منشورات MEDICIN STUDENTS💉🌡🧪🦠🧬🩺💊 على Telegram

حامل؟؟؟

هذا المنشور الك 🤩

حالتك النفسية ممكن تخلي ولادتك الم اقل .. وممكن تخلي الالم اضعاف مضاعفة 😱!!!

الجزء الاول 🌹

قبل مندخل بتفاصيل التحضيرات الفيزيائية (الجسدية)

لازم نتكلم عن التحضير النفسي 💆

التحضير النفسي مهم جدا جدا ⚠️

التحضير النفسي يشمل العديد من الجوانب والمراحل..

منها أثناء الحمل.. وأخرى أثناء الولادة نفسها ..

⁦♦️⁩الولادة الطبيعية هي الشي الطبيعي والفطري والي رب العالمين خلقه حتى يطلع الطفل 👶 عن طريقه إلى الحياة..

نضرتج 👀 للولادة الطبيعية مهمه جدا..

🚩اول شي: لازم تتقبليها بشكل كامل وتحبيها..

مو كلما تنذكر تنقرفين وتكولين عووع وقرف وتسوين تعابير مقرفه بوجهجج!!😑😐

صراحه اتعجب ع البنات الي تحجي هيج!! 😒

يعني انتي انثى وهذا الشي جزء من انثوتج وخلقتج وخلقه جسمج.. اكو شخص طبيعي ينقرف من نفسه ؟؟🙄 ومن وظائف جسمه؟ 🤔

🚩ثاني شي: ابتعدي الف كيلو متر عن كل وحده سلبيه ومتعرف تحجي.. 🤐

الي سبق أن ولدت كلما تتكلم تحجي بكلمات مقززه ابتعدي عنها..😒

هاي شخص عبارة عن نكد ولاتمثل اي شي ممكن يصير الج🙅

تذكري دائما تجربه الولاده الطبيعيه تجربتج انتي .. خاصه بيج انتي. .

متشبه اي احد🙋

لان انتي متشبهين اي احد👩

انت شخص منفرد استثنائي وبالتالي كل تجاربج هي خاصه بيج . 👍

لاتسمعين تجارب سلبيه وتعتبريها هي الي حيصير وياج 🚫

حتى لو تشابهت المعطيات.. يعني مثلا حتى لو انتي واختج نفس الطول ونفس الجسم ووو وهي صارت عدها تجربه سلبيه لاتكولين اني مثلها يعني نفس الشي.. مو بالضروره ابدا ابدا⛔

🚩ثالث شي: ترقبي لحضات الولاده بحب وبشوق😍.. الطفل حيطلع من احشائج وتلتقين بي بعد انتظار ٩ شهور..

طفل تكون من العدم ..❤️

طفل اخذ جزء منج ومن دمج ومن مشاعرج ومن حبج وصار مخلوق وحتلقين بي وتباعين بعيونه وبتفاصيل ملامحه الي ممكن تكون جزء منها منج .. أو من الغالين على قلبج..😍

تشبعي بهاي الأفكار والمشاعر ..💞💕

خلي لحضات الولاده مشوقه .. 🤩

ويوميا بالليل 🌌 انطي رسائل ايجابيه الج ولجسمج ولطفلج أنه انتي سعيده وتنتظرين خروجه للحياة وتنتظرين جسمج أن يكون مستعد لهاي الحظات السعيدة 🤗

بالمناسبه تره هذا الكلام مو فقط شي نفسي ومابي فائدة.. على العكس تماما ..

هذا النوع من المشاعر هو يحمل هرمونات أشبه بالوقود 🛢️المهم جدا الي يسير عمليه الولاده 👍👍

يعني كمثال بسيط .. ولو حتوسع بالشرح بالاجزاء القادمه..

كلما كانت الأم سعيده ومسترخيه💆 ومتقبله لحضه الولاده كلما زاد هرمون الحب والريلاكسين وبالتالي كلما زاد ضخ الدم للرحم والحوض.. وكلما زاد ضخ الدم كلما كانت الانسجه والعضلات بحاله مثاليه للاسترخاء والقدره على التمدد .. وبالتالي تقلص سلس ومريح للرحم وطلق منتظم ومثالي والم اقل بكثثيييير وولادة سلسله وسريعه 😍👍

عكس التشنج والخوف والقلق ⁦☹️⁩😰😖يخلي العضلات متشجنه لان القلق يرفع الادرينالين..

والادرينالين يسحب الدم من الانسجه الداخليه ويضخها للعضلات الخارجيه (الاذرع والاقدام) في سبيل تحضيرها للدفاع أو الانهزام

يعني الخوف والتشنج يصوره الجسم مثل انت بغابه واكو اسد متوجهه الك .. هاي الحاله الجسم اهم شي عنده هو الدفاع أو الهزيمه .. بالتالي الأولوية هي لعضلات الساق والذراع.. حته تصير قويه وتدافع أو تنهزم.. (يضخ الدم الها)💉

هاي طبعا حتاثر تأثير سلبي جدا جدا بلحضات الولاده .. 👎👎

لان الانسجه الداخليه والحوض والرحم حيفتقر للدم الي حيكون باشد الحاجه اله .. وبالتالي التقلص حيكون مؤلم جدا.. مثل شي ناشف ويتقلص.. الحوض غير مرتخي. الانسجه كلها متقلصه.. والنتيجه طبعا ولادة متعسره جدا😫 جدا أو تتحول الى قيصيري ..

هذا الشي حته تستوعبين أهميه التحضير النفسي .. الي لازم تبدين بي من بدايه الحمل .. 👍

🚩رابع شي: كوني مرنه ومتقبله لاي طارئ فيما لو حدث لاسمح الله 📊

يعني مو تكولين أولد طبيعي يعني أولد طبيعي لو ما اعرف شيصير..😆

لا ابدا انتي متدرين شنو الأحداث . متدرين ممكن يصير شي طارئ أو الطفل يتعب أو أو وبالتالي خيار العمليه القيصريه يبقى موجود في حالات الضرورة والحالات الطارئة ..👍

وكوني متقبله لهذا الشي .. ومستعده .. مو تدخلين بكائبه لان مصارت الولاده الطبيعيه..😚

وتذكري أن خيار القيصريه الطارئ أو الضروري هو تضحيه كبرى تقدمها الام لطفها..💞

فهي تقول لهم لامانع لدي بأن اعرض حياتي للخطر واتعرض لجرح القيصريه في وسط جسدي في سبيل سلامه طفلي.. 💕💞

يتبع في الجزء القادم ..

محبتي 🌹

د.اسماء

منشن الحوامل

نسألكم الدعاء.🕯

فضل قراءة سورة النبأ
عن الصّادق (علیه السلام)- وَ مَنْ قَرَأَ عَمَّ یَتَساءَلُونَ لَمْ یَخْرُجْ سَنَتَهُ إِذَا کَانَ یُدْمِنُهَا فِی کُلِّ یَوْمٍ حَتَّی یَزُورَ بَیْتَ اللَّـهِ الْحَرَامَ إِنْ شَاءَ اللَّـهُ

.‌ [تفسير اهل البيت عليهم السلام ج١٧، ص٣٠٢ - بحار الأنوار، ج٨٩، ص٣١٩]٢

صدك الجاي مو زين على الاطفال ؟
و لا حتى جاي و بسكت ؟
ما راح يشرب الجاي بس اخلي البسكت بالجاي و بس هم ياثر ؟
العلم يجيب بدراسه من الهند
جابوا ١٢٢ طفل اعمارهم بين ٦ اشهر الى سنة
و قاسوا نسبة الدم عند الاطفال كلهم
لكوا انه فقر الدم موجود عند ثلث الاطفال اللي يشربون جاي !!!
اي و الله
ثلثهم
بمقابل ٣ بالميه فقط عند الاطفال اللي ما يشربون شاي
الشاي يسبب فقر دم
الشاي من اسوء الخيارات لاطعام اطفالنا
سواء شاي لوحده او شاي و بسكت
اما البسكت فهو صفر قيمة غذائيه بدون قيمه غذائية جيده
و بكيفكم بعد
د. سيف سمير البياتي اخصائي طب الاطفال

..

.

.

سيريلاك !
اول ما تفكر الام تنطي لطفلها اكل راسا يكمز ببالها السيريلاك
السيريلاك متوفر بكل زمان و بكل مكان
و بيه انواع هوايه اساسها الرز و القمح و الشوفان و الذرة
شنو محاسن السيريلاك ؟
1. متوفر
2. سهل التحضير
3. مضاف اله العديد من العناصر المهمه و الضرورية
4. سهل النقل
و شنو مساويء السيريلاك؟
مشكلته الوحيده هو السكر
و الكميه اللي يحتويها السيريلاك كبيره نوعا ما
اكيد اني ما اكول انه الطفل لازم ما ياكل سكر بس مو يبدي حياته بالسكر
🍒 باي نوعيه ابدي ؟
دائما نكول ماكو جداول و ما عاد اكو جداول
بس التسلسل التالي يبدو مقنعا رز ثم شوفان ثم ذره ثم قمح
🍒 باي عمر ابدي؟
اول شي هل السيريلاك افضل ام اكل البيت ؟
اكل البيت طبعا افضل و افضل و افضل و افضل
لان تعرفين كميه المواد المغذية بيه
ثانيا ما نريد نعلم الطفل على شي حلو كاول اكلات و بعدين من يكبر يكون خياراته كلها اكل حلو
لذلك بالمختصر :
اذا قررتي تبدين تنطين الاكل من عمر ٤ اشهر ( ١٢٠ يوم ) شكد ما تكدرين اجلي السيريلاك الى عمر ال ٦ اشهر
و اذا قررتي تبدين الاكل من عمر ٦ أشهر ( ١٨٠ يوم ) اجلي السيريلاك لعمر ال ٧ شهر اقل شيء
لا تبدين بيه
ابدي بالاطعم المعتدله اللي تكون مو حلوه و عندي الكثير من البوستات بخصوص اكل الطفل تكدرين تشوفيها
🍒 كم مره انطي سيريلاك باليوم ؟
اكيد ماكو جدول محدد تكدرين مره او ٢ او ٣ و تخلطيه مع حليبك او حليب الطفل
🍒 اكدر اخلي السيريلاك بالمميه ؟
لا
لا
لا
ممنوع
ابدا
و لا مره
ما يصير
الحاله الوحيده اللي نكدر نخلي بيها سيريلاك ويه الحليب هي في حاله طبيبك طلب منك تخلين سيريلاك بالحليب و هذه دائما تصير علمود حالات الارتجاع
عداها ابد
و غير مقبول
و ممنوع
و مرفوض
لا سيريلاك و لا اي شي
الغايه من اعطاء الطفل الوجبه رقم ١ عدا الحليب هو تحضير الطفل للمرحله اللي ياكل بيها اكل صلب و الا ما سوينا شي
❤ ملاحظه: بسبب محتواه السكري ما نفضل اعطاؤه في حالات الاسهال و الإكثار من الاعتماد على الرز و التفاح و الموز و التوست الابيض
🍒الخلاصه :
السيريلاك جيد و غني بالمعادن المضافه بس مشكلته بمحتواه السكري
و اكل البيت افضل منه
بس لا باس ابدا من اعطاء السيريلاك احيانا
د. سيف سمير البياتي
اخصائي طب الاطفال

.

..