Oromia Development Association ODA

@odawmo

ODA/WMO

Oromia Development Association ODA (English)

Are you passionate about the development of Oromia? Do you want to be part of a community that is dedicated to making a positive impact in the region? Look no further than the Oromia Development Association (ODA) Telegram channel, also known as @odawmo. ODA is a non-profit organization that is committed to promoting the social, economic, and cultural development of Oromia, a region in Ethiopia with a rich history and vibrant culture. The association focuses on initiatives that empower the people of Oromia, create opportunities for growth and progress, and preserve the unique heritage of the region. By joining the ODA/WMO Telegram channel, you will have access to a wealth of information and resources related to development projects, community events, educational programs, and more. Stay updated on the latest news and updates from Oromia, learn about ways to get involved in meaningful initiatives, and connect with like-minded individuals who share your passion for making a difference. Whether you are a resident of Oromia, have roots in the region, or simply want to support the development efforts in this vibrant community, the Oromia Development Association channel is the perfect place for you. Join us today and be a part of a movement that is making a real impact in Oromia. Together, we can build a better future for all who call this region home.

Oromia Development Association ODA

27 Jan, 09:13

Amajjii 19/05/2017
Waldaan Misooma Oromiyaa Dhaabbilee idil Adunyaa UNICEF-KFW wajjiin gamtoomuun Godina Boranaa Aanaa Dirreefi Dubluqi keessatti hojii Barnootaafi Kunuunsa Daa'immanii irratti hojjachaa jira.
Sagantaa kanaanis Aanaalee caqasaman keessatti maatiif kunuunsitoota daa’immaniif deeggarsa re’oota 400 taasisee jira.
Daa’imman sababa hoongeetiin rakkoo adda addaatiif saaxilaman dandamachiisuuf re’oota dhaltuu 400 bituun maatii fi kunuunsitoota daa’immanii 200 ta’aniif gumaachee jira. Deeggarsi kun fedhii hawaasa naannichaa kan ta’ee fi daa’imman sababa harka qalleeyyummaatiin mana barumsaa hingalin, kan umrii isaanii malee loon namoota biro tiksanii fi rakkoo adda addaatiif saaxilamoo ta’an gara mana barumsaatti akka deebi’an kan gargaaruu fi itti fufiinsaan barnoota isaanii milkeessuuf kan oolu ta’uu isaa hawaasni naannichaa fi fayyadamtoonni dubbatani jiru.
Tokkummaan Misoomaaf!

939

Oromia Development Association ODA

27 Jan, 07:56

Beeksisa Gita Hojii Banaa!
(WMO-Amajjii 19/2017)
Waldaan Misooma Oromiyaa gita hojii banaa armaan gadii irratti dorgomsiisee qacaruu barbaada. Kanaafuu, ogeeyyiin ulaagaalee beeksifni kuni gaafatu guuttan dorgomuu kan dandeessan ta'uu isin beeksifna.
Tokkummaan Misoomaaf!

960

Oromia Development Association ODA

15 Jan, 15:39

Baga gammaddan! Baga gammanne 🎉

Manni barumsa bultii Addaa Waldaa Misoomiya Oromiyaa barattoota hunda gara yuniivarsititti waan dabarseef Dhaabbata ‘Ethiopian Students National Award’ irraa beekkamtii waan argatee jira. Uummanni Oromoofi deeggartoonni WMO bu'aan kun akka argamuuf yeroo hunda hojii eebbifamaa kana utubdan hundi baga gammaddan baga gammanne. Manni barumsaa keenya bara kanas akkuma baroota darbanii qabxii olaanaa galmeessinee uummata keenya boonsuuf halkanii guyyaa hojjechuun seenaa haaraa galmeessuf qophii cimaa gochaa jirra.
Tokkummaan Misoomaaf!

2,967

Oromia Development Association ODA

10 Jan, 13:14

Barattoonni mana barumsa Bultii Addaa WMO duraanii yeroo jalqabaaf ogummaa Hakiimaan (Medical Doctor) tiin yuunivarsiitii Hawwaasaa irraa eebbifaman walitti qabaa boordii WMO kab. obbo Abbaaduulaa Gammadaa waliin mari'atan.
Marii kana irrattis Obbo Abba Duulaa Gammadaa “Ifajjii fi turtii yeroo dheeraa booda beekumsa fi ogummaa argataniin tajaajilu akka qabaniif beekumsa fi hubannoo gahaadhaan yeroo fudhachuun waan baratani irraatti yaadanii ogummaa isaanii kana 'specialize' gochuun ogumma isaani gabbisanii hawaasa isaani tajaajilu akka qaban dhaamaniruuf.

Tokkummaan Misoomaaf!

3,666

Oromia Development Association ODA

08 Jan, 19:13

Beeksisa Gita Hojii Banaa!
(WMO-Muddee 30/2017)

Waldaan Misooma Oromiyaa gita hojii banaa armaan gadii irratti dorgomsiisee qacaruu barbaada. Kanaafuu, ogeeyyiin ulaagaalee beeksifni kuni gaafatu guuttan dorgomuu kan dandeessan ta'uu isin beeksifna.

Tokkummaan Misoomaaf!

2,547

Oromia Development Association ODA

01 Jan, 11:11

ODUU GADDAA
Barataa mana barumsa Bultii Addaa WMO kan ture ogeessi fayyaa Geetahuun Tashoomee balaa tasaan boqochuu isaatti gadda guddaatu nutti dhaga'ame.
Waaqayyo lubbuusaa haa boqochiisu, Maatiifi hiriyoota isaa hundaaf jajjabina hawwina.

4,633

Oromia Development Association ODA

23 Dec, 12:35

Beeksisa Gita Hojii Banaa!
(WMO-Muddee 14/2017)

Waldaan Misooma Oromiyaa gita hojii banaa armaan gadii irratti ogeeyyii dorgomsiisee qacaruu barbaada. Kanaafuu, ogeeyyiin ulaagaalee beeksifni kuni gaafatu guuttan dorgomuu kan dandeessan ta'uu isin beeksifna.

Tokkummaan Misoomaaf!

5,871

Oromia Development Association ODA

23 Dec, 12:33

3,846

Oromia Development Association ODA

11 Dec, 14:19

Leenjiin leenjistootaa piroojektii ODA-ADEY kennamaa jira.
(WMO-Muddee 2/2017)

Projektiin ODA-ADEY leenjii leenjistootaa mata duree funca sona qonnaa (kan kuduraalee, horsiisaa fi furdisa bushaa’ee, misooma dammaa, fi daldala oomisha qonnaa) irratti qindeessitoota pirojektii Aanaalee, Ogeessota Waajjiraalee qonnaa fi Carraa Hojii Uumuu Aanalee irraa dhufaniif magaalaa Adaamaatti kennamaa jira. Xumura leenjii kanaa boodas leenjiin kun kallattiin gadi bu’ee sadarkaa Aanaatti fayyadamtoota dargaggootaa gurma’anii hojii eegalanii jiran 8,445’f kan kennamu ta’a.

Tokkummaan Misoomaaf!

3,501

Oromia Development Association ODA

08 Dec, 16:30

Daawwannaa ijaarsa manneen barnootaa.
(WMO-Sadaasa 29/2017)

Miseensoonni managimentii Waldaa Misooma Oromiyaa godina Boorana bahaa aanaa Libanitti argamuun ijaarsa manneen barnootaa dhaabbata ijaarsa waldaatiin ijaaramanii xummuraman daawwatan.
Manneen barnootaa kun yeroo qabameef keessatti saffisaafi qulqullinaan ijaaramanii kan xummuraman yoo ta'an, waldaan hojii gama ijaarsaatiin hojjechaa jiru irratti gahumsaafi dandeettii olaanaan hojjechaa kan jiru ta'uu hojiin kun agarsiistuu guddaadha.

Tokkummaan Misoomaaf!

732

Oromia Development Association ODA

06 Dec, 17:21

Leenjiin Waldaan Misooma Oromiyaa Barsiisota manneen barnootaa bultii Addaaf kennaa ture xumurame.(WMO _Sadaasa 27/2017)

Leenjiin hubannoo uumuu sadaasa 26_27/2017tti guyyoottan lamaaf waldaan Misooma Oromiyaa manneen barnootaa bultii addaa WMO damee Adaamaafi Bishooftuuf mata duree Gaggeessummaafi Waliin hojjechuu jedhu irratti kennaa ture har'a goolabame.Dabalataanis miseensa boordii WMOfi Pirezidaantii Yunivarsiitii Metropolitaan Kotabee kan ta'an Dr.Birhaanemasqal Xannaa mata (The principal factors affecting students' academic performance) jedhu irratti leenjii kennuun beekumsa tarsiimowwan garaa garaa qabxiin barattootaa itti fooya'uu danda'u Barsiisota hidhachiisaniiru.
Xumura irratti Walitti qabaa boordii WMOfi abbaan mul'ataa mana barumsaa bultii addaa kabajamoo obbo Abbaa Duulaa Gammadaa bakka leenjiitti argamuun haasaa cufiinsaa taasisaniin qabxii barattoota hanga ammaatti galmaa'ef beekamtii kennuun,Mul'ata gama barnootaan ka'ame bira gahuuf hojiin baay'een akka dhimmamtoota barnootaa eeggatu akeekaniiru.

Tokkummaan Misoomaaf!

623

Oromia Development Association ODA

05 Dec, 13:30

Leenjiin hojjettoota fi qooda fudhattoota pirojeektii ODA-IOD aanaa Ambootiif kennamu eegalame.
(WMO-Sadaasa 26/2017)

Leenjiin mata duree "Child Protection and Case Management based on national CP case management framework, alternative care & MHPSS" irratti qindeessitoota Pirojeektii sadarkaa aanaa fi godinaa, hojjettoota hawaasaafi qooda fudhattoota waajjira barnootaa, Fayyaa fi gurmaa'insa/WDuDa aanaa Amboo tiif guyyoota sadiif kennamu guyyaa har'aa eegalameera.
Leenjii kana irratti akkaataa daa'imman baraaramtoota itti gargaaruu dànda'an, case management service akkasumas eegumsa daa'immaniif bàrbaachisan, currisa daa'immanii adda baafachuuf dandamachiisuuf maloota gargaaran irratti hubannoo gahaan kan kennamudha.

Tokkummaan Misoomaaf!

1,012

Oromia Development Association ODA

30 Nov, 18:44

“Dhaloota boru biyya dhaalu barumsa idileen maddiitti naamusaafi Jaalala biyyaa akka goonfatuuf hojiin hojjetamu daran cimuu qaba.” Kabajamoo obbo Abbaaduulaa Gammadaa
(WMO-Sadaasa 21/2017)

Barattoonni mana barumsa Bultii Addaa WMO leenjii jabeenya qaamaa, naamusaafi jaalala biyyaa mooraa humna qilleensa Itoophiyaatti fudhachaa turan sirna ho'aan eebbifamaniiru.
Sagantaa kana irratti keessummaa kabajaa ta'uun kan argaman walitti qabaan boordii WMO kab. obbo Abbaaduulaa Gammadaa, Dhaloota boru biyya dhaalu barumsa idileen maddiitti naamusaafi Jaalala biyyaa akka goonfatuuf hojiin hojjetamu daran cimuu qaba.”jechuun ergaa dabarsaniiru.
Daarikteerri olaanaan WMO obbo Dajanee Itichaa gama isaaniin barattoonni WMO addunyaa irratti dorgomoo ta'aa jiraachuu yaadachiisuun, leenjiin kun egeree barattoota keenyaaf rakkoolee isaan muudatan furuuf gahee guddaa akka qabu eeruun eebbifamtootaan baga gammaddan jedhaniiru.
Dhumarrattis milkaa'ina sagantaa kanaaf qaamolee gumaacha taasisan Raayyaa Ittisa Biyyaa fi Humna Qilleensaa Itoophiyaatiif akkasumas qooda fudhattoota maraaf galata galchaniiru.

Tokkummaan Misoomaaf!

575

Oromia Development Association ODA

16 Nov, 10:55

ODA SCI CDA ECDEiE project Model classroom East Bale Ginnir, Arda Tare!

426

Oromia Development Association ODA

16 Nov, 04:31

Gamaggamni raawwii hojii piroojektii ALC gaggeeffame.
(WMO-Sadaasa 7/2017)

Gamaaggamni raawwii hojii piroojektii ALC bakka manaajarri piroojektichaa, hooggansi aanaafi qooda fudhattoonni garagaraa argamanitti gaggeeffame.
Waltajjii kana irratti gabaasni hojii piroojektii hanga ammaatti hojjetame qindeessitoota piroojektichaatiin erga dhiyaatee booda hirmaattota waliin mariin bal'aa kan taasifame yoo ta'u, hirmaattonnis, ''Fayyadamummaa ummata keenyaa mirkaneessuuf qooda fudhattoonni hundi waliin hojjechuu qabna,'' jechuun yaada kennaniiru.
Xumura irrattis hojiiwwan akka muuxannootti babal'achuu qaban adda baasuu, qindeessuu fi babal’isuun caalmaatti hawaasichi akka fayyadamuuf hojjechuun murteessaa akka ta'es irratti waliif galuun waltajjichi xumurameera.

Tokkummaan Misoomaaf!

702

Oromia Development Association ODA

12 Nov, 12:25

Beeksisa Gita Hojii Banaa!
(WMO-Sadaasa 3/2017)

Waldaan Misooma Oromiyaa gita hojii banaa manneen barnoota Bultii Addaa WMO damee Adaamaafi Bishooftuu irratti barsiisota dorgomsiisee qacaruu barbaada. Kanaafuu, barsiisonni ulaagaalee beeksifni kuni gaafatu guuttan dorgomuu kan dandeessan ta'uu isin beeksifna.

Tokkummaan Misoomaaf!

1,968

Oromia Development Association ODA

11 Nov, 18:47

Waltajjjiin gamaggama raawwii hojii bara 2016 fi kurmana 1ffaa 2017 piroojektii dhabamsiisa Dhibee Daranyoo Sombaa (ETB) gaggeeffamaa jira.
(WMO-Sadaasa 2/2017)

Waltajjiin gamaggama raawwii hojii piroojektii dhabamsiisa Dhibee Daranyoo Sombaa (ETB) bara 2016 fi kurmaana 1ffaa bara 2017 bakka qooda fudhattoonni garagaraa argamanitti gaggeeffamaa jira.
Waltajjii kanarratti gabaasni raawwii hojjettoota Ekisteenshinii fayyaa, ogeeyyii buufata fayyaafi qindeessitoota piroojektii dhiyaachuun ciminootaafi hanqinoota turan gamaggamuun kallattii gara fuulduraa kaa'uudha.
Piroojektiin kun piroojektoota fayyaa Waldaan Misooma Oromiyaa xiyyeeffanoon hojjetu keessaa tokko yoo ta'u, yeroo ammaa godina Arsiifi Shawaa Kibba Lixaatti aanaalee 20 keessatti dhibee daranyoo sombaa dhabamsiisuu irratti kan hojjetudha.

Tokkummaan Misoomaaf!

389

Oromia Development Association ODA

11 Nov, 13:57

Waldaan Misooma Oromiyaa gamaggama raawwii hojii kurmaana 1ffaa bara 2017 gaggeesse.
(WMO-Sadaasa 2/2017)

Waldaan Misooma Oromiyaa gamaggama raawwii hojii kurmaana 1ffaa bara 2017 itti gaafatamtoota WMO damee godinaa waliin magaalaa Bishooftuutti gaggeesse.
Waltajjii kanarratti gabaasni kurmaanaa I/G Qajeelcha Karoora, Hordoffiif deeggarsaa Obbo Abdullaziiz Ahmadnuriin dhiyaatee mariin bal'aan irratti taasifameera. Xummura waltajjii kanaarratti daarikteerri olaanaan WMO obbo Dajanee Itichaa ergaa dabarsaniin, hojiin kurmaana 1ffaa gaarii ta'uu ibsuun, kurmaana itti aanutti kana caalaa cimsuun kaayyoo WMO galmaan gahuuf tumsi qaamolee hundaa barbaachisaa ta'uu eeraniiru.
Dhumarrattis hirmaattonni waltajjii kanaa barattoota mana barumsa Bultii Addaa WMO leenjii gabaabaa jabeenya qaamaa, fayyaa fi jaalala biyyaa irratti xiyyeeffatu mooraa Humna Qilleensa Itoophiyaatti fudhachaa jiran daawwataniiru.

Tokkummaan Misoomaaf!

828

Oromia Development Association ODA

07 Nov, 10:41

Waamicha Barattootaa!
(WMO-Onkoloolessa 28/2017)

Barattoonni bara 2016 Mana Barumsaa Bultii Addaa WMOtti kutaa 12ffaa xumurtan hundi gaafa 01/03/2017 sagantaa eebba keessaniirratti Galma Abbaa Gadaatti ganama sa’aatii 1:30tti maatii keessan wajjin akka argamtan manni barumsichaa isin beeksisa. Barattoonni hundinuu yoo dandeessan gaafa 30/02/2017 (Sanbata Xiqqaa) gawaanii akka fudhattan isin yaadachiifna.

2,808

Oromia Development Association ODA

07 Nov, 06:38

Godina Bale Bahaa Magaalaa Gindhiiritti leenjiin CPB guyyoota 5f kennamu(Nov. 7-11tti kennamu bakka Maanajarri Pirojektii ECDEiE WMO Obbo Biraanuu Fayyisaa fi Hogganas Waajjira barnootaa Godina Baalee Bahaa Obbo Saamsoon Abbaa argamanitti haasaa saaqumsaatiin gaafa guyyaa 07/11/2024 eegalamee Jira.

824

Oromia Development Association ODA

07 Nov, 06:37

Guyyaa 28/2/2017
Leenjii CPB phase 2 guyyaa shaniif turu Haasaan Baniinsaa Hogganaa WMO Damee Godina Gujii lixaa Obbo Baallii Baqataafi Qindeessaa Piroojektii sadarkaa Godinaa Darg.Habtaamuu Argoon Kallattiin kaa'amee jira.

1,041

Oromia Development Association ODA

27 Oct, 16:50

Leenjiin waliigalaa sirna barsiisuu tapha irratti hundaa'e (Comprehensive play-based) godina Gujii Lixaa magaalaa Bulee Horaatti kennamaa jira.
(WMO-Onkoloolessa 17/2017)
Waldaan Misooma Oromiyaa sagantaa piroojektii barnootaafi misooma daa'immanii hojjechaa jiru cimsuuf leenjii waliigalaa sirna barsiisuu tapha irratti hundaa'e (Comprehensive play based) dura bu'ootaafi ogeessota waajjira barnootaa aanaalee shan godina Gujii Lixaatiif magaalaa Bulee Horaatti kennaa jira. Leenjiin kun Onkoloolessa 14-18 /2017 tti kan kennamu yoo ta'u, leenjicharratti dura bu'ootaafi ogeeyyiin 98 hirmaachaa jiru.
Leenjiin kun guyyoota afran darban haala gaariin kennamaa kan ture yoo ta'u, guyyaa boruu ni goolabama.

Tokkummaan Misoomaaf!

3,162

Oromia Development Association ODA

26 Oct, 06:45

Waldaan Misooma Oromiyaa damee godina Harargee lixaa aanaa Odaa Bultum barattoota manneen barnoota Gubbaa Guutuu fi Burqaa Beekumsaaf meeshaalee barnootaa barruuleefi kobbee gumaacheera.

Tokkummaan Misoomaaf!

1,728

Oromia Development Association ODA

22 Oct, 13:15

Waldaan Misooma Oromiyaa barattoota barnoota Saffisaa barachaa turan 1557 Ebisiise.
(WMO- Onkololeessa 12, 2017)

Waldaan Misooma Oromiyaa barattoota barnoota saffisaa barachaa turan umuriin isaanii 9-14 ta’an kan kanaan dura sababa adda addaatiin mana barumsaa galanii hinbeekne 1,557 (Dub:780 Dhi: 767) godina Booranaa aanaalee Dirree fi Dubulluq keessatti barsiisee xumura gulantaa 2ffaa irratti eebbisiise. Barattoonni kun barnoota idilee kutaa 3ffaatti kan makaman yoota’u, bakka hooggantoonni waajjira barnootaa godina Booranaa fi aanaalee lamaanii argamanitti walharkaa fuudhinsi taasifamee jira.

Tokkummaan Misoomaaf!

841