أنا كمان كنت بخاف زيها علي فكرة من كم المشاكل اللي بتتعرض عليا والحالات اللي مرت عليا في شغلي كنت بخاف ادخل في علاقه وتفشل أو يحصل حاجة مش عامل حسابها _كنت ديما عامل حسابي إني مقعش .
_ واي اللي حصل !!
_ ظهرت فجاه ووقعتني ودي الحاجة الوحيدة اللي معملتش حسابي عليها .
_ وقعتك إزاي وانتَ واخد بالك بالشكل دا !
_ بضحكتها ، بالطفلة اللي جواها ، بنظرتها للأشياء ، إهتمامها ببلكونتها ، شكلها وهيا بتسقي الزرع ، وهيا بتلعب مع القُطه بتاعتها ، حتي الدبش اللي كانت بترميه في وشي ، حتي كُرهها الرجاله ، مختلفه ومدهشه حقيقي .

ماما أنا عايزك في موضوع _ أنا قررت أخطب .
_ اخيرا لقيت وقت فاضي ليك ولحياتك بره العياده والمرضي بتوعك
_ دول مش مرضي يا أمي دول صحابي ، هما مش بييجوا عندي علشان اعالجهم هما بييجوا يتكلموا معايا شويه ويمشوا ، بييجوا علشان مفيش عندهم حد يسمعهم ، الظُلم الحقيقي إن الإنسان ميلاقيش حد يسمعه ولا يتكلم معاه ويقوله علي اللي جواه .
_ المهم هنروح نطلب ايديها امته !
_انتِ عرفتي هيا مين مش لما تعرفي الاول !
_ انتَ متخيل إن في أم في الدُنيا مش بتحس بعيالها ! عارفة من يوم ما شغلتك البلكونه ومن يوم ما بقيت تحب النسكافيه ومن يوم ما بقيت تحب المطره ولما الدُنيا تمطر تجري تطلع البلكونه تتفرج عليها ، كنت فاكرني مفكره إنك بتطلع تتفرج علي المطره بس أنا عارفه إنك كنت بنتفرج عليها وهيا بتضحك للمطره ومبسوطه _"الحُب بيغير وعين المُحب بتفضحه " وانت اتغيرت وكمان سمعتك مره وانتَ بتكلمها في التلفون .

_ راجل وابن ناس ومحترم لي نرفضه
_ كدا مش عايزه اتجوز ، انا آه فكرتي اتغيرت بس مش عايزه اي حد
_ طب اعرفيه ،اقعدي معاه
_ لا يعني لا
دخلت اوضتها واتصلت بـ عُمر بس مردش علي رناتها .
_ طب واي المشكله ما تاخدي فرصه تشوفيه يمكن يطلع لطيف زي ما ماما بتقول _ماما أنا موافقه .

حاولي تبتسمي وتكوني لطيفه
_ حاضر _ يارب اليوم دا يعدي علي خير علشان انا اصلا مش فاهمه كان لازم اعاند نفسي واوافق لمجرد إنه طلع مش فارق معاه الموضوع اديني انا اللي اتدبست بس لا أنا هقول لماما معجبنيش أو مش موافقه ، آه أنا أصلا مش بتاعه جواز أنا عايزة أشتغل وابقي سيدة أعمال قد الدُنيا آه والله .

أمنية ناجي '''''🖤:
الإنسان محتاج الإمتحانات دي تموت ، أو يتجوز ويخلص بقا .
_هو انتي مخطوبه اصلا علشان تتجوزي !!

بصتله بقرف .
_وانتَ مالك انتَ ، حتي قعدة البلكونه اللي بحبها كرهتني فيها يَا أخي
_ علي فكرة ممكن جدًا تتعاملي معايا بطريقه ألطف من كدا
تكوني جاره جميلة وكيوت ولا لو إتعاملتي كويس هيقولوا اللي إتعاملت كويس أهي !!
_أكون جارة جميلة !
هو أنا مش جميلة يَا قليل الزوق انتَ ، أما رجاله بجحه ومعندهاش دم صحيح .

قفلت البلكونه بعصبيه ودخلت
_أنا مش عارف أنا أي اللي مصبرني عليكي بس انا حاسس إنك مش كدا يمكن طريقتك غريبه ومش مفهومه مُعظم الوقت بس انتِ حكايتك حكاية وأنا أكيد هعرفها .

_وانتَ بقا يَا دُكتور عايز تعرف حكايتها بس لأنك دُكتور نفسي وحاسس إنك عايز تغير فكرتها عن الرجاله ولا علشان حاجة تانيه !
_ أنا أصلا معرفش هيا لي موقفها كدا من أي راجل !
بس يا ماما انا عندي فضول اعرفها معرفش لي يمكن لاني ديما بسمع مشاكل من الناس وبحاول أحلها فـَ عندي فضول أحل مشكلتها معايا _اقصد يعني مع الرجاله عمومًا .

قولت مليون مره محدش يصحيني أنا هصحي لوحدي .

_ مهو مش المفروض يكون عندك إمتحان كمان كام ساعه ونايمه لحد دلوقتي
فين يا بنتي القلق والتوتر بتاع الناس الطبيعية !
_فاطمة بقولك أي أنا عايزة أتجوز مش عايزه امتحن

رد صوت أرق من الرقه
_طب قوليلها يا فاطمة توافق علي العريس اللي أتقدم الاسبوع اللي فات
_ يَا ماما يَا حبيبتي أنا مش قولتلك إني مش بفكر في الجواز أنا ست عايزة أشتغل وابقي سيدة أعمال قد الدُنيا

ردت فاطمة بتعجب !
_ لا لا دا أنفصام
اومال مين اللي كانت بتقول من دقيقتين أنا عايزة أتجوز !
_ قوليلها يا فاطمة علشان دي هتجنني لحد ما احضرلكم الفطار علشان تنزلوا .
_ يَا ستي موسم التزاوج دا بييجي وقت موسم الامتحانات كدا
وبعدين دا بيبقي عندنا كُلنا بس هل دا سبب مقنع يخلي واحدة عاقله ترمي نفسها في التهلكه دي !
_ هو انتِ هتحاربي دا جواز !
_ حرب !
ظلمتي الحرب طبعا ، يا بنتي هو في ست عاقله توافق تشارك راجل في حياتها أصلا ، ويعمل فيها سي السيد بقا وأوامر ونواهي وعدم تقبل الرأي الآخر وحاجة تزهق وفي الآخر يخونها علشان أي علشان مقصرة معاه _هيا مش بتكون مقصره أصلا بس هو ديما شايفها مقصره ، فين حقوق المرأة بقا في مشروع الجواز الفاشل دا !
_ لا دا انتِ تجنني

تجنن يَا خالد !
_ملامحها دافيه بشكل يهبل
تحسها شويه هربانه من عالم ديزني طفله جدًا
وشويه هربانه من فيلم سبعيني جميلة جدًا
بس اول ما تتكلم معاك تحسها شغاله في سوق الجُمعه غريبه جدًا .

_ أظن مر عليك حالات بالشكل دا كتير
_ ابداً ثم إن هيا مش حاله ومتتكلمش عنها كدا
_ حاضر يا دكتور عُمر ممكن بقا نشوف شُغلنا شوية !

هذاكر أنا وفاطمة في البلكونه شويه يَا ماما
_الجو برد خالص خدي الشال معاكي وانتِ طالعه
_ ها هنذاكر أي !!
_ نذاكر طب بزمتك القعدة في البلكونه دي مع كوبايه النسكافيه القمر دي مع الجو التلج دا وضوء القمر عايز مذاكره ! يَا شيخه منه لله اللي نادي بتعليم المرأة .
_ بصراحه لا طبعا جو عايز قُرة عيني يقعد معايا
_ ماشاء الله
رأي لا يُحترم وانصحك متقوليش رأيك دا تاني بقا ، بقا بزمتك قاعدة زي دي تعكريها بوجود راجل معاكي دا انتِ مبتفهميش
_ بمناسبه الراجل مين القمر اللي هناك دا يا ودّ !

هو انتِ أسمك ودّ ! غريب أوي بس حِلو
_ أنا اسمي عُمر
_ يا ساتر يا رب هو انتَ حد كاتبلك مواعيدي تطلع تضايقني كُل ما ابقي رايقه _ اهو يختي الراجل اللي قولتي إن القاعدة دي نقصاه عرفتي بقا إنهم بيعكروا أي مكان يكونوا فيه !
_ بيعكر اي دا الولا قمر يخربيتك يا معقده _ اهي الدُنيا عملتها وبتشتي يلا ندخل قبل ما نغرق قال معكر قال دا مسكر يا بنتي

بصتلها بقرف
_مسكر !! دا مسكر دا .
أدخلي انتِ أنا هقعد في الشتا _الله دي بتشتي تلج !
_ يارب حققلي كُل اللي بتمناه يارب

_غريبه بس تجنن
شكلها حِلو أوي وهيا بتضحك للمطر وبتتكلم معاه _ عينيها ، عينيها وهيا بتضحك تبهر أي حد وتشده ليها
_ عُمر ! يَا عُمر .
انتبه عُمر لـ صوت والدته وهيا بتكرر اسمه ومستنيه منه رد
_ ايوا يا ماما
_ واقف في الشتا لي يا عُمر انتَ مبتحبش المطره تيجي عليك !
_ شكلي حبيتها

بصت علي البلكونه اللي جمبهم وابتسمت إبتسامة خفيفه لما شافت ودّ واقفه بتضحك للمطر _حبيت مين يا عُمر
_ ها المطر ، المطر يا ماما

الإنسان نزل وقعد بعيد عن البلكونه والجار المزعج اللي ساكن جمبنا يمكن يقدر يحس إنه مرتاح شويه _ ممكن لو سمحت واحد نسكافيه

_ خليهم إتنين لو سمحت
بصتله بصدمه واستغراب ممزوجين بعصبيه .

- دي ضي يـ حور خطوبتها بكرا

= وعزمتك أنتِ بس !؟

- أكيد لا ،، ضي طيبه بس أنتِ ديما فهماها غلط

= طب ممكن هشام وعمر ييجوا معانا

- لي لي يـ حور

= علشان خاطري نقولهم يـ نور ،، وكمان نستغل فرصه إن أنا وهشام نتقابل معرفش ماله الفتره دي

- برحتك

_____

_ أنا مبسوط إن النهارده خطوبتنا

= أنا كمان مبسوطه جداا ،، أنا هقفل بعمل كذا حاجه

- مالك يـ ضي

= مش عارفه ،، حاسه إني مش مبسوطه

- مش مبسوطه أزاي دا النهارده خطوبتك

= مش عارفه يـ سميه مش عارفه

- لا أنتِ بس متوتره متخافيش ،، علي خطيبك بيحبك

_______

- النهارده خطوبه واحد صاحبي ماتيجوا

= يانادر صعب النهارده ،، أنا هكلم هشام علشان صاحبه نور وحور خطوبتها ورايحين ،، ما تيجي أنت معانا

- بص هو أنا أصلا مش طايقه ياابني بس أبن صاحب ابويا ولازم نروح ،، يا أبني أنا مصدوم دا متجوز ومش قايل لحد يعني المسكينه هتبقي الزوجه التانيه ..

#أرزاقُنا
#أمنية_ناجي

البارت الأول من "أرزاقُنا"..🤍

- ماما أنا نازله ..

= ماشي يـ ضي

"ضي يمكن مش جميلة أويي بس هيا كُل العالم بيتلخص فـ عيونها ،، ديما فـ عيونها حاجة مُختلفة ،، هو أه ضي عندها عشرين سنة بس نظرتها للأمور ديما مُختلفة"

_____

ضي : هو أنا ممكن أفهم أنتوا فين ؟!

نور : والله يابنتي خلاص قربنا جدا منك أنتِ فـ الكافيه صح ؟!

ضي : أه يـ نور ،، ياريت متتأخروش

____

نور : حور أخلصي أنا كل دا تحت البيت وبقولها إننا قربنا منها

حور : نازله والله أهو بس أنتِ عارفه لازم أحور صح علشان ماما متحسش إني بكدب

*بعد دقايق*

نور : يلا اتأخرنا عليها جدا ،، هو أنا ممكن أفهم أنتِ بتكدبي لي هو أنتِ رايحه تقابلي واحد ،، ولا أنتِ هشام عودك علي الكدب ؟!

حور : والله أنا مش نقصاكي أصلا وسبيني فـ حالي أنا أدري بـ أهلي ..

____

*في الكافيه*

ضي : كل دا والله أنتوا جزم وبعد كدا أنا هاجي متأخر علشان أردهالكم ..

نور : والله حور كانت بت...

حور : أصل ،، أصل ماما كانت تعبانه وأنا بقا كانت لازم أخلص كذا حاجه قبل ما أنزل وأسيبها ،، أسفه

ضي : أسفه أي بس أنتٍ أختي ومفيش أسف

نور : هيا لي بتكدب ،، مسكت التلفون بعصبيه *هعمل مكالمه وأجي ها مش هتأخر*

حور : هيا نور أتاخرت لي أنا هطلع أجيبها وأجي "..

ضي : ماشي روحي ..

_______

هشام : ياعم البت حلوه تعاله معانا

نادر : قولتلك لا مش عايز يا عم أي عافيه ؟!

عمر : هو ميقصدش يـ نادر هو بس قصده إن هما 3 فـ تعاله معانا كدا ..

نادر : وأنا مش هاجي يـ عمر روحوا أنتوا ..

هشام : يبقي في حد وأنت مش عايز تقولنا

نادر : بص أحنا صحاب لكن يوم مايبقي في حد مش قايلكم فعلا أنتوا مبترحموش حد من لسانكم ،، وبعدين مش دي اللي أنت من كام يوم كنت عايز تخلع منها

عمر : لا يـ نادر مين قال كدا هشام بيحبها

هشام : ولو مش بحبها أديني بضيع وقت

نادر : أتفضل يـ سيدي اللي بيحبها ،، بص أنا ماشي

عمر : أستني بس يـ نادر

هشام : خد تعاله سيبه هو كدا طول عمره قِفل

عمر : أه صح أنت عرفت منين صحبتهم حلوه ولا لا

هشام : شفتها علي تلفون حور

___

نور : حور سبيني فـ حالي لأحسن أنا مش طيقاكي والله ،، بتكدبي لي ليي

حور : علشان ست الشيخه فجأه هتتكلم عن الغلط والحرام وهتدينا درس فـ الاخلاق ..

نور : طب ماهو علشان خايفه علينا لنندم فـ الاخر

حور : والله ولما أنتِ عارفه دا ماشيه مع عُمر لي

نور : لا أنا وعُمر أصحاب غير كدا مفيش أه بنخرج وبنتقابل بس مفيش حاجه ودا اللي ماما عرفاه يعني بس

حور : بقولك أي أحنا صحاب وطول عمرنا سوا من أيام الثانوي بس هيا مكنتش كدا هيا اللي أتغيرت روحي روحي شوفيها بتعمل اي من ورانا ماهي مش ملاك يعني

ضي : أنا فعلا مش ملاك يـ حور ..

نور : ضي ،، ضي أنتِ طلعتي أمته ،، ضي بصي هيا متقصدش والله ..

ضي : ولا تقصد عادي بس بصي يـ حور الايام هتعرفك فعلا إني كنت صح وكُل كلمه كنت بقولها علي هشام صح وإني مش بديكي درس فـ الأخلاق أنتوا مني وأنا كنت بحاول أحافظ علي اللي فاضل مني ،، أنا كُنت عارفه إنك بتكدبي عليا وبتخبي كتير بس كنت بقول مع الوقت هتحس إنه فعلا معايا حق وإنها هتفكر فـ أهلها حتي .. بعد أذنكم

نور : ضي أستني أستني بجد ،، عاجبك كدا أهي مشيت

حور : عادي أصلا كُنا هنفضل نقنع فيها إن هما جايين وأنها تقعد معانا ومكنتش هتقتنع وكانت هتمشي ،، أهي مشيت ،، أصلا هشام أكتر حد فاهمها متخيله إنه قالي إنها عايزه تبعدنا عن بعض لانها عينها منه ..

نور : كفايه بقا أنتِ أزاي ظلماها كدا حرام عليكي عملتلك أي ،، كل دا لانك شيفاها أحسن مننا

حور : أي أحسن من مين دي أحسن مني انا

هشام : بخ ،، وحشتيني

حور : أيدا أنتوا جيتوا ،، وأنت كمان ..

نور : أنا ماشيه

عمر : نور مالك ماشيه لي في حاجه

نور : لا مفيش بس عايزه أمشي

عمر : أستني هوصلك ..

_____

- يـ ماما والله أنا بحبهم ومش عايزاهم يغلطوا غلطي ،، هما مفكرين إني أحسن بس لا كل الموضوع إني تجربتي قبلهم أو غلطت قبلهم ومش عايزاهم يوقعوا فـ نفس اللي أنا وقعت فيه ،، مش عايزاهم يخسروا ياماما ،، هيخسروا نفسهم

= متعيطيش يـ ضي واللي أنتِ معرفتيش توصليه بكرا الايام هتوصله ،، متعيطيش يـ بنتي

_____

حور : اممم وبعدين

هشام : عارفه إني بحبك أويي ،، طب عارفه كمان إن بكرا هنكمل سنه سوا ..

___

- مالك ؟!

= مفيش يـ عمر بس أتعاركنا مع ضي وزعلت ومشيت

- ممكن أطلب منك طلب

= أتفضل طبعا ..

- ممكن بلاش تقارني بيني وبين أي حد مهما حصل يـ نور

= بص يـ عمر أحنا صحاب وطول ماأحنا صحاب يبقي علاقتنا هتفضل ناحجه وبس ..

_____

" بعد شهر "

_ مينفعش أكون هتخطب ومتحضروش

- أكيد هنيجي يـ ضي إحنا عِشره سنين ،، ومتزعليش من حور أه بقالكم شهر مبتتكلموش بس علشان خاطري متزعليش ،، يلا باي

= كنتِ بتكلمي مين ؟؟

لي ديما الحاجات الصح بتيجي في الوقت الغلط، أو لي بتيجي بعد فوات الأوان، أو لي بتيجي متأخر، اللي هو لو بس كنت جيت بدري شويه كان يمكن ساعتها الوقت كان يسمح، كان يمكن حاجات كتير مكنتش حصلت، كان يمكن عرفت اقولك إني.. إني حبيتك بجد.

https://facebook.com/groups/966115587136938/

دا روم الفيس بتاعي للي حابب يدخله ي بنات. ♥️

المتبقي من حديثي معك الذي لم تتقبل سماعه سـ يصنع مني كاتبة عظيمة يومًاا ""💙
تلك الرسائل التي لم ترسل بعد "💙
هذا الجزء الأخر من العالم "إنه عالمي"💙

أنا مُختلفة وأنتَ مش هتستحمل أختلافي ")
أنا بص مبحبش اللف والدوران بس مبحبش الحاجات المباشره ،، أنا لما بشوف صوره لشخص بدور فـ ملامح الصوره علشان أعرف متصورها فين ،، وأمته بالظبط فـ أنهو ساعه من اليوم ،، لو بيضحك بدور ورا ضحكته علي اللي مستخبي جواه ،، لما بكتب حاجه جديده مبحبهاش تبقي بعيد عن اللي بيقراها ولا مباشره بحب أخليها مُختلفة بس مُحيره بحب أخليه يعيش فيها ،، فاهم حاجه طيب ،، أنا هحيرك معايا وأنتَ طيب متستاهلش تحتار خليك بعيد بقا ")🤍

#أمنية_ناجي

• بص هو أنا بخاف ،، بخاف مـ البحر وبحبه وبخاف مـ الصحرا وشيفاها حاجه حلوه بخاف مـ السما بس ببصلها كتير ،، أنا بخاف منهم علشان واسعين عارف عارف كدا لما تحس أنك تايهه أنا أنا بخاف أتوهه ،، أنتَ فاهم صح أنا مبحبش أتوهه ولا أروح أماكن عمري ماروحتها ،، أنا بحب المغامرات بس بخاف أغامر عارف عارف يعني أي ولا لا ،، بص أنا بحبك بس بخاف منك أصلك واسع واسع أوي وأنا مبحبش أتوهه ")🤍!

#أمنية_ناجي

أول ماهتحسي إنك حلوه فـ عين نفسك هتحلوي فـ عين اللي حواليكي فجأه فـ حبي نفسك ديما "🤍

- هو أنا أبهرتك صح أقصد أقصد أنتَ أنبهرت بيا زيهم ؟؟

لا خالص ،، أنا حبيت الضلمه والوحده والكركبه بتوعك اللي محدش حبهم أنا أنبهرت بيكي بس بالطريقه اللي انتي كنتي مستنياها.

عايزة أقوله إن كُل حاجة مشيت تمام، والسنين عدت والحياة عدت وكبرنا أوي وكل واحد فينا شاف طريق ومشي فيه وقلبي لسه واقف علي بابه ممشيش.

رسائل لم تصل :"""

حتي لو بتحب تنعزل أنت محتاج شخص تقولو أنك هتنعزل.

⁦♡

⁦♡♡

واحدة بتقول هو لازم اقول لخطيبي إني عندي حبوب زي الحساسيه كدا في جسمي ولا لا خايفة لو خبيت عليه لما يعرف بعد الجواز يطلقني !! معلش هو واخدك فرز أول ! يعني لما جه يخطبك كان بيدور علي عروسه ولا علي كيلو طماطم من وش القفص ! مهو طبيعي يا جماعة يكون فينا عيوب، هو إحنا مين فينا كامل، هو مش واحد بعد ما تتجوزي يجيلك مرض، أو تتحرقي أو جزء من جسمك يتشوه، أو يجيلك حساسيه تدمر شكل جسمك، أو حاجات كتير أوي بسبب تغيرات الحياة، المفروض نفهم إن الإنسان شئ متغير مش ثابت وإن وارد كل شئ، الحاجة الوحيدة اللي مش هتتغير ولا هتتشوه ولا هيحصلها حاجة هيا الروح، مفيش حاجة هتشوها غير التفكير العقيم دا، ودي بقا مفيش علاج يداويها، اختاروا ناس تخاف عليكم وتحبكم وتفهم إننا بني ادمين وشكلنا مش كل حاجة وإن في تغيرات كتير هتحصل، لازم نتقبلها هنوحش وهنحلو وهنخس وهنتخن بس روحنا وطبيعينا هتفضل زي ما هيا ف وانتوا بتختاروا اختاروا حد عارف وفاهم دا كويس.