Наманган вилояти судлари | Расмий канал

Ҳурматли ОАВ вакиллари, журналист ва блогерлар!

Шу йилнинг 30 январь куни соат 16:00да Наманган вилояти судида вилоят судларининг 2024 йилдаги фаолият якунларига бағишланган Матбуот анжумани ўтказилади.

Наманган вилояти суди ҳамда вилоят маъмурий суди раислари, ўринбосарлар иштирокида бўлиб ўтадиган Матбуот анжуманида сиз ҳам қатнашишингиз мумкин.

Манзил: Наманган шаҳри, Н.Номонгоний кўчаси, 10-уй.

Наманган вилояти судининг жамоатчилик ва ОАВ билан алоқалар бўлими.

Сайт | Telegram

Таҳлиларга кўра, фуқаролик судларида кўриладиган меҳнат низоларининг аксарияти ишга тиклаш ҳамда иш ҳақини ундириш ҳақидаги даъволар билан боғлиқдир. Хусусан, Наманган вилояти фуқаролик ишлари бўйича судлари томонидан 2024 йилда меҳнат низоси бўйича 326 та даъво аризаси кўриб чиқилиб, шундан 219 таси қаноатлантирилган. Уларнинг 123 таси ишга тиклаш, 141 таси иш ҳақини ундириш билан боғлиқ ишларни ташкил этган.

Наманган вилояти судининг фуқаролик ишлари бўйича судлов ҳайъатида бўлиб ўтган семинар ҳам меҳнат қонунчилиги нормаларини суд амалиётида қўллашга оид масалаларга бағишланди.

Олий суд ҳамда вилоятдаги фуқаролик ишлари бўйича судлар судьялари, Касаба уюшмалари федерацияси вилоят кенгаши, Камбағалликни қисқартириш ва бандлик бош бошқармаси вакиллари иштирок этган тадбирда меҳнат қонунчилигини амалиётда қўллаш бўйича муҳим ва аҳамиятли жиҳатлар иштирокчилар эътиборига етказилди. Шунингдек, меҳнатга оид муносабатларни тартибга солиш, мазкур турдаги низоларга адолатли ечим топиш, меҳнат низоларига сабаб бўлаётган ҳолатларнинг олдини олиш каби жиҳатлар бўйича фикр алмашилди. Шу билан бирга айрим иш берувчи корхона ва ташкилотлар томонидан ходимлар билан меҳнат шартномасини бекор қилишда йўл қўйилган хато ва камчиликлар кўрсатиб ўтилди.

Сайт | Telegram

Ижтимоий тармоқларнинг бирида эълон қилинган мурожаат юзасидан

Билдиришдаги важлар ҳақиқатга тўғри келмайди. Жиноят ишлари бўйича Поп тумани суди биноси 2 қаватдан иборат бўлиб, биринчи қаватда 2 та суд мажлиси зали, прокурор ва адвокат ҳамда фуқароларни қабул қилиш хоналари мавжуд.

Бошқа судларда бўлгани каби мазкур бинога кириш ва чиқиш тартиби Олий суд ва Ички ишлар вазирлигининг 2018 йил 23 февралдаги 11-87,20-сонли қўшма қарори билан тасдиқланган “Суд бинолари, суд процесслари ва улар иштирокчиларининг хавфсизлигини таъминлаш тўғрисида”ги Йўриқномага қатъий риоя қилган ҳолда амалга оширилади.

Туман судига келган ҳар бир мурожаатчи учун ариза ёки шикоят бериш ҳамда ёзиш учун етарлича шароит яратилган бўлиб, қонун талаби асосидаги намуналар орқали фуқаролар суд биносининг биринчи қаватидаги фуқароларни қабул қилиш хонасида ўз ариза ва шикоятларини ёзишлари мумкин.

Шунингдек, суд биносининг кириш қисмида фуқаролар ва суд мажлиси иштирокчилари учун ўриндиқлар мавжуд бўлиб, бино ичидаги кутиш зали ва фуқаролар қабулхонасида ҳам фуқароларга барча шароитлар яратилган.

Туман судининг кириш қисмида қабул кунлари ва вақти кўрсатилган бўлиб, суд раиси ва судья томонидан ҳар куни мурожаатчилар қабул қилиб келинмоқда ҳамда мурожаатлар бўйича тегишли тартибда тушунтиришлар берилмоқда.

Жиноят ишлари бўйича Поп тумани суди биноси Поп туман Миллий гвардия қўриқлаш бўлими ходимлари томонидан қўриқланади. Улар суд биносига келган фуқароларда судга мурожаат бўлган тақдирда тегишли суд ходимига хабар қиладилар.

Сайт | Telegram

Наманган вилояти маъмурий судининг судьяси Рустамжон Эргашев билан Олий суд Пленумининг 2024 йил 16 декабрдаги Қарорлари мазмун-моҳияти ҳақида суҳбат

Сайт | Telegram

Ўзбекистон Республикаси Президентининг "У.Мингбаевга «Ўзбекистон Республикасида хизмат кўрсатган ёшлар мураббийси» фахрий унвонини бериш тўғрисида"ги Фармони
—
Указ Президента Республики Узбекистан "О присвоении У. Мингбаеву почетного звания «Ўзбекистон Республикасида хизмат кўрсатган ёшлар мураббийси»"

Prezident.uz|Facebook|Instagram|YouTube|X

"Наманган" радиосининг "Сўраган эдингиз" дастурида Наманган вилояти судининг судьяси Ғайратали Дарвешалиев билан қонунчиликдаги янгиликлар ҳақида суҳбат

Сайт | Telegram

Жиноят ишлари бўйича Янгиқўрғон тумани судининг сайёр суд мажлисида назорат остидаги бир гуруҳ шахслар муддатидан олдин шартли равишда жазодан озод қилинди

Сайт | Telegram

Олий суд Пленумининг ер билан боғлиқ қарорида малакалашнинг ўзига хос жиҳатлари ва ўхшаш таркибли жиноятлардан фарқлари тушунтирилган.

Бу ҳақда АОКАда ўтказилган брифингда Олий суд Ахборот хизмати раҳбари Азиз Обидов маълум қилди.

Сайт | Telegram

Одил судловни амалга оширишда суд биноларида яратилган шароитлар ҳам муҳим аҳамиятга эга. Айни жиҳатдан, жиноят ишлари бўйича Уйчи тумани судида фуқаролар ва ходимлар учун муносиб шароитлар яратиш мақсадида таъмирлаш ва ободонлаштириш ишлари амалга оширилди.

Хусусан, суд биносининг ташқи ва ички ҳовлисида асфалтлаш, дарахтларга шакл бериш, тозалов ишлари олиб борилди. Суд заллари, фуқаролар учун кутиш хоналари таъмирланиб, тунги ёритиш чироқлари ўрнатилди.

Албатта, бу каби қулайликлар одил судлов самарадорлигини оширишга хизмат қилади.

Сайт | Telegram

Жиноят ишлари бўйича Тўрақўрғон тумани суди томонидан туман ички ишлар бўлимида семинар машғулоти ўтказилди.

Унда суд-ҳуқуқ тизимидаги ислоҳотлар, қонунчиликдаги янгиликлар хусусида сўз юритилди.

Хусусан, судьялар томонидан ички ишлар идоралари ходимларига Ўзбекистон Республикаси Олий суди Пленумининг 2024 йил 16 декабрдаги қарорлари мазмун-моҳияти тушунтирилиб, амалиётга жорий этилаётган ўзгаришлар ҳақида маълумот берилди.

Сайт | Telegram

Наманган вилояти судининг фуқаролик ишлари бўйича судлов ҳайъати судьялари томонидан “Очиқ эшиклар куни” доирасида Абу Али Ибн Сино номидаги жамоат саломатлиги техникуми ўқувчилари иштирокида “Оила – суд ҳимоясида” мавзусида ҳуқуқий тадбир ўтказилди.

Асосий қонунимиз бўлган Конституциямизнинг 76-моддасида оила жамиятнинг асосий бўғини ҳамда жамият ва давлат муҳофазасида эканлиги алоҳида белгилаб қўйилган.

Тадбирда ёшларга оиланинг муқаддас даргоҳ эканлиги, никоҳ Ўзбекистон халқининг анъанавий оилавий қадриятларига, никоҳланувчиларнинг ихтиёрий розилигига ва тенг ҳуқуқлилигига асосланиши тушунтирилди. Шу жиҳатдан судларда кўриладиган оилавий низолар, хотин-қизларнинг уй-жой, алимент, меҳнат ва бошқа ҳуқуқларини ҳимоя қилиш борасида амалга оширилган ишлар юзасидан маълумотлар берилди.

Якунда ўқувчи-ёшлар ўзларини қизиқтирган саволларга судьялардан батафсил жавоблар олдилар.

Сайт | Telegram

Жиноят ишлари бўйича Учқўрғон тумани суди томонидан назорат остидаги бир гуруҳ шахслар муддатидан олдин шартли равишда жазодан озод қилинди

Сайт | Telegram

Наманган вилояти судида тизимда ишлаётган ёшлар ва амалиётчи талабалар билан учрашув бўлиб ўтди

Сайт | Telegram

Наманган вилояти маъмурий судининг судьялари томонидан давлат кадастрлар палатаси Наманган вилояти бошқармасида семинар ўтказилди.

Унда Ўзбекистон Республикаси Олий суди Пленумининг 2024 йил 16 декабрдаги “Ер тўғрисидаги қонунчиликни бузиш билан боғлиқ жиноят ишлари бўйича суд амалиётининг айрим масалалари тўғрисида”ги қарори мазмун-моҳияти ҳақида сўз юритилди.

Мазкур ҳужжатни қабул қилишдан кўзланган мақсад соҳага оид низоларни кўришда судлар томонидан қонун нормаларини тўғри ва бир хилда қўлланилишини таъминлаш эканлиги тушунтирилди. Якунда кадастр палатаси ходимлари ўзларини қизиқтирган саволларга судьялардан батафсил жавоб олдилар.

Сайт | Telegram

#Ҳуқуқий_қўлланма

Ҳар бир бола оилада яшаш ва тарбияланиш, ўз ота-онасини билиш, уларнинг ғамхўрлигидан фойдаланиш, улар билан бирга яшаш ҳуқуқига эга, бола манфаатларига зид бўлган ҳолатлар бундан мустаснодир.

Ўзбекистон Республикасининг Оила кодексидан

Сайт | Telegram

Олий судда Ўзбекистон Республикаси Қуролли Кучлари ташкил этилганининг 33 йиллиги ҳамда Ватан ҳимоячилари куни муносабати билан тантанали байрам тадбири бўлиб ўтди.

Олий суд раиси Бахтиёр Исломов судья ва суд ходимларини самимий қутлар экан, кейинги йилларда давлатимиз раҳбари томонидан илгари сурилган “Халқ ва армия – бир тану бир жондир” деган эзгу ғоя ўзининг ҳаётий ифодасини топаётганини таъкидлади.

Қайд қилинганидек, буни Қуролли Кучларимизнинг жанговар салоҳиятини ошириш, ҳарбий қурилиш соҳасини тубдан модернизация қилиш бўйича олиб борилаётган ислоҳотлар натижасида миллий армиямизда чуқур ўзгаришлар юз бераётгани, унинг сафларида хизмат қилиш том маънода шон-шараф ишига айланиб бораётгани мисолида яққол кўриш мумкин.

Бугунги кунда Ўзбекистон Республикаси Олий Бош қўмондони Шавкат Мирзиёев раҳбарлигида Ватанимиз мустақиллиги, халқимизнинг тинчлиги, эркин ва фаровон ҳаётининг мустаҳкам кафолати бўлган миллий армиямиз олиб борилаётган туб ислоҳотлар натижасида ҳар қандай хавф-хатардан ватанни ҳимоя қила оладиган қудратли, тезкор ва самарали кучга айлангани алоҳида эътироф этилди.

Давлатимиз раҳбари томонидан байрам санаси муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳи давлат мукофотига муносиб деб топилиб, уларнинг орасида судьялар ҳам бор.

Хусусан, Ўзбекистон Республикаси Олий судининг судьяси Нишанмурод Мирзаалимов ва Самарқанд ҳарбий судининг раиси Баҳриддин Ахмедов - “Содиқ хизматлари учун” медали, Хоразм вилояти маъмурий судининг раиси Жамила Султанова - “Шуҳрат” медалига сазовор бўлиб, бугун уларга давлат мукофотлари тантанали равишда топширилди.

Шунингдек, байрам тадбирида суд фахрийлари, Ўзбекистон Республикаси Ҳарбий суди судья ва ходимлари Олий суд раисининг Фармойиши билан таъсис этилган “Бенуқсон хизмати учун” кўкрак нишони билан тақдирланди. Ҳарбий судларнинг бир гуруҳ ходимларига қимматбаҳо совғалар топширилди.

Сайт I Telegram I Facebook I YouTube I Instagram

#Судлар_коррупцияга_мутлақо_қарши

Наманган вилояти судида тизимда ишлаётган ёшлар ва амалиётчи талабалар билан учрашув бўлиб ўтди.

Вилоят суди раиси Алишер Усманов иштирокида ўтказилган учрашувда ватанпарварлик, касбга садоқат, коррупцияга қарши кураш мавзуларида сўз юритилди.

Мамлакатимизда барча соҳалар қатори суд тизимида ҳам юқори малакали, чуқур билим ва кўникмаларга эга кадрларни шакллантиришга алоҳида эътибор қаратилмоқда. Бу борада олий таълим муассасалари билан ҳамкорлик меморандумлари имзоланиб, талаба-ёшларнинг суд тизимида махсус амалиётини ташкил этиш ва ўтказиш бўйича “Бўлажак суд ходимлари” клуби жорий этилган.

Очиқ мулоқот тарзида ўтган учрашувда вилоят суди раиси соҳадаги ислоҳотларга тўхталиб, судьялик касбининг адолатни, инсон ҳуқуқ ва манфаатларини таъминлашдаги аҳамияти ҳақида гапирди. Келгусида мазкур тизимда фаолият олиб боришни истаган ёшлар мустаҳкам билим олишга интилиши, маънавиятли, кенг дунёқарашга эга бўлиши зарурлигига эътибор қаратди.

Салоҳиятли, ҳар томонлама малакали суд кадрларининг шаклланиши судларда фуқароларнинг ҳуқуқ ва эркинликларини ишончли ҳимоя қилинишини таъминлайди. Бу ўринда эса суд тизимида фаолият олиб бораётган ҳар бир ходим касбий одоб-ахлоқ қоидалирга риоя қилган ҳолда, ўзига бириктирилган вазифаларни сидқидилдан адо этиши, мазкур жараёнда таъмагирлик, коррупция каби иллатларга қўл урмаслиги лозимлиги таъкидланди.

Юзма-юз мулоқотда ёшлар суд тизими ҳам шарафли, ҳам масъулиятли соҳа эканини чуқур ҳис қилган ҳолда тизимга ҳар томонлама лойиқ бўлиш, коррупцияга қарши муросасиз муносабатни шакллантириб, фидойилик билан фаолият олиб боришларини билдирдилар.

Сайт | Telegram

Давлатимиз раҳбарининг “Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида”ги Фармони билан одил судловни амалга оширишда юқори рейтинг кўрсаткичга эга бўлган судьяларни “Ибратли судья” мукофоти билан тақдирлаш белгиланган. Бу йил ҳам Судьялар олий кенгаши томонидан одил судловга эришишдаги кўрсаткичлари баробарида ўзининг чуқур билими ҳамда маънавий фазилатлари билан касбдошларига намуна бўлаётган 18 нафар судья “Ибратли судья” мукофотига лойиқ кўрилди.

Мазкур юксак мукофот билан тақдирланганлар орасида Наманган вилояти судининг жиноят ишлари бўйича судьяси Авазбек Инамов ҳам бор. Судьялар олий кенгаши томонидан видеоконференцалоқа тарзида ўтказилган тақдирлаш маросимида “Ибратли судья” деб топилган суд тизими фидойиларига мукофотлар тантанали тарзда топширилди.
Шунингдек, Судьялар олий кенгаши ташаббуси билан тизимда самарали фаолият олиб бораётган судьяларнинг ота-оналари ҳам ташаккурнома билан тақдирландилар. Бундай эътирофга Наманган вилояти судидан фуқаролик ишлари бўйича Чуст туманлараро суди раиси Иқбола Кўчкинованинг оналари Кўпайсин Кўчкинова лойиқ кўрилдилар.

Тақдирлаш маросимида вилоят суди раиси, судьялар мукофотланганларни муборакбод этиб, албатта бу адолат ва ҳақиқат йўлида фаолият олиб бораётган судьяларга рағбат ўлароқ, одил судловни қарор топтиришда юксак масъулият эканини таъкидладилар.

Сайт | Telegram

Жиноят ишлари бўйича Наманган шаҳар суди томонидан Ўзбекистон Республикаси Президентининг “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармони ижросига бағишланган ўқув-семинар ўтказилди.

Наманган шаҳар, Давлатобод ва Янги Наманган туманида фаолият олиб борувчи ички ишлар идоралари ходимлари ҳамда йўл-патруль хизмати инспекторлари иштирокида ўтказилган семинарда жиноят ишлари бўйича Наманган шаҳар судининг тергов судьялари томонидан Президент фармони мазмун-моҳияти тушунтирилди. Мазкур ҳужжатга асосан 2025 йилнинг 1 январидан иш бошлаган тергов судьяларининг вазифалари ҳақида маълумот берилди.

Савол-жавоб ва фикр-мулоҳазаларга бой кечган мулоқотларда инспекторлар томонидан расмийлаштириладиган маъмурий ҳуқуқбузарлик тўғрисидаги иш ҳужжатларида нималарга эътибор қаратиш кераклиги тушунтирилиб, бу бўйича амалий кўрсатмалар берилди.

Сайт | Telegram

#Ҳуқуқий_қўлланма

Ўзбекистон Республикасини ҳимоя қилиш Ўзбекистон Республикаси ҳар бир фуқаросининг бурчидир. Фуқаролар қонунда белгиланган тартибда ҳарбий ёки муқобил хизматни ўташга мажбурдирлар.

Ўзбекистон Республикаси Конституциясининг 64-моддаси.

Сайт | Telegram

ТАЙИНЛОВЛАР

Ўзбекистон Республикаси Судьялар олий кенгашининг 2024 йил 22 ноябрдаги қарорига асосан Улуғбеков Машрабжон Рузибувоевич судьялик ваколати муддати даврига Наманган вилояти жиноят ишлари бўйича Наманган шаҳар судининг тергов судьяси лавозимига тайинланди.

Шунингдек, Судьялар олий кенгашининг 2024 йил 18 декабрдаги қарорига асосан Маматбаева Мохидил Ганиевна судьялик лавозимида бўлишнинг биринчи беш йиллик муддатига Наманган вилояти жиноят ишлари бўйича Наманган шаҳар судининг судьяси лавозимига тайинланди.

Жиноят ишлари бўйича Наманган шаҳар судида янги фаолият бошлаётган судьяларни таништириш тадбири бўлиб ўтди. Унда иштирок этган Наманган вилояти суди раиси Алишер Усманов янги тайинланган судьяларни таништириб, уларнинг фаолиятига тўхталиб ўтди.

Шунингдек, Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармонига асосан 2025 йилнинг 1 январидан жиноят ишлари бўйича туман-шаҳар судларида фаолият бошлаган тергов судьяларига муваффақият тиланди.

Наманган вилояти судининг жиноят ишлари бўйича туман-шаҳар судларида фаолият бошлаган тергов судьялари:

- Зиявитдинов Озод Лутфитдинович – жиноят ишлари бўйича Наманган шаҳар судининг тергов судьяси,
- Улуғбеков Машрабжон Рузибувоевич – жиноят ишлари бўйича Наманган шаҳар судининг тергов судьяси,
- Эргашев Ёрқин Якубжонович – жиноят ишлари бўйича Наманган туман судининг тергов судьяси,
- Кимсанов Нодиржон Солижонович – жиноят ишлари бўйича Косонсой туман судининг тергов судьяси,
- Мухаммадаминов Жамшидбек Бахтиёрович – жиноят ишлари бўйича Мингбулоқ туман судининг тергов судьяси,
- Жўрабоев Дадажон Шавкатбекович – жиноят ишлари бўйича Норин туман судининг тергов судьяси,
- Аброров Азизбек Самиевич – жиноят ишлари бўйича Поп туман судининг тергов судьяси,
- Турсунов Олимхўжа Орибхўжаевич – жиноят ишлари бўйича Тўрақўрғон туман судининг тергов судьяси,
- Турабоев Рахматилло Ибрагимович – жиноят ишлари бўйича Уйчи туман судининг тергов судьяси,
- Суяров Элёр Убайдуллаевич – жиноят ишлари бўйича Учқўрғон туман судининг тергов судьяси,
- Дадаханов Алишер Хаписович – жиноят ишлари бўйича Чортоқ туман судининг тергов судьяси,
- Юлдашев Сарваржон Солижонович – жиноят ишлари бўйича Чуст туман судининг тергов судьяси,
- Хўжамқулов Алишер Йўлдошевич – жиноят ишлари бўйича Янгиқўрғон туман судининг тергов судьяси.

Сайт | Telegram

ТАЙИНЛОВ

Олий суд ҳузуридаги Судлар фаолиятини таъминлаш департаменти директорининг 2024 йил 27 декабрдаги буйруғи билан Холмирзаев Акбар Ахмадалиевич 2025 йилнинг 3 январидан Олий суд ҳузуридаги Судлар фаолиятини таъминлаш департаментининг Наманган вилояти ҳудудий бўлими бошлиғи лавозимига тайинланди.

Сайт | Telegram

Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
—
Новогоднее поздравление Президента Республики Узбекистан Шавката Мирзиёева народу Узбекистана

Prezident.uz|Facebook|Instagram|YouTube|X

Ассалому алайкум, қадрли ҳамкасблар!

Янги Ўзбекистон тараққиёти ва юксалишида муҳим жараёнларга бой бўлган яна бир йил ортда қолмоқда. Кенг кўламдаги ислоҳотлар, янгиланишлар билан хотирамизга муҳрланаётган 2024 йилга назар солсак, барча соҳалар қатори суд-ҳуқуқ тизимида ҳам фуқароларнинг ҳуқуқ ва қонуний манфаатларини ҳимоя қилишга қаратилган самарали ишлар амалга оширилганини кўришимиз мумкин.

Аввало, давлатимиз раҳбари бошчилигида мамлакатимизда “Инсон қадри учун” тамойили асосида одил судловни таъминлаш, коррупциядан холи, адолатли суд тизимини яратишга алоҳида эътибор қаратилаётганини эътироф этиш жоиз. Зеро, мазкур йўналишда қатор фармон ва қарорлар қабул қилиниб, “Янги Ўзбекистон – янги суд” тизимига асос солинди. Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармони ҳам судлар фаолияти самарадорлигини ошириш билан бирга фуқароларнинг ҳуқуқ ва эркинликларини самарали ҳимоя қилинишида муҳим қадам бўлди. Мазкур ҳужжат билан 2025 йилнинг 1 январидан жиноят ишлари бўйича судларда янги институт – тергов судьялари фаолият бошлаши белгиланди.

Барчамизга яхши маълумки, янги таҳрирдаги Конституцияда инсон ҳуқуқлари ҳимоясини кучайтиришга қаратилган одил судлов соҳасидаги муҳим кафолатлар мустаҳкамланди. Бир қатор моддалар, янги нормалар киритилиб, фуқароларнинг конституциявий ҳуқуқ ва эркинликлари доираси кенгайди. Ҳар кимга бузилган ҳуқуқ ва эркинликларини тиклаш учун унинг иши қонунда белгиланган муддатларда ваколатли, мустақил ҳамда холис суд томонидан кўриб чиқилиши ҳуқуқи кафолатланди.

Салоҳиятли, ҳар томонлама малакали суд кадрларининг шаклланиши, одил судлов сифатини оширишга, фуқароларнинг ҳуқуқ ва эркинликларини ишончли ҳимоя қилинишига хизмат қилади. Ана шу жиҳатдан 2023 – 2026 йилларга мўлжалланган суд тизимини сифат жиҳатидан янги босқичга олиб чиқишнинг қисқа муддатли Стратегиясида ҳудудлардаги аҳоли сонидан келиб чиқиб, судьялик штат бирликлари сонини босқичма-босқич ошириб бориш белгиланган эди. Унинг ижроси доирасида биринчи инстанция судлари учун янги судьялик лавозимлари жорий этилиб, штат бирликлари муносиб кадрлар билан тўлдирилди ва бу жараён келгуси йилда ҳам давом эттирилади.

Наманган вилояти судлари томонидан ҳам жорий йилда одил судловни таъминлаш, фуқароларнинг бузилган ҳуқуқларини тиклаш борасида кўплаб ишлар амалга оширилди. Биргина Наманган вилоят суди жиноят ишлари бўйича туман-шаҳар судлари томонидан 2024 йил давомида 15 нафар шахсга нисбатан 12 та жиноят иши бўйича оқлов ҳукмлари чиқарилгани ҳам бугун судлар чинакам “Адолат қўрғони”га айланиб бораётганини билдиради.

Бугун 2024 йилни якунлаш, янги 2025 йилга қадам қўйиш остонасида турар эканмиз, фурсатдан фойданилиб, барча суд фахрийларини, судьялар ва суд тизими ходимларини Янги йил билан муборакбод этаман.

Барчангизни байрам билан қутлаш баробарида масъулиятли вазифамиз – жамиятда қонун устуворлигини таъминлаш, одил судловни амалга ошириш йўлидаги фаолиятингизга муваффақиятлар тилайман.

Байрамингиз муборак бўлсин!

Алишер Усманов,
Наманган вилояти суди раиси

Сайт | Telegram

Наманган вилояти суди томонидан 2024 йилда ўтказилган маънавий-маърифий тадбирлар, учрашув-мулоқотлар ва эсда қоларли воқеалар

Сайт | Telegram

Янгиқўрғон туманида бўлиб ўтган сайёр қабул тафсилотлари

Сайт | Telegram

Олий суд Раёсатининг кенгайтирилган мажлиси бўлиб ўтди.

Олий суд раиси Бахтиёр Исломов раислигида ўтказилган мажлисда судлар томонидан 2024 йилда фуқаролар ва тадбиркорлик субъектларининг кафолатланган ҳуқуқлари, эркинликлари ҳамда қонун билан қўриқланадиган манфаатларини ҳимоя қилиш борасида амалга оширилган ишлар, мавжуд муаммолар муҳокама қилинган ҳолда уларнинг ечими бўйича устувор вазифалар ва келгусида амалга ошириладиган режалар муҳокама қилинди.

Йиғилишда кейинги йилларда “Янги Ўзбекистон — янги суд” принципи асосида аҳолининг одил судловга эришиш имкониятларини янада кенгайтириш учун инсоннинг қадр-қиммати устуворлигини таъминлашга қаратилган муҳим ислоҳотлар амалга оширилаётганлиги алоҳида қайд этилди.

Мамлакатда адолат ва қонун устуворлигини таъминлашда суд-ҳуқуқ тизимини янада такомиллаштириш – Янги Ўзбекистонда амалга оширилаётган ислоҳотларнинг устувор йўналишларидан бири сифатида тан олинмоқда. Ўтган йиллар каби, жорий йилда ҳам судлар фаолияти билан боғлиқ муҳим ислоҳотлар рўёбга чиқарилганлиги таъкидланди.

Хусусан, аҳолининг маъмурий судларга мурожаат қилиш имкониятини янада кенгроқ таъминлаш мақсадида давлат органлари ҳамда бошқа ташкилотлар, мансабдор шахсларининг қарорлари, ҳаракатлари (ҳаракатсизлиги) устидан маъмурий судларга мурожаат қилишда фуқаролардан давлат божини тўлашган озод қилинди.

Судларда кўрилаётган оилавий низоларда фуқароларнинг ҳуқуқларини тўлақонли амалга ошириш, оилаларни асраб-авайлаш ҳамда боланинг манфаатларини ҳимоя қилиш мақсадида фуқаролик ишлари бўйича судларда оилавий низоларни кўриш бўйича ихтисослаштирилган таркиб – “Оила судьялари” жорий этилди.

Судьяларни ихтисослаштириш бўйича яна бир муҳим масала тергов судьялари институти миллий амалиётга жорий этилмоқда. Тергов судьялари эндиликда санкциялар ва мажбурлов чораларини қўллаш билан бирга маъмурий ҳуқуқбузарлик тўғрисидаги ишларни ҳам кўриб чиқишади.

Тергов судьялари жиноят ишларини судга қадар юритиш даврида инсон ҳуқуқларини суд орқали ҳимоя қилиш бўйича ишончли тизим бўлиши қайд этилди.

Олий суд қонунчилик ташаббуси ҳуқуқидан фойдаланган ҳолда ҳисобот даврида 15 та норматив-ҳуқуқий ҳужжатлар лойиҳаларини ишлаб чиқди. Булар жумласига, тергов судьяларининг ваколатларини қонун ҳужжатларида белгилаш, маъмурий суд ишларини юритиш тўғрисидаги қонунчиликни такомиллаштириш концепцияси ҳамда конституциявий ислоҳотлар билан судлар фаолиятига доир қонун ҳужжатларини мувофиқлаштириш каби қонун лойиҳалари кирган.

Мажлисда суд тизимини ривожлантириш, судлар фаолиятини яхшилаш, фуқаролар учун адолатли ва холис судни яратишга қаратилган суд-ҳуқуқ ислоҳотлари учун энг зарур бўлган ташаббусларни қатъий давом эттириш борасида кейинги йилда ҳар бир судья учун жуда муҳим ва зарур бўлган қонун лойиҳаларини ишлаб чиқиш мақсад қилинди.

Раёсат мажлисида кўриб чиқилган масалалар юзасидан тегишли қарор қабул қилинди.

Сайт I Telegram I Facebook I YouTube I Instagram

Наманган вилояти маъмурий судида йил якунларига бағишланган йиғилиш ўтказилди.

Дастлаб вилоят маъмурий суди раиси З.Қурбонова 2024 йилда одил судловни таъминлаш йўлида амалга оширилган ишларга тўхталиб ўтди.

Шундан сўнг, Судьялар олий кенгашининг тегишли қарори билан 2025 йилнинг 1 январидан тергов судьяси сифатида фаолият бошлаётган Наманган туманлараро маъмурий судининг судьяси Элёр Суяров ҳамда судьялик ваколати муддати даврига Фарғона вилояти маъмурий судининг судьяси лавозимига қайта тайинланган Бибихон Акбаровани кузатиш тадбири ўтказилди. Сўзга чиққанлар судьялар ҳақида илиқ фикрлар билдириб, уларнинг келгуси фаолиятларига муваффақият тиладилар.

Сайт | Telegram

Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармонига асосан 2025 йилнинг 1 январидан жиноят ишлари бўйича судларда тергов судьялари фаолият бошламоқда.

Наманган вилояти судида тергов судьялари фаолиятига бағишланган тадбир ўтказилди. Унда иштирок этган вилоят суди раиси Алишер Усманов тергов судьяларининг вазифалари ва асосий йўналишларига тўхталиб, мазкур янги институт судлар фаолияти самарадорлигини ошириш билан бирга фуқароларнинг ҳуқуқ ва эркинликларини самарали ҳимоя қилинишида муҳим аҳамиятга эга эканлигини таъкидлади.

Шундан сўнг бугунгача Наманган вилояти судларида ишлаб, одил судловни таъминлашга муносиб ҳисса қўшиб келаётган, Судьялар олий кенгашининг тегишли қарори билан тергов судьяси сифатида бошқа вилоятларда иш бошлаётган судьяларга вилоят судининг фахрий ёрлиғи ва ташаккурномаси топширилди. Уларнинг янги фаолиятларига муваффақият тиланди.

Кўп йилдан буён суд тизимида самарали фаолият кўрсатиб келаётган, ҳозирда Наманган вилояти судининг жиноят ишлари бўйича судьяси бўлиб ишлаётган Тўланов Маҳаммадиброҳим Азимович Судьялар олий кенгашининг 2024 йил 24 декабрдаги қарори билан судьялик ваколати муддати даврига Андижон вилояти судининг жиноят ишлари бўйича судьяси лавозимига қайта тайинланди. Тадбирда Устозни кузатиш маросими ҳам ўтказилди. Вилоят суди раиси Алишер Усманов Маҳаммадиброҳим Тўлановнинг фаолиятига тўхталиб, бу инсон бир умр ҳалол ва пок, сидқидилдан фаолият олиб борганини, яхши раҳбар, суд тизими фидойиси сифатида кўплаб шогирдлар тарбиялаганини эътироф этди. Устозга вилоят судининг фахрий ёрлиғи топширилиб, эъзоз ва эҳтиром кўрсатилди.

Сайт | Telegram

Мамлакатимизда гендер тенглиги масаласи давлат сиёсатининг устувор йўналишларидан бири этиб белгиланган. Бу масала миллий қонунчилигимизда ҳам ўзининг теран ифодасини топган. Шу боисдан гендер тенглигини таъминлаш, гендер зўравонлигининг олдини олиш энг долзарб вазифалардан биридир.

Тошкент вилоятида Қорақалпоғистон Республикаси, вилоятлар ва Тошкент шаҳар судларининг жамоатчилик ва оммавий ахборот воситалари билан алоқалар бўйича бош консультантлари учун “Гендер зўравонлик билан боғлиқ суд жараёнларини ёритишда нималарга эътибор бериш керак?” мавзусида ўтказилган икки кунлик ўқув семинар-тренинг ҳам айнан шу вазифалар ижросини таъминлашга қаратилгани билан алоҳида аҳамиятлидир.

Олий суд, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Миллий масс-медиани қўллаб-қувватлаш ва ривожлантириш жамоат фонди, АҚШ Халқаро тараққиёт агентлиги (USAID) ҳамда “East-West Management Institute” (EWMI) нодавлат нотижорат ташкилотининг Ўзбекистондаги филиалининг “Суд тизимини мустаҳкамлаш” (JSSA) қўшма лойиҳаси билан ҳамкорликда ташкил этилган ушбу тадбирда иштирокчиларга гендер концепцияси ва гендер тенглик моҳияти бўйича атрофлича маълумот берилди.

Тренингда оммавий ахборот воситалари ва ижтимоий тармоқларда гендер зўравонлигига оид масалаларни ёритиш амалиёти таҳлил қилиниб, бу борадаги гендер стереотиплар ва нотўғри тушунчаларни бартараф этиш йўллари бўйича фикр алмашилди.

Малакали тренерлар томонидан вилоят судларининг матбуот котиблари хотин-қизларга нисбатан зўравонлик ва тазйиқ билан боғлиқ суд жараёнларини ёритишда гендер сезгирлик нормалари ва андозалари билан таништирилди.

Бундан ташқари, иштирокчилар ижтимоий тармоқларда зўравонликка қарши самарали курашиш омилларини интерактив тақдимотлар ва амалий машғулотлар воситасида муҳокама қилдилар.

Сайт I Telegram I Facebook I YouTube I Instagram

Бундан 15 йил муқаддам – 2009 йил 29 августда Чуст туман ҳокимининг 338-сонли қарори қабул қилинган. Мазкур қарорда туман бош режаси асосида Чуст шаҳри Ипак йўли кўчасининг 6-умумтаълим мактаби ҳудудидан Истиқлол кўчаси кесишмасигача бўлган оралиғини кенгайтириш ва ободонлаштириш ишларини амалга ошириш белгиланган.

Кўча кенгайтирилиши муносабати билан “Сероб” маҳалласида яшовчи фуқаро Фахриддин Нусратовнинг 2 хона яшаш уйи, ошхона ва ҳожатхона бинолари ҳам бузилиши лозим эди. Шу боис Ф. Нусратовга огоҳлантириш хатлари берилади. Бироқ бу ҳолатдан хонадон соҳиби жуда қайғуга ботади. Оқибатда юраги хасталаниб, шифохонага тушиб қолади. Ана шу пайтда туман ҳокими ўринбосарининг кўрсатмаси билан Фахриддин аканинг ҳовлисидаги бинолар бузиб ташланади. Яшаш уйи ва ошхонанинг эшик-деразалари ҳам яроқсиз ҳолга келади. Энг ачинарлиси, кузги салқин ва ёғингарчилик пайтида бутун бир оила бошпанасиз қолади. Шунга қарамай, туман ҳокимлиги бузилган бинолар эвазига тегишли компенсация пулини тўлаб бермайди. Масъулиятни ҳис этмаган айрим масъуллар нақ 15 йил мобайнида Фахриддин Нусратовни қуруқ ваъдалар билан алдаб келишади. Охир-оқибат у қонун кўмагига таянишга қарор қилади.

Гап шундаки, Ф. Нусратов аввалига бузилган биноларни баҳолатади. “Kons inventar baho” масъулияти чекланган жамиятининг 2024 йил 7 мартдаги ҳисоботи асосида бузилган уй-жой 81 миллион 540 минг сўмга баҳоланади.

Сўнгра ўзига етказилган зарарни ундириб беришни сўраб, фуқаролик ишлари бўйича Чуст туманлараро судига даъво ариза киритади.

Ер кодексининг “Жисмоний ва юридик шахсларга тегишинча мерос қилиб қолдириладиган умрбод эгалик қилиш, доимий эгалик қилиш, доимий фойдаланиш, муддатли (вақтинча) фойдаланиш ёки ижара ҳуқуқи асосида тегишли бўлган ер участкаларини жамоат эҳтиёжлари учун олиб қўйиш фақат қонунда назарда тутилган компенсация тўла ҳажмда берилганидан кейин амалга оширилади” дея қайд этилган. Ана шу асосга таянган суд даъвони қаноатлантирди. Яъни Чуст туман ҳокимлигидан Фахридин Нусратов фойдасига 81 миллион 540 минг сўм компенсация пуллари, 3 миллион 261 минг сўм давлат божи, баҳолаш хизмати учун тўланган 1 миллион 500 минг сўм, адвокат хизматига сарфланган 3 миллион 500 минг сўм жами 89 миллион 835 минг 600 сўм ундириш хусусида ҳал қилув қарори қабул қилди. Фуқаронинг ҳуқуқлари ҳимоя қилиниб, унинг даъвоси қонуний қаноатлантирилди.

Таъкидлаш ўринлики, бугунги кунда ҳамюртларимизнинг судларга бўлган ишончи тобора мустаҳкамланиб бормоқда. Чунки фуқароларни йиллар мобайнида қийнаб келган аксарият муаммолар айнан судда ечим топмоқда.

Отамурод СИДДИҚОВ,
фуқаролик ишлари бўйича
Чуст туманлараро суди судьяси

Сайт I Telegram I Facebook I YouTube I Instagram

Суд, ҳуқуқни муҳофаза қилувчи органлар раҳбарлари иштирокида Янгиқўрғон туманида бўлиб ўтган бугунги сайёр қабулда фуқароларнинг судларга доир 15 та мурожаатлари ўрганилди. Мурожаатларнинг 4 таси жойида ижобий ҳал этилиб, қолганларига ҳуқуқий тушунтириш берилди.

Сайт | Telegram

Суд-ҳуқуқ тизими - фуқаролар ҳуқуқ ва манфаатларининг ишончли ҳимояси | Наманган вилояти судлари фаолияти ҳақида махсус репортаж

Сайт I Telegram I Facebook I YouTube I Instagram

2025 йилнинг 1 январидан мамлакатимиз суд тизимида тергов судьялари фаолият бошлайди

Сайт | Telegram

Ўзбекистон Республикаси Олий суди, Судьялар олий кенгаши ва Судьялар олий мактаби томонидан Наманган вилоятида тергов судьялари фаолиятига бағишланган семинар машғулоти ўтказилди

Сайт | Telegram

"Адолат" газетасининг 2024 йил 20 декабрь сонида Ўзбекистон Судьялари ассоциацияси раиси, “Ўзбекистондан хизмат кўрсатган юрист”, суд фахрийси Убайдулла Мингбоевнинг "Суд ҳокимиятининг чинакам мустақиллигини таъминловчи янги тизим" номли мақоласи эълон қилинди.

Сайт | Telegram

Ўзбекистон Республикаси Президентининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармонига асосан 2025 йилнинг 1 январидан жиноят ишлари бўйича судларда тергов судьялари фаолият бошламоқда. Хўш, мазкур янги институтнинг жорий этилишидан кўзланган мақсад нима? Тергов судьяларининг вазифалари ва асосий йўналишлари нималардан иборат?

Ўзбекистон Республикаси Олий суди, Судьялар олий кенгаши ва Судьялар олий мактаби томонидан Наманган вилоятида ўтказилган семинар машғулотида ана шу саволларга батафсил жавоб олинди.

Судьялар, прокуратура, ички ишлар органларининг терговчи ва суриштирувчилари, вилоят божхона, солиқ бошқармалари маъмурий амалиёт ходимлари, адвокатлар ва бошқа дахлдор ташкилотлар вакиллари иштирок этган семинарда дастлаб Олий суд, Судьялар олий кенгаши судьялари томонидан тергов судьяси институти жорий этилиши доирасида амалга оширилган ишлар ҳақида маълумот берилди. Хусусан, Ўзбекистон Республикаси Олий суди томонидан Президент Фармони ижросини самарали ташкил қилиш бўйича илғор хорижий мамлакатлар тажрибаси ўрганилгани, тергов судьяси лавозими жорий этиладиган жиноят ишлари бўйича туман, шаҳар судларига тегишли штатлар ажратилиб, тергов судьялари тайинлангани айтиб ўтилди. Шунингдек, тергов судьяларининг вазифалари ва асосий йўналишлари ҳақида батафсил тушунтириш берилди.

Бундан кўзланган асосий мақсад судлар фаолияти самарадорлигини ошириш, ишни судга қадар юритишда тарафларнинг тенглиги ва тортишуви принципини амалда таъминлаш, шунингдек, тезкор-қидирув ҳамда тергов фаолиятида шахснинг ҳуқуқ ва эркинликлари самарали ҳимоя қилинишига эришишдан иборат эканлиги таъкидланди.

Фикр-мулоҳазалар ҳамда савол-жавобларга бой тарзда ўтган очиқ мулоқотда иштирокчилар тергов судьялари фаолияти билан боғлиқ саволларга батафсил жавоб олдилар.

Сайт | Telegram

Наманган вилояти судининг судьяси Абдурасул Муҳиддинов билан қонунчиликдаги ислоҳотлар, янги таҳрирдаги Конституция мазмун-моҳияти юзасидан суҳбат

Сайт | Telegram

Наманган вилояти суди барча юртдошларимизни Ўзбекистон Республикаси Конституцияси куни байрами билан муборакбод этади!

Сайт | Telegram

Ўзбекистон Республикаси Конституцияси қабул қилинганлигининг 32 йиллиги муносабати билан одил судлов фаолиятини амалга оширишга қўшаётган муносиб ҳиссаси, фуқароларнинг суд идораларига бўлган ишончини мустаҳкамлаш, жамиятда қонун устуворлигини таъминлаш йўлидаги самарали фаолияти учун Наманган вилояти суди ҳамда вилоят маъмурий судининг судьялари ва тизим ходимларидан бир гуруҳини тақдирлаш тадбири бўлиб ўтди.

Тадбир бадиий қисм билан бошланди. Унда судьялар ва тизим ходимлари ўзларининг ижод намуналари, ўзбек адабиёти намоёндаларининг шеърларидан ўқиб бердилар.

Тақдирлаш маросими аввалида Наманган вилояти суди раиси Алишер Усманов барчани Бош қомусимизнинг 32 йиллик байрами билан муборакбод этди. Шундан сўнг, Наманган вилояти суди ҳамда вилоят маъмурий судининг судьялари, ходимлар ҳамда фахрийларга вилоят судининг фахрий ёрлиқ, ташаккурнома ва эсдалик совғалари топширилди. Хусусан,

- Суд фахрийси Хайдарова Зайнабхон Умаржоновна,
- Наманган вилояти судининг жиноят ишлари бўйича судьяси Камилов Давлатмирза Казакжанович,
- Фуқаролик ишлари бўйича Наманган туманлараро судининг раиси Мадрахимов Тожиддин Насимжонович,
- Фуқаролик ишлари бўйича Учқўрғон туманлараро судининг раиси Касимов Бахтиёр Муйдинович,
- Чуст туманлараро иқтисодий судининг раиси Шокиров Акмалжон Абдувалижонович,
- Наманган вилояти судининг судья катта ёрдамчиси Бойзаков Бахтиёр Мухиддинович,
- Фуқаролик ишлари бўйича Янгиқўрғон туманлараро судининг судья ёрдамчиси Эркинжонов Умиджон Баҳромжон ўғли Наманган вилояти судининг фахрий ёрлиғи,
- Наманган вилояти маъмурий судининг судьяси Нишонова Умида Мирзаумаровна,
- Наманган вилояти маъмурий судининг судьяси Ахмеджанова Шойрахон Алижоновна,
- Наманган туманлараро маъмурий судининг девонхона мудири Мамадалиев Баходир Шожалил ўғли,
- Наманган туманлараро маъмурий суди судья ёрдамчиси Каримов Шерзодбек Акбарали ўғли,
- Наманган туманлараро маъмурий суди судья ёрдамчиси Мирхайдаров Мирмухаммад Мирғофур ўғли вилоят маъмурий судининг фахрий ёрлиғи,
- Жиноят ишлари бўйича Наманган шаҳар судининг ҳайдовчиси Усмонбоев Бахром Абдумажид ўғли,
- Жиноят ишлари бўйича Янгиқўрғон туман судининг тизимни бошқариш муҳандиси Ёқубжонов Абдулқодир Рахмонжон ўғли,
- Фуқаролик ишлари бўйича Чуст туманлараро судининг фарроши Казакбаева Нодира Бозоровна вилоят судининг ташаккурномаси билан тақдирландилар.

Судьялар олий кенгашининг 2024 йил 13 ноябрь кунги қарори билан фуқаролик ишлари бўйича Учқўрғон туманлараро судининг судьяси Акрамов Акрам Равшанович судьялик лавозимида бўлишнинг навбатдаги ўн йиллик муддатига Тошкент вилоят судининг фуқаролик ишлари бўйича судьяси лавозимига тайинланди. Якунда А.Акрамовни кузатиш маросими ҳам ўтказилиб, унинг одил судловни таъминлаш йўлидаги келгуси фаолиятига муваффақият тиланди.

Сайт | Telegram

Республика Маънавият ва маърифат маркази Наманган вилоят бўлими томонидан, Наманган вилоят суди биносида Ўзбекистон Республикаси Конституциясининг 32 йиллиги муносабати билан очиқ мулоқот ўтказилди.

Мулоқот сўнгида суд тизмидаги фаолияти давомида аҳолининг одил судловга бўлган ишончини ошириш, жамиятда қонун устуворлигини таъминлаш ва қонунийликни мустаҳкамлаш, ҳамда ўз тизимида Маънавий-маърифий ишларни олиб боришдаги самарали фаолияти учун, Ўзбекистон Республикаси Конституциясининг 32 йиллиги муносабати билан Наманган вилояти суди раиси Усманов Алишер Атахановичга Республика Маънавият ва маърифат маркази раҳбари О.Хасановнинг ташаккурномаси ва эсдалик совғалари топширилди.

Суд амалиётидан маълумки, ишни холисона кўришда, адолатни қарор топтиришда адвокатларнинг ўрни муҳим. Шундай экан, ҳимоячилар билан ваколат доирасида доимий ҳамкорликни йўлга қўйиш суд жараёнида баъзан учрайдиган тушунарсиз ҳолатларнинг олдини олади.

Айни жиҳатдан, Наманган вилояти суди ҳамда Адвокатлар палатаси вилоят худудий бошқармаси ташаббуси билан судьялар ва адвокатлар учрашуви ўтказилди.

Унда Наманган вилояти суди раиси Алишер Усманов, Адвокатлар палатаси вилоят худудий бошқармаси бошлиғи Ўкматжон Жамолов, судьялар ҳамда вилоятда фаолият кўрсатаётган адвокатлар иштирок этдилар.

Мулоқотда суд тизимида олиб борилаётган ислоҳотлар, соҳавий тартиб-таомиллар ва қонунчиликдаги ўзгаришларни аҳолига тўғри етказишда адвокатларнинг ўрни муҳим эканлиги таъкидланди. Ана шулардан келиб чиқиб, суд жараёнларида учраб турувчи айрим муаммоли ҳолатларнинг олдини олиш юзасидан фикр-мулоҳазалар билдирилди. Бу борада адвокатлар дуч келаётган ва ўз навбатида одил судловни таъминлашга тўсиқ бўлаётган камчиликлар ҳам рўй-рост ўртага ташланди.

Наманган вилояти суди раиси Алишер Усманов суд амалиётида адвокатлар билан юзага келаётган ана шундай муаммоларга атрофлича тўхталиб, камчиликларни бартараф этиш юзасидан ишлар олиб борилаётганини айтиб ўтди. Хусусан, айрим суд биноларида адвокатлар учун етарли шароитлар яратилмагани, суд мажлисларининг белгиланган вақтда бошланмаслиги оғриқли нуқта эканини таъкидлаб, уларнинг сабабларини тушунтириб ўтди ва бу борада аниқ чора-тадбирлар белгилаб олинганини таъкидлади.

Шунингдек, адвокатлар суд процессида ҳар бир хатти-ҳаракатини касб этикаси доирасида амалга оширишлари кераклиги таъкидланди.

Очиқ, самимий, савол-жавобларга бой тарзда ўтган мулоқот якунида мана шундай учрашувларни ўтказиб туришга келишиб олинди.

Сайт | Telegram

Бугун "Янги Ўзбекистон" газетасида Олий суд раиси Бахтиёр Исломовнинг "ИНСОН ҚАДРИ УЛУҒЛАНГАН ЯНГИ ЎЗБЕКИСТОННИНГ МУСТАҲКАМ ҲУҚУҚИЙ ПОЙДЕВОРИ" сарлавҳали мақоласи чоп этилди

"Янги Ўзбекистон" газетасининг 2024 йил 30 ноябрдаги 244-сонини юклаб олиш

Сайт I Telegram I Facebook I YouTube I Instagram

Тўрақўрғон туманида бўлиб ўтган сайёр қабул тафсилотлари

Сайт | Telegram

Фуқаролик ишлари бўйича Наманган туманлараро судининг судьялари Наманган шаҳридаги Президент мактабида бўлиб, ўқувчи-ёшлар билан учрашдилар.

Ўзбекистон Республикаси Конституцияси қабул қилинганлигининг 32 йиллигига бағишлаб ўтказилган тадбирда судьялар янги таҳрирдаги Конституцияга киритилган ўзгартиришлар, уларнинг мазмун-моҳияти, Бош қомусимизнинг давлат ва жамият ҳаётидаги ўрни ҳақида ёшларга батафсил тушунтириш бердилар. Асосий қонунимизда ёшлар ҳуқуқларининг кафолатлаб қўйилгани интеллектуал салоҳиятли авлодни вояга етказиш ва тарбиялаш давлатимиз сиёсатининг устувор йўналишларидан бири эканлиги таъкидланди.

Учрашувда Президент мактаби ўқувчилари ўзларини қизиқтирган саволлар бўйича судьялардан батафсил маълумотлар олдилар.

Сайт | Telegram

Наманган вилояти судининг иқтисодий ишлар бўйича судлов ҳайъати томонидан Давлат активларини бошқариш агентлиги вилоят ҳудудий бошқармасида семинар ўтказилди.

Вилоят суди ҳамда Наманган туманлараро иқтисодий судининг судьялари, ҳудудий бошқарма ходимлари иштирок этган тадбирда Вазирлар Маҳкамасининг "Судгача санация қилишни давлат томонидан ёрдам кўрсатган ҳолда ўтказиш тартиби тўғрисидаги низомни тасдиқлаш ҳақида"ги қарори мазмун-моҳияти тушунтириб берилди.

Судьялар мазкур қарорда келтирилган муҳим жиҳатларга тўхталиб, бу борада тизим ходимлари билан амалга ошириш лозим бўлган вазифаларни белгилаб олдилар.

Сайт | Telegram

Cуд ходимлари диктант ёзди

Наманганда Ўзбекистон Республикаси Конституцияси қабул қилинганининг 32 йиллиги байрами муносабати билан вилоят суди ҳамда вилоят маъмурий суди ходимлари ўртасида оммавий диктант ёзиш ўтказилди.

UZA👈

Сайт | Telegram

Фуқаролик ишлари бўйича Чуст туманлараро судининг судьяси Жавлонбек Жумабаев билан янги таҳрирдаги Конституцияга киритилган суд-ҳуқуқ соҳасидаги ўзгартиришлар ҳақида суҳбат

Сайт | Telegram

Ўзбекистон Республикаси Конституцияси қабул қилинганлигининг 32 йиллиги ҳамда Конституция куни байрами муносабати билан Наманган вилояти суди ҳамда вилоят маъмурий суди ходимлари ўртасида оммавий диктант ўтказилди

Сайт | Telegram

Суд, ҳуқуқни муҳофаза қилувчи органлар раҳбарлари иштирокида мунтазам тарзда ўтказиб келинаётган оммавий сайёр қабулларнинг бу галгиси Уйчи туманида бўлиб ўтди.

Қабулларда фуқароларнинг судларга тааллуқли 19 та мурожаатлари ўрганиб чиқилди. Уларнинг 7 таси шу ернинг ўзида ижобий ечимини топган бўлса, қолганларига ҳуқуқий тушунтиришлар берилди.

Сайёр қабул доирасида ўтказилган жиноят ишлари бўйича Уйчи тумани судининг сайёр суд мажлисида назорат остидаги шахсларнинг бир гуруҳи муддатидан олдин шартли равишда жазодан озод қилинди.

Сайт | Telegram

"Ўзбекистон 24" радиоканалининг "Халқ қабулхоналарида" эшиттиришида фуқаролик ишлари бўйича Наманган туманлараро судининг судьяси Майрамхон Сидиқова билан суҳбат

Сайт | Telegram

Жиноят ишлари бўйича Янгиқўрғон тумани судининг сайёр суд мажлисида назорат остидаги шахсларнинг бир гуруҳи муддатидан олдин шартли равишда жазодан озод қилинди

Сайт | Telegram

Ўзбекистон Республикаси Конституцияси қабул қилинганлигининг 32 йиллиги ҳамда Конституция куни байрами муносабати билан Наманган вилояти суди ҳамда вилоят маъмурий суди ходимлари ўртасида оммавий диктант ўтказилди.

“Менинг Конституциям 32 ёшда” шиори остида бўлиб ўтган диктант ёзиш жараёнларида суд аппарати ходимлари, судья ёрдамчилари иштирок этиб, “Менинг Конституциям ва давлат тилим” мавзусида диктант ёздилар.

Диктант матнида янги таҳрирдаги Бош қомусимизнинг мазмун-моҳияти, унинг давлат ва жамият ҳаётида тутган ўрни акс эттирилган бўлиб, тажрибали филологлар томонидан ўқиб эшиттирилди.

Якунда суд тизими ходимлари томонидан ёзилган диктантлар текширилиб, муносиб баҳоланди. Фахрли ўринларни қўлга киритган ходимлар Ўзбекистон Республикаси Конституцияси қабул қилинганлигининг 32 йиллик байрам шодиёналари арафасида эълон қилиниб, вилоят судининг фахрий ёрлиқ ва эсдалик совғалари билан тақдирланади.

Сайт | Telegram

Олий суд раиси Бахтиёр Исломов ва адвокатлар ўртасида бўлиб ўтган очиқ мулоқот

2024 йил 9 ноябрь

Сайт I Telegram I Facebook I YouTube

#Ҳуқуқий_қўлланма

Ўзбекистон Республикасида демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа ажралмас ҳуқуқлари олий қадрият ҳисобланади.

Демократик ҳуқуқ ва эркинликлар Конституция ва қонунлар билан ҳимоя қилинади.

Ўзбекистон Республикаси Конституциясининг 10-моддаси

Сайт | Telegram

Ўзбекистон Судьялари Ассоциацияси нашри “Ҳуқуқшунос” журналининг навбатдаги сонида Наманган вилояти суди томонидан Усмон Носир таваллудининг 112 йиллиги муносабати билан ўтказилган маънавий-маърифий тадбирга бағишланган "Адолат куйчисига судьяларнинг эҳтироми" номли мақола эълон қилинди

Сайт | Telegram

Наманган вилояти суди томонидан оташин шоир, таржимон ва драматург Усмон Носир таваллудининг 112 йиллиги олдидан ўтказилган маънавий-маърифий тадбир тафсилотига бағишланган махсус репортаж

Сайт | Telegram

Ҳудудларда ташкил этилаётган оммавий сайёр қабулларда аҳоли мурожаатлари ўрганилиб, муаммолар ижобий ечим топмоқда

Сайт | Telegram

Манфаатлар тўқнашуви тушунчаси, мазмуни ва моҳияти

Ўзбекистон Республикасининг “Манфаатлар тўқнашуви тўғрисида”ги Қонуни 2024 йил 5 июнда Ўзбекистон Республикаси Президенти томонидан имзоланиши давлат ташкилотлари фаолиятида уруғ-аймоқчилик, таниш- билишчилик каби иллатларига чек қўйишга ҳуқуқий асос бўлди.

Манфаатлар тўқнашуви тушунчасига берилган таърифда ходим томонидан ўз хизмат вазифасини бажаришда шахсий манфаатдорлигини бошқа шахсларнинг манфаатларидан устун қўйган ҳолда қарор қабул қилиш ёки ушбу жараёнда иштирок этиш вазиятларига урғу берилган.

Батафсил 👈

Сайт | Telegram

#Ҳуқуқий_қўлланма

Ўзбекистон халқи номидан фақат у сайлаган Ўзбекистон Республикаси Олий Мажлиси ва Президенти иш олиб бориши мумкин.

Жамиятнинг бирон-бир қисми, сиёсий партия, жамоат бирлашмаси, ижтимоий ҳаракат ёки алоҳида шахс Ўзбекистон халқи номидан иш олиб боришга ҳақли эмас.

(Ўзбекистон Республикаси Конституциясининг 10-моддаси)

Сайт | Telegram

Аҳолининг суд-ҳуқуқ масалаларига доир мурожаатларини ўрганиш мақсадида ҳафтанинг ҳар сешанба кунлари ташкил этилаётган оммавий сайёр қабулларнинг навбатдагиси Норин туманида бўлиб ўтди.

Сайёр қабулда фуқароларнинг жиноят, фуқаролик, иқтисодий ва маъмурий судларга доир 17 та мурожаатлари ўрганиб чиқилди. Уларнинг 4 таси шу ернинг ўзида ижобий ҳал этилиб, қолганларига ҳуқуқий тушунтириш берилди.

Шу куни бўлиб ўтган жиноят ишлари бўйича Норин тумани судининг сайёр суд мажлисида назорат остидаги бир гуруҳ шахслар муддатидан олдин шартли равишда жазодан озод қилинди.

Сайт | Telegram

Наманган вилояти маъмурий суди ташаббуси билан Наманган давлат университетида “Судья ва ёшлар” учрашуви ўтказилди

Сайт | Telegram

Наманган вилояти маъмурий суди томонидан вилоят прокуратурасида “Ўзбекистон Республикасининг айрим қонун ҳужжатларига судларда ишларни кўришда прокурорнинг ваколатларини таъминлашга қаратилган ўзгартириш ва қўшимчалар киритиш тўғрисида”ги Қонун мазмун-моҳиятига бағишланган семинар-машғулоти ўтказилди.

Семинарда маъмурий суд судьялари мазкур Қонун билан процессуал кодексларга киритилаётган ўзгартиришлар ҳақида гапириб, уларнинг аҳамияти ҳақида маълумот бердилар. Ўз навбатида прокуратура органлари ходимлари ҳам қонунчиликдаги мазкур ислоҳотлар одил судловни амалга оширишга кўмаклашиш борасидаги фаолият самарадорлигини оширишга, судларда фуқароларнинг ҳуқуқ ва эркинликларини тўлақонли ҳимоя қилишга ҳамда қонунийликни таъминлашга хизмат қилишини таъкидладилар.

Сайт | Telegram

Жиноят ишлари бўйича Наманган шаҳар судида “Очиқ эшиклар куни” ўтказилди.

Унда Наманган давлат университетининг юридик факультети талабалари иштирок этиб, шаҳар судининг фаолияти, бу ердаги жараёнлар билан яқиндан танишдилар.

Мулоқотларда жиноят судларининг вазифаси, қандай ишлар кўрилиши, шунингдек, кейинги йилларда амалга оширилаётган суд-ҳуқуқ соҳасидаги ислоҳотлар ҳақида батафсил маълумот берилди. Суд идораларида ишлашнинг тартиб-қоидалари, судьялик касбининг масъулияти ҳақида сўз юритилди.

Эркин мулоқот тарзида кечган учрашувда талабалар ўзларини қизиқтирган саволларга атрофлича жавоб олдилар.

Сайт | Telegram

Косонсой туманида бўлиб ўтган сайёр қабул тафсилоти

Сайт | Telegram

М. ТОЖИБОЕВА ТОМОНИДАН “FACEBOOK” ИЖТИМОИЙ ТАРМОҒИДА ЭЪЛОН ҚИЛИНГАН БИЛДИРИШ ЮЗАСИДАН

Аввало, муаллиф ўзи ҳақорат ва уйдирмалар ёғдириш орқали танқид қилган мазкур жиноят иши доирасида тараф ҳисобланмаслигини таъкидлаш ўринлидир. Аниқроғи, Жиноят кодексининг 167-моддаси 2-қисми “в” банди ва 228-моддаси 1-қисми билан айбланиб, судга берилган Ш. Исроиловага оид жиноят иши доирасида М.Тожибоева ҳеч қандай процессуал мақомга эга эмас. Ҳолбуки, Жиноят-процессуал кодексида жиноят процесси иштирокчилари доираси қатъий белгилаб қўйилган бўлиб, давлат ва жамоат айбловчилари, судланувчи, вояга етмаган судланувчининг қонуний вакили, ҳимоячи, жамоат ҳимоячиси, шунингдек жабрланувчи, фуқаровий даъвогар, фуқаровий жавобгар ва уларнинг вакиллари суд мажлисида тарафлар сифатида иштирок этадилар.

Ш.Исроиловага оид жиноят иши бўйича ўтказилган тергов ҳаракатлари жараёнида ва суд мажлисларида унинг қонуний ҳуқуқлари ва манфаатларини Жиноят-процессуал кодекси талаби асосида у танлаган бир неча адвокатлар ҳимоя қилган.

Гарчанд М.Тожибоева мазкур билдиришда ўзини Ш. Исроилова ва шу жиноят иши доирасида яна бир судланган шахс Д. Хомиджоновнинг ҳимоячисидек кўрсатса-да, юқорида таъкидланганидек, процессуал мақомга эга шахс ҳисобланмайди.

Энди Ш. Исроиловага оид жиноят иши хусусида фикр юритадиган бўлсак, у жиноят ишлари бўйича Фарғона шаҳар судининг 2020 йил 1 февралдаги ҳукмига кўра, “Фарғона ҳудудий электр тармоқлари корхонаси” АЖнинг хўжалик қўриқлаш бўлими бошлиғи вазифасида ишлаган даврида 2019 йил 13 апрель куни корхона балансига 14.308.900 сўмлик асосий воситалар сифатида киритилган ва ихтиёрида бўлган мулклар мавжудлиги ҳақида ойлик ҳисоботларига қалбаки маълумотлар киритган. Шунингдек Д. Хомиджонов билан олдиндан тил бириктириб, бир гуруҳ бўлиб, жамиятнинг “Парвоз” номли марказий омборида ўрнатилган сув иншоотини демонтаж қилдирган ва қисмларга ажратиб, 19.713.360 сўмлик қисмини дастлабки тергов ва судда аниқлаш имкони бўлмаган шахсларга сотган. Шу тариқа корхона мулкини ўзлаштириш йўли билан талон-торож қилганликда айбли, деб топилган.

Мазкур жиноят иши суд инстацияларида бир неча маротаба кўрилиб, муҳокама қилинган. Наманган вилоят суди жиноят ишлари бўйича судлов ҳайъати апелляция инстанциясининг 2023 йил 29 сентябрдаги ажрими билан Ш. Исроилованинг айбловидан “Фарғона ҳудудий электр тармоқлари корхонаси” АЖнинг 14.308.900 сўмлик асосий воситаларини талон-торож қилганлик эпизоди ва Жиноят кодексининг 228-моддаси 1-қисми чиқарилиб, Ш. Исроилова ушбу Кодекснинг 70-моддасига асосан тайинланган жазодан озод қилинган.

Мазкур иш 2024 йил 18 март куни Фарғона вилояти судининг тафтиш инстанциясида кўрилиб, Наманган вилоят суди жиноят ишлари бўйича судлов ҳайъати апелляция инстанциясининг 2023 йил 29 сентябрдаги ажрими ўзгаришсиз қолдирилган.

М.Тожибоеванинг Ш.Исроиловага оид жиноят ишини апелляция инстанциясида кўрилишида суд мажлиси баённомаси қалбакилаштирилгани ҳақидаги иддаоси ҳам асоссиздир. Зеро, суд мажлиси баённомаси Жиноят-процессуал кодекси талаблари асосида юритилган.

Албатта, М. Тожибоеванинг ушбу билдириши суд қарорларини қайтадан юқори инстанция судида кўриш учун асос бўлолмайди. Тарафлар суд қарорларидан норози бўлган тақдирда қонунда белгиланган тартиб ва муддатларда Олий судга тафтиш тартибида шикоят (протест) келтиришга ҳақли эканлиги маълум қилинади.

Сайт | Telegram

Вазирлар Маҳкамасининг тегишли қарори билан тасдиқланган Ёшларнинг ҳуқуқий саводхонлигини ошириш, уларни қонунга итоаткорлик ва ҳуқуқбузарликка тоқатсизлик руҳида тарбиялаш бўйича чора-тадбирлар Дастурига мувофиқ 2024-2025 ўқув йили давомида умумий ўрта таълим мактабларида амалиётчи ҳуқуқшунослар томонидан амалий дарс машғулотлари ўтказиш белгиланган.

Жиноят ишлари бўйича Наманган шаҳар суди ҳамда Наманган, Косонсой, Тўрақўрғон, Уйчи тумани судлари раислари ва судьялар ҳудуддаги умумтаълим мактабларида бўлиб, амалий дарс машғулотлари ўтказдилар. Судьялар томонидан вояга етмаганларнинг ҳуқуқлари, бурчлари, ҳуқуқбузарлик тушунчаси ҳамда унинг оқибатлари, шахсий ҳуқуқ ва эркинликлар, инсон ҳуқуқлари ва эркинликларининг кафолатланиши, давлат ҳокимиятининг тизими, Ўзбекистон Республикасининг суд ҳокимияти, давлат хизматларини кўрсатиш тартиби каби масалалар бўйича маъруза қилиниб, мавзулар юзасидан ўқувчи-ёшларга батафсил тушунтириш берилди.

Жиноят ишлари бўйича Косонсой тумани суди раиси тумандаги 1-сонли умумтаълим мактабида ўтказган дарс машғулотлари якунида мактаб жамоасига Наманган вилояти судлари тарихига бағишлаб ёзилган "Мозийга бир назар..." номли китоб-албомини, фаол ўқувчиларга эса бадиий адабиётлар тўпламини топширди.

Сайт | Telegram

Наманган вилояти прокуратурасида вилоят суди билан ҳамкорликда семинар машғулоти ўтказилди.

Наманган вилояти судининг фуқаролик, иқтисодий судлов ҳайъати судьялари, прокуратура ходимлари иштирок этган семинарда шу йилнинг 30 сентябрь куни қабул қилинган “Ўзбекистон Республикасининг айрим қонун ҳужжатларига судларда ишларни кўришда прокурорнинг ваколатларини таъминлашга қаратилган ўзгартириш ва қўшимчалар киритиш тўғрисида”ги Қонун мазмун-моҳияти ҳақида сўз юритилди.

Мазкур қонун билан процессуал кодексларга бир қатор ўзгартириш ва қўшимчалар киритилган бўлиб, маърузачилар иқтисодий, фуқаролик ҳамда маъмурий судларда прокурор иштирокининг янги босқичи ва қонунларни амалиётга қўллаш масалалари бўйича тушунтириш бердилар.

Савол-жавобларда иштирокчилар прокурор иштирок этиши мумкин бўлган суд ишлари ҳамда ушбу ишларнинг кўрилишида прокурор эътибор қаратиши лозим бўлган ҳолатлар юзасидан батафсил маълумотга эга бўлдилар.

Сайт | Telegram

Судом Наманганской области проведено духовно-просветительское мероприятие посвящённое 112-летию Усмона Носира

Сайт | Telegram

Наманган вилояти суди раиси Алишер Усманов жиноят ишлари бўйича Мингбулоқ тумани судида бўлиб, суд биносидаги шарт-шароитлар, фуқароларга яратилган қулайликлар билан танишди.

Шунингдек, судья ва тизим ходимлари билан суҳбатлашиб, одил судловни таъминлаш, ҳар бир ишни кўришда адолат ва қонун устуворлигига амал қилиш, коррупция, таъмагирлик каби ҳолатларга йўл қўймаслик бўйича тушунтиришлар берди.

Сайт | Telegram

Наманган вилояти судида иш ҳафтасининг биринчи куни бугунги муҳим сана Ўзбек тилига давлат тили мақоми берилганининг 35 йиллигига бағишланди.

Вилоят суди раиси Алишер Усманов она тилимизга давлат тили мақомини бериш борасида амалга оширилган тарихий жараёнлар, бу йўлдаги юксак матонат ҳақида гапириб, ҳар бир миллатни миллат, давлат сифатида дунёга танитадиган энг муҳим восита тил эканини алоҳида таъкидлади. Тилга ҳурматда бўлиш элга, Ватанга ҳурмат белгиси эканлиги айтиб ўтилди.

Шунингдек, ўзбек тили дунёнинг қадимий ва бой тилларидан бири сифатида халқимизнинг миллий ўзлиги ва мустақил давлатчилиги тимсоли, унинг бебаҳо бойлиги бўлиб, мамлакатнинг маънавий-маърифий ва ижтимоий-сиёсий ривожланиши йўлида ғоят муҳим аҳамиятга эга эканлиги таъкидланди.

Сайт | Telegram

Ўзбек тилига давлат тили мақоми берилганининг 35 йиллиги ҳамда 21 октябрь - Ўзбек тили байрами куни муносабати билан Наманган вилояти суди томонидан оммавий диктант ёзиш тадбири ўтказилди.

Наманган юридик техникумида бўлиб ўтган диктант ёзиш жараёнларида вилоят суди ва вилоят маъмурий судининг суд аппарати ходимлари, судья ёрдамчилари қатнашдилар.

Дастлаб филологлар томонидан тилимизнинг давлат тили сифатидаги нуфузи ва мавқеини ошириш бўйича амалга оширилаётган ишлар ҳақида сўз юритилди. "Тил - миллат кўзгуси" мавзусида ёзилган диктант ишида ҳам айни фикрлар акс эттирилиб, ўзбек тилининг давлат ва жамият ҳаётида тутган ўрни, аҳамияти очиб берилди.

Якунда суд тизими ходимлари томонидан ёзилган диктантлар текширилиб, муносиб баҳоланди.

Сайт | Telegram

ТАЪЗИЯ

Наманган вилояти суди ҳамда вилоят маъмурий суди жамоалари жиноят ишлари бўйича Наманган шаҳар суди раиси Самаджон Қодировга синглиси Гулчехра Қодированинг вафоти муносабати билан чуқур ҳамдардлик билдиради.

Сайт | Telegram

Янги Наманган туманида бўлиб ўтган оммавий сайёр қабул тафсилотлари

Сайт | Telegram

Наманган вилояти суди томонидан 2024 йилнинг 9 ойи давомида одил судловни таъминлаш, фуқароларнинг ҳуқуқ ва эркинликларини ҳимоя қилиш борасида амалга оширилган ишлар сарҳисоби

Сайт | Telegram

АДОЛАТ КУЙЧИСИ УСМОН НОСИРГА СУДЬЯЛАРНИНГ ЭҲТИРОМИ

Сайт | Telegram

Косонсой туманида суд, ҳуқуқни муҳофаза қилувчи идоралар раҳбарлари иштирокида навбатдаги оммавий сайёр қабуллар ўтказилди.

Қабул давомида аҳоли вакилларининг жиноят, фуқаролик, иқтисодий ва маъмурий судларга оид 8 та мурожаатлари кўриб чиқилиб, уларнинг 5 таси шу ернинг ўзида ижобий ҳал этилди. Қолганларига ҳуқуқий тушунтиришлар берилди.

Шу куни бўлиб ўтган жиноят ишлари бўйича Косонсой тумани судининг сайёр суд мажлисида пробация назоратида турган бир гуруҳ шахслар муддатидан олдин шартли равишда жазодан озод қилинди.

Сайт | Telegram

Наманган вилояти суди томонидан оташин шоир, таржимон ва драматург Усмон Носир таваллудининг 112 йиллиги олдидан маънавий-маърифий тадбир ўтказилди

Сайт | Telegram

Фуқаролик ишлари бўйича Янгиқўрғон туманлараро суди судьялари томонидан давлат ва жамоат ташкилотлари, таълим муассасаларида вояга етмаган шахслар ҳуқуқларини ҳимоя қилиш борасида амалга оширилаётган ишлар юзасидан ҳуқуқий тарғибот тадбирлари ўтказилди

Сайт | Telegram

Ўзбекистон Республикаси Вазирлар Маҳкамасининг тегишли қарори билан тасдиқланган Ёшларнинг ҳуқуқий саводхонлигини ошириш, уларни қонунга итоаткорлик ва ҳуқуқбузарликка тоқатсизлик руҳида тарбиялаш бўйича чора-тадбирлар Дастурига мувофиқ 2024-2025 ўқув йили давомида умумий ўрта таълим мактабларида амалиётчи ҳуқуқшунослар томонидан амалий дарс машғулотлари ўтказиш белгиланган.

Бу борада Наманган вилояти судининг судьялари томонидан ҳам таълим муассасаларида дарс машғулотлари ўтказиб келинмоқда. Амалий жараёнларда суд раислари ва судьялар вояга етмаганларнинг ҳуқуқлари, бурчлари, ҳуқуқбузарлик тушунчаси ҳамда унинг оқибатлари, шахсий ҳуқуқ ва эркинликлар, инсон ҳуқуқлари ва эркинликларининг кафолатланиши, давлат ҳокимиятининг тизими, Ўзбекистон Республикасининг суд ҳокимияти, давлат хизматларини кўрсатиш тартиби каби масалалар бўйича маъруза қилиб, мавзулар юзасидан ўқувчи-ёшларга батафсил тушунтириш беряптилар.

Сайт | Telegram

Наманган вилояти судида ўтказилган навбатдаги "Маърифат соати"да Ўзбекистон Судьялари Ассоциацияси раиси Убайдулла Мингбоевнинг "Покланиш палласи" китоби ҳақида сўз юритилди.

Мазкур китобда судьянинг қонун талабларига риоя этиши, касбий масъулият мезонлари, маънавий юксалишга бўлган интилиши, ҳар бир ишни оқибатини ўйлаши лозимлиги, ҳалол ва пок бўлишига оид фикрлар жамланган.

Наманган вилояти суди раиси Алишер Усманов китоб ҳақида гапириб, асарда муаллифнинг фарзанд тарбияси, инсон ва унинг ахлоқий қарашлари, давлат ва жамиятда юз бераётган янгиланишларга муносабати, дахлдорлик ҳисси ва ҳуқуқий давлатнинг муҳим шартларидан бири бўлган қонун устуворлигига оид фикрлари акс этганини таъкидлади. Ҳалоллик ва покликка тарғиб қилувчи ушбу китобни ҳар бир судья ўқиб-ўрганиши, ундаги қимматли тавсияларни фаолиятда дастуриламал билиши лозимлиги алоҳида айтиб ўтилди.

Китоб билан танишган судьялар рисола ҳақида ўз фикр-мулоҳазаларини билдирдилар.

Сайт | Telegram