كنْ مُختلفًا💛

من فترة كنت بسمع درس من كورس على منصة edX
تبع جامعة MIT في أمريكا
وكان البروفيسور كبير في السن و من الناس التقيلة في
المجال…
المهم اللي كان بيبهرني هي طريقة شرحه صراحة أكثر من محتوى الكورس نفسه !

رغم إنه كان كبير في السن وللوهلة الأولى يبان عليه الجدية والحزم إلا إنه أثناء المحاضرة بيضحك مع الطلبة ويهزر وممكن طالب يرد عليه بهزار بردو عادي وفيه جو صحوبية لذيذ…

وبعد كل جزء من الشرح لازم يسأل إذا حد عنده سؤال، واللي بيسأل من الطلبة يقعد يناقشه نقاش علمي مبهر من غير أي استهزاء بالسؤال ولو كان بديهي !
دا غير تشجيعه على إثارة الأسئلة وشعور الطلبة بالانفتاح والراحة من غير ما يحسوا إن ممكن السؤال يُقابل بإهمال أو بسخرية !

كنت بقعد أسمع وأنا يمكن مش فاهمة كل اللي بيتقال بس بستمتع بالمشهد اللي بيجمع حوار بين بروفيسور كبير في جامعة عالمية مع طالب في بداية حياته !!

رغم إن المحتوى الغربي في المجال الطبي تحديدًا يفتقر للمسة روحانية اللي بتضفي متعة للعلم وتدبر في الخلق إلا إن فيه بعض النقط محتاجين نتعلمها منهم…

بفكر… الطلبة دول لما يتخرجوا ويقرروا يكملوا ماجستير ودكتوراه هل هيتردد واحد منهم يختار البروفيسور دا كمشرف ليه ؟؟

طيب لو طالب عنده فكرة بحثية يصعب قبولها لصعوبة تنفيذها أو لأي سبب غيره هل هيتردد يعرضها عليه بحيث ياخد منه توجيه أو مساعدة أو حتى تشجيع ؟؟

طيب لو حد عنده فضول يستزيد في العلم دا هل هيتشجع يكلم البروفيسور دا ولا ممكن يشك إنه يرده مثلًا ويقوله ركز بس في المحتوى اللي معاك ؟؟


يحضرني جملة د رمزي عبد العزيز لما قال إن أكبر استثمار هو الاستثمار في التعليم…الناس دي فاهمة هي بتعمل إيه، مش بتبص تحت رجليها إنها عايزة الطالب يتخرج بأي شكل والسلام…

ودا فسر لي ليه المشاريع الطلابية والأفكار البحثية بتاخد دعم وتشجيع أكثر من عندنا، هو مش بس ضعف إمكانيات…هو للأسف فكر !

وأخيرًا دا مش معناه إننا نستسلم للظروف، ولكن هو مجرد تفريغ نفسي ولعل حد يشوف البوست وينتفع به
ربنا يرزقنا العلم النافع ومن يخلص في نقله لنا ويجعلنا منهم
وُفقتم وسُددتم

فيه حد مجربش آلام الظهر أو الرقبة ⁉️

من ضمن وسائل العلاج الطبيعي لتخفيف الألم هو جهاز TENS
ودا يندرج تحت electrical modalities

✅فكرة الجهاز ببساطة إنه بيطلع إشارات كهربائية خفيفة، بيتحط على مكان الألم، فبتقلل الإحساس بالوجع أو بتمنعه خالص ‼️

✅يعتبر بديل آمن للمسكنات لأن أعراضه الجانبية تكاد تنعدم
إذا تم استخدامه بصورة صحيحة


طيب هو ممكن يُستخدم في حالات إيه أصلًا ⁉️
جهاز TENS بشكل أساسي يستخدم لتخفيف الألم في مختلف الحالات اللي من أشهرها:

1️⃣ آلام الظهر والرقبة: سواء كانت بسبب قعدة المكتب الكتير، أو شغل البيت، أو حتى أسباب نفسية.

2️⃣ خشونة الركبة والمفاصل: للأسف، خشونة المفاصل بقت شائعة جدًا، وخصوصًا مع التقدم في السن. ال TENS بيقلل الألم والتورم في المفاصل، وبيحسن حركتها.

3️⃣ عرق النسا: ده ألم بيكون في الرجل من أول الظهر لحد القدم، وسببه بيكون ضغط على العصب. جهاز TENS بيخفف الألم ده بشكل كبير، وبيساعد على تخفيف التشنجات العضلية اللي بتكون مصاحبة ليه.

4️⃣ الإصابات الرياضية: الناس اللي بيلعبوا رياضة كتير معرضين للإصابات، زي التواء المفاصل. جهاز TENS بيخفف الألم الناتج عن الإصابات دي، وبيساعد على سرعة الشفاء.

5️⃣ آلام الدورة الشهرية: بنات اللي بتعاني من آلام شديدة أثناء الدورة الشهرية. ال TENS ليه دور في خفيف الألم ده، لأنه بيساعد على تقليل تقلصات الرحم.

6️⃣الصداع: فيه أنواع معينة من الصداع، زي Tension headache جهاز TENS ليه دور لتخفيفها.
الأقطاب بتتحط على منطقة الرقبة أو الكتفين، وده بيساعد على استرخاء العضلات اللي ممكن تكون سبب في الصداع.

7️⃣ آلام ما بعد العمليات الجراحية: ودا بيقلل الحاجة للمسكنات.

✅من مميزات الجهاز كمان إنه ينفع يستخدم في البيت بعد تعلم الطريقة الصحيحة لاستخدامه من مُتخصص ومعرفة موانع الاستخدام

ملحوظة قد كدا🤏🏻: أي وسيلة تعتمد على الإشارات الكهربية في العلاج ليها موانع استخدام ❌ أشهرها وجود منظم ضربات القلب.


العلاج الطبيعي حياة
وُفقتم وسُددتم
✍🏻: نوران حشمت

وذكر

دي صورة لأكثر جهاز معقد في جسم الإنسان وهو الجهاز العصبي‼️

👈🏻جسمنا فيه بلايين من الخلايا العصبية اللي يصعب حصرها بدقة، ولكن التقديرات بتقول إن حوالي 86 بليون خلية عصبية في الدماغ بس سبحان الله‼️

✅دا غير الحبل الشوكي والأعصاب الطرفية اللي فيهم عدد خلايا مهول وأكبر من كدا بكثير ❗️

👈🏻جهازنا العصبي بيتواصل عن طريق كهربا
"Action potential „
سرعة انتقالها بين الخلايا تتراوح بين 0.5 متر/ ثانية إلى أكثر من 100 متر/ ثانية


الدقة الرهيبة دي وسرعة انتقال الرسالة العصبية بالشكل دا لو حصل فيه أي خلل ولو طفيف ينتج عنه أمراض قادرة تخلي الواحد معتمد على غيره بشكل شبه كامل في أنشطته اليومية العادية زي الأكل واللبس ودخول الحمام ‼️

وبالرغم من التعقيد اللي في علم الأعصاب والمجلدات والأوراق البحثية المنشورة فيه إلا إن العلماء بيقدروا ما تم التوصل ليه في العلم دا أقل بكثير من اللي لسة مخفي‼️

تحضرني جملة د إيمان نبيل في إحدى محاضراتها لما قالت لو مش هتستفيد من مذاكرتك غير كلمة سبحان الله اللي بتقولها مع كل سطر دي كفاية !
اه والله… سبحان الله والحمد لله على نعمه التي لا تُعد ولا تُحصى
الحمد لله

"وَفِي أَنفُسِكُمْ أَفَلَا تُبْصِرُونَ"
وُفقتم وسُددتم

‎تخيل إن cardiac output “كمية الدم اللي القلب يضخها في الدقيقة" تزيد بنسبة ٥٠٪؜ من غير مجهود بدني فظيع⁉️‼️

‎دي واحدة من تأثيرات العلاج المائي "Hydrotherapy“ على الجهاز الدوري‼️

‎لو الجسم انغمر في المياة بشكل كامل لحد الرقبة عند درجة حرارة 34.5°C 👈🏻 الخصائص الفيزيائية في المياة زي Hydrostatic pressure تؤدي لزيادة العائد الوريدي للقلب وبالتالي: SV⬆️ من غير تغير ملحوظ في معدل النبض ‼️

‎طيب ودا مفيد في إيه ؟❗️خد عندك👇🏻
‎1️⃣وصول العناصر الغذائية والأكسجين للخلايا بصورة أفضل ودا يسرع من عملية التعافي ويزود القدرة العضلية

‎2️⃣إعادة تأهيل لبعض حالات أمراض القلب بسبب دوره في زيادة
SV

‎3️⃣الاستمرار عليه بيساعد في تقليل ضغط الدم ودا يرجع لدوره في 👇🏻
⬇️vascular Resistance


‎الحقيقة إن فوائد العلاج المائي مش بتقف عند الجهاز الدوري، هو تقريبًا ليه دور على أجهزة الجسم كلها ‼️
‎وحاليًا هو من العلوم اللي شغالين عليها جامد في البحث العلمي علشان يطوروه ويوصلوا لنا دوره في علاج حالات مختلفة‼️
‎سبحان الله

‎نقطة صغننة كدا🤏🏻 : مريض القلب لو هيخضع للعلاج المائي فلازم يكون تحت رقابة شديدة ومش أي مريض قلب بردو ينفع يخضع ليه
‎يعني مينفعش ناخد مريض قلب نقعده في حمام السباحة ساعتين ونقول دا علاج مائي 🚶🏻‍♀️

‎بس كدا نكمل مرة تانية 🤷🏻‍♀️👀

‎العلاج الطبيعي حياة
‎وُفقتم وسُددتم

‌‏#Hydrotherapy

الأسئلة دي شايفة ان ليها اجابة واحدة مشتركة ولو فهمناها محدش هيسأل السؤال دا تاني
الفكرة إننا في المنطومة التعليمية للأسف من واحنا صغيرين بنتربى على النجاح الفردي…اللي هو ذاكر علشان تطلع الأول (انت بس)…متعلمناش يعني ايه شغل جماعي وإن في الحقيقة نجاح كل فرد من الدفعة هو شرف للدفعة كلها !!

لما نشوفها كدا هنرتاح، لما الدفعة كلها تجيب تقديرات عالية، دفعتكم هتتعرف إنها مميزة… من غير ما يقلل منك في حاجة بالعكس دا انت هتسيب أثر كل واحد بيفتكرك ويدعيلك حتى لو فرقتكم الأماكن والشغل فيما بعد
هتحس بالفخر لما تسمع إن دفعتك مستواها بيتحسن وانت عارف إن ليك سبب في كدا لما لخصت محاضرة مكنش حد فاهمها ولما وقفت مع كام واحد من زمايلك تشرحلهم cases قبل الامتحان …

والله لحد دلوقتي أتذكر زمايلي من ابتدائي واحنا بنروح الدروس مع بعض ونقعد قبل ما المستر ييجي نراجع ونشرح لبعض الحاجات اللي نقصانا…ممكن تتشاف حاجة مبالغ فيها مقارنة باللي احنا فيه دلوقتي، ولكن دا اللي كان في إيدينا

ربنا يجازي كل من يقدم يد العون لإخوانه بصدر رحب ونفس مطمئنة
محدش بياخد رزق حد أبدًا، وربنا كريم جدًا والله

مع انتشار وسائل الذكاء الاصطناعي وكثرة اعتمادنا عليه في المذاكرة أحب أقول إن حضور المحاضرات بنتعلم منه حاجات استحالة تتعوض بال AI

أصلها لو على المحتوى العلمي فقط فالمشكلة بقت في كثرة المصادر ❗️
ولو على الشرح فال AI قادر يشرح بأسلوب أفضل أستاذ جامعي في جامعة مصنفة تصنيف محترم عالميًا مش معضلة خالص ❗️
أما اللي مش هنقدر نعوضه هي الأخلاق ✅

أحيانًا بحضر محاضرة أو سكشن وانا مش بستفيد استفادة علمية قوية من المحاضر إلا إني بروح علشان أتعلم من أخلاقه…

أتعلم ازاي بيتعامل مع خطأ الطالب وازاي يصحح الخطأ…
ازاي بيستقبل أسئلتهم…
ازاي بيدير الموقف لما يلاقي طالب سأل سؤال خارج الموضوع من غير ما يحرجه…

الحاجات دي عمرنا ما هنقدر نتعلمها من وراء الشاشات ولا حتى من قراءة الكتب‼️

حسن الخلق والمروءة اللي بتظهر في الأفعال وطيب القول واللين في التعامل بنتعلمها من أساتذتنا قبل ما نتعلم منهم محتوى ❗️

علشان كدا ببقى حريصة اللي آخد منه علم يكون صاحب خلق الأول، ومش بتفق إطلاقًا مع فكرة إن طالما بفهم منه ميهمنيش أخلاقه…

كل تطور في الذكاء الاصطناعي وزيادة الاستغناء عن الحضور الجسدي في صرح للعلم بيخلي يقيني يزيد إننا في حاجة شديدة لمن يربي فينا القيم والأخلاق اللي بتتلاشى يوم ورا الثاني بسبب وسائل التواصل ‼️

كل اللي اتعلمت منهم خلق حسن بداية من المرحلة الابتدائية إلى الآن وأنا فكراهم وممتنة ليهم واحد واحد والله🤍
ولا يعنيني المحتوى العلمي في شيء إن لم يصحبه تواضع وخلق حسن

والسلام

البوست دا لدكتور علاج طبيعي كان منشور على لينكد ان، بيتكلم فيه عن دور ال العلاج الكهربائي electrotherapy

يندرج تحته modalities مختلفة، علشان يتم تطبيقهم محتاج علم ✅بالتشريح خاصة muscles and courses of nerves

+ ✅فسيولوجي ودا مهم لمعرفة ال contraindications أو الحالات الممنوعة من العلاج الكهربائي

دا المنشور👇🏻

السلام عليكم ورحمة الله وبركاته
Electrotherapy role in shoulder subluxation in hemiplegics.
هنتكلم شوية دردشه عن Case study لطيفه
A case of 73 y/o female suffering from a haemorrhagic stroke after carotid endarterectomy which resulted at first in ischemic stroke.
A very big lesion size affecting left and right cerebral hemispheres represented as triplegia and moderate cognitive impairment.
طبعا حاله زى دى التعامل معاها كان فيه تحدى شويتين تلاته اربعه ولكن كان هدفنا على الاقل اننا نمنع ال complications لو مش هنجيب improvement in movement system.
هنتكلم عن ال Shoulder subluxation management وتحديدا ال electrical stimulation اللى اتعمل.
الحاله بدأت شغل معاها بعد ٤ شهور من ال Stroke وكان حالة ال shoulder صعبه الصراحة.
كل اللى اتعمل كان ١٥ ل ٢٠ contraction بمتوسط ٣ مرات فى الاسبوع على ال deltoid. بعد ٥ شهور النتيجه كانت ان من وضع sitting with arm beside the body ال subluxation قل من ٣ صوابع لنص اصبع فقط وطبعا bulk محترم وROM متحسن جدا.
فاتمنى ال Electro يبقى حاجه اساسيه فى شغلك مع ال subluxation.
Device used: Ev-906
Parameters:
PD: 300 microseconds
Freq: 50 Hz
Duty cycle 1:3 then 1:2 then 1:1
والله اعلى واعلم ❤️
The photo is just for illustration and not the patient's
#Electrotherapy #shoulder_subluxation
#conservative_management

العلاج الطبيعي حياة 🤍

يعني إيه علاج كهربائي أو Electrotherapy ؟

ال electrotherpy واحد من أهم وسائل العلاج الطبيعي اللي أعراضه الجانبية محدودة جدًا وتكاد تنعدم إذا تم استخدامه بصورة صحيحة من متخصص ‼️

من أهم مميزاته إنه وسيلة لا تخترق الجسم "noninvasive“ ويغني في كثير من الأحوال عن العلاج الكيميائي أو الدوائي ✅

يندرج تحته أكثر من نوع زي:

Electrical modalitities🔴
ودا يضم👈🏻

1️⃣ Faradic current
اللي بيستخدم بشكل أساسي لتحسين وظائف العضلات زي حالات الضعف العضلي الناتج عن خشونة المفاصل وما بعد الجراحة ❗️


TENS2️⃣
يستخدم بشكل أساسي لعلاج آلام الجهاز العضلي الهيكلي عن طريق ✅Gate control theory (يمنع وصول إشارات الألم للمخ)

أو ✅ opiate theory (يساعد في إفراز مواد كيميائية تخفف الألم) ❗️


Diadynamic current 3️⃣
ودا ليه دور في تحسين الدورة الدموية وعلاج آلام الأعصاب زي حالات ال Herpes Zoster أو الحزام الناري

+ دوره في تخدير الألم بيجعله يُستخدم في حالات CRPS دا غير تخفيفه لتورم الأطراف



🔴كذلك فيه Mechanical modalities ودا يضم :
Therapeutic Ultrasound 👈🏻

ليه استخدامات واسعة منها:
1️⃣ علاج تقلصات الأنسجة حول المفصل "joint contructures” ❗️

2️⃣الإسراع من عملية التئام العظم بعد الكسر لأنه بيزود نشاط ال osteoblasts الخلايا المسؤولة عن نمو العظام ❗️

3️⃣تحسين الدورة الدموية بسبب دوره الكيميائي في إفراز Nitric oxide ❗️

4️⃣علاج الجروح الجلدية زي في حالات مرض السكري بسبب دوره في تجديد الخلايا وتقليل مدة
❗️inflammatory phase



🔴كذلك electromagnetic radiation
اللي بيضم:

1️⃣SWD

2️⃣IRR

3️⃣UVR

بس نتكلم عنهم في بوست ثاني إن شاء الله علشان دا طول ✅

وأخيرًا العلاج الطبيعي حياة فعلًا 🤍
وُفقتم وسُددتم

واحدة من أبسط المهام اللي بنعملها من غير مجهود ذهني ضخم ولا بتتطلب مننا طاقة عنيفة هي "المشي" ❗️

رغم بساطة النشاط دا إلا إنه محسوب بدقة مبهرة ❗️
كل مرحلة من مراحل المشي بتتطلب نشاط عضلي مخصص بكيفية دقيقة… علشان النتيجة تكون👈🏻 المشي بشكل طبيعي مع بذل أقل طاقة ممكنة من المجموعات العضلية المختلفة ‼️

أي خلل في عضلة من العضلات دي تؤدي لمظهر غير طبيعي للمشي (pathological gait) ❗️

وكل مظهر غير طبيعي مبذول فيه مجهود في كتب ومجلدات وأوراق بحثية من قِبل أهل التخصص لتفسيره وعلاجه اللي ممكن يقعد سنين ‼️

احنا في نعم لا تُعد ولا تُحصى والله…
كام مرة فكرنا إن خطوة واحدة طبيعية قصادها كثير بيعانوا بمختلف أنواع المعاناة علشان مش قادرين ياخدوا الخطوة دي صح ⁉️⁉️


"وَمَا أُوتِيتُم مِّنَ الْعِلْمِ إِلَّا قَلِيلًا"
العلاج الطبيعي حياة 🤍
وُفقتم وسُددتم

و ذكر

يعني ايه علاج طبيعي ؟؟؟؟

بمناسبة البوست دا…عايزة أقول إن فعلًا العلاج الطبيعي بكل تخصصاته مش معروف بشكل كافي حتى عند كثير من الأطباء البشريين !
لدرجة إن كان بيدرس لنا دكتور بشري ممتاز ومتمكن جدًا ربنا يبارك في عمره وعمله كان بيعدي أجزاء من غير شرح مُفصل ظنّا منه بعدم أهميتها لينا…
المفاجأة لما بدأنا ناخد مادة من تخصصنا وعرفنا قد إيه الموضوع اللي مش اتشرح دا من أساس شغلنا في المادة دي بس هو مكنش مُدرك ! ونقيس على كدا أمثلة ثانية..

أنا معرفتش الكلية إلا بعد ما دخلتها، وكل محاضرة بكتشف المجال بشكل أوسع مكنش في حسباني أبدًا أبدًا، واللي هو فعلًا ايه كل العظمة دي ؟؟

العلاج الطبيعي من اسمه ببساطة قائم على فكرة العلاج دون تدخل كيميائي أو جراحي…
العلاج دا لإما
1️⃣علاج مائي : Hydrotherapy
2️⃣علاج كهربائي: Electrotherapy
3️⃣علاج يدوي: Manual Therapy
وكل واحد منهم ليه حكاية عريقة وتاريخ مبهر

بالنسبة للتخصصات عندنا ٦ تخصصات أساسية للعلاج الطبيعي:
1️⃣باطنة
2️⃣نسا
3️⃣ حروق وجراحة
4️⃣ عظام
5️⃣أعصاب
6️⃣أطفال.

كل تخصص بردو ليه حكاية لوحده وممكن يتفرع منه تخصصات أدق
دا العلاج الطبيعي باختصار أوي
وحقيقي كمية العظمة و "سبحان الله" في المجال إلى ما شاء الله
ربنا ينفعنا وينفع بنا
العلاج الطبيعي حياة
وُفقتم وسُددتم

https://www.facebook.com/100000416761558/posts/9313597781997355/

مهم لإخواننا في غزة
انشروه على أوسع نطاق

وَلَم أَرَ في عُيوبِ الناسِ شَيئاً · كَنَقصِ القادِرينَ عَلى التَمامِ

المتبني

لا تنسوا سورة الكهف
أكثروا من الصلاة على النبي في يوم الجمعة

في بودكاست بترولي مع كريم إسماعيل قال جملة : " فيه متعة في مذاق التعلم لا تضاهيها أي متعة في الحياة" ✍🏻 📖

الجملة دي فكرتني بقصيدة الإمام الشافعي-رحمه الله-:

سَهَري لِتَنقيحِ العُلومِ أَلَذُّ لي
مِن وَصلِ غانِيَةٍ وَطيبِ عِناقِ

وَصَريرُ أَقلامي عَلى صَفَحاتِها
أَحلى مِنَ الدَوكاءِ وَالعُشّاقِ

وَأَلَذُّ مِن نَقرِ الفَتاةِ لِدَفِّها
نَقري لِأُلقي الرَملَ عَن أَوراقي

وَتَمايُلي طَرَبًا لِحَلِّ عَويصَةٍ
في الدَرسِ أَشهى مِن مُدامَةِ ساقِ

وَأَبيتُ سَهرانَ الدُجى وَتَبِيتُهُ
نَوماً وَتَبغي بَعدَ ذاكَ لِحاقي

ربنا يعلمنا ما ينفعنا ويزيدنا علمًا ويرزقنا لذة طلبه 🌸

دكتور حازم شومان في مقطع ليه قال نصيحة لطالب عجبتني جدًا وبحاول أعمل بيها

قال: "مفيش حاجة اسمها علم ديني وعلم دنيوي، اسمه علم نافع "

كثير مننا بييجي في الشهور المباركة زي رمضان والأشهر الحرم همتنا تعلى للعبادة، وفي نفس ذات التوقيت مطالب مننا نذاكر للامتحانات زي دلوقتي كدا
ونبدأ ننشر كلام من قبيل إنهم بيخلونا نذاكر بدل ما نصلي ونقرأ قرآن و…

في حين إن المذاكرة في حد ذاتها عبادة🤍
ولو احتسبنا النية إننا ننفع الأمة بطلبنا للعلم ونرفع شأنها هتكون من أعظم العبادات وأجلها كمان🌹

أي علم ننوي فيه نفع الأمة فهو علم نافع، ودا أدق وأصح من قولنا علم ديني أو دنيوي

باقي النصيحة للدكتور فيما معناها إن انت كطالب أولويتك وقت الدراسة والامتحانات هي للمذاكرة، وتجدد نيتك فيها، لأن دي أمانة وانت هتبقى مسؤول عن أرواح ناس فيما بعد
أما وقت الإجازة انزل حلقات ودورات علمية في المساجد واجتهد للعبادة

ربنا يعلمنا ويوفقنا ويبارك لنا في تحصيلنا
متنسوش تجددوا النية

وُفقتم وسُددتم

أكثر بكثير أوي أوي يعني

مفيش حد بيحاول وبيجيب صفر!

[وَأَن لَّيْسَ لِلْإِنسَانِ إِلَّا مَا سَعَيٰ وَأَنَّ سَعْيَهُ سَوْفَ يُرَيٰ ثُمَّ يُجْزَاهُ الْجَزَاءَ الْأَوْفَيٰ].

السعي هيعمل حاجة من التلاتة..
يا أما هتنجح من أول مرة.
يا أما لو منجحتش هيديك خبرة في اللي جاي.
يا أما هيخليك تتعلم أن مش دا الطريق اللي يستحق المجهود فتشوف طريق تاني غيره.
⤶مفيش مجهود بيضيع أبداً، اسعىٰ. 💛

من رحمة ربنا بينا إن جسمنا ليه ردود فعل لا إرادية لحماية نفسه من الأضرار المحتملة

واحد من ردود الفعل دي اللي لطف ربنا بيتجلى فيها حاجة اسمها: Reflex Arc

ليه أكثر من نوع، ولكن المقصود هنا هو withdrawal reflexes

ودا ببساطة اللي بيحصل لما نلمس حاجة سخنة!

اللي بيحصل إن المستقبلات اللي على الجلد ليها مسار معين بتوصل فيه الإحساس دا للحبل الشوكي…علشان بعدها تيجي إشارة للعضلة بالانقباض وتسحب الذراع بسرعة كرد فعل من قبل حتى ما نحس بالألم

العظيم في الأمر إن الرحلة دي بتحصل في
354 ميللي من الثانية !!

من أول المسار الحسي اللي الإشارة العصبية بتمشي فيه لحد ما توصله للمسار الحركي… علشان تكون ردة الفعل لحماية نفسه بالسرعة دي والتنظيم والدقة والإبداع!
سبحان الله

"وَفِي أَنفُسِكُمْ أَفَلَا تُبْصِرُونَ"

الصورة من موقع BYJU'S

من كتاب إلى أبنائي وبناتي

أي حد هيفكر بربع عقل هيدرك إن الأمر فعلًا مش محتاج فتوى ! والتحايل على الوضع معروف جدًا فمفيش منه داعي بردو! سبحان الله، وصلنا لمرحلة إن المشايخ بقوا يتكلموا في أ ب عقيدة ولا حول ولا قوة إلا بالله…مفيش احتفال ولا شبه احتفال…مفيش صلاة ركعتين الساعة ١٢…مفيش تصوير جانب الشجرة اياها ولا لبس طقية اياه ولا حتى نفرح باشكالهم وصورهم ونلاعب بيها العيال! والله عقيدة عقيدة عقيدة الأمر خطر

اعملوا ڤوت هنا واحتسبوا الأجر https://vote.1billionsummit.com/#vote-section
قناته فيها نفع كبير للشباب

صدقًا ملهاش تفسير غير إنه من عند الله وبس !
فيه ناس بيقى القبول طاغي عليها من غير سلام حتى، قلوب سليمة
سبحان الله سبحان الله

أنا مش عارفة إيه اللي ممكن يخلي حد يُذكر بالخير وتبقى سيرته حسنة بين الناس أكثر من كونه هين لين سهل…

من ٤ سنين كان عندي امتحان شفوي تبع الأزهر في مادة ثقيلة مع أحد المشايخ وبدأ الامتحان بسؤال مفهمتهوش لدرجة إني فضلت متنحة كام ثانية بدون أي تعليق وهو مستني…

ابتسم ابتسامة خفيفة وقاللي طيب انتي عارفة إيه في المادة دي!؟
قولتله اللي عارفاه، بنفس الابتسامة سألني سؤال ثاني من سهولته كنت حسة إنه مقلب 😂
المهم تدرج شوية بالأسئلة لحد ما ربنا كرمني وعديت الامتحان على خير

الشاهد من الكلام إن رغم الموقف دا عدى عليه ٤ سنين إلا إني لحد دلوقتي لما بفتكر الشيخ دا بشكل تلقائي بدعيله وبستحضر ابتسامته طول وقت اللجنة وأنا والله ما عارفة اسمه حتى!!

وزي ما اللطف أثره بيبقى كذلك الشدة والتعنت أثرها بيبقى !

الناس اللي بتسهل علينا الحياة بكلامهم ولطفهم وأفعالهم أو حتى بس ملامحهم…

يحضرني قول عمر بن الخطاب رضي الله عنه: "لولا إخوة يتخيرون أطايب الكلام كما يتخيرون أطايب الثمر لما أحببت البقاء في الدنيا"

ربنا يديم في حياتنا الطيبين ويجعل أثرنا طيبًا في نفوس عباده يارب

بلاش صور عند شجرة الكريسماس
معندناش احتفال برأس السنة
معندناش صور مع بابا نويل

دي أ ب عقيدة
العلما اتكلموا في الأمر دا بكل شدة وعدم فهمه مؤشر خطر خطر خطر
احنا مسلمين

متنسوش سورة الكهف بكرة وأكثروا من الصلاة على رسول الله 🌸

ناولني أحلامي فإنَّكَ ترى كم يتشبَّث بها قلبي، وأصلح لي حالي فإنَّك تعلم أمر ترنُّحِها وتقلُّبِها ذات الاستقامةِ وذات المَيْل، وسدِّد خُطواتِي فهي تائهة مِن غيرك، وطهِّر سجيَّتي فإنَّ الحياة تُلوِّثها، وأَنِـر دربي فما عدتُ أرى منهُ شيئًا أمامي لكنِّي لا زلتُ أحتفظ بأملي وظنِّي فيك، واغمرني برحمتِك فالواقعُ أشدُّ قسوةً مِن الحجارة، واشملني بعِنايتك فقد أذاني إهمالي في حقِّ نفسي، واكفلني بسعادةٍ منك تعيد قلبي إلى سيرته البريئة الأولى، وضَع في طريقي مَنْ يُعينني عليها، ومَنْ يستطيع معي صبرًا".

آمـيـن، آمـيـن.

عارف إحساس الأمانة اللي بنحطه في حاجة محدش شايفها؟

أمانة في شغلك، في علاقاتك، في كل حاجة بتقدمها بكل قلبك للآخر مش نص نص..
لكل مرة بتقول: لأ، هكملها للآخر، بحب، حتى لو مفيش حد شايفني ومحدش هيسقف لي عليها..

صدقني، اللي بيشوف إخلاصك في الصغير و أمانتك في القليل؛ هيجازيك بالكبير في حاجات عمرها ما كانت على بالك.

- ملك شردي

ورد القرآن لا يستغني عنه قلب مشبع بالإيمان
افتح مصحفك
يمكن الصفحة اللي تقرأها الآن في دقيقتين تكون حجابًا لك
لعلك تنجو بها

"الأدبُ يسترُ قليلَ العلم، والعلمُ لا يستر قليلَ الأدب، وفقدُهما عَراء، وجمعُهما ثراء.

الشخص الخلوق المحترم اللي لا يُسمع منه إلا الخير لما يتحط في موقف يُبخس فيه حقه أو يُهان فيه على الملأ وميردش لخجل دا اسمه جُبن وضعف…مش "مُحترم ومردش!"

قال سفيان بن عيينة : قلت لسفيان الثوري ما قوله عز وجل : " وجزاء سيئة سيئة مثلها " ؟ قال : أن يشتمك رجل فتشتمه وأن يفعل بك فتفعل به

واللي طريقته في الصلح عبارة عن إنه ييجي للضعيف ويقوله سامح وعدي دا مش صلح…
أو يعظم من صاحب المقام أو المنصب رغم تعديه أو يتخذ سلطته عونًا ليه دا ظُلم…

اه في حالات مينفعش الحق يتاخد برد الشتيمة، ولكن لازم يتاخد موقف على الأقل!

فرق بين المُحترم والضعيف
فرق بين المُهان وعزيز النفس

ولكل مقامٍ مقال

مِمَّا يضر بالمرء أن ينشأ في بيت كريم الأصل، أهله طيبون ذوو مروءة وجود وسؤدد، ليظن أن هذا هو الأصل في الناس؛ فيعاملهم كلهم بما اعتاد عليه بلا تكلف أو اصطناع.

فيزعجه -بعد تجربته- أن يجد الأصل في الناس الشر لا الخير، ويسوؤه ما يجده من الجحود والنكران، ويدهشه استحلال الظلم والبغي. فما يزال به الناس حتى يصير إلى انعزال عنهم وكراهية لكل الخلق إلا بقية من أصحاب المروءات، وقليل ما هم!

- د/ حسام عبد الجواد

صلاة الفجر يا عباد الله

‏ لا يدركها إلا قلب أحبّه الله و أحبّ لقائه
‏اللهم اجعلنا وإياكم من أهل الفجْر ، صلاة
الفجر غنيمة لا تُعادلها غنائم الدنيا وكنوزها.

مش كل الناس عندها السواء النفسي اللي يسمحلها تؤمن إن النجاح يسع الجميع

وإن الرزق بيد الله

وإن نجاح فرد واحد من الأمة هو نجاح
وشرف للأمة كلها

وإن المُوفق يستحق التقدير والدعم مش قص الجناح

وإن مش كله بالواسطة والفهلوة وفيه ناس تستحق فعلًا وإن قَلوا

مش كل الناس عندها السواء النفسي اللي يسمحلها تمدح حد أحسن منها في وشه وفي العلن وتظهر فضائله

مش كل الناس …
والسلام

مع ضغط الدراسة وكثر الامتحانات بحتاج أذكر نفسي من وقت للتاني إن فعلًا لحظة توفيق إلهية تغني عن ساعات وسنوات من البذل…

أكثر مادة مراجع عليها وامتحانها مباشر وتدخل الامتحان واثق في نفسك وعندك ذرة ركون ليها وتقوم تغلط في أكثر سؤال تافه موجود لتجميع درجات!

ومادة ثانية ملحقتش تفتحها وداخل الامتحان وانت متوكل على الله وبس وتلاقي تقديرك فيها أعلى من الأولى!

كل لما تعدي عليا فترة صعبة أفتكر المواقف اللي عشتها بالشكل دا وأقول هي فعلًا عمرها ما كانت بمجهودي ويبقى خوفي من المادة السهلة إني أركن فيها لنفسي فأُسلب التوفيق !


مع كثر القوانين الدنيوية اللي موجودة حوالينا وتعظيمها من شهادات ودرجات نسيتنا هدفنا الأساسي والأسمى من طلبنا للعلم وسعينا لتحصيله !

الشهادة مش هتنفعنا لو حصلناها بسخط الله
والدرجة اللي تتاخد بواسطة أو ذُل بتقلل من شأن صاحبها أكثر ما بترفعه

السعي إن مكنش في مرضاة الله ولا يشوبه رياء فلا خير فيه
ومن شب على شيء شاب عليه

أصل نهايتنا معروفة…شوية تراب ثم للجنة
أو النار عافانا الله

وُفقتم وسُددتم

*⭕ نوايا طلب العلم*

إستكمالاً لنوايا مسيرتنا في طلب العلم ولنعلم أيضا أن من فقه المؤمن *( تعظيم النوايا):-*

- نزول الجامعة ابتغاءً لتعلم العلم لوجه الله أجر.

- مغالبة التعب والإرهاق والصحيان بدري أجر.

- الصبر على التعامل مع السواقين والمواصلات أجر.

- جهاد النفس والتكلم بطيب مع الناس عالصبح أجر وصدقة. 💙🥹

- المحاضرات الطويلة، الكراسي المتعبة، الصداع، إدارة مشاعر اليأس، المحاولات الأولى والمتكررة. 💙

- الصّبر عالدكاترة، والإمتحانات، ومواقع الكلية اللي مبتفتحش أجر.

▪️قال الله عز وجل:- ﴿إِنَّ الَّذينَ آمَنوا وَعَمِلُوا الصّالِحاتِ إِنّا لا نُضيعُ أَجرَ مَن أَحسَنَ عَمَلًا﴾ [الكهف: ٣٠]


استحضروا دايما نواياكم، أخلصوا العمل لله، اقرؤوا أذكاركم، واستودعوا أنفسكم وكل ما لكم لله وقللوا الشكوى.
وزاحموا أوقات الدراسة بعلوم القرآن والدين.

↩️ وختاماً:- *[تعلموا العلم فإنكم لا تدرون متى تحتاجون إليه]. 💙*

لا حول ولا قوة إلا بالله … محتاجين همم يا شباب، كل واحد على ثغر هيتحاسب عليه…محتاجين نفوق من الغفلة ونجعل همومنا على قدرنا كمسلمين ! إن الهموم بقدر الهمم

أكثروا من الصلاة على النبي في يوم الجمعة وليلتها 🌱لا تنسوا سورة الكهف 💐

يحضرني حديث حرام بن ملحان رضي الله عنه عندما اخترق الرمح ظهره حتى خرج من صدره، وأصبح يتلقى الدم بيديه، ويمسح به وجهه ورأسه يقول: ( فزت ورب الكعبة )

شجاعة وعزة سبحان الله
رحم الله السنوار ومن على نهجه

"في الغالب الطلبة يكرهون المواد التي ما شُرِحت لهم بشكل جيد"

"المعلومة تراها ثابتة لا تتغير، كونها سهلة أو صعبة تعتمد على التلقي، فلما تلاقي فيه معلومة أو مادة صعبة، على رسلك…
قبل أن تحكم عليها شوفها من حد تاني"

د حاتم التركستاني
استشاري طب أطفال وأكاديمي سابق
من بودكاست مناوب

أكثروا من الصلاة على النبي في يوم الجمعة وليلتها 🌱لا تنسوا سورة الكهف 💐

صلاح القلب من الأعمال الخفية اللي محتاجة جهاد دائم ضد الشيطان والنفس الأمارة بالسوء

إنك تلاقي حد ينصحك من غير ما ينتظر منك مقابل لمجرد إنه عايز يشوفك أحسن وتجربتك أفضل من تجربته !

مش بيبخل باللي عنده ونفسيته السوية تسمحله يشوفك أحسن منه من غير حقد ولا نفسنة !

مؤمن إن النجاح يسع الكل والرزق دا بتاع ربنا واحنا مجرد أسباب في حياة بعض !

الحاجات دي فعلًا بتمثل لي جزء كبير من حسن خلق الشخص…إن مكنش الجزء الأكبر

أصل اللي عنده حرص على أعمال قلبه الخفية طبيعي يكون مستواه معدي

ربنا يرزقنا حسن الخلق ويجعل في طريقنا الناصحين الصالحين المخلصين يارب ويجعلنا منهم

"الفوز الذي يجب أن يحققه بعض الناس في الدنيا، هو أن يتجاوزوا ما حدث، أن يتجاوزوا قصة ما بكل تفاصيلها، قصة قللت من قَدرهم عند أنفسهم، وأشعرتهم بأنهم مهزومون بالفطرة، أن يتوقفوا عن الاستمرار في لوم أنفسهم، ويرفعوا سورهم، ولا يسمحوا لأحد ما أن يحدث فوضاه على أبوابهم، الفوز أن يشعروا أنهم قادرون على أن يكملوا المسيرة بعقل واعٍ، ونفسية إنسان لا يحب أن يكون ضحية، ولا يحب أن يقدم الكثير مقابل لا شيء."

أكثروا من الصلاة على النبي في يوم الجمعة وليلتها 🌱لا تنسوا سورة الكهف 💐

عظم الله عزاءكم وجعل تدبيركم تدميركم
اللهم كن لعبادك المؤمنين عونًا وسدد رميهم يارب يارب
الحمد لله حمدًا كثيرًا طيبًا مباركًا فيه

مستغني ؟

ورد اليوم 🌹

الطالبة سهيلة نصر فرقة رابعة طب بشري اسكندرية توفاها الله
كانت منزلة الآية دي
رددوها ربنا يجعله في ميزانها ويتغمدها برحمة منه يارب

أكثروا من الصلاة على النبي في يوم الجمعة وليلتها 🌱لا تنسوا سورة الكهف 💐

لو عَجز لسانك عن الدُّعاء وضاقت بك الكلمات فتكفيك كلمة "يا رب"، فهو يعلم ما في نفسك ويعلم ما تريد..

كلمة "يا رب" هي جمعٌ لكل الشتات القلبي أثناء الدُّعاء وراحة للسانك المُتلَعثِم الّذي لا يحسن فصاحة التَّضرُّع والمُناجاة!

اللّٰه يعلم ما في نفسك؛ فلا تحزن!

-كريم عامر.

صباخُ الخَير..
للطلاب البائسين:
"لا تبتئس!
فالعمرُ مرَّة
‏وكؤوسُ المجدِ مُرَّة
‏
‏وستنطوي أيام يأسِك
‏وسترتوي عذبَ المسرَّة
‏
‏إن المُنى تحتاج بذلاً
‏لتكون للساعين قُرَّة".

ورد اليوم 🌹

الصورة دي بتوضح التفاعلات الكيميائية اللي بتم في خلية واحدة من خلايا جسمنا اللي بيتكون من أكثر من ٣٠ تريليون خلية !

كل تفاعل حيوي ليه مسار معين لا ينحرف عنه في صورة من أبهى صور الدقة والنظام والرعاية الربانية

سبحان الله
"وَفِي أَنفُسِكُمْ أَفَلَا تُبْصِرُونَ"

الصورة من موقع KEGG PATHWAY

إبصارُ الأشياءِ على حقيقتِها انتصارٌ!
لكنّه مؤلمٌ؛
يأكلُ صاحبَه حسرةً على كلٍّ أملٍ كاذبٍ، و كلِّ جهدٍ ضائعٍ.

فـ إن قدَّرتَ لي معرفةَ حقيقةِ الأشياءِ،
ارزقني طاقةَ التحمُّلِ،
و قُدرةَ القبولِ.

واكتبْ لنا الخيرَ حيثُ كانَ ثُمَّ ارضِنا به..

- سمر إسماعيل.

ورد اليوم 🌹