گلچین نغمه های غم( کاملترین و جامع ترین نوحه و مرثیه های ترکی(کربلایی اسماعیل عبادی)

دوست عزیز سلام،
اسماعیل عبادی شما را به ازکی دعوت کرده‌است.
برای ورود به وب‌سایت روی لینک زیر کلیک کرده و پس از وارد کردن کد https://a.azki.com/xYI1JltKr در قسمت کد معرف، مراحل ساخت حساب کاربری را تکمیل کنید.
(https://www.azki.com/?utm_source=azki&utm_medium=undefined&utm_campaign=referral)
ازکی ، مقایسه و خرید آنلاین بیمه

زبانحال حضرت زینب س درسرزمین کربلا


دور حسینیم شامیدن گلدی عزالی زینبون
قبریوه زوّار اولوب قلبی یارالی زینبون


یَابنَ اُمّی نُورَ عَینی یا ذَبیحاً مِن قَفا
یا قتیلاً بِالسُّیوُفِ یا غَسیلاً بِالدّما
ئولمدی بند اسارتدن باجون اولدی رها
گلدی پوزقون قبریون اوسته بلالی زینبون


گوز آچان گوندن سنه غمکش باجون دلبسته دی
ئولمیوب جاندان دوشوب غملر یوروبدی خسته دی
ائتمیور باور سنون الان مزارون اوسته دی
غم فزادور حیف اولا بزم وصالی زینبون


زینبون زهرا کیمین دار و نداریندن کئچوب
راه عشقونده ایکی نیکو عذاریندن کئچوب
حامی قرآن اولوب خوش روزگاریندن کئچوب
جوهر ذاتینده وار زهرا خصالی زینبون


غم چکوب سایسیز مصیبت گورمیشم سندن صورا
یاندی خیمم رنج غارت گورمیشم سندن صورا
وار یوخوم گئتدی اسارت گورمیشم سندن صورا
محو اولوب سن گوردیگون جاه و جلالی زینبون


اون بیر ماه عزا ظلم عدو تکمیل اولا
باغلانوبدی اهل بیتون دیده گریان قول قولا
شام شومه دوشمیشم شمر و سنانیلن یولا
اولدی بیر مدّت حسین سندن آرالی زینبون


کربلادن شامه جک یوللاردا محنت چکمیشم
یارمیشام باش کوفه ده درد جراحت چکمیشم
قیرخ گونی هجرونده امّا چوخ مصیبت چکمیشم
اوت کیمین جان یاندیراندی شرح حالی زینبون


منطقیلن زینبون خصمیله پیکار ائلیوب
حیدر کرّار تک محملده گفتار ائلیوب
خواب غفلتده یاتان اشخاصی بیدار ائلیوب
کوفه ده آغ زلفی قانیلن حنالی زینبون


سن اگر قانیله وئردون دین حقّه اعتلا
منده بو قانی اسارتده دیریتدیم برملا
فتح ائدوب شامی حسین قوردوم سنه بزم عزا
ئوز یئرین آلدی مرام ایده آلی زینبون


قوللاری باغلی گئدوب ویرانه ده قالدیم حسین
منطقیلن کاخ ظلمه ولوله سالدیم حسین
شمر ظالم دن اثاث غارتی آلدیم حسین
گلمیوب دیداره ایندی دست خالی زینبون


ائلیوب ویرانه من ظلمون بناسین گلمیشم
آلمیشام عبّاسیمون قانلی لواسین گلمیشم
گورمگه خیردا مزار دلرباسین گلمیشم
او مهون دردی ائدوب قدّین هلالی زینبون


اکبرون عمّامه سین گوردوکجه لیلا آغلیور
الده گهواره رباب بینوا دل داغلیور
اصفره لایلای چالوب اشکین عذاره باغلیور
عترتی آرام ائده یوخدور مجالی زینبون


گوز تیکوب بی کس باجون سن تک کرملی قارداشا
آغلورام نالم منیم تاثیر ائدوبدور داغ داشا
قورتاروب رنج اسارت غملریم چاتماز باشا
روزگاریلن هله واردی جدالی زینبون


فاش ائدم سایسیز سنه غملی حکایت گلمیشم
دوزمیشم رنج و مصیباته سلامت گلمیشم
شامیده نازلی قیزون ئولدی خجالت گلمیشم
عفو ائله شرمنده دی سندن حیالی زینبون


اولدی ویرانه مکان گنجه برابر گوهره
دفن اولاندا پیکری گورسندی غملی منظره
تاپمادیم قارداش کفن بوکدوم قرا بیر معجره
هر مُحَندن سخت اولوبدی بو ملالی زینبون


جام دیده م وار یئری قانلی سرشکیلن دولا
سندن آیریلسون نئجه بیکس باجون دوشسون یولا
یدّی قارداشدان بیری یوخدور منه همراه اولا
ایلسه عزم مدینه کربلالی زینبون


یثربه دوشسه یولوم ای سَروَرِ گردون خدم
گلسه دیداره آنام اُمّ البنینِ محترم
آلسا عبّاسین خبر مندن حسینیم نیلرم
من دئیوم باتدی نئجه بدری کمالی زینبون


وار مریضه بیر قیزون ای شاه بطحا نیلرم
پیشواز ائتسه منی یثربده آیا نیلرم
اکبرین آلسا خبر غمدیده صغرا نیلرم
من دئیوم هاردا قالوب طاها جمالی زینبون

محمد باقردائمی اردبیلی

@naghmehaye_gham

‍ ‍ حسینیم وای حسینیم وای ...
«میانداری»
زبانحال حضرت زینب در قتلگاه

یارالارون آخار قانی
ائد‌ر گلنار میدانی
باجون قربان باشین هانی
حسینیم وای حسینیم وای


سینون اوسته یارون چوخدور
تمامی نیزه و اوخدور
اوپم بوسه یری یوخدور
حسینیم وای حسینیم وای


سوسوز الده ئولن قارداش
یارالی جان وئرن قارداش
هانی اول پیرهن قارداش؟
حسینیم وای حسینیم وای


سن ئولدون دشمنون قالدی
سنی ئولدوردی کام آلدی
یوزۆ اوستنه ندن سالدی
حسینیم وای حسینیم وای


گرک قان آغلاسین زینب
جهانی داغلاسین زینب
سنه یاس ساخلاسین زینب
حسینیم وای حسینیم وای


باشون یوخ اشتیاغوندان
اوپم قارداش دوداغوندان
اوپوم قوی من آیاغندان
حسینیم وای حسینیم وای


یتیرّم ناله ‌می عرشه
سینن گوررم دونوب فرشه
آیاق ردّی سالوب نقشه
حسینیم وای حسینیم وای


بولود تک دولمایاییم نیلیم
پریشان اولماییم نیلیم
باش آچوب یولماییم نیلیم
حسینیم وای حسینیم وای


نه بی‌انصافیمیش عدوان
لباسین ایلییوب تالان
قویوبدور نعشوی عریان
حسینیم وای حسینیم وای


ائدیم قوی قانیلن رنگین
بوزلفیم تا تاپام تسکین
تاپام تسکین دگول ممکن
حسینیم وای حسینیم وای


گلستاندا آچوب گللر
گلوب آوازه بلبلرائدر
ائدر نوحه یانان دیللر
حسینیم وای حسینیم وای


غمون دنیانی آغلاتدی
نه بو نالانی آغلاتدی
آنان زهرانی آغلاتدی
حسینیم وای حسینیم وای


باجون ئولسون بو نه حالدی
آراده پیکرون قالدی
منی چولدن چوله سالدی
حسینیم وای حسینیم وای


یوخوموش رحم بَجدلده
قالوبدور بارماقون الده
بیلکلر قانلی مقتلده
حسینیم وای حسینیم وای


قالوبدور پیکرون یئرده
چکوب قان یاره وه پرده
لباسون قالمیش اللرده 
حسینیم وای حسینیم وای


بالا قیزلار اسیر اولموش
حرملر دستگیر اولموش
باجون بیر گونده پیر اولموش
حسینیم وای حسینیم وای


هاچان دردون چیخا یاددان
سنی ئولدوردولر عطشان
آنان زهرا سنه قربان
حسینیم وای حسینیم وای


یازوب سعد اوغلی برنامه
دوشوب اهل حرم دامه
قطاریم باغلانوب شامه
حسینیم وای حسینیم وای

#یارالارون_آخار_قانی
#حسینیم_وای_حسینیم_وای
#یحیوی_اردبیلی
#پرچم_عزا_یحیوی


حاج سلیم موذن زاده

@naghmehaye_gham

‍ اربعین
زبانحال حضرت زینب (س)

مرحوم حسینی سعدی زمان

بامداحی استاد طالبی


دئدی حسین سنه قربان اولا بلالی باجون
گلوب زیارتیوه شامدن یارالی باجون

اسیر شام ومدینه غزالیم قارداش
ئوزوم علی قزی یاسلی عزالیم قارداش

دیار کوفه و شام و حلب مُسافِریَم
ایاقه دور نجه گور ماجرالیم قارداش

گیدوب جلالیم الیمدن حسین باشیم آغاروب
دینمورم نجه باشی بلالیم قارداش

سزادی دولسا نوائیله نینوا دشتی
من آغلیاندا، که نی تک نوالیام قارداش

اسفلی شکوه لریم واردی مخبر شامم
شکسته دور ئورگیم نینوالیم قارداش

گیدنده نعشیوی عریان قوم اوسته گورموشدوم
کفنسیز اولماقیوا دفن، حالیم قارداش

ئوزون بُلوردون او گون باشدا معجریم یوخودی
او عذرین ایمدیده غرق ملالیم قارداش

یارالی گون قاباقیندا سنی قویوب گیتدوم
هله او گیتماقین افسرده حالیم قارداش

خانملیق ایلدیقیم کوفه ده نَلَر گوردوم
باشون گوروردی نجه ابتلالیم قارداش

یارالی باشیوی شمر ایتدی بیر گئجه مهمان
اودور بیر عمریدی گریان لیالیم قارداش

گلنمدیم او گئجه من یانان چادردِیدیم
آنامدا گوردی نه سوز خفالیم قارداش

سنون یرون او گجه خیلی نامناسبیدی
اودور من ایندیده رنج و عنالیم قارداش

صباح اولاندا باشون پیشوازیمه گلدی
بُلوردی مملکت عشقه والیم قارداش

گلنده سن دانیشوردوم کجاوه ده گوردون
که نطقده نجه حیدر مثالیم قارداش

دیردی کوفه لیلر مرتضی علی دانیشور
اودور دئدیم او علینون من آلیم قارداش

باشون او گون منه گوستردی ایله لطف و نوال
که حشر اولونجا رهینِ نوالیم قارداش

او زینبم منی گون گورممیشدی بی پرده
هامی بُلوردی آنام تک حیالیم قارداش

سنون محبّتون ائتدی اسیر سالدی چوله
محبّت عالمینون مه جمالیم قارداش

هارا گیدوب باشون آردینجا گئتمیشم منده
مقام عشقیده باخ گور وفالیم قارداش؟

آپاردی مجلس عامه بیزی زیاد اوغلی
گوره گوره باشی قاندان حنالیم قارداش

اسوبدی باخمادی گلزاریمه سموم خزان
تصوّر ائتمدی عصمت نهالیم قارداش

دانیشدیروب منی ووردی دوباره دیل یاراسی
بیان ما وَقَعه نطق لالیم قارداش

باشون دالنجا دوشوب شامه گئتمیشم بیر باش
رموز عشقده مجنوندان عالیم قارداش

وروبدیلار او قَدَر تازیانه کعب سنان
هنوز جسمیمه باخسان یارالیام قارداش

دولانمیشام باش آچیق شامیده محلّه لری
خیال ائدردی گورن لااُبالیم قارداش

گیرنده شامه منه نامناسب آد دیدیلر
بُله بُله که پیمبر عیالیم قارداش

دولاندوروردولا کوچه به کوچه قول باغلی
خیال ائدردیلر چین و خطالیم قارداش

توکردیلر باشیما کول دویردیلر بی جرم
گمان ائدردیله جُرم و خطالیم قارداش

گونوم او شهریده بختیم کیمی دونوب شامه
اگر چه شمس حیا، مه لقالیم قارداش

باشیمدا قمچی یری معجریم کیمی قرالوب
ایکی قرائیله باشی قرالیم قارداش

پوزوب خیالیمی بیر نحویله خرابه غمی
دینمورم بوقدر وار خیالیم قارداش

او قدر صبر ائلدیم صبر مندن اولدی ملول
بو یولدا گور نه شهامت نمالیم قارداش

دایانا بُلمدیم اما یزید بَزمینده

سبب او بزمیدی چوخ غمفزالیم قارداش

@naghmehaye_gham

‍ کرب و بلا دشتینه غملی کاروان گلور
دور یا حسین زینبون قامتی کمان گلور
قیزلارون ناقه لر اوسته دل کبابیدور
داغ داشی آغلادان بینوا ربابیدور


آغلار سنه زینبون ای نگار مه لقا
قبرون نه خوش نقشیدور قبرووه گوزوم فدا
آخر حسین ئولمه دیم قسمت اولدی کربلا
عمروم نقدری اولا ساخلارام سنه عزا
قبروین تربتی آبرودی زینبه
کربلاده ئوله آرزودی زینبه


گرچه وئروبسن شرف ای شه حرم منه
بو دشت غمباریده چوخ چاتوبدی غم منه
بوردا ابوالفضلیدن چاتدی بیر علَم منه
باخدی منیم حالیمه آغلادی ننه ام منه
ووردیلار باشیمه تازیانه دینمدیم
قلبیمی ائتدیلر شانه شانه دینمدیم

@naghmehaye_gham

‍ #سینه_زنی_باسبک
اربعین حسینے(زبانحال حضرت زینب س)
_
قیرخ گوندی دوشموشم من ...سندن حسین آرالی
گلدیم مزارون اوسته...قارداش اورگ یارالی
دور پیشوازه قارداش...مهمانیوم حسینیم
بی کس ربابی دیندیر...قربانیوم حسینیم
جان یاحسین حسین جان(٢)

آچ گوزلرین برادر...آی قلبیمون قراری
سن سیز خزانه دونموش...گور عمریمون بهاری
دیللن دیلون فداسی...خوش گلدون ایله باری
سندن سورا چوخ اولدی...قارداش باشیم بلالی
باغلاندی غم قطاری...یوللاندی شامه ساری
من بی کسون یارالی...باش اولدی غم گساری
جان یا حسین حسین جان(۲)


اوچ یاشدا نازدانه...چوخ اولدی ماجراسی
گلمز شماره قارداش...سایسیز اولان بلاسی
اولدی رقیه عشقون...پرپرچالان هماسی
ویرانه یرده قالدی...یثرب گولی مارالی
آئینه حیاتین...سنگ وفایه چالدی
دیلدن دوشن هَزارم...ویرانه یرده قالدی
جان یا حسین حسین جان(٢)

آلدی قوجاقه باشون...دیل یاره غم لی جیران
قانلی دوداقون اوپدی...جان ویردی زار و نالان
ال آتدی باشه قیزلار...عرشه اوجالدی افغان
ای قلبیمون صفاسی...لای لای رقیه لای لای
وی گوزلریم ضیاسی...لای لای رقیه لای لای
جان یا حسین حسین جان(٢)

قیرخ گوندی باشدا قاره...چوللر دولانمیشام من
غم تیری سینم اوسته...هجرونده یانمیشام من
پیراهنون حسین جان...اللردن آلمیشام من
یورقون خمیده قامت...گلدیم اویان وفالی
قارداش منایه گلدیم...سعی و صفایه گلدیم
قان یاش آخار گوزومدن...بزم عزایه گلدیم
جان یا حسین حسین جان(٢)

واردور یری بو قبرین...مهمانی خاتم اولسون
نوح نبی و عیسی...موسی و آدم اولدی
قارداش گوروم که بیرگون...زوّارون عالم اولسون
عرشه اوجالسون اوندا...بو مرقدین جلالی
پایین پاده اکبر...سینونده دیلسیز اصغر
مدفون اولوب یانیندا...بیرجوت کسیلمیش اللر
جان یا حسین حسین جان(٢)
زینب گوریدی ای کاش...برپا اولوب نمایش
عزم ایلیوبدی یرمی...میلیون ایدن ستایش
برپادی اربعینده...مجموعه ی  همایش
لبیک یا حسین دور...هرتک تکین مقالی
«یرلر حسینه قوربان»... «گویلر حسینه قوربان»
بو یرمی میلیون عاشق...«یکسر حسینه قوربان»
جان یا حسین حسین جان(٢)


کفر زمانه داعش...آچسون گوزون اویانسون
وهّابیان ضاله...نار حسدده یانسون
کیم ایستمز حسینی...چیخسون گوزی اوتانسین
شیعه ایدوب تنومند...زینب اکن نهالی
الگو دی شیعیانه...عباس،علینون اوغلی
حتما حمایت ایلر...ام البنینون اوغلی
جان یا حسین حسین جان(٢)

لطفین عیان ایدوبدور...خلاق حی داور
پایان تاپور دیرسن...«ثاقب»غیاب اکبر
میثاقیدور یقینا...بو انقلاب احمر
یابن الحسن اوزون گل...گوستر گوزل جمالی
ای یوسف زمانه...دیللر دولاندی قانه
عزت هماسی سایه...سال راس شیعیانه
جان یا حسین حسین جان(۲)

شعر:کربلایی فخرالدین اسکندری(ثاقب)

@naghmehaye_gham

‍ گلدی گئدن کاروان
ناله ائدور قدسیان
گوردی حسین قبرینی
زینب اولوب باغریقان

باشلاندی قبراوسته شور وشین
قوزاندی آوای یا حسین

یاحسین یاحسین یاحسین 2

درد اسیری چکن
نخل عزانی اکن
آغلاماقا یئر تاپوپ
گوز یاشی گیزلین توکن

سسلندی ای یار بی کفن
زینبون گلدی دلده محن

یاحسین یاحسین یاحسبن 2

گلدیم حسین شامیدن
قوی دئیوم آلامیدن
وردیلا داش باشووه
شامیده هر بامیدن

قان آخدی من باخدیم اغلادیم
نار هجرانه  دل  داغلادیم
یاحسین یاحسین یاحسین2

آی قاناباتمش قمر
قیل بولود آلتدان گذر
گور نجه سندنصورا
زینب اولوب دربدر

اولموشام قیزلارین رهبری
قول باغلی گزمیشم چوللری

یاحسین یاحسین یاحسین2

جانیمی دردون آلوب
قلبیمی درده سالوب
صبرئوزی بو غصه ده
صبریمه حیران قالوب

عشقیمی من نشان وئرمیشم
صبریله امتحان وئرمیشم

یاحسین یاحسین یاحسین 2

#سبک_ای_بوغازین_اوچ_پر_اوخ
با صدای استاد، حاج داود بیدق داری
#اربعین
#گلدی_گئدن_کاروان
#بیدق_داری

@naghmehaye_gham

‍ طبقدن گوتوردی ئوز ئوزونه رقیه گور نه دیدی


دیردیم ای خدا بابا هرایه کاش گله

نه اینکه طشتیده یارالی قانلی باش گله

جفالی داش هارا؟ الهی قانلی باش هارا؟

اوقدر داش دیوب اولوبدی دل دوداق یارا

(یارالی باشی آلدی قوجاقینه رقیه یانایانا دیدی)

امان امان امان یارالی جان ویرن بابا

داداقی یارلی غریب وبی کفن بابا




بو توزلی زلفومی گورن شمادت ایلیور

بابام ئولوب منیم گلن شمادت ایلیور

اولوبدی مونسیم منیم بو گوز یاش آغلاماق

دلیمده مرثیه دل جهانی داغلاماق


امان امان امان یارالی جان ویرن بابا

داداقی یارلی غریب وبی کفن بابا

@naghmehaye_gham

‍ ‍ زمزمه


دوست دارم  خاکم کنند تو کربلات امام حسین
بمیرم  گو شه ایو ون طلات امام حسین
دوست دارم وقتی که جون میاد تو گودی گلو
یه نگاه کنم  به اون قدو بالات امام حسین
دوست دارم اسم قشنگت حرف آخرم  باشه
هی بگم  جونم فدات  جونم فدات امام حسین
دوست دارم  تموم عمر برم یه گوشه بنشینم
بریزم  اشکای چشمامو به پات امام حسین
توکه آب بدست  دشمنات دادی روا نبود
تشنه لب  جدا کنند سر از قفات امام حسین
چرا انگشتر تو نشون ساربون دادی
قربون کرامت و جود و سخات امام حسین
یا حسین و یا حسین و یاحسین (۲)
کربلا یا کربلا یاکربلا  یا کربلا ( ۲)

@naghmehaye_gham

#سینه_زنی_باسبک
‍ دور قبریدن ای زینبون آرامی قارداش   آرامی قارداش
اولسون باجون بو قبریوون قربانی قارداش   قربانی قارداش


  
گلدی دیار شامیدن بیر جمع نالان   بیر جمع نالان
مدتی قارداش اولموشوخ بیز دیده گریان   بیز دیده گریان
ظلم و جفایه دوزموشوخ ای شاه عطشان   ای شاه عطشان
دور قبریدن ای زینبون آرامی قارداش   آرامی قارداش


شامون یولوندا قیزلارون اولموشدی خسته   اولموشدی خسته
عریان دوه قولدا رسن چوخ پر شکسته  چوخ پر شکسته
بو طرزیله یول گلمیشوخ بیز دست بسته   بیز دست بسته
دور قبریدن ای زینبون آرامی قارداش   آرامی قارداش


قارداش خرابه محنتی گلمز شماره   گلمز شماره
بیر حاله قالدیم قلبیمی دوتدی شراره   دوتدی شراره
یوز وردی اوزگه غم منه قارداش دوباره   قارداش دوباره
دور قبریدن ای زینبون آرامی قارداش   آرامی قارداش


باتدی خرابه شامیده بیر ماه تابان   بیر ماه تابان
سن تک اودا قارداش قوری یرده ویروب جان  یرده ویروب جان
اوز کوینگی اولدی کفن ای شاه خوبان   ای شاه خوبان
دور قبریدن ای زینبون آرامی قارداش   آرامی قارداش


غسلین وروب ایتدیم کفن قویدوم مزاره   قویدوم مزاره
قبرین اوزوم قازدیم آخوب اشگیم عذاره   اشگیم عذاره
آغلار قالان بلبلری آلدیم کناره   آلدیم کناره
دور قبریدن ای زینبون آرامی قارداش   آرامی قارداش


قارداش خرابه گوشه سی شوریله دولدی   شوریله دولدی
غمدن فراغت تاپمادی اول غنچه سولدی   اول غنچه سولدی
بار مصیبت قدّیمی بوکدی غم اولدی  بوکدی غم اولدی
دور قبریدن ای زینبون آرامی قارداش   آرامی قارداش


بلبل نجه آیری دوشر قارداش چمندن  قارداش چمندن
آیری دوشوب نازلی بالان سرو و سمندن   سرو و سمندن
جان ویردی غربتده دوشوب آیری وطندن   آیری وطندن
دور قبریدن ای زینبون آرامی قارداش   آرامی قارداش


نوکردی یارب(فاطری ) عطشان حسینه   عطشان حسینه
ایسته بو جمعیله گلاخ مهمان حسینه  مهمان حسینه
بو نوحه نی اوردا ایداخ عنوان حسینه   عنوان حسینه
دور قبریدن ای زینبون آرامی قارداش   آرامی

@naghmehaye_gham

‍ زبانحال حضرت مسلم ابن عقیل علیه السلام
کلامی زنجانی

یا حسین داده گَل کوفه ده طوفانه باخ
باغلانوب قولّاریم حال پریشانه باخ
مسلم بن عقیل
سسلنور الدخیل
یا حسین جان 2

گلمیشم کوفیه حقّیوی اعلان وِرَم
حاضرم گلشن معرفته قان ورم
نولی یا سیدی سن باخاسان جان ورم
دولانیم باشیوه باشدان آخان قانه باخ
مسلم بن عقیل
سسلنور الدخیل
یا حسین جان 2

روبهان زمان جنگه چیخوب شیریله
شیریوین قولّاری باغلیدی زنجیریله
دوداقیم یاره لی ضربه ی شمشیریله
ظلمیله پارچالانمیش لب و دندانه باخ
مسلم بن عقیل
سسلنور الدخیل
یا حسین جان 2

دئمورم سیدی سیف بنی هاشمم
هم سفیرم آقا هم قاپوا خادمم
ای گل فاطمه سن آقاسان من کیمم
عید اضحا ده گل یاره لی قربانه باخ
مسلم بن عقیل
سسلنور الدخیل
یا حسین جان 2

#سبک_یا_امام_زمان_شیعه_ده_احساسه_باخ
#سبک_بر_مشامم_رسد_بوی_خوش_یار_من

@naghmehaye_gham

عرض ارادت به محضرآقااباعبدالله الحسین علیه السلام

---------------------------------
یاحسین من گوز آچانان سنه دل داغلامیشام
قلبیمون رشته لرین پرچموه باغلامیشام

آند ویرم سنی غارتده یانان قیزلاروا
قورخوسینان تیکان اوستونده قاچان قیزلاروا

آندویرم سنی عاشقلروون سوزلرینه
کوفه ده زینبووین قانه باتان گوزلرینه

عشق زنجرین ئوزون گردنیمه باغلا آقا
درگهونده منی زهرایه گوره ساخلا آقا

بیلورم  من  قاپوون  نوکر  نالایقیم
ولی عباسه قسم کرب وبلا عاشقیم

دیمورم حر کیمین درگهوون نوکریم
سفره عشقوین ایللردی نمک پروریم

سنه جبریل امین نوکر اولا خوشدی آقا
منی عفو ایله ئوزوم قاره الیم بوشدی آقا

@naghmehaye_gham

‍ ‍

نوحه سرایی  حضرت زینب (س )بعداز اسارت درکنار تربت امام حسین علیه السلام


بامداحی استاد طالبی

عطریوی آلدیم حسین ؛ اولمدیم قالدیم حسین

یول طریق عشقیله ؛ قبریوه سالدیم حسین

رتبه والاسی وار ؛ منظر زیباسی وار (2)

زینبون ای جان جانان قبریوه قربان

تربتون مین درده درمان قبریوه قربان

ای فروغ بی زوال ؛ اسوه فضل و کمال

وار بو یرده جلوه نور حی ذوالجلال

زینبه ای نور عین ؛ بو تجلانی حسین (2)

گورمیوب موسی بن عمران قبریوه قربان

تربتون مین درده درمان قبریوه قربان

خالقه ممدوحدور ؛ تکیه گاه نوردور

کعبه بی کربلا ؛ قالب بی روح دور

خلقته روح حیات کشتی نوحه نجات (2)

یا حسیندن اولدی احسان قبریوه قربان

تربتون مین درده درمان قبریوه قربان

نور مطلق بوردادی ؛ نقش هو حق بوردادی

اسم اعظمدن اولان ؛ اسمی مشتق بوردادی

بو آدی گتدی خلیل ؛ ایلدی رب جلیل (2)

نار سوزانی گلستان قبریوه قربان

تربتون مین درده درمان قبریوه قربان

خالق هفت آسمان ؛ هم زمین و هم زمان

گوییا خلق ایتمیوب ؛ بو شرافتده مکان

منبع نور و صفا ؛ تپراقی خاک شفا (2)

قبله گاه دردمندان قبریوه قربان

تربتون مین درده درمان قبریوه قربان

نه گوزل گل لر دوشوب ؛ گللرون پرپر دوشوب

انجم افلاک دین ؛ گوئیا شش پر دوشوب

اهل عشقه توشه دور؛ نه گوزل شش گوشه دور(2)

اولموشام مبهوت و حیران قبریوه قربان

تربتون مین درده درمان قبریوه قربان

ای عزیز مصطفی ؛ من گیدنده یا اخا

پیکر شان شانوی ؛ بوردا گوردوم بر ملا

گوردوقوم پیکر هانی ؛ او گوزل گوللر هانی (2)

خانه صبریمدی ویران قبریوه قربان

تربتون مین درده درمان قبریوه قربان

کربلا طوفانیدی ؛ سر به سر ویرانیدی

من گیدنده غنچه گل ؛ ظلمیله خندانیدی

شیونیم عرشه چاتوب ؛ سود امر هرادا یاتوب (2)

اولموشام زار و پریشان قبریوه قربان

تربتون مین درده درمان قبریوه قربان

قلبیمی ایلور کباب ؛ درد جانسوز رباب

خانمان صبریمی ؛ شیونی ایلور خراب

گلمیشم ایوای دیئم ؛ اصغره لای لای دئیم (2)

یوخلاسین اول قانه غلطان قبریوه قربان

تربتون مین درده درمان قبریوه قربان

دیده گریان گلمیشم غ ناز و نالان گلمیشم

گوشه ویرانه ده ؛ قویموشام جان گلمیشم

اولدوزوم اوردا یاتوب ؛ زینی گوزدن آتوب (2)

شرحینه یوخ منده امکان قبریوه قربان

تربتون مین درده درمان قبریوه قربان

بیر منه باخدی حسین ؛ یاندیروب یاخدی حسین

دیندیریردیم ناگهان ؛ گوزلری آخدی حسین

اول پریشان خانه ده ؛ گوشه ویرانه ده (2)

دوتموشام شام غریبان قبریوه قربان

تربتون مین درده درمان قبریوه قربان

اول حبیب ذوالنعم ؛ ایلیه زرین قلم

بیر برات کربلا ؛ لطف و احسان و کرم

اشتیاق و شوقیله ؛ باشلاروخ بو نوعیله (2)

ایلدون نه یاخشی احسان قبریوه قربان

تربتون مین درده درمان قبریوه قربان

@naghmehaye_gham

‍ ‍ #روضه_باسبک
بسم الله الرحمن الرحیم

یا رحمن ویارحیم
صل الله وعلیک یا مولایه یا اباعبدالله
والارواحی التی حلت بفائک
السلام الاحسین والی علی ابن الحسین
والی اولادی الحسین
والی اصحابالحسین


اربعین یعنی تجلای عزای اولیا
اربعین یعنی چهل روز اروزی کربلا
اربعین یعنی علم در دشت پهناور زدن
اربعین یعنی به قربانگاه جانان سر زدن
خانم گلدی قارداش قبرینه

نیچه قدم قالاندا اوقهرمان زینب
خانم ایلشدی یره
گوزونون قاباقیندا واقعه کربلا مجسم اولدی

بیر باخدی گوداله
بیر باخدی تله
من بو یرده اشکمی غمدن قانا دوندرمیشم
تارزلفیمدن بورا فرش مصیبت سرمیشم
بوردا قارداش سینه سیندن آخ دیوب اوخ درمیشم

حسین سنه باجون قربان
آی قارداش  ۲
گوردیلر زینب گلدی فراتین کنارینه
خانم بیر کاسه سو دولدوردی
قویدی حسینون قبرینه
حسین
ایشیقلی گون منه سندن صوراقرا گیجه دی
باجون اولسون حسین دی گورم یارالارون نیجه دی
باجی قارداش قبرینه گیدنده تاج گل اپارار
ترمه شال آپارار
اما خانم الین آپاردی اورگینون باشیندا ن بیر اوخلی گوینک
سردی قارداش قبرینه
باجون سنه قربان
حسین
ویرانسرا ده فرش عزا سالمیشام حسین
قمچی گوروب گوینگون اللردن آلمیشام
یارالی قارداش۲
گور نیچه اوغلی اولن ننه گتورمیشم
نیچه قارداش سیز باجی گتورمیشم

خانم بیر باخدی خیملره بیر باخدی قتلگاهه
بیر تله

دیدی حسین
بو خیمه لردن ایریلاندا منه بیر امانت تاپشیردون قارداش
خیمده ایریلاندا رقیه گلدی

سن ات اوسته پای پیاده من
نقدر قاچیم یتوروم بابا
سنی عمه مین جانی بیر دایان
باشوه گلیم دولانیم بابا


ایلشدون بالانی آرام ایلدون
دیدی
بابا منی کیمه تاپشوروب گیدوسن

اشاره ایلدون زینب بالامی سنه تاپشیر دیم
گوزون آچ قارداش۲
اما حسین خجالتم قارداش
بو سن بو مزارون بو خسته قیزلارون
اما
حرملرون کیمی منده سلامتی قارداش
ولی رقیه بالا ندان خجالتم آی قارداش
حسین بالون قالدی خرابده
اونوندا سن کیمی قالدی جنازه سی یرده
کفن تاپیلماد ی بالاما گلدی خاطریم درده
  حسین اولدی بالام
اولدی بالام

گل کیمی ویرانده  گون گورمه دی اولدی بالام
تیر اهیلن ئوزی ئوز سینه سین بولدی بالام
بیر ئوپوش گوتدی دوداقیدن سنون اولدی بالام یارالی بالا یارالی بالا لای لای بالام ای،،،

@naghmehaye_gham

‍ ‍ حضرت امام حسن مجتبی علیه السلام


سبک:فاطمه نورخدای ازلیدور...

     قان اولوب اشگ ترون لایلای حسنجان
      دوغرانوبدی جگرون لایلای حسنجان
                ای گل طاها/یوسف زهرا
  کیم سنی بوحاله سالوب زینبون ئولسون
    ظلمیله مسموم ائلدی زینبون ئولسون
                               یارالی۴


قوی دوروم سسلیوم امداده حسینی
چاغیریم گلسون اخا داده حسینی
خبر ایلوم گله فریاده حسینی
خم اولوبدی کمرون لایلای حسنجان
          ای گل طاها...


یخدی جعده ائویمی ظلم وجفادن
آلّانوب چیخدی ره صدق وصفادن
ال اوزه بیلمدی نه سیم وطلادن
دوشوب الدن کسرون لایلای حسنجان


کئچمسون الله او بی شرم وحیادن
داخی گولمز یوزوموز ظلم وجفادن
چیخمارام قارداش حسن ئولسم عزادن
اولارام نوحه گرون لایلای حسنجان


گولم عالمده فلک قویمادی قارداش
محنتون یاندیرار حتی یادی قارداش
سو اود اولدی جگرون دوغرادی قارداش
سسلیورشیعه لرون لایلای حسنجان


کیمسنه بیلمدی احساسیمی قارداش
چاغیریم دادیمه عباسیمی قارداش
کیمه بس تاپشوروسان قاسیمی قارداش
قالدی آغلار پسرون لایلای حسنجان


سولدی گلزار وچمن گل آنا زهرا
چوخ آغیردی بومحن گل آنا رهرا
جان وئروراوغلون حسن گل آنا زهرا
باتدی زیبا قمرون لایلای حسنجان

شاعرفرهاد فکری اردبیلی

@naghmehaye_gham

‍ وَ هو الکَریم، اِبْنُ الکَریم...
#سینه_زنی و توسل به کریم اهل بیت امام حسن مجتبی علیه السلام اجرا شده ماه صفر۱۴۰۰

وَ هو الکَریم، اِبْنُ الکَریم
وَ اَخُ الکَریم، وَ جَدُّهُ خَیرُالاَنام

وَ هو ألاِمام، اِبْنُ ألاِمام
و اَخُ الاِمام، وَ حُبُّهُ خَیرُالتَّمام

فرق دارد به یقین مزۀ احسان حسن
لب ما بوسه نگیرد مگر از نان حسن

زلف خود را به نخ چادر زهرا بسته است
هرکسی هست در این دهر پریشان حسن

حسن یا مولا! حسن یا مولا!...

وَ هو ألحَبیب، وَ اَخُ ألحَبیب
و عَینُهُ شَمسُ الضُّحیٰ

وَ هو ألطَّبیب، اِبْنُ ألطَبیب
وَ اَخُ الطَبیب، وَ بَیتُهُ دارُالشِّفا

کَرَمش دست گدا را به خداوند رساند
سائلان را بنویسید مسلمان حسن

بی حرم هست ولی هرچه حرم زنده از اوست
زائر کرب و بلا هم شده مهمان حسن

حسن یا مولا! حسن یا مولا!...

عاقبت با مدد حضرت زهرا روزی
مثل ایوان نجف میشود ایوان حسن

سر دره باغ حسن نام حسین است فقط
نذر گلهای حسین است گلستان حسن

پسرانش همه جا گوش به فرمان حسین
علی اکبر همه جا گوش به فرمان حسن

حسن یا مولا! حسن یا مولا!...

وَ هو الاَمیر، اِبْنُ الاَمیر
وَ اَخُ الاَمیر، وَ اُمُّهُ خَیرُالنِسا

وَ هو الحَسَن، اِبْنُ علی
وَ اَخُ الحُسین، وَ اُخْتُهُ بِنتُ الهُدی

حسن یا مولا! حسن یا مولا!...

پسرانش همه‌جا گوش به فرمان حسین
عکی اکبر همه جا گوش به فرمان حسن

بعد یک‌عمر فقط زهر توانست شود
مرهم زخم دل وسینه ی سوزان حسن

عاقبت با مدد حضرت زهرا روزی
مثل ایوان نجف میشود ایوان حسن

سر در باغ حسن‌نام حسین است فقط
عطر گلهای حسین است گلستان‌حسن

حسن یا مولا! حسن یا مولا!...


ــــــــــــــ
#روضه_امام_حسن_علیه_السلام
#کربلایی_محمدحسین_پویانفر
#ویژه_ایام_صفر

@naghmehaye_gham

‍ نوحه_امام_حسن_مجتبی

ایچدی زهری     مجتبی  گویده ملکلر آغلادی
سسلدی ای وای ننه ،   معناده    مادر آغلادی
         گل باجی جان ورورم
         جانی   قربان ورورم
--------------------------
گوردی قلبی اود دوتوب یوخ حالی صحبت ایلیه
گلدی باش اوسته باجی قارداشه   خدمت ایلیه
قاسمه عرض ائتدی قارداشیم محبت        ایلیه
درد و دل باشلاندی قارداشیله خواهر آغلادی

لبلری بیر پارچاقان اولدوز کیمی اخمیش گوزی
عالمین قلبین   الولاندیردی    ناگه    غم کوزی
سسلدی حیف اولسون ای باجی ننم یوخدی ئوزی
بو سوزی زینب اشیتدی اولدی مضطر  آغلادی


محرمیم ئوز منزلیمده اولدی     نامحرم باجی
قارداشیم عباسی گورم دوره ائتمیش غم باجی
اولسا ممکن قویمون یاتسین قرا پرچم   باجی
بو گلستانه اسوبدی     باد صرصر     آغلادی

غیرتیندن گوزلری  دوتموشدی قان عباسیمون
اللری داغ تک دایاق اولدی هر آن   عباسیمون
جان سنون قارداش حسینیم بیرده جان عباسیمون
بو وصیت داغلیوب دل     پور       حیدر آغلادی

جان دوداقه گلمیشی تا رخصت السین گتمگه
وئر خبر اهل    صلاته     جامه ی  غم گیمگه
ای "خدایی" قاره گی تا عشقیوی  بیلدیرمگه
گوزلرین یومدی حسن  عشق اهلی یکسر اغلادی

@naghmehaye_gham

‍ امام حسن مجتبی (ع )


شاعر: حاج محمد متقی تبریزی



آچ گوزلرون آماندی ای باغریقان حسن جان
وار لبلرونده قارداش قاندان نشان حسن جان

جانم حسن حسن جان(۳)

کیم نصف شبده سویله سالدی باشون بلایه
کیم زهرکین ویروبدی عزیز مصطفایه
باشون اوسته گلوبدی زینب باجون بلایه
اچ گوزلرون دانیشدیر زینبه جان حسن جان



ئولسون باجون نه حالدی جگرلرون دوغرانموش
تر بوریوب النیوی بو حاله قلبیم یانموش
قرمز گلون رنگینه گل صورتون بویانموش
سس ویر سسیمه قارداش قلبی شان شان حسن جان




ای فاطمه نشانی رنگون ندن سولوبدی
دوداقلارون قرآن تک آیه آیه اولوبدی
دیندیر زینبی بیرده قلبیم غملی دولوبدی
باشون اوسته ایلورم اه وافغان حسن جان



باخدوقجا حال زاره مجمر غمده یانام
قارداش غمی چتیندی غم غصیه دایانام
دیندیرمسون زینبی اشگ چشمه بویانام
آناسیز قیزام قارداش یاتما اویان حسن جان




دیندیر اوغلون قاسمی سنون تک سولموش یوزی
گوگلون آل اماندی باخ دولموش اشکیله گوزی
ایوای بابام اولوبدی ورد زباندور سوزی
یتیم ایتمه بو طفلی روح وروان حسن جان



ای کوچه ده زهرانی گورن سیلی دگنده
سویله قارداش نیلدون آغیر سیلی اننده
منزله گلدوز یاندیم گل صورتین گورنده
ثانی نه اوسته ووردی ایله بیان حسن جان



دردی وار"متقینون"یوخ چاره سی آی قارداش
ئورکده واردی عمده دل یاره سی ای قارداس
منیم کیمی وار باشدا باش قاره سی آی قارداش
زهرایه خاطر ایله درده درمان حسن جان


#حضرت_امام_حسن     

@naghmehaye_gham

‍ •این حسن کیست که عالم..
#سینه_زنی و توسل به کریم اهل بیت امام حسن مجتبی علیه السلام اجرا شده شب ۲۲ محرم ۱۴۰۱


همه عزت دنیای حسین است حسن
به خداوند مسیحای حسین است حسن

بی حسن سوی حسینش بروی باخته ای
جان من! صاحب امضای حسین است حسن

این حسن کیست که عالم همه دیوانه ی اوست
برترین اسم‌ به لبهای حسین است حسن

هرکسی گفت حسین، از برکات حسن است
تا ابد پرچم بالای حسین است حسن

بنویسید که آقای جهان است حسین
بنویسید که آقای حسین است حسن

زیر قبه همه گفتیم الهی به حسن
باب حاجات گداهای حسین است حسن

همه در کرببلایند حسین رفته بقیع
چه عجب؟! جنت اعلای حسین است حسن

او علی اکبر اگر داد حسن قاسم داد
در بلا هم شده هم پای حسین است حسن


#روضه_امام_حسن_علیه_السلام
#کربلایی_حسین_طاهری
#ویژه_ایام_صفر

@naghmehaye_gham

‍ ‍ #سینه_زنی_باسبک
زبانحال امام حسن علیهم السلام

نوحه و➖زنجیر
➖➖➖➖➖➖➖➖➖➖
یاندی لبلریم زهرگینه دن

باغریم اولدی قان زینبم اویان

سسله داده گلسون حسینمی

یوخدی دای امان زینبیم اویان
لبلریم اولوب قان    قارداشون وئرورجان
لخته لخته قاندورجگرلریم
یوخدی طاقتیم سسلورم سنی
سولدی مجتبانون بودهریده
ظلم الیله یثربده گلشنی  سلب اولوب توانیم دورانمورام
زهرکین داخی ئلودورورمنی

نورعینیمه وئراوزن خبر یاندیم الامان زینبیم اویان

وئرخبر جوانان هاشمه باشم اوسته گلسون زینبیم

باشیم اوسته گلسونله زینبیم

طشتیده قزل قانیمی منیم

بومکانداگورسوئله زینبیم   نعشیم اوسته ایوای دیوب منه

گوزدن اشک توکسوئله زینبیم  بیرده  

وئرخبرقاسمیم گلوب ایلسون فغان زینبم  اویان

➖➖➖➖➖➖➖➖➖تاپشوروم اونی من حسینمه  باشی اوسته غم سایه سالماسین
دردومحنت ایامیده اونون  صبرطاقتین الدن الماسین 
وای اتام دیوب ناله ایلیوب  اللری اورگینده قالماسیون  

یاتمانازیله قارداشوئولور
اودلاریاتان زینبیم اویان

لحظه های اخرده تاپشورم اهل عیالیم آوره قالماسین
قاسمیم فدادورحسینیمه

غصه لراونون صبرین الماسین
کربلا مناسبتینده اکبریندن اونی ایرسالماسین

فاطمه اوغول وای دیین زمان باغرقان اولان زینبم اویان

➖➖➖➖➖➖➖➖➖
سسله یاسمه فاطمه انام  گلسون   ایندی لایلای دیسون منه     یاندی لبلریم دوغرانوب جگر         وای دیسون اوغول وای دیسون منه   جعدنین جفاسین نشان وئرم  
باشیم اوسته دیون منه
سنده قارداشیم وای دنن ائله     گوزیاشون روان زینبم اویان  


باغریم اولدی قان زینبم اویان 
باغریم اولدی قان زینبم اویان

شهادت کریم اهلبیت تسلیت

مداحی استادطالبی

@naghmehaye_gham

‍ شهادت پیامبر اسلام صلی الله علیه و آله و امام حسن مجتبی علیه السلام


مرحوم دلریش

اهلِ جهان آغلار بو گون، ای سیدِ عالم سنه
ماتم دوتوبلار شوریلن، هم مجتبایه، هم سنه

بو بی‌وفا امت سنه، ائتدیله هر جور و جفا
دوزدون رهِ جانانیده، جمله بلایه بر ملا
قویدون امانه عتر‌تون، قویمادیلار یا مصطفی
سند‌ن سورا اعزازیلن، دوتسونلا بیر ماتم سنه

هر حرمتی بو امته، ائتمیشدین ائتدیلر عوض
دفن اولمامیش جسمون قاپون، یاندیردیلار اهلِ غرض
هر ظلم گلسه خاطره، ائتدیله اول گون الغرض
تا وار نفس قان آغلاریق، هر لحظه و هر دم سنه

جورِ عدود‌ن عتر‌تون، اولمادی راحت بیر زمان
اولدو شهید اوغلون حسن، زهریله ای شاهِ جهان
دوتماز دیلیم تقریر ائد‌م، وئردی او شه نه نوعی جان
اولادیوه نه نوعی غم، یِتدی یِتیب اول غم سنه

سندهن سورا بیر اوغلووی، زهریله مسموم ائتدیلر
تا حشر اولونجا شیعه‌نی، محزون و مغموم ائتدیلر
اما حسینی کوفیان، بیر نوع مظلوم ائتدیلر
واضحدی حالی اول شهین، ای سیدِ اکرم سنه

آلدیلا الدهن بیر به بیر، مجموع یار و یاو‌رین
ائتدیله غلطان قانینه، ناکام علی و اکبرین
گونلر او گونده قویدولار، آخر یارالی پیکرین
اولدی حسینین بو غمی، بیر محنتِ اعظم سنه

جانلار بلالی باشیوون، اولسون فداسی یا حسین
وار باشدا هانسی عاشقین، سن تک بلاسی یا حسین
دوشدوقجا یاده خولی و شمرین جفاسی یا حسین
شام و سحر بیز آغلاریق، گوزلرده قان یاشلا سنه

مداح استاد طالبی

@naghmehaye_gham