https://youtu.be/UY0MKiJz57g?si=ec0xf9kI2YZ0VJRZ
قناة الشاعر عبد الكريم القصاب
@o1uuu
شعر شعبي
خاص للشاعر
عبد الكريم
القصاب
حضوركم يشرفناء
قناة الشاعر عبد الكريم القصاب (Arabic)
قناة الشاعر عبد الكريم القصاب هي قناة تهتم بالشعر الشعبي وتعتبر مكاناً خاصاً للشاعر عبد الكريم القصاب. يمكنكم الاستمتاع بقصائده الرائعة والمميزة التي تعبر عن مشاعر عميقة وتحكي قصصاً مثيرة. قناتنا تتميز بالحضور الراقي والمحترم، فحضوركم يشرفنا ويضيف إلى تجربة الاستمتاع بالشعر الشعبي. سارعوا بالانضمام إلى قناة الشاعر عبد الكريم القصاب لتستمتعوا بأجمل الكلمات والأبيات التي تنقلكم إلى عالم من المشاعر والجمال.
قناة الشاعر عبد الكريم القصاب
27 Jan, 08:05
** شباج الخمر **
عوّدتني آتنفّسك وآخدر فراشه ،
وآغفه وثيابي عطر .
عوّدتني ،
تغسل بصوتك وجه صبحي ...
وآفز ريّان والبسمه فجر .
عوّدتني وغبت كَمره ،
وطحت من اِيدك شذر .
مدري يا واهس خذاك وفاركَتني .
ولسّه آكَلّك ليش هيجي ،
ولسّه ما سامع عذر .
يا ملذتك ،
يا نسيم كَرنفلك ...
والمالحات آمن السوالف ...
والعيون اليبجن آمن الشوك ...
ويصلّي الشعر .
لسّه من دمعك شذر حار آعلى جفّي ،
ومن نبض كَلبك على كَلبي سطر .
ولسّه آكَلّك ليش هيجي ،
ولسّه ما سامع عذر .
جنت من أكَعد بعد شبرين منك ،
تجيسني الظلمه وأخاف .
تجيسني الظلمه وآضم روحي بكّذلتك ،
وآلبد كَلادة شذر .
كَلبي يبرد ،
وتطلع الرجفه آمن آصابيعي ...
وجيس براحتي خيوط الحرير ...
وتشتعل كل المري بروحي ...
وآنام آمن السكر ،
وجان كل مرّه يذب روحه عليّه ...
يطيح خدران الخصر .
ومدري يا واهس خذاك وفاركَتني .
ولسّه ما سامع عذر .
طالت الصفنه وطفيت ،
وما صفن كَلبك وجابك شوك ...
لا جابك نذر .
ولسّه آكَلّك ليش هيجي
ليش عالما ينشبع منّه ...
ورهم كلّه آعلى كَلبي ، عودتني ؟
كون من أول بوجهي ....
ساد شباج الخمر .
كون وآنت هلال ...
داير وجهك الشفاف ،
مو وآنت بدر .
كون ما بايكَني مني ، جا مشيت ،
وجان كَبلك أعتذر .
وكون كون ،
ولسّه آكَلّك ليش غايب .
ولسّه ما سامع عذر .
#عيدالكريم_القصاب
عوّدتني آتنفّسك وآخدر فراشه ،
وآغفه وثيابي عطر .
عوّدتني ،
تغسل بصوتك وجه صبحي ...
وآفز ريّان والبسمه فجر .
عوّدتني وغبت كَمره ،
وطحت من اِيدك شذر .
مدري يا واهس خذاك وفاركَتني .
ولسّه آكَلّك ليش هيجي ،
ولسّه ما سامع عذر .
يا ملذتك ،
يا نسيم كَرنفلك ...
والمالحات آمن السوالف ...
والعيون اليبجن آمن الشوك ...
ويصلّي الشعر .
لسّه من دمعك شذر حار آعلى جفّي ،
ومن نبض كَلبك على كَلبي سطر .
ولسّه آكَلّك ليش هيجي ،
ولسّه ما سامع عذر .
جنت من أكَعد بعد شبرين منك ،
تجيسني الظلمه وأخاف .
تجيسني الظلمه وآضم روحي بكّذلتك ،
وآلبد كَلادة شذر .
كَلبي يبرد ،
وتطلع الرجفه آمن آصابيعي ...
وجيس براحتي خيوط الحرير ...
وتشتعل كل المري بروحي ...
وآنام آمن السكر ،
وجان كل مرّه يذب روحه عليّه ...
يطيح خدران الخصر .
ومدري يا واهس خذاك وفاركَتني .
ولسّه ما سامع عذر .
طالت الصفنه وطفيت ،
وما صفن كَلبك وجابك شوك ...
لا جابك نذر .
ولسّه آكَلّك ليش هيجي
ليش عالما ينشبع منّه ...
ورهم كلّه آعلى كَلبي ، عودتني ؟
كون من أول بوجهي ....
ساد شباج الخمر .
كون وآنت هلال ...
داير وجهك الشفاف ،
مو وآنت بدر .
كون ما بايكَني مني ، جا مشيت ،
وجان كَبلك أعتذر .
وكون كون ،
ولسّه آكَلّك ليش غايب .
ولسّه ما سامع عذر .
#عيدالكريم_القصاب
قناة الشاعر عبد الكريم القصاب
17 Dec, 14:47
.............. عزفٌ على قلبٍ منفرد .................
في وحشةِ الليل واليأسِ الذي فتكا
................ صَـــــبٌ تذكّــــر احبابــاً لــه فبكى
يشكو الى النجم اوجـاعاً تــؤرقـه
................ والمرءُ إن مسّه جمــرُ الفراق شـكا
بين الجوانح ــ والاهـاتُ شاهـــدةٌ ــ
............... قلبٌ ترى فيه للا حـــزان مــــعتركا
تباً لدهرٍٍ ، هـوى الشيطانِ معدنـُــه
.................. لكنّ ظاهــــرَه يبــــدو لنا ملَـــــكا
بيضٌ حبائلُـــه ،ســـودٌ شمائلُــــــه
.................. مباعـــدٌ عَنوةً مـــــاكان مشــتركا
مـفـرّقُ الجـمعِ ، اخّــــاذٌ لفــرحتهم
.................. غيــر الفجيعـة للاحــباب مــاتركا
اين الاحبةُ من سمعي ومن بصري ؟
................ وا حرّ قلباه ،كلٌّ غــابَ او هــــــلكا
واين تلك الليالي البيض ؟اين مضت ؟
................ اين النجوم التي كانت لنا فـلَــــــــكا ؟
اين الوئام ؟وذاك الانس اين مـضى ؟
................. ايَّ الدروب هلالُ الانس قد ســـلكا ؟
كـنّـا تـرانيمَ انـفاسٍ على وتـــــــــــرٍٍ
.................. من فوقنا قمــرٌ ،من نشـوةٍ ضـحِكا
آهٍ مـــن الدهــر ، كم ازرى بإفئــــدة !
.................. أمــــامَ كلّ رفيفٍ ناصــبٌ شـــركا
كم كوكـــبٍ في ســــماء الروح اطفأه
................... كم حرمــــةٍ لكـرامٍ ، ســادةٍ هتـكا !
كم مـــن دموعٍ كماءِ العطرِ قد سُفِحت
.................... كم من دمٍٍ طاهرٍ فوق الثرى سُفكا
فلذاتُ اكبادنــــــــــــا ، ابناءُ جلْــــدتنا
....................اصحابنا في الدنى ، قلبي وما ملكا !
بانوا وبان الشذا عن روضــــةٍ فذوت
................... كانت وروداً فصـارت بعدها حَسَـكا
مِــنْ اين آتـي بهم والمـــــوتُ آخـذهم
.................. والبينُ ابـعـدهـم ،والجــسمُ قـد نُـهِـكا ؟
جلسـتُ عـــــــوداً بعمق الليل مـنـفـرداً
.................... وصــرتُ في قعره اقصاهـــمُ دركا
أرَدتُ استحضرُ الارواحَ مـــــــن وتــرٍٍ
..................... فما دنـا شـــــبحٌ مـني ولا مَسَــــكا
#عبدالكريم_ألقصاب
في وحشةِ الليل واليأسِ الذي فتكا
................ صَـــــبٌ تذكّــــر احبابــاً لــه فبكى
يشكو الى النجم اوجـاعاً تــؤرقـه
................ والمرءُ إن مسّه جمــرُ الفراق شـكا
بين الجوانح ــ والاهـاتُ شاهـــدةٌ ــ
............... قلبٌ ترى فيه للا حـــزان مــــعتركا
تباً لدهرٍٍ ، هـوى الشيطانِ معدنـُــه
.................. لكنّ ظاهــــرَه يبــــدو لنا ملَـــــكا
بيضٌ حبائلُـــه ،ســـودٌ شمائلُــــــه
.................. مباعـــدٌ عَنوةً مـــــاكان مشــتركا
مـفـرّقُ الجـمعِ ، اخّــــاذٌ لفــرحتهم
.................. غيــر الفجيعـة للاحــباب مــاتركا
اين الاحبةُ من سمعي ومن بصري ؟
................ وا حرّ قلباه ،كلٌّ غــابَ او هــــــلكا
واين تلك الليالي البيض ؟اين مضت ؟
................ اين النجوم التي كانت لنا فـلَــــــــكا ؟
اين الوئام ؟وذاك الانس اين مـضى ؟
................. ايَّ الدروب هلالُ الانس قد ســـلكا ؟
كـنّـا تـرانيمَ انـفاسٍ على وتـــــــــــرٍٍ
.................. من فوقنا قمــرٌ ،من نشـوةٍ ضـحِكا
آهٍ مـــن الدهــر ، كم ازرى بإفئــــدة !
.................. أمــــامَ كلّ رفيفٍ ناصــبٌ شـــركا
كم كوكـــبٍ في ســــماء الروح اطفأه
................... كم حرمــــةٍ لكـرامٍ ، ســادةٍ هتـكا !
كم مـــن دموعٍ كماءِ العطرِ قد سُفِحت
.................... كم من دمٍٍ طاهرٍ فوق الثرى سُفكا
فلذاتُ اكبادنــــــــــــا ، ابناءُ جلْــــدتنا
....................اصحابنا في الدنى ، قلبي وما ملكا !
بانوا وبان الشذا عن روضــــةٍ فذوت
................... كانت وروداً فصـارت بعدها حَسَـكا
مِــنْ اين آتـي بهم والمـــــوتُ آخـذهم
.................. والبينُ ابـعـدهـم ،والجــسمُ قـد نُـهِـكا ؟
جلسـتُ عـــــــوداً بعمق الليل مـنـفـرداً
.................... وصــرتُ في قعره اقصاهـــمُ دركا
أرَدتُ استحضرُ الارواحَ مـــــــن وتــرٍٍ
..................... فما دنـا شـــــبحٌ مـني ولا مَسَــــكا
#عبدالكريم_ألقصاب
قناة الشاعر عبد الكريم القصاب
22 Mar, 23:57
.............. طقوس الضمير .............
أشهد أنّ الله أكبر .
اِي نعم ، الله جبير ,
مو لأن بروحه مطلق ،
بس لأن ذاته حرير ،
الحرير المالي دنيا وغير مرئي ....
وما كو مثله ولا يصير .
أشهد آنّ الله عاشك .
الله فيض آمن المحبه والسلام .
يحزن آمن يشوف دمعه ....
وينشرح بالأبتسام .
يفرح آمن يشوف ورده ....
ويغضب آمن يشوف دم .
أشهد آنّ الله واحد ،
وآشهد آنّ الدين مفتاحه الضمير .
بعض من ألله بدواخلنا يسمونه ضمير .
اليطفي بداخله نور المحبه ،
يعني طفّه شمعه لله .
ويا ما ياما شموع بسم الله آنطفن ....
من ماي بير
من مسلّات الكهوف .....
الضّامّه الله آعلى الفقير .
وهذا واقع .
ولم يزل بالذاكره .......
تاريخ من طبع الأصابع ،
هذا واقع ما يغطونه بحصير .
فرق ما بين السراديب القديمة والضمير .
أشهد آنّ الدين عند الله الضمير .
مو طقوس البيها آوكَف حائط آطرش .
الدين من أقطع صلاتي .....
وفك بابي للفقير .
الدين من أقطع صلاتي ....
وأمسك بأيد الضرير .
الدين من أقطع صلاتي ....
حتى آطفي لي حريق ،
حتى لو جان بحظيره .
المهم أنقذلي روح .
الدين من أسكَي العطاشى ، وانا منهم ،
لكن آشرب بالأخير ،
من أروّي البلبل الظامي ...
و أفك باب القفص حتى يطير .
أشهد آنّ الله في ذاته جميل .
كل سحر بالدنيا من ألله آلتفاته .
ليش نحجب وجه ألله آمن الحياة ؟
والجمال الخالقه بدقة ومساماته العبير ؟
الدين عالفطره نمير .
والله ما يخدش الخاطر ،
لا يلبسك ثوب غيرك ،
لا يأمرك صدى تصبح للأمير .
مثلما تشتهي صير .
المهم عاشك تظل ،، عاشك نبيل .
عاشك ، بروحك جميل .
بغير شك ألله جميل ،
الله شفّاف وسمير ،
والعشك للروح مرجوحة حرير .
#عبدالكريم_ألقصاب
أشهد أنّ الله أكبر .
اِي نعم ، الله جبير ,
مو لأن بروحه مطلق ،
بس لأن ذاته حرير ،
الحرير المالي دنيا وغير مرئي ....
وما كو مثله ولا يصير .
أشهد آنّ الله عاشك .
الله فيض آمن المحبه والسلام .
يحزن آمن يشوف دمعه ....
وينشرح بالأبتسام .
يفرح آمن يشوف ورده ....
ويغضب آمن يشوف دم .
أشهد آنّ الله واحد ،
وآشهد آنّ الدين مفتاحه الضمير .
بعض من ألله بدواخلنا يسمونه ضمير .
اليطفي بداخله نور المحبه ،
يعني طفّه شمعه لله .
ويا ما ياما شموع بسم الله آنطفن ....
من ماي بير
من مسلّات الكهوف .....
الضّامّه الله آعلى الفقير .
وهذا واقع .
ولم يزل بالذاكره .......
تاريخ من طبع الأصابع ،
هذا واقع ما يغطونه بحصير .
فرق ما بين السراديب القديمة والضمير .
أشهد آنّ الدين عند الله الضمير .
مو طقوس البيها آوكَف حائط آطرش .
الدين من أقطع صلاتي .....
وفك بابي للفقير .
الدين من أقطع صلاتي ....
وأمسك بأيد الضرير .
الدين من أقطع صلاتي ....
حتى آطفي لي حريق ،
حتى لو جان بحظيره .
المهم أنقذلي روح .
الدين من أسكَي العطاشى ، وانا منهم ،
لكن آشرب بالأخير ،
من أروّي البلبل الظامي ...
و أفك باب القفص حتى يطير .
أشهد آنّ الله في ذاته جميل .
كل سحر بالدنيا من ألله آلتفاته .
ليش نحجب وجه ألله آمن الحياة ؟
والجمال الخالقه بدقة ومساماته العبير ؟
الدين عالفطره نمير .
والله ما يخدش الخاطر ،
لا يلبسك ثوب غيرك ،
لا يأمرك صدى تصبح للأمير .
مثلما تشتهي صير .
المهم عاشك تظل ،، عاشك نبيل .
عاشك ، بروحك جميل .
بغير شك ألله جميل ،
الله شفّاف وسمير ،
والعشك للروح مرجوحة حرير .
#عبدالكريم_ألقصاب
قناة الشاعر عبد الكريم القصاب
18 Feb, 13:46
......... ليلة شذر .........
واهس وليله مزركشه ،
والشذر رصّع عيني .
ليلة شذر معلوك وبرودة هوه ..
ونسيانك مدفيني .
ليلة الما بيها جرس ...
دخان ما مش بيها ...
ولا خنكَه التبجّيني .
لو هيجي لو مو ليله .
شلّي بمناديل الدمع ؟
شلّي بأصابع ما يوجّن لي شمع ؟
شذره على فراش الدفو ...
ونجمه بسما تكفيني .
يا فرحتي ، ولا طاري منك .....
جاس كَلبي الليله .
أفّيش ، كلّش ريّعت .
الليله جم شباج عالجنه آنفتح ،
وكَلبي بمراجيح الله شابع نوم ...
والله براحتي مخليني .
اشكَد ورد يتعطر بروحي غنج ...
وآمنعّس يشهّيني
اشكَد فراش يحط عليْ ...
ويشمني ويغطيني
كلها وتريد آتذكّرك ،
وآتزاعل آنا وألله ،
وآنكر البينه وبيني !!
لا بويه شموازيني .
#عبدالكريم_ألقصاب
واهس وليله مزركشه ،
والشذر رصّع عيني .
ليلة شذر معلوك وبرودة هوه ..
ونسيانك مدفيني .
ليلة الما بيها جرس ...
دخان ما مش بيها ...
ولا خنكَه التبجّيني .
لو هيجي لو مو ليله .
شلّي بمناديل الدمع ؟
شلّي بأصابع ما يوجّن لي شمع ؟
شذره على فراش الدفو ...
ونجمه بسما تكفيني .
يا فرحتي ، ولا طاري منك .....
جاس كَلبي الليله .
أفّيش ، كلّش ريّعت .
الليله جم شباج عالجنه آنفتح ،
وكَلبي بمراجيح الله شابع نوم ...
والله براحتي مخليني .
اشكَد ورد يتعطر بروحي غنج ...
وآمنعّس يشهّيني
اشكَد فراش يحط عليْ ...
ويشمني ويغطيني
كلها وتريد آتذكّرك ،
وآتزاعل آنا وألله ،
وآنكر البينه وبيني !!
لا بويه شموازيني .
#عبدالكريم_ألقصاب
قناة الشاعر عبد الكريم القصاب
27 Jan, 11:49
............... راوي العود ............
يراوي العود ، يمعسّل ،
يمدري بيا وهج تضوي ،....
وعلى النسمه آيتماوج ضيّك مدلّل .
مذعوره النجوم ، تخاف لا تطفه ،..
تجي وتحط على عيونك ........
ذليله وبيك تتوسّل .
يهلبت جدحه من عينك .....
توج بكل نجم مشعل .
يكَمره وكل رمش شمعه ،
وضواها خصور تتفتّل ،
يمضوي وبس عليْ مطفي ،
شجاك وغمضن عيونك ؟ ...
ونا بسجّة عمى ماشي ،
مشي بضيجة نفس وبدوخة المغزل ،
وآريد آلكَاك ، ما أندل .
برد ليل الهوى الدافي .....
ونجمتي بغيمه تتعلّل .
وآنت ولا يحن كَلبك ولا تسأل .
شجاك ، آشميّلك عني ؟
جنت من الشعاع آعدل .
يشوك البارحه اليجوي ،،،،،،
البُرَد كلّش ، ولا يسأل ،
شجاك ؟ اشغيّر آطباعك ؟
ولا نشغة جروحي تفزز دموعك !،
ولا صفنه التكضّك فوك الوساده ، ...
وتشوف آغيار وجهي كَبالك وتخجل !
يهلبت تستحي وتسأل .
حزن بالروح .....
أغمك من صفنتي آعليك ،
وآطول من خلك ميّت ، ولا تسأل .
حزن .....
مالي عرف بيْه كَبل ماآشوفك ، يلمدلّل .
حزن ضحكه وحزن شهكَه ،
حزن مامـش وراه ملكَـه ،
حزن مديـوف بالحركَه ،...
ومثل لون الكحل دمي عليك ......
وجرحي مكحّل ،
وآنت ولا يحن كَلبك ، ولا تسأل .
يغاوي بيا عطور مطيّب زلوفك ،
ونا فوك الجمر للفاجعه مهدّل ؟
مكَطوعه الحراثي وشهكَتي تفرفح ،
مثل طيره ومِتربة شوف ، ماتندل ،
وآنت ولا أجي آببالك ، ولا تسأل .
يراوي هناك ومعسّل ،
عكَدتي مدوهنه ..........
وناكَوط صوتك موش يم الحل .
شجاك ؟ آشبرّد آنفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسأل .
يتالي المو على بالي ،
شحلاتك جنت بالأول !!
جنت معسول من ترضى ،
وجنت كلّش لذيذ أوياي من تزعل
يراوي العود ، يمعسّل ،
شحلاتك جنت بالاول ّ؟
يريت تعود للأول .
#عبدالكريم_ألقصاب
يراوي العود ، يمعسّل ،
يمدري بيا وهج تضوي ،....
وعلى النسمه آيتماوج ضيّك مدلّل .
مذعوره النجوم ، تخاف لا تطفه ،..
تجي وتحط على عيونك ........
ذليله وبيك تتوسّل .
يهلبت جدحه من عينك .....
توج بكل نجم مشعل .
يكَمره وكل رمش شمعه ،
وضواها خصور تتفتّل ،
يمضوي وبس عليْ مطفي ،
شجاك وغمضن عيونك ؟ ...
ونا بسجّة عمى ماشي ،
مشي بضيجة نفس وبدوخة المغزل ،
وآريد آلكَاك ، ما أندل .
برد ليل الهوى الدافي .....
ونجمتي بغيمه تتعلّل .
وآنت ولا يحن كَلبك ولا تسأل .
شجاك ، آشميّلك عني ؟
جنت من الشعاع آعدل .
يشوك البارحه اليجوي ،،،،،،
البُرَد كلّش ، ولا يسأل ،
شجاك ؟ اشغيّر آطباعك ؟
ولا نشغة جروحي تفزز دموعك !،
ولا صفنه التكضّك فوك الوساده ، ...
وتشوف آغيار وجهي كَبالك وتخجل !
يهلبت تستحي وتسأل .
حزن بالروح .....
أغمك من صفنتي آعليك ،
وآطول من خلك ميّت ، ولا تسأل .
حزن .....
مالي عرف بيْه كَبل ماآشوفك ، يلمدلّل .
حزن ضحكه وحزن شهكَه ،
حزن مامـش وراه ملكَـه ،
حزن مديـوف بالحركَه ،...
ومثل لون الكحل دمي عليك ......
وجرحي مكحّل ،
وآنت ولا يحن كَلبك ، ولا تسأل .
يغاوي بيا عطور مطيّب زلوفك ،
ونا فوك الجمر للفاجعه مهدّل ؟
مكَطوعه الحراثي وشهكَتي تفرفح ،
مثل طيره ومِتربة شوف ، ماتندل ،
وآنت ولا أجي آببالك ، ولا تسأل .
يراوي هناك ومعسّل ،
عكَدتي مدوهنه ..........
وناكَوط صوتك موش يم الحل .
شجاك ؟ آشبرّد آنفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسأل .
يتالي المو على بالي ،
شحلاتك جنت بالأول !!
جنت معسول من ترضى ،
وجنت كلّش لذيذ أوياي من تزعل
يراوي العود ، يمعسّل ،
شحلاتك جنت بالاول ّ؟
يريت تعود للأول .
#عبدالكريم_ألقصاب
قناة الشاعر عبد الكريم القصاب
24 Nov, 08:23
** خبيث******
أحن وأشتهي آخيالك ،
وآكَولن هلبت آمروّه ...
تحطّك عالدرب وتفوت .
أوصّي آعليك شباجي ...
يبشرني اِجه الياقوت .
وعلى عنادي ...
تمر من يمّي بالبسكوت ،
تلبد وره الناس الماشيه وتفوت ،
خاف يشوفك الشباج ويكَلّي .
ييابه ، شكَد خبيث آنت !!
#عبدالکریم_ألقصاب
أحن وأشتهي آخيالك ،
وآكَولن هلبت آمروّه ...
تحطّك عالدرب وتفوت .
أوصّي آعليك شباجي ...
يبشرني اِجه الياقوت .
وعلى عنادي ...
تمر من يمّي بالبسكوت ،
تلبد وره الناس الماشيه وتفوت ،
خاف يشوفك الشباج ويكَلّي .
ييابه ، شكَد خبيث آنت !!
#عبدالکریم_ألقصاب
قناة الشاعر عبد الكريم القصاب
06 Jul, 11:30
**** تغريدة ****
وجهي كَمره وعينك مرايه زغيره
بيها آشوفن نعمة الله ...
وآكَعد كَبالك أمير .
بين عيني وبين ماي مرايتك ...
كاس وقصيدة ...
وبسمه أعذب من عبير ...
وصوت اليْعلم البلابل ...
على التغريد الحرير ،
وانا آغرد كَبل تغريد البلابل ...
وآسكر بعينك وآكَلك لاتغمّض .
من تغمّض ياحبيبي ...
السكر من راسي يطير .
#عبدالکریم_ألقصاب
وجهي كَمره وعينك مرايه زغيره
بيها آشوفن نعمة الله ...
وآكَعد كَبالك أمير .
بين عيني وبين ماي مرايتك ...
كاس وقصيدة ...
وبسمه أعذب من عبير ...
وصوت اليْعلم البلابل ...
على التغريد الحرير ،
وانا آغرد كَبل تغريد البلابل ...
وآسكر بعينك وآكَلك لاتغمّض .
من تغمّض ياحبيبي ...
السكر من راسي يطير .
#عبدالکریم_ألقصاب
قناة الشاعر عبد الكريم القصاب
11 Jun, 19:04
https://youtu.be/z_mrfpsJMJk
أرجو الأشتراك بلقناة خاصة للمبدع محمد الأميري وشكرا لجميع
أرجو الأشتراك بلقناة خاصة للمبدع محمد الأميري وشكرا لجميع
قناة الشاعر عبد الكريم القصاب
25 May, 16:35
هيج ويسويها حضي ..!
هيج ومحنه اروح لعلي الشرجي
ورايتي منشوره ..
عبد الكريم القصاب
بصوت الحب محمد الاميري
هيج ومحنه اروح لعلي الشرجي
ورايتي منشوره ..
عبد الكريم القصاب
بصوت الحب محمد الاميري
2,497
subscribers
195
photos
24
videos
