سيد منتظر الهاشمي

اليـوم يـنحب عـلـي مـاتت فاطمه
ضـلع مكـسـور وجـرح ينـزف دمه
ــــــــــــــــــــــــــــــــــــــــــــــــــــــ
گـلب حيدر على ام حسين انكسر
ينحب اعليهه علي ومحني الضهر
خلاف فاطم والله ما يسوه العمر
عگـب نـور الزهره صارت مضلمه
ــــــــــــــــــــــــــــــــــــــــــــــــــــــ
عـلي مـوش بـمـاي غـسلـهـا بدمـع
علـه الزهـره الـيوم حيدر منـفجـع
ماتـت ام حـسين مـكسـورة ضلـع
دخل بسـمار بـضلـعـهـا وهـشـمـه
ــــــــــــــــــــــــــــــــــــــــــــــــــــــ
عــلي شيـع فـاطـمـه والـدنـيـه ليـل
ابو حسين اليوم ما ضل عنده حيل
عـلـه امتونه النعش والـدمعه تسيل
نكـسر گـلبـه بـكـسـر ضـلع الـعالمه
ــــــــــــــــــــــــــــــــــــــــــــــــــــــ
اليـوم حيـدر ودع الـزهـره البـتـول
فارگ الـزهـره عـلي فـحـل الـفحول
بـيده وسـدهـا الـگبـر بنت الرسول
اعلـيهه طـول الـعمر يـبقـه مـأتمه
ــــــــــــــــــــــــــــــــــــــــــــــــــــــ
وسفه ماتت فاطمه الجانت ضــوه
خـلافـهـا يـصـعب عـليـه شم الهوه
فــاگــد الـزهـراء والمـحسـن سـوه
جـرح فـاطـم يـبـقـه دوم يـألـمـه
ــــــــــــــــــــــــــــــــــــــــــــــــــــــ
#سيد_منتظر_الهاشمي
ــــــــــــــــــــــــــــــــــــــــــــــــــــــ

صـعبـه حيل الفرگه هـدت حيلي
خـلافج بحـسرات اخلـص لـيلـي
ــــــــــــــــــــــــــــــــــــــــــــــــــــــ
خلاف ام حسين ما ضل بيه حيل
صعب حيل الـيوم ودعـت الـخليل
مو ثجيل النعش بس موتج تجيل
شـلون اخـلـصه الـعمر بس كليلي
ــــــــــــــــــــــــــــــــــــــــــــــــــــــ
شلون اوسدج بالگبر يا فـاطمه
وضلعج المكسور ويسيل الدمه
امصيبتج صعبه علينه ومـُألمـه
فرگتج يافاطمه طـرت دليـلـي
ــــــــــــــــــــــــــــــــــــــــــــــــــــــ
عمري ما يسوه عگب بنت الرسول
صعـبه حيل اليوم فـارگت الـبتول
عـلي مـو نفسه علي فحل الفحول
خــلاف فـاطـم مـحـد يـتـچـيلـي
ــــــــــــــــــــــــــــــــــــــــــــــــــــــ
علـي گـلبه عـليج يـبقـه مـنفجـع
اليـوم فـاگد زهـرته يـهـل الـدمع
يـصـيح واويلاه يا كـسر الـضلـع
راحـت الـي بنـورهـا تـضـويـلي
ــــــــــــــــــــــــــــــــــــــــــــــــــــــ
علـي بـعـدج بـچـي خـلـص ليـلـه
راحـت ام حـسـين وانـهـد حـيلـه
عـگـبـج تـيـتمـت كـلـهــا الـعـيلـه
واليـتامه اعــلـه الـفـگد تشـكيلي
ــــــــــــــــــــــــــــــــــــــــــــــــــــــ
#سيد_منتظر_الهاشمي
ــــــــــــــــــــــــــــــــــــــــــــــــــــــ

فــزعـت اعـلـيهـا الـسـقـيفــه بـنـارهــا
مــاتـت أم الحـســــن حـــرگــو دارهــا
ــــــــــــــــــــــــــــــــــــــــــــــــــــــــــــــــ
فزعو اصحاب السقيفه بحقد كلها محزمه
دفـع الـباب الـلـعـين وكـسر ضـلع العالمـه
الدار حرگوها عليها وطاح محسن فاطمه
مــاتـت ومــحـد عــرف اســــرارهـــــــا
ــــــــــــــــــــــــــــــــــــــــــــــــــــــــــــــــ
جـفـوف غـربه اليـوم ع الـزهره اعتلن
وطـاح مـحـسن وسـفـه من ام الحسن
الـهـجـم اعـلـه الـدار مــو طـاهـر لبـن
ابـن الـسقـيفـه المـجرمه وكـفـارهـــا
ــــــــــــــــــــــــــــــــــــــــــــــــــــــــــــــــ
الـيـوم دارج خـالـي يـا بـنـت الـرسـول
وعـلـي ينـحـب ماتت الـزهـره الـبـتـول
انـكـسر ضـهـره بـموتـتج فحل الفحول
الـيـوم مـكـسـور الـضـهــر كــرارهـــا
ــــــــــــــــــــــــــــــــــــــــــــــــــــــــــــــــ
اليوم زينب يتموها خلاف امها اوحـيده
راحت امها اليوم فاطم والزمن شيعيده
صاحت اخلاف الحنينه والعمر ما اريده
راحـت الـجـانت امـضـويـه ديــارهـــا
ــــــــــــــــــــــــــــــــــــــــــــــــــــــــــــــــ
يمه راح خلاف عينج ينسحكَ صدر الحسين
ونومه كل ازلام هـاشم بالصحاري مطشرين
ونمشي بدروب السبايا ولا يضل النه مـعين
والخـيام تـوجر النـيران كـل اكـتـارهـــــا
ــــــــــــــــــــــــــــــــــــــــــــــــــــــــــــــــ
#سيد_منتظر_الهاشمي
ــــــــــــــــــــــــــــــــــــــــــــــــــــــــــــــــ

علي فاگد فاطمه بهل ليله
الرادود الحسيني جسام الخيگاني
كلمات: سيد منتظر الهاشمي

https://youtu.be/zmjGkJQ63FE?si=hPPXalsv1sQDX5dy

عـلـي فـاگـد فـاطـمـه بـهـل ليـلــه
مـاتـت ام حسـيـن وانـهـد حـيـلـه
ــــــــــــــــــــــــــــــــــــــــــــــــــــــ
اليوم الله يساعده بهذه المصاب
علي دافـن زهـرته جـوه الـتراب
ماتت ام حسين شـيفيد العـتاب
الـجانت امن انوراها اضـويـلـه
ــــــــــــــــــــــــــــــــــــــــــــــــــــــ
اليوم حيدر علي مكسور الضهر
عله الزهره شاب گلبه من القـهر
خلاف ام حسين ما يسوه العمر
خـلافـهـا ولـده عـلـي اتـچـيـلـه
ــــــــــــــــــــــــــــــــــــــــــــــــــــــ
وسفه ام حسين ماتت فاطمه
ماتت ام گلب الحنين الـعالـمه
خـلافها العـيلـه تـضل مـيتمـه
تيـتمـت كـلهـا عـگـبهـا الـعـيلـه
ــــــــــــــــــــــــــــــــــــــــــــــــــــــ
حيدر اعله الزهره گلبه المنفجع
الحـزن عـم الـدار ويـهـل الدمع
راحت ام حسين مكسورة ضلع
والـنعش فـوكَ الـمتون يـشيـله
ــــــــــــــــــــــــــــــــــــــــــــــــــــــ
النبي لو ما وصه حيدر بالوصيه
يكسر ضلوع الكسر ضلع الزچيه
وثـار فاطم ياخذه من الناصبيه
وداره مـامـش نـاصبي يـدنـيلـه
ــــــــــــــــــــــــــــــــــــــــــــــــــــــ
#سيد_منتظر_الهاشمي
ــــــــــــــــــــــــــــــــــــــــــــــــــــــ

(لـ مولاتي فاطمة الزهراء صلوات الله عليها)

يمثل الحـجاج بفـعالـه يـزيــد
من يحز راسك بسيفه ياسعيد
ـــــــــــــــــــــــــــــــــــــــــــــــــــــــ
اليـوم طـايح عـالم وناصر الدين
عـبـد مـن اعباد الله الـصالـحـين
انگطع راسه چي موالي للحسين
وكلمن يوالي الحسين اصبح شهيد
ـــــــــــــــــــــــــــــــــــــــــــــــــــــــ
وسفه طايح ياسعيد ابن جبير
مـحد يشبـهك ولا مثلك يصير
انته خليت العده بعلمك تحير
لأن ترضي بعلمك الخالق تريد
ـــــــــــــــــــــــــــــــــــــــــــــــــــــــ
ياسـعـيد اعليك خـل يـحـزن الكـون
اليوم حگها اعليك من تبچي العيون
والك مـن كـل ديـره انصـارك يـجون
تبچي لـمـصابك يـمگطوع الـوريد
ـــــــــــــــــــــــــــــــــــــــــــــــــــــــ
الـيوم انـصارك اجـو يــم حـضرتك
كـلها مـتـعنـيـه بحـزن لـمـصيـبتك
عـين كـل خـادم تـهـل يـم گـبـتك
صـاحو من الدين طـاحـلنه عميد
ـــــــــــــــــــــــــــــــــــــــــــــــــــــــ
صـاحـو مـن الـعلـم طـايح عـالـم
مـات مـذبوح اعـلى ايـد الـضالم
واجـب يـقـيم الـعـزاء كـل خادم
يبچي عالمذبوح واحزانه تزيد
ـــــــــــــــــــــــــــــــــــــــــــــــــــــــ
#سيد_منتظر_الهاشمي
ـــــــــــــــــــــــــــــــــــــــــــــــــــــــ

خويه حسين....خويه حسين
ــــــــــــــــــــــــــــــــــــــــــــــــــ
مو مال اوداع يابو سكينه
عگبك ياهو اليفزع لينه
كلهه غرب تحدي بحرمكم
خيل وزلم تهجم علينه

عگبك يخويه احترگت خيامي
بالحومه ماتو كلهم عمامي
ما اريد ازيدن خويه جروحك
بس سجادك ياخويه وضامي
ـــــــــــــــــــــــــــــــــــــــــــــــــــ
وي الغرب نمشي سـبايـه
فوگ الهزيله وحمره العبايه
طبل وهلاهل يتلــگــونـه
صاحو غريبه زينب جايه

مدللت اخيهه صارت غريبه
سوگ وخرايب ندخل عجيبه
موش انه زينب بت الهواشم
بنص غربه نمشي هايه مصيبه
ـــــــــــــــــــــــــــــــــــــــــــــــــــــ
ردلي يخويه وما اريد المـاي
ارجع لخيتك مشتاگه هواي
مو مال افراگ صعبه عليه
جنهه طويله نومتكم هاي

أگـعـد لخيتك خـويه تـريدك
ترجعلي سالم انته وعضيدك
مطشر يخويه بنص الترايب
ليش المحبس ماهوا بأيدك
ـــــــــــــــــــــــــــــــــــــــــــــــــــــ
عگبك يخوي نمشي بخرايب
وتلتم علينه اشكال المصايب
نمشي سبايه مجتوفه ادينه
واحمل يخويه كل النوايب

ناويها ترجع بس احجيلي
خلافك يخويه هدولي حيلي
والنومه صعبه صارت علينه
امشي سبيه خلصته ليلي
ــــــــــــــــــــــــــــــــــــــــــــــــــــــ
شور كعده

#سيد_منتظر_الهاشمي


ــــــــــــــــــــــــــــــــــــــــــــــــــــــــ

حي الله الأكبر...حي الله الأكبر
ــــــــــــــــــــــــــــــــــــــــــــــــــــــــ
طب ليهم الأكبر صوت الزلم ضاع
طشر معسكرهم ما لاگـته اسبــاع
يشبه رسول الله ويا حلو الأطباع
سل سيفه علقاده وشمرها عالگاع
علقاده يفتر....حي الله الأكبر
ـــــــــــــــــــــــــــــــــــــــــــــــــــــــــ
هذا عـلي الأكـبر لـو بن ابـي طـالب
وبزوده طباهم علي الأكـبر وغـاضب
بس هوه بالساحه ما ضل ولا شارب
محـد تـدناله بـسـيفـه الزلــم راعـب
وينه الي يگدر...حي الله الأكبر
ــــــــــــــــــــــــــــــــــــــــــــــــــــــــ
گال ابن الحسين وحي الله من گال
والحومه طب ليها وبس هوه خيال
يجدح علي الأكبـر ما ضـلت ارجـال
تـتـراجف القـاده لو بس علـي صـال
گدامه تعثر... حي الله الأكبر
ـــــــــــــــــــــــــــــــــــــــــــــــــــــــــ
طـباهـم مسرفن صـاح الـزلم ويـن
وينه الي يدنالي وانه ابن الحسين
جـدي علـي حـيدر تشهدله صفيـن
محد بقه گبـالـه وطشرها صوبيـن
وبجده يفخر... حي الله الأكبر
ــــــــــــــــــــــــــــــــــــــــــــــــــــــــــــ

#سيد_منتظر_الهاشمي

ــــــــــــــــــــــــــــــــــــــــــــــــــــــــــــ

عظم الله اجرك يمهدي بهل مصيبه

شلون حالك من ابوك أيس طبيبه

"""""""""""""""""""""""""""""""""""""""""""""""""""""""""""
يعـين گلبك يـبو صالح عـالمصايب والــمحن
امچان ابوك اليوم فارغ مات مسموم الحسن
على ابو المهدي المجالس باقيه طول الزمن

گلبه مكسور ابو صالح ما يخلص انحيبه..

"""""""""""""""""""""""""""""""""""""""""""""""""""""""""""
نـاس ما عـدهم مخافه بدو بسـم الرســول
ردو اصحاب السقيفه واحرگو دار البتــول
غدر بالمحراب طبرو هم علي فحل الفحول

اغصبو حته الخلافه هاي مو ودام عجيبه..

"""""""""""""""""""""""""""""""""""""""""""""""""""""""""""
المعجزه الخـالقه ربك خـله گلبك يـحتمـل
تشـوف كل ازلام هاشم لو مسمـم لو جتـل
كل هذني ولا تشوف ام عون عمتك عالهزل

يسروهه الموش اوادم صارت أم عون الغريبه..

"""""""""""""""""""""""""""""""""""""""""""""""""""""""""""
يمته تضهر يبو صالح تاخذ بثار الرضيع
وهاي انصارك تنطرك كلهه والـ أمرك تطيع
وهم نزور أم البنين وتنبني گبور البقيع

ماكو غيرك يابو صالح حگنه انته تجيبه..


#سيد_منتظر_الهاشمي

"""""""""""""""""""""""""""""""""""""""""""""""""""""""""""

اتگرب لراس حسين ردت الماي اشربنه
محتاره اشربه الماي لو امشي واودعنه
""""""""""""""""""""""""""""""""""""""
اگعدلي يبويه حسين جبت الماي اشربنك
جابولي بطشت راسك حيره شلون اشمنك
مكسوره اصبحت عگبك مـا بـيه اودعـنك

مسبيه اضل بويه بس انحب واجر ونه
""""""""""""""""""""""""""""""""""""""
شلي بالعمر بعدك موتي اهون يبويه هواي
بس نسوان ضلينه عگبك والله تاه الراي
لوادري النهايه فراگ بويه ما طلبت الماي

سالم لو ترد يحسين مايك ما اريدنه
""""""""""""""""""""""""""""""""""""""
بسياط اضربوني اعداي سلبو مني ترچيه
مسبيات مجتوفات علويه اويه علويه
مو مالت سبي زغيره گوه امشي اعله رجليه

وسجادك عليل ينوح گلي شلون اصبرنه
""""""""""""""""""""""""""""""""""""""
خلافك ما نريد نعيش بويه الشمر ياذينه
ما نگدر على فراگك متعودين تدرينيه
يم راسك اريد الموت دامك ما ترد لينه

شلي بعمري يابويه عگبك ايست منه

#سيد_منتظر_الهاشمي

لمولاتي رقيه سلام الله عليها شهيدة الرأس

عباس يم المشرعه طايح ابلا جفينه
وحسين باقي الوحده مامش اخوان تعينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عباس يم المشرعه وطاحت من ايده الرايه
و حسين ضل الوحده و الكوم اجت عناية
و يصيح اخوي امروتك ماضل سند ويايه
عباس كوم العيلتك غارت الخيل علينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عباس كوم ابداعتي هذا انه الحسين احذاك
رحت وعفتني الوحدي جا غير تاخذني وياك
جاليش باقي بلايه جف يسرتك وين و يمناك
وكله يخوي بطيحتك حاير شكل لسكينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عباس اخيك وحده لا ناصر و لا فزاع
وانته طايح منذبح لا راس باقي ولا ذراع
عباس قتال الكفر يل بلحرب صيتك شاع
يا حيف عباس الكمر بسهم طفو عينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين اخيك يل كمر التمت اعليه الناس
وتكله ليش الوحدك جا وين اخيك عباس
عباس كالو منذبح وبس جسم باقي بلا راس
وحسين ضل بلا سند يحامي عرضه ودينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عباس حرگوهه الخيم و حسينك يكوم يطيح
وزينب يعباس اوجبت وصعدت عله التل أصيح
يحسين كوم بداعتي لا تبقه يبن امي طريح
حرمه انه والكوم اوصلت وماضل من يحامينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

اثير الموسوي