طريقك الى النجاح | كادر نيمار التعليمي

@mohe_iq

طريقك الى النجاح | كادر نيمار التعليمي (Arabic)

هل تبحث عن طريقك الى النجاح؟ هل ترغب في تحسين مهاراتك التعليمية والتطويرية؟ إذا كانت إجابتك نعم، فقناة 'طريقك الى النجاح | كادر نيمار التعليمي' على تطبيق تيليجرام هي المكان المناسب لك! تقدم لك هذه القناة العديد من الموارد والدروس التعليمية التي تساعدك على تحقيق أهدافك والوصول الى النجاح. سواء كنت تبحث عن معلومات تعليمية في مجال معين أو ترغب في تعلم مهارات جديدة، ستجد كل ما تحتاجه هنا. من خلال متابعة محتوى هذه القناة، ستستفيد من تجارب ونصائح مفيدة من كادر نيمار التعليمي، الذين يضمون مجموعة من الخبراء في مجال التعليم والتطوير الشخصي. ستحصل على فرصة لتوسيع معرفتك وتطوير مهاراتك بطريقة ممتعة وشيقة. لا داعي للبحث عن مصادر موثوقة للمعرفة، فقناة 'طريقك الى النجاح | كادر نيمار التعليمي' ستقدم لك كل ما تحتاجه بسهولة ويسر. انضم الى المجتمع التعليمي الذي يسعى الى تحقيق النجاح والتفوق في كل مجالات الحياة. استفد من الدروس القيمة، اشترك في الورش التعليمية، وكن جزءاً من تجربة تعليمية فريدة من نوعها. انضم الى قناة 'طريقك الى النجاح | كادر نيمار التعليمي' الآن وابدأ رحلتك نحو النجاح والتفوق!

طريقك الى النجاح | كادر نيمار التعليمي

18 Dec, 10:09

😍😍😍😍

1,255

طريقك الى النجاح | كادر نيمار التعليمي

15 Sep, 09:15

شلونهم الابطال

3,242

طريقك الى النجاح | كادر نيمار التعليمي

12 Feb, 04:10

مشتاقين ☹️💔

5,312

طريقك الى النجاح | كادر نيمار التعليمي

11 Aug, 18:09

السلام عليكم طلابنا ✋
مثل ما وعدتكم البارحه انزل بوست للطلاب يلي راح يعيدون السادس 😌
هسه نبلش بالكلام 👇 راح نقسم كلامنا ع نقاط اوك 👍

1⃣أنت من قررت تعيد فكرت زين لو مجرد قرار وكلته وانتهى 😑 اذا مجرد كلام لازم ترجع تفكر وتعيد هالقرار بينك وبين نفسك اكثر من مرة تشوف نفسك راح تكدر تبقى بنفس واهسك راح تكدر تكمل للنهاية مو لنص المشوار لنصف السنة تحس بتعب وملل وتضوج وتكره الدراسة ✋ لا هنانه لازم توكف وتعيد تفكيرك من كلت أعيد يعني راح تحارب كولشي حتى توصل راح تقااوم وراح تقاتل نفسك وذاتك اولاً لأجل حلمك وثانياً لأجل المعدل يلي تتمناه😎 وضروري تكون قوي وتتحمل كل الظروف يلي راح تمر بيك وكل الصعوبات والعوائق يلي حتواجهك🔥 اذا عندك هالعزيمه وهالإصرار وراح توعد نفسك انه راح تكمل للنهاية وتحقق شيء تريده ف قرارك صائب
واستمر وعيد وتوكل ع الله✨

2⃣اهم شيء من تعيد لاتكرر اخطائك للسنة الفاتت حاول تكتب سلبياتك او اخطائك وخليها كدامك وكبالها اكتب الايجابيات يلي راح تتبعها بالسنة الجديدة حتى تعرف اخطائك وتتجنبها🗯

3⃣من راح تبلش السنة الجديدة حاول تنسى انه انت طالب معيد💡 أحسب روحك طالب جديد وعامل نفسك ع هالأسلوب حتى متتذكر السنه الفاتت وتتذكر الاشياء المو زينه يلي صادفتك🙃

4⃣اهتم بدراستك اليوميه واقرا بتركيز وراجع اكثر من مرة وشكد تكدر لاتضيع وكتك لان كل دقيقه تضيعها ممكن تخسرك حلمك▶️ حاول تعتبر السادس فد بناء لازم تشيده وكل دقيقه تضيع انت دتخسر حجرة من بنائك 😱 فـ شلون راح تتعامل وتكمل تشيد البناء لازم متضيع وكتك وتلتزم وتكون كد القرار يلي اتخذته وكد المسؤؤلية 😻
واني واثقه انه انتو كدها 😌

5⃣شكد مابيك ابتعد عن الناس المحبطه يلي تكول انت ماحققت بالسنة الاولى ماراح تحقق بالسنة الثانية، لو فلان من اول سنة طلع طب وانت عدت ومراح تحصل معدله، لو اي كلام محبط حاول تفوته من اذن تطلعه من الثانية وطنش اي كلام محبط رجاءاً حتى لاتتأثر وتتغير نفسيتك👍

6⃣خلي ببالك شغله .. انه انت من عدت هذا اكبر دليل ع انه انت عندك حلم وضحيت بالاعادة لأجله وتذكر احيانا السهم نرجعه لي ورا حتى ينطلق بقوة كذلك الطالب المعيد هو مو تأخر وانما رجع خطوة حتى ينطلق ويعبر هواية خطوات😇
وانت من عدت مو دليل ع فشلك لا بالعكس من عدت دليل ع نجاحك
وع قدرة تحملك وع حلمك 🤗
وتذكر انه لو كانت حياتنا سهله ماجان حسينا بقيمه الشيء يلي دنسوي ف لازم نواجهه شويه صعوبات بس احنا اقوياء وراح نتجاوزها ونتعداها😍 والأهم انه ماكو انسان ناجح الا مامر بخطوات إخفاق وتعب وشعر بالفشل الي هو ماكو شيء اسمه فشل ،
الفشل هو خطوة من خطوات النجاح ❤️

7⃣كون انت مشجع لنفسك ولذاتك اكتب عبارات تحفيزية وخليها بمكان دراستك دائماً اقراها كلما تحس بشعور التعب والملل اقراههم وراح يرجع حماسك وترجع طاقتك🦋
عود نفسك انه تكول لروحك انه انت ذكي كول اني قوي،راح يجي يوم واحقق حلمي،راح اسعى لأجل احصل اللقب يلي راح يسبق اسمي🥀

8⃣اعرف نقاط ضعفك وقوتك بالمواد فرضاً انت كولش فاهم الكيمياء والانكلش وهالسنه جبت بيهم درجات عالية من راح تقرا السنة الجاية مراح تذب مجهود هواية عليهم لان انت فاهمهم مجرد قراءة وتركيز وبس .. او مثلاً انت ضعيف بالعربي راح تزيد من قراءتك راح تكثف مجهودك حتى تعزز قوتك بالمادة♥️

9⃣وأخيـراً لكل طالب معيد انت ذكي،وانت مقاوم ،وانت بطل من أبطال العلم ، 😌 واعادتك دليل ع كبر حجم حلمك ✌️ وكون واثق انه اذا قريت وتعبت روحك ربك ماراح يضيع تعبك وراح توصل للشيء يلي تتمناه👍
بس كون صادق وي نفسك وواجهه مشاكلك ووصعوباتك بقوة وقاوم لاجل نفسك وذاتك وحلمك 😻
ربي يوفقكم يـا #آمل_المستقبل
العام جنت اسميكم #مناضلين_المستقبل
هالسنة اريدكم انتو #الآمل 😍
#آدمـونهہ_رنــــــــو
#كادر_نيمــار_التعليمي ® 🌎

9,728

طريقك الى النجاح | كادر نيمار التعليمي

11 Aug, 17:54

كل عام واعضائنا اللطيفين بالف خير
كل عام وطلابنا بأفضل حال ❤️
وان شاء الله ينعاد عليكم بالخير والبركه والسعاده والتوفيق والصحه والراحه والعافية وتحقيق الامنيات 😍😍😍

#كادر_نيمــار_التعليمي ® 🌎

5,242

طريقك الى النجاح | كادر نيمار التعليمي

04 Aug, 20:35

السلام طلاب ✋

بعد ظهور النتائج راح نقسم الطلاب قسمين ✋👇👇

1⃣اكو ناس حققت حلمها❤️
واكو من دمعت عيونه من الفرح😍
واكو اهالي فرحتهم ماتنوصف 💗
واكو طلاب فرحتهم ماتتخيلوها ✋

لكل طالب نجح وحقق حلمه
بمعدل يتمناه👇
الف الف الف مبروك 🥀✨
ويارب تكمل فرحتك بالقبول
وبالكلية الي تتمناها 🙈
وان شاء الله تكون كد المعدل الي رب العالمين انطاك هو🌛
وتكون كد المسؤؤلية الي راح
تكون ع عاتقك🍃👍
واكيد هذا هو ثمار تعبك ودراستك وجهدك ⚡️

2⃣واكو طلاب بداخلها حزن محد يكدر يوصفه وبداخلها غصه مستحيل تكدر تفهمها الا اذا كنت مجرب شعوره ✋
لان راح ينصدم وبداخله حيكول انكسر حلمي بس اني اكوله حلمك منكسر حلمك بدا حلمك غير طريقه بمجال غير الي انت تتمناه
تتذكرون البارحه شحجينا 🤔
مو كلتلكم
يمنع الله عنك ماتحب ليعطيك ماتحتاج 🙃
انت فكر بينك وبين نفسك انه ليش الله مانطاك المعدل الي تتمناه 🙄
الله منعه عنك لان راح يأذيك راح يضرك بس انت هسه تجهل الضرر مالته لو بي خير الك جان الله انطاك هو ترى مو صعبه ع رب العالمين ينطيك شيء تتمناه لو كان من صالحك وراح ينفعك لان امره بين الكاف والنون ( كن فيكون ) حتى لو جنت مقاري حتى لو مجاوبت لو الله يريدلك كذا معدل جان حصلته جان رب العالمين انطاك هو بس الله يدري انه انت مكانك مو بهالمجال الله يدري انه لو فرضاً طلعت المعدل الي تريده جان راح تنضر وراح تتاذى وممكن يصادفك امور تتمنى الله مخالقك اصلاً
لذلك الله منع عنك الي تحبه
بس بالمقابل أنطاك فد شيء راح تكون مميز بمجاله راح تبدع راح تكون انسان ناجح وراح يجي يوم تحمد ربك ع معدلك وع مكانك ... ومهما كان معدلك والكلية الي راح تحصلها الناجح والمميز يكدر يبرز روحه باي مجال يدخله ويكدر يبدع اذا حب مجاله وحب اختصاصه وحب نفسه اولاً وكانت عنده الثقه التامه بنفسه وبعمله وبكليته وقبل كولشي ثقته بربه الي متكفل بكل أموره😌

اني وياكم انتو ضايجين ومقهورين وتكولون تعبنا وقرينا وكذا حقكم بس كلها كم يوم وتنسون كولشي وتتعودون ع كليتكم الي راح تدخلوها بمعدلكم وراح تتأقلمون وتكون حياتكم طبيعية وكولش عادية 😎 وراح تحبون كليتكم💞

واكولكم ع شغله 😉
بس تدخلون جامعه متحسون بفرق بين الكليات تحسون الكل سوا الفرق هو اسم الكلية بس وداعتكم 😅ماكو فرق كل الطلاب سوا وكولكم تجتمعون وتسولفون وتبنون صداقات وكذا وتنسون السادس والمعدلات 😶
فـ ليش تقهرون بروحكم اكثر 😔
هاهيه ارضوا بقسمتكم وبقدركم
وتفائلوا خير 🍃
وكولوا راح نحقق نجاحات مو شرط الا بالتخصص الطبي او بالتخصص يلي جنا نريده😐

لذلك كل شخص اكو حزن بداخله واكو دموع بعيونه بعد هالبوست يمسح دموعه لان دموعه غالية ع روحه اولاً قبل متكون غاليه ع شخص ..
ويبدل الحزن والألآم الي بداخله بتفاؤل وامل ويعيش حياته طبيعية وبس يجي الدوام يتأقلم بكليته ويحبها وراح يجي بعد فترة علما يداوم يكولي والله كلامج صح وكذا ...

فـ لاتقهر نفسك✋ هاهيه
مدام انت مقصرت بواجباتك ف الخير
الله كاتبه بمعدلك الي حصلته 👌

ومهما كان معدلك ومهما راح تحصل ع كلية
بس تداوم عيش حياتك الجامعيه بأبهى واجمل صورة لان ماكو أحلى من حياة الجامعه والدوام وكلشي بيها مميز وحلو❤️

كل شخص بعد ميقرا البوست يدزلي رائيه وراح يطبق كلامي لو لا ؟!
ودزولي معدلاتكم حتى نشوف شكم مهنه راح تصير عدنا وتبني وتنهض عراقنا☺️
دزولي هنانه👈👈👈👈👇

@RanoSayat_bot

تتذكرون جنت أكولكم أنتو #صنـاع_المستقبل
بعد كم سنه راح اشوف الناس يلي راح تصنع مستقبل مشرق وجميل
يليق بحضراتكم اللطيفه 💕

#الف_مبروك_لكل_شخص_انهى_الرحلة_السادسية_مهما_كان_معدلك_فهذا_إنجاز_سيحسب_لـــك_وشهادتك_غيرك_يتمنى_ان_يحققها😌😍
لــذا ألــــ الف ــــف مبــروگ 💐
#آدمـونهہ_رنــــــــو
لـ طلاب #كادر_نيمــار_التعليمي ® 🌎

5,141

طريقك الى النجاح | كادر نيمار التعليمي

02 Aug, 04:00

#تنويــــــــــــــــــــــيه 🌀❗️
🔖بعد اعلان النتائج لطلبة السادس الاعدادي تبين جميع الطلبة المتفوقين تم سرقة درجاتهم وتبديلها بدرجات كلها صفارة #الطلبة_المتفوقين والي تعب سنين في سبيل يكون طالب طبية بعد ما تم اعلان النتائج انصاب #بصدمة والكثير من الطلبة في المستشفى بسبب درجاتهم ....

🔖نـطالب وزير التربية والتعليم الدكتور قصي السهيل بتحقيق فوري بنتائج الطلبة #المتميزين واعادة النظر بدفاترهم ويكون التحقيق بأسرع وقت وستكون هناك ((مظاهرة امام وزارة التربية ))اذا لم يتم ارجاع حق الطلبة كثير من الطلاب مئات الطلاب تجيهم درجات( 0) ما معنى التلاعب بالكنترول وبيع درجات الطلبة المتفوقين نرجوا الاسراع بأعادة تصحيح الدرجات واتخاذ الاجراءات الازمة بحق المقصرين

الى جميع القنوات والمواقع مخولين
بنشر المنشور بكل مكان لاسترجاع حق
الطلاب بأسرع وقت ممكن
#كافي_تسرقون_بتعب_الطلاب
#شارك_لمنشور_ليصل_للجميع
https://t.me/iraqedu

2,869

طريقك الى النجاح | كادر نيمار التعليمي

01 Aug, 21:56

طلاب مثل ما وعدتكم بنصائح لطلبة السادس الجدد....❤️❤️
1⃣بدايةً انت طالب سادس جديد ومتحمس للدوام بشدة 😍
الي اريده منك تبقى ع نفس حماسك لحد ماتكمل اخر امتحان الك❤️
هسه تكول شلون اكدر احافظ ع حماسي لحد اخر امتحان🤔
اني اجاوبك 🙃
مثل ما تغذي نفسك بالطعام
غذي عقلك بالمعلومات غذي روحك بالتفاؤل،الآمل،الصبر،بالتحمل،بالقوة،
بالشجاعة،والأهم بحلمك الي لازم تخلي كدام عيونك وتبقى تحفز بروحك حتى توصله
هالشيء مو صعب عليك اذا جانت حياتك منتظمه وعندك جدول متزن😊
هسه تسأل شنو الجدول المتزن؟
اجاوبك 😇
الجدول المتزن هو انه ميعبر يوم وانت ما قاري بهاليوم حتى لو ساعه المهم انت قريت ، زين المقصود من كلامي انه تقرا بإنتظام وفي حال ظروفك ماسمحتلك تقرا بهاليوم اقرا حتى لو لمدة قصيرة المهم تغذي عقلك بالمعلومات وبالدراسة ومتخلي هاليوم يعبر وانت مكسبته ومقريت بي
2⃣أكولك سر 🌚🙊
السادس أسهل منه ماكو بس شنو اريدك من تقرا تكون مرتاح ونفسيتك حلوة حتى تستوعب المادة بوقت أقصر وبفهم اكثر وتخزنه لمدة أطول😍
شوف السادس رغم سهولته بس انت تعاني من النفسيه المو زينه والانتقادات وكثرة الاراء حول دراستك وو...الخ
انت لاتهتم لكل ذني انت كون مرتاح واقرا بهدوء وبتنظيم وبجدول حتى تترتب حياتك مو بس دراستك ويكون عندك نظام وروتين ..
3⃣كثرة الملازم مالها فائدة ❌
اعتمد ع كتابك وملزمه وحدة اذا تحب كافية لتجيب كومه ملازم وكلمن يكولك هذا خوش استاذ ملزمته حلوة انت تروح تجيبها وتكوم ملازم لان من تشوف ملازم كومه ماراح تقرا راح تتخربط ومتدري عليمن تقرا واكو اختلاف بالشرح من ملزمه لـ غيرها💎
لذلك ابتعد عن كثرة الملازم واكتفي بملزمه وحده كون تفهم ع طريقه كتابه وشرح استاذها واعتمد عليها 💡
ومرجعك الأساسي هو كتابك المنهجي لاتنسى هالشيء 🙂 اسئلتك راح يخلوها من كتابك المنهجي مو من ملزمه فلان😐
3⃣في حال كنت طالب وعندك محاضرات وماخذ دروس خصوصي هالشيء يعتمد عليك ع تنظيمك واكتسابك للوقت انت ترتب جدول اذا بعدك دتاخذ خصوصي مكملت حتى ماتضيع وكتك وتلتهي بالمحاضرات وتقل عدد ساعات قرايتك🙊 فـ هالشيء يعتمد عليك بتنظيم اوقاات دروسك ومحاضراتك✨
4⃣الوقت ثم الوقت
بالسادس الدقيقه يلي تضيعها من ايدك تخسر ... أعلمك طريقه
كل ماتضيع وقتك لشوية كول خسرت بوينت من معدلي صدكني راح تتعود تلتزم بوكت دراستك ومراح تضيع وكتك لان انت عندك حلم وهدف وتريد معدل حلو❤️ فـ رتب وكتك مثلاً
5ساعات دراسة انت لازم تقرا 5ساعات مو تقرا ساعتين و3تضيعها😒
5⃣النفسية هم ضرورية بالسادس
شكد تكدر كون هادئ ابتعد عن العصبيه حل مشاكلك اذا صادفتك بهدوء ..
هسه تكولي مشاكلي بالبيت وكذا
ماكو بيت يخلو من المشاكل انت ابتعد عن المشاكل ابتعد عن كولشي خلي يكون وكتك دراسة راحه نوم اكل وبس لتضيف مشاكل او غيرها بحياتك السادسية حتى تكدر تتجاوز هالمرحلة بشيء يرضيك🌸
6⃣استفاد من خبرة المعيدين
استفاد من خبرة الناس يلي وصلت لحلمها وحققت اللقب يلي تريده
والحكمه تكول أسال مجرب ولاتسأل خبير
فـ الطلاب يلي مروا بـ السادس هم اكثر خبرة بالدراسة وبكولشي ..
مو عيب اذا تساله شلون جنت تقرا؟
او شلون نظمت وكتك؟ او اذا عندك مشكله وهو يسمعك اطرحها ممكن تكون هالمشكله صادفته من جان طالب مثلك
مو عيب ولاحرام اليسأل وانما تزداد خبرة وتكدر تتجاوز ع مصاعبك بقوة أكثر 😎
7⃣ابتعد عن الناس يلي يحبطون من قيمتك او من دراستك♦️
قبل كولشي ماكو عدد محدد للساعات تقرا بيهم حتى تجيب معدل كذا
اكو طلاب تقرا ساعتين بس تفهم اكثر من طلاب تقرا 6 ساعات واكثر ..
اكو ذكاء متفاوت بين البشر هذا صح
بس اكو من يقوي من ذكائه ويكسبه اكثر واكو من يكوله مخي نام لاتشتغل 😢
فـ اقرا بعدد الساعات يلي انت تحس روحك كفيت ..
8⃣القراءة اليوميه هاي أساس النجاح
حاول تقرا يومي ولتعوف واجباتك لانه شكد تقرا وتعيد راح تترسخ ببالك ومراح تنساها وهالشيء يعزز من إمكانياتك وقدرتك 🦋
9⃣اليكولك نام كذا واكعد كذا عوفك منه
اقرا بالوكت يلي يناسبك ويعجبك بس ابتعد عن السهر كولش وحاول تقرا الصبح عموماً تكون شبعان نوم ومرتاح ف تستوعب اكثر ،،وتبقى حسب رغبتك شوكت تحب تقرا المهم تقرا متسخت😏
0⃣1⃣اشرب مي اثناء دراستك هالشيء يفيدك اكثر ويقوي مدى إستيعابك💟
حاول ترتب مكان دراستك مهما كان بسيط خلي شيء حلو ومرتب حتى يصيرلك واهس تقرا ، اكتب ملصقات تحفيزيه وخليها يم مكان دراستك اكتب عبارات تحسها تقويك واكتب حلمك هالشيء كلما تتعب يقويك وينطيك حافز🙈كون انت مشجع نفسك 🍃
وأخيراً #إياك وأن تضيع حلمك وانت بعدك ببداية مشوارك .. ترى صعبة يضيع حلم سنوات🙄حلمك مستحيل تعوفه يضيع لازم تقااااوم حتى توصله وماكو شيء مستحيل ربك بين الكاف والنون
(كن فيكون ) .. وادعي من ربك والتزم وصلي وحاشاه يخيب ظنك✨
وبس شوفوا فرحه الطلاب من يحققون احلامهم شكد حلوو وتخيلو روحكم بمكانهم
#آدمـونهہ_رنــــــــو
#كــادر_نيمـــار_التعليمي ® 🌎

12,031

طريقك الى النجاح | كادر نيمار التعليمي

01 Aug, 20:57

لحد هنانه ونختم تعبت وجاوبت هوايه وان شاء الله اكون خدمتكم بالي اكدر عليه❤️

اي شيء عدكم ع باجر ان شاء الله اجاوبكم 😍

#أحبكم_ورود_القناه🙈🌹

#آدمـونهہ_رنــــــــو
#كــادر_نيمـــار_التعليمي ® 🌎

1,901

طريقك الى النجاح | كادر نيمار التعليمي

01 Aug, 19:14

هاي كل الشغلات الي تحتاجوها بالتقديم...
حدود دنيا ودليل الطالب 😍.

هواي طلبتوها اطلعوا عليها تفيدكم ❤️

#آدمـونهہ_رنــــــــو
#كــادر_نيمـــار_التعليمي ®🌎

1,865

طريقك الى النجاح | كادر نيمار التعليمي

01 Aug, 19:14

#عااااجل
حدود الدنيا لسنة 2018
#شارك_المنشور_ليصل_للجميع
https://t.me/joinchat/AAAAADxZQ8TRlkFE7GwHQg

1,974

طريقك الى النجاح | كادر نيمار التعليمي

01 Aug, 19:13

#عااااجل
القبول المباشر 2018
#شارك_المنشور_ليصل_للجميع
https://t.me/joinchat/AAAAADxZQ8TRlkFE7GwHQg

1,957

طريقك الى النجاح | كادر نيمار التعليمي

01 Aug, 19:12

#عــاجـــــــــــل

تحميل دليل الطالب #للقبول_المركزي لسنة 2019 t.me/IRAQEDU
#شارك_المنشور_ليصل_الجميع
https://t.me/IRAQEDU

1,858

طريقك الى النجاح | كادر نيمار التعليمي

01 Aug, 18:52

ومثل كل سنه البوت مفتوح اي استفسار بخصوص المعدلات والقبولات او الكليات دزولي وان شاء الله ماقصر وياكم 🌹😊
وحجاوبكم عالبوت ان شاء الله 💛

@RanoSayat_bot

#آدمـونهہ_رنــــــــو

1,609

طريقك الى النجاح | كادر نيمار التعليمي

01 Aug, 18:48

الف الف مبروك لطلبه السادس ويارب الفرحه بالقبولات التي تسعدكم ❤️

ويلي محالفهم الحظ هاي مو نهايه العالم لا هاي اول محطه وربما يحتاج السيف ان يعاد للوراء قليلاً لينطلق بقوه 👌👍

مهما كان تعبكم وجهدكم ومهما كانت النتيجه تذكروا يمنع الله عنكم ماتريدونه ليعطيكم ماتحتاجونه 😌✋

وحاشاه رب العالمين يضيع تعب دقيقه ف كيف تعب سنوات وجهد مكثف✍

ارضوا بقسمتكم ومعدلاتكم وان شاء الله خير وربما في الغد مستقبل افضل من الذي تطمحون اليه ✌️🦋

بالتوفيق والف مبروك #ابطال_المستقبل💛

#آدمـونهہ_رنــــــــو
#كــادر_نيمـــار_التعليمي ® 🌎

1,899

طريقك الى النجاح | كادر نيمار التعليمي

26 Jun, 20:15

ذات يوم ستسجد لله شكراً وفرحاً 😍

لتحقيق حلم كنت تظن
أنه من المستحيل ان تملكه وأن يكون ملكـك🍃

لذلك دائماً #ثق_بالله_خيراً ❤️
#وتفائل لعل الله يحدث بعد ذلك أمرا 😊
بالتوفيق طلاب السادس 😍
باجر اول معركه
وان شاء الله الإنتصار حليفكم 👌
موفقين #أمل_المستقبل 💕

#آدمـونهہ_رنــــــــو
#كــادر_نيمــار_التعليمــي

1,414

طريقك الى النجاح | كادر نيمار التعليمي

14 Jun, 10:22

لكل يسوي متابعة ع انستا ساعة 12
راح انشرلكم بي كم سؤال مضمون
👇🏻👇🏻👇🏻👇🏻👇🏻👇🏻👇🏻
https://instagram.com/iraqedu?igshid=otul402gr4c5

1,354

طريقك الى النجاح | كادر نيمار التعليمي

14 Jun, 05:47

في يوم الجمعه هناك ساعه اجابه ادعوا الله في كل نهارك لعلها تكون ساعه الاجابه ويستجاب دعائك وتحصل ع ماتتمنى 😍

ان الله اذا اراد لك شيء سخر لك كل الاسباب لتحصل ع ماتريد ❤️

#الاحلام_ليس_حلمك_لليل_بل_هو_الذي_يحرم_عينيك_النوم_هو_الذي_تستيقظ_في_سبيل_تحقيقه

ذاااك هو الحلم 👌👆 الذي اعنيه😍

هو حلمك الخاص بك
الذي اوجدك الله في سبيله
وتذكروا دائماَ ان #الله معكم 💛

#آدمـونهہ_رنــــــــو
#كـــادر_نيمـــار_التعليمــي ® 🌎

1,220

طريقك الى النجاح | كادر نيمار التعليمي

08 Jun, 07:21

الـ يـوم الـساعـة 9:00 سيتم
اعادة نشر .....
المـراجعة المركـزة الـي تقـراها للحصول ع الـ 100 درجـة وكذالك
بعد الاسئلة المهمة الي تركز عليها

اني ناشرها بالقناة بس راح اعيد نشرها لان اكو طلاب هواي جدد دخلت للقناة

أنتظرونـي بالليل 🇮🇶 نيمار ابن الانبار

7,520

طريقك الى النجاح | كادر نيمار التعليمي

04 Jun, 17:29

سلااام حبايبي وطلابي😍

كل عاام وانتو الخير يلي بيه 🌹
كل عام وانتو بالف الف خير 🙈
كل عام وانتو اسعد وانجح ⚡️
كل عام وانتو اقوى وأفضل 💛
كل عام وانتو بمليون فرحه 🦋

مثل ماتعودنا نخلق لنفسنا الفرح والسعاده بكل الأوقات وبكل الظروف راح نبقى ع وعدنا ونبقى نكون اقوياء ونتحمل كل الظروف يلي تمر بينا... لسبب واحد وهو انه احنا كد كولشي يمر بينا 💪

حتى لو امتحانات وكذا لازم نتأقلم عالوضع ونكعد نقرا من باجر نبلش بصفحه جديده ونبلش نقرا ونراجع ونحظر للامتحانات ان كانت فاينل او طلاب السادس او الثالث😌
ويارب العيد الجاي ادزولي وانتو محققين احلامكم وامنياتكم واشوف الفرحه بكلماتكم من اقراها😍😍

شكراً لكل شخص دزلي عالبوت وعايدني عذروني مجاوبت هناك حبيت انزللكم بوست ونعايد بعضنا بيه ❤️

ياسعادتي بالحياه وجودكم
الي احسه فرحه الي ☺️...
ربي يسعدكم بكد ماحبكم🙈😍

اعذروني مقصره وياكم تواجدي كولش قليل صاير بس ظروف الدراسه والحياه احياناً تمنعني بس تأكدوا اني وياكم وقريبه منكم 😍
وباي لحظه تحتاجوني حتشوفون كلماتي ترافقكم 🌹

#أحبكم🌹
وكل عام وانتو اقرب الى الله ✨

#آدمـونهہ_رنــــــــو
#كـــادر_نيمـــار_التعليمــي ® 🌎

1,039