حسن جميل الشبلاوي

نكسر ضلوع البتول وناحت السبعة
وأهتـز الفـلك من طاحت البـضــعة
ويلاه يافاطمة ويلاه يافاطمة
ااااااا

خلف الباب طاحـت بت رسول الله
وبـسـمار بـــضـــلـعـها كــبر وصـلئ
وگع محسنها منها وعل الثرة تجلئ
وترتج الــســـمة كلما تــهل دمـــعة
ويلاه يا فاطمة ويلاه يا فاطمة
ااااااا

مصـاب ام الحـــسن ماصــاير ولاصار
وياوسفة الصحابة الهجموا اعلة الدار
غــــدروا بالنـــبي وعـليـــهـا شـبوا نار
وعــمر بايع محــــمد منة هل الفـجعة
ويلاه يا فاطمة ويلاه يا فاطمة
ااااااا

حمـام الدوح يهــمل الدمعــتة عيــونة
وغراب المدينــة اخبــارة محــــــزونة
أمــــــلاك الثـرية اللـــــيلــة مطـعـونة
نزف دم البـــتول وبـالـگـــلب صدعـة
ويلاه يا فاطمة ويلاه يا فاطمة
اااااا

علي جل الوصـــية ومانــفـذ الصبـرة
يعيـنـة الباري قالع خـــيـبرة بكبــــرة
حمـاي الحمـــــــية وماحـــمة الزهرة
شكبرها الكلمة هاي وانت ابو الفزعة
ويلاه يا فاطمة ويلاه يا فاطمة
ااااااا

البقة براسك يحـيدر شيع ام البيت
وامسـح دمعت عـيـونك لون رديت
وزيــــنب لاتـســــــمعها اذا ونــيـت
مصايب الــكربلة وبــيها الف وجعـة
ويلاه يا فاطمة ويلاه يا فاطمة
اااااا

الشاعر: حسن جميل الشبلاوي

السيدة زينب عليها السلام تخاطب امير المؤمنين عليه السلام عندما رجع من دفن الزهراء عليها السلام


واعذروني من التقصير

شيب الترس راسك ... دافـــن اعـــز ناســـــك
يكثر نحيبة ....اليفگد حبيبة
اااااا


ذكريات ام الحســــــن كلها اعلة بالك
راحــــت وضــلت صــور منها بخيالك
انــت حمـــاي الحمــة وكلـشي بچالك
بوية حتئ الطـير مجروح اعلة حالك
والتخــــنگ انفاسـك ... كل ذكـــرة بحساسك
اعضم مصيبة ..... اليفگد حبيبة
اااااا


وحــــشة بويــة ديارها وضـلت خلية
يعـــينك الباري اعلة وگت المغـــربية
غربة كل شي تحسة من دون الزچية
شــلون من بعد امي ياحامي الحمية
دم تهــــمل عـــيونك ... حـــيل نخـــطف لونـك
روحه غريبة.... اليـفگد حـبيبة
اااااا


بـــوية دافن گــلبك وكل امنـيـــاتك
بالمــگابر ادري تخـلـص كل حــياتك
تدعي اشــوفك ياعلي بوية بصلاتك
كون تــگرب ساعة المـــوت ومماتك
ضــلت صـــــور منها ... وبالغـــــــربة دافـــنها
يصبر عجيبة ..... اليفگد حبيبة
اااااا


احلـى ايامك گـــضت وية الحـــنيـنة
راحـــت وللـدار ماضـــنــها تجـــــينة
بوية هاي ايـــتامها الضـــــلت حزينة
والحـــسن ياباالحــسن يكـــثر ونينة
وحســيني شيصبرة ... ومـــــفـارگ الزهـــــرة
ونارة لهيبة .... اليفگد حبيبة
اااااا


الشاعر : حسن جميل الشبلاوي

خدام الحسين عليه السلام (محتاج دعائكم )

عليكم العباس ادعولي...

اه يهل الباب الحزينة اخبارها
وبضلــع فاطـم نبت بـسمارها
اااااا
اه يـــباب الدار هـــــــليت الدمــع
الزهرة طاحت ونكسر منها الضـلع
بيا ذنب بنــــت النــبـوة تــــنصفع
وشبــت النار الزچيــة بدارها
وبــضلع فاطم نبت بسمارها
اااااا
عصروا البضعة وجرت منها الدمة
يــمها حاضـر چان حـــماي الـحمة
طاح محسنها وغدت تبچي السمة
غــدرت الأمة بحقـد مختارها
وبضلـــع فاطـم نبت بسمارها
اااااا
حمرة عين ام الحسن تنزف غدت
لحگي فضة صاحـت وتنحب بقت
جذوع خشنة الباب وعليها طبگت
وجـت عليــها شيــخمد نارها
وبضـــلع فاطم نبت بسمارها
اااااا
يمــها زيـنب وگفــت تنـــوح تون
شافـــت امها ودم تهل من الجفن
من زغـــرها ولقـــبــوها ام الحزن
وباچـر ينوح الحمــام الحالها
وبضـــلع فاطم نبت بسمارها
اااااا
والحسـن يـــصـرخ يـيمة بفاجعة
والحسـين عــليـچ يهــمل مدمعة
ينـگطع نـــحرة وتجين المصرعة
وكربلة تفيض الدمة بتربانها
وبـضلع فاطم نبت بسمارها
اااااا
شــيــــع الزهـــراء ياعـقـد الولة
لـيلة ضـلـمة ادفنــها عن العايلة
ياعلي وانت التــحل المـعضــلة
وخل التودع بالدموع احبابها
وبضلع فاطم نبـت بســمارها
اااااا
الشاعر: حسن جميل الشبلاوي

السيدة زينب عليها السلام

ياعلٕي وين دفنـــتها فاطــمة
بالأرض ياابالحسن لوبالسمة
اااا

وين يابوحـــســين شيـدت الگبر
ادري وية الزهــرة ودعـــت العمر
لاكن امي والها مشــتاگة شـــكثر
شيعتها بليلة وحشة ومضلمة
بالأرض ياابالـحسن لوبالسمة
اااا

ردنة بوية نزورها ونجــري الدمع
تدري هدم حــيلنة كـــسر الضــلع
وانت يابو الحمــلة هسة بياوضع
روحك مفارگها ياحامي الحمة
بالأرض ياابالـحــسن لوبالسمة
اااا

بوية وحشــــة ديارها غربةو حزن
من بعدها ولاطـــبگ مني الجــفن
ريت كون بـكــلبي امي تـــــنـدفن
وأنة تدري عليـــها بوية معلمة
بالأرض ياابالـحــسن لوبالسمة
اااا

يعــينك الباري علة الـصــار وجرة
وانت قـتـــال العــرب ماچـن ترة
ضلوعك وية امي البتول مكسرة
جــبل ياكــــرار چـنـت تهــدمة
بالأرض ياابالـحــسن لوبالسمة
اااا

عــليها من هـلت التراب الفاجـعة
گلوبنة اعلة آمنة الزچية مصدعة
وابقى من زغـــري عـــليها ملوعة
وباچر مــــتوني تخر منها الدمة
بالأرض ياابالـحــــسن لوبالسمة
اااا

الشاعر : حسن جميل الشبلاوي

انشاء الله انتضروني في قصائد استشهاد فاطمة الزهراء روحي لها الفداء

واسألكم الدعاء

لسان حال مولاي الحسين عليه السلام
في استشهاد امهُ الزهراء عليها السلام

الدنـية بلا رحـــٕم ياناس بسمار
شحـــلات الولد ويـة الام بسمار
صدگ ضلع الزچية نصاب بسمار
خذاها امي الوكت من بين ادية


.......

بعــــدنة زغار بوية شلون بينة
حزن وأهات وسط الروح بينة
تـــرد آمــنـــة بـــعد للدار بينة
وحـشــة ديارها وضـــلت خلية

طور (تجليبة)

شكرأ ياحــســين ومــنك اتــشـكـر
صــرت خادم الك واقــرة علة منبر
***
حسيـن المجلــسك روحي توديني
واضـــــل خادم الك مولاي خـليني
أنة الباعـــتنــي دنيا وانت شاريني
فضل منك يغالي المجلسك احضر
****
دنـية بلا خـدمــتك كلــــشي ماتنـفع
وأنة المــن المجـــالس دوم ماشبـــع
مثــل زيـنــــــب اريد عـلــيـك أتلوع
ردت ترزقني دمــعة ولجلـك اتبعثر
*
اليخـــــدم غيــرك يحس روحة بالذلة
شفـــــت بس اليـخــدمك بالبشـر يعلة
حنــين انت بهــواك ترفـــــعة وتـجلــة
الزغيــر بخـدمتــك يابوعلي يكـــبر
*
عمر فــتـرة وعليـنـة محـدد ومحدود
واذا گـرب محـــــرم وأنة مامــــوجود
الك وسط الگبر البـس وشاحي السود
إذا حل مــــوتي أشــد حـــزامي وتوزر
*
نولدت الخـدمـــــتـك حبـــك حـليب امي
واريـد بدفــــتـر الزهــــرة تقـــــــر اسمي
يـمن دربك نـــجاتي ومـــــنيـــتي وهمي
واضل راضــــي لجـل هل خدمة واتبشر
***
الشاعر: حسن جميل الشبلاوي

يعذرني الفاگد أمه خوف هيجت مواجعة

بين الگـبـور دافن احبـاب
شمعة البيت طمها التراب
يومة بعد ماينشف دمعنة يومة راحت وياچ المحنة
***

عطر شـيـــلتها چنة انشــمة وانام
امنةواشـــتاگينة آلهة وذيچ الايام
چانـت الحـنــية بيها مثل الاحـلام
اليفگد أمة يعـيش دنيا كلها أوهام

تطلع الروح وكـت الغروب
چادر احزان بينة منصوب
يمة حيل بجفاچ انكسرنة يومة راحت وياچ المحنة
***

آمي شمــــعة وبـيتــنة يشــع بضواها
استعجل الموت النسة روحي وخذاها
صعـبة اعيشن والحزن هدني بجـفاها
كل صبــح من تگعد امي اشتم هواها

غربة وجروح تفجع الحال
اليومة يـومة يمي تنــگال
يومة مابعد يهجع ألمنة يومة راحت وياچ المحنة
***

صـعـــبــة من دونچ تـمــــر كل اليالي
يومة من غبتي انجرح فكري وخيالي
ودمعـت عيوني البقــــت بألـهم تلالي
يالحــبـــيبة شلــــون اذا مــحد بِقالي

صــورة بالدار يـــمي ذكرة
گلبي مشتاگ بيش اصبرة
يومة والهجر لامارحمنة يومة راحت وياچ المحنة
****

يــومـة وحـشــة الدنية بعيوني وحزينة
يالحنيـــــنة ودم عـــلئ گــــبرچ بچـينة
الچ جـــــية لو بـــــعد لامـاتــــــجــــينة
يـومة بـــعدچ يابــــشر ينشـــــد عليـنة

صعبة والشوگ يذبح الروح
حگـها الايـــتام لمن تـــنوح
يومة يابشر يحمل حزنة يومة راحت وياچ المحنة
**

الشاعر حسن جميل الشبلاوي

شور

حُسين يا حبيبي يا حبيبي

العُمر يُمضي وأجـــــيتَك لاترجـــعني
أنة الماباچي إلك والدَمٓــــعـة تٍرزقني
اخاف منل الزچـية هـّنـاكَة تِــنـشدني
خِلص عُمرك مَتاها وماخٍــدمت أبْـني
حُسين يا حبيبي يا حبيبي

أنة الغــــرتني دنيا وجٍـــيتـك أتوسـَل
جـبت دمعة يــتامَة وحـيرة فوگ التَل
عطش بعـيـٕوني شِلـتة وناگة عل هٍزَل
وإذا ذلة اعـلة بابَك أرضــــة بيها انذَل
حُسين يا حبيبي يا حبيبي


هَواجـــس فكـري يـَـمــك تبقى تاخذني
چــــنـت ضـايع يَريت بخــيمتـــك لمني
واذا باچــر مــٍتـت يابو علي إحـضـرني
الگبر اضــلم واخاف الوحشَــة تاخذني
حُسين يا حبيبي يا حبيبي


شـــفــت صح اليَخـــدمك يرتفــع قـَدرة
وحنيــن أنت وتحّــــب الوادم الفُقــــرة
إخـذني العـالمـك شّـوگ وعــلة الفـُطرة
وتخلـيني إعـلة جَرحك كل وكــِت اقرَة
حُسين يا حبيبي ياحبيبي

أنة الماعــنـدة مٍثـــــــلـك واحد يحــــبـَة
حـبــــــيبي انت ألضـٍـــعــــت دلاني دربَة
ردت مثــــلك بــَـشــــر يــنــــطـيني گلبَة
عفـــت غــيري وصٍــرت گلبي انت نبّضة
حُسين يا حبيبي ياحبيبي



الشاعر : حسن جميل الشبلاوي

النص

المستهل

اه يالمگـبرة الماخلت احباب
الچانوا بالگلب ناموا بالتراب
راحوا من ادينة دفنـاهم واجينة
**
الچانوا بوسط الگلب هسة الگبر ضمهم
اعــــزاز ومن مشــــوا مارد خبــر منهم
غربة كلشــــي صرت احسن من بعدهم
وراحــت ايام الگضــت وية النـحبـــهم
فوگ الوجنة خضر دمع العيون
وأنة ادري المشـــوا لا مايردون
ولا ينــفع بچينة دفناهم واجينة
***
متــاني ملك المـــوت ياساعة يجـيني
لان دافــن بالگــبر شـــوگي وحنـــيني
مـفارگ ومن الدمــع ماتــكــفي عــيني
وضـاعــت وية احبابي ايامي وسنيني
يجـرحني الهـوة اتنفسة شلون
وآلية بالگــبر چم غالي مدفون
أهل روح الحنينة دفناهم واجينة
***
يهدم الحيــل الفگد يصـــعب هـــجرهم
وذكـريات الضـــلـت گبــالي صــــــورهم
ادعــي ياربي المـــــشوا لــيـة تردهــــم
لو گــــبر ابنــي الي ودوم ابـــقة يمــهم
وياهم احـســـن راحــــت الروح
مو بس گلبي بيه كلشي مجروح
نـتذكر حچـــينة دفناهم واجينة
***
وحشـة ودروب المضـــلمة استوطنوها
العاشـوا بعـيني احـــس روحي خذوها
حلوة عشــرتنة بعجـل هسـاء جـــفوها
بالنـجف نامـوا ليــالي ألهــم نســـــوها
شلي بدنيــتي واحبـابي ابعــاد
وگفـتــــهم الي بالشـــدة تــنراد
بلا موعد بقينة دفناهم واجينة
****
الشاعر: حسن جميل الشبلاوي

ياحبيبي ياحسين

حسين أسمك نقش وبروحي خطيتة
يالمنــطيني كل شي وعــايــش ابيتة
صراحة ومن صـدگ بس انت حـبيتة
ويم بابك تفض وتخلص احزاني
ياحبيبي ياحسين


يواحــد من هلي وبـعد الاهل وأكـثر
زغيـر ومن اخــدمك ياحبـــيبي اكـبر
يخــير وجـسمك اعلة الغـــبرة يطشر
وموهينة علية وجرحك اذاني
ياحبيبي ياحسين


عرفـتك صـدگي يمـك كل جـــرح يبرة
لان كل اليــــحبـك حُبـه عل فــــطــرة
شفـــتــك صاحـــب ولـلوادم الفــقــرة
فضـل منــك اعـــيش واخـدمك اني
ياحبيبي ياحسين


حسين انت الحبيــب وية دمة تسري
وباچر شمعــة تضـوي وتــزهر بـگبري
چــبـير وللخـــدامة حزمـــــت ضهري
وابوي علــيك يامـــولاي وصـــاني
ياحبيبي ياحسين


الدنية بلا وجــودك كل شي ماتـسوئ
تهل وجنـاتي الك بــس چنهة ماتروئ
مـــثــلك مالگـــــيت ويابشـــر اهـوئ
بـس انـــت الحبـــــيب وماالك ثاني
ياحبيبي ياحسين



الشاعر : حسن جميل الشبلاوي