ميدو للخدمات طلاب الشهادة السودانية

أي صاحب شايف صاحبه بقى مهمل في قرايته وسادي دي بطينة ودي بعجينة يجمع هنا .

أي والدة عايزة توصي على ولدها وتوكل لينا أمره وتقول لينا أعملوا فيهو العايزنه تجمع هنا .

أي واحدة صحبتها ما عايزة تمشي تقرأ بما يرضي الله وبالحسنة ما نفع معاها الكلام تجمع هنا .

صاحبك الفي الحلة ، ود جيرانكم، بت الجيران وكل من أبت نفسه القراية بما يرضي الله جيبوهو هنا قولوا ليو دي آخر فرصة ليك تقوم تشوف الوراك بدل ما نقومك بطريقتنا 😏

إنت ذاتك إذا لسه بتتصرمح ومقضيها لعب بمستقبلك أحسن تعمل تاق لنفسك براك عشان ما يجيبوك مجرور للبوست ده ( عامل لي فيها الشريف الرضي! عارفنك خاربها برضو) 🙂

البوست الفات طلعتونا مشخصننها وأمهامتكم موصيننا عليكم 😒 لكن مدام كدا حنشخصنها جد 😌

لستة البلاغات رجعت 🔥
ويا نحنا يا إنتوا في القراية دي
دي البداية بس بلاغات .. لكن الجاي ما بتقدروا عليه
أحسن تنكربوا
ما تنسوا التاق 💙🫶🏼

#أفضح_متسيب
الدعم الالدعم النفسي لطلاب الشهادة السودانية ميدو

​​إحساس يوم النتيجة ♥️🥰
😍♥️
تحكي تجربتها طالبة حاصلة علي97.1 💙
والله يا اخوانا لو بتصدقوا انو انا كنت شايفة نفسي حعيد عديل!!😓
اي والله وطول الفترة بعد الامتحانات لحد النتيجة كنت خايفة شديد
يوم النتيجة ما نمت وكنت مرهقة شديد
وطبعا نحنا سنتنا ذاعوا ال10 الأوائل بس
فااا انا كنت مضطرة اعرف النتيجة من التلفون والنتيجة بتتأخر قبل ما تترسل ليك
اول ما شفت 97.1 انا ما صدقت وقعدت مسافة كدا لحد ما استوعبت انو النسبة دي حقيقة 😂😂
غااايتو كان يوم مليان توتر في بالبداية وتاني اتقلب دموع وبكا ومباركات من الأهل وناس المدرسة والجيران وايييييك
كان يوم جميل شديد
وجد جد حتحسوا تعبكم كلو ما راح وانو الحمدلله خلاص تالتة عدت
ان شاء الله كلكم تعيشوا أجواء الفرحة دي يوم النتيجة ونفرح ليكم كدا ❤️❤️❤️🥰

قريباً...
حنقوم نمشي نقرا داخل جامعة الجزيرة 💙💙

‏اي زول من مدني الليله عفيناه من القراية ، احتفلو وافرحو بس

الليلة البقرا دا متعاون…

اللهم لك الحمد والشكر الله اكبر الله اكبر
القوات المسلحة داخل مدني💪💪💪✌️✌️

عقبال الخرطوم 🥺

الله أكبر
تم تحرير طلاب وطالبات الشهادة الثانوية

شفتوا الايام مرت كيف اخيرا محا اقول ليكم ختوا التلفون ولا اقول ليكم امشوا اقروا ولا ازعل منكم يعنى تاني ماف خايف من كيمياء خايف من تاريخ حا ترتاحوا مني 😔😔
ربنا ينجحكم كلكم يارب وتخوشوا المجالات العايزنها

24اقبل ليكم ولا شويه كده😔

ناس 23ما تغادوا حبيناكم والغادر حتشتاق ليه😔

24اسمعوني

وزير التربيه والتعليم قال اخر يوم لامتحانان 23بعدييهم بثلاثه شهور 24يعني من يوم 1/9
حتكون يوم 4/9
دا المفروض والله اعلم

اجازه سعيده عليكم 🎀😔

بمناسبة إنتهاء إمتحانات الشهادة الثانوية رسالة للطلاب الظروفهم ما سمحت ليهم يمتحنوا.
ما تزعل ولا تضايق حتى لو إتاخرت عن دُفعتك وأصحابك واللي في عُمرك..

كل الإنتصارات عظيمة ، مهما كانت متأخرة بالمقارنة مع غيرك ..

و تحركك من السالب للصفر ، يعتبر تقدم ما ساهل أبداً .. و خروجك من أماكن مُظلمة و إنطفاء للوضع العادي ، دي حرب نفسية ما هيِّنة وإنت طلعت منها منتصر !

إنت الوحيد اللي عارف نفسك و كل اللي فى الكواليس و ما متشاف .
فـ ما تظلم نفسك إنت كمان و تشوف نفسك من برا بعيون الناس !

نطاقك الزمني مختلف ، و ظروفك الخاصة غير أي زول تاني ..
مدى خطوتك غير خطوة غيرك ..
و المرحلة اللي غيرك أخدها فى خطوة ، خطوتك إنت ممكن تعديك مرحلتين .. خطوتك اللي بقت أقوى بعد كل اللي مريت بيهو من حروب ما متشافة !

فـ رفقاً بنفسك .. إنت ما فى نفس المكان اللي كنت فيهو من سنة نفسياً و فعلياً 🙏🏻♥️.

صباح آخر إمتحان 🥰
دا ياهو صباح الخير 😂💙

يارب ولا ممتحناً إلا نجحته ووفقته ونورت قلبه وعقله
يارب سدد خطاهم وبارك مسعاهم💙🔥
نتمنى الختام يكون مسك 💙

دفعة جديدة اعمل لايك

"حبيبتو ممتحنة تالت ومضغوطة جدًا وما اشتغلت كويس في الإمتحانات الفاتت ف حب يطمنها..❤️✨️

_طلب ليها هدية يخفف بيها توترها من الإمتحانات الفاتت وتشتغل كويس وتعوض في الجاي..!

-وغير كدا حب يوريها إنو مهما اشتغلت كعب، كدا كدا حيعرسها وتعيد تالت ف بيتها.!

ف كتب ليها في الكرت:
"حتى لو ما اشتغلتي كويس وجبتي النسبة العايزاها، تجي وتمتحني تاني وتالت وعاشر من بيتنا وأنا معاك"❤️✨️

لٲي زول ممتحن الشهاده السودانية...
ربنا يوفقكم ويسهل عليكم يارب

"ما الشهادة إلا نور في الظلام، وما الامتحان إلا درب نحو النجاح. أنتم الأبطال اليوم، وسنكون الفخر بكم غدًا ❤!"
دعواتكم ليهم 🦋❤

اللغة العربية 🫰♥
امتحان يشبه ضحكتها 🙂

لو لِقيت طالب ممتحن الشهادة السودانية طوالي؛ سلم عليه بحنية،. سوقوا البقاله إشتري ليه بارد وكيك وشوكلاتة و إندومي،. و
امشوا فسحوهم شوية،. رَفهوا ليهم لأنهم أكتر طلاب بعانوا بعانو وبقاسوا في الفترة دي.!..

🔵 تعابير مرشحة كثر ورودها في امتحانات الشهادة السودانية الأعوام السابقة :

1-تحدث عن السلام ونبذ الحروبات
2- رحلة قمت بها ( سواء كانت علمية او ترفيهية ...)
3- مشهد من مشاهد الطبيعة اعجبك
4- اكتب قصة بعنوان ...( الأمانة ..الصداقة..الأمل ..)
5- الدورات المدرسية وأثرها في تنمية مواهب الطلاب .( تكرر كثيرا)
6- تحدث عن بيت شعر ( مثلا)
بلادي وإن جارت علي عزيزةُُ
وأهلي وإن ضنوا علي كرام
(يتوجب دراية بمعنى وشرح البيت ..لا انصحك باختياره)
6- تحدث عن شخصية (تاريخية - اسلامية - وطنية )
7- وصف منطقة قمت بزيارتها
8- الام واثره في المجتمع
9- الشباب والعمل
10- النظافة والايمان

ودي حاجات لازم ترعاو ليها لمن تجو تكتبو وتتضمن الدرجات ال15 كامله او اقل شي 10 درجات :

/1 الفكرة 5 درجات
2/ الاسلوب وبعده عن الركاكة والعامية 5 درجات
3/ السلامة من الأخطاء الإملائية والنحوية ومرعات علامات الترقيم 5 درجات

يا رب زغروته من الأمهات في بيت كل زول ممتحن💛

رسالة إيجابية_ لي ناس الشهادة السودانية❤️..

في الأول أتا بحييكم وخلاص الود والتقدير والإحترام، على تحملكم الجهجه الحصلت والصعوبات الواجهتكم، ورغم ده كلو قريتو وساهرتو الليالي وبكيتو وضغطو على نفسكم، وحرمتو نفسكم من حاجات كتيرة، وده كلو في سبيل العلم، عشان تنجحو، عشان تتخرجو، عشان ترفعو راس اهلكم وتفرحو اصحابكم وكل الحواليكم ..
فأستحاله تعبكم يضيع هدر، إتذكرو لكل مجتهداً نصيب، وأنتو ما شاء الله نهائي ما قصرتو، كونو فخورين بي نفسكم كونو الليلة واجهتو كل الصعوبات دي كلها في سبيل العلم ربنا ما حيخزلكم، وإتذكروا الله معاكم وما بنسى عبدو أبداً❤️..
وحتى لو ما جبتو النتيجه الأنتو عايزنها، ما تزعلو، ما تضايقو، كل تأخيره ليها خيرها❤️، الزعل ما شبهكم ربنا اكيد داسي ليكم حاجه اكتر من رهيبة، فكل شي لي خير، وانتو قدوتنا يلا الجامعة منتظراكم، ونحنا عايزين نشوفكم في العلالي، وتستاهلو كل الود والتقدير، ربنا يوفقكم وإن شاء الله كل واحد حيجيب الدرجة الهو عايزة ..
براءة بتقتدي بيكم❤️✌🏼.

#إنت_أقوى❤️
#إنت_حتنجح_بإذن_الله❤️

‏اقرو كويس واعملو العليكم وادعو، ادعو كتير، في كل ركعه، في كل سجدة، خلو اهلكم يدعو ليكم، اوعي تستهيتنو بقوة الدعاء، خلو إيمانكم بالكريم كبير، وعمركم م ح تحزنو.. وخليكم فاكرين دايما انو الدعاء يرد القدر 💛🌻
بالتوفيق ليكم اقرو كويس


#كفاح_حتى_النجاح

خليك متزكر انك لو جبت 97 اول 50 في النتيجه دي عقلك هو الحيشغلك و حيوديك لي قدام و ماف زول عارف الظروف الانت مريت بيها عشان كده خليك فخور بنفسك يا انسان. وان شاء الله كلكم تجيبو النسب الدايرنها

#اقوي_دفعة_في_تاريخ_السودان♥💕

ناجحين ولي الجامعة ماشين ❤ اشبكوهااا
امين 🤲

شباب جغرافيا ربنا معاكم ودعواتنا معاكم ربنا يوفقكم وتطلعوا مجبورين خاطر ❤️

صباح الخير والعافية 💕

هسي انتو شغالين امتحانات من السنه الفاتت😔💔

لإيجاد الزمن في مدينة ما:
الخطوات:
١/نوجد الفرق في الدرجات.

٢/نحول الدرجات الي ساعات ودقائق بضرب في ٤

٣/إذا كان الناتج أكثر من ٦٠ نقسم على ٦٠.

٤/إذا كان خطي الطول في الاتجاهات الاتية:
-الشرق الشرق ____نجمع.

_الغرب الغرب ___نطرح.

_الشرق الغرب ____نجمع

ربنا يوفقنا جمعا كدا يا رب 🤲

النتيجة نجاح
اللهم حقق هذه الامنية لكل طالب

جغرافيا مسائل الزمن
الناس تركز حاجه بسيطة وساهله ودرجات مضمونه

المراجعة الختامية في الجغرافيا
المتميز عمر بركات ❤️‍🩹
ان شاء الله 50٪ من الامتحان يجي من هنا 🤩💕