နေပြည်တော်အသိုင်းအဝိုင်း

နေပြည်တော်ရေပန်းဥယျာဉ်ကို Royal Garden အဖြစ် ငွေကျပ် ၁၅ ဘီလီယံကျော်အသုံးပြု၍ အသစ်ထပ်မံတိုးချဲ့မှုများ ဆောင်ရွက်နေ
------------------------------------------------------------------------------------

MFN
ရန်ကုန်။ ၂၀၂၅ ၊ ဖေဖော်ဝါရီ ၁၀ ရက်

နေပြည်တော် ရေပန်းဥယျာဉ်ကို မြို့တော်အင်္ဂါရပ်နှင့်အညီ Royal Garden အဖြစ် ငွေကျပ် ၁၅ ဘီလီယံကျော် အသုံးပြု၍ အသစ်တိုးချဲ့တည်ဆောက်မှုများဆောင်ရွက်လျက်ရှိကြောင်း နေပြည်တော်ရေပန်းဥယျာဉ်မှ သိရပါတယ်။

ရေပန်းဥယျာဉ်ကို ၂၀၀၈ ခုနှစ်မှာ စတင်တည်ဆောက်ခဲ့တာဖြစ်ပြီး ယခု ၂၀၂၅ ခုနှစ်တွင် သက်တမ်း ၁၇ နှစ်ကြာမြင့်လာခဲ့ပြီဖြစ်တဲ့အတွက် လက်ရှိမှာ အဆင့်မြှင့်တင်ခြင်းလုပ်ငန်းများနှင့် အသစ်တည်ဆောက်ခြင်း လုပ်ငန်းများကိုဆောင်ရွက်လာတာဖြစ်ကြောင်းလည်း သိရပါတယ်။

“ကျွန်တော်တို့က လုပ်ငန်းတွေကို ရင်းနှီးမြှုပ်နှံမှုတွေထပ်လုပ်ပြီးတော့ ပြုပြင်မွမ်းမံတာတွေ၊ အသစ်တည်ဆောက်တာတွေ လုပ်နေပါတယ်။ ပထမအဆင့် လုပ်ငန်းအနေနဲ့အဆင့်မြှင့်တင်ခြင်းလုပ်ငန်း ၄ မျိုးနဲ့ အသစ်တည်ဆောက်တာက ၁၄ မျိုးကို လုပ်ဆောင်နေတယ်။ ဒုတိယအဆင့်အနေနဲ့တော့ အသစ်တည်ဆောက်တဲ့လုပ်ငန်း ၁၄ မျိုး၊ တတိယအဆင့်လုပ်ငန်းအနေနဲ့လည်း အသစ်တည်ဆောက်တဲ့ လုပ်ငန်း ၁၇ မျိုး၊ အဲဒီလိုအဆင့်ဆင့်နဲ့ စုစုပေါင်း ၁၅ ဘီလီယံကျော် လောက်ကို ရင်းနှီးမြှုပ်နှံပြီးတော့ လုပ်ဆောင်နေပါတယ်” လို့ နေပြည်တော်ရေပန်းဥယျာဉ်မှ တာဝန်ရှိသူ တစ်ဦးက ပြောကြားထားပါတယ်။

နေပြည်တော်ရေပန်းဥယျာဉ်ကို နေပြည်တော်၏ ဂုဏ်ပုဒ်တစ်ခုဖြစ်စေရန် ဆောင်ရွက်သွားမည်ဖြစ်ကြောင်း၊ ဥယျာဉ်အတွင်း သစ်ပင်ပန်းမံများ အမြဲစိမ်းလန်းသာယာလှပစေရေးနှင့် ရာသီအလိုက်ပွဲတော်များ၊ ပန်းပွဲတော်များ ကျင်းပနိုင်စေရန် ဆောင်ရွက်ထားကြောင်းလည်း သိရပါတယ်။

ထိုသို့အသစ်တိုး ချဲ့တည်ဆောင်ခြင်းများ၊ ပြင်ဆင်မှုများကို ကုန်ခဲ့သည့် ၂၀၂၂ ခုနှစ်မှ စတင်ခဲ့ခြင်းဖြစ်ပြီး ခေတ်မီ ကလေးကစားကွင်းများ၊ ပန်းခြံအသစ်များ၊ အရုပ်ကြီးများကိုပါ ထည့်သွင်းပြင်ဆင်ထားကာ လက်ရှိမှာတော့ အသစ်တိုးချဲ့တည်ဆောက်ခြင်း ၄၅ ခုလျာထားရာမှာ ၁၄ ခုပြီးစီးသွားပြီဖြစ်ကြောင်း သိရပါတယ်။

နေပြည်တော်ရေပန်းဥယျာဉ်ကို လက်ရှိတွင် မနက် ၈ နာရီမှ ည ၈ နာရီအတွင်းဖွင့်လှစ်ထားပြီး ဝင်ကြေးအနေဖြင့်လည်း တစ်ဦးလျှင် ၁၀၀၀ ကျပ်နှုန်းဖြင့် လာရောက်လည်ပတ်နိုင်တယ်လို့ သိရပါတယ်။

#နေပြည်တော်ရေပန်းဥယျာဉ် #အဆင့်မြှင့်တင် #MFN #MyanmarFutureNews

Photo – Internet

"၂၀၂၃ ခုနှစ်အတွက် အစိုးရ ရုံးပိတ်ရက်များ"
အတာသင်္ကြန်အတွင်း ရုံးပိတ်ရက်ရှည် ၉ ရက်ပိတ်မည်။

(၁၈-၉-၂၀၂၂)ရက်နေ့၊ ပြည်ထောင်စုနယ်မြေ၊ နေပြည်တော်ရှိ COVID-19 အတည်ပြုလူနာတွေ့ရှိမှု အခြေအနေ

(၁၇-၉-၂၀၂၂)ရက်နေ့၊ ပြည်ထောင်စုနယ်မြေ၊ နေပြည်တော်ရှိ COVID-19 အတည်ပြုလူနာတွေ့ရှိမှု အခြေအနေ

(၁၆-၉-၂၀၂၂)ရက်နေ့၊ ပြည်ထောင်စုနယ်မြေ၊ နေပြည်တော်ရှိ COVID-19 အတည်ပြုလူနာတွေ့ရှိမှု အခြေအနေ

(၁၅-၉-၂၀၂၂)ရက်နေ့၊ ပြည်ထောင်စုနယ်မြေ၊ နေပြည်တော်ရှိ COVID-19 အတည်ပြုလူနာတွေ့ရှိမှု အခြေအနေ

နေပြည်တော်တွင် ၈​​မြို့နယ်လုံးကို လူ ၅ ဦးထက်ပိုမစုဖို့ ပုဒ်မ ၁၄၄ ထုတ်ပြန်

မတ်လ ၂၄ ရက် ၂၀၂၂ခုနှစ်

​ပြည်ထောင်စုနယ်မြေ နေပြည်တော်​ကောင်စီ ရှိ မြို့နယ်၈ မြို့နယ်လုံးအား လူ ၅ ဦးနဲ့ ၅ ဦးထက်ပိုမစုရန် ပုဒ်မ ၁၄၄ ကို မတ်လ ၂၁ ရက်စွဲဖြင့် မြို့နယ်အလိုက် ထုတ်ပြန်ကြေငြာလိုက်သည်။

နေပြည်တော်ကောင်စီနယ်မြေမြို့နယ်များဖြစ်သည့် သီရိ ၅ မြို့နယ်နှင့် ပျဥ်းမနား၊လယ်ဝေး၊တပ်ကုန်း မြို့များတွင် စုဝေးခြင်း၊ဟောပြောခြင်း၊ စီတန်းလှည့်လည်ခြင်း၊ လှုံ့ ဆော်ခြင်း၊ ဖျက်ဆီးခြင်း၊ ရုန်း ရင်းဆန်ခတ်ပြုမှုခြင်းများကို မပြုလုပ်ရဟု တားမြစ်ဖော်ပြထားသည်။