نصائح للتفوق بكالوريا 😌🔝

🟢 #هااام || المجموع الكامل لطلاب البكالوريا هذا العام:

🔰 العلمي 2700/2700
🔰 الأدبي 2600/2600

» ولحساب المجموع الصافي يتم حذف نتيجة إحدى اللغتين (فرنسي، إنكليزي).

#نصائح_للتفوق_بكلوريـا

ادرس واجتهد وڪن مُتأڪدًا بأنَّ تعبك وجُهدك في مُحاولات الوصول لن يضيع 💙

الانسان بيده بيصنع طريقه للنجاح ..

هنن طريقين مافي غيرهم :
طريق النجاح ..
طريق الفشل ..
ويلّي بيستسلم هو أكيد اللّي فشل وراح يضل كل عمره غارق بالفشل ،
بينما اللّي بيستمر وما بمل من المحاولات هاذ يلّي راح ينجح بكل حياته ،
كل إنسان بالحياة في بداخله قوّة خارقة لكن مخفيّة .. مستحيل تلاقي شخص بيملك طاقة وشخص لأ ،
هو الفرق أنو في شخص طالع طاقته وفجّرها وفي شخص لساته خايف يظهرها أو بمعنى ثاني " خايف ما يوصل "
وطبعاً هي القوة اللي جوّاتك هي يلي راح تخلّيك توصل لهدفك يلي راسمه ،
وراح تخلّيك ثابت وصلب .. وتكون أنت القائد الحقيقي لنفسك
اثبت وجودك بالحياة ولا تضل متخبّي وخايف من أنّك مهما بذلت ما راح توصل .

السلام عليكم جميعاً
مسج طويل شوي بس معلش دقيقتين من وقتك لان فيه حكي مهم 🥲
كيف الدراسة ان شاء الله تمام
حسن من شوي نشر منشور انو اكتب حلمك وتعال يوم النتائج شوف اذا تحقق ولا لاء ..
اغلب النتائج كانت طب طب طب .
طيب يا اخوي يا اختي تعال احكيلك هالكلمتين انا اول سنة قدمت فيها الباك كنت حاطط ببالي الطب ولا كنت بعرف شو يعني طب ولاشي بس خلص المهم انو الفرع بالقمة .. مضت السنة وكان في تقصير بالنسبة لطالب حلمه طب
اجت ايام راحت ايام اجا الفحص بلشنا نقدم والحمدلله المعنويات كانت صفر بعد اول مادة ومن اول مادة حطيت ببالي الانسحاب وصرت قدم كيف ماكان واخر مادة ما قدمتها رغم اني كان عندي فرصة التكميلي مع هيك انسحبت وطلعت النتيجة راسب وهالشي سببلي احباط كبير الي ولاهلي ولكل الي بيعرفني ..
قرت عيد السنة ومن اول السنة التزم وخلص مابدي عيد غلطة السنة الماضية
والله بلشت السنة بهمة عالية وصرت انجز اختبارات وغيرو وغيرو
مع الوقت بلش مل كتير بلشت تتراجع دراستي وبلشت تبرد الهمة
المهم مضت ايام واجا الامتحان وبلشت قدم وانا لسا حاطط ببالي الطب
بس الدراسة ما خرج ابدا
قدمت الدورة الاولى وقدمت الدورة الثانية وسجلت اقتصاد بالبداية ما كان عاجبني وكان بنفسي الطب كتير
مضت الايام وتطوعت بالاسعاف وبلشت اشتغل بالاسعاف وهيك وهون بدي من كل شخص حاطط ببالو الطب يركز عكلامي هاد مهم كتير بالنسبة الك كطالب حاطط ببالك طب
اخوي/اختي الطب مو مجرد فرع مجموعو عالي ابدا مو هيك الطب مسؤولية كبيرة وكبيرة كتير اي غلط بسيط ممكن تروح حياة شخص من بين اديك وغير هيك المناظر الي رح تشوفها رح تغط ع عقلبك انا انسان متعود على شوف مناظر دم وقتل وغيرو ..
بس والله لما دخلت ع الاسعاف وصرت اتعامل مع المصابين اختلف الحكي كتير الامر جدا جدا صعباً الامر مو متل مانك مفكر/ة الشغلة بدها قوة قلب كبيرة ورغم انو نحنا بالاسعاف منقدم اسعافات اولية فقط لا منعمل عمليات جراحية ولا غيرو
فما بالك بالاطباء المختصين بالجراحة وغيرو وغيراتو لك انك تدخل ع المشفى لحالها مرعبة متخيل المنظر انت انسان قدامك بين الحياة والموت ومنظر الله اعلم كيف بكون وروايح الدم وغيرو امر فظيع مو سهل ابدا
انا لما شفت هيك قلت الف الحمدلله اني ما دخلت طب الف حمد وشكر لله وتيقنت انو الاقتصاد مكاني الصح وربي ما بيحرم حدا من شي الا ليعوضو بشي احسن
بالنهاية اخوي/اختي شو ما كانت النتيجة صدقني/صدقيني رح ترضيكي بس قول/ي يارب وكله خير الك
الله ما بحطك غير بالمكان الصح
مهما خططت ومهما عملت ومهما ساويت مارح تاخد غير الي الله كاتبلك فيه الخير
والله ما يضيعلكن ويحققلكم احلامكم جميع
موفقين ♥ .
.. yousef shahoud

والباقي اكتبوا أحلامكم 👆🏻 شو خجلانين 🤔؟

حبيت هي الفكرة ❤️
كل واحد يكتب حلمه  ويرجع يوم النتائج لهون ويشوف إذا تحقق حلمه  📚
إن شاء الله بتتحقق أحلام الكل يآرب
#نصائح_للتفوق_بكلوريـا 🎓

في كلّ مرّة تشعُر بأنك على وَشك الاستسلام ،
تذكّر أنه لا شيء عَظيم قد تحقّق بسهولة .
في كلّ رحلة طَويلة ستُواجه الكثير من التّحديات ،
ولكن الأشخَاص الذين ينجَحون هُم أولئك الذين يَملكون القوّة على الاستمرار رُغم كلّ شيء .

لا تندَم على اللَّحظات الصَّعبة، بل اعتَبرها فُرصًا لبنَاء شخصيَّتك وتقويَة إرادتك .
لا تعتقد أن النجاح سيكُون كَما تخيَّلته ،
فهو سيأتي على شَكل تحديَّات واختبارات تجعَلُك أقوى وأفضل . .
لذا ، استمتع برحلَتك ، لأنّ الهَدف ليس فقَط في الوصول إلى النِّهاية ، بل في النُّمو الذي يحدُث لك أثناء المَسار .
✨💗✨

قال نبينا يوسف لأخيه : لا تبتئس
وشعيب لموسى عليه السلام : لا تخف
ومحمّد صلى الله عليه وسلم لأبي بكر : لا تحزن
نشر الطمأنينة والتفاؤل في مراحل القلق والإحباط من هدي الأنبياء 💙

📌 إختبار رياضيات أشعة الوحدة الثالثة 📐

http://t.me/QuizBot?start=WlRB6Yr8

{انت ما لازم ترتاح ما لازم تمل}
بحياتك شفت القلب بيرتاح ؟
يا زلمة اذا ارتاح قلبك بتموت انت
لذلك الله ما خلق للقلب راحة عم يضل يشتغل بنفس الوتيرة وبدون ملل بدون تعب
بس قلبك مل وتعب انو يعطيك الشغل يلي لازم يقدمو انت بتمرض او ممكن لا سمح الله تموت

كيف انت بدك ترتاح وقدامك قصص بدك تأنجزا ؟
كيف بدك ترتاح وقدامك مستقبل عم تبنيه
هل المستقبل يلي نحنا منبنيه عم ينبنى من الراحة ؟
اكيد لأ ❤️

بعرف انو اوقات بتجينا لحظات ضعف منحس ما عاد قادرين نكمل
بس انتو بنفس الوقت اقوياء قادرين تتغلبو عهالمشاعر وترجعو تستجمعو حالكن وتكملو 🥊

تسلق الجبل مالو شي سهل ابداً ونفس الشي حلمك ما فيك توصلو بسهولة

اصلاً مافي لذة للوصول بدون تعب ❤️

ولو مالك فاتح موبايلك هلق وعم تلتهى ما كنت شفت البوست 😉😉
لذلك قوم وافرم ويا هالك ويا مالك
لسا في وقت بحر 🌊 بس اعرف استغلو عزيزي

قبل ما تطلع من البوست اقرأ هالكم ملاحظة بفيدوك 💛
موفقين يا وحوش انتو قدها

خليك مآمن انو رب العالمين ما حطك بهالمكان لو ما بيعرف انك اهل الو وقادر تجتازو

وعلى قدر اهل العزم تأتي العزائم

#نصائح_للتفوق_بكلوريـا 🎓

صباح الصباح وصباح الخيرات والمسرات🫀🫂
ومسا النور والسرور والعطر والبخور🥹🦋✨🫂
أما بعد:
حڪايه تبدأ ، وحڪايه تنتھي
والأيام تمضي ، ولاَ شي يدوم ✨🤍" مـاتـخـلـي هـدفـك يـسـرق مـنـك جـمـال طـريـقـك | 💙🥹
#Dr.r

خدوها قاعدة:
الأيام لن تعود،افعل مايجعلك سعيداً،وبما يرضي الله
🦋🥹💙
#Dr.r

عااامُكم مُزهرٌ🥹🤍
ياارب بداية خير وسعادة عليكم 🤍
جدّدوا النيّة وضاعفوا جهودكم،،
وان شاء الله بنفرحلكم بأحلَى نَجاح 🤍

💚🤍🖤. . .1/1/2025 . . .💚🤍🖤

كل عام ونشهد أن لا إله إلا الله
وحده لا شريك له 🤍

والباقي ليش ماعم تشاركوا
اللي مابشارك معنا يمكن يسقط مثل بشار👀

يعني معندين ومابدكم تشربو مرطبات

شاركوا معنا مشان ماتسقطو 👀😈

طلاب في تحدي دراسة بس هل مرة مختلف شوي
يعني تحدي وندرس بس بدوون جواال😈

والتحدي لمدة ثلاثة أيام
يبدأ بكرا وينتهي يوم الجمعة المسا
طبعاً نقفل الجوال مثلاً من اليوم قبل ماننام ونخبيه ونجتمع الجمعة المسا ونشوف الإنجازات اللي بحب يشارك يكتب بالتعليقات 👇🏻

أهم الدروس التي تعلمها السوريون في 2024:

1- لاتفوت أي فرصة لشرب المرطبات
2- لا تكسر من الاسئلة
3- عندما تهرب لاتنسى أخذ ألبوم الصور
4- لا تتشاجر مع امرأة في السرفيس

يلا طلاب الكل يروح يدرس ديانة 😅

🔻بكالوريا ||  تلغى مادة "الوطنية" لهذا العام، وتعوّض درجاتها بمادة التربية الدينية

-لقاء وزير التربية 👇🏻

https://t.me/c/2118718216/155590

صباح الخير 😻 كيفكن يا أشاوس
كيف لهمة ولتحضير؟
من أجمل ماقرأت.
تأتيك الأشياء على قدر سعيك لا على قدر رغبتك ...
⭕ #أسئلة_شائعة  من الطلاب ببلشو يقولو
أنا تقريباً دارس المادة بس وقت عم حل دورات بالبيت عم خربط كتير ليش هيك؟ 
غير انو عم اخد بورقة الفحص اكتر من ٣ ساعات ليش هيك وكمان سؤال تاني
وقت أستاذ بيجب بالمذاكرة تمارين معقدة ليش ماعم  أعرف بلش بالحل
وقت أستاذ بيعطنا بداية الحل ضغري بكمل لحالي بعرف حل  شو اعمل وهكذا🙂
هون نظامي الطلاب بتبلش تتعقد تملّ وتتدايق ببلش الكلام سلبي وأنا فاشل وأنا ماعم أعرف  ادرس وكذا 
■كيف بدي اتذكر كل هل كتاب بيوم الفحص؟
إذا هلق هيك بكم قليل 😭
ببلشو بفوتو بحالة اكتئاب🙂 برأيكن صح؟
أكيد غلط 
المنهاج ضخم عادي شي طبيعي يصير معكن هيك😌
غير هيك في سؤال شائع  يالله من العلوم ضخمة ماعم تركز بنوب شو اعمل صار عدتها ألف مرة عم أدرس الدرس  ماعم تركز المعلومات 
في فرق وقت ادرس المادة عن محبة وفهم🧠 وقت ادرس المادة غصب وقرف وكره🌝
نوعاً ما هدول الاسئلة الطلاب يلي عم توقع فيها وكتير  بتكررو
الجواب✅
هادا  يلي عم تعيشو كلنا عشنا متلكن شي طبيعي  هيك يصير معكن 
طبعاً وأكيد بالقاعة غير المدرسة عند واحد بيعمل الأختبار أو أي شيء
انت وقاعد عم تحل دورات بالبيت غير جو القاعة كلياً
بالقاعة بتكونوا شي 14 طالب مثلا وكلكن عم تحلوا بتركيز💪
فتركيزكن كلو رح يكون ع ورقة الأسئلة وببتبلشو تتذكرو شوي شوي شوي شوي شوي😅🌼
يعني هدا الأمر طبيعي جداً🌟
انت بالبيت عم تحل بجو مو امتحاني ولا في رهبة بالحل بتعرف اذا خربطت عادي  تفتح الكتاب تشوف غلطك
عكس بالفحص بتقعد تعصر مخك لتتذكر ولازم.تتذكر  ضروري ومن هل حكي الأنو تعرف هالمادة بين ايدك  هي يلي راح تحدد مصيرك 💁‍♀
وعادي جداً تعمل مذاكرات تجيب علامة واطية
دوماً تذكرو شغلة😌💪
" فلتكن شغوفاً لا تتراجع عن تحقيق ما طمحت لهُ لسنوات أنت تستطيع  لاشيء يمكنهُ تحطيمك ما دمت تؤمن بقدراتك " 🤍
بس هادا مو يعني انك مالح تعرف تحلّ اخر السنة!
أما بخصوص كيف بدي اتذكر كتاب كامل يوم الفحص😵‍💫
فهي الشغلة شغلة مخك وتركيزك خلال السنة وفهمك للمادة ✅ واختباراتك خلال السنة.
يعني بس في شرط مهم كتير يوم الفحص
النوم ثم النوم ثم النوم 
في طلاب لهلق مفكرة انو إذا درست ١٢ ساعة لح جيب  التحضيرية والنوم وين طار?🌝
عفواً منكن هادا  التفكير غلط وكتير
أو في طلاب مفكرة بشهر الأنقطاع بدها تحلّ كلشي دورات ونماذج🙂 عن《 الكتلة العلمية》 وهادا الشي كمان غلط😊
لازم تشتغل بمواد كلا بتركيز خلصنا بحث من لرياضيات بشوف نماذج عن هالأبحاث يلي خلصتها نفس لشي لعلوم ولفيزيا وللكيميا
والنوم شو؟؟؟
لازم تنامو منيح 🌝🌸
لحتى تدرسو منيح 💪
لحتى تركزو معلومات منيح🤩🌟
مو مانام بنوب🤦‍♀
مو أقعد عالكتاب اتصفن يمرق لوقت وانا ع صفحة وحدة🙂 بدون تركيز! بعد بنتقل لصفحة التانية بدون تركيز  بعد بقول ييي درست والله اربع ساعات ورحت عالفحص ماعرفت جاوب شو لسبب؟ إي شو ستفدت بدون تركيز🙂 بدون النوم ؟؟  فقط ستفدت بالتضيع الوقت+ تموهياً عند لبابا ولماما عم شوفوني عم ادرس ولكن مابعرفو عم ادرس  بدون تركيز
بزماني رحت عالكيميا عندي مذاكرة والله مالي نايمة غير ساعتين. ماكتبت منيح للصراحة جبت وقت149 لأنو النوم تغلب عليّ صار بدي بس أحل وأطلع من القاعة وأرجع نام🤦‍♀😅
حسيت بفرق كبير لصراحة بالاجاباتي ع ورقة الفحص  دايقت كتير بعرف الحل مالي مركزة بالورقة شو ستفدت انا؟؟ غير نزلت من علامتي هي على سبيل الكيمياء🌝 مابالكن الرياضيات!!! يلي هي 600علامة!
آخر السنة عم يعطونا الوقت الكافي للحل لأنو خلال السنة  نحن بكون مدربين حالنا🌸 منيح 
نايمين منيح💛  لذلك النوم الكافي بساعدنا كتيررر وبذات الرياضيات بدها تركيز  عالسوا لأنو المسائل الأخيرة بدها ركونة
كمان النماذج ولحل خلال السنة بساعدنا لنجيب ل600😇 مو عبث نحط آخر سؤال تبع مية علامة "المسائل التحليل والأشعة"
لذلك بنصحكن🌼
عالأقل  بس نامو 7ساعات كافيات
يعني حسيت بوقت الكيماء في أسئلة تافهة كتير عم انساها بسبب قلة النوم وخربطت بأسئلة سهلة لهل سبب نسيت الواحدات رحليّ 20علامة بس بالوحدات  ورحلي بالكتابة المعادلة عاكسة
ورحلي وقت بالتعليل كاتبة بس بدايتو وقت بس كان همي أحل اطلع رجعت عالبيت والله نمت للعصر  تذكرت التعليل وتذكرت وين مخربطة
لذلك قلة النوم أكبر غلط  وكترت الدراسة بدون تركيز كمان أكبر غلط يعني يدرس الطالب 3ساعات بتركيز أفضل من8ساعات بدون تركيز
موفقين جميعاً وادرسوا هل فترة بشكل مكثف قد مابتقدروا بتركيز طبعاً  برجع بكرر عليكن يعني ادرسو 7 ساعات بتركيز أفضل من12 ساعة بدون تركيز حتى لو حسيتو حالكن عم تتعبو زيادة فوق طاقتكن هدا شي طبيعي  بذات شهر 12 كلنا مرقنا بهادا الشي
فترة وبتمر خلوها ذكرى حلوة للمستقبل
موفقين جميعاً💛

#نصائح_للتفوق_بكلوريـا 🎓

🍀 دعوة آخر ديسمبر : ²⁰²⁴ ⟩⟩⟩ 2025

يا الله نسألك البشارات التي نحب والأيام التي تسر والرحمات التي تتوالى والعافية التي تَدوم والخيرالذي لا ينقطع✨

📌جميع برامجنا الدراسية 👇🏻
https://t.me/NasaahBac/2582

📌تجارب طلاب أوائل👇🏻
https://t.me/NasaahBac/2272

📌طرق دراسة مواد البكلوريـا👇🏻
https://t.me/NasaahBac/2688

صباح الصباح🌚🫀
صباح الانجازات 🦋
صباح تحقيق الأهداف🥹
صباح البدايات الجديدة 😍
صباح الابتسامة والأمل 🥰✨
صباح التفاؤل وعدم اليأس🫂💚
صباح الاستمرار رغم انعدام الشغف ✨🫂
صباح التوكل ع الله والرضى التام والسكينة🫀💙
صباح اخر ايام ديسمبر🥹💙
صباح السنه الجديده الي بإذن الله حتكون جبر ع قلوبنا وقلوبكم وتكون مليانه بالسكينة والتوفيق من الله وتحقيق الأهداف والأماني يارب 🦋💙
صباح الخير ع قلوبكم الحلوة 🫂💙✨
"‏سَل ماشئت؛ فالله لايردّ عباده السّائلين."🦋🥹
#Dr.r

النجاح الذي يرضي الله

هل تساءلت يوماً عن معنى النجاح الحقيقي؟ أهو في تحقيق أحلامك الدنيوية أم في رضا الله عنك؟ الحقيقة أن الحياة لا تفصل بين الاثنين، فالنجاح الذي يُباركه الله هو ذلك الذي يجمع بين سعادتك في الدنيا ورضاه في الآخرة.

لا تضيّع وقتك محاولاً إقناع الناس بنجاحك؛ فالناس غالباً ما يصدقون الفشل أسرع من النجاح. لكنك لست بحاجة إلى إثبات شيء لأحد. نجاحك الحقيقي هو أن تعيش حياتك بطريقتك التي ترضي الله، تعمل وتجتهد، وتترك أثراً يُلهم الآخرين.

الله يحب أن يرى عبده ساعياً نحو الخير، محققاً لطموحاته، مستثمراً قدراته التي أنعم بها عليه. نجاحك في دراستك، عملك، أو أحلامك ليس منفصلاً عن رضا الله، بل هو جزء من عبادتك له.

اجعل كل خطوة تسيرها نحو أهدافك تقرّبك من ربك، ولا تخشَ من الأحكام أو النظرات. عش حياتك كما أمر الله: في السعي، في الإحسان، في التوازن بين الدنيا والآخرة. فهذا هو النجاح الذي يملأ قلبك طمأنينة وسعادتك بركة.

فهل تسعى للنجاح لأجلهم، أم لأجل غاية أعظم ترضي قلبك وتُنير حياتك؟ 💗🦋

هل #مقارنة_نفسي مع زميلي في المدرسة ممكن أنْ يحفزني لأنجز بشكل أكبر أم سيجعل ثقتي بنفسي تتضائل مع كل مرحلة أتجاوزها!!!!
هل تعتبر المقارنة شيء سلبي أم إيجابي!

المقارنة شيء سلبي بحت لأن الطالب يقوم بمقارنة مالديه من مهارات بمهارات الآخرين.
وحتى أنه ممكن أن ينسى مايميّزه عن غيره ويتطلع إلى مايتميز به الآخرون عنه.
الله عز وجل خلق في كل شخص منا السلوك الحسن والطبع الحسن وأشياء أخرى نعلم بوجودها بمرور الوقت.
لكننا بدلاً من اكتشافها وتطويرها وتنميتها وتمكينها.... نقوم بتركها والتطلّع لإنجازات الاخرين وبالتالي إنتاجيتنا ستقل تدريجيا💔
لذلك اوصي دائماً وأبداً عند اختيارك لهدف ما لاتنظر إلى الذين سبقوك، لكل منا طريق يَصنعهُ بنفسه لا علينا بطرق الآخرين ومحاولاتهم. عليك أن تهتم بنفسك وتحبها وتسعى بها إلى مكانة مرموقة تستحقها.(وماتقدموا لأنفسكم من خير تجدوه عند الله هو خيرا وأعظم أجرا).

ماذا يفيدني ماذكرته سابقا في حياتكم العملية!!سأوضح فكرتي بمثال. يبين طريقة تفكير الأغلبية.! مجموعة من الطلاب تطمح لتكون من الأطباء الناجحين وأخرى تسعى أن تكون من المهندسين الأوائل في الحياة المهنية وأحلام كثيرة لكن لكل شخص منهم طريقه المختلف ليصل لحلمه فمنهم من درس خلال الآونة الأخيرة بجد وجهد وحصل على مايريد، ومنهم من درس منذ البداية بخطى ثابتة وواضحة ووصل بإذن الله ومنهم من حاول جاهداً الوصول إلى حلمه لكن قدره في مكان آخر غير الذي اختاره هل يتوقف أم يكمل المسير حيث وصل!!!
الشخص الناجح يتجاوز العثرات أمّا الشخص الناجح فيخلق العثرات في طريقه وأعظم عثرة ممكن أن يضعها الإنسان في طريقة هي أن يقارن قدراته بقدرات غيره.
يقارن ماوصل إليه من إنجازات بإنجازات أصدقائه وأقرانه في الدراسة هنا بالذات يضعف قدراته ويجعل من نفسه نسخة لاتستطيع التفوق والنجاح مقارنة بالآخرين.
لماذا زميلي ختم المنهاج 5مرات قبل نهاية العام
لماذا زمليلي فلان علاماته كاملة وأنا لا 😭
بدلا من التفكير بالنتيجة التي لم ترضيني أقوم بمراجعة طريقة دراستي ومراجعتي للدروس وحتماً سأجد مشكلة صغيرة لم أنتبه لها جعلت درجاتي تقل في الفترة الأخيرة ربما عدم إعطاء نفسي حقها في الراحة أو عدم وضع أيام لمراجعة دروسي أو أني أقوم بطريقة حفظ خاطئة للمادة..... أقوم باكتشاف المشكلة وأبحث عن حلٍ لها وأخطط كيف أنفذ هذا الحل وابدأ بالتطبيق.😁✔️
ختاماً عليكم بالثقة في أنفسكم وأن لاتضعوا حدوداً لأحلامكم ،عليكم أن تثقوا بحلمكم وبما وصلتم إليه من إنجازات رائعة لايستطيع أي أحد إنجازها.
حاربوا شعوركم بالكسل والإحباط وقاوموا الجانب والأفكار السلبية التي تقتحم عقلكم وعملكم وثقوا بأن الأفضل خلق للجميع لكن يتفاوت من يسعى إليه
أنتم أعظم مما تتخيلون.
دمتم بخير

#مشكلة_وحلها.📑

مالل..كرهان حالك..شايف مستقبلك ضاع..طيب انت بتعرف ليش هيك عم تفكّر ، رح قلّك ليش بهالمثال: إذا كان في غرفة فيها مليون طابة بيضاء وطابة وحدة حمراء وقالولي سحاب طابة وانت مغمّض عيونك واذا بتسحب الحمراء رح يصير لحدا من أهلك شي(بعيد الشر أكيد)انا تلقائيا رح خاف واتلبّك ومارح اعرف اسحب مع انو احتمال انو تطلعلي الكرة الحمراء هوي شبه مستحيل.
طيب بدك تسألني شو دخل هالمثال بوضعك؟انا رح جاوبك...انت كطالب بكلوريا عم تحط حالك ضمن خيارين بس هنن(يا طب يا إما خلص انا انتهيت)(هندسة معلوماتية او انا فاشل)(مدنيّة او انا ضاع مستقبلي)وطبعاً هاد الشي عادي عند أي طالب بكلوريا هالتفكير الغلط تماماً واذا بدك دليل بقى لازم تجاوبني عهالسؤال بس ورح تلاقي الدليل بالإجابة.
السؤال:مين خلق الكون؟مين خلقني وخلقك؟مين يلي كفل عباده على الأرض؟مين يلّي قدّر رزقي ورزقك..نصيبي ونصيبك...عمري وعمرك..اهلي وأهلك...؟
يا ترى معقول مستقبل بأكملو وحياة بأكملها تتحدد ببكلوريا؟لك صحصح معي يا خيي وخيتي انت مكبّرها زيادة ولك صدّقني فداك يا كبير شو ماكانت النتيجة لا تخاف نحنا فخورين فيك.
طيب شو حضر هلئ يعني بلا ماندرس ولا شو.
أكيد لا يا عيوني المطلوب منّك بهل خمس شهور هوي الآتي: تفصل عن كلشي حواليك وعن كلشي بلهيك عن دراستك وبعدين بتمسكلي ورقة وقلم بتحط فيها خطّتك بأنك تحاول ترمم كل النقص والضعف اللي عندك لأنو انت بتقول بقى بس خمس شهور بس هذول صدقني أهم شهور بالبكلوريا ، خطوة 3 لا تضل خايف خلص حاول خلّص اكبر كمية ممكنة وانطلق عزيزي وإذا بدك اي شي مني حاكيني من عيوني بخدمكن.❤️

موفقين يارب❤

#نصائح_للتفوق_بكلوريـا 🎓
https://t.me/NasaahBac

📌إختبار رياضيات بحث المتتاليات
http://t.me/QuizBot?start=Ha4Hfreb

طلاب عالساعة 8 اختبار متتاليات
كونوا جاهزين وبالتوفيق للجميع 💙

طلاب دراسين بحث المتتاليات ؟ 🤔

لست في منافسةٍ مع أحد!

أنت تُنافس نفسك ألف مرّة، تَغلِبِها إن صَدَقتَ أو تَغلِبُك، ليس مطلوبًا أن تشرح للناس تفاصيلك، أو تُقسِم لأحدهم أنّك تَغَيَّرت، ليس شرطًا أن يوافق الناس أفكارك، وأن تحصل على اتّفاق الجميع، لن تحصل عليه، ولا يكُن همّك، اعمل بدائرة تأثيرك، بالثَّغر الذي تُبدِع فيه، استثمر كل لحظة، لا تلتفت لكلامٍ أو مساعدة، ما أقلّ الأيادي حين نحتاجها!

التّحسينات البسيطة التي فيك، هي عالمك، افرح بها كأنها كلّ انتصاراتك، الأعمال الخفيّة أشدّ جمالًا، وإن ظهر طَرَفًا لغيرك، فهو لخير أظهره اللّه منك، لا تركض لتشرح شعورك، أو تقف لأن أُذُنًا لم تستمع لك، أو تخجل لأنك وحدك في الطّريق، لا يقتُل القَويّ إلا غفلته، وألّا يؤمن بما لديه.

احرص على دفترك، قلمك، حقيبتك، دعوتك، دمعتك، سجدتك، لحظتك! انتبه لكل شيءٍ يُغيّر فيك، كلّ شيءٍ يُعافيك، ويكفيك.

نافس نفسك التي كانت، وانظر أين ستكون.

ما خبرتوني
بإنجازات التحدي🌝

خالصين ...أن شاء الله تكونوا استفدتوا❤️🙆‍♀
موفقيييين الله يفتح علييكن🥹✨

يا جماعة النت سيء شوي طولوا بالكن عليي تمام🙆‍♀
ٱسفة اذا تأخرت شوي بين السؤال والسؤال

طلاب اسمعوا بتمعنٍ كلام مهم جداً💯
#نصائح_للتفوق_بكلوريـا 🎓

وبما أن اليوم عطلة للأغلب بدنا نحاول نستغله وندرس اكبر قدر ممكن من المواد يلي متراكمة علينا 🤍🥹
فالتحدي هو كالتالي 🌝
بنسكر الموبايل من ال١٠ للساعة ٦ المسا وبنشغل المؤقت ونحنا عم ندرس ووقت ناخد استراحات بسيطة بنوقفه
عالساعة ٦ بنجي لهون وبنقول شو أنجزنا بهالوقت كله 🥹
مواااافقين!؟

صباااحكن خير ورضا 🤍
اختبار وطنية اليوم أن شاء الله الساعة ٧ المسا بالدرس الثاني بالوحدة الأولى 🙆‍♀✨
موفقييين 🤍

مافي شي بهالدنيا مستحيل👌🏻😌

مافي شي اسمه والله انا مابقدر ومارح أوصل ومن هالحكي😕💔
مادام أنت عم تشتغل وعم تسلم أمرك لرب العالمين لازم يكون عندك ثقة أنه خلص تعبك مارح يروح عالفاضي😍💙
لأنه مافي شخص بيتعب ومابشوف النتيجة يلي بتعجبوا ..👌🏻

هلق أكيد في كتير منا بلش يبني احلاموا ويفكر بمستقبلوا وبالمقابل في كتير طلاب لسا ضايعين ومابيعرفوا شو بدهم أو فيني قول أنه بيعرفوا شو بدهم بس خايفين يحكوا 👍💔
خايفين يقولوا هذا حلمنا يلي بدنا ياه ومايقدروا يوصلوا🥺💙
خايفين الكل يعرف الشي يلي بدهم ياه ووقت النتيجة مايقدروا يحققوه💔💔

طيب ماشي انا بدي بس وجه كم كلمة لهالفئة من الطلاب
لأيمت رح تضلوا هيك ضايعين!؟🌚💔
أصدقائي كونوا واثقين أنه لو مابتعرفوا حالكم قد هالشي ماكان حلمتوا فيه أبداً 😍💙
ليش شو فائدة الحلم؟
حدا فكر بهالشي من قبل!؟
ليش نحن منضل نحلم ¿¿
نحن منضل نحلم لحتى نشتغل ع حالنا أكتر
لحتى يضل في عنا ثقة انو كل ماتعبنا رح نوصل😌
مافي حدا مابيوصل إذا كان فعلاً حاطط هدفه قداموا وعم يشتغل عليه
خلوا عندكن ثقة كبيرة انو الايام يلي جاي رح تحمل شغلات كتير حلوة إن شاء الله
ولاتستسلموا 😍💙
أملنا فيكم كبير بكلورياتنا 2025

#نصائح_للتفوق_بكلوريـا 🎓
https://t.me/NasaahBac

✨ هاد البـوست مخصص للطلاب "الأدبـي "

طلاب انا نسيت اشرحلكن عن الملحق 💁🏻‍♀️

(المـلحق الفـرنسـي )

لأتقـان دراسـة الملحق يجـب💜🎓:


أولاً💙📝: حفـظ مفـردات نقـطة ذكرتهـا ببدايـة الحديث، حفـظ أكـبر قدر ممكن من المفردات لتتمكن من ترجـمة عنوان الروايـة + هل الروايـة:أجتـماعيـة _ سيـاسيـة_سرقـات _كوميـدية...



ثانيـاً💚🍒: عنـدما تقـرأ الملحق استـخرج كلمات مفتاحيـة وافهمـها مثل: قرأت روايـة كوميـدية يجب عليك معرفة القرن +أنواع الكوميـدية وهنا الشيء المهم عندما تقرأ كل نوع من الكوميدية وتفهمه سيكـون بأمكـانك عند رؤية ايي عنـوان من درس الكوميـدية في الملحق سوف يخطر لعقلك عن ماذا تتحدث الفكـرة +فهم خاتمـة الرواية


ثالثاً 🧡🌸: من المهـم جـداً في الملحق الفـرنسـي أن تفهـم أفكـار الملحق وعن ماذا تتحـدث كل رواية ....
الملحق علي 100 علامة هنن سهلين انكن تجيبوهن بحال تابعتوا من اول السنه 🌹
بالتوفيق للجميع ❤

نصائح للتفوق بكالوريا 😌🔝 pinned «📌جميع برامجنا الدراسية 👇🏻 https://t.me/NasaahBac/2582 📌تجارب طلاب أوائل👇🏻 https://t.me/NasaahBac/2272»

📌جميع برامجنا الدراسية 👇🏻
https://t.me/NasaahBac/2582
📌تجارب طلاب أوائل👇🏻
https://t.me/NasaahBac/2272

المرء عندما يرغب لا يُعيقه شيء😉👏🏻

طلاب هي قائمة بأعلى النتائج
الطلاب الثلاثة الأوائل بعتولي عالخاص كرمال تأخذوا الجوائز @UHMba
موفقين يارب
وبتمنى تكون المشاركة أكبر المرة الجاي 🌚

🏆 أعلى النتائج في اختبار 'إختبار علوم بحث العصبية 📚'

🖊 26 سؤالًا
⏱ 30 ثانيةً لكل سؤال
☺️ 66 شخصًا خاضوا الاختبار

🥇 احمد شاويش – 28 (3 د 34 ث)
🥈 Osama Abd Alkader – 27 (1 د 42 ث)
🥉 Mhammad – 27 (3 د 15 ث)
  4.  @Ragody16 – 27 (3 د 58 ث)
  5.  الاحمد اا – 26 (2 د 23 ث)
  6.  Karam Kadri – 26 (3 د 3 ث)
  7.  جانيار محمد – 26 (3 د 41 ث)
  8.  @abraral_sayed – 26 (4 د 11 ث)
  9.  عبد – 26 (5 د 29 ث)
10.  Sham Aa – 25 (1 د 51 ث)
11.  Rose Youseph – 25 (2 د 38 ث)
12.  Shahed Shahed – 25 (3 د 3 ث)
13.  حسن الشيخ – 25 (3 د 18 ث)
14.  AHMAD AL–DEEB – 25 (4 د 21 ث)
15.  Sandy Ghammed – 25 (4 د 26 ث)
16.  Ali Kattash – 24 (2 د 35 ث)
17.  Douaa 🦋 – 24 (2 د 36 ث)
18.  Mariam~ – 24 (4 د 2 ث)
19.  .. .. – 24 (4 د 41 ث)
20.  nagham read – 24 (5 د 6 ث)

21.  Areej 🌼❤️ – 23 (2 د 58 ث)
22.  Zainb – 23 (2 د 57 ث)
23.  Mitsu – 23 (3 د 9 ث)
24.  ᥫ᭡كوثر – 23 (4 د)
25.  somar jomaa – 23 (3 د 59 ث)
26.  @Bayan5559 – 23 (4 د 34 ث)
27.  Hiba – 22 (3 د 1 ث)
28.  Marwa Ibrahem – 22 (3 د 44 ث)
29.  💞 – 22 (4 د)
30.  Hazar – 22 (4 د 34 ث)
31.  Aya Almasry – 22 (4 د 55 ث)
32.  نور – 21 (4 د 9 ث)
33.  @lavinomerr – 21 (6 د 41 ث)
34.  يزن الرفاعي – 20 (4 د 5 ث)
35.  @BAC_STUDENT25 – 19 (3 د 12 ث)
36.  Faten Abd – 19 (5 د 58 ث)
37.  ،Shahd 🧡 . – 18 (2 د 23 ث)
38.  Felix – 18 (4 د 22 ث)
39.  شِ/ Sh – 17 (3 د 11 ث)
40.  إيمان🥀 – 17 (4 د 5 ث)
🖊 26
41.  Ahmad wais – 16 (3 د 47 ث)
42.  جبتر - JPTR – 16 (4 د 16 ث)
43.  Tasneem – 16 (4 د 31 ث)
44.  @Aya_At10 – 16 (4 د 49 ث)
45.  Rasha Ald – 15 (3 د 44 ث)
46.  Shahd Msh – 15 (4 د 11 ث)
47.  أم محمد 🤍 – 14 (3 د 30 ث)
48.  @S_r_y_6 – 14 (3 د 35 ث)
49.  GARDENIA – 13 (3 د 28 ث)
50.  Shadi Malkat – 13 (4 د 25 ث)
51.  Awad Hamza – 13 (4 د 33 ث)
52.  عيسى العتمة – 12 (3 د 28 ث)
53.  🥺🥺 🦋💘🕊 – 11 (2 د 35 ث)

نصائح للتفوق بكالوريا 😌🔝 pinned «📌طلاب الاختبار جاهز🔥 معكم ساعتين ورح يتم توزيع جوائز للطلاب الثلاثة الأوائل🔥 http://t.me/QuizBot?start=3l3WAEvz»

📌طلاب الاختبار جاهز🔥

معكم ساعتين
ورح يتم توزيع جوائز للطلاب الثلاثة الأوائل🔥



http://t.me/QuizBot?start=3l3WAEvz

تذكير 👀
اللي مو فهمان شو القصة اقرأ البوست 👇🏻
https://t.me/NasaahBac/2644

#لندرس_بالطريقة_الصحيحة ✅
طريقة دراسة مادة اللغة الفرنسية 💜

درجة صعوبة هالمادة بتختلف بين شخص و التاني و هالشي بيرجع لاهتمامو باللغة خلال سنوات دراستو ، و لكن الشي الي لازم تعرفوه أنو مافي شي بيصعب على شخص حاطط هدف ببالو بدو يحققو 😍💜

قبل ما اقترح عليكن طريقة الدراسة حابة احكي و ركز على نقطة مهمة ما حدا فيكن يختار مادة ليفاضل عليها من هلق و يأهمل المادة التانية أنا عم أحكي بما يخص الفرنسي و الإنكليزي ، طيب ليه ⁉️
=بكل بساطة ممكن واحد فيكن يحدد مادة الإنكليزي حتى يفاضل عليها و يأهمل الفرنسي طول العام و ما يدرسها متل مو لازم ف يتفاجأ بضربة بالانكليزي و تجي الفرنسي سهلة و كل الطلاب يسكروها أو يصير معو ظرف مفاجئ قبل فحص الإنكليزي و ما يقدر يدرس باليوم يلي لازم يكون فيو التركيز والطاقة الدراسية أعلى ، ممكن يصير العكس و تجي الفرنسي هي الضربة و ممكن المادتين يكونوا سهلين ، و لكن أنا بهي السنة بالتحديد ما بغامر بحط أسوأ سيناريو ممكن يحصل معي و بشتغل على هالأساس 🔍

طبعاً انا عم احكي هل حكي لانو ما بدي ياكن تغلطو غلطتي 🙅🏻‍♀️
لانو انا ركزت ع انكليزي كتير وهملت الفرنسي واخر شي فاضلت ع فرنسي

_طيب تمام معناتا توصلنا لنقطة أنو ندرس المادتين بنفس الأفضلية و ما نميز مادة عن التانية لا هلق و لا حتى خلال فترة الانقطاع 😉

_النقطة التانية كيف رح تكون أسئلة اللغة الفرنسية هالسنة متل ما ورد بتصريحات الوزارة أنو أسئلة اللغة الفرنسية ما رح يعتمدوا فيها نموذج الأتمتة هاد بيعني أنو النموذج رح يكون تماماً متل النموذج الوارد بأسئلة الدورات و هيك بتقدروا تتدربوا أكتر و يكون عندكن خبرة بطريقة حل كل سؤال💜💜🔥

_وصلنا للفقرة الأهم و يلي هي كيف لازم ندرس اللغة الفرنسية
▫️لازم يكون عندك دفتر مقسمو لتلت أقسام قسم القواعد قسم المفردات قسم المواضيع
خلينا نحكي عن القسم المضمون و يلي هو قسم القواعد اول شي بتفهم شرح القاعدة مع الاستاذ كتير منيح بعدين بتقرأها من الكتاب و إذا في شي سها الاستاذ عنو خلال الشرح ركزو من الكتاب و حل الأسئلة المرتبطة بالقاعدة عالكتاب بعدما تأكد أنك تمكنت من القاعدة ، فتاح على الدورات و حل الأسئلة المرتبطة بهي القاعدة فقط و إذا كان في وقت معك فتاح نماذج أسئلة على هي القاعدة و حلها و اختبر حالك فيها و كل ما حليت أكتر بتقوي حالك أكتر 🥰💜

▫️هلق قسم المفردات اقرأ النص و كل كلمة ما فهمت معناتا اكتبها على هاد القسم و بس خلصت ترجم الكلمات يلي طلعت معك و افهم من خلالها النص عن شو عم يحكي و بلش حفظ بصم فيهن
طيب كيف بدي اتأكد أنو حفظي تمام ؟
_اذا عندك كتاب مالو مترجم افتح على النص و اقرأ و ترجم إذا عرفت معناتا أنت تمكنت من حفظ هالكلمات إذا لا برجع بعيدن ليتركزوا ، إذا ما عندكن كتاب تاني أو ما بتقدروا تأمنوا واحد فيكن تنزلوا كتاب Pdf كمان بكون ما مترجم بتتبعوا هالطريقة يلي حكيتلكن عنها 🫶

▫️طيب ليه ما منحفظ النص بحرفيتو مع ترجمتو ليه لنعذب حالنا و نكتب كل كلمة غريبة و نترجمها طبعاً لأنو النص باللغة الفرنسية ما بجي نسخ لصق من الكتاب و إنما هنن بجمعوا المفردات يلي تعلمتوها بالوحدة و بشكلوا عليها نص و لكن أكيد انتو لما بتحفظوا مفردات ح تعرفوا تترجموا و تفهموا محتوى النص وبالتالي رح تعرفوا تحلوا🥳 🔥

▫️طيب وصلنا على قسم المواضيع و هاد القسم أكتب عليه مواضيع الكتاب و ركز على كل شكل من أشكال المواضيع كيف لازم أكتبو ، لأنو شكل الموضوع عليه جزء من علامة الموضوع و غالباً الموضوع بيجي موازي لموضوع الوحدة بمعنى بيجي نفسو و لكن ممكن يتغير شكل الموضوع أو يضيفوا فكرة أو يلغوا فكرة لهيك لازم انتبه شو طالبين مني بنص السؤال و دائماً عوّد حالك لصيغ جمل بالفرنسي كرمال كون قادرة أكتب عن الفكرة الجديدة يلي ممكن تنذكر بنص السؤال 🔍

الله يوفقكن يارب و نفرحلكن بأعلى الدرجات💜
#نصائح_للتفوق_بكلوريـا 🎓
https://t.me/NasaahBac

طلاب كونوا جاهزين عالساعة 8 المسا 🔥

ملاحظين أنه ماعم نعمل تحديات 👀
شو رأيكم بتحدي حماسي نعمله سوا
طبعاً بدي مشاركة من الكل وفي جوائز 🔥

فانسِف جبالَ الهمِّ منك بدعوةٍ
إنّ الذي قَصَدَ المهيمنَ لم يخِب
واقذف بسهمِ الصبرِ كلَّ مصيبةٍ
والجأ لربِ العرشِ واسجُد واقترِب

☁️✨

أسعد الله أوقاتكم جميعاً 💙
كرمال كتار منكم رح انشر هالبوست
لعل فيه إفادة

#كيف ادرس بتركيز ؟
#شو اعمل كرمال الملل؟
#اذا بلشت هلق بلحق ؟
#كم ساعة لازم ادرس ؟

اسئلة بتنسأل كتير ، رح اختصر الاجوبة ببوست واحد ❤️

📌اول شي كلنا ببالنا اهداف وطموحات وعم نسعى تنوصلا
المهم بلا كترة حكي
طلاب بالبداية هالسنة صعبة وعالكل واكيد مارح ننكر هالشي
فيها تعب وضغط

بالنسبة لشو مشكلة الملل ؟
الي عم تحكي حاليا ،مجرد ما تجي عطاولة الدراسة بتحس بالملل قبل ما تفتح الكتاب حتى
بس شو بعمل؟

-بسمي بالله ومقتنعة انو انا عم ادرس تحقق شي ببالي ولازم حققو سميت بالله وبلشت 🙌
بضغط عحالي وبجبر حالي بشكل كبير
صح ملل بس مافي حل غير هيك
وتاكد انو الاشياء الحلوة بحياتك ما بتجي بالساهل وبدها وقت
لذلك كن صبور ❤️

طب اوك انا كيف بدرس ؟
بالبداية يا صديقي تنظيم الوقت شي مهم

شو يعني تنظيم وقت ؟
يعني حط برنامج؟

-لا مو  ضروري تحط برنامج
بس لازم تعرف شو المواد الي مقصر فيها وتكتبها عورقة وتوزعها عايام بحيث تخلص التراكم الي عليك
ولتخلص التراكم لازم تنضغط فترة
مثلا مقصر عند استاذك بتلت اربع دروس علوم
ماشي وزعهن كل يوم درس لمدة تلت ساعات او حسب

بالنسبة للرياضيات ما لازم تنترك
ولو ما كنت فاضيلا مر عليها عالقليلة مرور الكرام
بس ترك لا تتركا
وللصراحة لازمها 3 ساعات عالاقل يوميا .
وهيك اعمل حط كل مادة واعرف  مستواك فيها وخصصلا الوقت الي انت مو اي حدا غيرك بحس انو كافي + استشير استاذك
لان هو بيعرف مستواك

واكتر الطلاب بتبعت تمارين عالكروب وبيطلبو الحل
لقلكن مارح تستفادو شي اذا ما انتو حليتو بايدكم وجربتو بايدكم وغلطتو مرة وتنتين وتلاتة ❤️
جربو تحلو تمارين عقد شعر راسكم ولا توقفو

بالنسبة الي انا بفيق وبحط المواد الي مثلا قربت تتراكم وبلحقها
بكتب عورقة ستيكرز صغيرة قائمة المهام
وبس خلصت بالليل قبل ما نام بكتب قائمة الانجازات عورقة ستيكرز كمان
كرمال لما حس انو مو مأنجزة زيادة فما بنام لخلص كل المهام ❤️

-قررت بلش من هلق بلحق ؟؟
اي عمو بتلحق بتلحق🙂
بس حط ببالك اذا اجلت يوم واحد بس
فمارح تلحق
-بالله يوم واحد رح تفرق ؟
اي صديقي لان مدام اجلت يوم رح تاجل للي بعدو وتضل تاجل وتاجل
لحتى تلاقي هاا اجا وقت الامتحان
لهيك الي بدو يبلش
يحط بمعلومو دراسة ليل مع نهار 💙🦋

-نحكي شوي عن دراسة بتركيز :
اكبر مشتت وجود حدا معك بالغرفة
اقفل الباب وما حدا معك
صدقني ادرس بتركيز ساعة وحدة احسن من 10 ساعات بلا تركيز
+حط الموبايل عجنب وبس خلصت ساعتين دراسة  افتحو شغلة ربع ساعة بس 😅
او احسنلك بلا تفتحو كلو اطلع تمشى عالبلكون احسن
لان مدام فتحتو رح تشط معك الربع ساعة لساعتين
بعرف محسوبتكم لان هيك بصير فيها بدون ما تحس😢🙂

وحاول لا تفكر بشي
ولله رفيقك اليوم حكا كلمة زعجتك
رفيقك اخد علامة اكتر منك
وتعن عبالك صلة الرحم وتصير بدك تعمل زيارات
انسى انسى وركز بدرسك 😒

_لما تحاول بتمرين مرة وما يزبط لا تبعت لحدا يساعدك
جرب مرة
اغلط تنتين
وحاول تلاتة
لما تحس خلص ماضل امل
وقتها اطلب المساعدة ❤️

حاول كل ما توترت تسمع ايات قرآن لانها مريحة بشكل كبير❤️💙

-بالنسبة لساعات الدراسة لا تفكر بساعات
فكر بكميات ادرس بكل طاقتك عمول الي عليك والباقي على رب العالمين
وحسب هالشي بعود الك وشو عم تدرس

كترت حكي بس لعل وعسى تستفادو 🦋

رح احكي شي اخير
كرمال الدعم لتدرسو 🙂
بحسو سخافة لان انت الي بتدعم حالك
حلمك واصرارك الي بيدعمك لتكفي وتكفي بقوة 🔥
لما تكون متاكد انو الله معك ورح يكتبلك الخير هاد لحالو دعم ❤️🔥

من كل قلبي التوفيق للجميع 💙
#نصائح_للتفوق_بكلوريـا 🎓
https://t.me/NasaahBac

يعني برأيكم زابطة
كل مابدنا ننشر منشور ننكشكن حتى تتفاعلو يعني لازم لحالكن تفهموها وتتفاعلو 🌚

الآية الثانية «الوحدة الثانية»
من كتاب الديانة الإسلامية 🤍✨

صـبــاح الـخير

خااالصين
موفقين يارب 🙆‍♀

مسا الخيرات 🌸
غداً اختبار علوم بالدرس ٩ و١٠ و١١ عصبية
الساعة ١١ المسا
ركزوهن منيح
موفقييين🙆‍♀🩷

#لندرس_بالطريقة_الصحيحة ✅
طريقة دراسة مادة الفيزياء 📚🧲

ح نحكي عن :
⭐ نظام الأتمتة الجديد
⭐ عن المادة بشكل عام
⭐ شوية نصائح و كيف فيني أستفيد من أسئلة الدورات مع تغيير النمط.

📍هلق بدايةً يمكن في كتير طلاب ببعض دروس مادة الفيزياء عم يعانوا من موضوع النظري.📖
يعني أحياناً النظري في طلاب بحسوه صعب بالمادة ، فبياخدوا الأفكار المهمة للتطبيق العملي فقط ، أما باقي الأفكار النظرية ما بكون عندهم الاستعداد أو القدرة حتى يحفظوها.
فلهيك كونوا دقيقين جداً بهاد الموضوع وركزوا على النظري منيح. 🙇🏻‍♀️💙
يمكن يكون في كتير أسئلة مطالبين فيها بالنظري
و في أفكار بتساعدك تفهم المسائل و طريقة حلها
لهيك ما تهملوا أي قسم من المادة.

📍ما ح تتغير طريقة دراستنا بتغيير النظام للأتمتة لأن لحد هلق عندك مسائل لازم تتدرب عليها و في قوانين و حسابات و إلخ...
بس بنصحك إنك تساوي دفتر ملاحظات خاص بالفيزياء .📒
_ هي الطريقة ممكن تتبعها بس تحس حالك في قوانين ما بتحسن تحفظها أو ركز فيها ف بتكتبها ع دفتر ملاحظات خاص أو مثلاً سؤال دورة بتغلط فيه بشكل مستمر ف بتحط عليه إشارة على الدفتر.

📍و كمان في تفسيرات ما بتحسن تحفظا ممكن تكتبا على الدفتر كرمال تنظّم الأفكار.
أي شي بتحسوه صعب كتبوه عليه (فكرة حكاها الأستاذ بالشرح، ملاحظة معينة...)
هي المعلومات رح تلاقيها آخر السنة و رح تساعدك بفترة المراجعة.

📍و بالنسبة لموضوع حفظ النظري حاولوا أي فكرة أنتو ما فهمتوها  تشرحوها بصوتكن/ تسجلوها بصوتكن.🔈
هيك بتحسوا الفكرة عم تترسخ أكتر و أكتر
و ضلوا عم تعيدوها أكتر من مرة و شوفوا شروحات مختلفة إلها على اليوتيوب أو pdf حتى.

📍وبالنسبة للدورات لازم تنتبهو على شي كتير هام ، بالنسبة لأسئلتنا هي أتمتة فالفرق إنه سابقاً كان ممكن تكتب القانون تعوض فيه يطلع معك غلط(تعويض /رقم ..) ما تروح علامة كل السؤال لأن كانت العلامة مجزئة على كل خطوة ، لكن هلق الإجابات موجودة و أنتو عليكم تختاروا ف لازم تكونوا كتير دقيقين بهاد الموضوع ، لأن الإجابات متقاربة كتير ممكن رقم أو فاصلة أو حتى تحويلات تغيير الجواب كله ، لهيك انتبهوا على هالتفاصيل كتير منيح وركزوا باختياركم الإجابات. 🔍

📍و إنه تطلعوا على الدورات شي كتير هام و لو تغيّر النمط ، لأن الأسئلة و المسائل أفكارها ح تساعدكن كتير
و بِقدَر ما بتتدربوا منيح بقدر ما بتكونوا فهمانين الأفكار كتير  منيح و بتكونوا حريصين بالجواب ،
و إعادة المادة خلال السنة أكتر من مرة ح يساعدكن تجمعوا علامات أعلى بهي المادة .
بتمنالكم كل التوفيق و تضلوا بألف ألف خير.💜
#نصائح_للتفوق_بكلوريـا 🎓
https://t.me/NasaahBac

طلاب انتهىٰ الإختبار موفقين
وانتظرونـا بأختبارات جديدة 💙📚

#لندرس_بالطريقة_الصحيحة ✅
طريقة دراسة مادة اللغة العربية 

و بحديثنا رح نناقش عدة أفكار:
1️⃣ رح نحكي عن المادة بشكل عام ودرجة صعوبتها.🤔
2️⃣ رح نتعرف على أقسامها وطريقة دراسة كل قسم.🤔
3️⃣وكيف ممكن نختبر حالنا ونحصل علامة مميزة فيها.🤔

✨🤍 بدايةً مادة اللغة العربية ممتعة جداً ومريحة للطالب يلي بيدرسها صح، بس بتحتاج تأسيس أثناء سنوات الدراسة السابقة ، التأسيس بخلينا نكون مستعدين نتعامل مع كل أقسامها وهالكم الهائل من المعلومات.
طيب أنا كشخص ما كنت كتير مهتم بالمادة قبل البكلوريا بفرش يعني؟ 🤔💔
أكيد لا ،صديقي التأسيس هو الركيزة يلي منبني عليها معلومات البكلوريا ،بس هاد الشي ما بيعني أبداً أنو الشغل الصح والمتابعة واهتمام الطالب بالمادة مو كافي بالعكس الطالب المجتهد يلي بتابع كل الدروس وبيهتم بتفاصيل المادة يلاقي نتيجة بتكافيه.
درجة الصعوبة متوسطة، بتعتمد متل كل المواد على مستوى الطالب و الذخيرة اللغوية يلي عندو ياها.

✨🤍 هلق منجي لتاني فكرة يلي هي أقسام المادة وكيف ممكن ندرس كل قسم ✔️
المادة متل ما منعرف بتحوي قصائد، قواعد نحوية وإملائية، نصوص حفظية ، وفي وحدة الرواية.
للصراحة بالرغم من أنو مادة اللغة العربية من المواد الحفظية يلي بتحتاج بصم بحت ، بس بتحتاج فهم بنسبة كبيرة وتعمق بكل كلمة موجودة .
أما بالنسبة لطريقة الدراسة يفضل يكون عنا دفتر واحد كبير شوي منقسمه لثلاث أقسام ( قسم  للقواعد- قسم للقصائد- قسم للتعبير وما تبقى من الأقسام)

🌞بدايةً طريقة دراسة القواعد: أول شي منحضر الدرس مهما كان المصدر، ومنفهم الأفكار منيح، منركز على الأمثلة الموجودة ومنطبق على أمثلة جديدة من عنا أو على القصائد يلي أساساً رح تكون أغلبية أسئلة القواعد عليها بالامتحان،
وطبعاً منكتب تلخيص القاعدة وبعض الأمثلة والنكشات يلي بخبرنا ياها الأستاذ والأفكار المكررة بأسئلة الدورات على الدفتر .
بالمناسبة أنت كطالب بكلوريا مطالب بكل القواعد يلي مرت معك سابقاً لهيك مهم جداً نعمل مراجعة ونركز القواعد القديمة قبل ما نضيف عليها قواعد كتابنا.

🌞 أما بالنسبة لطريقة دراسة القصائد: لازم تندرس كلمة كلمة بدون أي حذف وبتركيز أكيد ، منحدد الفكرة العامة للقصيدة وهاد سؤال تقريباً دائماً بتلاقيه بورقة الامتحان، بعدين مننتقل للأفكار الفرعية لكل بيت وهي الأفكار رح نستفيد منها كرمال شواهد الموضوع الأدبي
وعلى كل شطر من هي الأبيات منطبق كل القواعد الإملائية (همزات - مصادر - مشتقات- الألف اللينة.....)والصور والتشابيه وما مننسى الإعراب جمل ومفردات أكيد.
وبالإضافة لأبيات كتابنا في شي اسمو أبيات خارجية طبعاً هي تتمة للأبيات الموجودة بكتابنا ومهمين جداً للامتحان لهيك لازم ندرسن ونفهم المغزى من كل بيت .
ومتل ما حكينا قبل لازم نحفظ الأبيات كرمال الموضوع الأدبي .
وكمان لازم نمر على اسم الشاعر وجنسيته يعني لمحة صغيرة عنه.
طبعاً كل هي الأفكار وحل الأسئلة منكتبها على الدفتر ،بس شخصياً بحب خلي تطبيق القواعد على الأبيات على الكتاب مباشرةً وهاد الشي بيرجع للطالب أكيد.

🌞أما هلق منجي للتعبير : القسم يلي بيعتمد على الذخيرة اللغوية للطالب وبتحتاج تدريب ومعرفة طريقة وقالب كتابة الموضوع ( الإبداعي متل الرسالة أو الأدبي الإجباري) وكلما اتدربنا على الكتابة أكتر رح نطور خيالنا وبالتالي فينا نغوص بأعماق اللغة ونتميز لموضوعنا.

🌞 وهلق منجي للحفظ بدروس المطالعة: هي عبارة عن سؤال وجواب ، أول شي علينا نفهم الدرس منقرأه قراءة سريعة كرمال ناخد لمحة ونقدر نحدد الفكرة العامة ، بعدين منقسم الفقرات لسؤال وجواب وأكيد مطلوب حفظن ومع التكرار كلما صحتلنا الفرصة كرمال نتلافى النسيان

🌞 و منجي على وحدة الرواية: فهي جداً سهلة ومن العلامات المضمونة بالمادة ،
بعد ما نفهم كل فكرة بالدرس على شو بتدل مثلاً الزمان بصير علينا نطبق على الأمثلة بحيث نستخرج من جمل الرواية أفكار بتدل على استخدام الكاتب لزمن الحدث وطبعاً هاد الشي بيتعزز عنا من خلال التدريب والممارسة ومعرفتنا طريقة التطبيق والحل .

✨وهلق الادبي✨

🌞  في عنكن شي اسمو تقطيع البيوت واولاً انتو لازم تفهمو كل قواعد التقطيع وتدربو عليهن كتير يعني كل قصيدة خدوا منها كم بيت وقطعوا لحتا تعرفو تقطعو منيح وعلامتهن باذن الله مضمونة

🌞 وحدة المناهج كتير سهلة في عنا منهجين نفسي واجتماعي وهنن كتير سهلين بس بدن تتدرب كتير وتعرفو كيف تطالعو رغبة ومعاناة الشاعر من الابيات

وبتمنالكن التوفيق للجميع ❤🌹

#نصائح_للتفوق_بكلوريـا🎓
https://t.me/NasaahBac

[ مشكلة دراسية ]

بقعد لحتى أدرس..بطول كتير..بس الدراسة الفعلية قليلة !

▪️ماهي الأسباب والحلول !؟

📌ﺃﻫﻢ ﺍﻷﺳﺒﺎﺏ :

_1 ﺗﻔﻜﻴﺮﻙ ﻣﺸﻮﺵ .. ﻳﻌﻨﻲ ﻣﺎﻧﻚ ﺣﺎﻃﻂ ﻛﻞ ﺗﺮﻛﻴﺰﻙ ﺑﺎﻟﺪﺭﺍﺳﺔ .. ﻭ ﻓﻲ ﺃﻣﻮﺭ ﺁﺧﺬﺓ ﺟﺰﺀ ﻛﺒﻴﺮ ﻣﻦ ﺗﻔﻜﻴﺮﻙ .. ﻗﺪ ﺗﻜﻮﻥ ﻣﺸﺎﻛﻞ .. ﻫﻤﻮﻡ .. ﻗﻠﻖ ﻭ ﻣﻤﻜﻦ ﻗﻠﻖ ﻣﻦ ﺍﻟﺪﺭﺍﺳﺔ ..
_2 ﻣﺘﻮﺗﺮ ﻭ ﺣﺎﻃﻂ ﻓﻲ ﺑﺎﻟﻚ ﺇﻧﻮ ﻻﺯﻡ ﺧﻠﺺ ﻛﺬﺍ ﻭ ﻛﺬﺍ ﺻﻔﺤﺔ ﻭ ﺇﺫﺍ ﻣﺎ ﺧﻠﺼﺖ ﺭﺡ ﻳﺤﻜﻤﻮﻧﻲ ﺇﻋﺪﺍﻡ
_3 ﻣﺤﺎﻭﻟﺔ ﺍﻹﺳﺮﺍﻉ ﺑﺎﻟﺪﺭﺍﺳﺔ ..
_4 ﺟﺎﻱ ﺗﺪﺭﺱ ﻭ ﺇﻧﺖ ﻛﺮﻫﺎﻥ ﺍﻟﺪﺭﺍﺳﺔ ..
_5 ﻭ ﻣﺎﻧﻚ ﺣﺎﻃﻂ ﻛﺎﺳﺔ ﺍﻟﻤﺘﺔ ﺟﻨﺒﻚ ^_^
_6 ﺍﻷﺻﺪﻗﺎﺀ ﺍﻟﻤﺤﺒﻄﻮﻥ ﻳﻠﻲ ﺑﻘﻮﻟﻮ ﻣﺎ ﺩﺭﺳﻨﺎ ﻭ ﻣﺎ ﻋﻢ ﻧﺪﺭﺱ ﻭ ﺑﺎﻟﻮﺍﻗﻊ ﺑﻜﻮﻧﻮ ﻣﺨﻠﺼﻴﻦ ﻧﺺ ﺍﻟﻤﻨﻬﺎﺝ .. ﻭ ﻣﻤﻜﻦ ﻳﻘﻮﻟﻮﻙ ﺑﺲ ﻫﻴﻚ ﺩﺭﺳﺖ !! ﻣﺸﺎﻥ ﻳﺤﺒﻄﻮﻙ ﻭ ﺗﻘﻮﻝ ﻣﺎ ﻋﺎﺩ ﻟﺤﻖ ﻭ ﺗﺤﺎﻭﻝ ﺗﺄﺳﺮﻉ ﺩﻭﻥ ﻓﺎﺋﺪﺓ ..
_7 ﻣﺎ ﺑﺘﺸﺮﺏ ﻣﻲ ﻏﻴﺮ ﺑﺎﻟﻤﻨﺎﺳﺒﺎﺕ

📌ﺍﻟﺤﻠﻮﻝ :

_1 ﻗﺒﻞ ﻣﺎ ﺗﺒﺪﺍ ﺑﺎﻟﺪﺭﺍﺳﺔ .. ﺻﻔﻲ ﺑﺎﻟﻚ .. ﻭ ﺷﻴﻞ ﺍﻟﺪﻧﻴﺎ ﻣﻦ ﺑﺎﻟﻚ .. ﻭ ﻻﺯﻡ ﺗﻜﻮﺕ ﻣﺄﻧﻬﻲ ﻭﺍﺟﺒﺎﺗﻚ ﺗﺠﺎﻩ ﺍﻟﺠﻤﻴﻊ .. ﻣﺸﺎﻥ ﺗﺨﻠﻲ ﺑﺎﻟﻚ ﻣﺮﺗﺎﺡ .. ﻭ ﺧﻠﻴﻚ ﺣﺎﻃﻂ ﻓﻲ ﺑﺎﻟﻚ ﺇﻧﻮ ﺷﻮ ﺍﻟﺸﻲ ﻳﺎﻱ ﺃﻫﻢ ﻣﻦ ﺩﺭﺍﺳﺘﻲ ﻭ ﻳﻠﻲ ﺁﺧﺬ ﻫﺎﻟﺤﻴﺰ ﺍﻟﻜﺒﻴﺮ ﻣﻦ ﺗﻔﻜﻴﺮﻱ !!!!
_2 ﺧﻠﻴﻚ ﻫﺎﺍﺍﺩﺉ .. ﻭ ﻣﺮﺗﺎﺡ ﻭ ﺍﺩﺭﺱ ﻛﻠﻤﺔ ﻛﻠﻤﺔ ﻭ ﻻ ﺗﻨﺘﻘﻞ ﻉ ﺷﻲ ﻟﺘﻔﻬﻢ ﻳﻠﻲ ﻋﻢ ﺗﺪﺭﺳﻮ .. ﻭ ﻛﻠﻤﺔ ﻣﻔﻬﻮﻣﺔ ﺃﺣﺴﻦ ﻣﻦ ﻛﺘﺎﺏ ﻣﻮ ﻣﻔﻬﻮﻡ .. ﻭ ﻣﻊ ﻓﻌﻞ ﺫﻟﻚ ﺃﻳﺎﻡ ﻗﻠﻴﻠﺔ ﺑﺘﺼﻴﺮ ﺃﺳﺮﻉ ..
_3 ﺇﺫﺍ ﺣﺎﻭﻟﺖ ﺗﺄﺳﺮﻉ ﺑﺎﻟﺪﺭﺍﺳﺔ ﺭﺡ ﺗﺪﺭﺱ ﻭ ﺗﺮﺟﻊ ﻷﻧﻮ ﻣﺎ ﺭﻛﺰﺕ .. ﻣﺘﻞ ﺇﺫﺍ ﺇﻧﺖ ﻣﺎﺷﻲ ﺑﻄﺮﻳﻖ ﻭ ﻛﻞ ﺷﻮﻱ ﺑﺘﻨﺴﻰ ﺷﻐﻠﺔ ﻭ ﺑﺘﺮﺟﻊ ﻣﺎ ﺭﺡ ﺗﻮﺻﻞ ﺃﺑﺪﺍ .. ﺍﻟﻤﻔﺮﻭﺽ ﺗﺠﻬﺰ ﺣﺎﻟﻚ ﺻﺢ ﻗﺒﻞ ﻣﺎ ﺗﻤﺸﻲ .. ﻭ ﻟﻤﺎ ﺗﺪﺭﺱ ﺑﺘﻤﺸﻲ ﺧﻄﻮﺓ ﺧﻄﻮﺓ ﻭ ﺑﺘﻔﻬﻢ ﺣﺮﻑ ﺣﺮﻑ ..
_4 ﻻ ﺗﻀﻞ ﺗﺤﻜﻲ ﺇﻧﻮ ﺻﻌﺒﺔ ﺍﻟﺪﺭﺍﺳﺔ ﻭ ﺃﻧﺎ ﺑﻜﺮﻫﺎ ﻭ ﻣﺎ ﺑﺤﺒﺎ .. ﺃﻭﻋﻚ .. ﺭﺡ ﻳﺘﺮﺳﺦ ﻫﺎﻟﺸﻲ ﺑﺎﻟﻌﻘﻞ ﺍﻟﺒﺎﻃﻦ ﻭ ﻳﺒﻌﺪﻙ ﻋﻦ ﺍﻟﺪﺭﺍﺳﺔ ﻭ ﻳﺨﻠﻲ ﻧﻔﺴﻴﺘﻚ ﺗﺘﻌﺐ ﻛﻠﻤﺎ ﻗﺮﺭﺕ ﺗﺪﺭﺱ .. ﻣﺸﺎﻥ ﻫﻴﻚ ﺧﻠﻲ ﺷﻌﻮﺭ ﺣﻠﻮ ﺗﺠﺎﻩ ﺍﻟﺪﺭﺍﺳﺔ ﻭ ﻗﻮﻝ ﻣﺎ ﻓﻲ ﺃﺣﻼ ﻣﻦ ﺍﻟﻌﻠﻢ ﻭ ﻗﻮﻝ ﺇﻧﻮ ﺑﺘﻌﺐ ﻫﻠﻖ ﻣﺸﺎﻥ ﺣﻘﻖ ﺃﻫﺪﺍﻓﻲ ﺑﺎﻟﻤﺴﺘﻘﺒﻞ ..
_5 ﺧﻠﻲ ﺟﻨﺒﻚ ﺃﻱ ﺷﻲ ﻳﻌﻤﻞ ﺟﻮ .. ﻣﻤﻜﻦ ﻣﺘﺔ ﺃﻭ ﺷﺎﻱ ﺃﻭ ﻋﺼﻴﺮ ﺃﻭ ﺃﻱ ﺷﻲ ﺑﺘﺤﺒﻮ ﺣﺘﻰ ﻟﻮ ﻣﺎ ﺷﺮﺑﺖ .. ﻋﺎﻷﻗﻞ ﻧﻔﺴﻴﺘﻚ ﺑﺘﻜﻮﻥ ﺃﻓﻀﻞ ..
_6 ﺻﻔﻲ ﺃﺻﺪﻗﺎﺀﻙ .. ﻣﺎ ﺗﻘﻮﺳﻮﻥ ^_^ ﻳﻌﻨﻲ ﺍﻷﺻﺪﻗﺎﺀ ﻳﻠﻲ ﻣﻤﻜﻦ ﻳﺨﻮﻓﻮﻙ ﺇﻧﻮ ﻣﺎ ﻋﺎﺩ ﺗﻠﺤﻖ ﺃﻭ ﻳﻠﻲ ﺑﻘﻮﻟﻮﻟﻚ ﻣﺎ ﻋﻢ ﻧﺪﺭﺱ .. ﺣﺎﻭﻝ ﺗﻘﻠﻞ ﻣﻦ ﺷﻮﻓﺘﻦ ﻭ ﺇﺫﺍ ﻣﺎ ﺑﺘﺸﻮﻓﻦ ﻟﺒﻌﺪ ﻣﺎ ﺗنجح ﺑﻜﻮﻥ ﺃﻓﻀﻞ ﻟﻤﺴﺘﻘﺒﻠﻚ ..
_7 ﻛﻤﺎﻥ ﻛﺎﺳﺔ ﺍﻟﻤﻲ ﺟﻨﺐ ﻛﺎﺳﺔ ﺍﻟﻌﺼﻴﺮ ﺃﻭ ﺍﻟﻤﺘﺔ
ﻭ ﻛﻞ ﺷﻮﻱ ﺍﺷﺮﺏ ﺷﻔﺔ ﻣﻲ ﺣﺘﻰ ﻟﻮ ﻣﺎﻧﻚ ﻋﻄﺸﺎﻥ ﻣﺸﺎﻥ ﺗﻀﻞ ﻣﺘﻨﺸﻂ ..

#نصائح_للتفوق_بكلوريـا 🎓
https://t.me/NasaahBac

نصائح للتفوق بكالوريا 😌🔝 pinned «▪️ليستة البرامج الدراسية📚 📌برنامج دراسة علمي 0️⃣6️⃣1️⃣ يوم 👇🏻 t.me/NasaahBac/2054 📌برنامج دراسة أدبي 0️⃣2️⃣1️⃣ يوم👇🏻 t.me/NasaahBac/2079 📌برنامج دراسة علمي 0️⃣8️⃣ يوم👇🏻 https://t.me/NasaahBac/2521 📌برنامج دراسة وطنية 👇🏻 t.me/NasaahBac/2145 📌برنامج دراسة رياضيات…»

▪️ليستة البرامج الدراسية📚

📌برنامج دراسة علمي 0️⃣6️⃣1️⃣ يوم 👇🏻
t.me/NasaahBac/2054
📌برنامج دراسة أدبي 0️⃣2️⃣1️⃣ يوم👇🏻
t.me/NasaahBac/2079
📌برنامج دراسة علمي 0️⃣8️⃣ يوم👇🏻
https://t.me/NasaahBac/2521
📌برنامج دراسة وطنية 👇🏻
t.me/NasaahBac/2145
📌برنامج دراسة رياضيات 👇🏻
t.me/NasaahBac/2192?single
📌برنامج دراسة علوم 👇🏻
t.me/NasaahBac/2224

خالصين 🩷
يلي عنده اي سؤال يخبرنا
موفقييين .. الله يفتح عليكن 🩷🙆‍♀

#لندرس_بالطريقة_الصحيحة ✅
#طريقة دراسة مادة الوطنية 🇸🇾

بداية رح احكيلكم نصيحة لكل طالب عم يقرأ البوست هي انو مادة الوطنية ما تهملها ولا تتركها لآخر السنة او تفكر انو تتركها لفترة الانقطاع لانو صدقاً هاد تصرف كتير خطأ عم يساووه الطلاب و عم يندموا عليه بعدين 🙅🏻‍♀️
لهيك اذا بتريدوا و لو سمحتوا تلتزموا ولو شي بسيط بالمادة لحتى وقت توصلوا لفترة الانقطاع تكونوا عم تعيدوا المادة مو عم تدرسوها من البداية ❤️‍🔥

تعاملك مع المادة بفترة الانقطاع كمادة ماسبق و فاتحها ولا بتعرف عنها شي هو شي كتير صعب يعني انت اليوم انك تتعامل مع مادة الوطنية بفترة الانقطاع ولا تكون دارس منها شي هو شي كتير صعب عليك و متعب جدا 💁🏻‍♀️
لهيك لو التزمت من البداية ولو درس واحد كل اسبوع بيوم العطلة او يوم جمعة مارح ياخد منك ساعتين و رح توصل لفترة الانقطاع و انت خالص من المادة تماما و عم تعيدها لهيك هاد الشي احسن 👀💜🔥🔥

هلا ممكن الطالب يقلي انا هيك رح اوصل لفترة الانقطاع نسيان المادة بكل الأحوال شو رح أستفيد بأني ضيع وقت عليها من البداية و ادرسها ؟!🙄🙄

رح قلك يا صديقي هاد مو تضييع وقت بأنك تتعامل مع درس سبق و دارسوا و بتعرف التفاصيل يلي فيه مع نسيان بسيط هاد الشي افضل إلك من انك تتعامل مع درس مانك دارسوا بالمرة و مابتعرف شي عنو 🥰
فكيف اذا كتاب كامل متل كتاب الوطنية يلي فيه 16 درس 😁📚
هاد الشي رح يكون كتير متعب عليك بفترة الانقطاع و كتير صعب لهيك بتمنى انو تهتموا بهي المادة و تعطوها شوي من وقتكم و اهتمامكم كل اسبوع لحتى تقدروا تأنجزوا فيها كميات منيحة و تقدروا تستفيدوا منها بانو ترفع من علاماتكم و مجموعكم آخر السنة ان شاء الله ❤️❤️❤️

⁉️هل طريقة دراستنا للمادة تغيرت بنظام الأتمتة الجديد أو لا ؟🤔

هي ما تغيرت، لكن اليوم انا بهمني انك تفهم معلومة الكتاب و انك تحفظ و انك تركز على كلام الكتاب و على الكلمات المفتاحية بكل فقرة 👌🏻
اليوم في اشياء كتير مهمة و كتير ضرورية مبينة انها نكشات و مشروع سؤال اتمتة فهاد الشي انا بتمنى تنتبه عليه خلال دراستك انو يكون في عنا دقة بحفظنا لكلمات الكتاب 🙇🏻‍♀
✨في كتير طلاب بفضلوا بهاد الموضوع انو يستعملوا اقلام ملونة او اقلام هايلايتر لحتى تساعدن بحفظ هي الكلمات المفتاحية و تساعدن بتذكرها لبعدين
لهيك هاد الشي كتير منيح بالنسبة الكم كطريقة دراسة المادة 😍😍❤️

✨في كتير طلاب كمان بتحب تدرس مادة الوطنية و تكتب الفقرات او الملاحظات يلي عم تلاقيها صعبة بالمادة هاد الشي كتير بساعد لحتى نتذكر المعلومات لبعدين 💙

✨كمان في شي ممكن نعتمدوا بالمواد الحفظية يلي ماعم بقدر اتذكرها بانو انا دائما الفقرة يلي بحسها كتير صعبة
↩️ بسجلها بصوتي و برد بسمعها بعدين لاكتر من مرة لحتى احفظ الفقرة 🙂‍↔️
هاد الشي كتير رح يساعدكم او اذا في شروحات صوتية للمنهاج كمان حاولوا سمعوها هاد الشي كتير رح يسهل عليكم و رح يساعدكم تتذكروا الدروس كتير منيح 👌🏻💙

⁉️ هلأ بالنسبة لنظام الاتمتة كيف رح يكون و إذا رح تساعدني أسئلة الدورات السابقة أو لا؟ 🤔
▫️هلا بصراحة في سؤال دراسة الحالة و سؤال كتابة الموضوع لسا مافي نموذج وزاري انذكر فيه انو شو رح يصير بهي الاسئلة يلي هنن دراسة الحالة و كتابة الموضوع
▫️غالبا دراسة الحالة اذا انوجدت بنظام الاتمتة فهي رح تكون فقرة و عليها اسئلة اتمتة و لحد هلا مافي بيان وزاري بهاد الموضوع او نموذج وزاري يحكيلنا شو صار بهدول الأسئلة اذا انحذفوا او لا
بس هو بشكل عام اسئلة الدورات السابقة ممكن نستفيد منها بانو نركزت على النكشات يلي كانت تجي متل اسئلة الصح و خطأ و اختر الاجابة الصحيحة
هاد الموضوع رح يساعدكم بانو تركزوا على النكشة وين كانت انو شو كانت فكرة السؤال و نحن نساويه على مبدأ الاتمتة و اذا اجا اتمتة كيف رح يكون 🔥
فهاد الموضوع كتير رح يساعدكم بدراسة المادة من ناحية دورات و كيف رح نستفيد منها 💙💙

بالتوفيق ❤❤

مسا الخيرات🌸
خبروني اذا استفدتوا من هدول
منشان اعملكن باقي الدروس
اذا بدكن اتفاعلوا على هي الرسالة🩷🙆‍♀

حصلَ ما حصل ، لا تضعف لا تبكِ لا تيأس ،
حسناً أنت لا تريد هذا !! لكنّ الله أراده
أتعرف ما معنىٰ أن يريد الله !؟ .. أن ينتشلك من أكبر سوء إلى أفضل وأعظم خير ، بينما أنت لا تُدرك شيئاً
ثق بفضائل الله وأنك في ظلّ رعايته الدائمة ، استشعر هذا فَحسب 💙

#نصائح_للتفوق_بكلوريـا 🎓

مساءالخير بكلوريـا
📌رح احكي عن المواد بشكل عام وأنكم تسكروا المواد بالبكالوريـا مو مستحيل بس بدكم شغل منيح وكتير ولازم تتعبو

بالبداية الرياضيات والفيزياء والعلوم أساس البكالوريا يعني أضخم شي
لاتهملوهن من البداية ركزوا عليهن منيح
ثانياً وطنية وعلوم بدهن تكرار كتير
ثالثاً رياضيات بدها تدريب كل يوم تقريباً
رابعاً إنكليزي فرنسي أهم شي كلمات .

▪️_الفيزياء: هي أسهل واحلا مادة برغم من أنه ضخمة بس أسئلة الفحص بتكون سهلة ونفس مسائل الكتاب وأحياناً بتكون نفس أرقام الكتاب كمان
كيف بتدرسوا ؟؟ بتفهمو الدرس فهم كامل بتحفظو النظري والنظري بدو إعادة غليظ شوي يعني بتعيدو بعد يومين أو يوم الجمعة مثلاً بتخصصوه وقت للمراجعة
وقبل ما تحلو مسائل الدرس بتروحوا بتدرسوا وبتحفظوا الملاحظات لحل المسائل إذا استاذكم ما بيعطي ملاحظات بتفتحو ع نت ع أنس أحمد بتشوفو بس فيديو الملاحظات وبعدها بتلاقو المسائل بس تطبيق الملاحظات ما اكتر

▪️_العربي: مادة سهلة بس ما مضمونة كتير فيا نكشات منيح يعني
كيف بتدرسوا؟؟ أول شي بتفهمو القواعد وبتبصموها وبتتمكنو منها منيح وهي سهلة مافيها شي كل ما بتاخدو قاعدة بتفتحو القصيدة وبتطبقوا القاعدة عليها
هيك أموركم لوز لأني الباقي اغلبها حفظ مابدها شي
القصائد بتحفظوا كتابة في كلمات بنخربط ومامنحس عليها مع الشدة طبعاً
وكل ما بتخلصو قصيدة بتفتحو نموذج عليها وبتقدمو لحالكم وبتشوفو اخطائكم 
بتبقى المطالعة أنا بفضل تخلصو من دروس القراءة والمطالعة بالفصل الأول لأني بالفصل الثاني بيصير عليكم ضغط وهن طوال وبدهن وقت يعني وعلامتهن قليلة بس 30 علامة


▪️_الفرنسي: أسهل من الإنكليزي للصراحة بس اسئلتو أصعب شوي
هو عبارة عن حفظ كلمات القواعد 6 وكتير سهلات
كيف بتدرسوا ؟؟ بتحفظ كلمات النص قبل ما تاخدو بيوم وتاني يوم الاستاذ وهو عم يعطيه بتحاولو تترجمو انتوا وبس ترجعوا ع البيت انتو لحالكم بتعيدو الترجمة بيصير سهل
وبس تاخدو القاعدة بتفهموا منيح وبتحلو اسئلتها يلي بالكتاب وبعدها بتحلو نموذج عنها
المواضيع كمان ٦ إذا كل شهر بصمتوا موضوع بتخلصوهن وبتعيدوهن كمان
هلق ازنخ شي ترتيب الحوار 🙂💔 هو بيتعمد اكثر شي ع الترجمة حاولوا تحفظو كتير كلمات


▪️_الرياضيات: رعب الطلاب وهي أساس العلمي هي صح ضخمة كتير بس مو مستحيل نسكرا
كيف بتدرسوا؟؟ بتاخدو اليوم التمارين والأستاذ وهو عم يشرح تركيزكم معه ألف لازم يكون لما بيخلص وبتجو لتنقلو الحل من السبورة لدفتركن ما بتنقلو مثل صف الأول رقم رقم بتطلعو نظرة سريعة ع تمرين شو عمل الأستاذ وكذا بعدها بتحلو ع دفتر لحالكن وبتتاكدو بس تخلصوا
بترجعوا ع البيت بترجعوا بتحلو التمرين لحالكم بدون نظرة سريعة هالمرة يعني مابتطلعو ع الحل أبداً 😂
هيك بيكون تثبت 50%
وبس وتخلصوا البحث بتحاولو تحلو اكثر من نموذج لأكثر من أستاذ
بالبداية يمكن الموضوع صعب بس بعد كل هالتعب بيصير مخكم رياضي وبيسهل الموضوع كتيرر

▪️_الوطنية: لا تغركم 200 صفحة وتتركولي ياها لأخر شهرين بالعكس بالاخير بكون عليكم ضغط للمواد الدسمة وأغلب الطلاب عندهم هالمادة عقدة وبيدخلوا تكميلي هي والرياضيات
بس هي سهلة كتير درسوا من البداية بترتاحو كتير
كيف بتدرسوا؟؟ هي طريقة طالبة طب عطتني ياها وكتير ستفدت بوقتا الله يوفقا
وانت عم تاخد الدرس بتحاول تحفظو مع استاذك وكل يوم وانت رايحة ع معهدك بتمسك هالكتاب عطريق وبتدرس سؤال وانت راجع ع بيتك سؤال لوقت الحصة الجاي بتكون خلصت المقرر وعدتو كمان

▪️_الإنكليزي: هي سهلة كتير
بتحفظو كلمات بتعملو نفس الفرنسي بالنصوص بس بتحاولو تحفظو الكلمات كتابة منشان الموضوع لانو خارجي
وكل قاعدة بتلحوا نموذج عليها الاستاذ محمد يونس ع تلجرام شارح كامل القواعد ومنزل نموذج لكل قاعدة مع شرح الحل فيديو


▪️_العلوم: ضخمة وبدا تكرار كتير
هي بدا فهم وحفظ وربط بين الدروس وكلشي بس ممتع كتير
بتفهمو الدرس فهم كامل بعدا بتحفظو وبتعيدو تاني يوم وبعد اسبوع وبس توصلو للشهر ٩ او ١٠ بتحطو كل يوم ساعة علوم ورياضيات هدول مابينتركو ابدا متل الصلااة

▪️_الكيمياء : اسهل مادة بكل البكالوريا و200مضمونة نشالله
بتفهموا وبتدرسوا مع استاذكن لا بدا تكرار ولا ضخمة ولا شي وكتير سلسة
بتاخدو اليوم جزء من النووية بترجعو ع البيت بتدرسوا وقبل المذاكرة بتعيدوا بس ولااسهل
أخيراً تبقوا بخير مع تمنياتنا لكم بالتفوق 😍
#نصائح_للتفوق_بكلوريـا 🎓
https://t.me/NasaahBac

خااالصين لليوم🩷
يلي عنده أي سؤال يقلنا...
مووفقين يارب الله يجبر بخاطركن ويفرح قلبكن 🙆‍♀🩷
لا تنسوني من دعائكم 🙆‍♀🥹