Postagens do Canal ناصر منصور منقره .

يا ناصر يوصلك لخلايا النحل ضربه
يدلك على الماء لا انقطع. جرة الظامي
لو انك بغيت تعلم الخبل في دربه
يقول انت قصدك تمسك الدرب قدامي
لو أن الغريب يمل من ساعة الغربه
ما يبحث عن الارزاق فالشرق والشامي
راع السيف يضرب به ونوبات ينحربه
ترى الدم الاحمر عطر للمخلب الدامي
ليا انك لقيت العطر الاصلي تعطر به
وخل الخبل تكشفه غرات الايامي
ياكم من قريبٍ يلهد الناس في قربه
ياكم من بعيد منطقه طب الاوهامي

{حسن عبيد السرحاني}

دعاني حسن. وانا علي فاقة الطربه
وانا ضَدتي مني ولاهي من اخصامي
أشوفه كما غيثٍ تهامل على تربه
تقاصَر نداها وأيّس العرق بالنامي
اليا صار (نصح الود) ذنبٍ تجاهربه
فانا زاهدٍ لا بان خيط الوزا صامي
ليا شحّ ماي ألقى صعيد اتعفّر به
قبل لا يجي للعود (ميبس وصرّامي)
تبين العضود الصامله ساعة الكربه
وعليها يبين الوصل من قطع الارحامي
يطول الكلام وبلغته كلمةٍ ذربه
تكرَّب عليها الجلد كالميسم الحامي
لا طال الرسن خطر المطيه تعثر به
ياليت المطيه مالها قوم واعلامي

ناصر منقره.

السلام عليكم ورحمة الله وبركاته.
اللي طلب المقطع موجود مسبقاً. ❤️

يقوول:

أول ليا شفنا المنـــــــازل نميّل.
واليــوم لا شفنا البيوت نتعدّا
من عقب مقعاد الشبب والمهيَّل.
دمّ الحشيمه ضاع من غير مدّا
مكالنا بالطيـــب. مــــاهو قليّل.
لاهو بـ لا صــــاعٍ ولا هو بـ مدّا
إلا يظيـــم الكيل. واللي يكيّل.
لا صـــار لافعال الرجاجيل عدّا
عند الرضى غيــــثٍ يسر المخيّل.
وعند الزعل سيــــلٍ بعيد المَرَدّا
عزي لمــن ضراه. كســـر الغزيّل.
وصمتٍ يحسب انه هوانٍ وصدّا
وان كان ما جيـــنا على ما تخيَّل!!.
ما كن له بين المعاليـــــق سَدّا
الوادي اللي لابرق البرق سيّل.
وحدّر حطامه من علوّه وودّا
لا ممرّح بسيــله. ولاني مقيّـل.
ولا قاطعٍ سيـــله يليــــن يتعدّا
تبعد نهايانا على مـــــن تحيَّل.
وراع الحِيَل لا يلبس ثيــاب ودّا
بعض العرب عند الزعل تقل عيّل.
يبغا الردى. ولا نعرف نتردّى✋🏻

ناصر منقره

للشاعر / عيد بن قيضي الوابصي البلوي.

أما انته اطنخ ليا شفت الرجال طنخوا
والا إلزم الصمت لا تفتح للاسباب باب
لا تبلش الناس وتقول آنا أبو وآنا أخوا
لا صار ما معك عين تشوف (عين الصواب)
أهل النواميس عن سقط المتاع شمخوا
وتباعة القافلة. يسفي عليها التراب
(المستريحين)! سووا وذبحوا وصلخوا
و (اهل المشقة) تولّم للدروب الركاب
اللي حزامه كلامه فاشهد انه رخو
وهذا يهوشونه العراف مثل الذباب

ناصر منقره