Postagens do Canal أثر الصالحين💐🤍

اللهم اجعل شهر رمضان شهر خير وبركة علينا وعلى أمتنا ، وأعنا فيه على الصيام والقيام وتلاوة القرآن ..اللهم اجعلنا فيه من المقبولين ، واكتب لنا فيه الرحمة والمغفرة والعتق من النيران♥️.
اللهم بلّغنا رمضان بقلوب صافية ، ونفوس مطمئنة ، وأعمال صالحة ترضيك واجعل لنا فيه دعوات مستجابة ، وأعمالًا متقبلة ، وأرزاقًا مباركة ، وأقدارًا جميلة تسر قلوبنا♥️.
اللهم ارزقنا فيه القوة على الطاعة ، والسكينة في القلوب ، والنور في دروبنا ، واجعلنا من الفائزين بليلة القدر ، ومن المعتوقين من النار ..آمين يارب العالمين🥹♥️.

‏{فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ}🥺🤍

> لا تغفل🥺🤍
لا إله إلا اللهُ وحده لا شريك له ، له الملكُ ، وله الحمدُ ، وهو على كلِّ شيءٍ قديرٌ ، لاحولَ ولا قوةَ إلا بالله العليِّ العظيمِ ، سبحان اللهِ وبحمده ، والحمدُ لله ، ولا إله إلا اللهُ ، واللهُ أكبرُ.«٣»🤍🦋

سبحان الله .مابالكم بقي بالبُراق ! المهم فيقول جبريل: اركب يا رسول الله و ركب و ركب معاه جبريل والنبى ييقول كان جبريل لا يفُارقنى و لا أُفارقه طيب رايحين فين؟ رايحين على أرض الشام ،على المسجد الأقصى بسرعة تفوق الخيال و يوصل النبي المسجد الأقصى و يوقف جبريل البُراق عند باب المسجد الأقصي،و قال جبريل: يا محمد انزل.
عارفين النبي ﷺ حيعمل ايه؟ 

رحله الإسراء و المعراج (الجزء الثاني )
امبارح وصل سيدنا جبريل و النبى عليه الصلاة و السلام للمسجد الأقصى و كانوا راكبين البراق، فقال سيدنا جبريل: يا مُحمد انزل عارفين النبي ﷺ حيعمل ايه؟ النبي نزل و راح رابط البراق فى عمود من عواميد المسجد الأقصي، طيب بتربطه ليه يا رسول الله، ده ربنا خلقه مخصوص عشانك وهيختفي بعد رحلة الإسراء والمعراج وربنا هيحفظه ليك أكيد ليه بتربطه؟ اصل سيدنا النبي ﷺ قمة فى التوازن،، قمة فى الربانية، ربنا رايد مننا اننا ناخد بالأسباب و فى نفس الوقت نتوكل على الله النبى ﷺ حيتصرف بقمة الواقعية . دي قوانين الدنيا ،هوه ينفع اسيب العربية مفتوحة واقول أنا حتوكل على الله ربنا حفيظ؟ لأ لازم اخذ بالأسباب واقفلها و برده مينفعش أقفلها و أقول أنا متأكد إن العربية مش حتتسرق لانى قفلتها كويس طب ليه مينفعش؟ لإن لازم تبقى مؤمن أن ربنا على كل شئ قدير و مفيش شئ معصوم من قدر الله الصحابة بيقولوا كنا نري النبي يأخذ بالأسباب حتي نقول أنه لا يتوكل على الله،،وكان يتوكل على الله حتي نقول أنه لا يأخذ بالأسباب حبيبنا سيدنا النبي ﷺ كان قمة فى التوازن يربط البراق ويقول له جبريل: ادخل يا مُحمد طيب مين اللى بيحكم فلسطين فى الوقت ده؟ الرومان ،فطبيعي المسجد الأقصى يبقى مهجور ومفيهوش حد و مضلم

لكن تتفتح أبواب المسجد الأقصي ويبص النبى ﷺ و يلاقى المسجد مليان على اخره والمسجد كله منور ،طب مين اللي فى المسجد ؟ كل الأنبياء من آدم عليه السلام إلي عيسي عليه السلام،، ومتنسوش قال تعالى :" وَرُسُلًا قَدْ قَصَصْنَاهُمْ عَلَيْكَ مِن قَبْلُ وَرُسُلًا لَّمْ نَقْصُصْهُمْ عَلَيْك"والنبي ﷺ مبهور و هما واقفين فى صفوف مستنينه للصلاة اصل كل الأنبياء مسلمين يعنى كلهم موحدين ،قال تعالى:" لِكُلٍّ جَعَلْنَا مِنكُمْ شِرْعَةً وَمِنْهَاجًا "طريقة العبادة مختلفة بس الأصل هو التوحيد بإن لا إله إلا الله و يبدأ جبريل يقول للنبى ﷺ تقدم للإمامة ويقف النبى مخضوض و مش بيتحرك النبى ﷺ واقف قدام كل الانبياء تخيلوا واقف قدام إبراهيم خليل الله و عيسي روح الله و موسي كليم الله ،فالنبى مش متخيل انه يكون الإمام و جبريل يقوله تانى: تقدم يا رسول الله للإمامة و يوقف النبى عليه الصلاة و السلام إمام و صلي بالأنبياء ركعتين من صلاة المسلمين،،

وده قمة التشريف للنبي عليه الصلاة والسلام كأن ربنا بيعرفنا إن الأنبياء كلهم حيدوا راية البشرية للنبى وانه هو الرسول الخاتم..الرسول عليه الصلاة والسلام مرة قال: لو كان موسي حيا بيننا، ما وسعه إلا إتباعي (يعنى لو كان حى كان زمانه اتبع رسول الله و دين الإسلام ) و تخلص الصلاة و ياخد جبريل النبى و يطلع بره المسجد الأقصى فيجيب جبريل إنائين واحد فيه لبن و الإناء التانى فيه خمرة ويقول جبريل :يا مُحمد اختار (على فكرة الخمرة فى الوقت ده كانت لسه مش محرمة علينا ) فاختار سيدنا النبي اللبن ففرح جبريل وقال: أهتديت إلي الفطرة يا رسول الله وهديت أُمتك إليها..،كل يوم بنقع فى الإختيار بين الحرام والحلال اللبن رمز النقاء والصفاء والخمر رمز المعصية ..و الحلال واضح و الحرام واضح لينا. 

دلوقتي هيطلع النبى و جبريل للسما بس قبلها جبريل حياخد النبى و حيطوف بيه على أهل المقابر حيشوف فيها ناس بتتعذب و يعرف نهاية ابو جهل انهم حتبقى زيهم و حيشوف ناس بتتنعم عشان تطمن يا رسول الله علي سمية (فكرينها؟ اللى ماتت من تعذيب ابو جهل ليها عشان تكفر بدين مُحمد ) و تطمن على اللى ماتوا و حيموتوا و تعرف إن وعد الله حق انهم حينعموا بالجنة..عشان ميزعلش حبيبنا النبى ﷺ علي حد بعد كده فيعدي النبي ﷺ على قبر ويقول: رأيت أناس يخمشون وجوهم وصدورهم بأظافر من حديد وقال من هؤلاء يا جبريل ؟ فرد جبريل و قال : هؤلاء يأكلون لحوم الناس (الناس اللى بتغتاب) قال تعالى:" أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ" و يعدي على قبر تاني فبيقول : رأيتُ أُناس تُقرض شفاتهم بمقاريض من نار ،فيقول لجبريل من هؤلاء؟ فيقول: خُطباء أُمتك يا مُحمد يقولون ما لا يفعلون، يأمرون الناس بالمعروف ولا يأتوه وينهونهم عن المنكر ويأتوه،فيمر على قبر تالت فيلاقى فيه سيدنا موسي قائم يصلي فى قبره (المفروض مفيش تكليف فى القبر لأن الأعمال بتترفع بعد الموت) فقال النبى عليه الصلاة و السلام: يا جبريل أهذا موسي ؟

السلام عليكم ورحمه الله وبركاته
#حلقة_30
مَـسَـرّة..
يلا بينا صلوا على النبى 🤍
رحلة الإسراء و المعراج من الارض للسماء (الجزء الأول )
قم يا محمد إلى لقاء الله 🤍

النبي اتأذى من اللي حصل فى الطائف ،قلبه وجعه و حزين اوى كمان لإن الطائف رفضت الإسلام وربنا الجبار جبر قلب حبيبه عليه الصلاة و السلام بإسلام عداس و إسلام الجن، طب و إيه كمان؟؟ حادثة الإسراء و المعراج و كأن حادثة الإسراء و المعراج بتثبتلك يا رسول الله إن لو أهل الأرض مش مقدرين قيمتك ،تعالي عند أهل السماء وشوف قيمتك ،،و تحصل رحلة الإسراء والمعراج و يسموها العلماء ذروة التكريم لرسول الله ،النبى هيشوف حاجات عجيبة ربنا عز وجل قال: " لَقَدْ رَأَىٰ مِنْ آيَاتِ رَبِّهِ الْكُبْرَىٰ" سورة النجم دلوقتى الرسول عليه الصلاة والسلام فى نص الليل , قاعد عند الكعبة ، و كان زعلان من اللي حصل ف الطائف ، طاف شوية و راح قاعد وغطى نفسه بعبايته و نام وهو زعلان ،بس الرسول غالي اوي عند ربنا مش هيسيبك تنام زعلان ابدا يا رسول الله، يجيله جبريل عليه السلام يخبطه على كتفه،قم يا محمد فبيحكى لنا النبي فبيقول: فقُمت، فقلت ماذا يا جبريل؟ فرد جبريل و قال لى : قم يامحمد للقاء الله هيقابل ربنا تعالوا نشوف الرحلة بعين الرسول، طب ازاي؟ زي ما عبد الله بن عمُر بيعمل بالضبط أصل مرة عبدالله بن عُمر كان فى المسجد النبوي مع النبي والصحابة، وبعد الصلاة اتكلم النبي علية الصلاة والسلام معاهم وبعدين قام قايل: يا أيها الناس من منكم رأي الجنة؟ (طبعا محدش شافها إلا النبي في الإسراء والمعراج) فالمهم محدش رد ،فقام عبد الله بن عُمر قايل : أنا يا رسول الله ، فسيدنا عُمر بن الخطاب (أبوه) حط إيده على راسه كأنه بيقول لابنه : ايه اللى بتقوله ده جنة ايه اللى شفتها! لكن النبي ابتسم و قال من منكم دخل الجنة؟ فبرده رد عبدالله بن عُمر وقال: أنا يا رسول الله ،فبدأ عُمر بن الخطاب يغطي راسه بعبايته حيتجنن من ابنه بس برده ابتسم النبي وقال من منكم أكل من ثمارها؟ فقال عبدالله بن عُمر : أنا يا رسول الله' فسيدنا عُمر بقى مكسوف وكان شويه و يسحب نفسه بهدوء و يمشى و برده تبسم النبي لكن قال : قم يا ابن عُمر فاخبرهم كيف دخلت الجنة؟  فقام عبد الله بن عمر وقال : والله يارسول الله رأيت الجنة بعينيك يا رسول الله،،ودخلت الجنة بقدميك يا رسول الله،و أكلت من ثمارها بفمك يا رسول الله، فأنا اري بعينك وامشي بقدمك واكل بفمك يا حبيبي يا رسول الله شوفتوا حب النبي فى قلبه قد ايه شوفتوا إيمانه بالنبى شكله ايه!! كان بن عُمر بيمشي في المدينة و يدور على الأماكن اللى ممكن يكون النبى مشى فيها و يمشى ويحط رجليه فوق اثر رجل النبي،،لدرجة إن كان فى شجرة النبي بيحب يقعد تحتها دايما كان برده عبد الله يروح لوحده يقعد تحتها . لدرجة ان الصحابة قالوا :"والله كان يتبع أثر النبي حتي خِفنا على عقله" ماشي عمال يدور على ايه بيحبه حبيبه عشان يعمله ياريت نجرب نبقي زي ابن عُمر ونشوف بعين النبي اللى حيشوفه فى رحلة الإسراء و المعراج نرجع لجبريل بعد ما قال للنبى: قم يا مُحمد إلي لقاء ربك، بس حصل حاجه قبلها حادثة شق الصدر للمرة الثانية ملائكة نيمت النبي على ضهره وفتحت صدره تاني زى زمان فاكرين؟ و طلعوا قلبه و غسلوه بماية زمزم و خيطوا الجرح عملية قلب مفتوح سبحان الله الذي شق البحر لموسي قادر ان يشق صدر محمد فالله علي كل شئ قدير طيب ليه دلوقتي حصل شق الصدر؟ عشان قلب النبى يقدر يتحمل اللي هيشوفوا فى الرحلة لإنه حيشوف حاجات لا يمكن يستحملها بسهولة بعد شق الصدر ،جبريل جه للنبى عشان يبدأ الرحلة، طيب ايه وسيلة المواصلات فى الرحلة؟ دابة اسمها "البُراق"طيب وبرنامج الرحلة ايه؟ ربنا عاوز يجبر بخاطر النبي فالرحلة من الحرم للمسجد الاقصي،و من المسجد الأقصي للسما،، وفى الرجوع حتبقى من السما للمسجد الأقصي ،،ومن المسجد الأقصي للحرم مرة تانية البُراق دى دابة شكلها ما بين الحمار و البغل لونها ابيض ، والخطوة منها توصلها لمنتهى بصرها (يعني خطوتها واسعة تجيب المدى البعيد اللى هي شيفاه) احنا مثلا منتهي بصرنا ثلاثين كيلو منقدرش نشوف ابعد من كده ..

لو افترضنا ان البُراق منتهي بصره زينا ثلاثين كيلو يبقى الخطوة الاولي من رجله تجيب الثلاثين كيلو وبعدين رجله التانية ثلاثين كيلو تانيين يعنى سريع جدا ، قال تعالى :" يَا أَيُّهَا النَّاسُ ضُرِبَ مَثَلٌ فَاسْتَمِعُوا لَهُ إِنَّ الَّذِينَ تَدْعُونَ مِن دُونِ اللَّهِ لَن يَخْلُقُوا ذُبَابًا وَلَوِ اجْتَمَعُوا لَهُ وَإِن يَسْلُبْهُمُ الذُّبَابُ شَيْئًا لَّا يَسْتَنقِذُوهُ مِنْهُ ضَعُفَ الطَّالِبُ وَالْمَطْلُوب"..

- ضع الله نصب عينيك في كل خير تفعله
- لا تنتظر جزاء من أحد
- ولا تبحث عن التصفيق والمديح
- كل عمل أردت به الناس فهو للناس
- وكل عمل أردت به الله فهو لله
- فلا تستبدل الذي هو أدنى بالذي هو خير

{مَا عِندَكُمْ يَنفَدُ ۖ وَمَا عِندَ اللَّهِ بَاقٍ}

*لا تشتڪي مـن الأيـام فليـس لهـا*
*🤎 بديـــــــــــــــــــــــــــل 🤎🌸*
*ولا تبڪي على الدنيـا مـا دام أخـرها*
*🤎 الرحـــــــــــــــــــــــيل 🤎🌸*
*وأجـعل ثقتـك باللـه دومـاً فليـس لـه*
*🤎 مثـــــــــــــــــــــــــيل 🤎🌸*
*و توڪل على اللـه فإنـه على ڪل شيء*
*🤎 وڪــــــــــــــــــــــــيل 🤎🌸*
*واشغـل حياتـك بذڪره تجـد ڪل مـا فيهـا*
*🤎 جمـــــــــــــــــــــــــيل🤎🌸*
*وأڪثر من استغفـاره فإنه للهـم والڪرب*
*🤎 مُزيــــــــــــــــــــــــــل🤎* 🌸".

"سيُجبرك اللهُ ولو بعد حين🤍."

"عطاياهُ المُتأخِّرة تأتي مُدهشة🤍."

إسلام حمزة و عمر بن الخطاب (الجزء الثاني )
شفنا إمبارح الجارية الصغيرة و هي بتقول لحمزة : " يا أبا عمارة أيُضرب ابن أخيك و يسبه أبو جهل و يؤذيه و أنت تصطاد هنا .. أما تستحى !! ".. حمزة ماستحملش أنه يسمع إن ابن أخوه ( النبى عليه الصلاة والسلام ) بيتأذى .. حمزة معاه القوس بتاعه اللى بيصطاد بيه الغزلان فأخذ قوسه وجرى على الحرم .. ودخل وهو رافع القوس فالناس كلها خافت وأستغربت وكله قعد يوسعله ويمشى من قدامه لحد ما وصل لأبو جهل .. وأبو جهل كان قاعد على الأرض ، فقال حمزة : " يا أبا الحكم أتسب ابن أخى وأنا على دينه ؟! " ( حمزة أصلاً لسه ما أسلمش ولا حاجة ... بس هي طلعت من بقو كده ) فأبو جهل بص له وقال : " أسلمت يا حمزة ؟؟ "، قال : " نعم ومن يمنعنى ! أتسبه وأنا على دينه !! " ..فرفع حمزة القوس بتاعه وضرب أبو جهل على رأسه ضربة جامدة عورته .. وراح حمزة قايل بكل تحدى : " ردها علىّ إن أستطعت ، أنا على دين محمد ".. فطبعاً أبو جهل يرد مين  ولا قدر يعمل حاجة وراح قايل لأصحابه : " أتركوه أتركوه ، لقد سببت ابن أخيه سباً قبيحا "و مشى حمزة وراح على بيته وقفل الباب ، ووقف مع نفسه يقول : " ما هذا الذي فعلت " ( يعنى أيه الى أنا عملته ده !!  أنا مش مسلم ، أنا مش عايز ، أنا أيه الى جابنى فى الموضوع ده !! ) .. بيحكى حمزة و يقول : " فوالله ما نمت هذه الليلة " ( كان قاعد يفكر ياترى أخرج للناس أقول أنى مش مسلم وأنى كنت بقول كده وخلاص ؟ بس هبقى برجع فى كلامى .. طيب أفضل مسلم وخلاص ؟ بس أنا مش عايز ) .. فبيقول حمزه : " فما ذُقت طعم النوم إلى أن طلع الصباح فذهبت إلى محمد " ..فقلت : " يا ابن أخي إن حدث بى أمراً عجيباً ليس لى به طاقة ( مش قادر أستحمله ) ، فقل لى ماذا أفعل ؟ "..فإبتسم الحبيب ﷺ  وقال : " يا عمى هلا جلست أكلمك ؟ "، قال : " أجل ".. فبدأ النبى عليه الصلاة والسلام يعرض عليه الإسلام ، فعجب حمزة .. وقال : " والله إنك صادق أشهد أنك صادق يا محمد ".. فقال ﷺ : " أتُسلم يا عمى ؟ "، قال : " أجل ، أشهد أن لا إله إلا الله وأشهد أنك رسول الله يا محمد لا تخف فأنا معك " ..

《إسلام فاروق الأمة عُمر بن الخطاب》

شوفوا سيدنا عبد الله بن مسعود بيقول : " والله ما أستطعنا أن نصلى بالكعبة نهاراً حتى أسلم عُمر وكنا أذلة حتى أسلم عُمر ، وما أستطعنا أن نجهر بالقرآن حتى أسلم عُمر بن الخطاب :) ".. ( يعنى بعد إسلامك يا عمر قدر الصحابة يواجهوا قريش ) .. عُمر قبل إسلامه عمره ما أذى النبى ﷺ خالص بس هو ماكانش عايز النبى ﷺ يتكلم مع حد .. فلما كان النبى ﷺ يمشى فى طرقات مكة كان عمر يمشى وراه .. فكل ما حد يقف يسمع للنبى ﷺ يقوم عمر يبعده و يزقه بعيد عن النبى ..و عُمر كان طويل جداً ، قوى ، عريض ، جميل وكان أصلع .. فعُمر من هيئته تحس ناحيته بالرهبة و الهيبة مابالك بقى لو جى يزقك  .. فكانت الناس تقصر الشر وتبعد من نفسها عن النبى .. وكان النبى *ﷺ* يتحمل ويصبر ويجى فى آخر اليوم يبص لعمر ويقوله : " يا عُمر ألا تتركنى أبدا ً؟ يا عُمر ألا تتركنى ليلاً أو نهاراً ؟ ".. و عُمر يسكت وميردش عليه و يفضل يبعد الناس عن النبى .. طيب عمر أسلم إزاى ؟ يقول عمر : " فكان مما أوقع الإسلام فى قلبى كلمات جارية " ( بنت صغيرة من الجوارى ) .. فضل يضربها يضربها لأنها أسلمت .. وفضل يقولها أكفرى بمحمد فتقوله لا والله .. فعُمر يفضل يضربها يضربها .. ومن كتر ما ضربها يبدأ يتعب فتقوم البنت قايلة : " يا عمر أنظر كيف أتعبك الله وقوانى :) " ... فعُمر أتهز ، و بدأ يسأل نفسه : " كيف أصبحت هذه الفتاة قوية هكذا ؟؟ و عمر بحجمه و جسمه أصبح متعب !! " فكان ده أول شئ يأثر فى قلب عمر .

نكمل بكرة إن شاء الله🤍