Посты канала MEDICIN STUDENTS💉🌡🧪🦠🧬🩺💊

.

تتذكرن العام هيجي وقت منو حل علينا ضيف ثقيل؟
اي عفيه
الحصبه
و منو اللي صابته؟
الاطفال الغير ملقحين
او اللي لقاحاتهم غير مكتمله
خوما ناوين نعيد الكره؟
يلا عيوني
اطفال فوك عمر السنه بسرعه لقحوهم اذا مستحقين لقاح
و لقاح ال ١٨ شهر هم عززوه
و اذا طفلك عمره ٤ الى ٦ سنوات و مستحق لقاح لقحوه
ما نريد نشوف الحصبه السنه
كومن فزن لقحن الجهال
اترككم مع هذا الخبر اللي نشر قريبا
الترجمه
وفاه اول طفل غير ملقح من تكساس في الولايات المتحدة الأمريكية نتيجه إصابته بالحصبه و هذه أول حاله منذ عقد في الولايات المتحدة الأمريكية
د. سيف سمير البياتي اخصائي طب الاطفال

.

⬅️بحالة
((Bacterial vaginosis))
➖ضروري نعرف 🔽
◀️الادوية الفعالة
◀️الجرعة الصحيحة
◀️الفترة الصحيحة
◀️استخدام الدواء بالنسبة للفئات المعينة مثل الحوامل والمرضعات.

•الصور مأخوذة من دورة pharmacy87 ، سستم النسائية.

سبب النشر: بيشنت رايحة تشتري فلاجيل لهذه الحالة حسب الوصفة ومبلغيها انو هو مال diarrhea،واكيد مجانوا صيادلة للاسف❌.

Tinidazole crosses the placental barrier. Since the effects of compounds of this class on fetal development are unknown, the use of Tinidazole during the first trimester is contraindicated.

◀️تفاصيل دورة التدريب:
https://t.me/pharmacy87/15754
◀️بوست الحجز المسبق:
https://t.me/pharmacy87/15759

اهم شي الماعين 🥲😂 ما ننساهن

رمضان كريم
شونك دكتور بنتي توا فاتت بال ٤ أشهر اوكلها؟
بالمركز الصحي كالولي الا بال 6 أشهر !
ليش مو اهل قبل من ال 40 يوكلون ؟
ليش مستعجله خو بال 8 أشهر اوكلها؟
و شنو اوكل و كم وجبه و أكدر أضيف الحليب و شنو الممنوع ؟ و شنو تفضيلاتك؟ و شون ويه البيض ؟
الموز صدك يصير ؟
هذا البوست يجيب :
❤ متى ادخل الطعام ؟
هي فتره ممتده من ٤ أشهر إلى ٦ أشهر
و حسب مواصفات خاصه
اولها مضاعفه وزن الولاده
ثانيها سيطره الطفل على رقبته
و ثالثها تقبل الطفل و عدم رفضه بلسانه
و رابعها قدره الطفل على رفع صدره و أعلى بطنه في حال نومه على بطنه
في حال توفر كل هذه الشروط فممكن باي فتره من ٤ إلى ٦ أشهر
❤ قبل ال ٤ أشهر ممنوع
و نجي نحسب العمر و اختصرتها سابقا و كلت بعمر ١٢٠ يوم
يعني من يتم الشهر الرابع لان من يدخل الشهر الرابع عمره ٩٠ يوم
و ممنوع و غير مقبول إعطاء اي شيء عدا الحليب للطفل قبل ١٢٠ يوم !
ليش خطر عليه ؟
طبعا خطر عليه
اولا ما مستعد جهازه الهضمي
و ثانيا راح يؤثر عليه بالمستقبل و يرفض الاكل
و ثالثا بعده ما مستعد و ممكن يتشردق بالطعام و هي حاله خطره جدا بعمر صغير جدا
❤ زين دكتور بالمركز الصحي او الطبيب الفلاني كال بعد ٦ أشهر و انت تكول ممكن من عمر ٤ أشهر
طبيبك صح و منظمه الصحه العالميه تكول هذا الشي حتى يكون أكثر مستعد و لتعزيز دور الرضاعه الطبيعيه بس اكو اكاديميات لطب الاطفال مختلفه تكول انه ممكن بعمر ٤ إلى ٦ أشهر
اكو شغله أخرى احبها بإدخال الطعام بعمر ٤ إلى ٦ أشهر هي هذه الفترة يسموها فتره الشباك
Window period
تكول انه من تدخل الطعام بهذه الفتره احتماليه التحسس تقل لأسباب غير معروفه
و هذا بصراحه حافز كبير لإدخال الاكل بهذه الفترة
على كل ممكن تنتظرين او تستعجلين و هذا يفرق بين طفل و آخر و يعودلك القرار بس لا تستعجلين قبل ٤ أشهر و لا تاخريه بعد ٧ أشهر
💚 شنو اول وجبه ؟
براحتك بس صنف واحد و أفضل الحبوب
و بعدها كل ٣ ايام صنف جديد
و عادي ممكن استخدام حليبك او حليب الأطفال لتحضير الطعام
مثال شوربه رز ٣ ايام
بعدها ممكن اضافه جزر للرز
او بطاطا للرز و تخفف بالحليب
بعدها اضافه جزء من فخذ الدجاج للرز و خلطه بالخلاط
و بعدها ممكن لحم مع الرز و يهرس بالخلاط
💚 لحم مبكرا شعجب؟
الطفل بعز احتياجه للحديد بهذا العمر لذلك مهم جدا إعطاء اللحم و لتذهب خرافه اللحم يسوي دود إلى الجحيم
💚 السيريلاك؟
ممكن بس ما افضل
ماكو افضل من أكل انت تعرفين مكوناته لطفلك
اي ممكن السيريلاك بس بعد انتظري شكو مستعجله عليه بعد ٦ او ٨ أشهر و ابدي بسيريلاك رز ثم شوفان و آخر شي الحنطه
❤ شرايك بالبسكت؟
بعد ٦ أشهر يلا تدخل الحنطه
و يكون خالي من السكر
و ممكن الصمون و الخبز و البسكت بعد ٦ أشهر و اذا تعرفين تسوين بسكت منزلي يا ريت
❤ الفواكه ؟
اي ليش لا بس فواكه الصيف بعد ٦ أشهر مثل الخوخ و المشمش و العنجاص و قبل ٦ أشهر ممكن التفاح و الموز و الرقي
❤ اكو علب جاهزه لأكل الاطفال تنصح بيها ؟
هن فواكه و بسكت اخلطهن طازجه افضل و ارخص و اكثر أمانا
❤ الحليب ممكن خلطه بالوصفات؟
اي ليش لا
❤ اللبن؟
6 أشهر و ممكن خلطه بالموز
❤ البيض ؟
بعد ٦ أشهر مثل الحنطه و اول ٣ ايام صفار و بعدها بياض البيض ب ٣ ايام
❤ يعني ما انطي سيريلاك؟
اني مو ضد السريلاك بس ضد انه نبدي خطأ و سكريات
نروح للقسم الاخر
كم وجبه باليوم؟
اول ايام وجبه وحده بوقت الغداء و كميه صغيره نزيدها حسب تقبل الطفل و بعدها نزيدها تدريجيا و نقلل الحليب على اساس طلب طفلك
❤ الماء ؟
من يدخل الاكل يزيد احتياجه للماء فيدخل الماء و حسب رغبه طفلك
اسمع من هوايه أمهات انه طفلهم ما يحب الماء و بالأخص اللي رضاعتهم طبيعيه و نكول عادي لان حليبك مصنوع من الماء
💙 هدفنا بنهايه السنه الأولى كوبين حليب و ٣ وجبات طعام و يشرب بكوب ماء و يا ريت لو ياكل هو بايده حتى ننتقل إلى طفل قادر يطعم نفسه بعمر سنه إلى سنة و نصف
💙 شنو ممنوع قبل سنه؟
السكر
الملح
العصير
العسل
الدهون المشبعه
و اي ماده ممكن تسبب خطر الاختناق مثل الفستق و اللوز
💙 ليش هلكد تنشر عن هذا الموضوع؟
لان سوء التغذيه بالعراق مستفحل مع نظريه ان الحليب زين و بالروح بالدم نفديك يا حليب البقر اللي تروجلها الشركات
دمتم بود
د. سيف سمير البياتي اخصائي طب الاطفال

.

البنات يعذرني اكيد 🥹🥹🥹

اعذرونا مشغولين دوام وأطفال 🙂🫶🏻🩷 وفطور وسحور وصيام وكذا معذوره مو ☹️🥲

رمضان كريم عليكم 🥹🥹🩵
بعد وكت مو 😂