Publications du canal أثر الصالحين💐🤍

|💕🌱"".

هنتكلم النهاردة عن الـتـزم واسـلـك طـريـق الاسـتـقـامـه 💕🫀.

ــــ

« قد لا يتعافى المرء في الدنيا
لأن الدنيا دار شقاء »

لكنّ
- التعافي كله في سماع:
"سَلَامٌ عَلَيْكُمْ طِبْتُمْ فَادْخُلُوهَا خَالِدِينَ"

- تمام التعافي عند أول غمسة في الجنة
ستقول بعدها: والله ما مر بي شقاء قط!

اللهم إنا نسألك الجنة وما قرب إليها من قول وعمل .🤍

https://t.me/serahnabawia

علشان نحس بالمسئولية ناحيته ﷺ  ، عشان نتعلم الصبر و الثبات ونحس أننا شايلين الأمانة و نعرف إن الموضوع مكنش سهل .. الموقف اللى حصل هو أن واحد من بره مكة ، راح لكبراء قريش و بيشتكى و يقول : " إن " أبا الحكم " أخذ منى مالاً ويأبى أن يرده إلى ّ " ( أبا الحكم مش عايز يدينى فلوسى .. أبا الحكم ده أسم أبو جهل القديم على فكرة  ) المهم الراجل بيطلب منهم و يقول : " فمن منكم يأتينى بمالى من أبا الحكم ؟؟ " (حد يجيب لى فلوسى منه) .. كفار قريش لاقوها فرصة عشان يدايقوا النبى ﷺ .. فعملوا إيه ؟ ... قالوا للراجل : " لا أحد يعرف أن يأتيك بمالك منه سوا هذا الرجل " ( محدش هيعرف يجيبلك فلوسك غير الراجل اللى هناك ده ) .. محمد ﷺ .. ( طبعاً بيهرجواً ، هو محمد يقدر على أبو جهل دلوقتى !! هما شايفين أنهم بكده حيحطوا النبى ﷺ فى موقف صعب و يحرجوه ... لأنهم فاكرين أنه ضعيف من وجهة نظرهم ) ... المهم الراجل صدق وقام راح للنبى ﷺ وكان بيصلى ، فأول ما النبى ختم الصلاة قام الراجل قايله : " يا محمد إن أبا الحكم يرفض أن يعطينى مالى و إن هؤلاء يزعمون أنه لن يأتينى بمالى من أبا الحكم إلا أنت ".. فراح النبى ﷺ باصص عليهم لاقاهم واقعين على نفسهم من الضحك ..فالنبى بصلهم وبص للراجل وقال ﷺ : " أجل يا أخى أنا آتيك بمالك :) ( شايفين القوة ، خودوا بالكم النبى عليه الصلاة و السلام عارف أنه هيتأذى بس واثق فى ربه ، عارف أن ربنا مش هيضيعه و عارف إن الرسالة ليها تمن و إن النبوة مش بالساهل ، آيات كتير من القرآن ثبتت النبى ﷺ قال تعالى : *{ فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلَا تَسْتَعْجِلْ لَهُمْ }{ وَاصْبِرْ وَمَا صَبْرُكَ إِلَّا بِاللَّهِ ۚوَلَا تَحْزَنْ عَلَيْهِمْ وَلَا تَكُ فِي ضَيْقٍ مِّمَّا يَمْكُرُون }* .. *{ وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا }* شوفوا كام آية ربنا بيصبر بيها النبى ﷺ و يثبته و يطبطب عليه و النبى كان بيصبر و يحتسب الأجر من الله عز وجل,, و فعلاً ياخد النبى ﷺ الراجل من أيده و يروحوا على بيت أبو جهل و يخبط ( وكفار قريش واقفين هناك هيموتوا من الضحك و مستنين يشوفوا أبو جهل هيعمل فى النبى إيه و هيأذيه إزاى !! ) فأبو جهل فتح الباب ، فقال النبى ﷺ : " يا أبا الحكم أخذت من هذا الرجل مالاً ؟ " فقال أبو جهل : " نعم ".. فقال النبى ﷺ : " وترفض أن ترد للرجل حقه و ماله ؟ " ، قال أبو جهل : " أجل "، فقال النبى ﷺ : " أعطى الرجل ماله الآن "..العجيب أن أبو جهل سمع الكلام و قال : " أجل سأفعل ".. ودخل بسرعة و جاب الفلوس و أداها للراجل وجرى قفل الباب و هوه بيترعش !! ، قام الراجل أخد فلوسه وشكر النبى ﷺ و مشى و النبى كمان مشى,, بس كفار قريش كانوا فى حالة ذهول و غضب فجريوا على أبو جهل خبطوا عليه ففتح لهم ، فقالوا : " تباً لك !! والله ما فعلنا هذا إلا لنستهزئ بمحمد .. ماذا بك ؟! " (إيه الى جرالك ؟) عارفين أبو جهل قال لهم إيه ؟ قال : " والله لقد رأيت خلف محمد فحل إبل ينظر إلى ّلإن لم أعطى الرجل ماله أكلنى ".. معجزة من معجزات النبى ﷺ :) و كأنه لو مسمعش كلام النبى ﷺ ، الوحش ده كان هيهجم عليه .. سبحان الله يمكن ده ملاك أو مخلوق من مخلوقات الله سبحانه و تعالى :) الله أعلم !! .. قال تعالى : { وَمَا يَعْلَمُ جُنُودَ رَبِّكَ إِلَّا هُوَ }.

نكمل بكرة إن شاء الله 🤍

السلام عليكم ورحمه الله وبركاته
#حلقة_20
يلا صلوا على النبى 🤍
فى راجل أسمه " عمران بن حصين " .. عمران ده أسلم من فترة و موجود حالياً في دار الأرقم مع النبى ﷺ فالباب خبط .. مين بيخبط ؟ حصين .. ده " أبو عمران " فبسرعة عمران راح أستخبي من أبوه عشان أبوه ميعرفش أنه أسلم فدخل حصين وقال : " يا محمد ألم تنته بعد ؟ ".. فيقول النبي ﷺ : " ياحصين كم إله تعبد ؟ "، فيقول حصين : " سبعة في الأرض و واحد في السماء " ..فالنبى ﷺ يبتسم  و يقول : " يا حصين إن مرضت فمن تدعوا ؟ "، قال حصين : " الذي في السماء " .. قال ﷺ : " و إن هلك المال فمن تدعوا ؟ " ، قال حصين : " أدعو الذي في السماء ".. فقال صلي الله عليه وسلم : " يرزقك وحده و تشرك معه غيره ؟ " ( بقى الرزق من عند الله و الشفا من عند الله و لما تعبده ، تعبد جنبه 6 أصنام !! ) .. فقال حصين : " و لكني أخشي قريش يا محمد ".. فقال ﷺ : " لا تخف إنّا معك "... فقال حصين : " أشهد أنه لا إله إلا الله وأنك رسول الله " .. فخرج عمران بن حصين من الحتة اللى كان مستخبى فيها و حضن أبوه وهو بيبكي ..المسلمين في زيادة مستمرة و قريش مدايقة .. فقريش فكرت تهدد أبو طالب " عم النبى " فراح كبار قريش و قالوا : " يا أبا طالب إن ابن أخيك شتم آلهتنا و أستهزأ بدينا و فرق بيننا فإما أنك تأمره أن يترك الدعوة إلى الإسلام أو تتخلى عن حمايته وتتركه لنا " .. فأبو طالب طيب خاطرهم و سكتوا ... لكن راحوا لأبو طالب مرة تانية وهما منفعلين و قالوا : " يا أبا طالب إن لك فينا سناً وشرفاً " ( أحنا صابرين على محمد عشانك و عشان مكانتك فى قريش ) و قالوا : " ولو لم يتوقف محمد عما يفعل .. سنقف ضدك و سنأذيه " ..فنادي أبو طالب النبي ﷺ وقال له : " يا ابن أخي إن قومك قالوا لي كذا وكذا .. فلا تحملني من الأمر ما لا أطيق " ( كفاية يا محمد أنا مقدرش على كده ) .. فقال النبى عليه الصلاة و السلام : " والله يا عمى لو وضعوا الشمس في يميني و القمر في يسارى علي أن أترك هذا الدين ما تركته ".. وخرج رسول الله من عند عمه و هو يبكي ... فأبو طالب مستحملش يشوف النبى ﷺ زعلان بالشكل ده فنادي عليه و قال له : " يا محمد .. قل ما شئت و والله ما أزال أحوطك حتي أموت " ( حفضل أحميك لحد ما أموت ) ففرح النبي ﷺ فرح شديد  .. و يستمر الإيذاء و يزيد معاه ثبات النبى ﷺ و الصحابة .. قريش عملت حاجة وحشة جداً لازم نعرفها سوا .. قريش بعتت واحد أسمه " النضر بن الحارس" لبلاد الفرس علشان يتعلم كل الأساطير و القصص بتاعتهم و يحفظها ، فكل ما النبي ﷺ يجي يتلو على الناس قرآن ، يروح النضر يقول للناس سيبكم من كلام محمد ، و تعالوا أسمعوا أنا ححكيلكم حاجات أحسن منه و يفضل يقولهم قصص و أساطير الفرس .. مش بس كده دى قريش جابت بنتين (جوارى) بيغنوا و يرقصوا و سكنوهم فى بيت و قالولهم كل ما تشوفوا محمد بيكلم حد روحوا خدوه من محمد و أكلوه و شربوه خمرا لحد ما ينسى اللي محمد قاله..و مش بس كده كمان بدأوا يقولوا كلام للنبى ﷺ عجيب جداً .. زي إيه ؟ .. قالوا هو ربنا ملقاش أحسن منك يبعته .. طيب ما كان يبعت ملاك أحسن .. فينزل القرآن يرد عليهم قال تعالى : *{ وَقَالُوا لَوْلَا أُنزِلَ عَلَيْهِ مَلَكٌ وَلَوْ أَنزَلْنَا مَلَكًا لَّقُضِيَ الْأَمْرُ ثُمَّ لَا يُنظَرُون }* ، يعني إيه لقضى الأمر ؟ يعنى مكنش هيبقى ليهم فرصة للتفكير .. خلاص يا إما يؤمنوا يا إما يتعذبوا فالحمد لله رب العالمين .. و بردوا قريش مش هتكست قالوا أصلاً الكلام ده شعر .. فالقرآن يرد عليهم : { وَمَا هُوَ بِقَوْلِ شَاعِرٍ قَلِيلًا مَّا تُؤْمِنُون } .. و يجى فى مرة واحد أسمه " أُبي بن خلف " ( صاحب " عقبة " الأنتيم ، حكينا عنه قبل كده ) راح للنبى ﷺ و هو ماسك شوية تراب و قاله بكل سوء أدب : " أنت تقول إن ربك يحي هذا ؟؟ " ( قصده يرجع الإنسان للحياة بعد ما يموت و يبقى تراب ) و يقوم رامى التراب في وش النبي الشريف ﷺ.. فيرد النبى ﷺ ويقول له : " أجل يا ( أُبي ) إن الله يميتك ثم تدفن في قبرك ثم يبعثك ".. ونزل فى الموقف ده قول الله تبارك وتعالى : *{ وَضَرَبَ لَنَا مَثَلًا وَنَسِيَ خَلْقَهُ قَالَ مَن يُحْيِي الْعِظَامَ وَهِيَ رَمِيم* *قُلْ يُحْيِيهَا الَّذِي أَنشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيم }*.. صلوا على من علم البشرية الحلم والصبر🤍

و تستمر قريش فى إيذائها للنبى صلى الله عليه وسلم ، بس المرة دى الإيذاء سخيف أوى ، قريش جابت ولد جميل و متعلم .. و خدوه و راحوا لأبو طالب و قالوا : " يا أبا طالب إنَّا نراك تحب الأولاد .. فخذ أبننا هذا لتربيه و أعطنا محمد "، فقال أبو طالب : " والله ما أنصفتموني (ده ظلم) تعطوني غلامكم أسمنه لكم و أربيه و أعطيكم ابني تقتلوه ، أخرجوا عني ليس لكم عندي أمر ".. وبعدين يحصل موقف جميل جداً هنعرف منه أن ربنا مكنش بيسيب النبى ﷺ ، طب أمال ليه كل الإيذاء ده حصل ؟ ..

تعالوا اقولكم انا استفدت إيه النهارده ❤️.

السلام عليكم ورحمة الله وبركاته ❤️ .

الموضوع اللي هنتكلم عنه النهاردة هيكون عن
" حدود التعامل مع المستر فالدرس او الدكتور فالمحاضرة وهكذا "

أول حاجة لا يجوز السلام باليد♥️.
مينفعش مثلا لو المدرس ده هيسلمك جايزه أو شهادة وانتِ طالعه تاخديها ويمد أيده وتسلمي حرام ........
ليه طيب ده زي ابويا زي اخويا زي معرفش مين مفيش حاجة اسمها كدا اصلا لانه غريب واجنبي عنك وزيه زي اي راجل ماشي ف الشارع وهو مش من محارمك اصلا ..علشان تعملي معاه كدا اتفقنا❤️
طيب بصي بقا رسولنا الكريم قال أي صلي الله عليه وسلم
قال رسول الله ﷺ .." لان يطعن احدكم في رأسه بمخيط من حديد خير له من ان يمس امرأة لا تحل له❤️.
تاني حاجه الكلام بحدود جداً يعني ف حدود الدراسة وبس🙃.
يعني كلامك معاهم ميكونش الا للضرورة وكمان لما تتكلمي تتكلمي بكل ادب واحترام ومن غير هزار او ضحك تمام ي سُكره بصي بقا ربنا سبحانه وتعالى قال اي .."ولا تخضعن بالقول فيطمع الذي في قلبه مرض"
غض البصر بقا ❤️.
لازم يبقي نظرك ف الأرض وانتِ بتتكلمي معاه أو على الأقل متكونش عينك في عين اللي قدامك وانتِ بتتكلمي ، مينفعش تبقى مركزة فيه وف ملامحه ..بصي برضوا ربنا سبحانه وتعالى قال اي .."قل للمؤمنات يغضضن من ابصارهن"🥹.
حطي لنفسك حدود متسمحيش لاي حد كان انه يتعداها عارفة ليه؟!
عشان ربنا رفع قدرك يعني انتِ غالية اووي غالية لدرجة انك مينفعش تهزري مع اي حد كدا 🥹.
بصي ي سُكره الحرام هيفضل حرام حتى لو الناس كلها عملته والجنة مش بالساهل ولازم نقدمها على الدنيا وما فيها 🥹.

افتكري ان ‏كل م البنت بتحط لنفسها حدود ف كل حاجه كل م قيمتها بتزيد عند ربنا وفي عيون الناس "الحياء والاخلاق دول رزق من ربنا ، مش اي حد يطولهم"
ومش اسمه تعقيد أبداً مهما الدنيا اتغيرت من حواليكِ والكل باع نفسه واتخلوا عن مبادئهم اثبتي وربنا هيرزقك كل غالي يناسبك ولو بعد حين ❤️.
أصل صحبتك اللي بتقولك إنتِ مُعقده دي مش هتفيدك والله ولا هتتحاسب مكانك

واخيراً بقا🥹.

اتمنى تكونوا استفادتوا و اسأل الله ان يستعملنا ولا يستبدلنا ..❤️.
اللهم اهدنا واهدِ بنا واجعلنا يا رب سبباً لمن اهتدى ❤️.

يلا في رعاية الله 🥹.

{و ذكر فإن الذكرى تنفع المؤمنين}💗
استغفـر الله.💗
سبحـان الله.💗
الحمــد لله.💗
لا اله الا الله. 💗
الله أڪـــبر.💗
لا حول ولا قوة الا بالله.💗
سبحان الله وبحمــده.💗
سبحان الله العظـــيم.💗
اللهم صلِّ وسلم على نبينا محمد وعلى آله وصحبه أجمعين.💗

الصحابى " عبد الله بن مسعود " أسلم وحفظ سورة جديدة و نفسه يجهر بالقرآن و يعلنها ، عبد الله بن مسعود كان رفيع أوى و جسمه نحيف رضى الله عنه و أرضاه .. فعبد الله بن مسعود قال إيه ؟ قال : " لأجهرن بالقرآن بين ظهرانيهم " فيخرج ويقف على جبل الصفا و يبدأ يقرأ بصوت عالى و يقول : { الرَّحْمَٰنُ * عَلَّمَ الْقُرْآنَ * خَلَقَ الْإِنسَانَ } [ سورة الرحمن ]
فقريش تبدأ تسأل .. مين ده اللى بيقرى كلام محمد ؟؟ و مش خايف مننا ؟ ( كان عبد الله 
أول من يجهر بالقرآن بعد رسول الله صلى الله عليه و سلم ) ..

فيمسكوا عبد الله بن مسعود و يضربوه ضرب جامد أوى لحد ما وشه يبقى كله دم رضى الله عنه فيقع و يغمى عليه .. فبسرعة صحابه يخدوه و يعالجوه فى بيته و أول ما يفوق يقول و الله لأعيدنها غداً ويروح تانى يوم و فوق الجبل يطلع يقول : { الرَّحْمَٰن ُ* عَلَّمَ الْقُرْآنَ
* خَلَقَ الْإِنسَان }َ و يضربوه ضرب أشد من اليوم الأول فيقول والله لأعيدنها غداً .. فيجيله النبى و يقوله : " يا ابن مسعود كفاك .. فإنك أسمعتهم من كلام الله ما يكفى " .. فيقول :
" يا رسول الله و الله لقد هانوا علي " ( يعنى أنا أتعودت على الضرب بتاعهم خلاص أنا مش تعبان  ) و الصحابة يبدؤا يقنعوه إن كفاية كده و فى الآخر سمع كلامهم الحمد لله .

بدأت قريش تفقد أعصابها .. زوجة أبو لهب " أم جميل " أمرت أولادها عُتبة و عتيبة و
هددتهم و أجبرتهم أنهم لازم يطلقوا بنات النبي ﷺ " أم كلثوم و رقية " ( أصل بنات النبى كانوا زوجات ولاد أبو لهب ) و فعلاً يطلقوا

و مرة يبقى النبى ﷺ ساجد فيقوم أبو جهل يقول : " والله إن لم ينتهي محمد لأطآن
بقدمي هذه علي رقبته فأعفرن وجهه في التراب " ( أول ما يسجد هدوس على رقبته ) ، فيروح للنبى ﷺ و هو ساجد فلسه هيقرب من النبى ﷺ فالكفار يلاقوه بيرجع لورا فيقع علي ضهره ويجري .. فقالوا : " ماذا بك ؟ ".. فقال : " والله رأيت بيني و بين محمد خندقا من نار ، لإن دهست ( خطيت خطوة ) فيها لأحترقْت " ..

و وسط كل العذاب ده .. كان أبو بكر الصديق من أرحم الناس .. قال عنه الرسول صلي الله عليه وسلم : " أرحم أمتي بأمتي أبو بكر " .. كان غني جداً يملك سبع متاجر في مكة ، كان أبو بكر يشتري العبيد المسلمين و يقولهم أذهبوا أنتم أحرار لوجه الله .. أشتري بلال ( زى
ما حكينا قبل كده ) و أشترى عمار و زنيرة و خباب و جارية عمر ( هنحكى عن تعذيبها
بعدين بالتفصيل ) ..

والد أبو بكر أسمه " أبو قحافة " كان كافر فقال له : " يابني .. إني أراك تشتري رجالاً  ضعاف ، فإذا كنت تريد أن تشتري فأشتري رجالاً أقوياء يحموك إذا غضبت عليك قريش ".. فيقول أبو بكر : " والله يا أبي إنما أبغي وجه الله ".. فينزل القرآن : { وَسَيُجَنَّبُهَا * الْأَتْقَى
* الَّذِي يُؤْتِي مَالَهُ يَتَزَكَّى ٰ* وَمَا لِأَحَدٍ عِندَهُ مِن نِّعْمَةٍ تُجْزَى * إِلَّا ابْتِغَاءَ وَجْهِ رَبِّه *ِ الْأَعْلَىٰ * وَلَسَوْفَ يَرْضَىٰ }

كانت قريش مش بترحم لا كبير و لا صغير فى مكة و تحاول تتفنن في إيذاء النبي .. وتسخر منه و تتهمه بالجنون ، بس قريش دلوقتى عندها مشكلة كبيرة جداً ... موسم الحج الوثني قرب .. و قريش مرعوبة إن الحجاج هيسمعوا كلام محمد و هيعجبهم و يسلموا و يتحالفوا
معاه و يحاربوا قريش ، فهما مش عايزين أي حد من العرب يسمع كلام محمد ..
هتعمل إيه قريش ؟!

هنعرف بكرة إن شاء الله 🤍

السلام عليكم ورحمه الله وبركاته
#حلقة_18
يلا صلوا على النبى
رحمة رسول الله

و لسه عمر بن الخطاب بيحاول يقنع رسول الله ﷺ بإنه لازم ميصليش على عبد الله بن أبى بن سلول بعد ما مات لأنه أتهم السيدة عائشة زوجة النبى بالزنا .. فعُمر بيقول : " والله ظللت أذكره بمساؤى هذا الرجل " ( وبردوا مافيش فايدة ) .. لحد ما عُمر خلاص مش قادر  فقاله : " يا رسول الله أتصلى عليه وقد نهاك الله ؟؟! " ..فالنبى ﷺ يقول : " لا يا عُمر بل قال الله : { اسْتَغْفِرْ لَهُمْ أَوْ لَا تَسْتَغْفِرْ لَهُمْ إِن تَسْتَغْفِرْ لَهُمْ سَبْعِينَ مَرَّةً فَلَن يَغْفِرَ اللَّهُ لَهُمْ } و أنا يا عمر سأزيد على السبعين لعل الله يغفر له :) " .. و يصلى عليه فعلاً و يستغفرله أكتر من سبعين مرة وينزل قول الله تعالى : { وَلَا تُصَلِّ عَلَىٰ أَحَدٍ مِّنْهُم مَّاتَ أَبَدًا وَلَا تَقُمْ عَلَىٰ قَبْرِهِ ۖ إِنَّهُمْ كَفَرُوا بِاللَّهِ وَرَسُولِهِ وَمَاتُوا وَهُمْ فَاسِقُونَ } ... و مرة واحد كان ماسك الشاة ( الغنم ) بتاعته هيدبحها و ماسك السكينة بأيده وبأيده التانية بيجر الشاة فينفعل النبى ﷺ ويقول : " يا أخى أتريد أن تقتلها مرتين ؟ هلا حددت شفرتها قبل أن تنحرها " ( ما تخليهاش تشوف السكينة ، سن السكينة الأول وبعدين أنحرها علشان ماتشوفهاش :) ) و قال ﷺ : " أما يتقى أحدكم ربه فى شاته ! " صلى الله على محمد،، و يبقى النبى عليه الصلاة و السلام فى خروجة لغزوة ( معركة ) بيرد فيها الإعتداء على المسلمين فيوصى جيش المسلمين و يقول : " أيها الناس لا تقتلوا شيخاً لا تقتلوا إمرأةً لا تقتلوا طفلاً لا تقتلوا مريضاً لا تهدموا بيتاً لا تحرقوا زرعاً لا تقطعوا نخلاً لا تحرقوا زهراً ، ستجدون رجال فى الصوامع ( كفار ) تفرغوا للعبادة دعوهم وما هم فيه ولا تغيروا ( تهجموا ) على الجيش ليلاً " .. قالوا : " لِمَ يا رسول الله ؟ " .. قال : " حتى لا تُفزّعوا النساء والأطفال :) ".. أرحم الخلق صلوات ربى وسلامه عليه .. وما أرسلناك إلا رحمةً للعالمين..

فيستحيل يتفسر الحديث ده " لقد جئتكم بالذبح " بالشكل اللى فئه من الناس فسرته بيه و قصو الحديث من الأحداث اللى قال النبى ﷺ الحديث فيه ..

و نرجع للإيذاء الشديد اللى أتعرض له الصحابة .. الصحابى " مصعب بن عُمير" صحابي جميل كان شاب غني جداً ابن أسرة كبيرة جداً في مكة عنده ٢٣ سنة .. وكان مترف جداً كل ملابسه و عطره من الشام ( مستورد ) .. ومع ذلك مصعب كان بطل من أبطال الإسلام .. يوم غزوة أحد حيستشهد دفاعآ عن رسول الله .. الشاب الجميل ده أسلم فأمه قالت له : " إن لم تنتهي حرمتك من الميراث " .. راح قايل لها : " خذي ما شئتي " .. فأمه حبسته ومنعت عنه الأكل و الشرب لحد ما بقى هزيل وضعيف و أصيب بحساسية خلت جلده أتقطع و بقى جلده شبهه جلد الحية ..و الصحابى " صهيب الرومي " صحابي جميل وشعره طويل وكان مش عربي كان من بلاد الروم .. قريش عذبته بعد إسلامه .. كانوا يمسكوه من شعره الطويل ويغطسوا وشه في مايه سخنة جداً ويعذبوه و أول ما يحسوا أنه خلاص هيتقطع نفسه و يموت فيطلعوا بسرعة راسه من المايه ..و الصحابى " سعد بن أبى وقاص " ، سعد أسلم فأمه قالتله : " والله يا سعد لإن لم تنتهى عن دين محمد لا آكل طعاماً ولا أشرب شراباً حتى أموت و يقال لك يا قاتل أمك " ( أمه هتبطل تاكل و تشرب لحد ما يرجع عن الإسلام و إلا هتموت ) .. فيقوم سعد يقول : " والله
يا أمى لو كانت لك مائة نفس تخرج نفساً تلو نفس على أن أترك دين محمد ما تركته ، فإن شئتى فكلى وإن شئتى فأتركى " ( أنتى حرة تكلى متكليش لو تموتى نفسك ميت مرة مش هسيب دين محمد ) .. فينزل القرآن الكريم كلام الله تبارك وتعالى  .. ياااا مخصوص ؟ طيب ليه و ربنا قال أيه ؟


قال ﷺ : " أرحم أمتي بأمتي أبو بكر 🤍 "
و بعد إسلام " سعد بن أبى وقاص " أمه هددته أنها مش هتاكل ولا هتشرب .. فرد عليها و هوه منفعل و قال : " والله يا أمى لو كانت لك مائة نفس تخرج نفساً تلو نفس على أن أترك دين محمد ما تركته ، فإن شئتى فكلى وإن شئتى فأتركى "..

فينزل القرأن الكريم بقوله تعالى : { وَوَصَّيْنَا الْإِنسَانَ بِوَالِدَيْهِ حُسْنًا ۖ وَإِن جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۚ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ } ( لا يا سعد صاحبها يا سعد  بس يارب دى كافرة !! .. مهما كانت صاحبها يا سعد ، شوفوا القرأن أد أيه بيوصى الإنسان بأمه الكافرة ما بالكم بالمسلمة ؟! اللى بيأذى أمه و اللى بيتسبب فى نزول دمعة من عين أمه .. الدمعة دى يا ترى قد إيه فى ميزانك يوم القيامة ؟! ) ..

اللهم زِدْنِي كُرْهًا فِي كُلِّ شَيْءٍ لَا يَرْضِيكَ، وَكَرِّهْنِي فِي مَعْصِيَتِكَ، وَحَبِّبْ إِلَيَّ طَاعَتَكَ، وَاجْعَلْ قَلْبِي مُعَلَّقًا بِرِضَاكَ، مُبْتَعِدًا عَنْ كُلِّ مَا يُغْضِبُكَ. اللهم اجْعَلْنِي أَكْرَهُ الذُّنُوبَ كَمَا أَكْرَهُ أَنْ أُلْقَى فِي النَّارِ، وَأُحِبُّ الْأَعْمَالَ الصَّالِحَةَ كَمَا أُحِبُّ الْجَنَّةَ وَنَعِيمَهَا. ارْزُقْنِي يَا اللَّهُ نَفْسًا نَقِيَّةً تَفِرُّ مِنَ الْمَعَاصِي، وَقَلْبًا سَلِيمًا لَا يَهْوَى إِلَّا طَاعَتَكَ، وَعَقْلًا رَاشِدًا لَا يَسِيرُ إِلَّا فِي طَرِيقِ الْخَيْرِ