Mira Samir❤️

هلموا هلموا لتتعرفوا على طريقة تلخيص المواد ومذاكرة الميدتيرم♥️🥳

رابط الفيديو:
https://youtu.be/EHOHRt8fE3g?si=n0t-uKqY3mCTHiYR

طريقة عمل دفتر القيادة لتنظيم شغل البيت المتراكم♥️
Click here 💖

وتكمن تلك الهدية المميزة التي تقدمها الكتابة لأولئك الذين يقومون بتدوين يومياتهم 
في أنها تضع أيديهم على مواطن الخلل في حياتهم
تشعرهم بإنجازاتهم اليومية التي لا يراها أحد
تشير إلى الحلول التي من شأنها مساعدتهم 
والأهم من هذا كله (تسمعهم بصدر رحب)

بينما يضيع أولئك الذين لا يعرفون للورقة والقلم طريقًا بين متاهات المشاكل، وتكرار الأيام، والوقوف عند نقطة معينة دون التقدم، وكبت المشاعر، والتفكير الزائد الذي يسبب ضغطًا هائًلا على الدماغ.

نعم التدوين يحتاج بعض الجهد، مثل:
- مواجهة النفس كأنها أمام مرآة وتحميلها المسؤولية
- تحديد وقت خاص للتدوين يوميًا ودفتر وقلم
- المغامرة بكشف الخصوصية إذا كان أحد أفراد الأسرة يتّصف بالفضول

ولكنّ النتيجة الرائعة تستحق المغامرة♥️

والسلامُ خِتام..

~ ميرا سمير

وقت المُذاكرة.. مع شاي بالقرنفل وبسكوت♥️
((المؤمن لا ييأس من نفسه أبدًا))

" مشكلتي مبعرفش أستمر لوحدي وبكون عاوز أشارك إنجازاتي وأتلقى دعم وتشجيع ومدح"

= دي مش مشكلة، دي: "فطرة"

وربنا سبحانه وتعالى هيرزقك حد في يوم من الأيام يشاركك أدق تفاصيلك ويدعمك ويشجعك.
ممكن يكون شريك حياتك، حد من أفراد أسرتك، حد من صحابك، أو حتى منتور.

بس لحد ما اليوم ده يجي
بطل تتسول الدعم والتشجيع من اللي حواليك
اتعلم تشتغل في صمت وتنجز في صمت وتستمر في صمت واستحمل ده لحد ما ربنا يريد تتكلم وعينيك بتلمع والطرف التاني مبتسم.

والسلامُ خِتام..♥️

~ ميرا سمير

قال رسول الله صلى الله عليه وسلم: "من كانَ له شعرٌ فليُكرمه"💗
وإكرامُ الشعرِ دلالُه .. إذًا كيف تُدللي شعرك؟✨

Click here my dear 🎀🤍

خليك متأكد إن السنة الدراسية لو دراسة بس هيجيلك اكتئاب وزهق وهتضيع وقت أصلاً في الهروب 🤦‍♂️
إنما لو ضيفت حاجات جانبية زي القراءة والرياضة أو أي هوايات وأهداف نفسها فيها إن شاء الله انتاجيتك هتزيد وهتسبق كل اللي حواليك😍
قوم يلا اعمل الخطة بناء على أدوارك وجوانب حياتك عشان بكرة أول أكتوبر 💪
والسلامُ ختام..

((دي تخطيطة قديمة ليا لما كنت في رابعة جامعة وحققت درجات رائعة بفضل الله.. عشان تتشجع كده وتعرف إن التخطيط مش لعب عيال)) ♥

٥- تقسيم الشهر لأسابيع 🤎
هتقسم كل هدف على أربع أسابيع ولازم لازم على استيكي نوتس.. ودي تركاية ابتكرتها 😉
ليه بقا؟
عشان بعد ما تقسم هتاخد كل أسبوع الاستيكي نوتة بتاعته وتلزقها في صفحة جديدة وتقسم بقا أهداف الاسبوع لأيام😍
وبكده عملت to do list يومية 🥰

٤- خطة الشهر 😍
هتمسك كل هدف من الأهداف اللي حطيتهم وتضيف جزء منها للشهر الأول ✅
و بعدين تحوّل هذه الأهداف لعادات صغيرة🤏
كنت مرة قولت جملة مهمة:
"عندك أهداف؟ آه حولتها لعادات؟ لأ - يبقى هتفشل"

٣- صفحة الأهداف ☑
اكتب في النص الأول من الصفحة أهدافك في الجوانب ال 3 اللي اخترتهم بطريقة عفوية ❤
و بعدين نظمهم بطريقة ال smart goals 🥰
(وقت محدد - شيء محدد - قابلة للقياس - قابلة للتحقيق)

٢- ما قبل وضع الأهداف 🚩
أ) ايه هي أدوارك في الحياة؟
*طالب/ عبد لله/ ابن /صديق /بتشتغل مثلاً*
وايه هي مسؤولياتك في كل دور، والهدف اللي ناوي تشتغل عليه⭐
ب) جوانب حياتك اللي عايز تشتغل عليها؟
كلنا عندنا 6 جوانب.. لكن لو مسكتهم تشتغل عليهم مرة واحدة هتفشل ❌
اختار ٣ جوانب بس
أنا مثلاً بما إني اتخرجت وبشتغل وماسكة شغل البيت هختار الجانب المهني/الاجتماعي/الصحي
انت بقا اختار مثلاً الدراسي /الديني/ تطوير الذات
فهمت؟ 🙈❤

انت تقدر تحقق في (أكتوبر ونوفمبر وديسمبر) اللي مقدرتش تعمله طول السنة بإذن الله لو ركزت وبطلت تضييع وقت.♥️
فلو عايز بجد تكون فخور بنفسك آخر السنة يلا بينا..
١- صفحة التشجيع
اكتب جملة تحفيزية بتحبها وصورة تحفيزية أو رسمة عشان تتشجع تبدأ

- حاوط نفسك بناس تشبهك حتى لو سوشيال
- خلي أوضتك نضيفة وسريرك متروق طول اليوم
- البس أحلى لبس برا البيت وجوة البيت وبرفن نفسك
- ابتسم وافرد ضهرك وارمي ملامح الكآبة ورا ضهرك اللي أتّب
- خلي مدخلاتك جودتها عالية(الفيديوهات، الكتب، حتى التسلية)
- زاحم يومك بالعبادات واسمع قرآن وبودكاست

(حياتك غالية أوي متضيعاش بالرخيص)🎀💗

والسلامُ خِتام..

~ ميرا سمير

إزاي تخطط لأسبوعگ باستخدام الخريطة الذهنية؟ 💗

هذا ما سوف تعرفه في فيديو ال mind map
.

ترشيحات كتب علم شرعي تبعث الهمة والنشاط بإذن الله💗
المستوى الرابع والمتمم لسلسلة القراءة

https://www.facebook.com/share/p/YGj7oPWfGhSvT1jv/?mibextid=oFDknk

قال قتادة: يا ابن آدم: إن كنت لا تريد أن تأتي الخير إلا بنشاط، فإن نفسك إلى السآمة وإلى الفترة وإلى الملل أميل، ولكن المؤمن هو المتحامل♥️

عزيزي الطالب اللي مفكر إن نجاحه وإنجازه ودرجاته العالية متوقفة على وجود (مكتب منمق وجاهز للمذاكرة)

يؤسفني أقولك إن ذوي المكاتب بيذاكروا ويشتغلوا في أي مكان.. "إلا المكتب" 😁

فذاكر واجتهد في المكان المتواجد والمتوفر واللي ترتاح فيه وسيبك من المظاهر♥️

إحنا غلابة أوي

بنكون فاكرين إننا محتاجين نحس بالنشاط عشان نعمل شغل البيت.

ونحس بالخشوع عشان نصلي، ونحس بالقوة عشان نمارس الرياضة.

ونحس بالإنتاجية والتحفيز عشان نذاكر ونشتغل، ونحس بالحُب عشان نبذل أفعال كويسة ونبتسم في وش الناس.

والصدمة الكبيرة بقا إن:
«الشعور هو الذي يتبع الفعل وليس العكس»

جرّب بجد من النهاردة لو ملكش نفس تعمل حاجة معينة متنتظرش الشعور يجيلك.. اعمل الحاجة دي وهتتفاجئ إنه في أقل من 20 دقيقة الشعور الحلو هيجيلك من حيث لا تحتسب.♥️

لسة هتسكرول على السوشيال ؟
ولا تقوم تجيب الشعور الحلو من قفاه؟🙊

~ ميرا سمير

ليه نعيط ونكتئب.. لمّا ممكن نقوم نتوضى ونصلي وبعدين نعمل حاجة بنحبها😌