Moneer's Blog @moneeraldakkak Channel on Telegram

Moneer's Blog

03 Nov, 16:20

أفضل طريقة لمشاركة شاشة موبايلك عالكمبيوتر

بإحدى السناريوهات كنت بحاجة اني اتحكم بكاميرا موبايلي من اللابتوب، أكيد كلنا منعرف الطرق الشهيرة لعمل هاد الشي متل تطبيق AnyDesk
بس هي التطبيقات فيها مشكلة انها بتتم عبر الانترنت أو الوايفاي، وهاد الشي بيخلي في Delay أو تأخير كبير بين يلي عم تلتقطو الكاميرا ويلي عم تشوفو انت عالشاشة.

لهيك الحل الأفضل بيكون عن طريق اتصال سلكي بين الموبايل واللابتوب بيخلي نقل الصورة أسرع ما يمكن، والبرنامج يلي جايبلكن ياه اليوم بيعمل هالشي بالزبط!

كيف تستعمل البرنامج 👇🏻
1. حمل البرنامج من غيتهاب على كمبيوترك وفك الضغط
2. فعل USB Debugging من وضع المطور على موبايلك
3. وصل الموبايل باللابتوب عن طريق USB
4. شغل البرنامج (scrcpy.exe)

رابط الريبو على غيتهاب 👇🏻
https://github.com/Genymobile/scrcpy

331

Moneer's Blog

01 Nov, 18:04

بتعرف ليش بالشركات بسوريا ما منستعمل github ومنستعمل بدالو gitlab أو موقع بديل تاني؟

بسوريا محظور عنا github جزئياً، يعني في ميزات معينة ما بتشتغل ومنها ال Private Repo
هاد الشي معناه انو ما فيك تعمل مشروع عليه الا public وبيكون الكود مفتوح للعامة وبالتالي غير مناسب للأعمال.

أما إذا كنت طالب أو عم تشتغل على مشاريع مفتوحة المصدر فمو كتير رح يفرق معك.

حابب تعرف أكتر عن ال git وال github؟

419