❤ملتقى طلاب الطب❤ (السودان)

Live stream finished (55 minutes)

بدينا يا شباب 💙💙💙🔥🔥🔥🔥🔥🔥🔥🔥🔥


لو عندكم اي سؤال ممكن تخلوه هنا 👇

Live stream started

تبقت عشرة دقائق فقط من محاضرتنا خليكم جاهزين 💙💙💙💙🔥🔥🔥

🌟✨ ترقبوا معنا محاضرة علمية مميزة يقدمها ملتقى طلاب الطب - السودان ✨🌟

يسر ملتقى طلاب الطب - السودان دعوتكم لحضور محاضرة تلقيها ابتهال صديق عبد الله حبيب، خريجة كلية الطب جامعة سنار وعضو في المكتب الأكاديمي للملتقى. 🌍👩‍⚕️

🔬 عنوان المحاضرة: Typhoid fever
📅 اليوم: الأحد
⏰ الساعة: 06:30 مساءً

فرصة رائعة لتعميق المعرفة حول حمى التايفويد، نتطلع لرؤيتكم جميعًا والانضمام إلى هذه الفعالية المفيدة والمثيرة! لا تفوتوا هذا الحدث!

#ملتقى_طلاب_الطب_السودان
#المكتب_الأكاديمي
#المكتب_الإعلامي

“نحنا ما خلقنا لنهزم، وما خُلق الوصول إلا لنا” 💙

بكل فخر واعتزاز، نهنئ زينب أسامة الشريف المدير التنفيذي لملتقى طلاب الطب السودان على اختيارها كمنسق إقليمي لشمال إفريقيا في اتحاد جمعيات طلاب الطب الإفريقية FAMSA.

زينب لم تكن مجرد طالبة طب عادية، بل آمنت منذ صغرها أنها قادرة على صنع بصمة وأثر عالمي، سواء في مجال الطب، التدريب أو البحث العلمي. سنوات من الاجتهاد، السعي المستمر، وحب الخير أوصلتها إلى هذا الإنجاز العظيم.

بدأت مشوارها كمدير لمكتب بناء القدرات والتدريب في الجمعية الطبية الطلابية بجامعة البطانة، ثم انتُخبت لاحقًا رئيسًا للجمعية، وصعدت لتصبح Facilitator of Public Health على مستوى السودان. واليوم، تُختتم مسيرتها لهذا العام بهذا الإنجاز الاستثنائي، لتكون صوت طلاب شمال إفريقيا وممثلتهم على المستوى القاري.

هذا ليس نجاحًا شخصيًا فقط، بل فخر لجامعتها، للسودان، ولكل شاب مؤمن بقدراته رغم كل التحديات.

“نحنا شباب ما بتوقفنا ظروف حرب، لا كلام الناس، ولا حتى لحظات الفشل”.
هذا الإنجاز رسالة أمل لكل من يسعى رغم الصعوبات.

“Finally, this is Dr. Zainab Osama, Regional Coordinator of Northern Africa in Federation of African Medical Student’s Association.”

#ملتقى_طلاب_الطب_السودان
#المكتب_الإعلامي

Live stream finished (1 hour)

بدينا يا شباب 💙💙💙💙💙💙💙🔥💙🔥💙🔥💙🔥💙💙🔥💙🔥💙

Live stream started

Live stream scheduled for Nov 24 at 18:00

تبقت عشرون دقيقة فقط على محاضرتنا خليكم قراب📌📌 💙💙🔥🔥🔥🔥🔥🔥🔥

ما تفوتوا الفرصة!

📢 محاضرة عن: Tetanus
منتدى طلاب الطب في السودان جايب ليكم محاضرة نار ما بتتفوت مع:
الدكتورة المبدعة مآب عصام الدين

تفاصيل عن د. مآب:
• طبيب من كلية الطب – جامعة الشيخ عبدالله البدري.
• مؤسس قروب طبي.
• عضو ناشط في منظمات طبية.
• ليهو بصمة واضحة في العمل التطوعي.
• مشرف مكتب حقوق الإنسان والسلام في الجمعية الطبية EBMSA.

وين و متين؟
📅 اليوم الأحد 24/11/2024
⏰ الساعة 8:00 مساءً

احضرو واستفيدوا، ما بتندموا!
📲 تابعونا على منصاتنا للمزيد من التفاصيل.

#ملتقى_طلاب_الطب_السودان
#المكتب_الأكاديمي
#المكتب_الإعلامي

يعني شنو motor pathways?
المسارات الحركية او الشوارع الحركية دى يا شباب هي الشوارع البتمشي لينا بيها الإشارات العصبية ؛يعني؟ دى البتتحكم لينا في الحركات الارادية واللارادية للعضلات تمام؟!
Motor pathways are!؟
the routes that carry signals from the brain to the muscles, allowing for movement. These pathways are essential for controlling both voluntary and involuntary actions.

انواعها شنو!
1. Types of Motor Pathways:قال ليك عندنا نوعين النوع الاول اسمو المسار الهرمى والتانى غير الهرمى
طيب الفرق بينهم شنو؟
قال لي يا دكتور الهرمى دا بنقل ليك الإشارة دى من فووووق من السِت thalamus وتوصلها لينا للحبل الشوكي spinal cord ودى مسؤولة عن اى حركة ارادية بتعملها ...وقعت؟
- Pyramidal Pathways: Transmit signals from the motor cortex in the brain to the spinal cord, responsible for voluntary movements.
أما التانى اللى هو غير الهرمى دا يا شباب بشمل لينا اي شارع تانى ما جاي من السنتر بتاعتنا يعنى اي مسار ما جاي من الدماغ بنعتبرو غير هرمى وديل بكون مسؤوليتهم انو ينسقو الشغل بتاع العضلات وغيره وانه ينشئو توزان في الجسم!
- Extrapyramidal Pathways: Include pathways from other brain regions, such as the basal ganglia and cerebellum, which help coordinate and regulate movement.
عرفنا المسار الحركى دا شنو وعرفنا النوعين بتاعاتو طيب هو زاتو بتكون من شنو؟ ارحكم نشوف!🔥
2. Components:
- Motor Neurons:اول حاجة بتكون لينا من خلايا عصبية حركية بتنقل الإشارات للعضلات وركز لمن اقول ليك ل وما اقول من عشان حررف زى دا بفرق في المعنى ! لانو لمن اقول ليك نقل إشارة من العضلة للدماغ دا sensory ولمن اقول ليك العكس ف دا Motor تمام يا صحبي؟ Carry signals to muscles Noooooooot from Muscle Ok?!
تانى مكون عندنا هو الحبل الشوكي ودا بشتغل لينا زى واسطة كدا ولا سكرتير للدماغ الخلية تناولو الإشارة وهو يدخلها للدماغ
- Spinal Cord: Acts as a conduit for signals from the brain to the muscles.
بعداك عندنا اهم مكون وهو العضلة نفسها ودى اللى بتتعمل فيها النتيجة النهائية الحيرسلها الدماغ حيدى إشارة عاملها ب الnuron موصلنها ب spinal cord تنفذها الmuscel تنقبض او تنبسط وتعنل لينا الحركة المطلوبة منها
- Muscles: Respond to nerve signals by contracting, enabling movement.
كدا كويسين يا شباب؟
طيب الmotor pathwaysدى مهمتها شنو؟! وظيفتها شنو في الحياة دى
قال لى انو الشوارع دى وظيفتها التحكم في الحركات الارادية واللارادية
3. **Function
- Voluntary Movements: Such as walking or writing, require precise coordination between the brain and muscles.
- Involuntary Movements: Like reflexes, involve quick responses without direct brain involvement.

# Importance of Motorطيب اهمية المسارات دى شنو؟ Pathways:
لولا المسارات دى يا شباب لكان الواحد ما بتحرك ولا غيره لأنها بتساعد في ادائنا اليومي دا ولو حصل فيها اي مشاكل ف دا حيعمل لينا تشجنات او ضعف وأحياناً شلل
Motor pathways enable us to perform daily activities and interact with our environment. Any disruption in these pathways can lead to movement disorders, such as weakness or spasms.
ف الحمد لله على نعمه وقوم اتحرك وانجز ب المسارات الحركية حرك ابهامك وفتش البوست بتاع المسارات الحسية عسان تكون انجزت واستخدمت المسارين 🤭❤️

ان شاء الله كانت متابعة كويسة وقدرتو تهضمو المعلومات دى؟ ورونا في التعليقات اذا كان الملخص مُجدى ولا فيه اي انتقاد نصلحو
+ اسألو ياااخ الما فهم حاجة يسأل ونحلها🔥🔥

#ملتقى_طلاب_الطب_السودان
#المكتب_الأكاديمي_Nervous_System
#المكتب_الإعلامي

هيييي هاا ازيك؟ عارف بتشوف الشئ القدامك كيف؟ كان مرجع كان صحن شية بتشوفو كيف ولا بس بتخش في الموضوع طوالى؟ الخطوات لأنك تشوف صورة كاملة واضحة شنو؟ ما عارف؟ لا يؤلد المرء متعلماً اقرأ الكلام دا نوريك مكينزم الرؤية شنو!! تابع واعرف🔥
قبل ما نعرف دا لازم نعرف عضو الرؤية اللى هو العين مكون من شنو! Structure of the eye?

اول جزء ودى اسمها القُرنية ودى يخوانا شفافة عشان تكسر لينا اشعة الضوء ولاحظ انى قلت تكسر ما تعكس رأسك المعكوس دا ركز هاا! - Cornea: The transparent front part that refracts light.
وبعداك عندنا العدسة ودى مهمتها تجمع لينا اشعة الضوء المن جهات مختلفة دى وترسلها للشبكية عبر شافع المراسيل العصب البصري!
- Lens: Focuses light onto the retina.
الرتيناا دى ياها الشبكية ودى البوص البلم الإشعة الضوئية الجاتو. ب الشافع دا ( العصب البصري) وتحولو لاشاراات عصبية عشان تمش لافوووق🔥
- Retina: Contains photoreceptors (rods and cones) that convert light into neural signals.
معلوماية كدا هاا الشبكية بتتكون من جزئين عصي ومخاريط اي اي اي 🌚 عصي من عصاياات عصاياات اليخبتوكم بيها قومو اقرو 😂😂
يلا بعدا ارح نعرف حبة عن مكونات الشبكية دى
دي يخوانا بسموها المستقبلات الضوئية ودى زى ما اتفقنا عصايات ومخاريط
العصي دى حساسة للضوء الخاافت يعنى اقل ضوء بتتحسسه
اما المخاريط ف دى مسؤولة عن انها تتحسس الالوان والاضواء الساطعة والتفاصيل دى كلها!!
2. Photoreceptors:
- Rods: Sensitive to low light, responsible for night vision.
- Cones: Responsible for color vision and detail in bright light.

بعد دا العصب البصري (مرة كنت مزنوقة في الانوتمى بتاعت الhead and neck قلت ارفه وادخل فيس ف لقيت طلب صداقة من الoptic nerve شخصياً الحمد لله قلبي انقطع زيادة وقمت قريت خليت الترفيه دا زاتو من هنا عاوزة اسأل بتستفيدو شنو من نشر الرعب دا؟😂😭)
3. Optic Nerve: Transmits visual information from the retina to the brain.
المهم دا ياهو صانع الرعب دا وظيفتو انو يترسل ب الاشارات العصبية دى

يعني تابع معاى كدى عشان ما نطش
الخطوة الأولى الصورة القدامى بتدخل في صورة أشعة ضوئية عبر منو؟ عبر الشبكية الشفافة دى وبعدااااك! بتقوم عدسة العين تكسرها وتجمع الصورة دى وتحولها ل إشارات عصبية يدوها شافعنا دا في كيس وهو يجرى بيها للدماغ وقعت؟؟🏳️

4. Visual Pathway: The route taken by visual information from the eye to the visual cortex in the brain, where it is processed.
وصلنا الدماغ! CNS ثم ماذا بعد هذا؟
هنا الدماغ حيتصرف وتحديداً كدا مركز البصر اللى من واجب اي زول كمل البوست هسي يجرى يفتح كتاب ويعرف مكانو وين ويثبت المعلومة واذكر اجابتك في كومنت عشان نطبل ليك 😉❤️
بعداك الدماغ بترجم الإشارات دى ويرجع ليك responseب انك تشوف القدامك دا

5. Brain Processing: The brain interprets signals to creatimages, allowing for perception of depth, color, and movement.

ودا كلو يا مؤمن يا صديق في كِسر من الثانية!
عِظمُ الخلقِ عليه دلّ
سبّح بإسم الله الأعلى ❤️🌸

#ملتقى_طلاب_الطب_السودان
#المكتب_الأكاديمي_Nervous_System
#المكتب_الإعلامي

#introduction to sensation 💙
✏️ تعريف sensation
هو جزء من Nervou System المسؤول عن معالجة المعلومات الحسية الواردة.
يقوم ال Nervous System باستقبال المعلومات الواردة من المحيط الخارجي بواسطة ال Sensation organs ومن ال Organs الداخلية بواسطة المستقبلات الحسية المنتشرة في الJoints and muscles والاعضاء الأخرى الداخلية .
#Recptors المستقبلات:-
✏️يتم تلقى ال general senses عن طريق رسبترات ،تتم استجابة المستقبلات الحسية عن طريق واحدة من أربعة من المحفزات الأولية وهي إما :-
١/المواد الكيميائية (chemoreceptors)
٢/درجة الحرارة(thermoreceptors)
٣/الضغط(mechanoreceptors)
٤/الضوء (photoreceptors)
#types of sensation 💙
1/General senses
وتشمل اللمس والألم ودرجة الحرارة واستقبال الحس العميق والاعتزاز والضغط.
2/Special senses
وتشمل الرؤية والسمع والتذوق والشم .

#ملتقى_طلاب_الطب_السودان
#المكتب_الأكاديمي_Nervous_System
#المكتب_الإعلامي

*Nervous System (NS)*

ماهو تعريف ال Nervous System؟
هو الجهاز الذي يقوم بجميع العمليات التي يفعلها الجسم ويتكون من ثلاثة أجزاء أساسية وهي ال Brain 🧠 والSpinal Cord وال Nerves.

وينقسم الجهاز العصبي إلى :
*1/Central Nerves System (CNS)*
وهو مركز القيادة والتحكم في الجسم ، حيث يتكون من ال BrainوالSpinal Cord.
*2/Peripheral nervous system*
ويكون من ال network of Nerves .

*Central Nervous System*
*ماهي وظائف ال CNS؟*
١/الوظيفة الأساسية هي نقل الرسالة من الأماكن المختلفة من الجسم إلى ال Brain ،و من ال Brain إلى خارج الجسم ويخبر لي الجسم كيف يرتب الرسائل .
٢/ الحركة (التوازن/التحكم ).
٣/الحواس. (يقوم بأخبار أعضاء الحواس كيف ومتين حتعمل )
٤/ ال Wound healing ( يدي أمر لي الجلد يكون المادة شفاء الجروح )
٥/النوم Sleep .
٦/يساعد في ضربات ال Heart و ال breathing patterns أيضا واستقبال عمليات الجهد ..... منها Sweat production و Digestion .
٧/عمليات الجسم الأخرى مثل ال puberty و ال aging.

- *Components: Brain and spinal cord*
- يتكون ال BrainوالSpinal Cord من أنواع من الخلايا والأنسجة وهي :
Glial cells
Neurons
Neuroectodermal cells
Fluid around the brain (cerebrospinal fluid)
Pituitary gland
Pineal gland
The blood brain barrier
The blood brain barrier is a natural filter between the blood and the brain which protects the brain from harmful substances.

#ملتقى_طلاب_الطب_السودان
#المكتب_الأكاديمي_Nervous_System
#المكتب_الإعلامي

Live stream finished (1 hour)

Malaria🤒

⛔يا عزيزي الملاريا هي من اكتر الأمراض إنتشاراً في السودان تعال معاي عشان نعرف هي جات كيف؟وطرق الوقاية منها.

_في المياه الرأكدة بتضع البعوض بيضها طيب بجيك كيف؟

بتلدغك انثى البعوض من نوع anopheles وبتكون حاملة معاه طفيل ال plasmodium

⛔ Symptoms
_Fever
_ Sweating
_ Headache
_General weakness and fatigue

⭐ الملاريا بفحصوها ما بحسوها

⛔ Treatment
عادة بنستخدم فيها الantiparasitic Medication ومنها:-

Artemisinin
Quinine
Melfoquine

⛔طرق الوقاية منها:-

1.استخدام الناموسية
2.مبيدات الحشرات
3.مكافحة أماكن تكاثر البعوض

⭐ ونرجع نقول الملاريا بفحصوها ما بحسوها

د.الاء بدر الدين عبد الحميد
جامعة الشرق للعلوم والتكنولوجيا

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

Typhoid fever is a serious bacterial infection caused by Salmonella typhi, which spreads through contaminated food and water. Common symptoms include prolonged fever, stomach pain, headache, weakness, and sometimes a skin rash. If not treated, it can lead to severe complications such as intestinal perforation, internal bleeding, inflammation of the heart or brain, and in some cases, it may be fatal. In Sudan, people might say: "
التيفويد مرض سببه بكتيريا و بينتقل عن طريق الأكل أو الشرب الملوث. الأعراض بتبدأ بحمى مستمرة، ألم في البطن، صداع، و تعب شديد، و لو ما تعالجت، ممكن تعمل مشاكل خطيرة زي انفجار في الأمعاء أو نزيف داخلي.
"Prevention is key, with vaccination, improved sanitation, and access to clean water being the most effective methods. Early detection and treatment with antibiotics are crucial. As some might advise: "
لو حسيت بالأعراض دي، أمشي المستشفى بسرعة. العلاج غالبًا بيكون بالمضادات الحيوية، بس لازم تلحقها بدري.

By:
Lana awad jahallah
5th year
Medicine _ nahda college

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

بسـم الله الرحمن الرحيم
الليلة يا شباب حنتكلم عن موضوع مهم شويتين, موضوعنا اليوم عن الإسهال(Diarrhea) ... نخش طوالي في موضوعنا الإسهال هو شنو ⬇️⬇️

▪️Diarrhea
Is passage of frequent soft or loose stool more than three times per day.

▪️ طيب يا شباب عشان يحصل Diarrhea لازم يتوفر واحد من التلاتة شروط:-
1/Increase intestinal motility.
▫️زيادة في حركة الأمعاء.
2/Increase water secretion.
▫️زيادة في إفراز الماء في الأمعاء.
3/defect water absorption.
▫️قصور في إمتصاص الماء من الأمعاء.(و ده هو اهم شرط).
▪️طيب أسباب الDiarrhea كتيرة :-
1/Infection (viral, bacterial, ...etc).
▫️العدوى,البكتريا والفايروسات التي تصيب الجهاز الهضمي.
2/bile_acid malabsorption(5% chronic diarrhea cases).
▫️قصور في إمتصاص الصفراء.
3/Inflammtory bowel diseases.
▫️ أمراض التي تسبب إلتهاب الأمعاء.
4/Iatrogenic (drug induce) e.g. laxative, Mg salts.
▫️بسبب سوء إستخدام بعض الأدوية مثل المُلينات وأملاح الماغنيزيوم.
5/Antibiotics e.g. closterdium diffcile diarrhea.
▫️استخدام المضادات الحيوية واسعة الطيف لمدة طويلة.
▪️Battren of diarrhea.
▫️الإسهال بكون واحد من تلاتة انماط:-
1/Acute self limiting.
▫️إسهال لمدة يوم واحد ويختفي تلقائياً, لا يحتاج علاج ولا تدخل طبي.
2/Acute diarrhea: up to 10 times/day less than 2 weeks.
▪️Complication➡️ dehydration, electrolytes inbalance.
▪️Orientation➡️Non specific diarrheal treatment.
▫️الإسهال الحاد: أكثر من عشرة مرات في اليوم,له مضاعفات خطيرة اهمها الجفاف وخلل في توازن الإلكتروليتات.
▫️التوجه في العلاج مبدئيا يكون علاج الجفاف والإلكتروليتات بغض النظر عن السبب ثم بعد ذلك نعالج السبب.
3/Chronic diarrhea: more than 2 weeks with weight loss and hypovitaminosis.
▫️إسهال مزمن مستمر أكثر من اسبوعين مع تراجع في الوزن ونقص في الفياتمينات.
▫️التوجه في علاج هذا النوع يكون بالتركيز على علاح السبب.
▪️Treatment of diarrhea: (Apriority):
1/ Correction of fluid and electrolytes inbalance.
▫️إعطاء السوائل لتعويض الفاقد وإعادة التوازن.
2/Non specific antidiarrheal drugs.
▫️هذة الأولوية تكون في الإسهال الحاد.
3/specific treatment.
▫️يأتي هذا الخيار ك الأولوية في النوع المزمن من الاسهال بحيث نركز على السبب في العلاج كأولوية.
4/Treat associated symptoms.
▫️ثم بعد ذلك علاج الأعراض المصاحبة.
▪️للوقاية من الإسهالات أخذ التطعيمات للأنواع التي يتوفر لها لقاحات, التأكد من نظافة مياه الشرب (أغلي الماء إذا شكيت فيها) والأطعمة (البعد عن الأطعمة المكشوفة) غسل اليدين بعد الخروج من الحمام وقبل وبعد الطعام ومكافحة الذباب.

د/ هبة الله عزالدين
جامعة دنقلا/ كلية الطب والعلوم الصحية

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

اليوم ي اهل الطيبة والطيبين عندنا مرض منتشر خلاص خاصة بين اهل الريف والرحل وعاوزين نعمل حملة نتعرف على الحالات ونوفر لهم علاج ولكن قبل الحملة إقراء البوست دا عشان تعرف عن المرض وتقدر تقدم لهم خدمة كويسة. ( حملتنا بعد الحرب ما تنسو 😂)

*Bilharziasis (Schistosomiasis)* *البلهارسيا*

Is a parasitic disease caused by Schistosoma worms, It primarily affects people in tropical and subtropical regions, especially in areas where fresh water is contaminated with the parasite.
مرض حشري بصيب اكثر شي المناطق الاستوائية وشبه الاستوائية نتيجة للتلوث المائي

*Transmission*

Bilharziasis is transmitted when people come into contact with freshwater containing larval forms of the parasite, released by freshwater snails (the intermediate host). The larvae penetrate human skin and develop into adult worms inside the body.

*طرق العدوى*
بتنقل لمن الشخص يحصل له تلامس مع المية الملوثة حيث الوسيط الناقل يقوم بإطلاق الطور المعدي ( larva) وبعدها بتدخل جسمك

*انواعها*
*Types of Schistosomiasis*

1. Intestinal Schistosomiasis
*بطنك*
Caused by Schistosoma mansoni, S. japonicum, and S. intercalatum, affecting the intestines and liver.


2. Urogenital Schistosomiasis
*الجهاز البول*

Caused by Schistosoma haematobium, mainly affecting the urinary system, especially the bladder.

الجهازك البولي وهنا لمن تصل لمرحلة معينة المريض بجيك بدم في البول وهنا خليك محنك ي عزيزي امتيازولوجي في اخذ االهتسوري كويس وتحليل الأعراض بدقة لان الممرض ممكن يكون حاجة تانية 😁

*Symptoms*
*الأعراض شنو*

_Acute phase (Katayama fever): Rash or itchy skin, fever, chills, muscle pain.
في أول مرحلة حيجيك بحك في جسمة خاصة مكان دخول العدوى وبكون في حمى.

*Chronic phase*

*لمن العدوى تطول معاه*

_Intestinal form:
Abdominal pain, diarrhea, blood in stool, and liver enlargement.
بتاعت البطن دي حتعمل ألم، اسهال، دم في البراز وتضخم في الكبد ( الحق المريض )

_Urogenital form: Blood in urine, painful urination, and increased risk of bladder cancer in severe cases.
مريضك حيقول ليك ألم شديد أثناء التبول وفي دم ي دكتور ( لو ما اسعفته ممكن يعمل له سرطان في الحويصلة البولية )

*Diagnosis*

Urine and stool examination to detect parasite eggs.

بمجرد م يجيك بالاعراض دي اطلب له تحليل بول وبراز

Blood tests to identify antibodies or antigens.
ممكن تعمل له فحص دم

Ultrasound or imaging to assess organ damage.
دي في حالة شكيت في تضخم الكبد او اي عضو

*Treatment*
*بنعالجها كيف*

The drug *praziquantel* is the most effective treatment for all types

*Prevention and Control*

الحفاظ على النظافة وعلموهم انو م يعومو او يدخلو في المياه الملوثة.

*د/ صالح ابراهيم/ كلية الطب جامعة الزقازيق*

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

🔸 *Brudzinski's* & *kernig's signs* are used to diagnose meningitis clinically
🔸 *Brudzinski's sign* is one of the physically demonstrable symptoms of meningitis, Severe neck stiffness causes a patient's hips and knees to flex when the neck is flexed.
🔸 *To perform the brudzinski's sign*:-
1- patient in supine position
2- Gently grasp the patient's head from behind & place the other hand on the patient's chest.
🔹عند الاجراء:
1- يكون المريض مستلقياً على ظهره.
2- يقوم الطبيب برفع رأس المريض بلطف بحيث يتم تقريب الذقن نحو الصدر.
🔸 *positive sign* is involuntary flexing of hips & knees (*involuntary reaction to lessen the stretch on the inflamed meninges*)
🔹النتيجة الإيجابية:
عند ثني الرقبة ينثني الركبتان والوركان تلقائياً.
🔸 *kernig's sign* is one of the physically demonstrable symptoms of meningitis, Severe stiffness of the hamstrings causes an inability to straighten the leg when the hip is flexed to 90 degrees.
🔹عند الاجراء:
الإجراء:
1- يكون المريض مستلقياً على ظهره.
2- يقوم الطبيب برفع ساق المريض وثني الركبة

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

السلام عليكم ورحمة الله وبركاته
⛔حنتكلم عن علامات الزائدة الدودية البتظهر عند الاختبارات

1.Rebound Tenderaess sign:

⛔ الإجراء:
بالضغط بلطف على الجانب السفلي الأيمن من البطن

⛔الإشارة :
إذا شعر بآلام عند الضغط

2. Rovsing's sign:

⛔الإجراء:
بالضغط على الجانب الأيسر من البطن

⛔ الإشارة:
اذا حس بالم في الجانب الأيمن فهذا يدل على التهاب الزائدة الدودية

3. Psoas sign:

⛔ الإجراء:
يستلقي المريض على ظهره مع ثني رجله اليمنى عكس الجاذبية

⛔ الإشارة:
اذا حدث الم بدل على الزائدة الدودية

4. Obturator sign:

⛔الإجراء :
_يستلقي المريض على ظهره
_يثني رجله وركبته اليمنى بزاوية 90° ثم يحرك ركبته نحو الوسط و بعيداً عن خط الوسط

د.الاء بدر الدين عبد الحميد
جامعة الشرق للعلوم والتكنولوجيا

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

Parkinson's disease is characterized by several key signs and symptoms, which typically develop gradually over time. The primary signs of Parkinson’s include:
📌 Tremors: Shaking or tremors, often starting in the hands or fingers, even when at rest.
الهزات أو الرعشة، وغالبًا بتبدأ في اليدين أو الأصابع، حتى وإنت قاعد وما بتتحرك.
📌Bradykinesia (Slowness of movement): Movements become slower over time, making simple tasks more difficult and time-consuming.
الحركة بتبقى بطيئة مع الزمن، والمهام البسيطة زي لبس الملابس أو الأكل بتبقى صعبة وبتاخد زمن أطول.
📌Muscle stiffness: Stiffness in the limbs and trunk, which can limit movement and cause discomfort.
بيحصل تصلب في العضلات، سواء في اليدين أو الرجلين أو الجسم كله، وده بيخلي الحركة صعبة وممكن يسبب ألم.
📌Impaired balance and coordination: Difficulty with maintaining balance, which may lead to falls or a stooped posture
صعوبة في الحفاظ على التوازن، وده ممكن يؤدي للسقوط أو الوقوف المنحني.
📌.Changes in speech and writing: Speech may become soft, slurred, or monotone.

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

Virchow's triad refers to the three primary factors that contribute to the development of venous thromboembolism (VTE), including deep vein thrombosis (DVT) and pulmonary embolism (PE). These factors are:

Virchow's triad
بتشير إلى تلاتة عوامل رئيسية بتساعد في حدوث الجلطة الوريدية بتشمل الاوردة العميقة والانسداد الرئوي .

حيث تشمل تلاتة تلاتة علامات رئيسيةوهي :

1. Hypercoagulability: An increased tendency of the blood to clot and may be genetic or due to drug

فرط تخثر الدم وهو زيادة ميل الدم إلى التجلط. ودا ممكن يكون وراثيا او بسبب أدوية .

2. Endothelial injury: Damage to the inner lining of the blood vessel, which can be caused by trauma, surgery, or inflammation.

إصابة بطانة الأوعية الدموية وبحصل تلف في البطانة الداخلية للأوعية الدموية، والذي قد يحدث نتيجة لصدمة أو جراحة أو التهاب.

3. Venous stasis: Slow or reduced blood flow, often due to immobility, prolonged bed rest, or sitting for long periods.
بطء أو انخفاض تدفق في الدم، ودا غالبا غالبًا بسبب عدم الحركة أو
الراحة في الفراش لفترات طويلة ...

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

السلام عليكم ورحمة وبركاته🩵
فرصة من ذهب

🛑يعلن ملتقى طلاب الطب السودان عن فتح استمارة التقديم للانضمام لمكتب التدريب والتطوير 📣

📌فمن يجد في نفسه الرغبة للتطوير ومَن يأنس في نفسه الكفاءة الانضمام لإحدى المكاتب ادناه:
⭕لجنة التدريب والتطوير
⭕لجنة التدريب الطبي
⭕لجنة التسجيل والاتصال

📌اضغط رابط الاستمارة للتقديم:

https://forms.gle/MKpYFR2syxu3aQZd7

#ملتقى_طلاب_الطب_السودان
#مكتب_التدريب_والتطوير
#المكتب_الإعلامي

Intestinal obstruction
د. دار السلام عبدالرحمن.

Intestinal obstruction
د. دار السلام عبدالرحمن.