داخليات هامة 2024

وحدة من هي الشغلات يلي لازم تساويها قبل ما تبلش تدرس انك تطلع عأسئلة الدورات السابقة لعدة اسباب :
◀️مشان تعرف نمط الاسئلة بكل مادة قبل ما تبلش دراستها وتاخد فكرة عامة عن كيفية طرح السؤال مشان تعرف كيف تدرس وعشو تركز
◀️بتقيم حالك بالمادة قبل ما تدرسها مشان تعرف اذا اساسك جيد او ضعيف بهي المادة يعني فيه طلاب مشالله عليها ممكن تحل كذا سؤال بالمادة من معلوماتها السابقة وهيك بتطمن (يعني بتكسر رهبة الوطني شوي🤣)
◀️تتعرف عالفقرات المهمة يلي كل السنة عم يتم التركيز عليها مشان تعطيها الاهتمام الاكبر خلال دراستك

ولهيك حاول هالفترة تفتح ملفات اخر كم دورة وتاخد نظرة سريعة عالاسئلة وكمان بتعرف شمولية النوط لانه كل سؤال موضح اجابتو من النوطة 👇
https://t.me/NationalExam2025a/26

#سوادس_الدفعة_2025
#سلسلة_التعريف_بالوطني

بداية بعتذر عن تقديم ايا خطة دراسية لجماعة هي السنة بالوقت الحالي....لسا بكير كتير هلا فيكم تاخدو بريك طويل اسمعوا فيه تجارب الي قبلكم وجمعو مصادركم وحددو نقاط الضعف وشو ناويين تعملو هي السنة(عمل، الماني، لغة طبية، تخطيط قلب، خطبة وزواج😁🙈)..رح انزل 3 خطط شاملة أن شالله لجميع فئات الطلاب.
حرام تطلع من السنة بس بالوطني....اللهم اني قد بلغت ❤️

#داخلية_صدرية ☑️🔥🔥☑️

المرجع كافي ووافي كامتحان
اما كفهم وترميم رح تتعذبو فيه كون مافي شرح زيادة ومكتفيين بذكر الأساس، خاصة طلاب حلب المنهاج مختصر كتير عندكن لهيك في عذاب بترميم المادة.

في امراض اخر القسم متل الاسبستوس وتغبر الرئة بتوجع الراس (قراءة سريعة لا تخافو منن)

تمييز الانصباب الرشحي عن النتحي #هام جدا ومن الأمور الغير مشروحة بالمرجع وسؤال فحص سنوي كمان
الربو COPD ذات رئة السل هدول اساس الصدرية وحلوين كتير بمعرفة الباثولوجي فين

نوطة الميدبوس الصدرية شملت كلشي حكيتو ابتداء من التشريح فيزيو باثولوجي.... بحيث نخلص المادة مرتاحين منها فهم وبصم مع تنويه عالهام الخارجي
خلي بالك هي المادة من أهم أساسات الإسعاف لجماعة الداخليات....والقلبية طبعا عماد الحالات بالمجمل.
من يريد التوسع مصادر التوسع ذكرتها بالبوستات السابقة.
الصدرية تحتاج 5 ايام
عدد الأسئلة 10ل 12 سؤال

بنصحك ببناء اساس قوي ومتين بهيك ايام حتى تدخل الاختصاص بقاعدة قوية 👌❤🤞

رح نمشي بمواد دموية كلية رثوية بإذن الله بين المسا وبكرا 👌

جهزو وراقكم .....😌🔥
بالتوفيق 🔥❤

#سوادس_الدفعة_2025
رح نبلش تعريف بالكتلة الاولى مادة مادة
رابط مهم اخر البوست
أمر أخر خطة الدراسة والدراسة فعليا لسا بكير عليهن تقريبا لنص الشهر حتى نبلش مع بعض بوضع خطة وونمشي خطوة خطوة كما العادة مع طلاب 23 24
#سلسلة_التعريف_بالوطني
#داخلية_قلبية ☑️🔥🔥🔥☑️
المادة الدسمة والمحببة واكتر وحدة عليها شغل 💪
مادة فهمية بالدرجة الأولى....البصم فيها مضيعة للوقت ومستحيل حرفيا 😁🤞
المرجع يحتاج لترميم وتفسير المبهم وإكمال النواقص الهامة
إضافة انو المادة لازم تندرس مع الأطفال خاصة الامراض الخلقية كون في ترابط كبير فيها
مع قسم الجراحة القلبية بتطلعو مسكرين المادة فهم وبصم 🤞🔥
طبعا هاد الشي رح ياكل جهد ووقت إضافي اذا حابين تتوسعو بالمادة من كذا مصدر سواء منهج الشام او امبوس وغيرن ....
طيب شو الحل دكتور بدنا شي شامل وفهمي ويغنينا عن ايا مصدر تاني ؟؟!!!
بحب خبركن انو هاد السؤال هو محور وهدف فريقنا #الميدبوس❤👍
تحضير نوط على مستوى رفيع بحيث نضمن أشمل مرجعية لدى الطالب (مرجع + توضحيات+ إضافات هامة+ شوامل واخيرا ماهو مهم من دورات الجامعات)

لهيك جبنالكن الحل مع نوطة الميدبوس داخلية قلبية....🤞❤
حوالي 150 صفحة تغنيك عن ايا مصدر اخر بإذن الله
موضحين الفقرات المهمة من الاقل أهمية من الفقرات الفهمية مشان تسهيل إعادة الدراسة 😉💙وهيك بتكونو ختمتو كلشي قلبية بالوطني حتى الي اساسو ضعيف فيها
مواضيع المادة والترميم اذا حبيت تدرس مرجع 👇👇❤❤
ممكن تقرأ سريعاً منهاج د ملحيس وماردنلي للمواضيع الدسمة متل القصور والACS (منهاج حلب)
الصمامات متوسطة الأهمية وناقصها كم شغلة كملن من المصادر الي ذكرناهن مسبقا ☑️
شوف اول بوست هنا عن الترميم
الضغط والتامور والشغاف جيدات بالمرجع
اضطراب النظم اقل أهمية (بس العلاج فين كتير مهم)
أطفال القلبية لا تستبحر فيه احفاظ الأساسيات ولا تدخل بالتفاصيل كتير.
الآفات الخلقية تدرس حصرا اطفال مع داخلية وهذا الأمر موجود بنوطة الاطفال ميدبوس.

المدة اللازمة لانهاء القلبية بكل مراجعها هي 12 - 15 يوم
عدد الأسئلة 12 ل15 سؤال
مع دورات الوطني بتطلعو خالصين المادة، مع قسم الأدوية الخاص فيها بتطلعو مسكرينها ☑️🔥
عملت قناة فيها مراجع مادة القلبية بالتفصيل (درستن بالحرف وكانو كنز عظيم بالنسبة إلي)
رابط القناة ...
https://t.me/CardiologywithNasser

وللفائدة اكتر رح اعمل كورس الكتروني قلبية احترافي عالمي اعتمادا على نوطة الفريق مع اهم الاضافات من المصادر المذكورة بالقناة إضافة تاسيس فيزلوجي سوية ومرضية وباثولوجي المادة.
على تطبيق SMLE قريبا.
لأي سؤال فيكن تتواصلو على حسابي الشخصي بوصف القناة❤

بالتوفيق ❤️❤️

🌟 دعوة للمشاركة 🌟

▫️نود دعوتكم للمساهمة في استبيان يهدف إلى قياس معرفة و وعي الأفراد حول السجائر الإلكترونية (الفيب) ومخاطرها المحتملة على صحة القلب والأوعية الدموية🫀.

▫️تعبئتكم لهذا الاستبيان ستساعدنا في فهم التحديات الصحية التي نواجهها ورفع مستوى الوعي حول المخاطر المرتبطة بهذه المنتجات 🚭.

▫️الشريحة المستهدفة :
عامة المجتمع صغاراً وكباراً سواء أكانو يستخدمون السجائر الإلكترونية أو لا .

▫️الاستبيان مكون من 6 أقسام يحوي كل منها على 2 - 4 أسئلة والإجابات ستكون مجهولة وسرية .

▫️المدة المتوقعة لتعبئة الإستبيان :
3 - 5 دقائق ⏰ .

🔗 [ https://forms.gle/AxQb3wkUTjL33kdLA ]

ساهموا في بناء مجتمع أكثر صحة! ❤️

#منقول 🛑 الرجاء التكرم والمشاركة بالإستبيان تبقى لدينا 20 مشاركة فقط لن يأخذ من وقتكم سوا 3 دقائق 🙏🙏🙏😢

مناقشة دورة تشرين الكتلة الأولى كاملة مع تحليل الأسئلة بمنشور في الأعلى ولاحقا بينزل ملف متله للكتلة التانية ❤️👆🏻

وانشالله كانت القناة مفيدة الكن ورح تستمر انشالله مع دفعة 2025 للسنة الجاي

بعد طول انتظار هي ملف الحل النهائي لدورة تشرين 2024 الكتلة الأولى ، مع احصائية كاملة عنها وتحليل الأسئلة ومصدرها

تم حسم إجابة كل سؤال خلافي مع مناقشته الكاملة

📖 عدد الصفحات = 160 صفحة
🍫 عدد الاسئلة = 120 سؤال

وان شاء الله كل حدا بجيب احسن من توقعاته
#MEDBOSS

مقابلة مع طلاب جامعة طرطوس بعد امتحان الكتلة التانية ورأين حول الأسئلة
https://www.facebook.com/100070130049041/videos/1226274265316418/?rdid=sJk8iBggVD0o77IJ

#سوادس_الدفعة_2025
#البوست_الذهبي الثاني

كلام من إحدى الطلاب الأوائل الله يجزيه الخير واضافات من عندي يساعدكم بالدراسة ان شالله 🌸

🔵 بالنسبة لاختيار المصادر للفحص الوطني...
أولاً ادرس من مصدر أساسي ولكن لا تحصر نفسك بمصدر وحيد..... بالتالي بقدر ما بتنوع دراستك بقدر ما بتترسخ المواضيع المهمة وبتصير عندك روتينية... .
وهالنقطة اكثر ما تكون بمراحل الدراسة الباكرة متل هلأ يعني شهر تاسع عاشر ..
المصادر الأخرى المقترحة (المحاضرات الجامعية / UpToDate / ميدسكيب / كتب الستيبات /ايا مرجع / امبوس ...الخ) واكيد ما بقصد انو تقروا كلشي من المصادر الاضافية جنب الاساسي .. اكيد لا، هالشي بس للمواضيع المهمة او غير المفهومة بالمصدر الرئيسي الي اخترته.... تمام 😌👌❤️

🔵 بالنسبة للمصدر الأساسي للدراسة فمن جهتي وهاد رأي الاغلب بفضل مايتغير خلال السنة لعدة أسباب ومنها الناحية النفسية ومضيعة الوقت والذاكرة البصرية.... 🤙 اعتمدو ملخص كافي أو مرجع من هلأ وامشو عليه ولا تغيرو ولا تقارنو حالكم بغيركم لما تدخلو بدوامة هو عبدرس احسن مني وضميرو مرتاح اكتر.... 🤗و الذاكرة البصرية كتير مهمة..والاهم انك تراجع من محل ما درست، المرور عنفس الصفحات بيساعد الذاكرة على ترسيخها بشكل تلقائي.... وتلخيص بعض الأفكار أمر حلو ومفيد وبرسخ بالذهن!! والأهم من هيك تلخص فقرة طويلة ببعض العبارات والملاحظات التي تغني عن قراءة الفقرات الطويلة... وهيك بتكسب وقت لغير فقرات اهم بدها دراسة شاملة 👌ركزو هالشي ببالكن ولخصو الهام من كل بحث😅🔥
كم شغلة حابب احكي فين أيضا....
1- مهم كتير انك تلخص بنفسك وتعلم المعلومات الجديدة بالنسبة الك أو الي انت بتلاقيها مهمة، مو الي غيرك بيلاقيها جديدة أو مهمة بنظره... لهيك مو شي غريب انو الواحد ما يستفيد من ملخصات غيره رغم انها مفيدة أحياناً.

2- الوش الأول للدراسة هو الأهم، فبقدر ما بتدرس وبتفهم اول مرة حتسترجع هالمعلومات الي درستها وقت المراجعة وان كانت المراجعة قصيرة.. انت بس بتكون عم تنكش المعلومات الموجودة اصلا، وبكون صار عندك كم كبير من المعلومات التراكمية..
ركزو المعلومة الصح ولا تستبحرو كتير.... بكرا بالاختصاص الوقت بحر ماتخاف.... هلا وقت ترميم وبناء شخصية طبيب مع تحصيل أعلى علامة 😉😇

3 المراجعة من المصدر الي درسته حصراً او الملخص الي اشتغلته بايدك ... اما المراجعة من ملخص مختلف بصراحة مخوطرة وأذى دراسي بعتبرها... رح تمرق عالمعلومات كأنها جديدة وبتاخد معك وقت اكتر من مصدرها الأساسي الي دارسو!!! لهيك حكينا لخصو من البداية على مصدرك المعتمد وريح راسك من التغيير فيما بعد 🤗😊

الوطني بصم + فهم...

كل ماقريت وفهمان كتير هاد شي بتحول معك لبصم لاحقا....وبضل نسبة ١٠٪ هدول مالن حلة بدن بصم بصم بصم 😂🙄
لهيك تكرار قراءة المعلومة من كذا مصدر بعتبرو دماغنا موضوع تحويل من الفهم للبصم.... لهيك قلنا اول دور دور فهمي بحت وليس دور للبصم يااخوان 😉👌🌺

واخيرا انتو اعملو على عليكم و التوفيق من رب العالمين.. توكلو عليه وكترو الدعاء بدون ملل الكم ولرفقاتكم‌ ولكم بالمثل إن شاء الله🖤
حكينا السادسة طويلة وفيك تفتح معها مشروع لغة عمل ترميم ستيبات تخطيط قلب تقوية اللغة الطبية....
لا تغيرو مصدركم ولا تقارنو مع حدا بعيدها للمرة الالف 🤗👌هالشي ضرر وتأنيب ضمير وعذاب نفسي اكتر ما يكون إفادة!!! 😑
وماتنسو شغلة لا يكلف الله نفسا إلا وسعها😅🤗كل واحد فينا مختلف بمقدار تحمل وبذل الجهد والاستطاعة وبأسلوب مختلف عن التاني .
الالتزام بالبرنامج امر ضروري.... بس معلش لو صار اضطراب ببعض الايام لا حرج بتعوضوها بغير أيام مع شوية التزام تاني 🤗لا تخلو هالشي يأثر على نفسيتكم 😅اهم شي النفسية ياجماعة 😁😊.
لأي سؤال فيكن تتواصلو على حسابي الشخصي 🖤

بالتوفيق الكم جميعاً 💜💜

#سلسلة_التعريف_بالوطني 🔥🔥🔥
#سوادس_الدفعة_2025
اول شي خلينا نكسر حاجز المصطلحات الخاصة بالوطني حتى مانضيع ونستلم الموضوع من أولو شوي شوي
كلام مهم بنهاية البوست المهتم بالمراجع الطبية😌🔥👌❤

بسم الله 🤗❤️

1- #الشوامل (وهي دورات الوطني)
تحل كاملاً مع دراسة كل مادة خلال السنة(فترة الستاجات) ومع كل إعادة ولا تهمل لانو الفحص طويل وبدو مرونة بالحل لهيك بدن تكرار......حطو براسكن ساعتين باليوم لحل اسئلة الشوامل أو بعد ماتخلص المادة بتفرم الاسئلة الخاصة فيها بيوم خاص
(اما البنوك غير مهمة فهي عمل طلابي... )

2-أسئلة #الجامعات صارت مهمة بالفترة الأخيرة اخر سنتين ويفضل الاطلاع عليها بعد قرار تغيير البنوك ورح يطول الشرح عنها لاحقا

3- #نماذج الوزارة شغلة 50 صفحة حلوين وسهلين ولازم ينحلو لاراحة الضمير بنزلو قبل الامتحان بفترة

4-#قبل_الفحص حط ببالك مراجعة مرتين ليلي بدو معدل فوق ال90 (بفترة الانقطاع تقريبا)

5-#المراجعة من المصدر الي اعتمدتو اول مرة ولا تغير إطلاقا بكل الأدوار مرجع يعني مرجع ميدبوس يعني ميدبوس✔️❤️مشان الذاكرة البصرية رح تفرق معك بورقة الامتحان جدا 😉👍👌

6-#اول دور هو دور الفهم والتلخيص (علمو الشائع من كل فقرة بعدا ادخلو بالتفاصيل) (لا تغلط وتبصم هلأ رح تندم لانو ببساطة قسم 100صفحة بجي منو ١٠ أسئلة لهيك البصم هون غلط وبنتسى) وهو الأطول وحل فين الشوامل(فترة الستاجات أو قبل بشهر من نهايتها ممتاز جدا) متل ماحكينا بحيث تلخص 90% من مواد الوطني  ☑️ جرعات أدوية فيزيو للكب ....👌ومقدمة تشريح صار يجي منها بالاونة الأخيرة متل الأذنية
اما تاني دور هو للبصم وهون بتحس حالك نسيان كلشي فيكن تقولو وبببلش الجد بمعدل ساعات بيصل ل١٢ ساعة باليوم .... علم الشغلات البصمية مشان قبل الفحص تعيدن...

7- #معدل الدراسة اليومي والي بفضلو هو 4 ساعات يوميا (مافي شي اسمو ساعة ساعتين والله لا حدا يخرط عليكن يعني لتحمي دماغك بدك ساعة يااخي 😂😁) وزيدن شوي شوي لفترة الانقطاع مع يوم الجمعة عطلة وفياش واطلعو غيرو جو معلش(اكتر سنة بطلع فيها مشاوير هي السادسة🤞😅) وكلو لازم يكون منظم مع ضرورة الدراسة اليومية بالمعدل المذكور  ☑️🤗وطبعا باقي اليوم متروك الك للستاج.لغة ألمانية، شغل،ترميم بعض المواد،أدوية، دورة ECG وغيرها....

8-#ركزو المهم + الشائع هدول مكررات دوما 👍☑️

9-فترة #الانقطاع = هي آخر 4 أشهر قبل الفحص يعني بالشهر 5/6 وهون لازم تكون ملخص كلشي وعرفان شو تدرس وشو للكب مشان ترتاح بالمراجعة اكتر

10 -حط #برنامج اسبوعي وعدد ايام معين لدراسة كل مادة (رح نبلش كيفية الدراسة وعدد أيامها ومصادرها وخطط دراسية لاحقا بحيث ماتاخد وقت على حساب غيرها ومع شو تندرس
علامة ال90 بدها خبرة التنقل بين الصفحات والمرور السريع عالشي المهم 🔥🔥🔥👌👌

11 -#هام_جدا في فترات بالسنة تعتبر فترة برود الهمة للطالب متل شهر رمضان أو الأعياد... هون  فيك تستبدل حل الدورات على الدراسة النظرية وتريح حالك (أو تعمل متلي عملت رمضان كلو عطلة ورواق وعبادة لاني بلشت وضغطت حالي قبلو بحيث وصلت لعندو تقريبا مخلص ٧٥٪ من المواد)

12-مافي شي اسمو #إعادة كاملة لكلشي قبل الامتحان راجع فقرات الشوامل الأكثر تكرارا مع الشوامل وحاج والجداول مهمة بكل المراجع ولا تهمل إطلاقا وسؤال فحص حتى يثبت العكس 👍👌

13 -البداية المفضلة هي داخليات ثم أطفال ثم جراحات وعيادات ونسائية (خلص قسم الباطنة مع أطفالها مع جراحتها متل هضمية باطنة أطفال جراحة عامة مع بعض لانو في ترابط كبير بيناتن)

14 -#المقابلات عيف يوم يومين قبل المقابلة ولا تعطيها اهتمام كبير تترك الوطني مشانها ☑️👌😅

15 - كل يوم #بتقرأ حالات سريرية من Uworld / Amboss تماشيا مع مادتك الي عبتدرسها اربع خمس حالات يوميا ممتازين عااالمدى الطويل ورح تفرق معك علميا، اهتميت بهاد الجانب ضمن تطبيق SMLE منحكي عليها لاحقا ❤️👌☑️

اخيرااااااااااا 🔥🔥 السنة طويلة واذا مانظمت وقتك فيها رح تبلش تحس بتأنيب الضمير والملل والخوف وهاد مو لصالحك ابدا

رح نكفي ان شالله بالتعريف عن كل مادة بالتفصيل ومنين ندرس وشو الاهم الي بستاهل ندرسو
الي عندو استفسار ممكن تتواصلوا معي على حسابي الشخصي ❤❤
رسالة ضخمة عرطلة من العيار الثقيل قادمة بخصوص اهم المراجع الطبية العالمية🔥🔥
انتظروني 😇💙
بالتوفيق 🔥🔥
رابط قناتي لمتابعة سلسلة التعريف
https://t.me/golden_minutes

كأنو هاليوم كان سنة قد ما كان طويل 💔🙂
تعود ما تفكر ب يلي راح فكر بالقادم
وتذكر انه ربنا رح يعطينا على قد التعب واكتر لانه كريم ❤

ناموا والله لازم تكونوا تعبانين حاجتكم مناقشة☻❤

بدي قلكم شغلة هالمرة مو من دكتور اكبر مننا .. من حدا متلك عندو امتحان بكرا متلك

نحنا عملنا يلي علينا ويمكن اكتر مو بس هالسنة على مدار هال ٦ سنوات ولهيك كونوا واثقين انه ربنا رح يجبر بخاطرنا وما رح يضيع التعب❤
كل لحظة تعب ويأس وسهر وضعف مرت صنعت منك حدا قوي ، حدا بكرا بس يحقق انجاز عظيم رح يطلع وراه ويقول ( ما كان سهل الطريق بس مشيتو لحالي😌) ..
بدي ياك تتذكر كل يلي بحبوك و بدن ياك تنجح،كل الناس يلي وعدتن تفرحلن قلبن ،والأهم من هاد كلو تذكر حلمك يلي ناطرك ويلي صرلك سنين عم تتعب كرمالو❤

آمنوا بحالكم وبربكم وباذن الله كلشي رح يكون منيح❤

بتمنى كون قدمتلكم فائدة سواء بمشاركتي بشغل بعض النوط او عقناة الاطفال والداخلية على مدار كل الفترة الماضية ❤
كل الحب والتوفيق يا حبايب ...

#دقيقة_من_ذهب
النفسي 😃👌
بوست نكشتو صرلو سنتين.....
#هااااااااااااااام

1- SSRIs
Citalopram - Escitalopram
Fluoxetine - Fluvoxamine
Sertraline - Paroxetine

2- SNRIs
Venlafaxine - Duloxetine

3- TCAs
Imipramine- Clomipramine- Trimipramine - Desipramine 
Amitriptyline - Nortriptyline
amoxapine - Doxepin
Maprotiline- Trazodone هدول التنين رباعيات الحلقة

4-MAO-I
Phenelzine
Selegiline

5- Typical antipsychotics
haloperidol
thioridazine
fluphenazine
chlorpromazine (Class: Phenothiazine)

6- Atypical antipsychotics
olanzapine
quetiapine
clozapine
risperidone
aripiprazole

7- Anxiolytics: Benzodiazepines
Alprazolam Diazepam Clonazepam
من إحدى الملاحظات الهامة بخصوص النفسي
عليها اربع أسئلة وبالعادة بجي  ٤ خيارات مايلي ماعدا لصنف دوائي واحد والخيار الخامس تابع لصنف مختلف وهاد بكون خطأ ومنختارو
رسالة حافظها من قرن يمكن😂

بالتوفيق 💚

رح افتح باب الأسئلة هون مباشرة عالغروب....
ايا حدا عندو استفسار عن فحص بكرا يتفضل يسأل ونجاوب بعض
لاحدا يسأل سؤال علمي الأسئلة فقط عن التعامل مع فحص بكرا.

#لا_نعطي
◀️لا نعطي حاصرات الكلس في قصور القلب ولا في تدبير احتشاء العضلة القلبية ولا في اللانظميات البطينية(اي تسرع قلب عريض المركب QRS ما منعطيها) ولا نعطيها في VSD
◀️لا نعطي حاصرات بيتا في خناق برانزميتال + وذمة الرئة + احتشاء البطين الأيمن + متلازمة العقدة الجيبية المريضة + VSD (ولكن نعطي حاصرات بيتا في رباعي فالو )
◀️لا نعطي النترات في احتشاء البطين الأيمن(لا ننقص الحمل القبلي بل نزيده بالسوائل الوريدية بكميات كبيرة)
◀️لا نعطي ديجوكسين في الوقاية الثانوية بعد احتشاء العضلة القلبية
◀️لا نعطي ديجوكسين ولا نترات ولا مدرات في اعتلال العضلة القلبية الضخامي(قصور القلب الانبساطي) بل يعطى الديجوكسين في القصور الانقباضي (اعتلال توسعي)
◀️لا نعطي ديجوكسين ولا موسعات اوعية لا حاصرات كلس في رباعي فالو
◀️لا نعطي ديجوكسين في تسرع القلب الاذيني لانه من الأسباب
◀️لا نعطي ديجوكسين ولا حاصرات الكلس (فيراباميل) في وولف باركنسون وايت
◀️لا نعطي الاسبرين بالصمة الرئوية (ما بفيد)
◀️لا نعطي موسعات الاوعية (ACEIs وحاصرات الكلس) في التضيق الصمامي بس تعطى في القصور
◀️لا نعطي ادينوزين لمريض ربو
◀️لا نعطي ادينوزين ولا نجري مناورات مبهمية بالتسرعات ذات المسرى المعاكس في وولف باركنسون وايت
◀️لا نعطي حاصرات الكلس المبطئة للقلب (فيراباميل وديلتيازيم) في سوء وظيفة البطين الايسر

هيك مذكورة بالمرجع يعني يلي بالنوطة صحيح
بالمرجع عنوان الفقرة الم عضلي هيكلي معمم وهدول التعدادات تشاخيص تفريقية
بعدين قايلين باجيت بيعمل الم موضع والفصال موضع
اما التلين وباجيت معمم
ليش وكيف ما منعرف☻

بليز راجعوا معايير تشخيص الذئبة من النوطة