• لَعَلَّكُمْ تَهْتَدُونَ ↻" .

- هخلص دى و أقوم اصلى ❌

- هقوم اصلى واجى اخلصها ✅

#صلاتك_أولاً 💛

*أبطال الثانويه*💪🫂♥️

- ذاكر عشان مفيش حد يشمت فيك .
- ذاكر عشان يوم النتيجه ماتعيطش و تخذل أهلك.
- ذاكر عشان حلمك اللي تعبت عشانه كتير و لسه هتتعب.
- ذاكر عشان ابوك اللي بيجيب لك فلوس دروسك وكتبك بطلوع الروح.
- ذاكر عشان أمك اللي مستنياك تبقي حاجه كويسه وتفتخر بيك.
- ذاكر لأن اللي وصلوا مش افضل منك ولا كان عندهم حاجة زياده عنك الموضوع كله إصرار و عزيمة.
- ذاكر عشان نفسك
- ذاكر عشان ماتندمش.
- ذاكر عشان تفتخر بنتيجة تعبك وسهرك ومجهودك .
- ذاكر عشان مترجعش تندم على الأيام اللى بتضيعها .
- ذاكر لأن أهلك محتاجين يفرحوا .
- ذاكر عشان مستقبلك .
ابعد عن الناس اللي بيدوك طاقه سلبيه انت مش غبي ولا فاشل، اكسر عينهم بنجاحك واعرف انك قدها ❤️
خلي عندك يقين في ربنا وفي قدراتك، انت تقدر ✊
هنجتهد .. هنحاول .. هنعافر
ربنا يوفقنا جميعا ونفرح اهالينا🙏❤
وأما عن أيام جبرك فباتت قريبة جداً ؛
لا تيأس💙

كنت نازل من بيتي مستعجل عشان ألحق المشوار المهم اللي كنت رايحه وقولت لنفسي أي مواصلة هشوفها هركب فيها.

المواصلات كانت كتير بس عيني وقعت على سواق واقف وساند راسه على التوكتوك بتاعه، مشيت ناحيته وقولتله: فاضي؟

بصلي ولاقيت في عينه دموع ونظرة قهر عمري ما هنساها فرد وقالي: أيوه فاضي.

ركبت وقعدت أتكلم معاه وعرفت منه إنه مهندس!

بس ساب الكلية ومكملش فيها، بقيت هتجنن وقعدت أقوله ليه عملت كدا؟ قالي الظروف يا باشا بتتحكم في أجدعها راجل، أبويا مات بعد نتيجة الثانوية بتاعتي ودلوقتي ملزوم مني أجهز أختين واحدة مخطوبة والتانية ممكن تتخطب في أي وقت، سيبت الكلية وجبت توكتوك بجمعية وأهي ماشية الحمد لله.

سكت شوية من الذهول وسألته:
طيب معلش في السؤال هو أبوك مسابش أي حاجة تبيعها وتجهزهم؟ ضحك وقالي: لا ساب وعمي خد حقنا بالعافية.

وقبل ما أرد عليه لاقيته وقَّف التوكتوك وقالي: معلش أستناني دقيقة يا باشا.

ونزل من التوكتوك قعد جنب ست بتبيع مناديل تحت شجرة وحط في إيديها ظرف أبيض، الست قعدت تدعيله وتطبطب على كتفه فقام باس راسها وجه محبتش اسأله عن الموضوع وكملنا الطريق بس قلبي كان حزين جدًا من حاله.
وبعد لف كتير معايا عشان مكنتش عارف طريق الشركة اللي رايح أقدم فيها ولما وصلنا ملقتش المحفظة في جيبي وقفت مصدوم وقعدت أدور عليها وكنت مكسوف منه جداً عشان غاب معايا طول اليوم وهو العائل الوحيد لبيته هيروح إزاي؟ لاقيته بيبتسم وبيقولي: ياعم سلمها لله عادي والله.

قعدت أشكره ودخلت الشركة وأنا بفكر هرجع إزاي، طلعت لاقيته واقف مستنيني بره عشان يروحني! مشوفتش أخلاق كدا في حياتي والله.

ولما رجعت البيت قولتله: استناني هطلع أجيبلك حسابك نزلت لاقيته مشى!
اتقبلت في الوظيفة وسافرت السعودية وبعد ست سنين نزلت عشان أخطب لاقيت المدير بيقولي محتاجين مهندسين للشركة!

أول حد جه في بالي الشاب بتاع التوكتوك بس إزاي وهو مدخلش الكلية؟ وهوصله إزاي؟ نزلت للست اللي كانت قاعدة تحت الشجرة وبسألها عليه قالتلي عنوانه وقعدت توصيني أساعده، روحتله البيت استقبلني وفرح بيا جدًا وعرفت إنه دخل الهندسة بعد ما إخواته اتجوزوا، سافر معايا ومن شطارته فضل يكسب ويحوش لحد ما بقا شريك في الشركة وبعد سنين بقا عنده مجموعة شركات كبيرة وده أبسط مثال تشوفوه عن عوض ربنا ♥

وأول ما بقا عنده كل ده شاركني كل حاجة وفضل يعول الست لحد ما ماتت وحاليًا ساعد ولادها كلهم وجوزهم! ♥

صحيح طريق الخير نهايته عظيمة 🌻♥

متقفش في نص الطريق وتحسد اللي كمله للآخر! ♥.

﴿وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ﴾ 💙

﴿‏قُلِ اللَّهُ خَالِقُ كُلِّ شَيْءٍ﴾ 💙

السّلام عليكم ورحمة الله وبركاتة )
يا صُحبه

من باب السعي في قضاء حوائج الناس ، ومن باب الدال على الخيرِ كَفاعله
عاوزين نساعد الأخ دا ، محتاج اي شيء ولو بأقل القليل ..
الرسولﷺ قَالَ: مَا نَقَصَتْ صَدَقَةٌ مِنْ مَالٍ، وَمَا زَادَ اللَّهُ عَبْدًا بِعَفْوٍ إِلَّا عِزًّا، وَمَا تَوَاضَعَ أَحَدٌ لله إِلَّا رَفَعَهُ الله

وعنه قَالَ: قَالَ رسولُ اللَّه ﷺ: مَنْ تَصَدَّقَ بِعِدْلِ تَمْرَةٍ مِنْ كَسْبٍ طَيِّبٍ، وَلا يَقْبَلُ اللَّهُ إِلَّا الطَّيِّبَ، فَإِنَّ اللَّه يقْبَلُهَا بِيَمِينِهِ، ثُمَّ يُرَبِّيها لِصَاحِبها كَمَا يُرَبِّي أَحَدُكُمْ فَلُوَّهُ حَتَّى تَكُونَ مِثْلَ الجَبل
متفقٌ عَلَيْهِ.
جزاكم الله خيرا مُقدماً

من يريد يرسل هنا رساله وأرسل له رقم التحويل 👇
@Habiba22244

أفكلما اشتهيت اشتريت؟ فمتى تتعلم الصبر؟ 
أفكلما خلوت عصيت؟  فمتى تتعلم التقوى؟ 
أفكلما تعبت استرحت؟ فمتى تتعلم المقاومة؟
أفكلما يُسر لك تماديت؟ فمتى تبدأ بالتوبة؟
‏تأتي المعصية
فيرحل معها القرآن الكريم والصلاة وقيام الليل والخوف من الله
ثم يلحق بهما الذكر ..
ثم تذهب الطمأنينة.. ويأتي عسر الحال
وقلة البر

وقلة البركة في الوقت والمال
وتذكر أن:
‏أصعب الحرام: ( أوَّله )
.. ثم يسهل.. ثم يُستساغ .. ثم يُؤْلف .. ثم يحلو .. ثم يُطبع على القلب .. ثم يبحث القلب عن حرام آخر ..
(سبحان الله انها خطوات الشيطان)

المرأة

1- أباحوا لها الغناء على المنصات..
والله منعها من الأذان والإقامة، حفاظاً على رقتها وعفتها.
2- أباحوا لها التمثيل على خشبات المسارح..
والله لم يطلب منها حضور الجمعة والجماعة، حفاظاً على رقتها وعفتها.
3- جعلوها بطلة الأولمبياد والمسابقات..
والله منعها من الجري بين الصفا والمروة، حفاظاً على عفتها وحيائها.
4- أخرجوها في الرحلات والمناسبات بدون أي مَحرم..
والله أسقط عنها ركناً من اركان الاسلام عند عدم وجود مَحرم، حفاظاً على عفتها وحيائها.
5- أخرجوها لمتابعة المباريات وتشجيع المنتخبات الرياضية..
والله أسقط عنها الخروج للجهاد لنصرة الدين، حفاظا على أنوثتها وعفتها.
6- أخرجوها من بيتها إلى الشارع معطرة مزينة كاشفة عن جمالها مضيفة إليه المساحيق الصناعية، والله أمرها ألا تضرب بالخلخال، ليسمع الناس ماتخفي من زينتها.
هم لم يريدوا لها الحرية.. بل أرادوا حرية الوصول إليها...
(وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا).

اللهم نسألك الستر والعفاف لنساءنا وسائر نساء المسلمين.. ♥️🌼

« بقالي شهر كل ليلة بشوف مكاني في جهنم » 

أنا شاب بحب خالي جدًا في 2017 كنت بخالي في معهد الأورام في القاهرة، كان عنده سرطان الدم وكان بيتعالج هناك، الله يرحمه مقعدش 15 يوم المهم كان موجود في الاوضة أربع سراير بينهم فواصل عبارة عن ستاير كدا، وأنا كنت مقيم مع خالي مرافق معاه.

المهم كان جنبنا سرير كدا فيه واحد مريض سرطان الرئة، الراجل ده بالليل مكناش بنعرف نغفل لحظة من بكاه وكل ما ينام شوية يقوم من النوم يصرخ مفزوع، أنا كل دا طبعاً عارف إن ده من الكيماوي والألم بتاعه لحد ما قام مفزوع في ليلة ودخلت من الستارة أطمن عليه وأجبله حاجة دافية يشربها وقعدت أطمن فيه وأقوله معلش ألم الكيماوي صعب بس ده إختبار من ربنا وقريب هتخف وكدا يعني، فـ الراجل ضحك ضحكة غريبة وقالي: ألم الكيماوي! هو انت فاكرني بعيط من ألم الكيماوي؟

الألم اللي جوايا مفيش جبل يتحمله، وعمال يبكي
طب قولي مالك، إحكيلي، طب عاوز إيه أعملهولك؟ لاقيته بيقول: هو ممكن ربنا يخليه يسامحني؟

هو مين ؟! قال واحد ظلمته، مرحمتوش ولا رحمت عياله، مصعبش عليا منظره وهو بيبكي و يقولي مستنيك قدام ربنا، قلبي مرقش لتلات ولاد وبنتين وأمهم وهو ماشي بيهم بعد ما سرقت شقاه والراجل حرفيا الدموع غرقت الملاية.

قالي الطمع، أيوه الطمع وموت القلب، الراجل كان شريكي في تجارة كبيرة وليه معايا نصها ومن طيبته سابلي كل حاجة أديرها وعلشان أنا الشر جوايا طلعته من التجارة ملهوش مليم احمر ومديون كمان والناس كانت عارفة إني ظالمه بس انا كنت واخد حرصي وفضلت جري ومحاكم ومطالش مني ولا مليم ، وأنا كل مدى كل ما قلبي بيموت وبيجمد وأقول عيالي أولى وخلاص لما تعب باع بيته وطلع من البلد، ويوم ما طلع عدى على الوكالة وقدام الناس قالي أنا ماشي بس مستنيك قدام ربنا ولا هز كلامه فيا شعرة، وأنا الدنيا إحلوت معايا بشكل، لدرجة إني صدقت إن ده مالي وحلالي وحجيت كام مرة وعملت كام عمرة وبقت الفلوس معايا مش عارف عددها، كبرت العيال وإتعلمت ومنهم اللي مسك معايا التجارة
وعربيات ودنيا وأول ما تعبت رموني في البيت زي الكلب
وكل حاجة تبعهم، ولما حسيت إن التعب بيزيد قولتلهم فيه واحد ليه عندي دين وعاوز أسدده، قالولي يوم القيامة إبقى قابله وسدده والراجل بيعيط بحرقة.

قالي إفتكرت كلمة الراجل لما قالي مستنيك قدام ربنا ولما سألت عليه عشان يسامحني لاقيته مات، وعيالوا ما شاء الله بقوا في دنيا تانية ولما طلبت يسامحوني، قالولي والله لو دخول الجنة واقف علي حسنة مننا ما هتاخدها.

وعيالي لما لقوني تعبتهم رموني في المستشفي وبقوا يبعتولي أي حاجة مع سواق ولا حاجة ولا حد منهم دور عليا
وفعلا مكنش حد بيجيله إلا واحد.

قالي كل ما أغمض عيني أشوفه قدامي بيقولي خلاص مبقاش إلا القليل وحقي هاخده، كل ما أغمض عيني أشوفه قدامي، عذاب يا ابني، عذاااب ربنا ما يكتبه عليك وتقولي ألم الكيماوي!

والراجل صوت عياطه لم الناس علينا، بس أصعب جملة الراجل ده قالها والله قشعرت منها، لما قال أنا بقالي شهر كل ما انام أشوف مكاني في جهنم.

ومات خالي وفي يوم روحت بعد موت خالي أسال عليه قالولي مات لوحده مكنش حد معاه !!

لا تظلمن إذا ما كنت مقتدراً ، فالظلم ترجع عقباه إلى الندمِ تنام عيناك والمظلوم منتبهٌ ، يدعو عليك وعين الله لم تنمِ ♥.

‏﴿فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ﴾ 💙

يابختها حظها حلو!

ركبت عربية كنت مسافرة لوحدي ومستعجلة، قعدت في أول كرسي أعيط بصوت من كتر زعلي وتعبي من اللي حاصل، ولما العربية بدأت تحمل الركاب حاولت أسكت عشان محدش يلاحظ.
العربية طلعت والسواق كان مشغل قرآن بصوت جميل ريَّح قلبي بشكل، غمضت عيني وسرحت في الجنة اللي هتكون نهاية كل تعب عيشناه هنا، شوية ولاقيت صوت راجل في الكرسي اللي ورايا بيطبطب على مراته وبيقولها:

« حقك عليا أنا، ياريتني أقدر أخد كل تعبك وحزنك وأشيله في قلبي، أنا هستحمل والله بس مشوفكيش في يوم مكسورة أو مهزومة، أنا صحيح الدنيا بتخبَّط فيا بس بقوى لما أشوف ضحكتك، حقك عليا يا بسمة والله هتفرج وهنعيش سوا حياة جميلة متتخيليهاش، ده ربنا كريم كرم محدش يتوقعه والله »

الكلام والموقف على قد جماله بس وجع قلبي جدًا لما افتكرت جوزي اللي مبهدلني وسابني أسافر لأهلي لوحدي، مش مقدر إني بنزل أشتغل وأحوش معاه وأكبَّر منه قدام الناس، حسدت الست دي على حنية جوزها الحقيقة، كان نفسي في واحد حنين ميكسرنيش قدام الناس ولا يرجعني لأهلي مهانة!

فجأة سمعت صوت الزوج بيكلم واحد في التليفون وبيقوله:
أيوه يادكتور جايين في الطريق ناخد الجرعة، العلاج وصل يعني؟

مفهمتش حاجة من المكالمة، قفل مع الدكتور ولاقيته بيقول بصوت عالي: لا فوقي وبصيلي، عشان خاطري بلاش تغمضي عينك.
كل اللي في العربية قاموا بسرعة ببص لاقيتها بنت أعرفها مريضة كانسر كشفت عند زوجي قبل كدا، مسكتها من راسها وقولتله:
متقلقش أنا ممرضة هعرف أتعامل، حاولت أفوقها وفاقت، ولما نزلنا قولتله هاجي معاك تاخد جرعتها، وقولتله: متخافش والله ربنا هيشفيها وقعدت حكيتلهم مشاكلي مع زوجي وإنه بيقلل مني لإنه دكتور وأنا ممرضة، برغم إني بحضر دبلومة وواخدة براعة إختراع في حاجات للجلد والبشرة وحاليًا بتناقش مع دكاترة في فكرة علاج للسرطان وبذاكر وبشتغل وواخدة بالي من بيتي والله.

ضحكت على ضحكة مراته وهي بتقول: وأنا اللي كنت ببص للناس حواليا وأقول يابختهم بصحتهم!!

صحيح الحلو اللي بيظهر للناس بيخفي تحته وجع كبير لدرجة إن كل واحد مفكر حياة غيره أحسن من حياته، فعلاً ربنا عادل.
مرت الأيام وفي يوم زوجها رن عليا بليل وقالي مراتي تعبانة ومش عارف أعملها إيه، نزلت بسرعة كان زوجي نايم، وروحتلها ولسه بديها حقنة لاقيت جوزي فتح الباب مرة واحدة واتصدم من اللي شافه، كان مفكرني نازلة أعمل حاجة غلط!!

ببصله وبقوله: جاي ليه يادكتور محمد.

ضحك بوجع وقالي: مهنش عليا ترجعي البيت لوحدك بليل.

لما شاف وضع الزوجة وحس إن الدنيا مش مضمونة بقا شايلني في عيونه وفضل يشجعني لحد ما التجربة بتاعتي لعلاج السرطان نجحت وعالجت بسمة ♥.

القلوب مقفولة على حاجات لو اتكشفت هنحمد ربنا على حالنا.

لما تيجي تبص لحياة غيرك افتكر أن المخفي منها صعب ♥.

الرضا في عز الوجع بيكشفلك إنك كان لازم ترضى من الأول.

" بس دي حاجة مستحيل تدمر حياة إنسان "

ضحكت بتعب مليان حزن وقلت:
" أصل أنا اللي سرقت الشبشب! "

الكل بص عليا ونظراتهم كانت بتاكلني وكأنهم بيقولولي:
" ليه عملت كدا؟ أنت مش إنسان! "
لكن أنا كنت قاعد برتعش لما سمعت منهم الخبر وتجاهلت نظراتهم اللي كلها استحقار وكراهية.. وبقيت أقول لنفسي بكل تعجب:
إزاي سرقة شبشب تدمر حياة بني آدم بالشكل ده؟

وقفت بصعوبة وحاولت أمشي لحد المسجد اللي سرقت من قدامه الشبشب ودخلت وانا ببص حواليا بخوف، لاقيت شيخ جه من ورايا وحط إيده على ضهري وقالي:
" مالك بترتعش كدا ليه؟ أنت كويس؟ "

وقعت على الأرض وانهارت في العياط.. قعد قدامي ومسك إيدي بطبطبة وبصلي عشان أحكيله اللي حصل، لاقيت نفسي بفتكر وبقوله: " أنا اللي سرقت الشبشب! "
بصلي بضحكة وقال: " وسرقة الشبشب تعمل فيك كل ده؟ بسيطة ياسيدي رجعه لصاحبه يلبسه تاني "

رديت بصوت مخنوق وقولتله: " بس صاحب الشبشب مبقاش عنده رجل عشان يلبسه "

الشيخ وشه اتغير وملامحه بقت ألوان.. كملت كلامي وقولت:
" أنا كنت شاب طايش، عايش الدنيا بالهزار والروشنة، كنت بشوف الذنوب بسيطة وخصوصًا لو كان فعلها صغير ومش مستاهل، مكنتش بسمع لنصيحة حد وكنت بطنش الآية القرآنية اللي كانت بتيجي قدامي صدفة في الفيس، والرسايل الربانية اللي بتقع قدام عيني وبتقولي الحق نفسك، الوقت بيفوتك! "
طنشت كل ده وجيت في يوم جمعة وسرقت شبشب من قدام المسجد ورميت شبشبي المقطوع ولبست الشبشب الجلد ومشت، وعيشت وكملت حياتي والذنب ده مخطرش على بالي، فكرت صاحب الشبشب أشترى غيره وخلاص، لكن صاحبه كان مريض سكر ولما لقى الشبشب مسروق مشى حافي.. وهنا المسمار دخل في رجله وسببله بتر ورجله اتقطعت، وكل ده عشان واحد شبهي مستصغر الذنب وبيضحك على الذنوب الصغيرة!

الشيخ بلع ريقه وسحب إيده من فوق إيدي، وأنا كنت بزيد في العياط والندم وأقول " مستحيل ربنا هيسامحني ياشيخ صح! "
أنا متأكد إنه هيردها في صحتي!

وزي ما الحسنة الصغيرة بتدخل صاحبها الجنة، في ذنب هامش ممكن يوقع صاحبه في الجحيم.

الشيخ سكت شوية وقال :
كُل ليلة خُتمت بتلاوة سورة الملك ، بشر لصاحبها في حياته بعودة قلبه للفطرة، وفي الآخرة بشفاعتها له ..
قال رسول الله صلى الله عليه وسلم: إنَّ سورةً في القرآنِ ثلاثونَ آيةً شفَعت لصاحبِها حتَّى غُفِرَ لَه تَبَارَكَ الَّذِي بِيَدِهِ الْمُلْكُ "

صاحب سورة الملك وهي هتنجيك صدقني!

مشيت بعد الصلاة وانا بقول إزاي؟ الأمر مش بالسهولة دي!
معنى كدا إن أي حد هيعمل ذنب كبير يروح يقرأ سورة الملك وخلاص؟ طيب ما كل الناس تقراها بعد كل ذنب ومتعيطش!
قعدت كل يوم اقراها ولما أفتكر الراجل وهو قاعد عاجز قلبي يتعصر ودموعي تسيل.. وجيت في يوم صحيت للفجر وعاهدت ربنا إني هصلي طول عمري بس الراجل ده يسامحني!

وبعد سنتين ختمت ربع القرآن حفظ، وسمعت إن الراجل ده على فراش الموت.. بقيت أخرجله صدقات باسمه، وأعمل الخير بنية إن ربنا يهوّن عليه لحد ما في يوم الراجل ده طلبني بالاسم!

مشيت روحتله وانا رجلي بتخبط في بعضها وقلبي بيرتجف من الخوف وحاسس إني بتنفِس من خرم إبرة!
دخلت عليه الأوضة وفضلت باصص في الأرض ودموعي بتنزل بكل هدوء.. لاقيته بص لكل اللي حواليه عشان يخرجوا بره وبعدين بصلي وقالي: " أنا مسامحك! "

بصيتله ولسه هقوله: " عرفتني إزاي؟ "
رد وقالي: " أنا حلمت بيك، الملايكة كانت بتحط في إيدي فاكهة من الجنة، وقالتلي أشاركها معاك وناكلها سوا ولما قولتلهم مين ده؟ قالولي إنك بتشاركني حسناتك وجه الوقت اللي أشاركك فيه فاكهة أهل الجنة، بس قبل ما أروح الجنة أنا حبيت أسامحك في الدنيا "

لاقيت نفسي بنهار من العياط وبقوله:
" وذنب رجلك مين يسامحني فيه "

رد وقالي: " أنا لما روحت للدكتور قالي المسمار ده جه في طريقك عشان ينجيك، رجلك كان فيها صديد وكان هيطلع على جسمك وتموت على طول، أنت منحتني سنتين زيادة أعبد فيهم ربنا "

شكرًا ليك..

وقفت وانا باصص للسما ودموعي بتنقط نار في قلبي، معقول القرآن بيعمل كل ده؟ إزاي ربنا بيرتب الأمور لكل عباده بالشكل العجيب ده؟ إزاي فيه حل لكل مشكلة كدا؟

لاقيت صوت بينادي في ودني وبيقول:
النبي ساب لينا كل الحلول بس إحنا اللي مش حافظين الدين صح!

ومن يوم ما بقيت أستاذ في الأزهر الشريف وأنا بقيت بحكي قصتي دي لكل الناس، عشان يدعوا للراجل ده وعشان محدش ييأس من رحمة ربنا.

بلاش تستصغروا الذنب عشان ضخامة عذابه بتكون صعبة.
وبلاش تستصغروا الحسنة والخمسة جنيه اللي بتفكرها قليلة لما تطلعها صدقة، وقراية صفحة من القرآن كل يوم!

زي ما نقطة المية بتنقذ روح.. القليل من القرآن بينقذك ! ❤🌻.

﴿‏وَهُوَ عَلَى جَمْعِهِمْ إِذَا يَشَاء قَدِيرٌ﴾ 💙

رسالة حلوة لكل بنوتة...

أياً كان شكلك ! أياً كانت ملامحك ! :)
أياً كانت درجة تعليمك ! أياً كان مؤهلك ! :)
أياً كان لونك ! أياً كان طبعك ! :)
أياً كانت بيئتك ! أياً كانت عيلتك ! أياً كان مستوي معيشتك ! :)
أياً كان شغلك ! أياً كانت شخصيتك ! :)
فيكي شئ مش موجود في غيرك ! :)
بيميِّزك انتي ! انتي وبس !
والشئ ده انتي مش هتاخدي بالك منه !
لانه جزء منك .. وفي الغالب احنا واخدين علي نفسنا للدرجة اللي تخلينا نتجاهل اي شئ جميل فينا ! :)
زي بالظبط ما تلبسي كل يوم نفس لون الطرحة !
انتي بتشوفي نفسك كل يوم ! أخدتي علي جمالك !
لكن انتي جمالك مايتاخدش عليه
انتي جمالك مش في حد غيرك .. !
عشان كده كوني واثقة من نفسك !
انتي احسن واحدة في نظر نفسك :) !
انتي تستاهلي تكوني سعيدة وفخورة بنفسك !
مهما كان اللي وصلتيله في حياتك !
حتي لو مش راضية عن نفسك !
لازم ترضي .. لانك ببساطه مش عارفة قيمة نفسك الحقيقية !
قيمتك انك كنز ! وكنز محدش يعرف يقدر ثمنه
انني جميلة_ي_غالية .. ولازم تؤمني بجمالك عشان دي حقيقة ! :)
انتي طموحة_ي_غالية بدليل انك تتمني تكوني بكرة احسن مليون مرة من النهاردة وبتشتغلي علي نفسك ولو حتي بالدعاء ! :)
انتي مثقفة_ي_غالية .. مش اي حد يقدر بكلمتين ملهومش لازمة يجرح فيكي ويهز ثقك بنفسك ! :)
انتي شجاعه_ي_غالية .. ياما مريتي بمواقف تهد جبال .. وعدتيها ومن غير ما حد يقف جنبك .. لان ربنا دايما جنبك ! :)
انتي قوية_ي غالية :) .. ايوه قوية وقوتك جوة قلبك اللي بيداوي في نفسه كل يوم عشان يكمل المسيرة ومايقعش في نصها ! :)
نفسك تستحق منك تقفي علي رجلك و تنفضي تراب أشباه البشر اللي وقعوكي في مستنقع الأوهام !
وتستعيني بربك وتقولي اللي خلاني اكمل لحد دلوقتي هيخليني اكمل لحد الجنه !
انا قوية .. كفاية ان معايا القوي
يمكن انتي مريتي بمواقف ضيعت منك حاجات كتير !
لكن صدقيني .. غلطان اللي بيقول اللي اتكسر مابيتصلحش :)
اللي اتكسر بيتصلح لان ربنا اللي هيصلح .. وربنا بديع♥️🌼

يا جميلتي ..
من لم يطرق بــابــكِ حلالاً .. ؟

لا تحادثيه .. لا ترسلي إليـه صوركِ ..
لا تأمنيه على نفسكِ .. لا تقدمي إليـه قلبكِ ..
سيطلب منك كل شئ باسم الحب
فلا تصدقي هذا الكذب
- من أحبك، سيخاف عليك ولن يرضى لكِ
بهذا 🚫
ثــم إنَّ ..
لكِ سمعةٌ لا تفسديها ..
لكِ صحيفةٌ لا تدنسيها ..
لكِ والدٌ لا تحني رأســه .
لكِ والدةٌ لا تؤذي قلبها ..
لكِ أخٌ لا توغري صدره ..
#بل يــا عزيزتي لكِ ربٌ يغار عليكِ فلا تجعليه أهون الناظرين إليكِ..

لا تركضي خلف مشاعرٍ زائفة ..
فوالله لا خيرَ في حبٍّ يتخفى كــأنه خطيئة أو عــار !♥️🌼

﴿قلْ للذينَ فوضُوا أمرهُم للَّه أنَّ اللَّه لنْ يخذلُهم أبداً﴾ 💙

= بس أنا جاي الأرض أعيش يومين .

_أنت مش جاي عشان تعيش يومين أنت جاي تعبد ربنا وتعيش بالطريقة الـ تُرضي ربنا .

أنتَ عَبدْ .

فتأدبْ.💛

{وإذا قيل له اتقِ الله أخذته العزة بالاثم}
الايه دي هتفضل مرجع ،،
انك مهما وصلت لصلاح أو علم أو غيره ،
انك محتاج نصيحه عشان تقدر تبقي احسن ،
وأنك وارد تغلط ده جزء من تكوينك ..
وأنك مش جامد ومبتغلطش لا .

‏﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ﴾ 💙

﴿وَاستَغفِرُوا اللَّهَ إِنَّ اللَّهَ غَفورٌ رَحيمٌ﴾ 💙