الممرض الجامعي مثنى ابراهيم

معلومه ع الطاير 🙄

🔹️prednisone
هو دواء ستيرويد غير نشط يحتاج تنشيط من الكبد ويتحول إلى prednisolone

🔻prednisolone
هو دواء نشط لايحتاج تنشيط بواسطه الكبد

منو الي نستخدمه في حالة أمراض الكبد 🤔
==Prednisolone 😎

شلون تحفظونه لازم نسهللكم 😂😊🤨

الكبد مو اسمه liver ؟
ويبدي بحرف L
ف ببساطه ابو L الي هو prednisolone يستخدم في حالة أمراض الكبد

#ESR
✴️شنو هو ال
erythrocytes sedimentation rate

اختبار لسرعه ترسب كريات الدم الحمر ياخذون عينه من الدم 💉وبالتيوب مانع تخثر وخلال ساعه 🕛يقيسون معدل الترسيب بالملميتر

✴️شنو فائدته؟ليش دنسوي؟
هو مبدأ هذا الاختبار يعتمد على انو الالتهابات تغير بروتينات الموجوده بكريات الدم الحمر 🔴وتزيد كثافتهه وبالتالي تترسب اسرع فهو اشاره من الجسم على وجود التهاب بصوره عامه

✴️النسب الطبيعه🤷🏻‍♀️
للرجال من ١٠لحد ١٦
النساء لحد٢٠
طبعا النسب تختلف باختلاف المصادر

👈🏻الارتفاع يشير الى
التهابات ممكن باللوزتين ،مجاري بوليه الامعاء
الاورام
الحمل والدوره الشهريه يرتفع بيهن
امراض الدم
الروماتيزم(حته الكبار بالعمر يسمو تحليل مال مفاصل)
فقر الدم الحاد وسرطان الدم
السل الرئوي
الكسور

👈🏻القله ممكن تشير الى👀
فقر الدم المنجلي واي اختلاف بشكل الكريات
زياده الدم💉
قصور القلب💓
الحساسيه
حديثي الولاده👼🏻
امراض الكبد والكلى الي تقلل بروتينات الدم
زياده الهيموكلوبين🔴🔴

معلومة:المرارة
منتبهين للناس الي عدهم حصى بالمرارة او الي يسوون عملية يشيلون المرارة
هية بسبب الحصى الي بيها
ليش يضطرون يستئصلوها ؟

لان حصى المرارة ما تتفتت
مو مثل حصى الكلى ولازم تدخل جراحي وتستأصل
ويكدر الانسان يكمل حياتة بصورة جدا طبيعية مجرد يلتزم بعلاج الدهون ويبتعد عن الطعام الدهني

🔹عدنا ٣ مصطلحات تخص ضيق النفس
ضروري نفرق بينهن :

📌اول مصطلح هو Dyspnea وهذا المصطلح معنى انو حيصير ضيق النفس SOB لمن تبذل جهد تسوي Exertion او حتى خلال الراحة الـ Rest.


📌 ثاني مصطلح هو الـ Paroxysmal nocturnal dyspnea وهذا المصطلح معنى انو حيصير ضيق النفس SOB بالليل.

📌 ثالث مصطلح هو الـ Orthopnea وهذا المصطلح معنى انو حيصير ضيق النفس SOB
من يستلقي بشكل افقي (يعني When lying down).

💛شنو الفرق بين الكريم والمرهم ⁉️

⬅️الجواب 👈

💜الكريم cream يحتوي على نسبة متساوية من الماي والدهون نص بنص ، هاي الخاصية راح تخففه و تخليه سريع الامتصاص بالجلد وسهل التوزيع على مناطق الجلد ، فيستعملونه للحالات النريده ياخذ مفعوله بصورة اسرع كذلك يفيد بالبشرة الدهنية لانه يخلي الجلد جاف بوقت قصير ✔️

🩵 المرهم ointment فنسبة الدهون بيه اعلى ٨٠٪‏ بينما الماي ٢٠٪‏ فراح يكون امتصاص الجسم اله ابطأ ، ويفيدنا بالحالات الي نحتاج بيها ان يدوم مفعوله اطول مثل الشغلات الجلدية المزمنة ويفيد بالبشرة الجافة لانه غني بالدهون والدسومة ✔️

لسهولة الحفظ
حفظوها هيجي
Oint=Oil
مرهم= دهني اكثر
صارت سهلة 😁

#المحاليل_الوريدية
#محلول_رنكر_لاكتيت

السلام عليكم
محتاج احد يداوم بغداد ب مدينة الطب
عندي استفسار بسيط

عندما يصل الضغط الى اقل من 140
لا يسمى إرتفاع ضغط دم بل يسمى Pre-hypertension

ويعني ضغط قريب للمُرتفع وليس مرتفع

يعني اذا ضغطك 130 فعادي ماكو أشكال والحل فقط تنظم أكلك وتنزل وزنك وتمارس رياضة خفيفة 🏃🏃‍♀️

ودمتم بصحة وعافية 🤝🫀

اذا صار عندك التهاب كبد فيروسي نوع C او B شنو رح يصير عندك 😐
راح يسبب Hepatocyte destruction (يعني خلايا الكبد راح تتضرر وسبب هالشي هو انو الفايروس جاي يتضاعف ويحاول ينتشر 👹)،

💥 هالشي ممكن يؤدي الى Liver cirrhosis (يعني يصير عندك تليف بالكبد بسبب التهاب الكبد الفيروسي).

اكو شكلين للابرة النيدل بالعمليات

علامة الدائرة (⚫️) round
نسمي راوند او النيدل الأمن
الاستخدام مالته دائما داخلي
يعني مثلا تثبيت شبكة او خياطة نسيج او عضلة او خياطة عضو ننتبه يكون الخيط موجود علي هاي العلامة ب مختلف أحجام الخيط

علامة المثلث 🔺️ cutting
نسمي كتنك او النيدل الحاد
الاستخدام خارجي
مثلا الخياط الخارجي ب انواعة او لتثبيت الدرينات

#قصة
اليوم جانت جاية مريضة عدها عملية استئصال مرارة ف اول ما تمددت ع الميز كالت الي بس لا تخلون كانيولا او كف الضغط ب ايدي اليمنى لان مسوية عملية استئصال ثدي بهاي الجهة ف مباشرة بلغت كادر التخدير بهالشي زين ليش ميصير ؟

الجواب ➡️
من نستأصل الثدي 😕 رح يتم استئصال العقد اللمفاوية الموجوده تحت الابط
ليش ❗️ لان نخاف لا يصير فلترة للخلايا السرطانية بهاي العقد اللمفاوية ف تنتشر الخلايا السرطانية لجهاز الدوران واللمفي وبعدين تروح تتوزع الخلايا السرطانية ب اجزاء الجسم المختلفة ❎

ولان نحنا نعرف انه العقد اللمفية هو تصرف السوائل بالجسم و تخليص الجسم من الفضلات ونواتج الايض لذلك استئصال العقد اللمفاوية يؤدي الى تجمع السائل اللمفي في يد المريض
في جهة استئصال العقد اللمفاوية

هذا السائل المتجمع يؤدي الى حدوث ما يعرف ب hemodilution
يعني زيادة نسبة البلازما قياساً لنسبة خلايا الدم ومكونات الدم الاخرى لذلك سحب الدم من هذه اليد
تعطي قيم نتائج غير صحيحة لتحاليل الدم
كذلك نجنب قياس ضغط الدم لنفس السبب ⚠️

#C.S.F
Cerebrospinal fluid السائل النخاعي الشوكي

يعتبر سائل النخاع الشوكي CSF سائل معقم مثل الدم C.S.F : sterile fluid
لا لون له ولا رائحة
Clear : cololess , odorless
.
يبلغ حجمه في الانسان البالغ مابين
90-150 مل
وفي المواليد الجدد والأطفال مابين
10-60 مل
يكون تركيز السكر في CSF حوالي 60%-80% من تركيزه بالدم أي حوالي ثلثي تركيز السكر في الدم والتي تساوي في العادة : mg/dl 45-85

اما نسبة البروتين فيه فتتراوح بين
15-45mg

ويكون ال CSF في العادة خالي من كريات الدم البيضاء وقد يحتوي احيانا في الوضع الطبيعي على حوالي
1-6 كريات لمفاوية lymphocytes لكل مل واحد من السائل

ماهي فوائد ال C.S.F

1- يعمل بالتعاون مع اغشية السحايا meninges
على وقاية الجهاز العصبي المركزي من الصدمات والاحتكاك مع عظام الجمجمة والعمود الفقري Shock absorber

2- كذلك يعمل سائل (CSF) على ايصال العناصر الغذائية الى انسجة الجهاز المركزي ويخلصها من الفضلات

#استلام_تسليم

من المصادر الرائعة التي تخص تفاصيل إعطاء و جرع الحقن الوريدية و العضلية في الأطفال 📖

ك مصادر علمية تمريضية مرتبة وتفيد الممرض الي يريد يطور نفسة

📌 Nursing skills and procedures
خاص بالبروسيجرات التمريضية
📌 Nursing drugs guide
خاص بالأدوية التمريضية
📌  injectible drug guide
خاص ب تخفيف العلاجات وطرق اعطاءها و ويا اي مغذي ترهم
📌Brunner  Suddarths Textbook of Medical-surgical Nursing
كتاب التـمريـض الباطني الجراحي

📌Nurse’s Quick Check Diseases
هذا الكتاب فد شي بالامراض يخبل

https://t.me/muthanna8ibrahim

بسم الله الرحمن الرحيم
السلام عليكم ورحمةُ الله وبركاته

نرجو منكم ملء الاستمارة المتعلقة بمعرفة الممرضين حول الاعتلال الدماغي الكبدي "Hepatic Encephalopathy"

•يستهدف هذا البحث الكوادر التمريضية
• إن مساهمتكم في هذا البحث العلمي ستُسهم بشكل كبير في نشر الوعي والاكتشاف المبكر لهذا المرض ولأن المُمرض هو الذي يكون بتماس كامل مع المريض فنحنو نسعىٰ دائماً لجعله مُطلعاً على أكثر الامراض وأخر تطورات المجال الطبي نشكر وقتكم وجهدكم


الرجاء ملء الاستمارة عبر الرابط ادناه 👇
https://forms.gle/czppz5fQB8tv7B9V9


مع خالص الشكر والتقدير لجهودكم ووقتكـم.
الباحثون
كلية التمريض- جامعة الكوفة

مستحيل تتغلب عليك الامتحانات
وتعجزك شوية صفحات
مستحيل يكسرك صعوبة المنهج أو شوية حجي سلبي من الناس الي حولك
مهما تعبت لاتفكر أنك تغش أو تنسحب أو حتى تنهزم
أنت أقوى من هيج
عندك إراده واصرار ع النجاح وتحقق طموحاتك وأحلامك
مو معقولة تتخلى عنها
حاول تتجاوز كل حاجة توكف بطريقك تجاوزها وأتبع الطريق الصح اللي يوصلك لمبتغاك
إياك ثم إياك أن تنهزم
وتضعف وتتركها تتغلب عليك
تذكر كم من حزن ويأس واختبار وتعثر تجاوزتها بحياتك ف اكيد تكدر وتتجاوز هالفترة بعون الله ويجي يوم وتكون كلش فخور بنفسك وتجيب أعلى درجات النجاح ماكو شي يجي بدون تعب تريد تنجح لازم تدرس وتتعب تريد تتفوق وتوصل لازم تدرس وتتعب تريد تكون فد شي مميز والك اسمك وثقلك لازم تدرس وتتعب وبالنهاية راح يروح تعب الدرس ويهون وتبقى النتيجة والإنجاز

الله يوفقـكم بكل خطـوة 🤍

احفظوها يمكم كلش مهمه
اوزان الاطفال و فاكترات الانتيبايتك ✅

اي انتيبايتك تريد تصرفه تسال عن العمر وتطلع الوزن منا و تاخذ الفاكتر منا و تروح ع شراب ماتك الي تريد تصرفه و تحسب بيدك او بمد سكيب

كل الي عليك تحفظ كم مرة و لمدة شكد وقبل او بعد الاكل و تسال ع حساسية البنسلين وهاهيه ✅

#جرع

📍red man syndrome
احد الاعراض الجانبية للفنكومايسين


🟣Red man syndrome
متلازمة الرجل الأحمر هي رد فعل سلبي ناتج
عن التسريب الوريدي السريع للمضاد الحيوي الفانكومايسين

✅يكون العلاج بتقليل سرعه الدواء واعطاءه في محلول خلال ساعه او اثنين slow rate
او ايقاف الدواء بسبب Red man syndrome

⬅️تعالج بإيقاف تسريب الفانكومايسين فور ظهور المتلازمة وتعطي جرعة من المضادات الهستامينية وعندما تتطور لانخفاض في ضغط الدم يعطى سوائل وريدية او كورتيكوستروئيدات

🔸 من تكون قلق من شغله أو عمليه تعملها او امتحان او اي شغله تخوفك

وبعدين تعدي بسهوله : لا تكول اني انطيت الموضوع اكبر من حجمه !!

احدهم يقول : ينزل الأمر بالعبد ..
فيدعو ربه .. فيصرفه عنه .. فياتيه الشيطان ليضعف شكره فيقول له : أن الأمر كان ايسر مما ظننت .. فينسيه فضل الله

عمرها لم تكن بشطارتك ..
هي بستر ربنا وفضله توفيقه وبس 🩵

📍احد المتابعين بردهة العناية المركزة
يسأل ع دواء الفانكومايسين شلون رح انطي للمريض امشي مباشر لو بالمغذي وبيا مغذي يرهم⁉️

🩵 إذا جانت الجرعه 500 mg تنحل ب 10 cc ماء مقطر
💙 واذا جانت 1g تنحل ب 20 سيسي ماء مقطر

⬅️ويعطى وريدي مخفف ب 250 سيسي من المغذي خلال وقت ساعتين
نجنب ننطي وريدي مباشر وبسرعه ليش ؟
لان الاعطاء الوريدي السريع للفانكومايسين
ممكن يسبب متلازمه الرجل الأحمر red man syndrome

زين بيا مغذي يرهم اخلي ⬇️
يرهم تخلي بنورمال سلاين وكلوكوز وتر
والرنكر لاكتيت
NaCl 0.9%, Gluc 5%, Hartmann's (all including added KCI)

زين حليت العلاج لشكد اكدر ابقي يلا امشي للمريض ؟
نفس المصدر يكول انه عادي تبقي مده ٢٤ ساعة بدرجة حرارة ( 2_8) c

هم سامعين ب ال stoma ؟

اي مريض يصير عنده فد ثقب او جرح  ب الامعاء bowel rupture or perforation due to trauma بسبب حادث مثلا رصاصة فايته ببطنه و طالعه من ظهره او من صفحته
او عنده مثلا ورم بالقولون
هنا يحتاج تسوي فتحة خارجية هاي الفتحة
هي ال stoma ⬅️عبارة عن فتحة اصطناعية نسويها بالامعاء نطلعا للخارج
علمود ندلفر يعني نطلع تكرمون الخروج والغازات والمخاط كلة للخارج
زين ليش ما نفتح الامعاء ونخيطها بدون هاي الفتحة ☝️
لان الامعاء تعتبر بؤرة للعدوى ورح يتأخر التئام الجرح ف بالتالي مترهم لازم نسوي stoma بين ما تتماثل الامعاء للشفاء

بالعادة تكون على ال جدار البطن الامامي anterior abdominal wall ،
بمكان يسهل على المريض تنظيفها و التعامل وياها
ممكن تكون من الامعاء الغليضه تسمى ⤵️
colostomy

وممكن تكون من الأمعاء الصغيره تسمى ⤵️ lleostomy

ممكن تكون دائمية يعني تبقى مدى الحياة ⤵️
permanent
وممكن تكون مؤقته مثلا لمدة ٦ اشهر او سنة ⤵️
temporary
كل هاي الأمور يحددها الطبيب الجراح حسب السبب وحسب حالة المريض وحالة الامعاء