NATO OTAN Military Army News - North Atlantic Treaty Organization by RTP [Marine, Navy, Air, Space, Ground, Coast Force EU USA]

Landhelgisgæsla Íslands/Icelandic Coast Guard (Facebook)

Stjórnstöð Landhelgisgæslunnar barst neyðarkall frá fiskibáti sem staddur var um hálfa sjómílu undan Svörtuloftum á Snæfellsnesi um klukkan fimm í morgun.

Tveir voru um borð í bátnum og tjáðu þeir varðstjórum stjórnstöðvar að báturinn væri stjórnvana og ræki með sjávarfallastraumi norður með landinu.

Þyrlusveit Landhelgisgæslunnar var þegar í stað kölluð út ásamt sjóbjörgunarsveitum Slysavarnafélagsins Landsbjargar á Snæfellsnesi.

Áhöfnin á björgunarskipinu Björgu frá Rifi var fyrst á vettvang og klukkan 5:45 var fiskibáturinn kominn í tog hjá áhöfn björgunarskipsins. Þyrlusveit Landhelgisgæslunnar var þá afturkölluð og björgunarskipið hélt með fiskibátinn á Rif.

Landhelgisgæslan hefur tilkynnt Rannsóknarnefnd samgönguslysa um atvikið.

Landhelgisgæsla Íslands/Icelandic Coast Guard (Facebook)

✈️ Áhöfnin á TF-SIF, eftirlitsflugvél Landhelgisgæslunnar, hefur annast eftirlit með lögsögunni í vikunni. Flug dagsins markaði tímamót því Gunnar Guðmundsson flaug sitt fyrsta flug sem flugstjóri á TF-SIF.
🍰 Áfanganum var að sjálfsögðu fagnað með kökusneið að flugi loknu.

👩‍✈️Í áhöfn dagsins voru Gunnar Örn Arnarson, Teitur Gunnarsson, Guðmundur Ragnar Magnússon, Garðar Árnason, Lára Theodóra Magnúsdóttir og Gunnar Guðmundsson.

Landhelgisgæsla Íslands/Icelandic Coast Guard (Facebook)

Þyrlusveit Landhelgisgæslunnar annaðist metfjölda útkalla árið 2024. Alls var sveitin kölluð 334 sinnum út í fyrra sem er 31 útkalli meira en árið 2023. Af útköllunum 334 voru 135 farin á fyrsta forgangi og 150 á öðrum forgangi.

Ríflega helmingur útkallanna voru vegna sjúkraflutninga eða um 183 útköll. Sjúkraflutningum á landi og sjó fjölgaði um tæplega 14% frá fyrra ári þegar farið var í 161 sjúkraflutning. 85 útköll voru vegna leitar eða björgunar. Eins og áður voru flest útköllin á Suðurlandi eða um þriðjungur allra útkalla síðasta árs. Einnig var nokkur fjöldi vegna útkalla sem tengdust jarðhræringunum á Reykjanesi.

Útköll á sjó voru um fimmtungur allra útkalla þyrlusveitar Landhelgisgæslunnar.

Þyrluútköllum hefur fjölgað jafnt og þétt á undanförnum áratug og til samanburðar má nefna að árið 2016 voru útköllin 253.

Landhelgisgæsla Íslands/Icelandic Coast Guard (Facebook)

Flugsveit finnska flughersins er væntanleg til landsins í lok janúar, en þá hefst loftrýmisgæsla Atlantshafsbandalagsins. Flugsveitin samanstendur af fjórum F/A-18 Hornet orrustuþotum og allt að 50 liðsmönnum.

Um er að ræða fyrstu loftrýmisgæslu Finna Íslandi eftir að þeir gengu í Atlantshafsbandalagið. Flugsveitin tekur þátt í verkefninusamt starfsmönnum stjórnstöðva Atlantshafsbandalagsins í Uedem í Þýskalandi og öryggissvæðinu Keflavíkurflugvelli.

„Þátttaka Finna í loftrýmisgæslu Íslandi markar mikilvæg tímamót og sýnir meðþreifanlegum hætti hvernig aðild þessarar norrænu vinaþjóðar Íslendinga að Atlantshafsbandalaginu styrkir og dýpkar varnarsamvinnu okkar og eykur öryggi Íslendinga,“ segir Þorgerður Katrín Gunnarsdóttir utanríkisráðherra.

Framkvæmd verkefnisins verður með sama fyrirkomulagi og undanfarinr og í samræmi við loftrýmisgæsluáætlun Atlantshafsbandalagsins fyrir Ísland.

Flugsveitin hefur aðsetur öryggissvæðinu...

View original post

Landhelgisgæsla Íslands/Icelandic Coast Guard (Facebook)

Séraðgerðasveit Landhelgisgæslunnar eyddi tundurduflinu sem kom í land með fiskiskipi á Akureyri í gær. Duflinuar eytt í Eyjafirði um hádegisbil.

Tundurdufliðar hátt í 150 kíló en þvíar komið fyrir á öruggu dýpi í Eyjafirði í gær eftir að hafaerið flutt af hafnarsvæðinu á Akureyri. Aðgerðir lögreglu og Landhelgisgæslunnaroru umfangsmiklar og loka þurfti hluta hafnarsvæðisins. Duflinuar komið fyrir á hafsbotni en ákveðiðar að eyða þvíið birtingu.

Í morgun fór séraðgerðasveit Landhelgisgæslunnar með björgunarsveitinni Súlum að staðnum þar sem duflinuar komið fyrir í gærkvöld og undirbjó eyðingu þess. Kafaðar að tundurduflinu og það svo sprengt laust fyrir klukkan eitt í dag.

Aðgerðin gekk afarel og Landhelgisgæslanill þakka lögreglu og björgunarsveitinni Súlum fyrir gott og árangursríkt samstarf.

Þá hvetur Landhelgisgæslan áhafnir skipa eða báta að hafa sambandið stjórnstöð Landhelgisgæslunnar ef þærerðaararið torkennilega...

View original post

Landhelgisgæsla Íslands/Icelandic Coast Guard (Facebook)

Tundurduflið sem kom í veiðarfæri togara var í kvöld dregið út í Eyjafjörð og því komið fyrir á stað þar sem því verður eytt í birtingu á morgun.

Séraðgerðasveit Landhelgisgæslunnar var kölluð út vegna málsins fyrr í dag og lögreglan á Norðurlandi eystra lokaði hluta af hafnarsvæðinu á Akureyri.

Aðgerð lögreglu og Landhelgisgæslunnar var umfangsmikil. Sprengjusérfræðingarnir byrjuðu á að rannsaka sprengjuna sem reyndist vera tundurdufl.

Tryggja þurfti hvellhettu duflsins áður en hægt var að hefja flutning þess. Að því búnu var tundurduflinu komið fyrir á lyftara og það fært innan hafnarsvæðisins. Af lyftaranum var tundurduflið híft og því komið fyrir í sjó. Næst var það dregið með dráttarbáti hafnarinnar á heppilegan stað þar sem gert er ráð fyrir að því verði eytt í birtingu á morgun.

Landhelgisgæsla Íslands/Icelandic Coast Guard (Facebook)

Ert þú með vélstjórnarréttindi VF.2 og langar að spreyta þig á varðskipi?

Landhelgisgæslan leitar að öflugum og jákvæðum vélstjórnarmenntuðum einstaklingi með góða samskipta- og samstarfshæfileika til að leysa af á varðskipinu Freyju sem gert er út frá Siglufirði. Viðkomandi þarf að geta hafið störf sem fyrst og verið til 31. janúar með möguleika á framhaldi í afleysingum.

Áhugasamir geta sent umsókn eða fyrirspurnir á netfangið [email protected]

Landhelgisgæsla Íslands/Icelandic Coast Guard (Facebook)

Jónas Karl Þorvaldsson, yfirmaður séraðgerðasveitar Landhelgisgæslunnar, var í gær sæmdur heiðursmerki hinnar íslensku fálkaorðu við hátíðlega athöfn á Bessastöðum. Jónas fékk riddarakross fyrir framlag sitt til friðargæslustarfa og öryggismála.

Alls hlutu fjórtán einstaklingar fálkaorðuna að þessu sinni og óskar Landhelgisgæslan þeim öllum til hamingju.

Ljósmynd: Eyþór Árnason.

Landhelgisgæsla Íslands/Icelandic Coast Guard (Facebook)

🎆 Þótt ótrúlegt megi virðast er árið 2024 á enda og árið 2025 handan við hornið. Árið sem nú er að líða hefur verið tíðindaríkt í starfi Landhelgisgæslunnar og verkefnin sem starfsfólk hefur fengist við verið bæði fjölbreytt og og krefjandi eins og myndirnar bera með sér.

🎉 Landhelgisgæsla Íslands óskar landsmönnum öllum gleðilegs nýs árs.

⚓️ Í athugasemdum hér fyrir neðan má finna annál Landhelgisgæslunnar fyrir árið 2024.

Landhelgisgæsla Íslands/Icelandic Coast Guard (Facebook)

Landhelgisgæsla Íslands tekur þátt í fjölbreyttu alþjóðlegu samstarfi. Eitt þessara samstarfsverkefna felur í sér að starfsfólki strandgæslna gefst tækifæri til að fræðast um verkefni sambærilegra stofnanna í öðrum Evrópulöndum (e. Coast Cuard Exhange Programme). Markmið verkefnisins er m.a. að auka samstarf strandgæslna, efla þekkingu starfsfólks, veita því tækifæri til að kynnast starfsháttum systurstofnanna og kynna sér tækjabúnað þeirra.

Hluti af þessu verkefni var heimsókn liðsforingjans Vito de Carne frá ítölsku strandgæslunni. Hann dvaldi hér á landi í desember og fór m.a. í eina eftirlitsferð með varðskipinu Freyju. Þar fékk hann tækifæri til að kynna sér aðstæður um borð í íslensku varðskipi í vetrartíð. Þá kynnti Vito de Carne sér einnig aðra þætti starfsemi Landhelgisgæslunnar í Skógarhlíð og fékk fræðslu um fyrirkomulag fiskveiði- og mengunareftirlits.

Landhelgisgæsla Íslands/Icelandic Coast Guard (Facebook)

Varðstjórar á stjórnstöð Landhelgisgæslunnar voru í sínu fínasta pússi á aðfangadagskvöld.

Landhelgisgæsla Íslands/Icelandic Coast Guard (Facebook)

Áhöfnin á varðskipinu Þór kom saman á vetrarsólstöðum og hélt sín árlegu litlu jól og jólabingó.

Dagurinn hófst með hefðbundnu sniði en boðið var upp á skötu og saltfisk í hádeginu sem hefur verið til siðs síðan 1926.

Upp úr hádegi, sveif svo jólaandinn yfir vötnum um borð í varðskipinu, þrátt fyrir að áhöfnin hefði í nógu að snúast enda verður varðskipið á bakvakt yfir jól og áramót.

Þegar líða fór að kveldi, klæddi áhöfnin sig upp í betri fötin og mætti til kvöldverðar þar sem kvartett sveit varðskipsins „Vitringarnir fjórir“ spiluðu og sungu nokkur vel valin jólalög áður en áhöfnin gæddi sér á dýrindis jólakræsingum sem brytinn hafði töfrað fram. Öll áhöfnin gekk svo í að ganga frá eftir matinn.

Á áttunda tímanum hófst svo hið árlega jólabingó þar sem áhöfn mætti saman í sínum jólapeysum og jólasveinninn lét sig ekki vanta. Spilaðar voru 44 umferðir og voru veglegir vinningar voru í boði, sem okkur bárust frá 25i úr...

View original post

Landhelgisgæsla Íslands/Icelandic Coast Guard (Facebook)

Landhelgisgæslan gaf í dag út nýjustu Tilkynningar til sjófarenda en um er að ræða 13. útgáfu þessa árs. Tilkynningar til sjófarenda innihalda m.a. upplýsingar um sjókort og leiðréttingar þeirra auk annarra upplýsinga er varða öryggi í siglingum. Í þessari útgáfu Tilkynninga til sjófarenda er m.a. greint frá útgáfu á nýju hafnarkorti fyrir Drangsnes sem Landhelgisgæslan gaf einnig út í dag.

Tilkynningar til sjófarenda má nálgast á vefsíðu Landhelgisgæslunnar en tengil á vefslóðina er að finna í ummælum hér að neðan.

Landhelgisgæsla Íslands/Icelandic Coast Guard (Facebook)

Áhöfninni á varðskipinu Þór tókst nú síðdegis að bjarga hval sem hafði fest sig í legufæri norður af Viðey. Stjórnstöð Landhelgisgæslunnar barst tilkynning um málið í gærkvöld og um miðnætti var séraðgerðasveit Landhelgisgæslunnar send til að kanna málið.

Vegna myrkurs og erfiðra aðstæðna gekk erfiðlega að skera af hvalnum og var ákveðið að áhöfnin á varðskipinu Þór gerði tilraun til að bjarga dýrinu í birtingu. Landhelgisgæslan gerði Matvælastofnun viðvart og voru fimm úr áhöfn Þórs sendir að hvalnum sem stoppaði stutt á yfirborðinu en var rækilega fastur í legufærinu.

Áhöfnin notaðist við belg, tóg og kröku og reyndi að slæða upp spottann sem hvalurinn var flæktur í. Á sjötta tímanum náðist loks að skera á tógið og dýrið synti í burtu frjálst ferða sinna. Hvalurinn virtist frelsinu feginn eftir raunir næturinnar og dagsins.

Landhelgisgæsla Íslands/Icelandic Coast Guard (Facebook)

Gamli Þór, björgunarskip Slysavarnafélags Landsbjargar, var flutt með varðskipinu Freyju frá Vestmannaeyjum vestur á firði þar sem skipið kemur til með að öðlast nýtt líf í þjónustu björgunarsveitarinnar Kofra á Súðavík. Þór var hífður um borð í Freyju við Binnabryggju í Eyjum og haldið með skipið á Ísafjörð. Vel fór um björgunarskipið við bakborðs lunningu á aðalþilfari varðskipsins.

Þegar komið var til Ísafjarðar tók björgunarsveitarfólk á vegum Kofra við skipinu sem híft var frá Freyju með gámalyftara og sjósett í framhaldinu. Vel gekk að koma Þór frá borði. Nýir eigendur sigldu Þór frá Ísafirði til Súðavíkur þar sem hann verður til taks.

Landhelgisgæsla Íslands/Icelandic Coast Guard (Facebook)

Tilkynningar til sjófarenda komnar út

Eitt af lögbundnum hlutverkum Landhelgisgæslunnar eru sjómælingar (dýptarmælingar) og sjókortagerð fyrir íslenskt hafsvæði ásamt útgáfu annarra sjóferðagagna og eru þessi verkefni í höndum sjómælinga- og siglingaöryggisdeildar stofnunarinnar.

Sjókort hafa lögformlegt gildi og skulu þau ávallt innihalda nýjustu upplýsingar er varða siglingaöryggi. Verði breytingar á t.d. vitum, sjómerkjum, hafnarmannvirkjum, dýpi o.s.frv. þarf að uppfæra sjókortin í samræmi við það svo þau haldi sínu lögformlega gildi. Sé um meiriháttar breytingar að ræða eru gefnar út nýjar útgáfur sjókorta en ef breytingar eru minniháttar eða tímabundnar, t.d. ef sjómerki eins dufl er óvirkt eða framkvæmdavinna í gangi innan hafna, þá eru sjófarendur upplýstir með svokölluðum Tilkynningum til sjófarenda, og eiga skipstjórnarmenn þá að uppfæra sjókort sín í samræmi við þær upplýsingar sem tilkynnt er...

View original post

Landhelgisgæsla Íslands/Icelandic Coast Guard (Facebook)

Stekkjastaur kemur fyrstur jólasveinanna til byggða í nótt. Eins og alltaf er Landhelgisgæslan til taks og til að vera undir allt búin var stutt þyrlubjörgunaræfing framkvæmd um helgina með téðum Stekkjastaur þar sem farið var yfir nokkur mikilvæg atriði og skerpt á verklagi.

Landhelgisgæsla Íslands/Icelandic Coast Guard (Facebook)

Þyrlusveit Landhelgisgæslunnar flutti kjörgögn frá Höfn í Hornafirði á Selfoss í nótt að beiðni kjörstjórnar á Suðurlandi. TF-GNA, þyrla Landhelgisgæslunnar, lenti á Höfn laust eftir klukkan fjögur og kom kjörgögnunum á talningarstað á Selfossi.

Landhelgisgæsla Íslands/Icelandic Coast Guard (Facebook)

Landhelgisgæslan hefur gefið út ritin Sjávarfallatöflur 2025 og Sjávarfallaalmanak 2025 sem fáanleg eru hjá söluaðilum sjókorta.

Sjávarfallatöflur 2025 innihalda útreikninga starfsfólks sjómælinga- og siglingaöryggisdeildar á sjávarföllum fyrir Reykjavík, Ísafjörð, Siglufjörð, Djúpavog og Þorlákshöfn ásamt breytitöflum fyrir flestar aðrar hafnir landsins.

Sjávarfallaalmanak 2025 inniheldur útreikning á sjávarföllum í Reykjavík og er sjávarfallalínurit fellt yfir dagatal hvers mánaðar ásamt upplýsingum um tíma- og hæðarútreikninga fyrir aðra landshluta. Þá eru einnig birtar upplýsingar um kvartilaskipti tungls.

Á þessu ári eru 70 ár liðin frá því að Sjómælingar Íslands, sem nú er sjómælinga- og siglingaöryggisdeild Landhelgisgæslunnar, gaf fyrst út töflur yfir sjávarföll í Reykjavík og flóðbið annarra staða við Ísland.

Landhelgisgæsla Íslands/Icelandic Coast Guard (Facebook)

Áhöfnin á varðskipinu Þór fjarlægði hvalhræ sem var á reki í miðjum Hvalfirði í gærkvöld. Stjórnstöð Landhelgisgæslunnar fékk vitneskju hvalhræið síðdegis í gær eftir að vegfarandi tilkynnti lögreglu um málið.

Varðskipið Þór var sent á staðinn og fann hvalinn laust fyrir klukkan tíu gærkvöld. Vel gekk að undirbúa hræið fyrir flutning . Stroffu var komið utan um sporð þess og að því búnu var siglt með það út fjörðinn.

Stefnt er að því að sigla með hvalhræið djúpt út af Snæfellsnesi þar sem því verður sleppt utan sjávarfallastrauma.

Landhelgisgæsla Íslands/Icelandic Coast Guard (Facebook)

Starfsmenn Landhelgisgæslunnar voru meðal þeirra 500 þátttakenda á flugslysaæfingu Isavia á Keflavíkurflugvelli um helgina. Fjölmargir viðbragsaðilar tóku þátt m.a starfsfólk Keflavíkurflugvallar, almannavadeild ríkislögreglustjóra, lögregla, slökkvilið, starfsfólk sjúkrahúsa, björgunarsveitir, Rauði kross Íslands og RNSA. Æfing sem þessi er afar mikilvæg til að stilla saman strengi þessa fjölbreytta hóps.

Hér má sjá nokkrar myndir af þyrlu Landhelgisgæslunnar fyrir framan flugskýli 831 meðan á æfingunni stóð.

Landhelgisgæsla Íslands/Icelandic Coast Guard (Facebook)

Nú er stækkandi straumur og verður stórstreymt næstkomandi sunnudag. Samhliða gera veðurspár ráð fyrir að á morgun, föstudag, snúist vindur í norðan og norðvestan hvassviðri eða storm og má því gera ráð fyrir talsverði ölduhæð fyrir norðan- og norðaustanverðu landinu næstu daga með tilheyrandi áhlaðanda, og þá um leið hærri sjávarstöðu en sjávarfallaspár gefa til kynna. Landhelgisgæslan hvetur því til aðgæslu við sjávarsíðuna og að hugað verði að skipum og bátum í höfnum.

Landhelgisgæsla Íslands/Icelandic Coast Guard (Facebook)

Þau sem hafa ekið framhjá flugskýli Landhelgisgæslunnar í vikunni hafa eflaust tekið eftir fjölmörgum vinnuvélum og starfsfólki sem vinnur nú í kappi við tímann að koma nýrri snjóbræðslu fyrir á flughlaðinu.

Um mikið öryggisatriði er að ræða, sérstaklega ef ræsa þarf þyrlur Landhelgisgæslunnar við flugskýlin í frosti og hálku. Snjóbræðslan sem fyrir var á planinu hefur að undanförnu verið óvirk og því þurfti að koma nýrri snjóbræðslu fyrir.

Allt kapp er lagt á að klára verkið fyrir vikulok og þeir sem að verkinu standa vinna baki brotnu fram á kvöld til að aðstaða þyrlusveitarinnar verði komin í samt horf sem fyrst.

Á meðan framkvæmdunum stendur er eldra flugskýli Landhelgisgæslunnar, sem alla jafna er notað fyrir viðhald, nýtt fyrir þær þyrlur sem eru tilbúnar í útkall og þyrlunum ýtt út vestan megin við skýlið.

Landhelgisgæsla Íslands/Icelandic Coast Guard (Facebook)

Landhelgisgæsla Íslands óskar eftir að ráða öflugan einstakling til starfa í sjómælinga- og siglingaöryggisdeild stofnunarinnar.

Landhelgisgæsla Íslands/Icelandic Coast Guard (Facebook)

Þyrlusveit Landhelgisgæslunnar sótti skipverja sem slasaðist á hendi við vinnu um borð í fiskiskipi sem var við veiðar norður af Siglufirði í gærkvöld. Áhöfn skipsins hafði samband við stjórnstöð Landhelgisgæslunnar, tilkynnti um atvikið og sigldi í átt að Siglufirði. Við nánara mat á ástandi mannsins, og þar sem löng sigling var til Siglufjarðar og veðurspá slæm, var ákveðið að sækja hann með þyrlu.

Þyrla Landhelgisgæslunnar tók á loft frá Reykjavík um klukkan 19:30 og var komin að skipinu einni og hálfri klukkustund síðar en þá var skipið statt um 60 sjómílur norður af Siglufirði. Vel gekk að hífa skipverjann um borð í þyrluna.

Þyrlan lenti á Reykjavíkurflugvelli um kl. 23 og var maðurinn fluttur með sjúkrabíl á Landspítalann.

Landhelgisgæsla Íslands/Icelandic Coast Guard (Facebook)

Þyrlusaga flugdeildar Landhelgisgæslu er rakin í nýrri og glæsilegri bók sem ber titilinn Til taks. Í bókinni er sagt frá baráttunni fyrir því að fá björgunarþyrlu til landsins, en þær hafa verið nokkrar í gegnum tíðina og æði misjafnar.

Tveir af höfundum bókarinnar, eru þyrluflugstjórarnir fyrrverandi, Páll Halldórsson og Benóný Ásgrímsson sem hafa komið að mörgum af eftirminnilegustu björgunarafrekum Landhelgisgæslunnar. Þriðji í hópi höfunda er Júlíus Ó. Einarsson, þjóðfræðingur og fyrrum lögreglumaður.

Sjónvarpsþátturinn Landinn slóst í för á æfingu með þyrlusveit Landhelgisgæslunnar á dögunum ásamt Benóný. Í þættinum var þyrlusagan rakin og eftirminnileg atvik rifjuð upp. Sjá má umfjöllun Landans í ummælunum hér fyrir neðan.

Landhelgisgæsla Íslands/Icelandic Coast Guard (Facebook)

💕 Bleiki dagurinn er í dag.

Landhelgisgæsla Íslands/Icelandic Coast Guard (Facebook)

Á þessari skemmtilegu mynd sést þegar TF-GRO, þyrlu Landhelgisgæslunnar er lent í snjó á hefðbundinni fjallaæfingu þyrlusveitarinnar. Eins og sjá má fylgist spilmaður vélarinnar vel með og er í góðu sambandi við flugmenn þyrlunnar meðan á lendingunni stendur.

Hollenski ljósmyndarinn Sven Van Roij tók myndina.

Landhelgisgæsla Íslands/Icelandic Coast Guard (Facebook)

Þegar skyggja tekur á haustin taka við hjá þyrluáhöfnum Landhelgisgæslunnar reglulegar kvöld- og næturæfingar með og án nætursjónauka. Þessar æfingar eru hluti af reglubundinni þjálfun hjá flugdeildinni og eru mjög mikilvægur undirbúningur fyrir veturinn og skammdegið.

Nætursjónaukar hafa þann eiginleika að magna margfalt upp alla birtu. Þegar horft er í gegn um þá í myrkri er það svipað og sjá í dagsbirtu. Sjá má minnstu ljóstýru langar leiðir. Þetta gerir þyrluáhöfnum kleift að fljúga við aðstæður sem annars væru óhugsandi. Þetta þarf að hafa í huga við björgunaraðgerðir þegar þyrlan kemur á vettvang í myrkri. Þá þarf að lágmarka alla birtu á staðnum til að hægt sé fyrir þyrluáhöfnina að athafna sig með nætursjónaukum.

Myndir: Lloyd Horgan

Landhelgisgæsla Íslands/Icelandic Coast Guard (Facebook)

Árlegur fundur forstjóra strandgæslna í norrænu löndunum var haldinn í Vestmannaeyjum á dögunum. Saga Landhelgisgæslunnar tengist Vestmannaeyjum órjúfanlegum böndum og því þótti vel til fundið að halda fundinn í Eyjum að þessu sinni.

Fundirnir eru árlegir og þar gefst strandgæslunum tækifæri til að bera saman bækur sínar í þeim tilgangi að efla enn samvinnu þeirra og upplýsingamiðlun.

Fyrir hönd Landhelgisgæslunnar voru Georg Kr. Lárusson, Auðunn F. Kristinsson, Hekla Jósepsdóttir, Guðríður Kristjánsdóttir og Guðný Elísabet Óladóttir.

Forstjóri norsku strandgæslunnar tók í lok fundarins við formennsku í samtökunum.

Um Nordic Coast Guard Cooperation:

Að samstarfinu standa Danir, Finnar, Norðmenn og Svíar auk Íslendinga, þ.e. yfirvöld í aðildarlöndunum sem hafa því hlutverki að gegna að annast landamæravörslu til sjávar, leit og björgun, viðbrögð við umhverfisslysum, fiskveiðigæslu og varnir og öryggismál til sjávar. Stjórn sa...

View original post

Landhelgisgæsla Íslands/Icelandic Coast Guard (Facebook)

Sprengjusérfræðingar frá 17 löndum munu á næstu tveimur vikum æfa viðbrögð við ýmsum ógnum á hinni árlegu Northern Challenge. Um er að ræða alþjóðlega æfingu Atlantshafsbandalagsins sem séraðgerðasveit Landhelgisgæslunnar annast og skipuleggur. Alls 320 þátttakendur frá Íslandi, Belgíu, Kanada, Tékklandi, Danmörku, Frakklandi, Þýskalandi, Írlandi, Litáen, Nýja Sjálandi, Svíþjóð, Noregi, Austurríki, Póllandi, Hollandi og Bretlandi taka þátt að þessu sinni.

Á æfingunni gefst sprengjusérfræðingunum kostur á að æfa og samhæfa viðbrögð við atvikum sem kunna að koma upp, eins og t.d hryðjuverkum. Á æfingunni er líkt eftir sprengjum sem fundist hafa víða um heim og þurfa þátttakendur að meðhöndla þær og aftengja. Þetta er í tuttugasta og þriðja sinn sem Northern Challenge er haldin hér á landi. Sem fyrr fer æfingin að stærstum hluta fram innan öryggissvæðisins á Keflavíkurflugvelli en einnig í Helguvík og í Hvalfirði.

Æfingin veitir s...

View original post

Landhelgisgæsla Íslands/Icelandic Coast Guard (Facebook)

⚓Varðskipið Þór á siglingu í Faxaflóa á dögunum.

Ljósmyndir: Anton Brink

Landhelgisgæsla Íslands/Icelandic Coast Guard (Facebook)

Varðstjórar í stjórnstöð Landhelgisgæslunnar hafa fengið fjölmargar tilkynningar um borgarísjaka á Vestfjarðarmiðum og á Húnaflóa í vikunni. Siglingaviðvaranir hafa verið sendar sjófarendum vegna ísjakanna.

Áhöfnin á sjómælingaskipinu Baldri sigldi framhjá sjö ísjökum á leið sinni frá Húnaflóa að Norðurfirði í gær. Jakarnir voru allt frá því að vera um þrír metrar á hæð og breidd, upp í jaka sem var um 33 metra hár og um 110 metrar á lengd. Staðsetning hans var í gær, 66°03,0´N 021°14,6´V og samkvæmt áhöfn Baldurs virtist hann reka til austurs.

Landhelgisgæslan hvetur sjófarendur að sýna aðgát vegna jakanna og tilkynna staðsetningu þeirra til stjórnstöðvar Landhelgisgæslunnar.

Meðfylgjandi er mynd af einum jakanum sem var úti fyrir Reykjarfirði í gær.

Landhelgisgæsla Íslands/Icelandic Coast Guard (Facebook)

Þyrlusveit Landhelgisgæslunnar æfir nær daglega til að vera ávallt við öllu búin. Á dögunum æfði sveitin sjúkraflutning úr flutningaskipi á Faxaflóa sem var liður í Norður-Víkingi.

Anton Brink tók þessar skemmtilegu myndir um borð í þyrlunni.