Postagens do Canal تانية معهد تمريض Senior 2023🥼💙.

فيه كام شخص جزاهم الله خيرا
بيلمو تبرعات علشان يجمعو شنط رمضان
اللي حابب تبرع دا رقم الكاش
01021446181

يا جماعه في بنت يتيمه وكاتبه كتابها ولسه مخلصتش جهازها كله لو حد يقدر يساعدها ياريت ميتأخرش وجزاكم الله كل الخير يارب وموجود كل الأوراق اللي تثبت من شهادة وفاة الاب والقسيمه والبطاقه بتاعتها 🤍
#انا_وكافل_اليتيم_كهاتين في الجنه 🤍
#كاش 01010545602

عنوان المكان اللي هتعملوافيه التظلمات الورقي ( الادارة العامة لتمريض الرعاية الاساسية 3شارع مجلس الشعب وزارة الصحة والسكان دور 8 المبنى القديم ) . للاستفسار على تليفون 0227928961

🔘 تقدروا تدخلوا تعملوا تظلم دلوقتي

🔵 التظلمات مفتوحه لحد يوم 16/2/2025

من هنا

http://mhealthmobnya.cu.edu.eg

🔷 التظلمات للناس اللى كتبت رغبات بس اللى هم فني صحي..

🔶 اللى مكتبش رغبات زي فني تمريض بعد ثانوي عام ملوش تظلم بيعملوا طلب تعديل تكليف ع طول...

بالتوفيق 🫣❤

قرار التكليف نزل يشباب

‏مستند من 𓆩𝗥𝗡『 𝙰𝚑𝚖𝚎𝚍 𝚁𝚊𝚋𝚎𝚊』𓆪𖤍

35 ) اخيرا .. للتأكيد .. هتعرف المكان فين بالظبط (( حسب المكتوب ليك فى موقع الرغبات او القرار اللى هينزل pdf خلال ساعات ))

✍ ده البوست الاول ..
✍ البوست الثانى .. ملحق للرد على كل استفساراتك من خلال كومنتات البوست ده
✍ البوست الثالث .. بوست التظلمات اللى هيظبطلك حياتك كلها .. اوعدك

استاهل دعوه حلوه منك .. من اللى قلبى يحبها ؟ 😍😅

دمتم بخير . . . لنا عودة بإذن الله <3

سلام الله على قلوبكم . . ❤

#سلسلة_تكليف_دفعة2023_مع_ميدو ..

لحظة ظهور رقم القرار .. هنعمل ايه ؟!

1 ) ساعات ، وهيتم رفع ملف pdf يحمل رقم القرار لجميع فئات التمريض بإذن الله .. كـ دور اول اللى نزلهم رغبات وسجلوا ع الموقع ، او اللى تكليفهم مباشر على جهات العمل

2 ) قبل ما نتعمق . . لازم نوضح ان التظلمات هتفتح يوم 2 / 2 / 2025 بناء على ما تم ذكره ع الموقع .. وده لازم يكون له بوست منفصل " هسميه بوست التظلمات " وقبل الموعد المحدد ده .. هيخص اى حد بيفكر انه ميستلمش او مش عاجبه المكان او عايز مكان تانى .. صبرا بس

3 ) طلاب الشعب الفنية نهدى شويا .. البوست خاص بالتمريض فقط .. انت لسه الموقع بتاعك قافل الخميس اللى فات .. انت لحقت !!

4 ) بتاريخ 23 ديسمبر .. وبالتحديد ريبلاى لكومنت " محمد حسين " ، جاوبت بمنتهى الثقة ان تكليف التمريض شهر 1 " بإذن الله " .. نهدى شويا ، واصحاب شائعات ان التكليف بيقعد سنة والجو ده .. الله يرضى عنهم يسكتوا ، والله القلق وحش جدا لدفعتك !

5 ) بسم الله :: اول كارثة بتعملها انك بتنزل لجهة عملك تقولهم عايز استلم .. حضرتك صباح الخير ، ده القرار لسه ع السيستم ومحدش عمله " داونلود " !!

6 ) تستنى فترة خلال اسبوع او 15 يوم ( حسب جهة العمل ) .. من لحظة ظهور رقم القرار عشان تستلم فعلى فى جهة العمل اللى جتلك (( كل كلامنا للخريجين اللى جالهم مكان وهيستلموا فيه ))

7 ) اول خطوة ليك .. بعد ظهور رقم القرار انك تجيب استمارة الكشف الطبى وتختمها من جهة عملك .. ثم تتصل بالخط الساخن .. وتحجز ميعاد للكشف .. وتكشف طبى . . .

8 ) بلاش فزلكة .. بمعنى . . . متتصلش بالخط الساخن من بكره .. عشان متتفاجئش لما يقولك تعال بكره اكشف (( وبما انك مش خاتم استمارة الكشف الطبى 111 .. فالميعاد هيوح عليك )) ... ومع ذلك مفيش مشاكل لو كنسلت الميعاد بس يُفضل تتصل تديهم خلفية وتلغي الميعاد إنما مش لازم تتصل بس عشان خاطر ميدو متتصلش بالخط الساخن الا ومعاك ورقة استمارة الكشف الطبى معتمدة ومختومة فى ايدك .. امشي خطوة خطوة ، متنطش خطوتين فى خطوة عشان متقعش تتعور ! 🙂

9 ) ببساطة استمارة الكشف الطبى بتجيبها من العيادة المركزية فى محافظتك (( جنب مستفى المبرة - للاسايطة )) .. وتجيبها فاضيه وتروح جهة عملك وتختمها (( ولازم وقتها هم يوافقوا انهم يختموها لان وارد خالص يقولك مش هنختم حاجه دلوقت وتعال بعد اسبوع )) .. اول ما تختمها وتبقى فى ايدك اتصل بالخط الساخن ورقمه (( 19806 )) هتلاقيه من تحت خالص فى اخر الورقة ..

10 ) الكشف الطبى روتينى .. ولكن فيه تركيز لو احد عيونك مش بتشوف بيها بالمعنى الحرفي " مش بتشوف بيها " ... وفيه تركيز ع الصفائح الدموية لشعبة اشعة عشان خطر الاشعة وكده .. ولكن كله روتينى وبيعدى بإذن الله .. واللى بيسقط له حق اعادة عادى وإن شاء الله هيعدى . . . البس نضارة لو نظرك ضعيف ، ولو مش عامل نظارة اعمل وهتكشف بيها عادى ، ولو عامل بس المقاسات غلط .. اهتم وظبط المقاسات .. بليز بلاش استهتار فى خطوات بسيطة زى كده

11 ) فيه حاجه اسمها اقرار الذمة المالية من مكاتب البريد .. متجبهاش الا لما تتأكد ان جهة عملك عيزاه .. مش بعزقة فلوس هى !

12 ) فيه حاجه اسمها كعب العمل .. متعملهوش الا لما تتأكد ان جهة عملك عايزه .. مش بعزقة فلوس هى ! (( غالبا بيعملوه اللى بيستلموا فى الجامعة فقط .. بالنسبة للاسايطة ))

13 ) استمارة الكشف الطبى تتختم من المكان اللى جالك ك رغبة اولى .. الا لو المكان ده هيبعتك لجهة أعلى منه وهو تابع ليها ودي بتبقى استثناءات

14 ) الصور اللى مطلوبة منكم فى مقر العمل .. شغل دماغك وخلى اسمك مكتوب عليها من تحت ... اللى عندك فى الشغل دققوا آهى معاك - كبروا وقالك مش عايزين اسمك .. قص الطرف اللى من تحت وريح بالك (( اللى اتصور ومش مكتوب اسمه عليها والنبى ما يتصور تانى ، انا بقول لواحد لسه هيتصور ))

15 ) ليه لما يظهر رقم القرار مش هتستلم على طول ؟ .. حضرتك لازم تستنى يومين تلاته بالكتير عشان مقر العمل يفرز الاسماء ويسلمك .. انا آسف بس ده اللى بيحصل والله خصيصا فى مديرتي .. مديرية الصحة بأسيوط ❤️😅

16 ) ايه الطلبات اللى يفترض نجهزها وثابتة فى 90 % من جهات العمل .. ورقة وقلم وعدى معايا يا ست الكل (( اعمل سكرين شوت هنا ))
1 - ملف مسوغات التعيين ( ملف هتلاقي فيه استمارات كتير 103 و 105 ومجموعة اقرارات - نصحت طلاب اسيوط ياخدوه من المكتبة ، عرفت قيمته دلوقت وهو جنبك ؟ 🥰 )
2 - أصل المؤهل الدراسي ( هتلاقيه فى الملف بتاعك )
3 - أصل الموقف من التجنيد ( للذكور بس )

4 - أصل شهادة التدريب ( فى الملف بتاعك )
5 - أصل شهادة الميلاد الكمبيوتر
6 - أصل ترحيص مزاولة المهنة
7 - أصل صحيفة الحالة الجنائية ( الفيش يعني - موجه لمقر عملك )
8 - عدد 8 صور شخصية ..
9 - عدد 7 طوابع فئة ( 1 جنيه )
10 - الرقم التأميني ( من مكتب التأمينات - اسأل والدك عليه )
11 - استمارة الكشف الطبي ( من الكومسيون الطبي )
12 - اقرار ذمة مالية - من مكتب البريد ( تحديث )
13 - شيكولاتة مش مقاطعة ( لميدو ) .. ما انت موظف قد الدنيا بقى !
كده خلصنا . . . نكمل بقى 💙😅

17 ) الحاجات اللى ذكرتها دى ممكن تتغير بمعنى .. 10 صور مش 8 .. 9 طوابع مش 7 .. حاجات بسيطة

18 ) أهم حاجه تبقى معاك اليومين دول .. ( الدمغة لانها بتيجي وقت ومتبقاش موجودة فى المحافظة كلها + استمارة الكشف الطبى منعا للتكدس والزحمة هاتها وحطها فى البيت ، مش هنستخدمها دلوقت خالص + الرقم التأمينى وده هيطلع بصورة البطاقة الشخصية + الفيش موجه لجهة العمل اللى جتلك )

19 ) الفيش صلاحيته 3 شهور .. يعنى لو عملته من دلوقت مفيش ضرر عليك خالص .. الفيش بيتوجه لمقر العمل .. لو ((( جالك ))) مديرية اسيوط يتوجه لمديرية اسيوط .. ملكش دعوه انت عايز مستشفى البدارى ولا الايمان .. خليك فى الام ملكش دعوه ببناتها .. الفيش يتوجه للمكان الرئيسي الام .. مديرية اسيوط نفسها ... الفيش يتوجه للرغبة اللى جاتلك وظهرتلك يا جماعة على الموقع ، مادام مش هتعمل تعديل تكليف ... بنبه جامد على النقطة دى عشان كل دقعة بيكرروا نفس الاخطاء وبيتوجه لمكان خطأ ويدفعوا فلوس ع الفاضى . . . .

20 ) متبقاش رخم .. يعنى لو انا المسئول عن توزيعكم ولقيت واحد جاى مش طايق نفسه ويقولى انا عايز استلم ورقم القرار لو موصلكمش انا جايبه فيلا استلم دلوقت .. مفيش اسهل من انى اقولك بطلناها وموصلش حاجه ولما توصل رسمي ونعتمدها عدي علينا ..... ما آهو برد جزء بسيط من دخلتك عليا 🙂

21 ) بعض الاماكن مش هتسلمك الا بالكشف الطبى .. وبعض الاماكن هتسلمك وتقولك هاته بعدين .. وبعضهم مش بيهتم بيه خالص .... بس انت من مصلحتك تعمله لسبب .. ان فى بطاقة صحية هتعملها فيما بعد لما تستلم ع خير واقولك خطواتها هتحتاج صورة للكشف الطبي ..

22 ) بعض الاماكن مش هتسلمك الا بالكشف الطبى .. وبعض الاماكن هتسلمك وتقولك هاته بعدين .. وبعضهم مش بيهتم بيه خالص .... بس انت من مصلحتك تعمله لسبب .. ان فى بطاقة صحية هتعملها فيما بعد لما تستلم ع خير واقولك خطواتها هتحتاج صورة للكشف الطبي ..

23 ) لو جالك رغبة مكان بعينه معناها هتستلم فيه .. انما لو الرغبة مكتوب فيها مديرية كذا مثلا ده معناها ان هناك احتمالين تستلم فى المديرية نفسها او مكان تابع ليها .. ودى حاجه ترجع للمدير او المختص بتوزيعكم ... ودى الخطوة اللى الواحد بيحاول يشوف وسطه ولا حاجه لو عايز مكان معين جنب بيته او انه يشتغل فى المديرية نفسها .. غير كده هم هيوزعوك فى المكان اللي فيه عجز وده مكان ممكن يكون فى المديرية نفسها عادى او مكان تابع ليها

24 ) الكشف الطبى صعب ؟ .. لا خالص ، هو عبارة عن حاجه روتينيه اصلا .. كشف باطنة ، كشف عظام ، كشف رمد ، تحليل مخدرات ..

25 ) نأمل من الله .. ان الدور الثان مياخدش الاجراءات الروتينية الطويلة المملة دى

26 ) ) ليه بحاول كل سنة اوفر رقم القرار ك ملف pdf ؟ (( لأن بعض الأماكن مش بتتواصل مع الوزارة ع السيستم ـ فأنت اللى هتروح تبلغهم بإن القرار ظهر واللى يثبت كلامك إنه يكون مطبوع فى ايدك عشان تستلم عندهم لو نصيبك وقع معاهم .... فهمتنى ؟ .. رقم القرار بالنسبالى مهم جدا جدا جدا ليكم ، عشان كده بنسعى دايما نوفره ليكم هنا ))

27 ) لما ربنا يكرمك وتروح تستلم العمل .. هتستلم فى المديرية أو المديرية هتوزعك .. لو حاولت تتصرف فى وسطة تدخل معاك عند التوزيع جايز جدا تروح المكان اللى عايزه " ايا كان "

28 ) خلى معاك قلم فى جيبك دايما وأنت بتجهز ورق استلام العمل ..

29 ) يوم استلام العمل مٌتعب .. بلاش ست الكل اللى فى البيت تمرمطها معاك اليوم ده !

30 ) استلام العمل بيختلف من جهة للتانيه .. جهة هتبدأ من الاسبوع الجاى ، وجهة هتبدأ بعد 10 ايام .. انت ونصيبك !

31 ) جالك مكان هتعرف امتى انك هتستلم فيه وهتستلم فين بالتحديد ؟ .. تسأل مركز المعلومات فى المكان ده ع ميعاد وصول رقم القرار + هتستلم فين لما تخلص ورقك عندهم وتيجى تتوزع

32 ) اتمنى انكم تسيبوا اماكن العمل اليومين دول يشوفوا شغلهم حتى لو رقم القرار ظهر لشعبتك .. سيب الناس تنسق وتظبط شغلها قبل ما تسلمك .. حقهم !

33 ) امتى تزعل .. لما رقم القرار يظهر بقاله اسبوع والمكان عندك ينكر انه نزل .. وقتها بتطبعه وتروح توديه ليهم ، هيسكتوا خالص ويسلموك بإذن الله

34 ) ممكن بعض الاماكن ترخم بزيادة وتقولك لأ .. لازم ينزل ع السيستم ونطبعه احنا .. وقتها قول حسبي الله وخد بعض وامشى (( مش من مصلحتك تعمل مشاكل - وانت لسه ابيض كده ! ))

مبارك عليكم يشباب..