မဟာဗောဓီမြိုင်ဆရာတော်ဘုရားကြီး၏တရားတော်များ @mastereto75 Channel on Telegram

မဟာဗောဓီမြိုင်ဆရာတော်ဘုရားကြီး၏တရားတော်များ

13 Feb, 08:45

❒ ဆွမ်းခံကြွရခြင်းရဲ့ ရည်ရွယ်ချက်

ပရိတ်သတ်လည်း အဖူးခံဖို့ဗျာ။ ဟိုဘာတုန်း ခင်ဗျားတို့ပြောနေတဲ့ ❝ ကုလေသွ နနုဂိဒ္ဓေါ တို့၊ နစ ခုဒ္ဒ မာစရေ ကိဉ္စိ ❞ ဆိုတာ။ ပညာရှိတို့ နည်းနည်းလေးမှ အပြစ်မပြောသာအောင် ကျင့်ရမှာတဲ့။ ပညာရှင်တွေ နည်းနည်းလေးမှ သွားကြားမထိုးရအောင်ကို လုပ်ရမှာ၊ ကျင့်ရမှာတဲ့။

အဲတော့ ဒို့က တောထဲနေပြီး ခင်ဗျားတို့ မန်းလေးက လှူတာတွေ ထိုင်စားတော့ ပြောမှာပေါ့။ ကိုယ်တော်ကြီးက တောထဲနေပြီး ဘာလို့ အဖူးမခံတာတုန်း ပြောမှာပေါ့။

အခုထွက်တော့ ကဲ ကြိုက်သလောက် ဖူးကြစမ်းဗျာ။ မျက်စိမညောင်းဖူးပေါ့။ ဒို့ကတော့ မိုးရွာကြီးထဲလည်း အဖူးခံမှာ။ လာဖူးသူကသာ မိုးရွာကြီးထဲ ဖူးနိုင်ဖို့ ကြိုးစား။ အဲဒါ ထွက်အဖူးခံတာ တစ်ချက်။

နောက်တစ်ချက်က ဒို့ဘုရားလည်းပဲ သက်တော် (၈၀)အထိ ဆွမ်းခံသွားတာ။ ဆွမ်းခံဝတ် မပျက်ဘူး။ ပြီးတော့ ဝေဘူဆရာတော်ဘုရားကြီးလည်း အင်ကြင်းပင်မှာသာ နွေမို့ ပူလွန်းလို့၊ ပရိတ်သတ်များလို့ နားတာ။ ကျောက်ဆည်ဝေဘူမှာတော့ဖြင့် ဝါတွင်းမှာ ဆွမ်းခံတာ။ (၈၀) အထိ။

ဒို့ကတော့ဖြင့် ဆွမ်းခံတော့ ရတဲ့ဆွမ်းလေးက တစ်နပ်စာ။ ပိုလည်း လွှင့်ပစ်ရမှာပဲ။ သူတို့ အလှူရှင်တွေမှာတော့ ဒါလေးမှီပြီး သာသနာတွင်းကုသိုလ်ယူကြရမှာလေ။

ပြီးတော့ ❝ သမဏာနဉ္စ ဒဿနံ ❞ လားဗျ။ သူတို့မှာ အာရုံပူတွေနဲ့ တွေ့နေတာ။ ဒီတစ်ချီလေးပဲ သူတို့ ဖူးခွင့်၊ အေးခွင့်ရတာလေ။ ဒို့အတွက်ချည်း ဆွမ်းခံရတာ မဟုတ်ဘူးဗျ။ သူများအတွက်ပါ ဆွမ်းခံရတာ။

ဒို့ အဝါနဲ့ ပြောရင်တော့ ဓာတ်တွေက ဖောက်ပြန်နေတာ။ နေ,အပတ်ရေများလို့ ဖောက်ပြန်တာရယ်၊ လူတွေစည်းမဲ့ကမ်းမဲ့ တောတွေ၊ တောင်တွေ ဖျက်ဆီးလို့ရယ် ဒါကြောင့်မို့ ဓာတ်တွေက ဖောက်ပြန်နေတယ်။

သည့်ထက်သည့် ပူမှာ။ သည့်ထက်သည့် ပူတဲ့အစာတွေစားပြီးတဲ့ လူသားတွေဟာ သည့်ထက်သည့် ရိုင်းသွားမှာ။ ခင်ဗျားတို့ မှီဦးမှာ၊ ခံရဦးမှာ။ သည့်ထက် ရိုင်းတာတွေကျတော့ ဘာသာလည်း ရှိမှာ မဟုတ်တော့ဘူး။ ဘယ်ဘာသာမှလည်း ယုံမှာ မဟုတ်တော့ဘူးလေ။ သူလည်း သူ့ဘာသာ မယုံ၊ ကိုယ်လည်း ကိုယ်ဘာသာ မယုံ။

ဒို့ဗုဒ္ဓဘာသာကတော့ မောက္ခ အထိ၊ သံသရာက လွတ်တဲ့အထိ ရှိသမျှ ဓာတ်တွေကို အရိုင်းကနေ အယဉ်, အယဉ်ကနေ အနု, အနုကနေ အရှုခံအဖြစ်နဲ့ မှတ်ပြီးတော့ ဓာတ်သုဉ်းအောင် လုပ်ရတာ။

ဘုရားတို့ ရဟန္တာတို့ဆိုတာ ဓာတ်လေးပါး ကုန်သွားလို့၊ ဓာတ်သုဉ်းသွားလို့။ ဖိုကြီးနဲ့ထိုးရင်တော့ သံဓာတ်သေသကောဗျ။ အလေးချိန်တော့ ဒီတိုင်းရှိမှာပေါ့။ ပြဒါးကလည်း ပြဒါးဓာတ်တော့ သေသပေါ့ဗျာ။ ဓာတ်သတ္တိသေသပေါ့ဗျာ။ အလေးချိန်ကတော့ ရှိမှာပေါ့။

အဲ့တော့ ဘုရားတွေ၊ ရဟန္တာတွေ ကိလေသာဓာတ်သုဉ်းသွားပြီဆိုတာနဲ့ ပထမကိလေသာနိဗ္ဗာန်တဲ့။ ခန္ဓာတော့ ရှိနေဦးမှာ။ နောက်ခန္ဓနိဗ္ဗာန်ကျတော့ ဓာတ်ပဲကျန်တော့တာ။ ဒါကြောင့်မို့လို့ ဓာတ်တော်တွေရှိနေကြတာလေ။

အဲဒီဓာတ်တော်ကလည်း သူ့ပရိတ်သတ် ကျန်နေသေးတဲ့ပုဂ္ဂိုလ်က အဓိဋ္ဌာန်ထားခဲ့လို့။ သူ့ပရိတ်သတ် မရှိတော့ဘူး ကုန်ပြီဆိုတာနဲ့ လာပြီး သိမ်းသွားတာ။ မထားခဲ့ဘူး။ အဲဒီဓာတ်တော်က အဓိဋ္ဌာန်နဲ့ ထားခဲ့တာ။ ဒို့ ဓာတ်နဲ့ သွားကြရတာ။

အဲ့တော့ နောက်ဟာတွေက သည့်ထက်သည် ပူပြီ။ ဘာသာနဲ့ မစဉ်းစားနိုင်တော့ဘူး။ ❝ ကမ္ဘာမီးလောင် သားကောင်ချနင်း ဘဝ ❞ ရောက်ရတော့မှာ။ အဲဒီအခါကျရင် ခင်ဗျားတို့ သီလရှိတာတောင် ရှောင်နိုင်မှ လွတ်မှာနော်။

ဒို့ ဇင်းကျိုက်တောင်တုန်းက ကရင်ဆရာတော်ကြီး ပြောသလိုပေါ့။ ❝ သစ်ရွက်စားနေနိုင်မှ လွတ်မဟေ့ ❞ ဆိုတာ တောထဲ ပုန်းနေလို့ပြောတာဗျာ။ အဲဒီဘဝတွေ ရောက်ကြရဦးမှာ။ သူ့ ငါသတ်၊ ငါ့ သူသတ်နဲ့ နောက်ဆုံး ကိုယ့်သားတောင် ကိုယ်သတ်စားရမည့်ဘဝရောက်မှာတဲ့ဗျာ။

ကမ္ဘာ့လူသားတွေ ပျက်မှာ။ ကမ္ဘာကြီးက နောက် ဘုရားတစ်ဆူ ကျန်သေးတယ်။ နှစ်ပေါင်းဘယ်လောက်ဆိုလား ကျန်သေးသတဲ့။ ဒီကမ္ဘာသက်တမ်းလေ။ လူသားတွေ ပျက်တော့မှာလေ။ လူရုပ်တော့ ရှိမှာပေါ့။ လူစိတ်နဲ့ လူ့ကျင့် မရှိတော့ဘူး။ ဓာတ်ဉာဉ်ဖြစ်တဲ့ တိရိစ္ဆာန်ကျင့်ရှိတော့မှာ။

တိရိစ္ဆာန်က ဓာတ်ကောင်တွေဆိုတော့ ဓာတ်ကျင့်ပဲ ရှိတာလေ။ လူမှာသာ ကုသိုလ် အကုသိုလ် ဟုတ်ကလား။ ခွဲထားတာ။ ဒို့ဗုဒ္ဓဘာသာက မောက္ခအထိ ဓာတ်သေအောင် လုပ်နိုင်တာ။ တစ်ခြားဘာသာက သူတို့ကိုယ်တိုင် မောက္ခအထိမှ မရောက်ဘဲနဲ့။

ထာဝရဘုရားဆိုတာ ဗြဟ္မာ့ဘုံ ပထမစျာန်ဘုံက ဗြဟ္မာကြီးကို ခေါ်တာ။ အဲဒါကို သူတို့က ထာဝရဘုရား။ သူက သက်တမ်းက ကမ္ဘာကြီးနဲ့အညီ ရှိရတာ။ မဟာကပ်တစ်ကပ် နေရတာလေ။

အဲ့တော့ သူ့ဆီကနေပြီးတော့ ဗြဟ္မာပေါက်စလေးတွေပေါ့ဗျာ။ ချာတိတ်လေးတွေပေါ့။ သက်တမ်းကုန်တော့ လူ့ပြည်ပြန်သွား။ လူ့ပြည်ကနေ စျာန်ပြန်ကျင့် သူ့ဆီပြန်သွား။ အဲဒီအခါ သူက ဆီးပြီးကြွားတာပေါ့။ ငါက မသေဘူး။ မင်းတို့က ငါ ဖမ်ဆင်းလို့ ဖြစ်တာ။ အဲဒီမှာ ဖမ်ဆင်းရှင် ဣဿရနိမ္မာန ဖြစ်ကြတာကိုးဗျ။

သူတို့ ဘုရားကိုက စျာန်လောက်ရတာ။ ဉာဏ်ကနေ ဓာတ်သုဉ်းအောင် ဖြန့်နိုင်တဲ့ ဉာဏ်ဓာတ်မှ မရတာ။ အဲ့တော့ သူ့ဘာသာဝင်တွေလည်း ကံသာ ပေးနိုင်တာ။ ဘယ်ဘာသာပဲဖြစ်ဖြစ် ကံကောင်းအောင်တော့ ဘာသာတိုင်း လုပ်နိုင်တယ်။ ဉာဏ်ကောင်းအောင်တော့ မလုပ်နိုင်ဘူး။

67

မဟာဗောဓီမြိုင်ဆရာတော်ဘုရားကြီး၏တရားတော်များ

13 Feb, 08:45

ကောင်းတာလုပ် ကောင်းတာ ဖြစ်မယ် ဒါဘာသာတိုင်း ယုံတယ်။ ဆိုးတာလုပ် ဆိုးတာဖြစ်မယ် ဘာသာတိုင်း ယုံတယ်။ ယုံတဲ့အတိုင်းလည်း လိုက်လုပ်နေကြတာ။ သူတို့ဦးစီးတွေပြောတဲ့အတိုင်းလေ။ အဲဒါ လိုက်လုပ်နေကြတာ။

အဲတော့ သူတို့လုပ်တဲ့ဟာက လူဖြစ်ရင် ဖြစ်ပေါ့။ လူမဖြစ်ရင် နတ်ပေါ့ ဒါပဲ။ ဗြဟ္မာထိတောင် တက်နိုင်သူ မရှိပါဘူး။ စျာန်အကျင့်မှ မကျင့်နိုင်ကြတော့တာ။ ခေါင်းဆောင်လောက်သာ စျာန်ရှိချင်ရှိမှာ။ ဒို့ဗုဒ္ဓဘာသာကတော့ ကုသိုလ်လည်း ပေးနိုင်တယ်။ ပညာလည်း ပေးနိုင်တယ်။ နှစ်ခု ပေးနိုင်တယ်။

📢 မဟာဗောဓိမြိုင်ဆရာတော်ဘုရားကြီး

【မဟာဗောဓိမြိုင်ဆရာတော်ဘုရားကြီး မိန့်ကြားတော်မူခဲ့သော အသံဖိုင်မှတဆင့် နာယူ၍ ပြန်လည်၍ ရေးရတာဖြစ်လို့ မှားယွင်းမှုရှိခဲ့သည်ရှိသော် မိမိ၏ အပြစ်သာ ဖြစ်ပါကြောင်း။】
Credit 🪷 Original Uploader 🙏🙏🙏♥️

77

မဟာဗောဓီမြိုင်ဆရာတော်ဘုရားကြီး၏တရားတော်များ

13 Feb, 06:02

ပဋ္ဌာန်းဆက်မကင်းသော ဤလောက
<><><><><><><><><><><><><

သတ္တဝါတို့ တစ်ဦးနှင့်တစ်ဦး
ဆက်သွယ်ကြရာတိုင်း၌
ဤပဋ္ဌာန်းသည် ပဓာနကျ၏။

(က) ကုသိုလ်ချင်းဆက်သွယ်၍
ကုသိုလ်ဖြစ်ရန်လည်း
ဤပဋ္ဌာန်းက ကျေးဇူးပြုပေး၏။
(ခ ) ကုသိုလ်ချင်းဆက်သွယ်၍
အကုသိုလ်ဖြစ်ရန်လည်း
ဤပဋ္ဌာန်းက ကျေးဇူးပြုပေး၏။
(ဂ) ကုသိုလ်ချင်းဆက်သွယ်၍
ကုသိုလ် အကုသိုလ်မှ လွတ်ရန်လည်း
ဤပဋ္ဌာန်းကပင် ကျေးဇူးပြုပေး၏။

ထိုပဋ္ဌာန်းကြောင့်ပင်...
အချို့ ကုသိုလ်ချင်းဆက်လျက်
ပဋ္ဌာန်းဆက်ဖြစ်သွားကြလေပြီ။
အချို့အကုသိုလ်ချင်းဆက်လျက်
ပဋ္ဌာန်းဆက်ဖြစ်သွားကြလေ
အချို့ ကုသိုလ်၊ အကုသိုလ်မှ အလွတ်ဆက်လျက်
ပဋ္ဌာန်းဆက်ဖြစ်သွားကြလေပြီ။

လောကဝယ် အမိမတော်ခဲ့ဘူးသောသူ
အဖမတော်ခဲ့ဘူးသောသူ မရှိဘိသို့
ပဋ္ဌာန်းဆက်မဖြစ်ခဲ့ဘူးသောသူလည်း ရှိအံ့ မထင်ပြီ။
သံသရာတစ်ကွေ့ တွေ့ရာရာတိုင်းတို့၌ပင်
တစ်ဦးနှင့်တစ်ဦး ကုသိုလ်ဖြင့်တုံ့ခြင်း၊
အကုသိုလ်ဖြင့်တုံ့ခြင်း၊
အလွတ်ဖြင့်တုံ့ခြင်းများက သက်သေခံနေချေပြီ။

(က) တစ်ဦးနှင့်တစ်ဦး
ကိုယ်နှုတ်ကျူး၍ ကျေးဇူးမပြုဘူးဘဲထားဘိဦး။
တစ်ခါဘူးမှ မတွေ့ဘူးပါပဲလျက်က
မျက်နှာမြင်ရုံမျှနှင့် မေတ္တာစိတ် သက်ဝင်နေတတ်ခြင်း၊ အသံကြားရုံမျှနှင့် ကူညီဖေးမလိုခြင်းများသည်
နံဘေးကမပြောသော်လည်း
သွေးကပြောနေသော
ချစ်ပဋ္ဌာန်းဆက် ပေါ်ခြင်းများပင်တည်း။
(#ခန္ဓုပါဒါနကထာ)

(ခ) တစ်ဖန် တစ်ခါဘူးမှမတွေ့ရစဘူး၊
တစ်ခါဘူးမှလည်း မကြား သိရစဘူးပါပဲလျက်က
ပက်ပင်းကြုံလာသောအခါ မျက်နှာမြင်ရုံမျှဖြင့်
မုန်းတီးနေတတ်ခြင်း၊ အသံကြားရုံမျှဖြင့်
မုန်းတီး နေတတ်ခြင်းများသည်လည်း
နံဘေးက မတို့သော်လည်း သွေးကတို့နေသော
မုန်းပဋ္ဌာန်းဆက် ပေါ်ခြင်းများပင်တည်း။

အလောင်းတော်
လောကမှလွတ်မြောက်ကြောင်းကျင့်စဉ်ကာလ
ယသော်ဓရာလောင်းလျာနှင့်
ပဇာပတိလောင်းလျာနှစ်ဦးစလုံးတို့က
အလောင်းတော်အား တွေ့ရသည်နှင့်
တခဏအတွင်း ချစ်ခြင်းမေတ္တာ ဝင်ဆံ့လာ၏။

တစ်ဖန် စိဉ္စမာနလောင်းလျာနှင့်
ဒေဝဒတ်လောင်းလျာနှစ်ဦးစလုံးတို့ကလည်း
အလောင်းတော်အား တွေ့ရသည်နှင့် တစ်ပြိုင်နက်
မုန်းခြင်း၊ အာဃာတဝင်ဆံ့ကြ၏။

ထိုမြင်ကွင်းနှင့်
ဖြစ်ရပ်နှစ်ခုစလုံးကပင်နောက်ကြောင်းမကင်းသော
ပဋ္ဌာန်းဆက်သတ္တိ၏ ကျေးဇူးပြု ခြင်းများပင်တည်း။

🙏မဟာဗောဓိမြိုင်ဆရာတော်🙏

ဓမ္မဒါနဖြင့်ကုသိုလ်ပြုပါသည်။
Credit 🪷 Original Uploader 🙏🙏🙏♥️

95

မဟာဗောဓီမြိုင်ဆရာတော်ဘုရားကြီး၏တရားတော်များ

13 Feb, 02:25

❒ လူ့အဆင့်မှီချင်လျှင် လူကျင့်ဖြင့်စီရင်ပါ
_______

ကြက်ဟင်းခါးစေ့စိုက်၊ ကြက်ဟင်းခါးပင်လိုက်လာသည်ကို အားလုံးပင်အမြင်။
မြန်မာသရက်စေ့ပျိုးထောင် သီဟိုဠ်သရက်မျိုးအောင်ပါစေဆို၍ မရသည်ကိုလည်း အားလုံးအသိ၊ သည့်ပမာလျှင်...

ဆိုးရာလုပ် ဆိုးကျိုးပေါ်၊ ကောင်းရာမြှုပ်က ကောင်းကျိုးပေါ် စေတတ်သော ဓမ္မနိယာမအတိုင်း အသက်လည်းဝင် ဝိညာဉ်လည်း ယှဉ်တွဲ နေသော သိုး၊ ဆိတ်၊ ကြက်၊ နွား စသည်စားကောင်းသီးများကို မသေမရှင် ဖြတ်လှီးလှီး သွေးကုန်မှ ကောက်ပြီးချက်ပြုတ်ထားရာ အမဲဟင်းလျှာများ ဖြင့် ပြုစီရင်သော ဒါန၊

တားမြစ်ချက်ကိုသာ မဖိတ်မစင် တွင်တွင်ကြိုးစား စိတ်သန့်စင်ရေး အလေးမထားမိသဖြင့် စရဏအရာသာဝင် ဝိဇ္ဇာခွင်မဝင်ရောက်နိုင်သော သီလ၊
ယင်းတို့ဖြင့် စခန်းချ ပယောဂဝင်သော အမြင်အကြားမျှဖြင့် တင်းတိမ်နေက
လူကျင့်လည်းမဟုတ် လူ့အဆင့်မှီ သန္ဓေတည် ပြေတည်လည်း မဟုတ်ပြီ။

- ကျွဲ၊ နွား၊ သိုး၊ ဆိတ်တို့ဘက်မစာနာ ကိုယ့်တစ်ဘက်အညှာ ပါနေသောကြောင့်တည်း။
- လူလျှင် လူချင်းသာစာနာ ကျွဲ၊ နွား၊ သိုး၊ ဆိတ်တို့ဘက် မညှာ တာသောကြောင့်တည်း။

လူဆိုလျှင် မေတ္တာဂရုဏာသို့ ဗြဟ္မစိုရ်ဟူသော မြတ်သောနေခြင်း စိတ် ရှိရမြဲ။
လူဆိုလျှင် ကိုယ့်တစ်ကိုယ်ကောင်းလည်း ရုပ်သိမ်း၊
သူ့တစ်ကိုယ် ကောင်းကိုလည်း ထိမ်းသိမ်းစောင့်ရှောက်ပေးရမြဲ။

ထိုမေတ္တာတစ်ခြမ်းပဲ့ အကျင့်ဖြင့် ရှေ့စခမ်း လမ်းဖွင့်ထားသူသည်
အနာပါသောမျိုး ပျိုးမိသော ဥယျာဉ်မှူးပမာသို့ ကောင်းရာတွင် ဆိုးစေတနာ သွင်းထားမိချေရကား...
- ဒါနကြောင့်လူဖြစ် စိတ်ကား ညစ်မြဲ ညစ်နေမည်သာ။
- သီလကြောင့် နတ်ဖြစ် စိတ်ကား ပတ်မြဲ ပတ်နေမည်သာ။
- ရန်မကင်း၊ ဒဏ်မကင်း၊ ကြမ္မာဆိုး၊ ဂြိုလ်ဆိုး၊ တညှင်းညှင်း နှင့်ပင်တည်း။
- တစ်ဘက်၏ မကျေနပ်အတေး ကြွေးအဖြစ် ပေးမြဲပေး ချေမြဲချေ အထေမလွတ်တည်း။

ထိုသို့သာ ဖြစ်ထွန်းလာသမျှ ကံရိက္ခာ သူတစ်ဘက် လက်ဆက် နေရပါသော် ဘာလုပ်လုပ် ကိုယ့်တွက်မကျန် နောက်ဆုံးဒေဝါလီခံရတော့မည် ဖြစ်ရာ...

တံခွန်ပမာ တလူလူလွင့် လူမှလူအဆင့်တက် အထက်သို့ ခရီး မဆက်နိုင်။
တံခွန်ပမာ ရဲရဲဝံ့ ညစ်စွဲအားလုံးစွန့် အထက်သို့ အညွန့်မထွက် စေနိုင်။

အကယ်တိတိ လူ့အဆင့်မှီချင်လျှင် လူကျင့်ဖြင့်ပင် ပွဲဝင်ရမြဲ ဖြစ်ရာ...
- အလှူပေး၊ အလှူခံ ထိုနှစ်တန်ကလည်း သင့်တင့်ရာကြံ ကိုယ်ကျင့်မှန်ကန်စေရမည်။
- လှူစရာပစ္စည်းများကလည်း ရက်စက်ခန်းဖွင့် အနိုင်ကျင့် ထားရာ မှရခဲ့သော ပစ္စည်းများမဟုတ်စေရ။
- အလှူပေး အလှူခံ၏ စေတနာထားကလည်း ညစ်စိတ်ကို ပယ်လှန်သွား သန့်ပြန့်ရာထားပေရမည်။
- သုံးခုစလုံးတို့အပေါ် အမြင်ခံကိုကျော် ဖြစ်ပျက်ပေါ်သည် အထိလည်း ကြည့်တတ် သိတတ်နေရမည်။

ထိုအခါ ငါ ဝတ္ထု ပုဂ္ဂိုလ်သို့ စေတနာ ဖဝါးမထွက် သိရုံမျှသက် သက် ဖြစ်သွားတော့ရာ...
- မည်သည့်အရာနှင့်မှမငြိ သွားလိုရာလမ်း တန်းတန်းလှည့် အတည့် ဖြစ်စေပြီ။
- စေတနာ အထက်အသန့် အကျိုးပေးလည်း အထက် အသန့်ဖြင့် ခန့်ခန့်ကြီးနှင့်တလူလူ မည်သည့်အပူမှ အချူမပါပြီ။

#မဟာဗောဓိမြိုင်ဆရာတော် #သုဝဏ္ဏသျှမ် #ဓမ္မနီတိကထာ
[၁၃၆၄၊ ခုနှစ် တပေါင်းလဆန်း ၁ဝရက်]
စံရိပ်ငြိမ်၊ ကျော်တော။
#နတ်တလူသာသနာပြုစခမ်းပြန်ကြားရေး
#ဓမ္မဒါနမျှဝေပူဇော်ပါသည်🙏
Credit 🪷 Original Uploader 🙏🙏🙏♥️

112

မဟာဗောဓီမြိုင်ဆရာတော်ဘုရားကြီး၏တရားတော်များ

12 Feb, 03:45

မမေ့ပါနဲ့…

ကုသိုလ်ကိုလည်း မမေ့နဲ့
အကုသိုလ်ကိုလည်း မမေ့နဲ့။

"ကုသိုလ်"ကို မမေ့တာက
တိုးပွားများပြားလာအောင် အားထုတ်ဖို့။

မိမိဘဝကို အဆင့်အတန်း
မြင့်ပေးတာ ကုသိုလ်ပါ။

"အကုသိုလ်"ကို မ မေ့ ဖို့က
တဖြည်းဖြည်း အားနည်းအောင်ပြုပြီး
အကြွင်းမဲ့ သုတ်သင် ဖယ်ရှားနိုင်ဖို့။

မိမိဘဝကို ကျဆုံးသွားစေတာ အကုသိုလ်ပါ။

သတိမထားရင် ကုသိုလ်လုပ်ရမှာ
မေ့နေတတ်တယ်။

သတိမထားရင် အကုသိုလ်ကို ဖယ်ရှားရမှာ
မေ့နေတတ်တယ်။

(မဟာဗောဓိမြိုင်ဆရာတော်)

🙏🙏🙏🙏🙏
Credit 🪷 Original Uploader 🙏🙏🙏♥️

229

မဟာဗောဓီမြိုင်ဆရာတော်ဘုရားကြီး၏တရားတော်များ

10 Feb, 02:59

ကိုယ့်အတွေးက ကိုယ့်ကို ပြန်ဒုက္ခပေးနေတာ

တို့…မေတ္တာပို့တဲ့အခါ ……
"သုခိ အတ်တာနံ ပရိဟရန်တု " ဆိုတာ
ဘာကိုပြောတာလဲ။
"မိမိကိုယ်ကိုယ်ချမ်းသာအောင်
ဆောင်ရွက်နိုင်ကြပါစေ ကုန်သတည်း… " လို့ပြောတာ။
ဒီလိုဘာလို့ မေတ္တာပို့ရသလဲ … ဆိုတော့
ဒုက္ခပေးမှာက
မိမိ ကိုယ်တိုင် ဖြစ်နေလို့ပဲ ။
ရန်သူဟာ မိမိကိုယ်တိုင် ဖြစ်နေလို့ပဲ ။

ဒီတော့
ဒုက္ခ ဆင်းရဲ အစား …သုခချမ်းသာ ဖြစ်အောင်
ဆောင်ရွက်ကြရမယ် ။
ကိုယ့်ကိုယ်ကိုယ် ဒုက္ခရောက်အောင်
လုပ်နေတဲ့အထဲမှာ
ဒုက္ခ အပေးဆုံးက ''အတွေး ''ပဲ… ။

''အတွေး'' သည် ဒုက္ခ အပေးဆုံး……။
လုပ်စရာရှိတာ လုပ်နေ ဘာမှမဖြစ်ဘူး ။
ရှေ့ကြိုတွေး……
နောက်ပြန်ပြီး စမြုံ့ပြန် နဲ့
အတွေးက ဒုက္ခပေးနေတာ။
⚡️
မဟာဗောဓိမြိုင်ဆရာတော်
Credit 🪷 Original Uploader 🙏🙏🙏♥️

261

မဟာဗောဓီမြိုင်ဆရာတော်ဘုရားကြီး၏တရားတော်များ

08 Feb, 15:48

ကျေးဇူးတော်ရှင်
မဟာဗောဓိမြိုင် ဆရာတော်ကြီးရဲ့
ဘဝဖြတ်သန်းမှုထဲက ထူးခြားဆန်းကြယ်ဖြစ်ရပ်တွေ၊
သာသနာပြုစဉ်မှာ ကြုံဆုံခဲ့ရတဲ့ အဟန့်အတားအနှောက်အယှက်တွေနဲ့
ဆရာတော်ကြီးရဲ့ ထူးခြားတဲ့ အကောက်အယူတွေ၊ အဓိပ္ပါယ်ဖွင့်ဆိုပုံတွေကို
ဆရာတော်ကြီးရေးသားခဲ့သမျှ ကျမ်းစာအုပ်များမှ ထုတ်နှုတ်ပြီး ပူဇော်ရေးသားရင်းက
သုဝဏ္ဏသျှမ် သာသနာပြုစာစဉ် https://www.facebook.com/thuwannashan/ ဆိုတဲ့ ဖေ့ဘွတ်ခ်စာမျက်နှာမှာ ဖော်ပြခဲ့တာဟာ
ပုဒ်ရေ (၂၀) မျှ ရှိခဲ့ပြီဖြစ်ပါတယ်။

အခု အဲဒီပုဒ်ရေ (၂ဝ)လုံးကို စုစည်းဖော်ပြပေးထားတာဖြစ်ပြီး ဒီစာစုများကို ပြန်လည်ကူးယူဖော်ပြသူများအနေနဲ့လည်း
သုဝဏ္ဏသျှမ်စာစဉ်နဲ့ငြိမ်းချမ်းသာဆိုတဲ့ အမည်များကို
မမေ့မလျော့ထည့်သွင်းပေးကြဖို့ မေတ္တာရပ်ခံလိုပါတယ်။
ဆရာတော်ကြီးနဲ့ပတ်သက်ပြီး ရေးသားခဲ့သမျှ စာစုပေါင်း လက်ရှိမှာ (၃၁)ပုဒ်ရှိပြီဖြစ်ပြီး အဲဒီစာစုတွေကို စုစည်းပြီး ၂ဝ၂ဝ နှစ်ဦးမှာ စာအုပ်တစ်အုပ်ထွက်ဖို့လည်း ကြိုးစားနေကြောင်း။

ဘေးရန်ပယ်ရှင်း၊ စိုးရိမ်ကင်း ဆင်းရဲမရှိဖြစ်ကြပါစေ။
#ငြိမ်းချမ်းသာ

■ မဟာဗောဓိမြိုင်ဆရာတော်ကြီး ရသေ့ဘဝက
ပြည်လုံးချမ်းသာဖောင်တော်ဦးဘုရားပြုပြင်တည်ထားတော်မူစဉ်
မေတ္တာဖြင့်အနိုင်ယူခဲ့သော အနှောက်အတား အတိုက်အခိုက်များ
https://www.facebook.com/thuwannashan/posts/620382895433413?tn=K-R

■ မဟာဗောဓိမြိုင်ဆရာတော်ကြီး ရသေ့ဘဝက
ပြည်လုံးချမ်းသာဖောင်တော်ဦးဘုရားပြုပြင်တည်ထားတော်မူစဉ်
ကြုံဆုံခဲ့ရသော အနှောက်အတားများ
https://www.facebook.com/thuwannashan/posts/619452822193087?tn=K-R

■ မဟာဗောဓိမြိုင်ဆရာတော်ကြီး
သေနယ်ရွာအဝင်ဝမှာ သေမင်းနဲ့ ဆုံခဲ့ရခြင်းများ(၂)
https://www.facebook.com/thuwannashan/posts/611884732949896?tn=K-R

■ မဟာဗောဓိမြိုင်ဆရာတော်ကြီး
သေနယ်ရွာအဝင်ဝမှာ သေမင်းနဲ့ ဆုံခဲ့ရခြင်းများ
https://www.facebook.com/thuwannashan/posts/608011096670593?tn=K-R

■ မဟာဗောဓိမြိုင်ဆရာတော်ကြီး
အမွှေဓာတ်ကို ခွာသတ်,သတ်ခဲ့ရခြင်း
(ရွှေကျောင်းကုန်းတောင်မှ ဇင်းကျိုက်တောင်သို့)
https://www.facebook.com/thuwannashan/posts/599018510903185?tn=K-R

■ မဟာဗောဓိမြိုင်ဆရာတော်ကြီး
ရင်ဆိုင်ကျော်ဖြတ်ခဲ့ရသော
ဇင်းကျိုက်ဒေသမှ လောကဓံကြမ်းများ
https://www.facebook.com/thuwannashan/posts/600346190770417?tn=K-R

■ မဟာဗောဓိမြိုင်ဆရာတော်ကြီး
ပုတီးသမားဘဝ ထောက်လှမ်းရေးနဲ့ ကြုံခဲ့ဆုံခဲ့ရပုံများ
https://www.facebook.com/thuwannashan/posts/596376121167424?tn=K-R

■ မဟာဗောဓိမြိုင်ဆရာတော်ကြီး
လောကဓံမှန်သမျှ မေတ္တာဖြင့်သာ ခုခံကျော်လွှားမည်
https://www.facebook.com/thuwannashan/posts/585511522253884?tn=K-R

■ မဟာဗောဓိမြိုင်ဆရာတော်ကြီးတည်ထားတော်မူသော
ထုံးဖြူဖြူ ကုန်းကမူအမောက်က
နှုန်းမတူ ဘုန်းတလူလူတောက်တဲ့
မင်းဘိသိက်ခံဘုရား
https://www.facebook.com/thuwannashan/posts/591313181673718?tn=K-R

■ မဟာဗောဓိမြိုင်ဆရာတော်ကြီး၏
အဦးဆုံးတောထွက်နေ့ရက်များ
https://www.facebook.com/thuwannashan/posts/593032198168483?tn=K-R

■ မဟာဗောဓိမြိုင်ဆရာတော်ကြီး
ဆယ့်တစ်မီးငြိမ်းရန် ရည်သန်အဓိဋ္ဌာန်၍ ပြုပြင်တည်ထားခဲ့သော
ရွှေကျောင်းကုန်းတောင်က လောကမုနိဘုရား
https://www.facebook.com/thuwannashan/posts/594629551342081?tn=K-R

■ မဟာဗောဓိမြိုင်ဆရာတော်ဘုရားကြီး
ဝတ်ကြောင်ကို လွတ်အောင်ရုန်းခဲ့ရပုံများ
https://www.facebook.com/thuwannashan/posts/584535259018177?tn=K-R

■ မဟာဗောဓိမြိုင်ဆရာတော်ဘုရားကြီး
သေခြင်းတရားကို စာပေဖြင့်အံတုခဲ့ခြင်း
https://www.facebook.com/thuwannashan/posts/572487306889639?tn=K-R

■ မဟာဗောဓိမြိုင်ဆရာတော်ဘုရားကြီးနှင့်
ပုပ်ရဟန်းမင်းကြီး (သို့မဟုတ်)
ဝိညာဉ်ချည်နှင့် မီးပူဇော်လိုသူတို့အတွက်
ဗာတီကန်က ကန့်ကွက်စာ
https://www.facebook.com/thuwannashan/posts/573418476796522?tn=K-R

■ မဟာဗောဓိမြိုင်ဆရာတော်ဘုရားကြီး၏
ထူးဆန်းသောအိပ်မက်များနှင့်
အိပ်မက်အကောက်အယူများ
https://www.facebook.com/thuwannashan/posts/580155046122865?tn=K-R

■ မဟာဗောဓိမြိုင်ဆရာတော်ဘုရားကြီးသို့ အဘဝိမလရဲ့ သြဝါဒ
'သေတဲ့အခါ ဘွဲ့နှင့် မသာလိုက်ဖက်ပါအောင်လည်း ကြိုးစားပါ'
https://www.facebook.com/thuwannashan/posts/580631279408575?tn=K-R

■ မဟာဗောဓိမြိုင်ဆရာတော်ဘုရားကြီး၏
ထူးဆန်းသောအိပ်မက်များနှင့် အိပ်မက်အကောက်အယူများ(၂)
https://www.facebook.com/thuwannashan/posts/580813156057054?tn=K-R

■ မဟာဗောဓိမြိုင်ဆရာတော်ဘုရားကြီးအား
သစ်သားကိုယ်ပွားမှ ဘုရားအသွင် ထင်ရှားပြခြင်း
https://www.facebook.com/thuwannashan/posts/571200897018280?tn=K-R

■ မဟာဗောဓိမြိုင်ဆရာတော်ဘုရားကြီး
ပဋိသန္ဓေနေစက အိပ်မက်
https://www.facebook.com/thuwannashan/posts/570258010445902?tn=K-R

280

မဟာဗောဓီမြိုင်ဆရာတော်ဘုရားကြီး၏တရားတော်များ

08 Feb, 15:48

■ မဟာဗောဓိမြိုင်ဆရာတော်ဘုရားကြီး ဘာကြောင့်စာရေးရသလဲ
https://www.facebook.com/thuwannashan/posts/569325297205840?tn=K-R
မူရင်းရေးသားတင်ပြသူအား
ကျေးဇူးတင်ပါသည်
အရှင် ရာဇာနန္ဒ
Credit 🪷 Original Uploader 🙏🙏🙏♥️

279

မဟာဗောဓီမြိုင်ဆရာတော်ဘုရားကြီး၏တရားတော်များ

08 Feb, 07:12

💥တို့ငယ်ငယ်က တွေ့ခဲ့ဖူးတာပေါ့

- ၅ ပြားထည့်တဲ့ စုဗူးတို့
- ၁၀ ပြားထည့်တဲ့ စုဗူးတို့ ။
မြင်ဖူးပါလိမ့်မယ် ။

ထည့် ဂျောက်ခနဲ ၁၀ ပြားတစ်စေ့ ။
လှုပ်ကြည့် ။
၁၀ ပြားတစ်စေ့ရှိတာ ဘာအသုံးကျလဲ ?
ဘာမှအသုံးမကျဘူး ။

ထည့်သာထည့် ပြည့်ရင် သိလိမ့်မယ်။
ထည့်ပါ ။ ပြည့်ရင်သိပါလိမ့်မယ် ။

အဲ့ဒီအတိုင်းပဲ
ဒီမှာလဲ တစ်ချက်ကို
တစ်မှတ်မှတ်ရင် (၅) ပြားပဲ ထားစမ်းကွယ်။
၅ ပြားပဲထားစမ်း ။

တစ်မှတ်မှ ၅ ပြား

စုဗူးထဲကဟာ အပြင်ထွက်ဦးမလားဟေ့ ။
{မထွက်ပါဘုရား }

တို့က ထည့်နေရမှာ။
လုပ်စရာရှိတာ လုပျ
အမှတ်နဲ့ လုပ်ရတယ် ၊

ထည့်သာထည့် ပြည့်ရင် သိလိမ့်မယ်။
ထည့်ပါ ။ ပြည့်ရင်သိပါလိမ့်မယ် ။

ကျင့်ဖို့ ကတို့တာဝန် ။
-ပြီးတာ မပြီးတာ တို့ကိစ္စမဟုတ်ဘူး

- ဒါပါရမီကိစ္စ
- နောက်ခံပါရမီကိစ္စ ။

- ကျင့်ဖို့ ၊ မကျင့်ဖို့ တို့ကိစ္စပဲ ။
တို့က ကျင့်ရမှာကျင့်ကြစမ်းပါ ။

(မဟာဗောဓိမြိုင်ဆရာတော်ကြီး)

Credit...✍️ 🙏🙏🙏🍁

ပြန်လည်မျှဝေပေးပါသည်။
🙏🙏🙏✍️🔰🖍️
Credit 🪷 Original Uploader 🙏🙏🙏♥️

245

မဟာဗောဓီမြိုင်ဆရာတော်ဘုရားကြီး၏တရားတော်များ

07 Feb, 03:49

တံတားဆောက်သူနှင့်
တံတားလျှောက်သူ

⚡️

• တံတားဆောက်သူက
ပင်ပန်းကြမ်းတမ်းမည်။

လေးပင့်ရှည်ကြာမည်
ဒုက္ခအစုံဖြင့်အနစ်နာခံရမည်။

• တံတားပြီး၍
ဖြတ်လျှောက်ရသူအဖို့ကား
အဘယ်မှာ
ကြမ်းတမ်းဖို့လိုပါတော့သနည်း။

• တံတားဆောက်သူကဲ့သို့ ဒုက္ခအဖုံဖုံ
တွေ့ကြုံဖို့မလိုတော့ပေ။

ဆောက်ပြီး တံတားကြီးအပေါ်
ကြော့ကြော့မော့မော့လေးဖြတ်ကူးလျှောက်သွားရုံသာ။

• ဘုရားရှင်ကား
တံတားဆောက်သူတည်း။

တံတား -
ဆိုသည်ကား
သံသရာတစ်ဖက်ကမ်းသို့
ပို့ဆာင်ရာတည်း။

• တရားဓမ္မ နောက်လိုက်
ဝေနေယျများကား
တံတား လျှောက်သူများတည်း။

• သို့သော်
တံတားအပေါ် ကောင်စွာ
မလျှောက်လှမ်းကြ၊
(သို့မဟုတ်)
လုံးလုံးမလျှောက်လှမ်းကြ။

• တံတားထိပ် ရောက်မှ
လှည့်ပြန်သွားသူများကို
ဘယ်လို နားလည်ရပါမည်လဲ။

• လူတွေ ထမင်းစာသလောက်
တရားမဆာသေး
စီးပွားရှာသလောက်
တရားမရှာသေး။

• ထမင်းတစ်ပွဲရှေ့
ရောက်လာဖို့အဆင့်ဆင့်
ဖြတ်သန်း ကျော်လွှား
ခဲ့ရတဲ့ဒုက္ခက အများကြီး။

ပျိုးထောင်ချိန်ကစပြီး
ဆောင်းအကုန် စပါးပုံကတဆင့်
ဆန်ဖြစ်တဲ့အထိ မနေမနား
ကြိုးစားခဲ့ရတာတွေ။

• မိဘတို့ရှာဖွေကျွေးမွေးလို့ ထမင်းပွဲရှေ့ရောက်လာလို့
လက်ဆေးစားရုံမျှ အဆင့်မှာ
သားသမီးတို့က
ထမင်းတစ်လုပ်ရဲ့
တန်ဖိုး
နားမလည်သလိုမျိုးဖြစ်နေတယ်။

• တရားရှုမှတ်တာ ထမင်းအဖြစ်သို့ရောက်အောင်
လုပ်ရတာလောက်လည်း
မခက်ခဲ မကြမ်းတမ်း။

• အမှတ်သတိရှိနေရုံမျှဖြင့်
သိစရာ ရှိတာလည်း သိပြီးသား
ပယ်စရာရှိတဲ့ ကိလေသာလညိး
ပယ်ပြီးသား။

• ထမင်းစားရတာ
နယ်ရဖတ်ရ ဆုတ်ရ ကိုင်ရ
မြှောက်သွင်းဝါးမျိုရနဲ့
အဆင့်တွေများလွန်းလှပါတယ်။

• တရားသဘော တစ်ချက်
မှတ်လိုက်ရုံမျှနဲ့
ကောင်းကျိုးမုချရနိုင်ပါလျက်
လူတွေဟာ
တရားမရှာ ကယ်တင်ရှင်ကိုသာ
ရှာကြတယ်။

မိမိသာလျှင် မိမိရဲ့
ကယ်တင်ရှင်
အစစ်ဖြစ်တော့တယ်။

⚡️

မဟာဗောဓိမြိုင်ဆရာတော်

⚡️
Credit 🪷 Original Uploader 🙏🙏🙏♥️

316

မဟာဗောဓီမြိုင်ဆရာတော်ဘုရားကြီး၏တရားတော်များ

07 Feb, 01:19

ဒုက္ခ တစ်ကျပ်သားမှာ ပက်ပင်းတွေ့ရင်
တစ်မတ်ထက် မပိုဘူး…။
သုံးမတ်က… တွေးလို့ဖြစ်တာ။
ဟုတ် ?…မဟုတ်?

{ဟုတ်ပါတယ်ဘုရား…}

ပက်ပင်းတွေ့ရင် တစ်မတ်ထက်မပိုဘူးနော်
တကယ် လောကဓံနဲ့ တွေ့လို့ ခံရတဲ့ ဒုက္ခ …
တစ်မတ်ထက်မပိုဘူး…။
သုံးမတ်က တွေးလို့ဖြစ်တာ။
တွက်ပါ …ခင်ဗျားတို့ လုပ်ခဲ့ကြတာတွေ…။
နောက်ပြန်တွေးလို့ ဖြစ်တာ ငါးမူးလောက်ရှိတယ်။
အတိတ်ပြန်တွေးလို့ …
နောက်ကြောင်း ပြန်တွေးလို့ ဖြစ်တာ
ငါး မူးရှိသနော်။
အရင်တုန်းက ဘာလုပ်ခဲ့မိလို့ကွာ
ဘာသာ…မလုပ်ခဲ့မိရင် ဒုက္ခကြုံရင်လေ…
ဒါမှမဟုတ် …ငါဒါမလုပ်ခဲ့မိလို့ကွာ… ၊
ငါသာလုပ်မိခဲ့ရင် …
နောက်ပြန်တွေးလို့ ဒုက္ခ ငါးမူးသားရှိသနော်!

ရှေ့မျှော်ပြီး ရနိုး ရနိုးနဲ့ တစ်မတ်သားရှိသနော်!
မရောက်သေးတဲ့နေရာကို လှမ်းပြီးမျှော်တဲ့ဟာ
အမျှော် …တစ် မတ်သားရှိတယ်။
နောက်ကဟာကို ပြန်ပြီး စားမြုံ ပြန်တာ
ငါးမူးသားရှိတယ်။
ပက်ပင်းက ဘယ်လောက်တုန်း?
တစ်မတ်ထက်မပိုဘူး…။
အဲဒီ တစ်မတ်ကို… ဘုရားလည်း ခံရပါတယ်။
ရဟန္တာလည်း ခံရတယ်။အကုန် ခံရတယ်…။
ဘုရားရှင်ကော …ဘုရားရှင်လည်းလောကဓံ …
မခံရဘူးလား?

{……………………}

အဲဒီ တစ်မတ်သားကို ဒုက္ခကို ဒုက္ခမှန်း
သိတဲ့အတွက် သတိနဲ့ ကျော်သွားတယ်
ဘုရားရှင်က ။
ရဟန္တာက သတိနဲ့ ကျော်သွားတယ်…။
ဘုရားရှင် နဲ့ ရဟန္တာက
ငုတ်ကို ငုတ်မှန်းသိတော့ ငုတ်ကျော်သပေါ့။
ခလုတ် ခလုတ်မှန်းသိတော့ ခလုတ်ကျော်သပေါ့။
တို့က ငုတ် ငုတ်မှန်းသိလို့လား?

{မသိပါဘုရား …}

ငုတ်မှန်းမသိတော့ တိုက်သပေါ့…
ဒါပဲ ကွာတယ်
ခံရတာ …တစ် မတ်ထက်မပိုဘူး…။
အဲတော့ ဒီတစ်မတ်ကို
ကိုယ့်ကိုယ်ကို ကြည့်နေတဲ့ ပုဂ္ဂိုလ်က…
ဒီ တစ်မတ်ကို မကျော်နိုင်ဘူးလား?
ကိုယ့်ကိုယ်ကို ပြန်အကြည့်ခိုင်းတာထင်တယ် ။

- {မှန်ပါ့ဘုရား …}

ဒုက္ခဆိုတာ ဟုတ် မဟုတ် ။
သုခဆိုတာ ဟုတ် မဟုတ် ။
ဘုရားဟောတဲ့ ဒုက္ခ ဟုတ် မဟုတ် ။
တို့ထင်နေတဲ့ သုခ ဟုတ် မဟုတ် ။
ကိုယ့်ကိုယ်ကို ပြန်အကြည့်ခိုင်းတာ… ။

မဟာဗောဓိမြိုင် ဆရာတော်ဘုရားကြီး

🙏🙏🙏🙏🙏🙏🙏🙏🙏

#ဓမ္မဒါနမျှဝေပူဇော်ပါသည်🙏
Credit 🪷 Original Uploader 🙏🙏🙏♥️

296

မဟာဗောဓီမြိုင်ဆရာတော်ဘုရားကြီး၏တရားတော်များ

05 Feb, 06:10

" မျောပေဦးတော့တစ်ဘဝ "

ငါးကန်ကြီးထဲ ပေါက်ပေါက်ဆုပ် ပစ်ကျွေးလိုက်တဲ့အခါ အလုအယက် လာဟပ်ကြသလိုပဲ
လူတွေဟာလည်း
ကိလေသာအာရုံကာမဂုဏ်တွေကို
သူ ဝင်ဟပ် , ငါ ဝင်ဟပ်နဲ့ တပ်မက်နေကြတယ် ။

အာရုံနောက်
တစ်ကောက်ကောက်လိုက် နေပုံဟာလည်း
ကလေးတစ်ယောက် မြင်းရုပ်လုပ်စီးနေသလိုပဲ
အရုပ်မြင်းကို အဟုတ်မြင်းထင်ပြီး
ရွာလမ်းတစ်လျောက် ဖုန်တထောင်းထောင်း
ထအောင် စီးပြခဲ့တဲ့ကလေးငယ်ဟာ
ကစားရာကလည်း နားရော
ခြေကုန်လက်ပမ်းကျပြီး အိပ်ယာထဲ ဘုန်းဘုန်းလဲရော။

အာရုံဆိုတာ
မက်ရင် မက်သလောက် မောရပါတယ်
တစ်ဖက်က သက်ရှိသက်မဲ့တို့ရဲ့
အမြင် , အကြား, အထိအတွေ့ စတဲ့ အာရုံတွေကို
သွားရောက်တုဖက် စုံမက်နေမယ်ဆိုရင်

တောလိုက်ခွေးအုပ်ကြား မျက်စိလည်လမ်းမှား
သွားတဲ့ ယုန်သူငယ်ပမာ
တစ်ဖက်က အာရုံစုံ အကုန်သိုင်းဖက်ခြင်း ခံရတဲ့အခါ စိတ်ခမျာ တစ်ခုဖိ , အားလုံးရဲ့အဖိကို ခံရပါရော ။

မက်သမျှ မောရပုံများလေ ။

စိတ်မော လူမောနဲ့ အာရုံကြော မျောပေဦးတော့
တစ်ဘဝ ။

🙏<^>credit<^>🙏
" မဟာဗောဓိမြိုင် ဆရာတော်ဘုရား ဩဝါဒ"
🙏🙏🙏

Credit to Pantaw Monetary
Credit 🪷 Original Uploader 🙏🙏🙏♥️

372

မဟာဗောဓီမြိုင်ဆရာတော်ဘုရားကြီး၏တရားတော်များ

02 Feb, 08:50

အဲဒီတော့ မှတ်ဟဲ့။
မှတ်ပါများတော့ အဲဒီစိတ်တွေ မပါဘူး။
အတွေးမပါတော့ သွေးကြည်တာပေါ့လေ။
သွေးကြည်ပါများတော့
မှန်ကြည့်တော့ အရိပ်ပေါ်သလိုပေါ့လေ။
အဲဒီတော့မှ နိမိတ်ပေါ်တာ။
တရားရအောင်လုပ်မယ်လို့ စိတ်ဘယ်တော့မှ မထားနဲ့။
ကြိုးစားချင်တဲ့စိတ်သာ ရှိရမယ်။ ရချင်တဲ့စိတ်မရှိရဘူး။

သူပြတဲ့နေရာကို ကြည့်နေရင်
တရားက သူ့ဟာသူ ဇာတ်ကောင်တွေက ပြလာမှာ။
လိုချင်စိတ်နဲ့ကြည့်ရင် တွေ့ခဲတယ်။
စိတ်မပါလက်မပါကြည့်ရင် သွေးကမဲနေလို့ မမြင်ရဘူး။
မရရအောင် မခံချင်စိတ်နဲ့လုပ်တော့
သွေးကမည်းတယ်။
အဲဒီတော့ မမြင်ရဘူးပေါ့။
အဲဒီတော့ တရားရှာတဲ့အခါ အဲဒီစိတ် (၃)စိတ်မပါရဘူး။

သတိနဲ့ မှတ်တော့ ကိုယ်မမြင်ဖူးတဲ့ ရှုကွက်တွေထဲက
အရာတွေမြင်လိမ့်မယ်။
နှာသီး၀ဆိုနှာသီးဝပေါ့။
လေရဲ့နိမိတ်တွေ လေတန်းတွေ မြင်ချင်မြင်မှာပေါ့။
မြင်လာတော့ ယုံလာတယ်။
ခန္ဓာဖြစ်ပျက်မြင်လေလေ ယုံလေလေပဲ။
ဆရာသမားအပေါ် ယုံတာလည်း ဖြစ်နိုင်တယ်။
ဒီလိုယုံလာရင် သွေးကကြည်လာတာ။
ကြည်လာမှ ဒီ ဖြစ်ပျက် မြင်လာတာ။
ထိုင်မယ့်အချိန်မှာ သီလယူပါ။

သီလယူတယ်ဆိုတာ
အရင်တုန်းကဟာတွေကို အဖြတ်ခိုင်းတာပဲ။
ဘာစည်းမှ ချဖို့ မလိုဘူး။
ဘေးက အနှောင့်အယှက်မလုပ်နိုင်အောင်
သာသနာတော်စောင့်နတ်တွေက စောင့်ရှောက်ပေးရတယ်။
ဆိုင်ရာနတ်တွေက စောင့်ရှောက်ပေးရမယ်။
သာသနာတော်စောင့်နတ်တွေက တာ၀န်ယူပေးရတာ။
ဒါကြောင့် သီလယူရတာ။

ကိုယ်လုပ်ချင်တာကိုလုပ်၊ သတိလေးနဲ့လုပ်၊
သတိမပါရင် တို့ ဉာဉ်ကခိုင်းတာ လုပ်ရလိမ့်မယ်။

သတိပါတော့ တို့ ခိုင်းတာကို ဉာဉ်က လုပ်ပေးရမှာ။
ဘုရားတရားအပေါ်မှာ ဖြည်ချုပ်ပြီး ၀ယ်ရတာမရှိဘူး။
အောင့်ပြီး ဖယ်ရတာမရှိဘူး။
အမှတ်မှတ်ရင်းနဲ့ နောက်တော့ သူ့ဟာသူသိသွားပြီး
သတိက ၀ယ်သွားတာ။
တို့ ၀ယ်တာ မဟုတ်ဘူး။
သတိရှိရင် ဘုရားသားပဲ။
သတိမရှိရင် အလကားပဲ။
ဘုရားသားဖြစ်ချင်ရင် သတိရှိမှဖြစ်တာ။

မဟာဗောဓိမြိုင်ဆရာတော်
Credit to original uploader.
ဦးဓမ္မသာရ(ဆေးသဲ့တောင်)မျှဝေပူဇော်သည်
Credit 🪷 Original Uploader 🙏🙏🙏♥️

425

မဟာဗောဓီမြိုင်ဆရာတော်ဘုရားကြီး၏တရားတော်များ

02 Feb, 08:50

ဘာပဲလုပ်လုပ် သတိနဲ့သာလုပ်
သတိရှိရင် ဘုရားသားပဲ။

နည်းလမ်းတွေ ဘယ်လောက်များများ
တို့ ဗုဒ္ဓက သတိတစ်လုံးပဲဗျာ။
ဘာလုပ်လုပ် လုပ်တဲ့အလုပ်ကို သတိနဲ့ တွဲလုပ်။
အဲဒါဝိပဿနာဖြစ်သွားတာပဲ။
သတိနဲ့လုပ်တော့ ကိုယ့်စိတ် ကိုယ့်ဆီမှာ ရှိတယ်။
ရှိတော့ ကိုယ့်အကြောင်း ကိုယ်သိတာပဲ။
အဲဒါ ဝိပဿနာဗျ။

ကိုယ်ထဲမှာ နှစ်သက်ရာကိုမှတ်။
တို့ ဘုရားတိုင်း ဘုရားတိုင်းမှတ်တာ နှာခေါင်းပဲ။
နှာခေါင်းမှာ ၀င်လေလေး ၀င်တာ ထွက်တာကို စာလို
ဝင်သက် ထွက်သက် ခေါ်တယ်ဗျာ။
အဲဒါ အသက်ပဲဗျာ။
လူတစ်ယောက်လုံးရဲ့အသက်ဟာ နှာခေါင်းမှာရှိတယ်။
၀င်လေထွက်လေကိုပြောတာ။
ဒီနှာခေါင်းကနေ ထိုင်ပြီးမှတ်ရင်
တစ်ကိုယ်လုံးအကုန်သိတယ်ဗျာ။
စာလို ပင်တိုင်ကမ္မဋ္ဌာန်းလို့ ခေါ်တယ်။

ကျန်တဲ့အလုပ်တွေ လုပ်ရင်းလည်း နှာခေါင်း၀ကိုမှတ်ဗျာ။
ဝေဘူဆရာတော်ကြီးက ဒီအတိုင်း မှတ်သွားတာဗျ။
မှတ်နိုင်ပါ့မလားဗျ အဲဒါကျတော့ဗျာ။
မျက်စိက မြင်တဲ့အခါ ကြည့်စရာရှိရင်
မျက်စိမှာ သတိချထားဗျာ။
နားကကြားတဲ့အခါမှာ နားထိပ်မှာ ချထားဗျာ။

သတိနဲ့သွားဗျာ။
တသက်လုံး လုပ်သွားဗျ။ ဘယ်တော့မှ မလွှတ်နဲ့။
သိရုံသိသွားဗျာ။
တွေးတဲ့စိတ်ကတော့ တွေးမှာပဲ။
၀ိပဿနာဉာဏ်တွေ ဘယ်လောက်တက်တက် တွေးမှာပဲ။
စိတ်ကို မနိုင်ရကောင်းလားဆိုပြီး ရန်မလုပ်ရဘူး။
လျှော့လည်း မလျှော့ရဘူး။
မှတ်စရာရှိတာသာ မှတ်။
အမှတ်များရင် အတွေးက သူ့ဟာသူ လျော့သွားလိမ့်မယ်။

လူတိုင်းလူတိုင်းဟာ
မွေးကတည်းက အတွေးနဲ့ မွေးလာတာ။
တစ်သက်လုံးလည်း အတွေးနဲ့နေတာ။
လုပ်စရာရှိလည်း အတွေးနဲ့လုပ်နေတာ။
အဲဒါ ထိုင်မှတ်တာ့့့ ခဏလေးရှိသေးတယ်။
ချက်ချင်းတော့ မရနိုင်သေးဘူး။

မှတ်အားကောင်းရင်သူ့ဟာ သူတက်သွားမှာပဲ။
ဘုရားဟောတဲ့အထဲမှာ သတိပဋ္ဌာန်ဆိုတာ ရှိတယ်။
အဲဒါ သတိပဋ္ဌာန်ခေါ်တယ်။
နှာခေါင်းမှတ်မှု ပင်တိုင်ထားပြီး
တွေးတာနဲ့ နှာခေါင်းနဲ့ ဘယ်ကို စိတ်ရောက် များလဲ။
တွေးတဲ့စိတ်ကို အရောက်များရင်
နှာခေါင်းမှတ်တာ ခဏလွှတ်လိုက်။
တွေးပြီးတာနဲ့ နှာခေါင်းပြန်မှတ်။

တစ်ခါနှာခေါင်းမှတ်ရင်း ခန္ဓာကိုယ်က နာလာမယ်ဆိုရင်
နာတဲ့ဘက် စိတ်အရောက် များရင်
နှာခေါင်းမှတ်တာကိုလွှတ်ပစ်ပြီး နာတာကိုမှတ်။
ပြီးမှ နှာခေါင်းကို ပြန်မှတ်။

အသံကိုကြားလို့
ကြားတာဘက်စိတ်ရောက်တာ များသွားလို့ရှိရင်
နှာခေါင်းအမှတ်ကိုလွှတ်ပြီး ကြားတဲ့ဘက်ကို မှတ်။
ပြီးမှ နှာခေါင်းကိုပြန်မှတ်။

တို့ ရန်ကုန်ကတည်းက
ဒီမေးတာတွေ အိမ်တွင်းရေးတွေကအစ
မေးလျှောက်တာတွေ အဲဒါတွေ ဒိုင်ခံပြောလာတာ။
တစ်ယောက်က-စ တစ်ရာဆိုသလို ဖြစ်လာတယ်။
အဲဒီကတည်းက ကြောက်လာတာ။

တစ်ဦးပြောလိုက်ရင် တစ်တိုင်းပြည်လုံးက လာမှာ။
ဒီလောကီကိစ္စတွေက လျှောက်ရမှာ မဟုတ်ဘူး။
တို့ ဒီတောထဲကနေ အာရုံပြုပေးနေတာပဲ။
တို့ ရှုမှတ်နေတာဟာ
ဒေါသကင်းနေတဲ့အတွက် မေတ္တာပဲ။

ဘုရားတို့ ရဟန္တာတို့ဆိုတာက ဘယ်သူဘယ်ဝါ
ကျန်းမာပါစေလို့ တိုက်ရိုက်ပေးတာမဟုတ်ဘူး။
ရှုမှတ်နေတာဟာ ဓမ္မဓါတ်လှိုင်း ပေးနေတာပဲ။
လ-ဟာ တစ်ကမ္ဘာလုံး သာနေတာပဲ။
မော့ကြည့်သူ ထွက်ကြည့်သူ အေးတာပေါ့။
ကိုယ့်ဘက်က ယုံယုံကြည်ကြည်နဲ့ လထွက်ကြည့်သလို
ထွက်ကြည့်နေရင် အကုန်ပြီးတယ်။
ထပ်ပြီး အဆစ်ပေးလိုက်ဦးမယ်။

သမာဓိ(၃)မျိုးရှိတယ်။
တစ်ခါမှတ် တစ်ခါတည်ရင် ပထမ သမာဓိပဲ။
(၅)မိနစ် (၁၀)မိနစ်ကလေး တည်နေရင်
အဲဒါ ဒုတိယ သမာဓိပဲ။
၀ိပဿနာအထက်ပိုင်းရောက်ရင် စိတ်ကဘယ်မှ
မထွက်တော့ဘူး။ အဲဒါ တတိယ သမာဓိပဲ။
ထိုင်လို့ သတိမြဲနေပြီ ဆိုပါစို့။
သတိမြဲကြောင်းကို နှာခေါင်းရှုရင် နှာခေါင်းမှာ
လေနိမိတ် ပေါ်ရတယ်။

တို့တုန်းက ဖောင်းပိန်မှတ်တော့
ဖောင်းနိမိတ် ပိန်နိမိတ် ပေါ်တာပေါ့။
စိတ်တည်ကြောင်း ပြတဲ့ နိမိတ်ခေါ်တယ်။
စက်များဆိုရင် ဘယ်နှစ်မိုင်ရောက်ရင် ဘယ်နှစ်မိုင်
ရောက်ကြောင်း အချက်ပြသလို
တို့ ဒီမှာလည်း နှာခေါင်းမှတ်ရင် နှာခေါင်းအချက်ပြရှိတယ်။

အဲဒီလို ဖြစ်နေတဲ့အချိန်မှာ
တို့သံသရာ အဆက်ဆက်က ပါလာတဲ့ ဉာဉ်နဲ့
ဒီက သတိနဲ့သွားတဲ့ ဉာဏ်နဲ့ အဲဒီနေရာမှာ အတိုက်အခံ
သွားလုပ်တော့ ဉာဉ်ဘက်က အာရုံဆန်းတွေ
ပေါ်တတ်တယ်။ တခြားက လာပြီးပြတာမဟုတ်ဘူး။
စရိုက်လိုက်ပြီး ပေါ်တတ်တယ်။
ဒေါသကြီးသူ ဒေါသကြီးတဲ့အလျောက် ပြမှာ။
ရာဂကြီးတဲ့သူ ရာဂအလိုက် ပြမှာ။

လာချင်တာလာ မှတ်မှာပဲ။
အများဆုံးတွေ့ရတာက
သမာဓိ တည်ကြည်ခါစ ဝိပဿနာဉာဏ်တက်တော့
စာလို အနိစ္စ၊ ဒုက္ခ၊ အနတ္တ လက္ခဏာမြင်ရတာကို
တို့က အတ္တ စွဲတာကိုး။
ဟိုက အနတ္တပြမှာ တို့က နိစ္စ စွဲတာ။
ဟိုက အနိစ္စပြမှာ တို့က သုခလို့ ထင်တာကိုး။

အဲဒီအချိန်မှာပေါ်တာပဲ။
သဒ္ဓါထက်သူကျတော့ ဘုရား ရဟန္တာတို့ ပေါ်တယ်။
နတ်တို့ ပေါ်တယ်။
ပေါ်ရုံတင်မက လာကိုပြောတာရှိတယ်။
မြင်ရုံမြင်တာပဲ ရှိတယ်။ အဲဒါကို ဘယ်ကိုမှမလိုက်ဘဲ
ကိုယ့်ရှုကွက်ကို လက်မလွှတ်နဲ့။
အဲဒါဆိုရင် မှားစရာမရှိဘူး။

ကိုယ့်ရှုကွက်ကို လက်လွှတ်ပြီး အဲဒီနောက်သွားရင်
လမ်းမှားပြီ။
တစ်ရက် နှစ်ရက်လောက်နဲ့တော့ မတွေ့နိုင်ဘူး။
သတိအားကောင်းမှ အတွေးမ၀င်မှ ပေါ်တာ။
တို့ ကိုယ်ခန္ဓာမှာ သွေးကလည်ပတ်နေတာ။
အတွေးနဲ့လည်တယ်။
သောကနဲ့လည်တယ်။
မာနနဲ့လည်တယ်။
အဲဒီအချိန်မှာ တို့ သွေးက မည်းနေတာ။
သွေးကမကြည်ဘူး။ နောက်နေတာ။

387

မဟာဗောဓီမြိုင်ဆရာတော်ဘုရားကြီး၏တရားတော်များ

02 Feb, 04:21

မမေ့ပါနဲ့…
ကုသိုလ်ကိုလည်း
မမေ့နဲ့

အကုသိုလ်ကိုလည်း
မမေ့နဲ့။

"ကုသိုလ်"ကို
မမေ့တာက
တိုးပွါးများပြားလာအောင်အားထုတ်ဖို့။

မိမိဘဝကိုအဆင့်အတန်းမြင့်ပေးတာကုသိုလ်ပါ။

"အကုသိုလ်"ကို
မေမ့ဖို့က
တဖြည်းဖြည်းအားနည်းအောင်ပြုပြီး
အကြွင်းမဲ့
သုတ်သင်ဖယ်ရှားနိုင်ဖို့။

မိမိဘဝကိုကျဆုံးသွားစေတာအကုသိုလ်ပါ။

သတိ
မထားရင်
ကုသိုလ်လုပ်ရမှာ
မေ့နေတတ်တယ်။

သတိမထားရင်အကုသိုလ်ကိုဖယ်ရှားရမှာမေ့နေတတ်တယ်။

(မဟာဗောဓိမြိုင်ဆရာတော်)
Credit 🪷 Original Uploader 🙏🙏🙏♥️

337

မဟာဗောဓီမြိုင်ဆရာတော်ဘုရားကြီး၏တရားတော်များ

01 Feb, 15:25

ခုံမက်လို့ ခုံဖက်
ခုံပျက်တော့ အသက်ပါ။
•••••••••••••••••••••••••

ခုံမင်တတ်သော တဏှာ
မာန ဒိဋ္ဌိသုံးပါးသည် ခုံမင်စရာ
ငါ ဝတ္ထု ပုဂ္ဂိုလ်တို့သို့ ပူးဝင်ရာ၌

(၁) ကိုယ့်ကိုယ်ကို ခုံမင်လေ့
ရှိသူသည် ကိုယ့်ကိုယ်ကို
မြတ်နိုးခြင်းမာန

ကိုယ့်ကိုယ်ကို ပျော်ရွှင်စေလိုခြင်း
တဏှာ အငြိပါနေရကား

ကိုယ်တိုင် အပင်ပန်းခံကာ
ဘာကိုမျှ အားမထုတ်လိုဘဲ

ပစ္စည်းရှိသမားအား လင်ထား
မယားနေ အသုံးတော်ခံ
အနေဖြင့်ပင်

ဘဝနှင့်မျိုးရိုးဖျက် အသက်
ဆက်လေ့ ရှိကြသည်။

(၂) သူတစ်ပါးတို့သို့ ခုံမင်လေ့
ရှိသူသည် သူတစ်ပါးအား
ငါပိုင် သိမ်းပိုက်လိုမှု ဒိဋ္ဌိ

သူတစ်ပါးကို ဇိမ်ခံအရာထား
ပျော်ပါးလိုမှု တဏှာ အငြိပါ
နေရကား

ကိုယ့်ကိုယ်ကို အပင်ပန်းခံ
သူတစ်ပါး ဆင်ကြံကြံလျက်က

ပစ္စည်းမဲ့ အရိုးခံ အဖိုးတန်
များအား လင်ထားမယားထား

ဇိမ်ခံအရာထားလျက်က
အသက်ဆက်လေ့ရှိကြသည်။

(၃) ကိုယ်သူအကြား အာရုံများသို့
ခုံမင်လေ့ရှိသူသည်ကား

အားလုံးသော တဏှာ မာန
ဒိဋ္ဌိ အငြိထူပြောရကား

ကိုယ့်ကိုယ်ကား အပင်ပန်းမခံ
စိတ်ကိုသာ အပင်ပန်းခံကာ

အာရုံခင်တို့ အာရုံမင် ခုံမင်
ထကြွစေနိုင်သည့်

ဝတ္ထုခေါ် ပစ္စည်းအသစ်အဆန်း
များကို တီထွင်ထုတ်လုပ်လျက်က

တစ်ဖက်သား၏ အသွေး
အသားများကိုလည်းကောင်း

တစ်ဖက်သား၏
အာရုံကိုလည်းကောင်း

အလုံးစုံ အသာစီးလုပ် အရာရာ
လက်ဝါးကြီးအုပ်လေ့ရှိကြသည်။

ပပဉ္စ၏ အချဲ့တရားသုံးပါး
လူတို့ကြား တာစား၍နေချေရာ

အချဲ့လွန် ကျယ်ပေါက်
မလွယ်ပေါက် တိုးမိမှာသေချာပြီ။

▪️

မဟာဗောဓိမြိုင်
ဆရာတော်ဘုရားကြီး
ဓမ္မနီတိကထာ စာအုပ်မှ

᠌᠌᠌ ᠌᠌
Credit 🪷 Original Uploader 🙏🙏🙏♥️

346

မဟာဗောဓီမြိုင်ဆရာတော်ဘုရားကြီး၏တရားတော်များ

01 Feb, 15:23

❒ မြတ်သောနေခြင်း

မြတ်ခြင်းသည် မဆုံးခြင်းနှင့် မရှုံးခြင်းကို တာဝန်ခံ၏။ အမြတ်ရသော နေနည်းများမှာ•••

✪ သတိရှိနေသဖြင့် ငါသူမဝင် အားလုံးအပေါ်တန်းတူဖြင့် မေတ္တာယှဉ်နေတော့ခြင်း။

✪ သတိရှိနေသဖြင့် ချစ်မုန်းမဝင် အားလုံးအပေါ် ကိုယ်ချင်းစာဖြင့် ကရုဏာယှဉ်နေတော့ခြင်း။

✪ သတိရှိနေသဖြင့် အာရုံမမင် အားလုံးအပေါ်အမြင်ကြည်၊ မုဒိတာယှဉ်နေတော့ခြင်း။

✪ သတိရှိနေသဖြင့် အတွေးမဝင်၊ အားလုံးအပေါ် အမှီမပြု ဥပေက္ခာဖြင့် ယှဉ်နေတော့ခြင်း။

ထိုလေးမျိုးသောဗြဟ္မစိုရ် အလိုလိုဝင်နေသော သတိထိန်းစိတ်၊ အကြိုက်မှ ဖြစ်သော ကြွေး၊ မေ့ရာမှတင်သော ကြွေး၊ ယှဉ်ပြိုင်မိရာမှ တင်သော ကြွေး ပေးစရာမရှိတော့ပြီ။

ကြွေးကင်းလျှင် ဘာလုပ်လုပ် ကိုယ့်ဖို့ချည်းသာ အဖတ်တင်မှာ သေချာပြီ။

(ကောင်းစားချမ်းသာလိုသူများသို့ အမှာစကား ၁၃၆၂ ခုနှစ်၊ နှစ်ဆန်းတစ်ရက်နေ့၊ မောနေယျတော)

🖋️ မဟာဗောဓိမြိုင်ဆရာတော်ဘုရားကြီး
📖 လက်မိလက်ရဩဝါဒများ

#ဓမ္မအသိဖြင့်အကျိုးရှိရှိနေမည်
Credit 🪷 Original Uploader 🙏🙏🙏♥️

340

မဟာဗောဓီမြိုင်ဆရာတော်ဘုရားကြီး၏တရားတော်များ

01 Feb, 04:32

❀ ခြင်းပျော်ကြက်များ

လူတွေအာရုံခံစားနေပုံက မေ့မေ့မောမော၊ မေ့မေ့မျောမျောကြီး မသိမှုထဲ တဝဲလည်လည်နဲ့ အတွေ့ပေါ်အမေ့ကောက် ပြီးပြီးပျောက်ပျောက် လုပ်နေကြတယ်။ ဘာနဲ့တူလဲဆိုတော့ ကြက်သည်မရဲ့ကြက် ခြင်းထဲက ကြက်တွေလိုပဲ မသိရာမှာ အမေ့ဆင့်ပြီး အတင့်ရဲနေကြတယ်။

ကြက်သည်မကြီး နံနက်လင်းတာနဲ့ ရေနွေးအိုးကြီးမီးထိုးနေတာ ကြက်တွေမြင်သားပဲ။ ဒါပေမဲ့ ကြောက်ရလန့်ရမှန်းမသိဘူး။ ကြက်ခြင်းထဲမှာ ဆူညံနေတာပဲ။ ဟော... ကြက်သည်မကြီးက စဉ်းတီတုံးကြီးပေါ် ဓားကြီးတင်လိုက်ပြီဗျာ။ ဒီဓားက သူတို့ကိုသတ်မယ့်ဓားဆိုတာ ကြက်တွေမသိတော့ ဓားကြီးမြင်လည်း ကြောက်ရလန့်ရမှန်း မသိ။ ခြင်းထဲမှာပျော်နေကြတုန်းပဲဗျာ၊ ကြက်သည်မကြီးက အလေး ချိန်ခွင်တွေပြင်ဆင်နေတာ မြင်ပေမယ့်လည်း ကြောက်ရလန့်ရမှန်း မသိပြန်ဘူး။

မသိတဲ့အလျောက် ခြင်းပျော်ကြက်တွေဟာ အစာကောက်တဲ့ကြက်က ကောက်၊ မိတ်လိုက်တဲ့ကြက် မိတ်လိုက်၊ ခွပ်တဲ့ကောင်က ခွပ်၊ တွန်တဲ့ကောင်က တွန်နဲ့ အော်သံပျော်သံတညံညံနဲ့။ မကြာပါဘူး၊ ကြက်သည်မကြီးက ခြင်းပေါက်ဝလက်လျှိုပြီး တစ်ကောင်ပြီးတစ်ကောင် ဆွဲထုတ်ကာ သတ်လေတော့မှ တစာစာအော်မြည်ပြီး သေပွဲဝင်ကြရရှာတယ်။

ခြင်းပျော်ကြက်တွေလို မသိမောဟ မသိအဝိဇ္ဇာနဲ့ အသေမခံကြပါနဲ့။ သေမင်းလက်က လွတ်အောင်ရုန်းနိုင်တဲ့စွမ်းအား တရားကျင့်နိုင်တဲ့စွမ်းအား လူသားမှာရှိပါတယ်။

【၁၉၉၇ ခုနှစ်၊ နတ်တလူတောရဟောစဉ်】

🖋️ မဟာဗောဓိမြိုင်ဆရာတော်ဘုရားကြီး
📖 မောင်သွေးချွန် – လက်မိလက်ရဩဝါဒများ

#ဓမ္မအသိဖြင့်အကျိုးရှိရှိနေမည်
Credit 🪷 Original Uploader 🙏🙏🙏♥️

411

မဟာဗောဓီမြိုင်ဆရာတော်ဘုရားကြီး၏တရားတော်များ

23 Jan, 04:31

ကောင်းမှု မကောင်းမှု
🙏🙏🙏🙏🙏🙏🙏🙏🙏🙏🙏🙏

လူသည် ရှေးအတိတ်က ပြုခဲ့ဘူးသော အကုသိုလ်များလည်း အမြောက်အများရှိ၏

ရှေးအတိတ်က ပြုခဲ့ဘူးသော ကုသိုလ်များလည်း အမြောက်အများရှိခဲ့၏

ယင်းတို့သည် ချောင်း ရေနှင့် ကန်ရေများပမာ တစ်သန့်စီ တစ်ကန့် စီ (အရှိန်ဖြင့်) လိုက်ပါလာကြသည်ကို သတိပြုပါ

* မိမိပြုသော မကောင်းမှု မိမိ၌သာ ရစ်ဝဲနေပါအံ့
* မိမိပြုသော ကောင်းမှု မိမိကိုယ်သာ ပြန်လည် ပြုစုနေပါမည်

ထိုစဉ်...

ကောင်းမှုကြောင့် ဖြစ်သော စင်ကြယ်မှုကလည်း သူ့နယ်နှင့် သူ သီးခြားတည်း

မကောင်းမှုမှဖြစ်သော မစင်ကြယ်မှုကလည်း သူ့နယ်နှင့် သူ သီးခြားတည်း

လူတစ်ကိုယ်ကောင်းမျိုး မကောင်းမျိုး အစွယ်နှစ်ချောင်းထိုးနေသော်မှ လည်း.... တစ်ခုက တစ်ခုကို သုတ်သင်နိုင်ခြင်း အလျင်းမရှိကြပါ

ယင်းကို ဘုရားရှင်၏ ဝိပါက်တော်များ ကလည်း သက်သေခံနေကြပါသည်
အရှင်မောဂ္ဂလာန်၏ ဝိပါက်တော်ကလည်း သက်သေခံလျက်ရှိနေပါသည်
လောသကတိဿဝိပါက်တော်ကလည်း သက်သေခံလျက်ရှိနေပါသည်

ဤကားဘုရားရှင်နှင့် ရဟန္တာကြီးများ ယခင်ဖြစ် အကုသိုလ်အား ယွု ပွင့် မဂ်တို့က မပယ်နိုင်ခြင်း၏ သင်္ကေတ

သို့ကြောင့် ထိုသည့်သင့်အား ဤနေရာမှ နေ ငါတို့ အကြံပြုလို၏

ယင်းကား ... သင်သည် ဓာတ်ကို ဓာတ်အတိုင်းထား၍ ကံဖြစ် အကုသိုလ် (ကုသိုလ်) တို့ကို ပြုလုပ်နေမည့်အစား ....ဓာတ်ကို သောဘ ဏ စေတသိက်တို့ အကူညီဖြင့် ဉာဉ်မှနေ ဉာဏ်သို့ ပြောင်းရွှေ့ပေးကာ သမထ ဝိပဿနာ မဂ်ဖိုလ်ပညာ ကုသိုလ်စစ်ပြုလုပ်ပါလေ....

သမထဝိပဿနာမဂ်ကုသိုလ်ဖိုလ် ကုသိုလ်တို့သည်....ဓာတ်သက်ကို ချေ၍ ဇာတ်သက်ဖြင့် ကုသိုလ် စစ်ဖြစ်ခွင့်ရသောကြောင့်
တစ်ဖန် ဓာတ်သက်များ ကျေ၍ ဇာတ်သက်ဖြင့် ကံဆုံးရာမြေ ခြေချနိုင်သောကြောင့် ..... ။

မဟာဗောဓိမြိုင်ဆရာတော်
၁၃၇၅ ခုနှစ် နတ်တော်လပြည်.အင်္ဂါနေ့
သာသနာ့ ဝုဒ္ဓိကျောင်းတော်
ဉေယျဓမ်တော
Credit 🪷 Original Uploader 🙏🙏🙏♥️

660

မဟာဗောဓီမြိုင်ဆရာတော်ဘုရားကြီး၏တရားတော်များ

21 Jan, 06:08

ခင်ဗျားတို့....
ဆွမ်းတွေ ဘယ်လောက်လှူလှူ
ကျုပ်တို့ဗိုက် တစ်မနက်စာလေးပါ ။

ခင်ဗျားတို့အတွက်ကတော့...
ဆွမ်းတစ်ဇွန်းလောင်းလှူရင်လည်း လှူတတ်ရင်
ဘဝကောင်းများစွာကို ရစေပါတယ် ။

တို့ ဘုရားလက်ထက်က...
ရှင်မဟာကဿပ ကိုယ်တော်ကြီးနဲ့ လယ်သူမလေး...

ဒို့ လယ်သူမလေးက သူပါလာတဲ့ ပေါက်ပေါက်ပြောင်းဖူးစေ့
လှော်ထားတဲ့ဟာပေါ့ ။
လယ်ထဲမှာ အလုပ်လုပ်ရင်းနဲ့. နားတဲ့အချိန်စားဖို့ပေါ့ ။

အဲ့တော့ ရှင်မဟာကဿပ ကိုယ်တော်ကြီးနဲ့တွေ့တော့
လယ်သူမလေးက အဲ့ဒီ့ပေါက်ပေါက်ပွင့်လေးတွေ...သူပါလာတာလေး
သူမစားပဲနဲ့. လှူလိုက်သပေါ့ဗျာ ။

အဲ့ဒီ့မှာ...ကြည့်အုန်းဗျ ။
ခင်ဗျားတို့ ကြားဖူးချင် ကြားဖူးကြမှာ ။
အာဂန္တု ( ၃.) ဦးဆုံရင် အချိန်မရွေးချက်ချင်း အကျိုးပေးတယ်လို့
စာမှာဆိုတယ် ။
သိကြသလား ။
အာဂန္တု ( ၃.) ဦး ရုတ်တရက် ကြုံလိုက်တဲ့ဟာကိုပြောတာလေ ။

ရဟန်းကလည်း..ရုတ်တရက်ကြုံရင် သံဃာပဲလေ ။
( ၂.) ခါ ( ၃.) ခါကြုံရင်တော့ ပုဂ္ဂိုလ်စွဲ ရှိ့ပြီလေ ။ အထင်ကြီးခြင်း
အထင်သေးခြင်းတွေ ပါပြီလေ ။
ဟုတ်နော် ။

( ၂.) ခါလောက်ကြုံရင်...
ကိုယ်သဘောကျရင် အထင်ကြီးချင်ကြီးမယ် ။
ကိုယ်သဘောမကျရင် အထင်သေးချင် သေးမှာပေါ့ ။

ရုတ်တရက်တွေ့တာက. ပုဂ္ဂိုလ်စွဲ မရှိ့ဘူးနော် ။
ဘယ်သူမှန်း ဘယ်ဝါမှန်းမှ မသိတာ သံဃာပဲ ။
အဲ့ဒါကိုပြောတာ...အဲ့ဒါ " အာဂန္တု ဧည့်သည် " ။

နောက်ပြီး ပစ္စည်းကလည်း လက်ထဲမှာ ရုတ်တရက်ရှိ့တာ
ရှာထားရင် သောက ပါချင်ပါမှာပေါ့ ။
လောဘ ပါချင်ပါမှာပေါ့ ။
ရုတ်တရက် လက်ထဲရှိ့တာဆိုတော့...
လောဘ ပါသေးလား ။ သောကကေား ပါမလား ။

နောက်ပြီး..စေတနာကလည်း အဲ့ဒီ့အချိန် ဒက်ခနဲချက်ချင်းပေါ်
လိုက်တာ ။
သူကလည်း ရုတ်တရက်ပဲလေ ။
ရုတ်တရက်မှာ ရှေ့တိုးဖို့ကော လိုသေးလား ။ နောက်ပြန်ဖို့ကော
လိုသေးလား ။ မလိုဘူးနော် ။

ချက်ချင်းဆိုတာ အဲ့ဒါ
ကိလေသာ ကင်းတာ ။
ရေရှည်ဆိုခဲ့ရင် များနေမလား / နည်းနေမလား ။ ဆိုးများဆိုးမလား
ကောင်းပါ့မလား ။
စိုးရိမ်ပူပင်သောကတွေ အများကြီး ဝင်မှာဗျ ။

အခု...လယ်သူမလေးမှာ ဒါတွေ မဝင်ဘူးဗျ ။
ပေါက်ပေါက်လှူတဲ့ လယ်သူမလေး အဲ့ဒီ့ည ရုတ်တရက်သေတော့
တာဝတီသာမှာ နတ်သမီး သွားဖြစ်တာဗျ ။
ပေါက်ပေါက်ကလေးက. ဘာမှမဟုတ်ဘူးနော် ။

အဲ့ဒီ့ အာဂန္တု ( ၃.)ဦး ဆုံရင်...ချက်ချင်းအကျိုးပေးတယ်လို့
စာမှာ ဆိုတယ် ။
မှတ်ထားကြဗျ ။

ကိုယ့်အိမ်ရှေ့. သပိတ်နဲ့ ဆွမ်းခံလာတယ်...
ဘယ်က ညာကရဟန်းလည်းမသိဘူး...ထမင်းကျန် ဟင်းကျန်ပဲဖြစ်
နေပါစေ. လက်ထဲအဆင်သင့်ရှိတာနဲ့. ချက်ချင်းသာသွားလောင်းလှူ
ချလိုက် ။
အဲ့ဒါက...ဒို့ကို ခုလို တကူးတကလာပြီ လှူကြတာထက် မြတ်တယ်ဗျ
ဟုတ်နော် ။

အခုလာလှူကြတာ..ဒို့ဆီ ဟုတ်ချင်မှဟုတ်မှာ ။
ပုဂ္ဂိုလ်စွဲပါတယ် ဂုဏ်ရှိ့တယ် / ဂုဏ်မဲ့တယ်...အဲ့ဒီ့နောက်ကို
လိုက်နေကြတာ များတယ် ။
မစင်ကြယ်ကြဘူး ခင်ဗျားတို့ ။
အာဂန္တု ဧည့်သည်ကို ရုတ်တရက်လောင်းလှူလိုက်ရသလို
မစင်ကြယ်ဘူး ။

အာဂန္တု ( ၃.) ဦးဆုံရင် ချက်ချင်း အကျိုးပေးတယ် ။
အဲ့ဒါ...မှတ်ထားကြဗျ ။

မဟာဗောဓိမြိုင် ဆရာတော်ဘုရား ကြီး
Credit 🪷 Original Uploader 🙏 🙏 🙏 ♥️

685

မဟာဗောဓီမြိုင်ဆရာတော်ဘုရားကြီး၏တရားတော်များ

18 Jan, 14:19

"လူဆိုး သုံးယောက် လူမိုက် သုံး ဦး "

⚡

လူတွေရဲ့ လိုချင် စွဲ လမ်း မှု
လောဘ တဏှာ ဆိုတာ ...

၁။

မိမိကိုယ်တိုင် လိုချင် လွန်းလို့
အ ကောင်း ထင် လိုက်စား နေ တဲ့
ကာမဂုဏ် ခံစားမှု က တစ်ခု ၊

၂။

မိမိ ရရှိထားတဲ့ ဘဝနဲ့ စည်းစိမ် အပေါ်
အ ကောင်း ထင် မိတဲ့
ကာမဂုဏ် ခံစား လို မှု က တစ်ခု ၊

၃။

မိမိ ယခု ခံစားနေရတဲ့ ဘဝ စည်းစိမ် များထက်
ပိုကောင်းမယ် ထင် တဲ့
ဘဝ စည်းစိမ် အပေါ် လိုလား မှု က တစ်ခု ...။

ဒီ သုံးခု အပေါ်မှာ
လောဘ တဏှာ ဖြစ်ပေါ်နေ တာ ၊
တကယ်တော့ ဒီ သုံးခု ဟာ
မိမိ ကို အမြဲ ဒုက္ခ ပေး မ ယ့်
လူဆိုး လူမိုက် သုံး ဦး နဲ့ အတူတူပဲ ။

⚡

မဟာဗောဓိမြိုင်ဆရာတော်
၁၉၉၇၊ နတ် တ လူ တော ရ သြ ဝါဒ

⚡
Credit
Credit 🪷 Original Uploader 🙏🙏🙏♥️

596

မဟာဗောဓီမြိုင်ဆရာတော်ဘုရားကြီး၏တရားတော်များ

16 Jan, 12:01

ဆရာမှားလျှင် တစ်ကမ္ဘာ
🥀🥀🥀🥀🥀🥀🥀🥀

ဆရာမှားလျှင် တစ်ကမ္ဘာ၊ တပည့်မှားသော် တစ်ဘဝတဲ့။

ဆရာအရွေးမှားလျှင် သားတို့ဘဝ လူဖြစ်လာရကျိုး နပ်မှာ မဟုတ်တော့ဘူး။

လေ့လာလိုက တွေ့သမျှဆရာ လေ့လာပါ၊ တပည့်ခံတော့မယ်ဆို ဆရာကောင်း.ကို ရွေး ချယ်ပါ။

ဆရာကောင်းမှာ နည်းကောင်းရှိလို့ ကောင်းလာ တာ၊ သူ နည်းကောင်း ရမှ ကိုယ်ကောင်း ဖြစ်မှာ။

နည်းကောင်းရှိဆရာမှာလည်း နည်းကောင်းပြီ: ဉာဉ် ကောင်၊ ရှိဦးမှ၊

နည်းကောင်းနောက် ဉာဉ်ကောင်းမထောက် ပြန်လျှင်လည်း ကောင်းတစ်ဝက် ဆိုးတစ်ခြမ်း ပါလာတတ် တယ်။

မဟာဗောဓိမြိုင်ဆရာတော်ဘုရားကြီး

[အညွှန်း။ ။ ၁၉၉၄ ထုတ် မင်္ဂလာဓာရဏကထာ၊ ပအကြိမ်၊ စာ-၁၂]

အကောင်းဆုံးကိုရအောင်ယူ တရားတော်မှ
Credit 🪷 Original Uploader 🙏🙏🙏♥️

594

မဟာဗောဓီမြိုင်ဆရာတော်ဘုရားကြီး၏တရားတော်များ

16 Jan, 02:25

စကားကို
လေသံမာမာပြောလိုက်တိုင်း
ငါညံ့သေးတယ်ဆိုတာ
သတိရပေးပါ...

စိတ်မြန်လက်မြန် လွှတ်ခနဲ
ပြောတတ်တဲ့အကျင့်ကို
ကိုယ့်ကိုယ်ကိုယ် ဆင်ခြင်ရန်...

ဒေါသ ပါးနိုင်သမျှ ပါးအောင်နေပါ
အဲ့ဒီဒေါသက သင့်ကိုသာ နာကျင်စေပါတယ်
တကယ်လက်တွေ့ကျကျစဉ်းစားကြည့်ရင်....
ဒေါသဖြစ်လာတဲ့အခါ အဲဒီဒေါသရဲ့ဆိုးကျိုးကိုဦးစွာခံစားရတာကကိုယ်အရင်ပါပဲ...
ပြီးမှ သူများတွေဆီ ကူးစက်တာပါ။

ဒေါသဟာကြောက်စရာကောင်းပါတယ်....
သူငယ်ချင်းကြားမှာရှိတဲ့
ဖြူစင်တဲ့ ချစ်ခြင်းမေတ္တာတရားတွေ...
မိသားစုကြားမှာရှိတဲ့ ဖြူစင်တဲ့ နှောင်ဖွဲ့မှုသံယောဇဉ်တွေ...
ချစ်သူခင်သူတွေကြားက
သံယောဇဉ်တရားတွေ...
ကိုယ့်ပတ်ဝန်းကျင်က
လူတွေနဲ့ ကောင်းတဲ့ဆက်ဆံရေးတွေ...
ဆရာတပည့်ကြားမှာရှိတဲ့
ချစ်ခြင်းမေတ္တာတရားတွေစတဲ့...
လူသားတွေရဲ့ကောင်းတဲ့အရည်အသွေး၊ တန်ဖိုးတွေကိုဖျက်ဆီးပစ်တာဟာဒေါသပါ။

ဒေါသကြောင့်.......
သူငယ်ချင်းကောင်းတွေ ဆုံးရှုံးသွားနိုင်တယ်။
မိတ်ဆွေကောင်းတွေ ဆုံးရှုံးသွားနိုင်တယ်။
ခ်စ်သူ ခင်သူအချင်းချင်း
ဆက်ဆံရေးကောင်းတွေ ဆုံးရှုံးသွားနိုင်တယ်။
ဆရာကောင်းတွေ ဆုံးရှုံးသွားနိုင်တယ်။
ချစ်ခြင်းမေတ္တာတွေ ဆုံးရှုံးသွားနိုင်တယ်။
အရာအားလုံးကို ဆုံးရှုံးသွားနိုင်တယ်။

အထူးသဖြင့် သင့်ရဲ့ဖြူစင်နေတဲ့စိတ်ကို
တောင် ဆုံးရှုံးသွားနိုင်တယ်။
ဒါကြောင့်....
ဒေါသကိုအနိုင်ယူနိုင်အောင်ကြိုးစားပါ
ဒေါသကြောင့်သင့်မှာရှိတဲ့
ကောင်းတဲ့စိတ်အရည်အသွေးတွေ၊ တန်ဖိုးတွေ၊ သိက္ခာတွေ၊ မိတ်ဆွေကောင်းတွေ၊ သူငယ်ချင်းကောင်းတွေ၊ ဆရာကောင်းတွေ၊ချစ်သူခင်သူတွေ၊
မိသားစုကောင်းတွေ၊ ချစ်ခြင်းမေတ္တာတရား
တွေကို....ဆုံးရှုံးမခံပါနဲ့။

တကယ်တော့ ဘဝဆိုတာဟာ မမြဲတဲ့အတွက်ဒေါသနဲ့အသက်ရှင်နေရတာဟာ မတန်ပါဘူး။
ဒေါသဖြစ်လာရင် ငါ့မွာရှိတဲ့ ကောင်းတာတွေအားလုံးကို ဆုံးရှုံးသွားနိုင်တယ်လို့ " သတိရ "ပါ။

🙏🙏🙏🙏🙏
မဟာဗောဓိမြိုင်ဆရာတော်

Credit to original 🙏 🙏 🙏

ဓမ္မဒါနအဖြစ်ပြန်လည်မျှဝေပါသည်။
Credit 🪷 Original Uploader 🙏🙏🙏♥️

688

မဟာဗောဓီမြိုင်ဆရာတော်ဘုရားကြီး၏တရားတော်များ

11 Jan, 15:29

(((#ရိက္ခာနှစ်ထုပ်နှင့်_ခလုတ်နှစ်ခု ,)))
.........................

#သင်သည်
လူရှေ့ သူရှေ့သွား၍
“ကျုပ်ကံ မကောင်းလိုက်တာဗျာ”...များ သွားမညဉ်းတွားမိစေနဲ့ ...!

#သင်သည်
လူရှေ့၊ သူရှေ့သွား၍
“ကျုပ်ကံကိုက ဆိုးလွန်းလှပါသတော်”...များ သွားမညည်းတွား မိစေနဲ့ ...!

#ထိုသို့..
လူကြားသွား ညည်းပြနေခြင်းက
ကိုယ်လုပ်တာ မကောင်းသေးကြောင်း
ကိုယ့်ပေါင် ကိုယ်လှန်ထောင်း၍ ကိုယ်မကောင်းကြောင်းအပေါင်းသို့ ကြွေးကြော်နေခြင်းပင် ...,

ကံမကောင်းဟူသောစကား မိမိလုပ်ရပ် မှားနေသေးကြောင်း၊
ကောင်းသောအလုပ် မလုပ်မိသေးကြောင်း
ဝန်ခံစကားပင် ...,

လူတိုင်းပင် ကံကောင်းချင်ကြ၏ ။
ကောင်းချင်ကြ၍ ကောင်းမည်ထင်သောအလုပ် ရွေးလုပ်နေကြ၏ ။

#သို့တစေ... လူသားတိုင်း
ကောင်းသင့်သလောက်မကောင်း ။
ထိုလူသားတိုင်း ဘုရားနှင့် မတွေ့ဖူးဟူ၍ မရှိ ။
သာသနာနှင့် မဆုံဖူးကြသူ မရှိ ။

မိမိယုံကြည်ရာ ကိုးကွယ်ဝတ်ပြုမှုလုပ်၍
ထုပ်ထားခဲ့သော ကံရိက္ခာထုပ် မမြုပ်ဖူးသူ မရှိ ။

ထိုကံစုအားလုံး ပွင့်ပေါ်မည်ဆိုလျှင် ထားစရာပင်မရှိ၊ လုပ်စရာလည်းမလိုပြီ ။

လူသားတိုင်း၌ ရိက္ခာထုပ် နှစ်ထုပ်အမြဲပါ၏ ။

#တစ်ထုပ်ကား... သူတော်ကောင်းတို့နှင့်ပေါင်း၍ ရှာမှီးခဲ့ကြသော ကောင်းထုပ် ။

#တစ်ထုပ်ကား... သူယုတ်မာများနှင့်ပေါင်း၍ စုဆောင်းခဲ့ကြသော မကောင်းထုပ် ။

ထိုနှစ်ထုပ်ကို ဖွင့်ထုတ်ရန် ခလုတ်ကလည်း နှစ်ခုပင် ...,

#တစ်ခုကား... သုစရိုက်တရားဆယ်ပါး ။
သဒ္ဓါ၊ သတိစသည် သူတော်တရားတည်း ။

#တစ်ခုကား... ဒုစရိုက်တရားဆယ်ပါး ကာမစ္ဆန္ဒ၊
ဗျာပါဒ စသည် သူယုတ်မာတရားတည်း ။

#လူသားတို့သည်
နေ့စဉ် တဏှာ၊ မာန၊ ဒိဋ္ဌိထည်လဲဖုံးလွှမ်းနေသမျှ
လောဘ၊ ဒေါသ၊ မောဟ ဖုံးနေသမျှ မြုပ်နေမည်သာ ...။

*သဒ္ဓါ-သတိ-အသိတို့ သန်လွန်းမှ ပေါ်နိုင်၏ ။

*ကံ၊ ဥာဏ်၊ ဝီရိယတို့ ထက်လွန်းမှ ထွက်နိုင်ကြမည်သာ ...။

လူဆိုကတည်းက- ကံကောင်းလွန်း၍သာ ဖြစ်ထွန်းလာ၏ ။

#သို့တေစ...
လူဖြစ်လျက်နှင့် လူအလုပ် မလုပ်က ကောင်းကံ မဆက်လာနိုင် ။

လူဖြစ်သော်လည်း လူဖြစ်ကျိုးနပ်မည် မဟုတ်ချေ ....။

ကျေးဇူးတော်ရှင်
မဟာဗောဓိမြိုင်ဆရာတော်ဘုရားကြီး
🙏🙏🙏🙏🙏

မူရင်း...Credit...ဓမ္မဒါနအဖြစ်ထပ်ဆင့်မျှဝေပူဇော်ပါသည်...🙏🙏🙏
Credit 🪷 Original Uploader 🙏🙏🙏♥️

828

မဟာဗောဓီမြိုင်ဆရာတော်ဘုရားကြီး၏တရားတော်များ

10 Jan, 06:39

☸️ကံအမွေပဲရှိတယ်☸️
(ကိုယ့်ကိုယ်ကို အထင်ကြီးမနေကြနဲ့)
~~*~~~

☸️ငါ့အတွက်ဘာရှိသလဲ… ဆိုတော့
#ကံအမွေပဲရှိတယ် ။
ဒို့…ကံအမွေက ကိုယ်သွားရာပါမှာထင်တယ် ။
သွားရာအမြဲပါမှာ… မကွဲဘူးဗျ ။

ကိုယ်သေလို့
သားသမီးတွေကလိုက်မယ်တဲ့လား???
(မလိုက်ပါဘုရား )

လိုက်မှာကဘယ်သူတဲ့တုန်း??
(ကံပါဘုရား )

သားတွေသမီးတွေအပိုင်ထင်မနေကြနဲ့…
ထားခဲ့ရမှာနော် ။

သားတွေသမီးတွေမဆိုထားနဲ့
ကိုယ့်ကိုယ်ကြီးတောင်ထားခဲ့ရမှာ…
ယူသွားလို့မရဘူး… ။

☸️ဒါဖြင့် စာရင်းစစ်လိုက်တော့
ကိုယ်နဲ့မကွဲတာဟာ…
#ကံပဲရှိတယ် ။

အဲ့တော့…ငါ့ဥစ္စာကဘာရှိသလဲဆိုတော့
ကံပဲရှိတယ် ။

ရှိနေတဲ့ ရွှေငွေတွေပစ္စည်းတွေကရော
ကိုယ့်နောက်ပါမတဲ့လား??
( မပါပါဘုရား )

ပြီးတော့ရှိနေတဲ့
ညီအကိုမောင်နှမ ဆွေမျိုးတွေကလဲ
ဒီကနေ့မတည့်ရင်…ဒီကနေ့ရန်သူပဲ ။
မတည့်တဲ့နေ့ မိတ်ဆွေမဖြစ်ဘူး ။
ကံကတော့ မိတ်ဆွေနော် ။

☸️ဒါကြောင့် မိတ်ဆွေစစ်သည် ကံ ပဲ ။
ကိုယ်ဘယ်လိုကြီးဖြစ်နေနေ
ကံကတော့
ခွဲသွားတာလဲမရှိဘူး…
ပြတ်စဲကြောင်းကြေညာတာလဲမရှိဘူး …
အမြဲပါမှာ ။

☸️ကိုယ်လုပ်တဲ့ကောင်းတဲ့ကံအတိုင်း
#နတ်ပြည်တက်မယ့်ပုဂ္ဂိုလ်ကို
ဘုရားက ဝင်ဆွဲချလို့မရဘူး…
သိကြားက ဝင်ဆွဲချလို့မရဘူး… ။

#ကိုယ်လုပ်တဲ့မကောင်းတဲ့ကံအတိုင်း
#ငရဲ #ပြိတ္တာ #တိရစ္ဆာန် #အသူရကာယ်သွားမယ့်
ပုဂ္ဂိုလ်ကို ••••
ဘုရားကဝင်တားလို့မရဘူး…
သိကြားက ဝင်တားလို့မရဘူး… ။

#ကိုယ်လုပ်တဲ့ကံအတိုင်းသွားကြရမှာ ။

☸️ကျုပ်တို့အခု စာရင်းစစ်ကြည့်လိုက်ရင်
ကောင်းကံ မ ဖို့ပေါ်ပါ့မလား ??

🍃ဆိုးကံကချဖို့များတယ်နော်.…🍃

🍃#ကိုယ့်ကိုယ်ကို #အထင်ကြီးမနေကြနဲ့ ။🍃

☸️ကောင်းတာလုပ်လုပ်…ဆိုးတာလုပ်လုပ်…
အကြံနဲ့လုပ်လုပ်…
အပြောနဲ့လုပ်လုပ်…
ကိုယ်ထိလက်ရောက်လုပ်လုပ်…
ကိုယ်လုပ်တဲ့ကံဟာ #ကိုယ့်အမွေပဲ …လို့
မှတ်လိုက်ပါ ။. ။

🙏အနန္တကျေးဇူးတော်ရှင် #မဟာဗောဓိမြိုင်ဆရာတော်ဘုရားကြီး🙏

☸️သုခိတာ ဟောထ၊ ဒုက္ခာ မုဉ္စထ ☸️
☸️ #WINKOKOIC ☸️

Note ~

"#သံဃာ့ပူဇာပွဲမှာ #ဖူးကြလှူကြ #များဝေနေယျာ"
Credit 🪷 Original Uploader 🙏🙏🙏♥️

698

မဟာဗောဓီမြိုင်ဆရာတော်ဘုရားကြီး၏တရားတော်များ

06 Jan, 14:39

❝ လမ်းဆုံးပို့မှာ ဝိပဿနာ ❞
◄►◄►◄►◄►◄►◄►◄►◄► 🧘
ဒါနမှုတွေ ပြုခဲ့ကြတာ
အကြိမ်ပေါင်း များခဲ့ပါပြီ။

သီလမှုတွေ ဆောက်တည်ခဲ့ကြတာ
အကြိမ်အရေအတွက် များခဲ့ပါပြီ။

ဒါနရဲ့တာဝန်က လမ်းသွားတဲ့နေရာ
ခရီးသွားတဲ့နေရာတွေမှာ ရိက္ခာထုပ်ပဲ။

သီလရဲ့တာဝန်က ကိုယ်သွားနေတဲ့
နေရာရောက်ဖို့အတွက် ဖဝါးလှမ်းတွေပဲ။

သီလက လူ့ဘဝ နတ်ဘဝ တာဝန်ယူမှာ။
လူ့ဘဝ နတ်ဘဝ ရောက်တဲ့အခါ လူ့စည်းစိမ်
နတ်စည်းစိမ် ခံစားဖို့ကျ ဒါနက တာဝန်ယူမှာ။

ဒါနက ကောင်းစားဖို့ရာ တာဝန်ယူတယ်။
သီလက ချမ်းသာဖို့ရာ တာဝန်ယူတယ်။

ပစ္စည်းရှိတိုင်း မချမ်းသာဘူး။
ရာထူးကြီးတိုင်းလည်း မချမ်းသာဘူး။
သီလပါမှ ချမ်းသာတာ။

သီလက သူများအပေါ် ပြစ်မှားမဲ့ မတော်
မတရား ရယူမဲ့ဟာတွေကို ရှောင်လွဲခဲ့ရတာ။

သီလဆောက်တည်ပြီး သူတစ်ပါးအပေါ်
စိတ်အနှောက်အယှက် မဖြစ်စေခဲ့ရင်
ကိုယ့်ကျလည်း စိတ်အနှောက်အယှက်
မဖြစ်ဘူးပေါ့။

သီလ မဆောက်တည်ခဲ့ကြပဲ
သူတစ်ပါးအပေါ် စိတ်အနှောက်အယှက်
ဖြစ်စေခဲ့ရင် ကိုယ့်ကျလည်း
စိတ်အနှောက်အယှက် ဖြစ်မှာပေါ့။

စိတ်တော့ချမ်းသာပြီး ဒါန မပါရင်
မကောင်းစားပါဘူး။

လူ့ဘဝရောက်လဲ သူတစ်ပါးရဲ့
အနှောက်အယှက် ကင်းကင်းနဲ့
ကိုယ့်ဒါန ရိက္ခာထုပ် ထိုင်ခံစားဖို့ကျ
သီလပါမှ ရတယ်။

ဒါနနဲ့ စုထားတဲ့ ရိက္ခာတွေလဲ
တော်တော်များတယ်။

သီလနဲ့သွားနေတဲ့ ဖဝါးလှမ်းတွေလဲ
များပါတယ်။
ဘယ်နေရာမှာ ရပ်မယ်လို့ မသိကြဘူး။

လမ်းဆုံးမရှိကြဘူးဆိုရင် သွားနေတဲ့ အသွား
မှန်သမျှ အရူးသွား ဖြစ်မနေကြဘူးလား။

ရူးနေတဲ့လူတစ်ယောက် ဘယ်သွားမယ်
ဘယ်မှာ လမ်းဆုံးမယ်လို့မေးရင် သိပါ့မလား။

ခင်ဗျားတို့ကော ဘယ်နေရာ လမ်းဆုံးမလဲ။
သိကြလား။ ပြောနိင်ကြပြီလား။

မပြောနိုင်သေးဘူး မသိသေးဘူးဆိုရင်
ခင်ဗျားတို့ အရူးတွေပေါ့။

ဒါနနဲ့ ဘယ်နေရာမှာ လမ်းဆုံးပါမယ်။
သီလနဲ့ ဘယ်နေရာမှာ လမ်းဆုံးပါမယ်။

နေရာ အတိအကျ သတ်မှတ်လို့
ရရဲ့လား။ မရကြသေးဘူးနာ်။

ဒါန ရိက္ခာထုပ်ကြီးထမ်းပြီး သီလ
ဖဝါးလှမ်းတွေနဲ့ သွားနေခဲ့ကြတာ

ဘယ်မှာ လမ်းဆုံးလို့ ဘယ်မှာ
နားရမယ်မှန်း မသိကြဘူးပေါ့။
အရူးသွား သွားနေကြတာပေါ့။

သောတာပန်ဖြစ်တဲ့ ပုဂ္ဂိုလ်ကသာ
လူမှ နတ်သို့လို့ ရဲရဲတင်းတင်းပြောရဲတာ။

သောတာပန်မဖြစ်သေးတဲ့ ပုဂ္ဂိုလ်
သေခါနီးကာလမှာ အာရုံစွဲရာ ပါသွားမှာ။
ကိလေသာစွဲရာ ပါမှာပဲ။

သောတာပန်မဖြစ်သေးတဲ့ ပုဂ္ဂိုလ်
သေခါနီးကာလ ကိုယ်ရထားတဲ့ဘဝ
ကိုယ်ရထားတဲ့ အခြံအရံ အဲဒါတွေအပေါ်
ခင်မင်စိတ်နဲ့ သေရင် ပြိတ္တာဘုံ သွားရမယ်။

စိတ်မချမ်းမြေ့မှု မှန်သမျှဟာ ဒေါသပဲ။

သေခါနီး ကိုယ့်ကိုယ်ကို နှလုံးမသာယာတဲ့
စိတ် မကျေချမ်းတဲ့စိတ် မိသားစုလေး ထားခဲ့
ရမယ်ဆိုတဲ့ နှလုံးမသာယာတဲ့စိတ်
မကျေချမ်းတဲ့စိတ် အဲဒီဒေါသစိတ်နဲ့
သေရင် ငရဲသွားရမယ်။

ခင်မင်စိတ် လိုချင်မှု စွဲလန်းစိတ်
လောဘက ပြိတ္တာ။

မကျေချမ်းစိတ် နှလုံးမသာယာတဲ့စိတ်
ဒါက ဒေါသ ငရဲ။

မသိမှု မောဟက တိရစ္ဆာန်။
မာန်မာနက အသူရကာယ်။

တစ်ရက် ၂၄ နာရီရှိတဲ့အထဲ ဘယ်သွားဖို့
ဘယ်ရောက်ဖို့ လုပ်နေကြတာ များလဲဆိုတော့ အပါယ်ရောက်ကြောင်း လုပ်နေကြတာ များပါတယ်။

ဝိပဿနာတရား မပါကြသေးရင်
ခရီးဆုံးဆိုတာ မပြောနိုင်သေးဘူး။

သောတာပန်ဖြစ်ရင်
လူမှ နတ်သို့လို့ ပြောရဲတယ်။

အနာဂါမ်ပုဂ္ဂိုလ်ဟာ
ဗြဟ္မာဟေ့လို့ ပြောရဲတယ်။

ရဟန္တာများကျ နိဗ္ဗာန်လို့ ပြောရဲတယ်။
ခင်ဗျားတို့ ဘယ်ဟာပါလို့ မပြောရဲသေးဘူး။

ဒါန သီလနဲ့ ကျေနပ်မနေပါနဲ့။ သာသနာ
ရှိရှိ မရှိရှိ ဒီဒါန သီလ ရှိရစ်ပါလိမ့်မယ်။

ဝိပဿနာတရား မဂ်တရားကတော့
သာသနာတွင်းမှာပဲ ရှိတာပါ။

ဒါကြောင့် လူ့ဘဝရောက်နေကြတုန်း
သာသနာနဲ့ တွေ့နေကြတုန်း

"ဒါန"ရိက္ခာထုပ်ကြီးထမ်း
"သီလ" ဖဝါးလှမ်းတွေနဲ့တင်
အရူးသွား သွားမနေကြပါနဲ့။

ခရီးဆုံး လမ်းဆုံးကြဖို့ ....
ကိုယ်သွားနေကြရတဲ့ ခရီး ရပ်နားဖို့
ဝိပဿနာတရား ကြိုးစားအားထုတ်ကြပါ။

#မဟာဗောဓိမြိုင်ဆရာတော်ဘုရားကြီး
🙏🙏🙏

မူရင်း👉 credit.ဓမ္မဒါနအဖြစ်ထပ်ဆင့်မျှဝေပူဇော်ပါသည်...🙏🙏🙏

အ ပ္ပ မာ ဒေ န သ မ္မာ ဒေ ထ
#သတိတစ်လုံး လက်ကိုင်သုံး
🙏🙏🙏
Ashin Jotika.
Credit 🪷 Original Uploader 🙏🙏🙏♥️

771

မဟာဗောဓီမြိုင်ဆရာတော်ဘုရားကြီး၏တရားတော်များ

06 Jan, 14:29

🌷မဟာဗောဓိမြိုင်ဆရာတော်ဘုရားကြီး မိုးမိတ်ရွှေမြင်တင်တောင်တော်မှ မပဒါန်းလိုဏ်ဂူသို့ ပြောင်းရွှေ့သီတင်းသုံးတော်မူစဉ် ဟောကြားသောတရားတော်မှ 🌷

Credit Original Uploader.🙏🙏🙏❤️

542

မဟာဗောဓီမြိုင်ဆရာတော်ဘုရားကြီး၏တရားတော်များ

06 Jan, 14:29

အလှူလုပ်ပြီး ဘယ်လိုစိတ်ထားနဲ့ အမျှဝေရမှာတုန်း ?
◻️◻️◻️◻️◻️◻️◻️◻️◻️◻️◻️◻️

🌷တစ်ခါ ရေစက်ချပြီး အမျှဝေရမှာထင်တယ် အော်လိုက်တာပဲ
အမျှအမျှ နဲ့ ဟိုကလည်း သာဓုသာဓုနဲ့ လုပ်တော့မှာ

🌷ဝေသူကလဲ ငါ ဒီကုသိုလ်ကြောင့် လူဖြစ်ရင်
သူတို့တွေလဲ ငါ လိုလူဖြစ်ရမယ်
ငါ ဒီကုသိုလ်ကြောင့် နတ်ဖြစ်ခဲ့ရင်
သူတို့တွေလဲ နတ်ဖြစ်စေရမယ်
အဲဒီရည်ရွယ်ချက်နဲ့ ဝေတာ ရမ်းမအော်နဲ့
ဟုတ်တယ်နော်

✅တင်ပါ့ဘုရား

🌷အမျှဆိုတာ ကိုယ်နဲ့တန်းတူမျှလိုက်တာပြောတာလေ

✅တင်ပါ့ဘုရား

🌷ဟုတ်တယ်နော် ကိုယ်နဲ့တန်းတူမျှလိုက်တာကို
အမျှလို့ပြောတာ ပြောကတည်းက အမျှလို့ပြောထားတာ
ဟုတ်တယ်နော်

✅တင်ပါ့ဘုရား

🌷ကိုယ်နဲ့တန်းတူမျှရမှာ တို့ဘာလား ဒကာကြီးတို့ဆီက
ရှိမလား ဟို ကိုင်းကူးကိုင်းဆက် သစ်ပင်များစိုက်ရင်လေ

✅ရှိပါတယ်ဘုရား

🌷ဟုတ်တယ်နော် ဒီကစေတနာကူးဆက်
ဒီကအပင်ပန်းခံလုပ်တဲ့ စေတနာကို ဟိုကသာဓုခေါ်ရုံ
လေးနဲ့ စေတနာကူးစက်တာ ဟုတ်ကလားဗျ

✅ဟုတ်ပါတယ်ဘုရား

🌷အဲတာအချောင်ရတာမဟုတ်လား

🌷သာဓုခေါ်သူကလဲ ဪသူ့ခမျာလုပ်နိုင်တာ
ငါတို့သူတို့လို မလုပ္နိုင္ဘူး
ဟာသူ့ခမျာလုပ်နိုင်တာ ဟာငါတို့သူတို့လို မလုပ်နိုင်ရှာဘူး
လို့ ဝမ်းမြောက်ဝမ်းသာနဲ့ သာဓုခေါ်ရမှာ
ဝမ်းမြောက်ဝမ်းသာနဲ့ခေါ်တာလား မြန်မြန်လွတ်လွတ်ခဲပစ်
ခေါ်တာလား

✅ခေါ်မှာပါဘုရား

🌷ခေါ်မှာပါရှိသေး အရင်တုန်းကခေါ်ခဲ့တာလား

✅အများအော်လို့အော်တာပါဘုရား

🌷မှတ်မိတယ်နော် ခုဏက ရေစက်ချတာ တာဝန် ၂ ခုနော်
ခုအမျှဝေတာလဲ ၂ ခုနော်

🌷ဘာဖြစ်လို့တုန်း ကိုယ်လိုမလုပ်နိုင်သူတွေ
တို့မမြင်အပ်တဲ့နေရာတွေ မရှိဘူးလား

✅ရှိပါတယ်ဘုရား

🌷သူတို့ဒို့လိုမလုပ်နိုင်ဘူး တို့မြင်အပ်တဲ့နေရာမှာရော
ဘူတ*ရုပ်နဲ့ရှိသော်လည်းပဲ မအားလို့ မလုပ်နိုင်တာတွေ
အများကြီးပဲ ဟုတ်တယ်နော်

🌷မအားလို့မလုပ်နိုင်တာတွေ မပြည့်စုံလို့ မလုပ်နိုင်တာတွေ
အများကြီးဗျ
အဲဒါတွေကို ကိုယ်လိုရပါစေတော့လို့ဆိုတဲ့ စေတနာနဲ့
ဝေတာ နံပါတ် ၁

🌷နံပါတ် ၂ က သက်သေယူတာနော် အမှုဖြစ်ရင် သက်သေပါရမှာပေါ့ သက်သေ သက်သေ

🌷ဘုရားအလာင်းတော် ဟိုနုစဉ်ဘဝက ဒီလိုပဲ အမျှဝေခဲ့ တာလေ
ဒါမှမဟုတ် ဗောဓိပင်နဲ့ရွှေပလ္လင်ကျတော့ မာရ်နတ်နဲ့
လုကြတာမဟုတ်လား

🌷လုတော့ အဲဒီမှာ သက်သေယူရတာလေ ဟုတ်တယ်နော်
ဒါ တွေခင်ဗျားတို့ အကုန်လုံးသိပြီးသားတွေလေ

🌷ဟိုဗောဓိပင်မှာ သူပိုင်တယ် ငါပိုင်တယ်နဲ့ အငြင်းပွား
ကြတာမဟုတ်လား တိုက်ကြခိုက်ကြတာမဟုတ်လား
အဲဒီဲအချိန်မှာ ဟိုမာရ်နတ်မင်းကနေပြီးတော့
ငါ့ သက်သေဟောဒီနောက်ကရှိသမျှတွေ ငါ့ သက်သေ
ပါပဲဆိုပြီးတော့ ရှိသမျှ နတ်ပြည် ၆ ထပ်ကအကုန်လုံး
ဟုတ်ပါတယ်ဟုတ်ပါတယ်နဲ့

🌷အဲတော့ ခင်ဗျားကသက်သေပြပါဆိတော့
တို့ဘုရားရှင်က မင်းလိုသက်သေတော့မပြနိုင်ဘူး
သို့သော် ငါက လှူတိုင်းလှူတိုင်း ဟောဒီ မြေကြီးပေါ်ကို
ငါ ရေစက် ချခဲ့တယ် ငါ မြေကိုသက်သေပြုတယ်ဆိုပြီး
တော့ သက်သေပြုတာ ဟုတ်တယ်နော်

🌷အဲတော့ ကိုယ့်အတွက်အမှုဖြစ်ခဲ့ရင် ခိုင်လုံအောင်လို့
ဒီအမျှဝေတာ သက်သေလိုချင်လို့ ဟုတ်ကဲ့လား

✅တင်ပါ့ဘုရား

🌷တို့ဘုရားပုံတော်တွေ့ပါလိမ့်မယ် ဒီလိုအောက်ကို
လက်ညှိုးထိုးပြီးတော့နေတာလေ ဘူမိဖဿ*လို့
ခေါ်တာ
အဲဒါ ဟိုဗောဓိပင်နှင့်ရွှေပလ္လင်တုန်းက မြေကိုသက်သေ
ပြုထားတာ အဲဒီပုံအဲဒီပုံ
လက်ညှိုးနဲ့ဒီလိုလုပ်ထားတာလေ မြေကြီးကို
အဲဒါ သက်သေပြုထားတဲ့ဟာဗျ

🌷အဲတော့ တို့အမျှဝေတာက ကိုယ်လိုသူများရဖို့
နံပါတ် ၁
ဒါ ပြီး ကိုယ့်အမှုပေါ်လို့ရှိရင် သက်သေရဖို့ နံပါတ် ၂
ဒါနဲ့ အမျှဝေတာနော် ဟုတ်ကဲ့လား
ဝေနိုင်ပါ့မလား

✅ဝေနိုင်ပါတယ်ဘုရား

🌷ကျောင်းဒကာကြီး
အဲ့တော့ ရေစက်ချတော့လဲ တာဝန် ၂ ခုထပ်ယူရမှာ
ဒီမှာကျတော့ ခုဏက တို့ပြောသလို ဟိုရေပေါ်လာလိုက်
ရေပျက်ကျသွားလိုက်နဲ့ ဖြစ်ပျက်တွေကိုမြင်အောင်
ဒါက နံပါတ် ၁
ခုဏက တို့ပြောတာ ၂ ခုရှင်းသွားပြီနော်

🌷နံပါတ် ၂ က မြေကြီးကို ဒီက အပြင်သွားပြီးလောင်းရမှာ
သည်နေရာမှာ ငါလာပြီး ကုသိုလ်ဒါနပြုပါတယ်
သင်သိပါစေသားလို့ ဟောဒီ မြေကိုလောင်းခဲ့ရအုံးမှာ
မြေသက်သေရအောင်လို့

🌷သည်တော့ အဲ တို့ခုဘဝပဲဆိုပါတော့ အန္တရာယ်တခုခု
တွေ့ခဲ့လို့ရှိရင် ဒီကိုအာရုံပြုပါ
ကျွန်ုပ်သည်နေရာ မပဒါန်းဂူမှာ ကျွန်ုပ်ကျောင်းဆောက်လုပ်
လှူဒါန်းခဲ့ပါတယ် အဲဒီတုန်းက ကျွန်ုပ်ရေစက် သင့်ခေါင်း
ပေါ်မှာချခဲ့ပါတယ် သင်ကျွန်ုပ်အတွက် သက်သေဖြစ်ပါစေ
လို့ သူ့တို့က သက်သေလိုက်ရတာ

ဒါဒီကို ရေစက်ချတာ နံပါတ် ၁
နံပါတ် ၂ က မြေကြီးပေါ်သွားချရအုံးမှာ

🌷တိုလိုပြောပြီး ချတာလား
ဗွမ်းဆို လောင်းချတာလား

✅ဗွမ်းဆိုလောင်းချတာဘုရား

🌷မြေသက်သေမပြုခဲ့ဘူးလား

✅မပြုပါဘူးဘုရား

🌷အဲတော့ အမှုပေါ်တော့ ဒီမြေစောင့်နတ်က
သက်သေလိုက်မှာတဲ့လား

✅မလိုက်တောဘူးဘုရား

🌷မလိုက်တော့ဘူးတဲ့
မှတ်မိတယ်နော်

643

မဟာဗောဓီမြိုင်ဆရာတော်ဘုရားကြီး၏တရားတော်များ

06 Jan, 14:20

❒ ပဋိစ္စသမုပ္ပါဒ် ကို ချုပ်လိုက်ရင်

မသိလို့ လိုချင်တာက စပြီး
လိုချင်လို့ မသိတဲ့ မောဟဖုံးပြီး။

ဘဝဆုံးသွားတယ်
ထပ်ပြီးချုပ်ရင် မသိလို့ ဘဝကြီး။
သံသရာ လည်နေတာ။

သိရင် ဘယ်လည်တော့မလဲ
အဲ့ဒီလို သိအောင်။

ဘုရား တရားတော် တွေကို
ရှုမှတ်ပွားများရင်း မသိစိတ်ကို ပယ်ရတယ်။

ဝင်လေ တစ်ချက် မှတ်နေတာ
မောဟ စိတ်တစ်ချက် ပယ်လိုက်တာပဲ။

🙏မဟာဗောဓိမြိုင်ဆရာတော်🙏
Credit 🪷 Original Uploader 🙏🙏🙏♥️

462

မဟာဗောဓီမြိုင်ဆရာတော်ဘုရားကြီး၏တရားတော်များ

02 Jan, 01:04

✿ ဝိပဿနာဟူသည်
________

မိမိကိုယ်မိမိ ဝိပဿနာသမားပါဟူ၍
လူသိရှင်ကြား ဝန်ခံထားပြီးဖြစ်လျက်နှင့်
သူတစ်ပါးတို့အကြောင်း သောင်ပြောင်းထွေလာ ပြောဆိုနေပါသော်
ထိုသူကား ဝိပဿနာသမား မစစ်သေးပြီ။

တစ်ဖန်လည်း ...၊
ဝိပဿနာသမားသည် ပရမတ်လမ်း တန်းတန်းသွားရမြဲဖြစ်ခြင်းကြောင့်
ပညတ်ထား စကားပြောနေသမျှ ထိုသူကား ဝိပဿနာသမား မစစ်သေးပြီ။

ဝိပဿနာဟူသည် အပြောမဖက်၊ သဘောသက်သက် ရှုသိနေရခြင်းတည်း။
ဝိပဿနာဟူသည် ရှေ့နောက်မဖက်၊ ဖြစ်ခိုက်သက်သက်၌ ရှုသိနေရခြင်းတည်း။
ဝိပဿနာဟူသည် အငှားမဖက် ကိုယ့်ဘက် ကိုယ့်မှတ်ချက်ဖြင့် ရှုသိနေရခြင်းတည်း။

#မဟာဗောဓိမြိုင်ဆရာတော် #သြဝါဒ
#သုဝဏ္ဏသျှမ် #စာဖတ်သူတစ်ယောက်၏မှတ်စုများ
#တရားရှုမှတ်_4
Credit 🪷 Original Uploader 🙏🙏🙏♥️

630

မဟာဗောဓီမြိုင်ဆရာတော်ဘုရားကြီး၏တရားတော်များ

01 Jan, 05:19

❒ နှစ်ဆန်း
——————————
နှစ်သည် လအေးဆီ အရည်စစ်ကျလာရာမှ တည်လာသော အနှစ်။
ယခုနှစ်သည် ယမန်နှစ်ကထက် သင်္ချာအားဖြင့် ဆန်းသစ်နေ၏။
အရေအတွက် တစ်ခုတိုးလျက်အသစ်ဘက် တက်လာခြင်းကြောင့်တည်း။

လူတို့သည်ကား အသက်အားဖြင့်သာ ဥတုနှင့်ဖက်၍ တက်လာသော်မှလည်း
ဂုဏ်အားဖြင့် အနှစ်အသား တက်မလာပါမူကား အနှစ်လည်း မတည်။
အရည်လည်း မဆန်း။ အကာလမ်း ဗန်းပြမျှသာ။
တကယ့်အနှစ်အသားကား မည်သည့်လောကဓံမျိုးနှင့်တိုးတိုး
မတုန်မလှုပ်သောစိတ် ဖြစ်သည်အထိ အနှစ်တည်ဖို့ပင်။
တကယ့်အဆန်းကား မည်သည့်ဘဝ၊ မည်သည့်ကာလမျိုးမှာမှမသုံးဘူး၊
မခံစားဘူးသေးသော အတွေ့ကောင်း ဓမ္မအသိ တွေ့သိလာ ဖို့ပင်။

သို့ကြောင့်...“နှစ်ဆန်း”ဆိုသော ထိုစကားသည်...
နိဗ္ဗာန်အထိ မပျက်မစီးဘဲ လိုက်ပါသွားမည့် မဂ်ဓမ္မ၊ ဖိုလ်ဓမ္မများတည်း။
မဂ်ဓမ္မ၊ ဖိုလ်ဓမ္မတို့၏ ရလဒ်ဓမ္မအရသာ၊ ဝိမုတ္တိ အရသာဆန်းများတည်း။
သို့မဟုတ် ဖလသမာပတ်၊ နိရောဓသမာပတ် အရသာဆန်းများပင်တည်း။
ထိုအဆန်းမျိုးသည်သာ အနှစ်ရှိသော အဆန်းမည်၏။
ထိုအနှစ်မျိုးသည်သာ မပျက်မစီးသော အနှစ်မည်၏။

ယနေ့ ဗုဒ္ဓဝါဒီတိုင်း(ကမ္ဘာ့ လူသားတိုင်း)...
မိမိတို့ ဒေသအလိုက် နှစ်ကူးများ ကျင်းပလေ့ရှိကြ၏။
သို့တိုင်လည်း ရက်ကုန်ရာမှ လပြောင်း။
တစ်ဖန် လတို့ကုန်သွားရာမှ နှစ်သို့ပြောင်းလဲလာ ခြင်းမျှသာ ရှိချေရာ
အနှစ်လည်းမရှိ၊ ဆန်းလည်းမဆန်း။
ယခင်ကလည်း အချိန်၏ဝါးမျိုခြင်းအရ
ရက်၊ လ၊ နှစ် ကုန်ခန်းခြင်းမျှသာ။
ယခုလည်း အချိန်၏ ဝါးမျိုခြင်းအရ
ရက်၊ လ၊ နှစ်ကုန်ခန်းခြင်း မျှသာ။
နောင်နောင်လည်း အချိန်၏ဝါးမျိုခြင်းအရ
ရက်၊ လ၊ နှစ် ကုန်ခန်း ခြင်းမျှသာ။

မဂ်မှဖြစ်သော ဖိုလ်၏အအေးနှစ်သည်ကား
မည်သည့်ကိလေသာ တို့နှင့်မျှ မရောယှက်ခြင်း၊
မည်သည့်သင်္ခါရတို့ကမျှ မပြုပြင်ဝံ့ခြင်း၊
တစ်ကြိမ် အတည်ပျက်သွားပြီး မရှိခြင်းတို့ကြောင့် တကယ့်အနှစ်ဆိုရသည်။
ထိုနှင့်အတူ ဖလသမာပတ်၊ နိရောဓသမာပတ် အရသာများကလည်း
မရိုးသောအဆန်းဖြင့် အမြဲတမ်း ဆန်းသစ်နေတော့သည်သာ။

#မဟာဗောဓိမြိုင်ဆရာတော် #သုဝဏ္ဏသျှမ်
#တောသွားတစ်ဦး၏ တောလားမှတ်စုများ
#၁၃၆၆-ခု၊ #တန်ခူးလပြည့်ကျော် ၁၃-ရက်၊
#နှစ်ဆန်းတစ်ရက်နေ့၊ #ခေါင်နန်းပလ္လင်၊ #မဟာမြိုင်။
Credit 🪷 Original Uploader 🙏🙏🙏♥️

602

မဟာဗောဓီမြိုင်ဆရာတော်ဘုရားကြီး၏တရားတော်များ

30 Dec, 10:29

ကောင်းကံတွေ ငုတ်လျှိုးနေခဲ့ပါလျှင်
————————————————
လူရယ်လို့ ဖြစ်လာလျှင် -
ကောင်းကံ နှင့် ဆိုးကံက... မွေးကတည်းက -
ပါပြီးသား...

ကောင်းကံက - နည်းပြီး
ဆိုးကံက - များနေရင်တော့
ငုတ်လျှိုးနေတတ်သော သဘောပင်။

လူတစ်ဦး တစ်ယောက်သည်...
အများ မသိသည်ဖြစ်စေ၊
အများ သိသည်ဖြစ်စေ...
မကောင်းမှု နှင့် အမြဲယှဥ်တွဲနေမည်ဆိုလျှင် -
ကောင်းကံတို့သည်..မည်သည့်ခါမျှပေါ်မည်မဟုတ်...

ပေါ်လာသောကံသည် ခေတ္တမျှသာ...

လောကီစီးပွားပြုရာတွင်လည်း...
ကောင်းမှုဖြင့် အသက်မွေးသူတို့မှာ -
ပစ္စက္ခကာလတွင် ချမ်းသာသုခရနိုင်သကဲ့သို့...
နောင်တွင်လည်း..ချမ်းသာသုခ,ရနိုင်ဖို့ရာ
မခဲယဥ်းတော့ပေ။

မကောင်းမှုဆိုသည်မှာကား-
ထိုနှင့်ဆန့်ကျင်ဘက်ပင်တည်း...

ကောင်းကံ - ဆိုသည်ကား...
ကောင်းမှု နှင့် ဆက်မှ- ပေါ်လာတတ်စမြဲပင်။

ဒါနဖြင့် ဆက်၍လည်းကောင်း၊
သီလဖြင့် ဆက်၍လည်းကောင်း၊
မေတ္တာ,ဘာဝနာဖြင့် ဆက်၍ လည်းကောင်း
ကောင်းကံတို့ ပေါ်လာစေနိုင်၏....

ထို့သို့ ပြုကြရာတွင်...
ဒါနကို ဒါနနှင့်တူအောင်-

စောင့်ထိန်းအပ်သော သီလကိုလည်း -
သီလနှင့်တူအောင် စောင့်ထိန်းပါမှ ပြီးစီးနိုင်၏။

သာဓကပြရသော် -
မဟာဒုတ်တို့ ဇနီးမောင်နှံအား မြင်နိုင်ပါသည်။

အလားတူ လောကီလူသားတို့သည်လည်း-
မိမိတို့နေ့စဥ် ဘာကိုပဲ ပြုလုပ်ပြုလုပ် ...
ကောင်းမှုနှင့် ယှဥ်၍ ဆောင်ရွက်နိုင်ကြပါစေသော်...

ငုတ်လျှိုးနေသော ကောင်းကံတို့သည်...
အချိန်မရွေး ရောက်လာနိုင်ပါစေသတည်း...

မဟာဗောဓိမြိုင်ဆရာတော်ဘုရားကြီး
Credit 🪷 Original Uploader 🙏🙏🙏♥️

554

မဟာဗောဓီမြိုင်ဆရာတော်ဘုရားကြီး၏တရားတော်များ

29 Dec, 03:52

✿ မီးဘေး,ရန်ဘေး မအေးရဘဲလျက်က
‗‗‗‗‗‗‗‗‗‗‗‗‗‗‗‗‗

သူတော်ကောင်း အပေါင်းတို့
- လောဘ၏လက်ချက် အနိစ္စအချက်ဖြစ်သော အိုခြင်းဇရာ
- ဒေါသ၏လက်ချက် ဒုက္ခအချက်ဖြစ်သော နာခြင်းဗျာဓိ
- မောဟ၏လက်ချက် အနတ္တအချက်ဖြစ်သော သေခြင်း မရဏ။
ဤသုံးဝသော သဘာဝတရားတို့သည်...
သင်တို့၏ ကိုယ်နှင့်မကွေမကွာ လိုက်ပါလျက်ကသာ ရှိဘိ၏။

-သတိ၊ အသိ၊ ပညာမျက်စိမရှိက မသိရာ။
-သဒ္ဓါ၊ ဝီရိယ ခြေနှစ်ဖက် မချက မလွတ်ရာ။
ထို အို၊ နာ၊ သေ မီးဘေး အချိန်နှင့်စက်၍ မအေးကြရပြီ။
ထို အို၊ နာ၊ သေ ရန်ဘေး ဘဝနှင့်စက်၍လည်း မအေးကြရပြီ။

သင်တို့သည်...
ထိုမျှ မီးဘေး၊ ရန်ဘေး မအေးရဘဲလျက်က
ဘာ့ကြောင့် သီလဆေး မကျွေးဘဲ နေစိမ့်ကြလေဘိသနည်း။
ဘာ့ကြောင့် သမာဓိရေအေး မတိုက်ကျွေးဘဲ နေစိမ့်ကြလေဘိသနည်း။
ဘာ့ကြောင့် ပညာလက်နက် မသုံးရက်ဘဲ ပစ်ထားကြလေဘိသနည်း။

#မဟာဗောဓိမြိုင်ဆရာတော် #သြဝါဒ
#သုဝဏ္ဏသျှမ် #စာဖတ်သူတစ်ယောက်၏မှတ်စုများ
Credit 🪷 Original Uploader 🙏🙏🙏♥️

649

မဟာဗောဓီမြိုင်ဆရာတော်ဘုရားကြီး၏တရားတော်များ

28 Dec, 03:20

မိမိကိုယ်ကို မေတ္တာပို့ရတယ်
ဘာလို့လဲ ဆိုတော့
ဒုက္ခပေးမှာက
မိမိကိုယ်တိုင် ဖြစ်နေတာမို့
ရန်သူဟာ မိမိကိုယ်တိုင် ဖြစ်နေလို့ပဲ။

အပြင်မှာ တစ်ခါနိုင်တိုင်း
သံသရာ တစ်ခါ ရှုံးရလိမ့်ဦးမယ်။

ပစ္စု ပ္ပန်မှာလည်း
ကိုယ်မုန်းတဲ့ လူတစ်ယောက်ကို
သတ်လိုက်ရလို့ ၊ ရိုက်လိုက်ရလို့ ၊
ကိုယ်ကနိုင်တယ် မထင်ပါနဲ့ ။
ဒေါသက နိုင်သွားတာပါ ။ခိုင်းသလို လုပ်လေ
ဒေါသက ရောင့်တက်လေ ၊
အပြင်မှာ တစ်ခါနိုင်အတွင်း တစ်ခါရှုံး၊
ဒီနှုန်းနဲ့ သံသရာခရီးသွားခဲ့ကြလို့အောက်ရပ်
အပါယ်ဘုံတွေမှာရေစုန်မျောနေတာ။

မကြိုက်စိတ် ဒေါသ ဖြစ်ပေါ်လာချိန်
သတိနဲ့သာစောင့်ပြီး အနိုင်သတ်နိုင်ရင်
အတွင်းရန် ဒေါသကိုလည်း
အောင်ပြီးသား ၊ အပြင်ရန်ကိုလည်း
အမုန်းပွားစရာ မလိုတော့လို့ အောင်ပြီးသား၊
အတွင်းအောင် အပြင်အောင်မှတကယ့်အောင်နိုင်သူ ။

(မဟာဗောဓိမြိုင်ဆရာတော်ကြီး)
Credit 🪷 Original Uploader 🙏🙏🙏♥️

671

မဟာဗောဓီမြိုင်ဆရာတော်ဘုရားကြီး၏တရားတော်များ

25 Dec, 00:49

အချိန်က~မရပ်မနားသွား
နေသလို~အရွယ်ကလည်း
မနားဘူးနော်~
ဒါကြောင့်~~~ ခင်ဗျားတို့
နားနေလို့မရဘူး~
ပြုံးပြုံးလေးသေချင်ကြ
ရင်~အခုကတည်းက
စိတ်ကို~သတိ~အစာမပြတ်
ကျွေးကြ~

မဟာဗောဓိမြိုင်ဆရာတော်ကြီး
🙏🙏🙏🙏🙏
Credit 🪷 Original Uploader 🙏🙏🙏♥️

644

မဟာဗောဓီမြိုင်ဆရာတော်ဘုရားကြီး၏တရားတော်များ

24 Dec, 00:31

လူ့ဘဝရောက်တုန်း ကံကောင်းအောင်လုပ်ကြ

မသိမောဟနဲ့နေလာခဲ့ရတဲ့
တိရစ္ဆာန်ဘဝပေါင်းများစွာမှာ
ကံဆိုးမိုးမှောင် ကျခဲ့ပြီးပြီ။

လူ့ဘ၀ဆိုတဲ့
နေသာတဲ့နေ့ရက်တွေမှာ
ကံကောင်းအောင် လုပ်ကြပါတော့။

ဒါနက ကောင်းကံတွေ ဆည်ပေးနေသမျှ၊
သီလက စင်ကြယ်အောင် လုပ်ပေးရမယ်။

အတိတ်ဘ၀က အကုသိုလ်တွေ ဆိုးကျိုးတွေ၊
ဒီဘ၀ရဲ့ အကုသိုလ်တွေကို
သီလဖြင့် ဖယ်ရှားပေးရတယ်။

ဒါကြောင့် ဒါနပြုတိုင်း
သီလဆောက်တည်ရတယ်။

ဒါန နဲ့၀တ္ထုပစ္စည်းတွေ စွန့်လွှတ်ရသလို
သီလအားဖြင့် ကိုယ်ခံစားရတဲ့
အာရုံတွေကိုတောင် စွန့်လွှတ်ရတယ်။

ဒါနက ကိုယ်ချမ်းသာမှုနှင့် လမ်းရိက္ခာအတွက်

သီလက စိတ်ချမ်းသာမှုနဲ့ လမ်းသွား...

ဒီတော့ "ကိုယ်စိတ်နှစ်ဖြာချမ်းသာပါစေ" ဆိုတာ
ဒါန များများပြုပြီး၊ သီလများများထိန်းပါ လို့
ပြောတာနဲ့ မတူပေဘူးလား … ?

ဒါန၊ သီလ လုပ်လို့
နတ်မင်းကြီးဖြစ်ရော ဆိုပါစို့၊
ကာမစည်းစိမ်နဲ့ ဘ၀စည်းစိမ်တွေ
မက်မောလာပြန်တော့...

တဏှာက အမိန့်ပေးတိုင်းလည်း
သူများ သွားစော်ကားပေးရတယ်ဗျ။

မာနခိုင်းတိုင်းလည်း မော်ကြွားပေးရတယ်ဗျ။

ဒိဋ္ဌိညွန်းတိုင်းလည်း ပြစ်မှားပေးနေရတယ်ဗျ။

အဲဒီတော့ ကံကောင်းလို့
နတ်မင်းကြီးဖြစ်တယ်ဆိုပြီး
အကုသိုလ်က လွတ်သေးရဲ့လား။

လိုချင်တာတွေ မျှော်ပြီး လုပ်နေသမျှ
မလိုချင်တာတွေ ရလာလိမ့်မယ်။

တို့ဘုရားရှင်ကတော့...
သိဒ္ဓတ္ထအလောင်းတော် ဘ၀မှာတောင်
စွန့်ခဲ့တာတွေ နည်းသလား။

မိဖုရားတွေက သာကီ၀င်တွေချည်း
တစ်သောင်းခြောက်ထောင်၊
အခြားမျိုးတွေက တစ်သိန်းလေးထောင်
ကာမစည်းစိမ်တွေ
ဘယ်လောက် စွန့်ပစ်ခဲ့ရသလဲ။
ရမ္မ၊ သုဘ၊ သုဘရမ္မဆိုတဲ့
နန်းမသုံးဆောင်နဲ့တကွ
နန်းလုံးပြည့် အဆောင်အယောင်တွေ
ဘ၀စည်းစိမ်တွေကို
လက်ပေါ်ကျလာတဲ့ မီးပွားလို ခါချ ပစ်ခဲ့တယ်။

အပေါင်းကြာ အကောင်းမှာရိုးလို့
စွန့်နိုင်တာတွေပါကွာလို့
ပြောချင် ပြောပါစေဦး။

နန်းရိပ်စွန့်ပြီး သစ်ရိပ်မှာ ပျော်နိုင်တဲ့ သတ္တိ၊

နတ်သုဒ္ဒါတမျှသော စားဖွယ်တွေ စွန့်ပြီး
ဆင်းရဲသားသုံးဘောဇဉ်တွေ စားနိုင်တဲ့ သတ္တိ၊

နန်း၀တ်နန်းစား စွန့်ပြီး မြေမှုန့်ပေကပ်
အ၀တ်စုတ်ပြတ်တွေ
ကောက်၀တ်နိုင်တဲ့ သတ္တိ၊

အဲဒီအလောင်းတော်တို့သတ္တိ
နတ်မင်းကြီးတွေ မတုပနိုင်ဘူး။
ဒီတော့ နတ်မင်းကြီးတွေလည်း
ပူဇော်ကြရတယ်။ ခစားကြရတယ်။

တစ်ခါ ဗြဟ္မာကြီးတွေ ဆိုပါတော့...
သူတို့လည်း သူတို့ဘ၀
သူတို့ စည်းစိမ်သာယာ နေသေးတာပဲ၊
မစွန့်လွှတ်နိုင်ဘူး။

ဘ၀တဏှာကများ ခိုင်းခဲ့ရင်
ဒီထက် စျာန်ယာဉ်ပွားပြီး
ဘ၀စည်းစိမ် ခံစားနေကြဦးမှာ။

တို့ဘုရား အလောင်းတော်ကတော့
အာဠာရ၊ဥဒက ရသေ့ကြီးတွေနဲ့
တွေ့ချိန်ကတောင်
ဒါ လမ်းဆုံးမဟုတ်ဘူး ဆိုပြီး
စျာန်လမ်းကို ပယ်ခဲ့တာ၊

ဒီသတ္တိမျိုး ဗြဟ္မာတွေမှာလည်း မရှိဘူး။
ဒီတော့ ဗြဟ္မာတွေလည်း
မနေသာလာပြီး ပူဇော်ခစားရတယ်။

ဗုဒ္ဓဘာသာဆိုတာ
အဲဒီလောက် အဆင့်မြင့်တယ်။

နတ်ဗြဟ္မာတွေတောင်
ခစားပူဇော်ရတဲ့ တရားမျိုး
လူ့ဘ၀၊ လူ့လက်ထဲမှာပဲ ရှိတယ်။

ဘာဖြစ်လို့ ရေစုန်မျှောလိုက်နေကြရမလဲ။
တိရစ္ဆာန်တွေလောက်
ကံဆိုးမိုးမှောင်ကျနေလို့လား။
ကျင့်နိုင်တဲ့အစွမ်း၊
သိနိုင်တဲ့ဥာဏ်မရှိကြလို့လား။

အဲဒီတော့ တိရစ္ဆာန်ဘ၀က
ကံဆိုးမိုးမှောင်တွေကို
ဒါန၊ သီလနဲ့ဖယ်ရှားပြီး
ကံကောင်းအောင်လုပ်ဆိုတာ
ဘာ၀နာမှုသတိဆိုတဲ့
ရှုမှတ်မှု အမြဲရှိနေရမယ်လို့ ပြောတာ။

(ကျေးဇူးရှင် မဟာဗောဓိမြိုင်ဆရာတော်)
Credit 🪷 Original Uploader 🙏🙏🙏♥️

622

မဟာဗောဓီမြိုင်ဆရာတော်ဘုရားကြီး၏တရားတော်များ

22 Dec, 03:53

ဝမ်းမြောက်ပါလေ။' (စာ-၅၉)
'သီလကို စောင့်ထိန်းရာ၌ ကိုယ်ကသာရှောင်၍ စိတ်ကိုကား ရှောင်ရန်ဆောင်ရန်အားဖြင့် စောင့်စည်းခြင်း၊ ပိတ်ဆို့ခြင်းဟူသော ထိန်းသိမ်းခြင်းမပြုခဲ့သော် သို့မဟုတ် တံခါးပေါက်ပိတ်သော သော့ ချောင်းကဲ့သို့ သရဏဂုံပွားမှု မပြုကျင့်ခဲ့သော် ကြိုက်အာရုံ၊ ကြိုက်ဝတ္ထုတို့ကို တွေ့မိရုံမျှဖြင့်လည်း အောင့်အည်းရရာ၏။ ပက်ပင်းထိပ်တိုက် အကြိုက်ကလေးနှင့် တွေ့မိလျှင်လည်း ချုပ်တည်းရရာ၏။ တစ်ဖန် မကြိုက်မုန်းတီး၊ ခါးသီးစက် ဆုပ်ဖွယ်ရာ ဝတ္ထုအာရုံများတို့နှင့် ပက်ပင်းစွေ့စွေ့ရင် ဆိုင်တွေ့ မိသော်လည်းကောင်း ဟိုသည် ဖွေစမ်းစိတ်သရမ်းမိရာမှ မကျေမချမ်း အဟောင်းအာရုံ ကျွမ်းပြန် ဖမ်းမိသော် လည်းကောင်း အောင့်အည်းခြင်း ချုပ်တည်းခြင်း အမှုတစ်ခုခုပြုမိရာ၏။'
'ထိုချုပ်တီးရမှု မှန်သမျှတို့သည် သင့်သီလ မကျိုးသော်မှ ညှိုးခြောက်တတ်လှချေ၏။ ဝါရိတ္တသီလခေါ် တားမြစ်ထား၍သာ ငြိမ်ခံလိုက်ရသော သီလမျိုး ရသော်မှ ပါရမီသီလမျိုးကား မဖြစ် နိုင်။ ရဲတရားခံအဖမ်းမှားသို့ ကိုယ်သာဖမ်း၍ စိတ်ကိုထမ်းပိုး လွှတ်ထားမိလေ သောကြောင့်တည်း' (စာ-၆၀)
ချုပ်ပေပြီး စောင့်ထိန်းတဲ့သီလ (ဥပုသ်စောင့် ခြင်းမျိုး)ရဲ့ အကျိုးရလဒ်ကိုလည်း ဖော်ပြထားပါတယ်။
'သရဏဂုံဖြင့် စိတ်ကိုလုံခြုံစွာ စောင့်ထိန်းခြင်း ကင်းသော သီလရှင်၏ စိတ်သည် အာရုံသစ်ကို ခံစားခွင့်မပြုလျှင် အာရုံဟောင်းတို့ကို လှန်လှော၍လည်း ခိုးဝှက်စားသုံးရာ၏။ ပက်ပင်းတွေ့ အာရုံသစ်များနောက် သို့လိုက်ပါလျက်ကလည်း ခိုးယူစားသုံးရာ၏။ ထိုစိတ်ဖြင့် လိုက်စားမိရာမှ ထိတွေ့ ခွင့်မရ၍ အားမရသော် ... 'ဥပုသ်ထွက်လျှင်တော့လားကွာ'ဟူ၍လည်း တွေးလျက်သက်ပြင်းချရာ၏။ ပြောဆိုမြည်တမ်းသော်လည်း မြည်တမ်းရာ၏။ အကယ်တိ ဥပုသ်ထွက်အထိပင်မစောင့် နိုင်၊ မအောင့် နိုင်သည်အထိ ဖြစ်လာသောအခါမျိုးတို့တွင် ကား 'ဟင်း ...ဥပုသ်ကြီးနဲ့မို့သာ'ဟူ၍ ရေရွတ်လျက်က တောက်ခေါက်၍ပင် အောင့်အည်းရရာ၏။ အတွေးဖြင့် တံတွေးမျိုချရသည်ကလည်း အဖုံဖုံပင်။ ထိုသီလမျိုး သည်ကား 'အထုံပါရမီမဖြစ်' 'အမြုံပါရမီ'မျှသာဖြစ်ချေ၏။ ငါတို့ ဗုဒ္ဓဝါဒီတို့၏ စိတ်ထဲမှာ ဆုံမြုံထားရခြင်း၊ စိတ်တွင်းကပေါက် ကောက်နေခြင်းများသည် ထိုအချုပ်သီလ၏ အကျိုးပေးများချည်း ဖြစ်ကြချေ၏။' (စာ-၆၁)
သီလဆိုတာ စိတ်ရဲ့ အလေ့အကျင့်လို့သဘော ပေါက်ထားရမယ်လို့ ဆိုပါတယ်။ နွားကျောင်းသား နွားကျောင်းသလို စိတ်ကိုထိန်းကျောင်းပေးရမှာ ဖြစ်ပါတယ်။
'သင်သည် ယနေ့တစ်ရက်လုံးလုံး စစ်မြေပြင်ရှိ စစ်သားတစ်ယောက်ကဲ့သို့ သတိလက်နက်ကို ချမထားရာ၊ သရဏဂုံကျည်တောင့် အဖြောင့်ထိုးထားကာ မည်သည့် အာရုံလာလာ၊ သင့်သတိက လက်ချက်ဦးပြီးသား ဖြစ်စေရမည်။ အမြင်သည် အမြင်သာ ဖြစ်စေရမည်။ ငါ သူမပါစေရ၊ အကြားသည် အကြားဖြင့်သာ ရပ်တန့်ရမည်၊ ဘာညာမပါစေရ၊ အနံ့သည် အနံ့ဖြင့် ကုန်ဆုံးရမည်၊ အာရုံလိုက်၍ ကြိုက်ကွက်မဖော်စေရ၊ အစာ၌ အချိုသည် အချိုဖြင့်ပြီးရမည်၊ အာရုံခံ၍ ကြိုက်ဟန်မပြရ၊ ချဉ်၊ ငန်၊ စပ်၊ ခါး ရသာများတို့၌ အာရုံဖက်၍ ကြိုက်ကွက်မထွင်ရ။
သင့်စိတ်က ဆိုင်ရာတံးခါးဝမှ ကြိုဆိုကာ အာရုံနှင့် ကိလေသာတို့ကို အထဲဖိတ်ခေါ်ထားခြင်းမျိုးလည်း မရှိစေရ။ ယနေ့သည် သင့်စိတ်အာရုံမှ ဆိတ်သုဉ်း နေစေရ၏။ ထိုသို့ သင့်စိတ်ကို အာရုံတို့က မည်သည့် တံခါးပေါက်မှ လာရောက်တိုက်တိုက်၊ သတိမမေ့ တွေ့သမျှအမှတ်ဖြင့်သာ ဆက်ဆံတွေ့ မည်ဆိုပါက သင်သည် လည်းကောင်း၊ သင့်စိတ်သည်လည်းကောင်း ပူပန်ခြင်း ကင်း၊ အနှိပ်စက်ခံရခြင်း လည်း အလျဉ်းမရှိတော့သဖြင့် ထိုသီလသည် ဦးစွာကိုယ်စိတ်နှစ်ဖြာ ချမ်းသာခြင်းကို ဖြစ်စေမည်။ ယနေ့ကား ကြွေးမတင်နေ့၊ ယနေ့ကား အဟောင်းကြွေးဆပ်သောနေ့တည်း။ မစောင့်စည်းသော် ကြွေး သစ်ပေါ်လိမ့်မည်လို့ သတိပေးထားပါတယ်။
စိတ်နဲ့အာရုံ ပြတ်စဲသွားချိန် ကိုယ်စိတ်နှစ်ပါး လုံး ငြိမ်းချမ်းသွားတာကို ]သီလသိက္ခာ}အဆင့်လို့ ဆိုပါတယ်။ အဲဒီ သီလမျိုးသာလျှင် ကာယကံ၊ ဝစီကံ၊ မနော ကံ သောင်းကျန်းမှုများမှ ကင်းစင်ပြီး အကျင့်စင်ကြယ် သူဖြစ်လာနိုင်ပါတယ်။ အဲဒီလို သီလစင်ကြယ်သူကိုသာ သာသနာတော်စောင့်တို့က အရိုအသေပြု အလေးအ နက် စောင့်ရှောက်ကြတယ် ဆိုပါတယ်။
'မျက်စိရှိ မြင်၏၊ ဘာလဲဟူ၍ လိုက်မစုံစမ်း။ နားရှိကြားမည်သာ၊ ဘာလဲဟူ၍ နားမစွင့်။ သည့်အတူ အခြားအာရုံများ၌လည်း သူ့တံခါးနှင့် သူ့အသွား ကူး လားခတ်လားမှလွဲ၍ ပညတ်အရာမဝင် ကိလေသာ အဆာမဝင်သောအဖြစ်သို့ ရောက်ချေရကား စိတ်တွင်းဖြစ် အဟောင်းတွေးလည်း မကြွ သာ၊ အာရုံတိုက် အသစ်ကြွေးလည်း ပပြီးသား ဖြစ်လာပြီ။ ကြားပွဲစားမဝင်သဖြင့် ဘာမဆို အရင်းအ တိုင်းရလာပြီ။ နောက်ယောင်ခံ အတောင်းလိုက်သော်မှ ဂရုစိုက်စရာမရှိပြီ။ ထိုသို့ တစ်ရက်လုံးလုံး အကြွေးကင်းသဖြင့် ကိလေသာပညတ် အပင်းမပါ အဆာမဝင် အမြင်အမြင်သာဖြစ်တော့လျှင် သင်ကား သင့်စိတ်ကို သင့်ခန္ဓာကြား ထိုးသွင်းလျက်က သင့်အရှိကို သင့်အသိဖြင့် လှန်လှောကြည့် သာပြီ ဖြစ် ချေရကား ...ထိ၊ သိ၌ ငါရှိမရှိ ဦးစွာကြည့်၊ ငါမရှိလေ မှန်းသိလျှင် သူရှိမရှိ စဉ်းစားဖို့ပင် မလိုပြီ။'

373

မဟာဗောဓီမြိုင်ဆရာတော်ဘုရားကြီး၏တရားတော်များ

22 Dec, 03:53

'တစ်ဖန် ထိုခန္ဓာကြားရှိ ထိ၊ သိကိုချည်းကြည့်ရာမှ အထိနှင့် အသိ၊ အသိနှင့်အထိ ထိုနှစ်မျိုးတည်းသာ အလှည့်ကျဖြင့် အပေးအယူလုပ်၍ ဖြစ်စဉ်အမျှင်မပြတ် ဆက်စပ်ပေးနေပါသည်ကို အပိုင်သိလျှင် အခြားပြင်ပတို့နှင့် ဆက်ဆံရသော အမြင်၊ အကြား စသည်များ၌လည်း သတိလက်နက်ဖြင့် ချိန်ကြည့်၊ ၎င်းတို့၌လည်း မြင်သိ၊ သိမြင်တစ်ဖန် ကြားသိ၊ သိကြား စသည်အားဖြင့် ရုပ်သဘာဝ၊ နာမ်သဘာဝတို့၏ တို့ထိကစားနေကြ သည်ကိုသာ တွေ့ရချေတော့မည်။ ဤသို့ သီလ၌တည်၍ သီလကိုမှီ၍ သင့်ထံ သင့်ဉာဏ် ကိုယ်တွေ့ပေါ်လာလျှင် သီလမှ ပါရမီလမ်း၀ စခန်းစသို့ ခြေချလာပြီ ဟူ၍ သင့်ကိုယ်သင် ယုံပါလေ'လို့ ကျေးဇူးတော်ရှင် မဟာဗောဓိ မြိုင်ဆရာတော်ဘုရား ကြီးက အတိအလင်း မိန့်ဆိုထားပါတယ်။
အခြေခံ မိရိုးဖလာ သီလမှသည် ပါရမီမြောက်သော သီလအထိ ဆွဲခေါ်သွားကာ ဝိပဿနာဆိုသော စကားတစ်လုံးမျှ မပြောကြားဘဲ ဝိပဿနာဆိုက်အောင် အလင်းရောင်ပေးခဲ့တဲ့ ဆရာတော်ဘုရားကြီးရဲ့ ဓမ္မဗျူဟာမှာ အံ့သြဖွယ် ရှိပေစွတကားလို့ ဆိုသင့်လှပါတယ်။
#မောင်သွေးချွန် #သုဝဏ္ဏသျှမ်
#စာဖတ်သူတစ်ယောက်၏မှတ်စုများ
#၂၀၂၄ စက်တင်ဘာ ၂၃
(TREND News ဂျာနယ်အတွဲ(၃)၊ အမှတ်( ၃၅ ) တွင်ပါရှိသော
ဆောင်းပါးအား တဆင့်ပြန်လည်မျှဝေခြင်းဖြစ်ပါသည်။ )
Credit 🪷 Original Uploader 🙏🙏🙏♥️

588

မဟာဗောဓီမြိုင်ဆရာတော်ဘုရားကြီး၏တရားတော်များ

22 Dec, 03:53

✿ မဟာဗောဓိမြိုင် ဆရာတော်ဘုရားကြီးရဲ့ ဖြည့်ကျင့်ဆောက်တည် သီလပါရမီ
‗‗‗‗‗‗‗‗‗‗‗‗‗‗‗‗‗‗‗‗‗‗‗‗
နေပြည်တော် လက်လုပ်တောင် 'ဉေယျမဏ္ဍိုင်စာပေ'က ၂၀၁၂ ဖေဖော်ဝါရီလမှာ ကျေးဇူးတော်ရှင် မဟာဗောဓိမြိုင်ဆရာတော်ဘုရားကြီးရဲ့ 'ပါရမီပရိ စယကထာ (နားခိုရာပါရမီရိပ်သာ)စာအုပ်ကို ဒုတိယအကြိမ် ပုံနှိပ်ထုတ်ဝေခဲ့ပါတယ်။ ဒီကျမ်းစာအုပ်မှာ ဒါန၊ သီလ၊ နိက္ခမ၊ ဝိရိယ၊ သစ္စာအဓိဋ္ဌာန်စတဲ့ ပါရမီ ၁၀ ပါး တို့ရဲ့ သဘောသရုပ်ကို ဖော်ထုတ်ရှင်းလင်းထားတာ တွေ့ရပါတယ်။ ကမ္ဘာ့အဆင်းရဲဆုံး စာရင်းဝင် မြန်မာနိုင်ငံက ကမ္ဘာ့နံပါတ်တစ်အဖြစ် အလှူဒါန ပရဟိတပြုနေပေမယ့် သီလခေါ် ကိုယ်ကျင့်တရားဘက်မှာ အားနည်းနေပုံတွေကို ဒီစာအုပ်ရဲ့ သီလပါရမီအခန်းမှာ ထောက်ပြထားပါ တယ်။
'ဒါနနှင့် သီလတစ်စုံသည် ကံကုသိုလ်တို့၏ အကျိုးပွင့်ပေါ်ရာ လက်နက်ဖြစ်ချေ၏။ ကံကောင်းတည်ဆောက် ကံဆိုးမှောက်သွန်ရာ အစုံလည်းဖြစ်ချေ၏။ ထိုအစုံအဟုန်ကောင်းပါမှ ကံကောင်းထောက်မသော လူ့ဘဝ၊ နတ်ဘဝမျိုးသို့ ရောက်ရာ၏။ ထိုလူဘဝ၊ နတ်ဘဝတို့၌လည်း အမျိုး အနွယ်အားဖြင့် ဖြူစင်မြင့်မြတ်သော အမျိုးဇာတ်အတွင်းသို့သာ ချဉ်းနင်းမိရာ၏။ အမျိုးအားဖြင့်လည်း ဖြူစင်မည်။ ဘဝကံ စည်းစိမ်ကံကလည်း အကျိုးပေး မြင့်မည်ဆိုပါက စိတ်ချမ်းသာမှုကိုရစေပြီး ခန္ဓာ ကိုယ်ပါ ချမ်းသာစေမည်။ ကိုယ်စိတ်နှစ်ခန်း ချမ်းသာပါမှ ဈာန်မဂ်ဖိုလ်တို့သို့ သွားရောက်ရာ ဈာန်ကု သိုလ် ဉာဏ်ကုသိုလ်ပါရမီများ ဖြည့်ခွင့်သာချေမည်။' (စာ-၅၀)
ကျေးဇူးတော်ရှင် မဟာဗောဓိမြိုင်ဆရာတော် ဘုရားကြီးက ကိုယ်ကျန်းမာ၊ စိတ်ချမ်းသာ ကံကောင်းရုံလောက်သာ ညွှန်ပြနေတာ မဟုတ်ပါ။ ကံကုသိုလ်မှသည် ဈာန်ကုသိုလ်၊ ဉာဏ်ကုသိုလ်အထိ ပါရမီမြောက်အောင် အထောက်အကူပေးနေခြင်း ဖြစ်ပါတယ်။
'သင်သည် ကံကောင်းထောက်မသဖြင့် ဘ၀ကောင်းကိုလည်း ခိုနားလိုသေးသည်။ ထိုဘ ဝကောင်းဖြင့်ပင် ဈာန်ကောင်း၊ ဉာဏ်ကောင်းကိုလည်း တက်လို သေးသည်ဆိုလျှင် ...ငါ၊ ဝတ္ထု၊ ပုဂ္ဂိုလ်သို့ အစွဲဝင်မည့် လောဘကို သတ်ချထားခဲ့ပါ။ မလွှဲသာ အလှူ၊ ဝတ်ကျေ တန်းကျေ အလှူမျိုးကို မလှူပါနှင့်၊ မိမိပိုင် စေတနာမှန်ပေါ်တွင် သတိယှဉ်သော အလှူမျိုးကိုသာ ကြိုးစားပါလေ။ ကိုယ်ဖြင့် ဒါနကိုစွန့်၍ စိတ်ဖြင့် သီလကိုဆောက်တည်ကာ အစွဲမှန်သမျှ လွှတ်ချခဲ့ပါလေ။ (စာ-၅၁)
ဒါနဲ့တွဲဖက်ရမယ့် သီလရဲ့ အဓိကတာဝန်က မိမိရဲ့အတွင်းစိတ်ကို အပြင်အာရုံတွေနောက် ပါမသွားအောင်၊ အပြင်အာရုံတွေမှာ ကပ်ပါလာတဲ့ ကိလေသာတွေ အတွင်းစိတ်ထဲမဝင်ရောက်အောင် စောင့်စည်းပေးခြင်းပဲ ဖြစ်ပါတယ်။ သီလမှာ (၁) မိရိုးဖလာသီလနှင့် (၂) ပါရမီမြောက်တဲ့ သီလရယ်လို့ နှစ်မျိုးရှိတယ်လို့ ဆိုပါတယ်။ မိရိုးဖလာသီလက သံဃာတော်များကို သြကာသဖြင့် ကန်တော့ပြီးနောက် သီလယူစဉ် 'အာမဘန္တေပါ ဘုရား'လို့ သရဏဂုံပွားများပါလို့ အမိန့်ရှိတာကိုလည်း 'အာမဘန္တေပါဘုရား'လို့ ကတိပေးခဲ့တယ်။ ဒါပေမဲ့ အဲဒီ အာမဘန္တေနှစ်ခုလုံးကို အလွယ် တကူ ချိုးဖောက်နေကြ တယ်။ သီလစောင့်ထိန်းပါမည်လို့ ကတိပေးထားပေမယ့် လိမ်ညာ၊ သောက်စား၊ ကာမဂုဏ်မှောက်မှား၊ ခြင်၊ ယင်၊ ကြမ်းပိုးတွေသတ်နဲ့ သီလတွေကျိုးပေါက်နေတယ်။ သရဏဂုံပွားပါမည်လို့ အာမဘန္တေခံခဲ့ပါသော် လည်း ဘာသရဏဂုံမှမပွား၊ ဘုရားမေ့၊ တရားမေ့၊ သံဃာမေ့နဲ့ မေ့မေ့မောမော သံသရာကြော မျောနေကြတယ်။
'သင်အာမဘန္တေခံထားသော သိက္ခာပုဒ် (ကျင့်ရမည့် အခြေခံအကြောင်းအရာများ) ဘာ့ကြောင့် ကျိုးခြင်း၊ ပေါက်ခြင်း၊ ပျောက်ကြားခြင်းနှင့် ညှိုးခြောက် ခြင်းများ ဖြစ်ကြရသနည်း။ အဖြေကား အာရုံ နောက် စိတ်ပါမိရာမှ ကြိုက်စိတ် မကြိုက်စိတ် မထိန်းနိုင်တော့၍ တည်း။ ထိုကြိုက်၊ မကြိုက်တို့သည် မျက်စိစသော တံခါးများ (အစောင့်မရှိ ပွင့်နေသည့် နေရာများ)မှ အာရုံများနှင့် ရောနှောကာ ဝင်ရောက်လာခြင်းဖြစ်ချေ၏။ အာရုံကား မြင်ပြီးပျောက်၊ ကြားပြီးပျောက် စနစ်ဖြင့် ပွဲသိမ်း သွားသော်လည်း ထို 'ကြိုက်၊ မကြိုက်'တို့ကားပွဲပြီးလေ နေရာရလေဖြင့် စိတ်ကိုနှိုး၍ ကြီးစိုးနေခဲ့ပါချေ၏။ သင်၏ ကိုယ်ကျင့်သိက္ခာများ ကျိုးပေါက်ခဲ့ရမှု မှန်သမျှသင့် စိတ်အာရုံနောက်လိုက်မိရာမှ ကပ်ပါလာသော 'ကြိုက်၊ မကြိုက်' ဝင်ရောက် အမွှေခံရခြင်းကြောင့် ဖြစ်ချေ၏။} (စာ-၅၈)
မိမိရဲ့ သီလအင်အားကို ဘယ်လို စမ်းသပ်ရ မလဲဆိုတာကိုလည်း ဆရာတော်ကြီးက ညွှန်ပြ ထားပါတယ်။
'အကယ်တိတိ သင့်စိတ်ထင် ကြိုက်စရာဝတ္ထု အာရုံများကို တွေးယူ၍တိုးကြည့်၊ သို့တည်းမဟုတ် မုန်းစရာ၊ ကြောက်စရာ တစ်ခုခုသော အာရုံပုံရိပ်များကို တွေးယူခံစားကြည့်၊ ဆတ်ဆတ်လူး လှုပ်၍ ဖျပ်ဖျပ်လူး ခုန်နေသေးလျှင် 'အော် ငါရယူခဲ့ပြီးသော သီလမျိုးတို့ ကား အဟုတ်ရ သီလမဟုတ်၊ သရုပ်ပြသီလသာဖြစ်ချေသေးသည်' ဤသို့ ကိုယ့်ကိုယ်ကိုယ်သိပါလေ။ သိသော် ကိုယ့်သီလကိုယ် ဖြည့်ဖို့ ကြိုးစားပါလေ။
'သီလယူပြီးသော် ဖြည့်၊ ပြည့်သော်ကား ပြည့်မှန်းလည်း သိနိုင်၏။ ပက်ပင်းတိုးလောကဓံ၏ ကြိုက်အာရုံ မကြိုက်အာရုံတို့၏ အတို့အထိ ကလိမှုကို အရေးမယူ ဂရုမစိုက် အဆန်ပြည့်စပါးနှံ၏ အောက်ငိုက်ကျဘိ အလား၊ ရေပြည့်အိုးကား ဘောင်မဘင်မခတ် ဖျပ်ဖျပ် မခုန်သောပုံအလား စိတ်တန်ခိုး၊ စိတ်သတ္တိ၏ ဂုဏ်များ တက်လာလျှင် ...'အော် ငါယူခဲ့သော သီလတို့သည်ကား သရုပ်ပြသီလမဟုတ်၊ အဟုတ်ရသီလမျိုးသို့ တက် ခဲ့လေပြီတကား'ဟု သိလျက်

360

မဟာဗောဓီမြိုင်ဆရာတော်ဘုရားကြီး၏တရားတော်များ

20 Dec, 11:51

❒ ငါပြိုင်ပွဲကြီး
____
လောကမှာ ငါတစ်လုံး အသုံးမှားလို့ လုံးပါးပါး နေကြတယ်။ ငါစွဲကြီးမှုဟာ အမှားကြာ အမှန်ဖြစ်နေ ပြီ။ ငါတစ်လုံး အသုံးကျယ်ပုံကတော့ ပဲခူးဆားလိုပါပဲ။ ငါစွဲကြီးပုံများကတော့ ဧည့်သည်ရင်းတော့ အိမ်ရှင်ထင်ရသလိုပါပဲ။ ငါရှိတော့ သူဆိုတာ ပေါ်လာပြီ။ ငါကသာ ငါလို့ပြောတာမဟုတ်ဘူး။
သူက ပြောတော့လည်း ငါတဲ့နော်။ အဲဒီတော့ 'ငါ နှစ် ကိုယ်ခွဲ'ကြီး ဖြစ်နေပြီပေါ့။ ငါချင်း ထိပ်တိုက် တွေ့ ပြန်တော့လည်း ငါကသာ နိုင်ချင်တာမျိုး။ ငါ့ဘက်က ငါနဲ့၊ သူ့ဘက်က ငါ...။ ကားချင်းပြိုင်ပြိုင်၊ နွားချင်းပြိုင်ပြိုင်... ကြိုက်တာချင်းပြိုင်။ ပြိုင်တာမှန်သမျှ ငါ့ဘက်က နိုင်ရမှ။
တရားသဖြင့် မနိုင်ရင် မတရားသဖြင့် အနိုင်ယူလိမ့်မယ်။ သေရေးရှင်ရေး အသက်လုရတဲ့နေရာတွေမှာ 'ငါကိစ္စ' ပိုထင်ရှားတယ်။ ငါ့ဘက်က ငါနဲ့ သူ့ဘက်က ငါ ဘယ်သူ့နိုင်စေချင်သလဲ။ ဒိဋ္ဌိသွေးမကင်းသူ ဆယ်ယောက်ကို လိုက် မေးကြည့်ပါ။ ငါ့ဘက်ကပဲ နိုင်စေချင်တယ်လို့ပဲ ဖြစ်လိမ့်မယ်။ တစ်ဖက်က ငါကလည်း ဒီအဖြေပဲပေး လိမ့်မယ်။ ဒီတော့ ငါချင်း ထိပ်တိုက်တွေ့ကုန်ကြပြီ။ ငါချင်းယှဉ်ပြိုင် ငါချင်း ရင်ဆိုင်ကုန်ကြပြီ။ ငါပြိုင်ပွဲကြီးမှာ တရားသဖြင့် မနိုင်ရင် မတရားသဖြင့် နိုင်အောင်လုပ်ကြမှာပဲ။ အဲဒါ ငါတကောသမားတို့ရဲ့ သဘောသွားပဲ။
#မဟာဗောဓိမြိုင်ဆရာတော်
#မောင်သွေးချွန် #ကိလေသာတောင်တန်းကြီး
#သုဝဏ္ဏသျှမ် #စာဖတ်သူတစ်ယောက်၏မှတ်စုများ
[အညွှန်း။ ။ ဓမ္မေဝါဒကထာ၊ ဒုတိယအကြိမ်၊
၁၉၉၃၊ အောက်တိုဘာ၊ စာ-၃ဝ၊ ၃၁]
Credit 🪷 Original Uploader 🙏🙏🙏♥️

490

မဟာဗောဓီမြိုင်ဆရာတော်ဘုရားကြီး၏တရားတော်များ

14 Dec, 02:55

အနန္တကျေးဇူးတော်ရှင်မဟာ
ဗောဓိမြိုင်ဆရာတော်ဘုရားကြီး၏
ဓမ္မနီတိကထာ(၂၁၁)

နေလျက်နှင့် သေသူများ

သေလျက်နှင့် သေသူထက်အမှုပွားစီးမည်

☸️☸️☸️☸️☸️☸️☸️☸️☸️☸️☸️☸️

သေလျက်နှင့် မသေသူကား လူ့ဘဝ၊နတ်ဘဝရောက်ရသူများတည်း။

သေလျက်နှင့် သေသူကား သေပြီးနောက်
အပါယ်ဘဝ ရောက်ရသူများတည်း။

နေလျက်နှင့် သေသူကား အမှတ်ကင်းသ
ဖြင့် လူစိတ်ယွင်း နေသူများပင်တည်း။

ထိုသို့သေသူ၊ရှင်သူ နှစ်မျိုးရှိချေရာ.....

သေလျက်နှင့်ရှင်သူကား ရှာမှရှား၏၊သေ
ခါနီး ရုန်းရင်းဆန်ခတ်တို့အကြားမှ ရံတစ်
ခါမျှ လေ့ကျက်မိခြင်း၊ပျောက်ကြားစံနစ်
ဖြင့် ပွားထုံမိခြင်းရှိသော ကောင်းမှု၏
ကောင်းအားရုံပေါ်လာဖို့သည်အလွန်မဖြစ်
နိုင်သောကိစ္စဖြစ်သည်ကတစ်ကြောင်း၊
ပေါ်လာသော်လည်း ကံ ကမ္မနိမိတ်ပြ အ
ကြောင်းခံကို ကျော်လျက်က ကတိနိမိတ်
ပေါ်တွင် တက်လိုက်ဖို့ အာရုံမှန် မခံတတ်
သည်ကတစ်ကြောင်း များကြောင့်ပင်...

-သေလျက်က သေသူကသာ များပြား၏။
ကာမအာရုံကြော ပေါလောမျှောလိုက်နေ
လေ့ရှိခြင်း၊ကာမဝတ္ထုခေါ်သားမယားများ
အပေါ် အစွဲနာနေတတ်ခြင်းများကြောင့်
ပင်။

နေလျက်က သေသူကား အားလုံးလိုလို
တည်း။

စိတ်အလိုလိုက်လေ့ရှိသူသည် စိတ်လွတ်
လပ်မှုကို ချုပ်ခြယ်တတ်သော သတိ၏
မှတ်ချက်ယူမှုကို လုံးဝလက်ခံလေ့မရှိ။

ကိုယ့်ကိုယ်ညှာလေ့ရှိသူသည် စွဲစိတ်နှင့်
မှတ်စိတ်တို့ နယ်လုနေချိန်၏ကိုယ်ပင်ပန်း
မှု့ကို ဥပေက္ခာမရှူလိုရကား ထားမြဲ စွဲစိတ်
မှတစ်ပါး မိမိကိုယ်တွင်းသတိကို သွင်းမ
ထားလို။

တိရိစ္ဆာန်ဘဝ အဖြစ်များလာခဲ့သူလည်း
မည်သည့်အာရုံ ခံစားခံစား အမှုမဲ့ အမှတ်
မဲ့ မေ့မေ့ပျောက်ပျောက်ဖြင့်သာ ခံစားလို
ရကား ဘာမဆို မှတ်ချက်ယူခံစားသော
သတိကို လုံးဝလက်မခံ။

သို့ကြောင့် လူဆိုသော်လည်း တစ်ဘဝမျှ
လာရောက်ခွင့်ရ ထိုလူသားများသည်ကား
ဧည့်သည်လိုနေ၊ဧည့်သည်လိုစားမကောင်း
မှုတို့အကြား အချိန်ရှိသမျှ သေစာရင်း
သွင်းနေသူများချည်းသာ။

[၁၃၆၁ ခုနှစ်၊တပေါင်းလဆန်း ၇ ရက်၊
မောနေယျတော].
Credit 🪷 Original Uploader 🙏🙏🙏♥️

677

မဟာဗောဓီမြိုင်ဆရာတော်ဘုရားကြီး၏တရားတော်များ

13 Dec, 03:29

ဖိနပ် သံယောဇဥ်
*******

လူဝတ်ကြောင် ဦးငြိမ်းမောင် ဘဝ ၌
မိုးကောင်း"ဘုရားသို့ နေ့တိုင်း သွား၏။

အစား"အတွက် မှာကား
ပဲဆံ" ရေစိမ်များ ဆောင်ယူလာ၏။

အရင်က ထီး၊ ဖိနပ်" ယူဆောင်သွားပေမဲ့
ကြာသော်"ဖိနပ်တောင် မစီးတော့ပေ။

ယခင်က ထီး၊ ဖိနပ်များကို အနားထား၍
အားထုတ်"နေတုန်း အခိုက်မှာ
ရှပ်ရှပ်" ဟူသော အသံ"ကြားသဖြင့်
သူ"တစ်ပါး ဖြတ်သွား ဖြတ်လာများကို
နားစွင့်ပြီး "ဖိနပ်များ ••• ဆွဲသွားပြီလား၊
ထီး"များ ••• ယူသွားပြီလားဟု
စိတ်"ကစား မိခဲ့၏။

ထို" ရှပ်ရှပ် ••• အသံသည်ကား
လူလား၊ ရဟန်းလား"တော့ မသိ။
ထို ဖြတ်သွား"ဖြတ်လာ သူများကား
သူတော်ကောင်းမှန်း၊
သူယုတ်မာမှန်း လဲမသိ၊
ထို ပြစ်မှား"မှုကား
မိမိကိုပင် ထိခိုက်ရချေတော့၏။

အခိုး"မခံရပဲ ••• အခိုးခံ နေ ရ ၏။

ပါမသွား"ပါပဲ နေ့စဉ် ••• ပါနေခဲ့၏။

သံသယ"စိတ်တွေနှင့် သူတစ်ပါးတို့အား
ပြစ်မှားနေခြင်းသည် ကား
အကုသိုလ်ကြီးလွန်းလှပါ၏။

ယခု"သော်ကား

အနားမှာ ရှုပ်ချင်သလောက်" ရှုပ်
စိတ် မရှုပ်တော့ပြီ။
ဖြတ်ချင်သလောက် ဖြတ်
စိတ်ကား ပြတ်နေချေပြီ။

ထီး၊ ဖိနပ်•••တို့၏
အရေးတင်"အေးရတာ မဟုတ်၊
စိတ်လဲ အေးနေရပြီ။

ဖိနပ် ••• ဆိုသော အစွဲ"တစ်ခု
ပြုတ်သွားခြင်းက
ဤမျှ"လောက် အေးစေနိုင်ပါမူ
ရှိသမျှ အစွဲ"အကုန် ဖြုတ်ချလိုက်သော်

ဤကား ဖိနပ်တစ်ရံ မဆက်ဆံ မိရာမှ
ပေါ်ထွက်လာသော
အတွေးစများ•••တည်း။

မဟာဗောဓိမြိုင်ဆရာတော်ဘုရားကြီး
Credit 🪷 Original Uploader 🙏🙏🙏♥️

557

မဟာဗောဓီမြိုင်ဆရာတော်ဘုရားကြီး၏တရားတော်များ

20 Nov, 12:00

အရင်းမနာစေချင် အဖျားမခါစေနဲ့

လူသည် ကောင်းမှုကို အရင်းတည်ရာမှရလာသော ဘဝတည်း။
မကောင်းမှုကြောင့် ရလာသော လူ့ဘဝမရှိ။
မကောင်းမှုဖြင့် တွဲဖက်ပြုကျင့်သော ကောင်းမှုမှ ရလာသော
ဘဝသည်ပင် လူစင်စစ် မဖြစ်။

ထိုကောင်းမှု အရင်းတည်ဖြင့် ရလာသော လူ့ဘဝကို

- တစ်ဖက်အာရုံနောက် လိုက်လျက်က ရမ္မက်ဖြင့် စိတ်လှုပ်ရှားစေသော်
- တစ်ဖက်အာရုံနောက် လိုက်လျက်က အမျက်ဖြင့် စိတ်လှုပ်ရှားစေသော်
- တစ်ဖက် အာရုံနောက် လိုက်လျက်က အမက်ဖြင့် စိတ်လှုပ်ရှားစေသော်
ထိုသူ၏ နောက်ဘဝ လားရန်ဂတိကား
သေခါနီး ရမ္မက်လှိုက် ကြိုက်စိတ်က ဦးသွားသော် စွဲရာ၌ ပြိတ္တာ။
သေခါနီး အမျက်တိုက် မုန်းစိတ်က ဦးသွားသော် ဆွဲရာ၌ငရဲ။
သေခါနီး အမက်ဆိုက် မသိခိုက် စိတ်က ဦးသွားသော် လွှဲရာ၌ တိရစ္ဆာန် ဧကန်ပြန်ရမည်ဖြစ်ရာ
ထိုသူကား အရင်းနာသွားပြီ။ ။

🙏မဟာဗောဓိမြိုင်ဆရာတော် 🙏

Credit to original 🙏 🙏 🙏

143

မဟာဗောဓီမြိုင်ဆရာတော်ဘုရားကြီး၏တရားတော်များ

20 Nov, 05:56

https://t.me/mastereto

141

မဟာဗောဓီမြိုင်ဆရာတော်ဘုရားကြီး၏တရားတော်များ

20 Nov, 05:54

ဆွမ်းတော်တင်တာ
ပန်း , ရေချမ်း , ဆီမီး ကပ်တာတွေဟာ
ဘုရားအတွက် မဟုတ်ဘူး အဲဒီ ကုသိုလ်တွေက
ကိုယ့် အတွက်ဗျ။

ကိုယ် ကောင်းကောင်းမွန်မွန် လုပ်ရင်
ကိုယ် ကောင်းကောင်းမွန်မွန် အကျိုး ရမှာပဲ။

ဝတ္တရားလို သဘောထားပြီး
ဝတ္တရားလိုပဲ လုပ်ရင်
အကျိုးပေးကလည်း ဝတ္တရားပေး, ပေးမှာပါ။

သက်တော်ထင်ရှား ဘုရားရှင်ကို မှန်းဆကာ
စေတနာသုံးတန် ပြဋ္ဌာန်းပြီး
စေတနာပါ, ပါ လုပ်ရင် အကျိုးပေးတဲ့အခါမှာလဲ
ထူးထူးခြားခြား အကျိုး ပေးမှာပါ။

ဆွမ်း စတာတွေကို
ဘုရားရှေ့မှာ သွားလှူတာဟာ
ကိုယ့်အတွက်ကောင်းကျိုးတရားတွေကိုသွားယူတာ။ကိုယ်ယူတတ်ရင် ယူတတ်သလောက် ရမှာပဲ။

အလှူ ဆိုတာ
တကယ်တော့ အယူပါ
မယူတတ်ရင် ကုန်မယ် , ယူတတ်ရင် စုံတယ်။

စေတနာလေး စစ်စစ်သာထား …
နည်းတယ်ထင်တဲ့ ဒီကုသိုလ်လေးက
သွားချင်တဲ့ နတ်ပြည်ကို သွားလို့ ရတယ်ဗျ
အမြတ်များတယ် လှူတတ်ရင်ပေါ့။

(မဟာဗောဓိမြိုင်ဆရာတော်ကြီး)
Credit Original Uploader 🙏🙏🙏♥️

151

မဟာဗောဓီမြိုင်ဆရာတော်ဘုရားကြီး၏တရားတော်များ

19 Nov, 09:29

နောက်ဘဝဆိုတာ သေချာပါ့မလား
*******

ခုလူတွေ ရှေးကနဲ့စာရင် တော်တော်ရိုင်းလာတယ်၊တော်တော်ဆိုးလာတယ်၊ သို.သော် နောက်လာမယ့်လူတွေနဲ.စာရင် ဒါတွေ တော်တော် တော်တယ်နော်။

နောက်ပေါင်းရမယ့်လူတွေကလည်း ခုလိုလူမျိုးခုလို ပတ်၀န်းကျင်မျိုး မဟုတ်တော့ဘူးဗျ။

ဆုတ်ခေတ် နက်ဖြန်ခါ ဒီထက်ဆုတ်မယ်၊နောက်နေ. ဒီထက်ဆုတ်မယ်။ တက်လိမ့်မယ်မထင်နဲ.။ဆုတ်ခေတ်၊ ဆုတ်တာက ရိုးရိုးဆုတ်တာမဟုတ်ဘူး၊
တလိမ်.လိမ်.ဆုတ်နေတာ။ များများမဟုတ်ဘူး၊နောက်ထပ် နှစ်ဆယ်လောက် ဆက်နေကြည်.၊အဲဒီအခါ အခုလက်ရှိလူတွေကို ကျေးဇူးတင်လိမ်.မယ်။

တစ်ဘ၀နဲ.ပြီးမှာ မဟုတ်ဘူးနော်၊ ပြီးတော. ကျင့်နည်းကလည်း
သာသနာနဲ.ကြုံမှ ၊ တို့က သာသနာရှိနေတုန်း တခြားရောက်နေရင်
ဒီနည်းသည် တို့နဲ့မဆိုင်၊ သာသနာတို့နဲ့မဆိုင်ဖြစ်သွားမယ်နော်။

အရူပဘုံ၊ ရူပဘုံဆိုတဲ့နေရာမျိုး. တစ်ဖက်သတ်အကျင့်နဲ.ရောက်သွားရင်လည်း
တို.သာသနာနဲ.လွဲမှာနော်၊ သာသနာက နှစ်ထောင့်ငါးရာကျော်ပြီလေ၊
နောက်တစ်ခါလူလာဖြစ်ရင် ဒီသာသနာရှိမှာလား။နောက်တစ်ခါလူလာဖြစ် သာသနာကြုံဖို.တော်တော်ခက်မယ်။ကြုံတယ်ပဲထား ၊ ကြိုက်ဦးမှဗျ။

စာအဆိုကမြေဆီကအနှစ်တစ်ရာမှာတစ်လက်မတစ်လက်မ လျော.တာကိုး၊ မြေဆီမှီ၍အစာဖြစ်ရတာ ၊ဘာလို့.လျော့တုန်း၊ ဥတုကလည်း အအေးပိုင်းကနေ အပူဘက်ကူးနေတာ၊

နောက်တစ်ခါလူလာဖြစ်ရင် ကိုယ်ပဋိသန္ဓေနေရမယ့် အမေအဖေကလည်း
ရုပ်ဓါတ်သေးသေး၊ စိတ်ဓါတ်သေးသေးနေမှာ။ အဲဒီထဲကို လူလာဖြစ်ရတော့
တို့ရုပ်ဓါတ် စိတ်ဓါတ်လည်း ခုလောက်ကို ရှိမှာမဟုတ်တော့ဘူး။

ဥတုပူရင် အာဟာရပူမှာပေါ့၊ အာဟာရပူရင် စားရတဲ့ရုပ်ကလည်း
လှီလာမယ်၊ စိတ်ကလည်းသေးလာမယ်။ အဲတော့
ကောင်းတာလည်း ခံနိုင်စိတ်မရှိတော.ဘူး၊ ဆိုးတာလည်း
ခံနိုင်စိတ်မရှိတော.ဘူး။ တို့တရားအားထုတ်တဲ.ပုဂ္ဂိုလ်က
ကောင်းကောင်းဆိုးဆိုး သိချင်တာ တစိုက်မတ်မတ်ကြည့်ရတာလေ။
အဲတော့ တို့ဟိုကျတော့ ဒါတွေ ခံနိုင်မှာ မဟုတ်တော့ဘူး။

အဲတော့ ဥတုပူရင် အဆီဆုတ်မှာပေါ.၊
အဆီဆုတ်ရင် အစာကြမ်းမယ်၊ စားတဲ.အစာကြမ်းရင်
အကြောအချဉ်တွေမာကြောလာတယ်၊ အကျိတ်အဖုတွေ
ကြီးထွားလာတယ်၊ ဒါကြောင်.မို. စိတ်တွေက ထန်လာတယ်။
ရုပ်ဓါတ်လည်းမခံနိုင်တော့ စိတ်ဓါတ်လည်းမခံနိုင်ဘူး လောကဓံကို။

အဲတော့ အကြိုက်တွေ့လည်း ဆွေ့ ဆွေ့ ခုန် ဘာဖြစ်ဖြစ်ပဲ၊
အမုန်းတွေလည်း ဆွေ့ ဆွေ့ ခုန် ဘာဖြစ်ဖြစ်ပဲ။အဘိဇ္စျာဆိုတဲ. အလိုကြီးမှု အားကြီးလာပြီ။ဗျာပါဒ အားမလို အားမရစိတ် အားကြီးလာပြီ။

ဒါ အခု လက်ရှိ၊ နောင်ဒီထက်ဆိုးမှာနော်။
အဲတော့ ဥတုပူလို့ အစာပူတယ် ၊ အစာပူလို. ရုပ်ပူတယ်၊
ရုပ်ပူလို. စိတ်ပူတယ်၊ စိတ်ပူတော့ကံပူတွေ လုပ်မှာပေါ.။
ကံနဲ.စိတ်နဲ. ခပ်ပူပူလုပ်တော့ ဥတုကလည်း ပိုပူမှာပေါ.။
တိုးတက်ဖို. မြင်သေးသလား။ လူ့ဘုံပြန်လာချင်သေးသလား။

အဲတော. နောက်တစ်ခါ လူလာဖြစ်ရင် ဒီအခွင့်အရေး ဘာမှမရှိဘူး၊
ဒီပတ်၀န်းကျင်မျိုး ဘာမှမရှိဘူး။ ကိုယ့်ကိုယ်ကိုလည်း
ခုအခွင့်အရေးမျိုး မရနိုင်တော့ဘူးလေ။ အဲတော့ တို့ဘာလုပ်ရမလဲ။

ကျင့်ပုံ ကျင့်နည်း ဘုရားဟော တရားတွေကလည်း အဆင်သင့်၊
နည်းပေးလမ်းပြလုပ်မယ့် သံဃာတော်တွေကလည်း အဆင့်သင့်
ဒီထက် ပြည့်စုံစရာ မရှိတော့ဘူး။

တို့ထဲက ဒကာ၊ ဒကာမတွေက ဘယ်တော့ ကျင့်ကြံမှာတုန်းဗျာ။
လူ့ဘဝရောက်တုန်း၊သာသနာလည်း ပွင့်တုန်း၊တရားပြပေးမယ့်သူ ရှိတုန်း၊ကျန်းမာရေးလည်း ကောင်းတုန်း၊
ဒီတုန်းလေးတုန်းကို တိုင်ထောင်ပြီး အိမ်တစ်ဆောင်လောက် မဆောက်နိုင်ရင်
ဘယ်လိုနေပြီး ဘယ်လိုသေကြမှာပါလိမ့်ဗျာ...

မဟာဗောဓိမြိုင်ဆရာတော်ကြီး
Credit Original Uploader 🙏🙏🙏🪷

205

မဟာဗောဓီမြိုင်ဆရာတော်ဘုရားကြီး၏တရားတော်များ

18 Nov, 04:02

✿ အရင်းမနာစေချင် အဖျားမခါလေနှင့်
__________
လူသည် ကောင်းမှုကိုအရင်းတည်ရာမှ ရလှာသောဘဝတည်း။
မကောင်းမှုကြောင့် ရလာသော လူ့ဘဝ မရှိ။
မကောင်းမှုဖြင့် တွဲဖက်ပြုကျင့်သော ကောင်းမှုမှရလာသော
ဘဝသည်ပင် လူစင်စစ်မဖြစ်။

ထိုကောင်းမှု အရင်းတည်ဖြင့် ရလာသော လူ့ဘဝကို
- တစ်ဖက်အာရုံနောက် လိုက်လျက်က ရမ္မက်ဖြင့် စိတ်လှုပ်ရှားစေသော်
- တစ်ဖက်အာရုံနောက် လိုက်လျက်က အမျက်ဖြင့် စိတ်လှုပ်ရှား စေသော်
- တစ်ဖက်အာရုံနောက်လိုက်လျက်က အမက်ဖြင့် စိတ်လှုပ်ရှားစေသော်
ထိုသူ၏ နောက်ဘဝ လားရန်ဂတိကား
- သေခါနီး ရမ္မက်လှိုက် ကြိုက်စိတ်က ဦးသွားသော် စွဲရာ၌ပြိတ္တာ။
- သေခါနီး အမျက်တိုက် မုန်းစိတ်က ဦးသွားသော် ဆွဲရာ၌ ငရဲ။
- သေခါနီး အမက်ဆိုက် မသိခိုက် စိတ်ကဦးသွားသော် လွှဲရာ၌ တိရစ္ဆာန် ဧကန်ပြန်ရမည်ဖြစ်ရာ ထိုသူကား အရင်းနာသွားပြီ။ ။

#မဟာဗောဓိမြိုင်ဆရာတော် #သုဝဏ္ဏသျှမ်
https://www.facebook.com/thuwannashan
#စာဖတ်သူတစ်ယောက်၏မှတ်စုများ
Credit Original Uploader 🙏🙏🙏♥️

234

မဟာဗောဓီမြိုင်ဆရာတော်ဘုရားကြီး၏တရားတော်များ

16 Nov, 12:18

အရာရာသတိရှိ

ဆုတ်ကပ်ခေတ်ကြီးထဲရောက်နေတာမမေ့နဲ့။
မြင်နိုင်တဲ့အန္တရာယ်ရှိသလိုမမြင်နိုင်တဲ့အန္တရာယ်ရှိတယ်ဆိုတာကိုလည်းမမေ့နဲ့။
သရဏဂုံသုံးပါးနဲ့ငါးပါးသီလမြဲအောင်ထိန်းသိမ်းစောင့်ရှောက်ဖို့ကိုလည်းမမေ့နဲ့။
ဒီတစ်ဘဝထည်းနဲ့ပြီးမသွားဘူးဆိုတာလည်းမမေ့နဲ့။
ပြုပြီးသောအကုသိုလ်များကြေပျောက်ဖို့ရန်ဝိပဿနာပွားများအားထုတ်ဖို့ရန်လည်းမမေ့နဲ့
မဟာဗောဓိမြိုင်ဆရာတော်ဘုရားကြီး

🙏🙏🙏🙏🙏🙏🙏🙏🙏

#ဓမ္မဒါနမျှဝေပူဇော်ပါသည်
Credit Original Uploader 🙏🙏🙏🪷

389

မဟာဗောဓီမြိုင်ဆရာတော်ဘုရားကြီး၏တရားတော်များ

14 Nov, 00:09

✿ အဝသုံး မဆုံးတရား နာရမည်
__________
အဝ ဟူသောစကားသည်...
တံခါးပေါက်ဝကိုလည်းကောင်း၊ လမ်းထိပ်ဝကိုလည်းကောင်း၊ အဝအပြဲကိုလည်းကောင်း ဟောလေ့ရှိရာ မဆုံးဟူသော သင်္ကေတ သို့ပင် ဆိုက်စေ၏။
ကာမအရသာများ ဖြစ်ကြလေသော...
ကြည့်ရှုခြင်း၊ နားထောင်ခြင်း၊ နမ်းခြင်း၊ စားခြင်း၊ ထိတွေ့ ခြင်းများကို သုံးရာတိုင်း၌...
အကြိမ်အားဖြင့် မည်မျှ တဝတပြဲ အားခဲသုံးစေ...
အချိန်အားဖြင့် မည်မျှ တနင့်တပိုး ကြိုးစားစေ...
မြင်ခြင်း၊ ကြားခြင်းစသည်များ၏ အစမျှဖြင့်သာ ပြီးပြေသွား လေရာ၊ မည်သည့်ဘဝကာလမှာမှ ဆုံးမည် မဟုတ်ပြီ။
အချိန်နှင့် ယှဉ်ပြေးလျက်ရှိသော အရွယ်၏ သွေးစများဖြင့် သာ အစသတ်ထားလေရာ နောက်နောက်အချိန်များနှင့် ယှဉ်ပြိုင်ပြေး လာဦးမည့် နောက်နောက် အရွယ်များ၏ သွေးဆုံးကား မဟုတ်လေ သေးသောကြောင့် မည်သည့်ဘဝ၊ မည်သည့်ကာလမှာမှ ဆုံးပါးအံ့ မထင်ပြီ။
သင်သည် မည်သည့်အာရုံကို ဖမ်းယူခံစားစေ၊ အဝမျှတွင် မရပ်တန့်မူ၍ အတွင်းအထိ စင်းစင်းသိသို့ ဆိုက်အောင် သုံးဆောင် တတ်ပါမူကား...
တစ်ချက်သုံး တစ်သက်လုံးလုံးအထိ ပြည့်စေသည်။
တစ်ချက်သုံး တစ်ဖက်အဆုံးအထိလည်း ထိမိမည်။

#မဟာဗောဓိမြိုင်ဆရာတော်
#သုဝဏ္ဏသျှမ် #ဓမ္မနီတိကထာ
https://www.facebook.com/thuwannashan/
#စာဖတ်သူတစ်ယောက်၏မှတ်စုများ
#၁၃၆၁ ခုနှစ်၊ #ဒုတိယဝါဆိုလပြည့်ကျော်_၁၃ ရက် #ဂန့်ဂေါ
Credit Original Uploader 🙏🙏🙏🪷

408

မဟာဗောဓီမြိုင်ဆရာတော်ဘုရားကြီး၏တရားတော်များ

11 Nov, 14:32

မာရ်နတ်မင်းက
" ငါ့နောက်ကရှိသမျှနတ်တွေက
ငါ့သက်သေတွေပဲ " ဆိုတော့
ရှိသမျှနတ်ပြည်ခြောက်ထပ်ကနတ်တွေက
ဟုတ်ပါတယ် ဟုတ်ပါတယ်နဲ့ ။

အရှင်ဘုရားက သက်သေပြပါဆိုတော့
ဒို့ ဘုရားရှင်က
" မင်းလိုတော့ ဘာမှမပြနိုင်ဘူး သို့သော်
ငါက လှူတိုင်း လှူတိုင်း
ဟောဒီမြေကြီးပေါ်ကိုရေစက်ချခဲ့တယ် "
" ငါ မြေကိုသက်သေပြုမယ်ဆိုပြီး
သက်သေပြုတာ "

ဒို့ ဘုရားတွေ ပုံတော်တွေ တွေ့ပါလိမ့်မယ်
မြေကြီးကို လက်ညှိုးထိုးထားတာလေ
ဘူမိဖဿမုဒြ လို့ခေါ်တယ် ။
အဲဒါသက်သေပြုထားတဲ့ဟာဗျ ။

#အဲ့တော့ ဒို့ အမျှဝေတာသည်
( ၁ ) ကိုယ်လိုကုသိုလ်ကောင်းမှုမလုပ်နိုင်သူတွေ
ကိုယ်လိုရအောင်
( ၂ ) ကိုယ့်အတွက် အမှုဖြစ်ခဲ့ရင် ခိုင်လုံအောင်လို့
ဒီအမျှဝေတာ သက်သေလိုချင်လို့ ။

ဒီ ၂ချက်နဲ့ အမျှဝေတာနော် ဟုတ်ကဲ့လားဝေနိုင်ကြပါ့လား ?
( ကြိုးစားပါ့မယ်ဘုရား )

#ကျေးဇူးတော်ရှင်
မဟာဗောဓိမြိုင်ဆရာတော်

🙏🙏🙏🙏🙏
Credit Original Uploader 🙏🙏🙏🪷

517

မဟာဗောဓီမြိုင်ဆရာတော်ဘုရားကြီး၏တရားတော်များ

11 Nov, 14:32

❝ အမျှဝေရခြင်းရဲ့ ရည်ရွယ်ချက် ❞

🍁အမျှဝေတာ ခိုင်လုံတဲ့သက်သေလိုချင်လို့မှတ်🍁

ဒို့ ကိုယ်ပြုထားတဲ့ ကုသိုလ်ကောင်းမှုတွေကို
မြင်အပ် မမြင်အပ်
မြေပေါ် မြေအောက်
အဝေး အနီး
အကုန်လုံးကို မျှရမယ်နော်
စေတနာလေးကိုထင်တယ်
စေတနာလေးကို အမျှပေးမှာ ။

ဘာဖြစ်လို့တုန်း
ဒို့ အကုန်လုံး ကိုယ်စီကိုယ်ငှ ဒုက္ခတွေနဲ့ပါ ။
အားလို့ ကုသိုလ်ကောင်းမှု လာလုပ်ကြတာ
မဟုတ်ပါဘူး ။
ဘုရားသာသနာနဲ့ကြုံတုန်းဆိုပြီး
ကိုယ်သုံးမယ့်ဟာလေးထဲကနေ ကိုယ်ကျိုးစွန့်ပြီး
သာသနာအတွက် သူတို့တတ်နိုင်သမျှ
ကုသိုလ်ကောင်းမှု လုပ်ကြတာပါ
ဒီစေတနာလေးထင်တယ် ။
( မှန်ပါဘုရား )

အဲ့တော့
မိမိတို့ပြုလုပ်တဲ့ကုသိုလ်ကောင်းမှုကို
အမျှဝေတယ်ဆိုတော့
ဒို့က ရှေ့ကနေ ' အမျှ အမျှ အမျှ ' ဆိုလို့
' အမျှ အမျှ အမျှ ' လို့ လိုက်လုပ်မလာနဲ့
ဟုတ်ကဲ့လား ။
( မှန်ပါဘုရား )

ဟိုကလည်း ' သာဓု သာဓု ' နဲ့လုပ်တော့မှာ ။

ဒို့ အမျှဝေတဲ့အခါ ဝေသူကလည်း
" ငါ ဒီကုသိုလ်စေတနာကြာင့် လူသူဋ္ဌေးဖြစ်ခဲ့ရင်
သာဓုခေါ်သူတွေအကုန်လုံး ငါလို သူဋ္ဌေးဖြစ်ရမယ် "
ဒါ မျှတာထင်တယ် ။
( မှန်ပါဘုရား )

" ငါ ဒီကုသိုလ်စေတနာကြောင့် နတ်သူဋ္ဌေးဖြစ်ခဲ့ရင်
သာဓုခေါ်သူတွေအားလုံးလည်း
ငါလိုနတ်သူဋ္ဌေးဖြစ်ရမယ် "
အဲဒါ မျှတာနော် ဟုတ်ကဲ့လား ?
( မှန်ပါဘုရား )

ဒို့ အမျှဝေတဲ့အခါ
အော်နေကြမို့အော်တာ မဖြစ်စေနဲ့ ဟုတ်ကဲ့လား ။
( မှန်ပါဘုရား )

အဲ့တော့ ဒို့ အမျှဝေလိုက်ပြီဗျား ။
ဟိုကလည်း ဒီစေတနာလေးကိုပဲ
အသိအမှတ်ပြုပြီး ' သာဓု သာဓု ' ခေါ်လိုက်ပြီ ။
သူ့စေတနာလေးရဲ့အအေးဓာတ်ကို
ဒီက သာဓုနဲ့ ကူးယူလိုက်တာထင်တယ် ။
( မှန်ပါဘုရား )

သူ့ကို မနောကနေပြီး နှလုံးသားကနေပြီး
စေတနာလေးနဲ့ ပို့လွှတ်လိုက်တဲ့
အဲဒီမေတ္တာဓာတ်အားလေးကို
ဒို့ ဘက်ကလည်း ' သာဓု ' ဆိုတာ
ကောင်းတဲ့စိတ်ကလေးနဲ့
ဝမ်းမြောက်ဝမ်းသာစိတ်ကလေးနဲ့
မျှယူလိုက်တာဗျား ခွဲယူလိုက်တာဗျား ။
( မှန်ပါဘုရား )

တကယ်လို့များ ဒီက အမျှဝေသူနဲ့ သာဓုခေါ်သူနဲ့
လူ့ဘဝမှာ မျက်နှာချင်းဆိုင်များ
စျေးဆိုင်နှစ်ဆိုင်ဖြစ်နေရင်
ဘယ်လိုသဘောထားမတုန်း ။

အမျှဝေကတည်းက အူလှိုက်သဲလှိုက်နဲ့
" ငါ ဒီကုသိုလ်ကြောင့် လူချမ်းသာ
နတ်ချမ်းသာရခဲ့ရင် သာဓုခေါ်သူတွေလည်း
ငါလို ရပါစေ " ဆိုတဲ့
ဒီစေတနာလေးထားခဲ့ရင်တော့
ဟိုဆိုင်ကဘယ်လောက်ကြီးသွားသွား
ဣဿာ မစ္ဆရိယ ဆိုတဲ့ မနာလိုငြူစူမှု ဝန်တိုမှုမဖြစ်တော့ဘူး။

အမျှဝေကတည်းက အဲဒီလိုစေတနာထားခဲ့ရင်
ကိုယ် အမျှဝေတာ သာဓုခေါ်လို့ ကိုယ်နဲ့တန်းတူဖြစ်လာတယ်။
မိမိရဲ့ဒါနကိုအမှီပြု၍ သူသည် မိမိကဲ့သို့
ကောင်းစားလာရင်လည်းပဲ
" တော်လိုက်တာ သူ့အကျိုးပေးလေး
ကောင်းလိုက်တာ " ဆိုပြီး ဝမ်းမြောက်တဲ့စိတ်ထားနိုင်တယ် ။

အဲ့တော့ အမျှဝေတယ်ဆိုတာ အဲ့လောက်ထိစဉ်းစားရမယ် ။

ကုသိုလ်ကောင်းမှုကို -
တစ်ချို့က လုပ်နိုင်တယ် စေတနာမပါလို့
မလုပ်နိုင်တာတွေလည်းရှိသေးတယ် ။

တစ်ချို့က စေတနာပါတယ် ဒို့လို ပစ္စည်းမရှိလို့
ကိုယ်ကျိုးမစွန့်နိုင်လို့ မလုပ်နိုင်တာလည်းရှိတယ် ။

တစ်ချို့က ကိုယ်ကျိုးလည်းစွန့်နိုင်တယ်
ဒါပေမယ့် ဒို့လို ဘူတရုပ်မဟုတ်လို့မလုပ်နိုင်ဘူး ။

ဒီလိုပုဂ္ဂိုလ်တွေကို ကိုယ်နဲ့တန်းတူထားပြီး
သြော် သူတို့လည်း ငါလို ကုသိုလ်ကောင်းမှု
လုပ်ချင်ရှာမှာပဲ ငါလိုလှူချင်ရှာမှာပဲ
ကုသိုလ်ထုပ်ဆိုတာ လူတိုင်းယူချင်တာပဲ
သူတို့မှာ အကြောင်းမညီညွတ်လို့ မယူရတာ ။

သူတို့လေးတွေကို
ငါပြုတဲ့ကုသိုလ်ကောင်းမှုစေတနာလေးတွေနဲ့
ငါအမျှဝေလိုက်မယ်ဆိုတဲ့ စေတနာလေးနဲ့
အဲဒီရည်ရွယ်ချက်နဲ့ အမျှဝေရမယ် ရမ်းမအော်နဲ့ ။
ဝေနိုင်ပါ့မလား အဲဒီလို ။
( မှန်ပါဘုရား )

#အမျှဆိုတာ ကိုယ်နဲ့တန်းတူမျှလိုက်တာကို
ပြောတာလေ ဟုတ်နော် ။
ကိုယ်နဲ့တန်းတူမျှရမှာ ။
ပြောကတည်းက အမျှလို့ပြောတာလေ ။

ဒို့ သစ်ပင်များစိုက်ရင် ကိုင်းကူးကိုင်းဆက်ဟုတ်နော် ။
ဒီမှာလည်း စေတနာအကူးအဆက် ။

ဒီက အပင်ပန်းခံလုပ်တဲ့စေတနာကို
ဟိုက သာဓုခေါ်ရုံလေးနဲ့ ရမှာ
စေတနာအကူးအဆက် မှတ်မိနော် ။
( မှန်ပါဘုရား )

အဲ့တော့
ဒို့ သာဓုခေါ်သူကလည်း
သြော် သူ့ လှူနိုင်လိုက်တာ
ငါတို့သူ့လို မလုပ်နိုင်ဘူး
သူ့ အပင်ပန်းခံ လုပ်ရှာတာ
ငါတို့သူ့လို မလုပ်နိုင်ဘူးဆိုပြီး
ဝမ်းမြောက်ဝမ်းသာနဲ့ သာဓုခေါ်ရမှာ ။

အဲ့တော့ ခင်ဗျားတို့
ဝမ်းမြောက်ဝမ်းသာနဲ့သာဓုခေါ်တာလား
မျက်နှာလွဲခဲပစ်ခေါ်တာလား ?
( သူများအော်လို့ အော်တာပါဘုရား )
( အခု ဝမ်းမြောက်ဝမ်းသာ ခေါ်ပါ့မယ်ဘုရား )

အမျှဝေတာ သာဓုခေါ်တာလည်း
ဝတ်ကျေတန်းကျေ မဖြစ်ပါစေနဲ့ ။
( မှန်ပါဘုရား )

ဒို့ အမျှဝေတဲ့ရည်ရွယ်ချက်က ၂ခု ။
၁ ။ ကိုယ်လိုမလုပ်နိုင်သူတွေကို ကိုယ်လို
ရပါစေတော့ဆိုတဲ့ စေတနာနဲ့ဝေတာသည်
နံပါတ် ( ၁ )

၂ ။ နံပါတ်နှစ်က သက်သေယူတာ ။
အမှုဖြစ်ရင် သက်သေပါရမှာကိုး
သက်သေ သက်သေ ဟုတ်နော် ။

ဘုရားအလောင်းတော် နုစဉ်ဘဝက
ဒီလိုပဲ အမျှဝေခဲ့တာလေ ။
ဒါကြောင့်မို့ ဗောဓိပင်နှင့်ရွှေပလ္လင်မှာကျတော့
မာရ်နတ်ကလာလုတော့ သက်သေယူရတာလေ ။

390

မဟာဗောဓီမြိုင်ဆရာတော်ဘုရားကြီး၏တရားတော်များ

09 Nov, 11:08

သာသနာက (၃) ထောင်ထက်မပိုဘူး၊ သာသနာ နောက်ဆုံး
➖🍒➖🍒➖🍒➖🍒➖

➖သာသနာနောက်ဆုံး။
🌷တို့ဥပဇ္ဇယ်မိန့်သွားတာ၊ (၃၀၀၀) ထက်မပိုဘူး သာသနာက။
➖ဘာဖြစ်လို့တုန်း၊ တဖြည်းဖြည်းနဲ့ အာရုံရဲ့ အတိုက်ကြမ်းမှု၊ ကိလေသာရဲ့ အတိုက်ကြမ်းမှု၊ ဟုတ်ကလား။
🌻ပြီးတော့ တက်တဲ့အချိန်မှာ တို့အာရှတိုက်က ဦးဆောင်တယ်။
➖ဆုတ်တဲ့အချိန်မှာ တခြားတိုက်က ဦးဆောင်တာ။
🌷ဆုတ်ခေတ်က တဏှာဦးစီးတာကိုး။
➖တက်ခေတ်က သဒ္ဓါဦးစီးရမှာကိုး။
📌 တို့အာရှတိုက်ဆိုတာ စာလို "အရိယ"
➖"အရိယ" ကို ဘိုလိုရေးတော့ "အေးရှ" ဒါနဲ့ အခုလို အာရှဖြစ်လာတာ။
🌷အဲဒါ ပါဋိစကား။
➖"အရိယာ" ကို ဘိုလိုရေးတော့ "အာရှ"ဖြစ်နေတာ
🌷အရိယတိုက်ဗျ။
➖အဲ့တော့ အတက်မှာ တို့က ဦးဆောင်ရတာ။
🌷အက်မှာ သူတို့ဘက်က။
➖အဲ့တော့ သူတို့ဦးဆောင်တာ တော်တော်ကို ပီပြင်နေပြီဗျ။
🌷အကုန်လုံး သူတို့နောက် လိုက်နေရတာလေ။
➖ကွဲမယ် အဲ့ခါကျ။
🌷ဆန့်ကျင်ဘက် ၊သူတို့က တဏှာ မာန ဒိဌိ ဦးဆောင်တယ်
➖ဒါနဲ့ ချဲ့ရတာ မဟုတ်ဘူးလား။
🌷သူတို့က တဏှာ မာန ဒိဌိ နဲ့ ချဲ့ရတာ။
➖တို့က သဒ္ဓါ ပညာ သမ္မာဒိဌိ နဲ့သွားရမှာ။
🌷မတူဘူး ဆန့်ကျင်ဘက်။
➖အဲ့တော့ ဟိုဘက်က အားကောင်းရင် ဒီဘက်က အားလျှော့ပေးရမှာ။
🌷(၃) ထောင်ထက် မပိုဘူး။
➖အဲ့တော့ အခုပဲ (၂၅၀၀) ကျော်နေပြီပဲ။
🌷(၄၀၀) ကျော်လောက်ပဲ ကျန်တော့တာ။
➖အဲ့ဒီ (၄၀၀) ကျော်က နောက်တစ်ခါ လူလာဖြစ်ရင် ဒီသာသနာနဲ့ ကြုံပါဦးမလား?။
🌷(၄၀၀) ကျော်ပဲ ကျန်တော့တာ။
➖ကျုပ်တို့က အထက်တက်မလား?၊ အောက်ဆင်းမလား? သိမှ မသိပဲ။
🌷အထက်တက်လဲ တမျော်တခေါ်။
➖တို့ စတုမဟာရာဇ် နတ်မင်းရဲ့ သက်တမ်းက အနှစ် (၅၀၀) ၊တို့ လူသက်နဲ့ဆို အနှစ် (၉) သန်း။
🌷သူတို့ (၅၀၀) က တို့လူသက်နဲ့ဆို အနှစ်(၉) သန်း ညီမျှတယ်။
➖အခု ရုပ်ကစိုးနတ်တွေက စတုမဟာရာဇ်နတ်တွေပေါ့။
🌷အနှစ်(၉) သန်းဗျ။ မှီမလား ဒီ(၄၀၀) ကျော်ကို။

🙏မမှီပါဘုရား။

➖နောက်တခါ လူလာဖြစ်ရင် မမှီနိုင်ဘူး။
🌷ငရဲသက်တမ်းလဲ တွက်ကြည့်ပေါ့ဗျာ။
➖ဟုတ်တယ်နော်။
🌷အဲ နောက်ဆုံး။
➖ဒီအတိုင်းကြီးမနေနဲ့။
🌷ဒါနောက်ဆုံး။
➖နောက်နှစ် ဒီ့ထက် တိုးလာမယ် မထင်နဲ့။
🌷ဆုတ်သထက် ဆုတ်မှာ။
➖တို့အရွယ်တွေကကော နောက်ဆို ဒီ့ထက် အရွယ် ကောင်းမှာတဲ့လား?

🙏မကောင်းပါဘုရား။

🌷ဆုတ်မှာ ခင်ဗျားတို့ တနှစ်ထက် တနှစ်။
➖အခုက အချိန်ကောင်းလေး၊ ယူထားတော့။

🌷စာလိုပြောရရင်တော့ သောတပန်အဆင့်က ခေါင်းပါးတဲ့ အကျင့် ကျင့်ဖို့မလိုဘူး။
➖၅ ပါးနဲ့ရပါတယ်
🌷ဖြစ်ပျက်ရှု့ပြီး ထိသိ မြင်ရမှာ မဟုတ်လား။
➖ထိသိမြင်ရင် ငါစွဲဒိဌိ ရှိဦးမလား။
🌷သူက ဒိဌိတစ်လုံး ပြုတ်တာလေ။
➖အဲ့တော့ သတိနဲ့ ရှု့နေလို့ဖြစ်ပျက် ိမြင်နေတဲ့ ပုဂ္ဂိုလ်၊ ထိသိမြင်နေတဲ့ ပုဂ္ဂိုလ် ဘယ်လိုလုပ် ငါစွဲဝင်နိုင်မှာလဲ။
🌷ငါတွေး မတွေးမိတာ ကြာရှည်လေလေ၊ အစွဲပြုတ်လေပဲ။
➖ငါစွဲ ပါးရာကနဲ၊ နဲရာက စဲသွားမှာပေါ့။
🌷ခေါင်းပါးတဲ့ အကျင့် ကျင့်ဖို့မလိုဘူး။
➖ရွာထဲနေရင်လည်း ရနိုင်ပါတယ်။
🌷ရိပ်သာသွားပြီး ၁၀ ရက်၊ ၁၅ ရက်၊ တစ်လ၊ နှစ်လ ဒီလိုပြောတာ မဟုတ်ဘူး
➖လုပ်စမ်း အချိန်မရှိဘူး။
🌷ဝမ်းစာနဲ့ အသက်မွေးဝမ်းကြောင်းကတော့ ဓာတ်ကောင်နဲ့ ဓာတ်ဥာဉ်က လုပ်လိမ့်မယ်။
➖သူတို့အလုပ် ခင်ဗျားတို့တောင် ဝင်မရှုပ်နဲ့။
🌷တို့က ကိုယ့်အလုပ် ကိုယ်လုပ်ရင် မရနိုင်ဘူလား?
➖သူတို့ ဓာတ်ရုပ်၊ ဓာတ်ကောင်ကတော့ ဓာတ်ရုပ်၊ ဓာတ်ဥာဉ်က ဦးဆောင်ပြီး လုပ်လိမ့်မယ်။
🌷ကိုယ်တောင် လိုက်လုပ်နေဖို့တောင် မလိုပါဘူး။
🌷ကိုယ်က ကိုယ့်အလုပ် ကိုယ်လုပ်ရင် မရနိုင်ဘူးလား။

🙏ရနိုင်ပါတယ် ဘုရား။

➖တခါတည်း ၂လုပ် လုပ်ထား။
🌷သာသနာနောက်ပိုင်း။

➖ခုဏက စကားကျန်ရစ်သေးတယ်၊ ခုဏက ငါသေရတော့မယ် ဒါနံပါတ် ၁စည်း။
🌷ငါ့မိသားစုနဲ့ ခွဲရတော့မယ် နံပါတ် ၂ စည်းနော်။
➖နံပါတ် ၃ စည်းက ဝေဒနာပြင်းထန်လာရင် ကျော်ဖို့ရာ ဒီစိတ်စည်းလုံးမှု အားမကောင်းရင် ကျော်နိုင်ပါ့မလား?

🙏မကျော်နိုင်ပါဘုရား။

🌷ဝေဒနာ ဖြစ်ပျက်မမြင်နိုင်ပဲနဲ့ မကျော်နိုင်ဘူး။
➖ဝေဒနာကျော်ဖို့ အရေးကြီးဆုံး။
🌷ကျော်နိုင်ပါ့မလား?
➖ကျော်နိုင်အောင် လုပ်နော်။
🌷နံပါတ် ၃ စည်း အခက်ဆုံး။
➖အဲ့ဒီ အချိန်မှာ သတိလွတ်မယ်။
🌷သတိလွတ်ရင် ပင်ကိုယ်စိတ်လွတ်တော့မှာ။
➖ပင်ကိုယ်စိတ်လွတ်ရင် အစွဲစွဲရာ ပါရမှာ။

🌷ပင်ကိုယ်စိတ် မလွတ်သေးရင်တော့ ကိုယ်လိုချင်သလိုရတာပေါ့။
➖ပင်ကိုယ်စိတ် လွတ်ရင် သွားပြီ။
🌷အဲ့ဒီ သေခါနီးရဲ့စည်းကျော်ဖို့က စိတ်စည်းလုံးမှု ကိုယ့်ဘက်က စိတ်အားကောင်းထားမှ ကိုယ့်ဘက်က ဥာဏ်အရှိန်အဟုန်ကောင်းမှ ကျော်နိုင်မှာနော်
➖အဲ့လောက်ထိ လုပ်ထားရမှာဗျ။
🌷လူ့ဘဝရောက်တုန်းလေး ၊သာသနာနဲ့ ကြုံတုန်းလေး တို့လက်ဆောင်ပေးလိုက်တာဗျာ။

【 #မဟာဗောဓိမြိုင်ဆရာတော်ဘုရားကြီး 】
ဟောကြားသော "တကယ်ကြောက်ရင် အဟုတ်လုပ်"
တရားတော်မှ ကောက်နုတ်ချက် . . .

-----------------------------------------------------------------------
ပြန်လည်မျှဝေ ကုသိုလ်ပြုပါ၏။
Credit Original Uploader 🙏🙏🙏🪷

518

မဟာဗောဓီမြိုင်ဆရာတော်ဘုရားကြီး၏တရားတော်များ

08 Nov, 22:57

မ မေ့ နဲ့
<><><>

ဆုတ်ကပ် ခေတ်ကြီးထဲ
ရောက်နေတာကို
မမေ့နဲ့ •••

မြင်နိုင်တဲ့ အန္တရာယ် ရှိသလို
မမြင်နိုင်တဲ့ အန္တရာယ်ရှိတယ် ဆိုတာကိုလည်း
မမေ့နဲ့ •••

သရဏဂုံသုံးပါးနဲ့ ငါးပါးသီလ မြဲအောင်
ထိန်းသိမ်းစောင့်ရှောက်ဖို့ကိုလည်း
မမေ့နဲ့ •••

ဒီ တစ်ဘဝတည်းနဲ့
ပြီး မသွားဘူးဆိုတာလည်း မမေ့နဲ့ •••

ပြုပြီးသော အကုသိုလ်များ ကြေပျောက်ဖို့ရန်
ဝိပဿနာ ပွားများအားထုတ်ဖို့ရန်လည်း
မမေ့နဲ့ •••

#မဟာဗောဓိမြိုင်_ဆရာတော်_ဘုရားကြီး

📌 အမှောင်ပျောက်၍ အလင်းရောက်ပါစေ။📌
Credit , Original Uploader
Credit Original Uploader 🙏🙏🙏🪷

390

မဟာဗောဓီမြိုင်ဆရာတော်ဘုရားကြီး၏တရားတော်များ

07 Nov, 15:03

ကျေးဇူးတော်ရှင်
မဟာဗောဓိမြိုင်ဆရာတော်ကြီးဟောကြားတော်မူသော
❝သရဏဂုံရှင်းတမ်း❞

✿ သရဏဂုံနဲ့ သာသနာတည်တာကွဲ့။
သရဏဂုံဆုံးရင် သာသနာကွယ်မှာနော်။
သရဏဂုံနဲ့ တို့သာသနာတည်ထားတာ။
ဟောဒီသရဏဂုံပျောက်ရင် တို့သာသနာပျောက်မှာ။
အဲဒီတော့ တို့က သရဏဂုံကိုမပျောက်အောင် ပွားရမှာ။

✿ အဲဒီတော့ သံဃာများက ဒီလိုပေးဖို့ရာအတွက်
သူတို့ကိုယ်တိုင် အသေခံကျင့်ထားတာ။
ဘုရားကကော အသေခံကျင့်ထားတာ။
လွယ်လွယ်ရတာမဟုတ်ဘူး။
ဘုရားလွယ်လွယ်ပွင့်တာမဟုတ်ဘူး။
လေးအသင်္ချေနဲ့ ကမ္ဘာတစ်သိန်း
အသက်ရောဘာရောပေးပြီးအသေခံကျင့်ထားတာ။
ဘုရားတရားတော်ကိုလည်း သာဝကတွေက ဒီလိုပဲ
အသေခံကျင့်ထားတာ။

( မဟာဗောဓိမြိုင်ဆရာတော်၊ သရဏဂုံရှင်းတမ်း၊ )
Credit Original Uploader 🙏🙏🙏🪷

405

မဟာဗောဓီမြိုင်ဆရာတော်ဘုရားကြီး၏တရားတော်များ

05 Nov, 00:36

တရားလဲ မထိုင်နဲ့
ရိပ်သာလဲ မသွားနဲ့
စျေးရောင်းတဲ့သူကလဲစျေးရောင်းရင်း မှတ်နေပါ
မှတ်ရင် အတွေးမဝင်ပါဘူး
အဲဒါ သတိ ပဲ..။

သတိ ရှိနေရင် အတွေးမဝင်တာမို့
ကိလေသာတွေ ငြိမ်းနေပါလိမ့်မယ်
အဲဒါကြောင့် သတိဟာ သမထ ပါပဲ
သတိ ကနေပဲ ဝိပဿနာဆီ ပို့ဆောင်ပေးပါလိမ့်မယ်။

ဖြစ် ပျက်တွေ နားမလည်ရင် မစဉ်းစားပါနဲ့
သူ့ အလိုလို သိလာလိမ့်မယ်
မသိချင်တောင် မရပါဘူး။

အဲဒီတော့ ဘုရားဟောတဲ့ ဒုက္ခ ဟုတ် မဟုတ်
မြင်ပါလိမ့်မယ်
ဒီတော့ ဖြစ် ပျက် မြင်
ဖြစ် ပျက် မုန်း ၊ ဖြစ် ပျက် ဆုံး လို့
နိဗ္ဗာန် မြင်ပါလိမ့်မယ်။

အဓိက က အတွင်းလမ်းက သွားဖို့ပဲ
သတိ က အမြဲကပ်ထားတော့
အတွေးကလေးက
သတိ မရှိရင် ခံစားလို့ မကောင်းတာမို့
သတိနား ကပ်လာပါလိမ့်မယ်
ကာမ အရသာ မခံစားတော့ပဲ
ဓမ္မ အရသာ ကိုပဲ သူ က ဖော်စားတော့မှာပါ။

"ဒုက္ခဆုံးရာ သုခရိပ်မြုံ"သို့ တရားတော်
(မဟာဗောဓိမြိုင် ဆရာတော် ဘုရားကြီး)
🙏🙏🙏🙏🙏🙏🙏🙏🙏
Credit Original Uploader 🙏🙏🙏🪷

222

မဟာဗောဓီမြိုင်ဆရာတော်ဘုရားကြီး၏တရားတော်များ

04 Nov, 00:26

ကိုယ့်ကိုယ်ကို ဒုက္ခ ရောက်အောင်
လုပ်နေတဲ့အထဲမှာ ဒုက္ခ အပေးဆုံးက
"အတွေး" ပဲ..။

"အတွေး" သည် ဒုက္ခ အပေးဆုံး။

လုပ်စရာ ရှိတာ လုပ်နေ ဘာမှ မဖြစ်ဘူး
ရှေ့ကြိုတွေး
နောက်ပြန်ပြီး စမြုံ့ပြန်နဲ့
အတွေး က ဒုက္ခ ပေးနေတာ။

(မဟာဗောဓိမြိုင်ဆရာတော်ဘုရားကြီး)
Credit Original Uploader 🙏🙏🙏♥️

242

မဟာဗောဓီမြိုင်ဆရာတော်ဘုရားကြီး၏တရားတော်များ

31 Oct, 00:47

" သွားကြပြီ...ရပ်စောင့်မနေနှင့် "
---------------------------------------

- အချ ိန်သည် -

စက္ကန့်နှင့်စက်..
တစ်ခုကို တစ်ခုဖျက်၍
ရှေ့ထွက်သွားပြီ။

- အရွယ်သည်လည်း -

စက္ကန့်နှင့်စက်..
တစ်ခုကို တစ်ခုဖျက်၍
အချ ိန်နောက်ပါသွားပြီ။

- ကိလေသာသည်လည်း -

အချ ိန်နှင့်အရွယ်ကို..
ခြစီး စီးလ်က္က ( ခွစီး စီးလျက်က
တစ်ဖက်ကူးသွားပြီ။

- သို့စဉ်လျက်...

" စောသေး " ဆိုကာ
အချ ိန်စောင့်နေခြင်းများသည်

အချ ိန်နှင့်အရွယ်တို့ကို
မျက်နှာလွှဲ ..

အစွဲအတေးများဖြင့်
တွဲလိုခြင်းကြောင့်သာ။

( မဟာဗောဓိမြိုင်ဆရာတော်ဘုရားကြီး
ဝနဝါသီဉေယျဓမ္မသာမိထေရ် ):
Credit Original Uploader 🙏🙏🙏🪷

416

မဟာဗောဓီမြိုင်ဆရာတော်ဘုရားကြီး၏တရားတော်များ

29 Oct, 07:48

မဟာဗောဓီမြိုင်ဆရာတော်ဘုရားကြီး၏တရားတော်များ pinned «ဘုရားရှင်လည်း ဒါတွေခံသွားရတာ တို့လည်း 🌸ဗုဒ္ဓါနုဿတိအမြဲအာရုံပြုထားတဲ့ပုဂ္ဂိုလ် 'လူစိတ်' မပျက်ဘူးနော် မဟုတ်ရင် အဲဒီအချိန် မာနလည်းဝင်နိုင်တယ် ဒေါသလည်းဝင်နိုင်တယ် မာန ဒေါသဝင်သွားရင် ဓာတ်သက်ထဲပါသွားပြီနော် လူလမ်းလေးမဖြောင့်တော့ဘူးနော် ။ 🌸ဒါ့ကြောင့် 🙏ဗုဒ္ဓါနုဿတိ🙏ကလည်းပဲ…»

0

မဟာဗောဓီမြိုင်ဆရာတော်ဘုရားကြီး၏တရားတော်များ

29 Oct, 00:03

ဘုရားရှင်လည်း ဒါတွေခံသွားရတာ
တို့လည်း
🌸ဗုဒ္ဓါနုဿတိအမြဲအာရုံပြုထားတဲ့ပုဂ္ဂိုလ် 'လူစိတ်' မပျက်ဘူးနော်
မဟုတ်ရင် အဲဒီအချိန်
မာနလည်းဝင်နိုင်တယ်
ဒေါသလည်းဝင်နိုင်တယ်
မာန ဒေါသဝင်သွားရင် ဓာတ်သက်ထဲပါသွားပြီနော် လူလမ်းလေးမဖြောင့်တော့ဘူးနော် ။
🌸ဒါ့ကြောင့်
🙏ဗုဒ္ဓါနုဿတိ🙏ကလည်းပဲ
လူသက်ကိုစောင့်တဲ့သက်စောင့်ပဲ ။

🙏(၂)မေတ္တာကမ္မဌာန်း 🙏
*****
ပြီးတော့ 🙏မေတ္တာကမ္မဌာန်း🙏
မေတ္တာလည်းအမြဲပွားရမှာ
🙏ဘုရားရှင်ကအမြဲပွားတယ်
ရန်သူကိုတောင်ရာဟုလာလိုတစ်ထပ်တည်းသဘောထားနိုင်တယ်။
🌸တကယ်လို့တစ်ဖက်နဲ့အတိုက်အခံဖြစ်နေရင် သူကကိုယ့်အပေါ်မကျေမနပ်ဖြစ်နေရင်ပြန်အာရုံပြုလိုက်ပါ
🌸'သူ့နေရာသာငါဆို ဒီထက်ဆိုးသေးလို့'
🌸ကိုယ့်အပြစ်ကိုယ်ရှုတော့ တောက်နေတဲ့မီးတောင်ငြိမ်းသွားတယ်
🌸သူများအပြစ်ကိုရှုရင်ငြိမ်းနေတဲ့မီးတောင်တောက်နိုင်တယ် ။
🌸မေတ္တာပွားနေရင် ဒေါသမဖြစ်တော့ဘူး။
မေတ္တာကဒေါသနဲ့ဆန့်ကျင်ဘက်ကိုး။
🌸မေတ္တာပွားနေရင် ဒေါသတို့ မာနတို့ မဝင်နိုင်ဘူး
🌸ဉာဉ်မဝင်တော့ဘူး ဉာဏ်လာမှာ
🙏မေတ္တာကမ္မဌာန်း 🙏
အဲဒါလည်း လူသက်ကိုစောင့်ရှောက်တယ်။

🙏(၃)ကာယကတာသတိ🙏
****
'ကာယကတာသတိ'
စာလို 'ကောဌာသ' လို့သုံးတယ်
'ကောဌာသ'ဆိုတာ တို့ခန္ဓာမှာရှိတဲ့၃၂ပါးသောအပုံတွေကိုတစ်စစီအာရုံပြုရတာ
ဆံပင်တို့ ခြေသည်းလက်သည်း မွှေးညင်း ဒါကိုအမြဲဆင်ခြင်နေတဲ့ပုဂ္ဂိုလ်
'ငါ'ဆိုတဲ့အတ္တမာန်မရှိတော့ဘူးနော်
ကားများလည်းတစ်စစီဖြုတ်ထားရင်
ကားမဟုတ်တော့သလိုပဲ
တို့ခန္ဓာမှာလည်းစုပေါင်းထားလို့သာ သွားနိုင်လာနိုင် ပြောနိုင်ဆိုနိုင်တာ။
🌸တို့ 'ကောဌာသ'ကိုမရှုလို့ရှိရင်
မာန်ဝင်တတ်တယ်နော်
'ငါ့ဘာထင်တုန်း ငါဘာကောင်'လာမှာ
🌸အဲလိုဆို ဉာဉ်ဘက်ပါသွားပြီ
လူသက်ကုန်သွားပြီ။

🙏(၄)မရဏသတိကမ္မဌာန်း🙏
********
နံပါတ်လေးကျတော့ မသေမချင်းယူရမှာ 🙏မရဏသတိကမ္မဌာန်း🙏
သေခြင်းတရားကိုအဖန်ဖန်ပွားပါ
* ငါသေရအုန်းမယ် *
နေဖို့ကမသေချာဘူး
သေဖို့ကသေချာသည်။
တို့ သေရအုန်းမှာကို အမြဲရှုမှတ်တဲ့ပုဂ္ဂိုလ်လည်းပဲ ဉာဉ်မဝင်နိုင်ဘူး
ဉာဏ်ပဲဝင်မယ်။
အဲဒီသေခြင်းတရားကိုအဖန်ဖန်တလဲလဲရှုမှတ်ထားတဲ့ပုဂ္ဂိုလ်ဟာ
🙏ဘုရားပေးတဲ့ဥပမာက
" အဝေးကလာတဲ့မြွေဆိုးကြီးကို
လှမ်းပြီးမြင်နေရသလို ကိုယ်သေရမယ့်ကိစ္စကို မသေခင်ကလှမ်းမြင်နေတော့ မြွေဆိုးကြီးနဲ့နီးတဲ့နေရာရောက်တော့ တုတ်ကလေးနဲ့မြွေဆိုးကြီးဖယ်ထားခဲ့ပြီးတော့ ကိုယ့်လမ်းကိုယ်သွားနိုင်သလို သေခါနီးကျတော့ သေမင်းကြီးကိုဥပေက္ခာပြုပြီး ကိုယ့်ရိက္ခာထုပ်ဖြစ်တဲ့ လူဖြစ်လူ့ဘဝ
နတ်ဖြစ်နတ်ဘဝ ဗြဟ္မာဖြစ်ဗြဟ္မာဘဝ ရှေ့ဆက်သွားနိုင်သတဲ့ဗျ ။
မသေခင်စဉ်းစားထားတော့ သေမယ်ဆိုရင် သေမင်းမကြောက်တော့ဘူးပေါ့ ။
အဲဒီအတိုင်း 'သတိ'မရှိရင်
သေခါနီးစွဲရာပါသွားမှာ။
ဒါ့‌ကြောင့်
မရဏသတိကမ္မဌာန်း�ကိုလည်းပွားများရမယ်
နောက်ကြောင်းမပြန်ချင်ရင်
ရှေ့ဆက်သွားချင်ရင်လေ ။
တို့ သတိ‌လေးနဲ့ သက်စောင့်လေးနဲ့
ကိုယ်စောင့်ဘာဝနာတစ်မျိုးမျိုးပွားတဲ့ပုဂ္ဂိုလ်ဟာ
*လူမှလူ
*လူမှနတ်
*လူမှအရိယာ ဖြစ်နိုင်တယ်
ဒီလိုသွားနိုင်ဖို့ လူသက်ကိုစောင့်ရှောက်တာ ဒီလေးမျိုးပဲ ။

🙏ကျေးဇူးတော်ရှင်မဟာဗောဓိမြိုင်ဆရာတော်ဘုရားကြီး🙏

30 -12 -2009တွင်
ဟောကြားတော်မူသောတရားတော်မှ နာယူရေးသားပူဇော်ပါသည် ။

#CRD

Ashin Pyin Nyin Da ထံမှ....
Credit Original Uploader 🙏🙏🙏🌻.

503

မဟာဗောဓီမြိုင်ဆရာတော်ဘုရားကြီး၏တရားတော်များ

29 Oct, 00:03

#လူသက်ဆက်စရာ ကိုယ်စောင့်ဘာဝနာလေးမျိုးတရားတော်
----------------------------------

#တို့ တာဝန်ကတော့ရှိတဲ့တာဝန်ထမ်းကြရတာပဲ
လူဖြစ်တော့လူ့တာဝန်
ရဟန်းဖြစ်တော့ရဟန်းတာဝန်မကင်းကြဘူး ။

ပြီးတော့ တို့ လူဖြစ်တုန်းလေးကို အမြတ်ထုတ်ကြရမှာ
တို့ အပါယ်လေးဘုံရောက်တော့ ထုတ်ခွင့်ရှိလို့လား မရှိနိုင်ဘူးနော်
ရှိနိုင်တဲ့အသိဉာဏ်မရှိကြဘူး။

တို့ နတ်ပြည် ဗြဟ္မာ့ပြည်တွေရောက်တော့လည်း သိနိုင်တဲ့အသိဉာဏ်တို့ထက်သာတယ် တို့လိုကျင့်နိုင်တဲ့ဘူတရုပ်မရှိဘူး
ဒီကပါသွားရင်ပါသွားမှ ဒီကပါမသွားရင် ဟိုမှာငုတ်တုတ်ပဲ
ရရှိတဲ့အကျိုးလေးခံစားပြီး ပြီးရောလေ နောက်ထပ်ပွားမလုပ်နိုင်ဘူး။

တို့ အောက်ပြည်အောက်ရွာတွေကျတော့ ဆင်ကြီးတွေတို့ထက်အားကောင်းပါတယ် သို့သော် သိနိုင်တဲ့အသိ တို့လိုမရှိဘူး။

တို့လူမှာသိလည်းသိနိုင်တယ် ကျင့်လည်းကျင့်နိုင်တယ်
မြတ်စရာရှိ တို့လူ့ပြည်ကမြတ်ရမှာနော်
ရှုံးစရာရှိလည်း လူ့ပြည်ကရှုံးတာပဲ ။

အဲ့တော့ လူဖြစ်တုန်းလေး ရသလောက်အမြတ်ကလေး ရသလောက်အချိန်ကလေး လူ့ရဲ့သက်တမ်း လူ့ရဲ့တန်ဖိုး ဒါလေးကိုအလကားနေရင်း မကုန်စေရဘူးနော် ။
🙏ဘုရားဆုံးမသွားတယ်
လောကီဖြစ်ရင်ဖြစ် မဖြစ်ရင် လောကုတ္တရာဖြစ်ရမယ်။

ပြီးတော့ တို့သာသနာက လုပ်တတ်ရင်တစ်ခါလုပ်ရင်နှစ်ခုပြီးတယ်
#တစ်ခုက မိမိတို့ဆောင်ရွက်နေကျအတိုင်းသညာအမှတ်ကလေးနဲ့ဆောင်ရွက်တာ။
#နောက်တစ်ခုက အဲဒီသညာအမှတ်နဲ့လုပ်တဲ့ရုပ်နာမ်အပေါ်ကိုသတိနဲ့မှတ်တာ။
🌸သညာက ပညတ်နဲ့ပြီးတာကိုး
🌸သတိက အတွင်းထိထိုးဖောက်ပြီး ပရမတ်ထိသိနိုင်တာကိုး
တစ်ခါတည်းနဲ့နှစ်လုပ်ပြီးပါတယ်။
🌸တို့ အားမှဆိုတော့ ဘယ်တော့အားကြမတုန်း အားချိန်ကောရှိလို့လား
ဒါ့ကြောင့် အားမှလို့စောင့်မနေနဲ့ တစ်ခါတည်းနှစ်ခုရအောင်လုပ်။

🌸ပြီးတော့ တို့လက်ဆောင်လေးပေးလိုက်ရအုန်းမယ်
🌸လူ့ဘဝရောက်တုန်း
တို့လူသက်ကလေးထိန်းသိမ်းဖို့လိုသေးဗျ ။
🌸တို့ ခန္ဓာမှာရှိတာက ဓာတ်သက်
🌸သတိနဲ့ရှုမှတ်နေတာက လူသက်
အသက်နှစ်မျိုးနော် ။
🌸ဓာတ်သက်ကခန္ဓာငါးပါးကနေလာတာ
🌸လူသက်က ကုသိုလ်ပြုစဉ်တုန်းကပါလာတဲ့သဒ္ဓါနဲ့သတိကပေးလိုက်တာ။
တို့ ဒီဘဝရောက်အောင်ပြုတဲ့ကုသိုလ်ကံတွေရှိအုန်းမှာကိုး
လူဆိုတာ ကုသိုလ်ကံကောင်းမှဖြစ်တာ
🌸အဲဒီကုသိုလ်ပြုတုန်းကထားခဲ့တဲ့ သဒ္ဓါနဲ့သတိက လူသက်
🌸ဒီခန္ဓာကိုယ်ကဖြစ်တဲ့ ဓာတ်ကောင်ကဖြစ်တာက ဓာတ်သက်
🌸အဲဒီဓာတ်သက်ကဉာဉ်ကိုသွားတယ်။
🌸လူသက်ကဉာဏ်ကိုသွားတယ်။
🌸ဉာဉ်နဲ့ဉာဏ် နှစ်မျိုးထင်တယ်။

#ဉာဉ်ကိုသညာကစောင့်တယ်။
#ဉာဏ်ကိုသတိကစောင့်တယ်။

🌸တို့ဉာဉ်ဆိုတာကဓာတ်သက်
သူ့ဓာတ်စာကိုအမြဲတောင်းလေ့ရှိတယ်
*မြေဓာတ်ဆောင်တဲ့ပုဂ္ဂိုလ်ကမြေဓာတ်နဲ့ပတ်သက်တဲ့ဓာတ်စာပဲတောင်းမှာ
သူ့ဉာဉ်ဓာတ်နဲ့တည့်ရင်ကြိုက်တယ် မတည့်ရင်မကြိုက်ဘူးပဲ
🌸ကြိုက်တယ် မကြိုက်ဘူး
အဲဒါဉာဉ်စကား ဉာဏ်မဟုတ်သေးဘူး
လူ့ပစ္စည်း လူပိုင်မဟုတ်သေးဘူး ဓာတ်ကောင်ကပိုင်တာ။

🌸မသိတာလည်းရှိတယ် မသိရင်မသိသလို မသိမှုကအများဆုံး
အိပ်နေတဲ့အချိန်လည်း မသိတာချည်းပဲ
ပြီးတော့ နိုးနေတဲ့အချိန်လည်း
တွေဝေနေတဲ့အချိန်မသိဘူး
ဘယ်အာရုံမှမဖမ်းဘဲနဲ့ငြိမ်နေတဲ့အချိန်တွေဝေနေတဲ့အချိန်လည်း
အဲဒါမသိတာပဲ
တို့ အဲဒါကို စာလို မောဟနော်
ပြီးတော့ တို့အာရုံကိုဖမ်းတယ် မမိတစ်ချက် မိတစ်ချက်ဖြစ်နေတဲ့အချိန်လည်း မောဟပဲ ။
🌸တို့မသိစိတ်က တစ်ဘဝလုံးမှာ
အများဆုံးဖုံးထားတယ်
အဲဒါဉာဉ်စိတ်တွေ။

🌸အဲဒီမသိစိတ်ကိုမှီပြီး
ဓာတ်ကတည့်ရင်ကြိုက်တယ်
မတည့်ရင်မကြိုက်ဘူး
ကောင်းတာမကောင်းတာနဲ့မဆိုင်ဘူး
သူ့ဓာတ်နဲ့တည့်ရင်ကြိုက်တယ်
မတည့်ရင်မကြိုက်ဘူး ဒါကဉာဉ်တွေ။

🌸အဲ့တော့ ဉာဉ်တွေရှိနေရင်
တို့ လူသက်ကဆုံးမယ်နော်
ဉာဉ်ဖုံးရင် လူသက်ဆုံးမယ်။

🌸တို့ ဉာဉ်နဲ့သွားနေကြရင်
နောက်ကြောင်းပြန်လှည့်ရမယ်။

🌸ဉာဏ်နဲ့သွားမှ ရှေ့ကိုဆက်ခွင့်ရှိတယ် ။

🌸မေ့မေ့ကြီးနေသူအား အပါယ်လေးဘုံသည်ကိုယ့်အိမ်နဲ့အတူတူပဲတဲ့။
ကိုယ့်အိမ်ဆိုတာအချိန်မရွေးပြန်လို့ရတယ်။

🌸ဒါဆို သတိမရှိတဲ့ပုဂ္ဂိုလ်တွေ နောက်ကြောင်းပြန်ရမယ်နော်။

🌸ဒါ့ကြောင့် တို့ အဲဒီသတိနဲ့လူသက်ကိုစောင့်ရှောက်ဖို့လိုအပ်တယ်။
🌸အဲဒါကို စာလိုတော့ စတုရာရက္ခ ကိုယ်စောင့်ဘာဝနာလို့သုံးတယ်🌸
🌸*စတုဆိုတာ လေးမျိုး
🌸*အာရက္ခဆိုတာ စောင့်ရှောက်တာ
ကိုယ့်လူသက်ကလေးကိုစောင့်ရှောက်မယ့်အဖော်လေးမျိုးပေါ့ ။

🙏(၁)ဗုဒ္ဓါနုဿတိ 🙏
*******
တို့ လုပ်တုန်းကိုင်တုန်းကျတော့
🙏 ဗုဒ္ဓါနုဿတိ 🙏
သူကလည်း လူသက်ကလေးကိုစောင့်ရမှာ ဗုဒ္ဓါနုဿတိမပါရင် အတွေးတွေနဲ့ အငေး‌တွေနဲ့ဉာဉ်သက်ဝင်လာမှာပေါ့
တို့လုပ်ကြကိုင်ကြရတာတွေက ဘောလုံးပွဲများလိုအပြိုင်အဆိုင်လုပ်ကြရတာ အဲ့တော့အတိုက်အခိုက် အငြင်းအခုံ ဒါတွေရှိလာရင်
တို့က ဗုဒ္ဓါနုဿတိကိုအာရုံပြုထားတဲ့ပုဂ္ဂိုလ်ဟာတွေ့နေတဲ့အ‌ကောင်းလောကဓံ အဆိုးလောကဓံအခက်အခဲတွေကို မတုန်လှုပ်တဲ့သဒ္ဓါစိတ်ပေါ်နိုင်တယ်
🌸အဲဒါလုပ်ရင်းကိုင်ရင်းဖြစ်နိုင်တဲ့အခက်အခဲကျတော့ ဘုရားဂုဏ်အာရုံပြုထားတဲ့ပုဂ္ဂိုလ်ဟာ

300

မဟာဗောဓီမြိုင်ဆရာတော်ဘုရားကြီး၏တရားတော်များ

27 Oct, 03:07

ဇလုံ ခါရင် ရေလှုပ်ပြီ
🙏🙏🙏🙏🙏

ဟုတ်ဗျာ
ဇလုံ ခါရင် ရေလှုပ်ပြီ
ဇလုံ မခါဘဲ ထားတာတောင်
ရှိတဲ့ရေ လှုပ်သေးတာ။

အဲတော့
ခန္ဓာကိုယ်က ဇလုံနဲ့ တူတယ်
ဇလုံ မှီနေတဲ့ စိတ်က ရေနဲ့ တူတယ်။

ခန္ဓာကိုယ် လှုပ်ရင်
စိတ်လှုပ်မှာ စိုးလို့
အထိုင်ခိုင်း ရတာ။

တို့ စာက ဆိုတာက
စိတ် အထိုင် မကျ ခင်မှာ ထိုင်ပါတဲ့။
စိတ် အထိုင် ကျတဲ့ ဟိုဖက်ကျတော့
ထိုင်မှတ်တာက ပို အားကောင်းသလား။
စင်္ကြံက ပိုအားကောင်းသလား။
ရပ်မှတ်တာက ပိုအားကောင်းသလား။
အိပ်ပြီး မှတ်တာက ပိုအားကောင်းသလား။

ဣရိယာပုထ် လေးပါး ဘယ်ဟာက
ကိုယ့်အတွက် အရေးကြီးဆုံးတုန်း
ကြည့်ပါတဲ့။
အရေးကြီးဆုံး ဣရိယာပုထ်ကို ဦးစားပေးပါတဲ့။
ဟုတ်နော်။

ထိုင်ရမှ မဟုတ်ပါဘူး။
စင်္ကြံ နဲ့ မဂ်ဖိုလ် နိဗ္ဗာန်
ရောက်သွားတာတွေလည်း
မနည်းပါဘူး
ရပ်ရင်းနဲ့လည်း မနည်းဘူးနော။

အိပ်ရင်းကတော့
တို့ အတွေ့အကြုံ ပြောမှာပေါ့ဗျာ
သူများတော့ မသိဘူးပေါ့။
အိပ်ရင်းကတော့ အားထုတ်ကာစ ပုဂ္ဂိုလ်
အိပ်ပြီးတော့ မမှတ်နဲ့ဗျ •••
ဖောင်းတယ် ပိန်တယ်ဆို ခေါဆို သွားတာ။
အားထုတ်ကာစ ပုဂ္ဂိုလ်
အိပ်ပြီးတော့ မမှတ်ပါနဲ့ဗျာ
သူ့ သိပ်တာနဲ့ ဘာမှ မထူးဘူး။

ထိုင်မှတ်တာက ဇလုံ ငြိမ်အောင်လို့။

" စိတ် အထိုင်မကျ ခင် ထိုင်ပါ "

လူတွေဆိုတာက
ကာမဂုဏ်အာရုံခံစားတဲ့
နေရာမှာ ယားနာကလေး
လက်သည်းနဲ့ ကုတ်ပြီး
အရသာခံနေတတ်ကြတာ

မီးခဲကို လက်ဝါးပေါ်
တင်ကြည့်စမ်းပါ
ပူမှန်းသိတော့
လွှတ်ချလိုက်တယ် မဟုတ်လား။

ကာမဂုဏ်အာရုံ
ခံစားမှုနောက်က
ကိလေသာမီးခဲကြီးကျတော့
ပူလို့ ပူမှန်းမသိပါဘူးဗျာ •••

တစ်သံသရာလုံး
ပူလာတာ
တကယ့်မီးခဲက
ကိုင်မိတုန်းခဏ ပူတာ။

ကိလေသာမီးခဲက
တစ် ဘဝလုံး တစ်သံသရာလုံး…
ဒီလောက် ပူနေတာတောင်
ဘာလို့ လွှတ်မချသေးပါလိမ့်။

#မဟာဗောဓိမြိုင်ဆရာတော်ဘုရားကြီး
🙏🙏🙏🙏🙏🙏🙏🙏🙏🙏
#မူရင်းရေးသားပူဇော်သူကိုလည်းဂါရဝပြုပါသည်။🙏
အပ်ပမာဒနေ သမ်မာဒထေ
သတိတစ်လုံး အမြတ်ဆုံး
🙏🙏🙏🙏🙏🙏🙏
#ဓမ္မဒါနမျှဝေပူဇော်ပါသည်🙏

Credit Original Uploader 🙏🙏🙏🪷

392

မဟာဗောဓီမြိုင်ဆရာတော်ဘုရားကြီး၏တရားတော်များ

25 Oct, 00:47

တရားအကျင့် မရှိသူဟာ
ဘုရားဆိုရင်
ဆင်းတုတော်ကိုသာ မြင်လိမ့်မယ်။
တရားဆိုရင်
စာအုပ်တွေသာ မြင်လိမ့်မယ်။
သံဃာဆိုရင်
ဘုန်းကြီးဝတ်ကိုသာ မြင်လိမ့်မယ်။

*ကိလေသာငြိမ်းကြောင်း ကျင့်ကြံမှ
ကိလေသာ ကင်းစင်တဲ့
ဘုရားဂုဏ်ကို ကြည်ညိုနိုင်တယ်။

ကိလေသာငြိမ်းကြောင်း ကျင့်ကြံမှ
ကိလေသာ ငြိမ်းစေတဲ့ တရားဂုဏ်ကို မြင်နိုင်တယ်။

ကိလေသာငြိမ်းကြောင်း ကျင့်ကြံမှ
ကိလေသာ ကင်းတဲ့ အရိယာသံဃာဂုဏ်ကို
မြင်နိုင်တယ်။

ဘုရားသာသနာဆိုတာ
သီလ သမာဓိ ပညာ ကျင့်စဉ်ပါ။
ကိုယ်တိုင်ကျင့်ရင် ကိုယ်တိုင်သိ
ကိုယ်တိုင် ခံစားရတဲ့ တရားတွေပါ။
ချမ်းသာလိုက်တာမှ အလွန်ပါ။

တို့ဗုဒ္ဓဘာသာဝင်တွေ မကျင့်ဘဲ
အကျိုးရမယ် ထင်နေကြတာ
နှမြောစရာ ကောင်းလိုက်တာ။

တို့ဗုဒ္ဓဘာသာဝင်တွေ
သီလတောင် လုံအောင် မစောင့်
ကြည့် သမာဓိ ပညာ အကျင့်တောင်
မကျင့်ကြံဘဲ သာသနာ့ အရိပ်ခိုကာ
ဝေဖန်ရေး လုပ်နေကြတာသနားစရာ ကောင်းလိုက်တာ။

ဘုရားသာသနာဆိုတာ သုံးမကုန်
ယူမကုန်တဲ့ ရွှေအိုးကြီးပါဗျာ။
သုံးတတ်သူသာ တန်ဖိုးသိတယ်။
ယူတတ်သူသာ ရကြတယ်။

{ မဟာဗောဓိမြိုင်ဆရာတော်ကြီး
Credit Original Uploader 🙏🙏🙏🪷

545

မဟာဗောဓီမြိုင်ဆရာတော်ဘုရားကြီး၏တရားတော်များ

24 Oct, 14:11

လူ့ဘဝရောက်တုန်း ကံကောင်းအောင် လုပ်ကြ
_______

မသိ မောဟနဲ့နေလာခဲ့ရတဲ့
တိရစ္ဆာန်ဘ၀ ပေါင်းများစွာမှာ ကံဆိုးမိုးမှောင်ကျခဲ့ပြီးပြီ …

လူ့ဘ၀ဆိုတဲ့
နေသာတဲ့နေ့ရက်တွေမှာ
ကံကောင်းအောင် လုပ်ကြတော့ …

ဒါနက
ကောင်းကံတွေ ဆည်ပေးနေသမျှ …

သီလက
စင်ကြယ်အောင် လုပ်ပေးရမယ် …

အတိတ်ဘ၀က
အကုသိုလ်တွေ ဆိုးကျိုးတွေ
ဒီဘ၀ရဲ့ အကုသိုလ်တွေကို
သီလဖြင့် ဖယ်ရှား ပေးရတယ် …

ဒါကြောင့် …
ဒါနပြုတိုင်း သီလဆောက်တည် ရတယ် …

ဒါန နဲ့၀တ္ထုပစ္စည်းတွေ စွန့်လွှတ်ရ သလို
သီလ အားဖြင့် ကိုယ် ခံစားရတဲ့
အာရုံတွေကိုတောင် စွန့်လွှတ်ရတယ် …

ဒါန က
ကိုယ်ချမ်းသာမှုနှင့် လမ်းရိက္ခာအတွက် …

သီလ က
စိတ်ချမ်းသာမှုနဲ့ လမ်းသွား ...

ဒီတော့ …
ကိုယ်စိတ်နှစ်ဖြာ ချမ်းသာပါစေ ဆိုတာ
ဒါန များများပြုပြီး၊ သီလများများ ထိန်းပါလို့
ပြောတာနဲ့ မတူပေဘူးလား... ?

ဒါန၊ သီလ လုပ်လို့ နတ်မင်းကြီးဖြစ်ရော ဆိုပါစို့ …

ကာမစည်းစိမ်နဲ့ ဘ၀စည်းစိမ်တွေ
မက်မောလာပြန်တော့ -

တဏှာက အမိန့်ပေးတိုင်းလည်း
သူများ သွားစော်ကားပေးရတယ်ဗျ။

မာနခိုင်းတိုင်းလည်း မော်ကြွားပေးရတယ်ဗျ။

ဒိဋ္ဌိညွန်းတိုင်းလည်း ပြစ်မှားပေးနေရတယ်ဗျ။

အဲဒီတော့ …
ကံကောင်းလို့ နတ်မင်းကြီးဖြစ်တယ်ဆိုပြီး
အကုသိုလ်က လွတ်သေးရဲ့လား။

လိုချင်တာတွေ မျှော်ပြီးလုပ်နေသမျှ
မလိုချင်တာတွေ ရလာလိမ့်မယ် …

တို့ဘုရားရှင်ကတော့
သိဒ္ဓတ္ထ အလောင်းတော်ဘ၀မှာတောင်
စွန့်ခဲ့တာတွေနည်းသလား ?

မိဖုရားတွေက သာကီ၀င်တွေချည်း တစ်သောင်းခြောက်ထောင်၊

အခြားမျိုးတွေက တစ်သိန်းလေးထောင်
ကာမစည်းစိမ်တွေ ဘယ်လောက်စွန့်ပစ်ခဲ့ရသလဲ ?

ရမ္မ၊ သုဘ၊ သုဘရမ္မဆိုတဲ့ နန်းမသုံးဆောင်နဲ့တကွ နန်းလုံးပြည့်အဆောင်အယောင်တွေ
ဘ၀စည်းစိမ်တွေကို လက်ပေါ်ကျလာတဲ့
မီးပွားလို ခါချပစ်ခဲ့တယ် …

အပေါင်းကြာ အကောင်းမှာရိုးလို့ စွန့်နိုင်တာတွေပါကွာလို့ ပြောချင် ပြောပါစေဦး။

နန်းရိပ်စွန့်ပြီး သစ်ရိပ်မှာ ပျော်နိုင်တဲ့သတ္တိ …

နတ်သုဒ္ဒါတမျှသော စားဖွယ်တွေ စွန့်ပြီး ဆင်းရဲသားသုံးဘောဇဉ်တွေ စားနိုင်တဲ့ သတ္တိ …

နန်း၀တ်နန်းစား စွန့်ပြီး မြေမှုန့်ပေကပ် အ၀တ်စုတ်ပြတ်တွေ ကောက်၀တ်နိုင်တဲ့ သတ္တိ …

အဲဒီ …
အလောင်းတော်တို့သတ္တိ
နတ်မင်းကြီးတွေ မတုပနိုင်ဘူး။

ဒီတော့ …
နတ်မင်းကြီးတွေလည်း ပူဇော်ကြရတယ်။
ခစားကြရတယ်။

တစ်ခါ …
ဗြဟ္မာကြီးတွေ ဆိုပါတော့ …

သူတို့လည်း သူတို့ဘ၀ သူတို့ စည်းစိမ်
သာယာနေသေးတာပဲ၊
မစွန့်လွှတ်နိုင်ဘူး …

ဘ၀တဏှာကများ ခိုင်းခဲ့ရင်
ဒီထက်စျာန်ယာဉ်ပွားပြီး
ဘ၀စည်းစိမ်ခံစားနေကြဦးမှာ …

တို့ဘုရား အလောင်းတော်ကတော့ …

အာဠာရ၊ဥဒက ရသေ့ကြီးတွေနဲ့တွေ့ချိန်ကတောင်
ဒါ လမ်းဆုံးမဟုတ်ဘူး ဆိုပြီး
စျာန်လမ်းကို ပယ်ခဲ့တာ …

ဒီသတ္တိမျိုး ဗြဟ္မာတွေမှာလည်း မရှိဘူး …

ဒီတော့ …
ဗြဟ္မာတွေလည်း မနေသာ ပူဇော် ခစားရတယ်။

ဗုဒ္ဓဘာသာဆိုတာ
အဲဒီလောက် အဆင့်မြင့်တယ် …

နတ်ဗြဟ္မာတွေတောင်
ခစားပူဇော်ရတဲ့ တရားမျိုး
လူ့ဘ၀၊ လူ့လက်ထဲမှာပဲ ရှိတယ် …

ဘာဖြစ်လို့
ရေစုန်မျှော လိုက်နေကြရမလဲ ?

တိရစ္ဆာန်တွေလောက်
ကံဆိုးမိုးမှောင် ကျနေလို့လား …

ကျင့်နိုင်တဲ့အစွမ်း၊
သိနိုင်တဲ့ဉာဏ်မရှိကြလို့လား ?

အဲဒီတော့ …
တိရစ္ဆာန်ဘ၀က ကံဆိုးမိုးမှောင်တွေကို
ဒါန၊ သီလနဲ့ဖယ်ရှားပြီး ၊

ကံကောင်းအောင် လုပ်ဆိုတာ …

ဘာ၀နာမှု သတိ ဆိုတဲ့ ရှုမှတ်မှု
အမြဲ ရှိနေရမယ်လို့ပြောတာ …

မဟာဗောဓိမြိုင်ဆရာတော်ဘုရားကြီး

Credit Original Uploader 🙏🙏🙏🪷

521

မဟာဗောဓီမြိုင်ဆရာတော်ဘုရားကြီး၏တရားတော်များ

22 Oct, 04:48

တောင်းဆိုသူ များလှ၍ (တတိယအကြိမ်မြောက်တင်လှူပူဇော်ခြင်း)🙏🙏🙏
မဟာဗောဓိမြိုင်ဆရာတော်ဘုရားကြီး ၏ Mp-3 တရားတော်များ(239 )ပုဒ် ကို download ရယူ နာကြားပူဇော်နိုင်စေရန် ပူဇော်ပါ၏။
------------------------------
(01). 001 မှ 017-(၁၇)ပုဒ် ( 159.04 MB)
https://www.mediafire.com/download/j752td9lh6oom3i
(02). 018 မှ 034-(၁၇)ပုဒ် (154.19 MB)
https://www.mediafire.com/download/rspor5h6r8yq64m
(03).035 မှ 050-(၁၆)ပုဒ် (147.07 MB)
https://www.mediafire.com/download/2ywvsuhy99g7fu6
(04).051 မှ 066-(၁၆)ပုဒ် (151.24 MB)
https://www.mediafire.com/download/lfh4buv6lvn9xm0
(05). 067 မှ 084-(၁၈)ပုဒ် (168.07 MB)
https://www.mediafire.com/download/8zxprg33ml0wyoj
(06). 085 မှ 101-(၁၇)ပုဒ် (153.38 MB)
https://www.mediafire.com/download/vy7d4zn6ue1o5g7
(07). 102 မှ 118-(၁၇)ပုဒ် (179.88 MB)
https://www.mediafire.com/download/8mzyqb0k8ojxsn5
(08). 119 မှ 134-(၁၆)ပုဒ် (141.61 MB)
https://www.mediafire.com/download/tq2aavkpgkhgvmw
(09). 135 မှ 149-(၁၅)ပုဒ် (159.41 MB)
https://www.mediafire.com/download/2rdeo655ejckew3
(10). 150 မှ 164-(၁၅)ပုဒ် (275.44 MB)
https://www.mediafire.com/download/tau8r328u5zgvdg
(11). 165 မှ 180-(၁၆)ပုဒ် (423.53 MB)
https://www.mediafire.com/download/oc6zt7izkzgihsd
(12). 181 မှ 197-(၁၇)ပုဒ် (159.11 MB)
https://www.mediafire.com/download/fqdfmfghuuzf7mm
(13). 198 မှ 215-(၁၈)ပုဒ် (196.4 MB)
https://www.mediafire.com/download/zan7y9r6n3qi0s1
(14). 216 မှ 232-(၁၇)ပုဒ် (183.08 MB)
https://www.mediafire.com/download/845yf5k4aetiutl
(15). 233 မှ 239-(၇)ပုဒ် (435.29 MB)
https://www.mediafire.com/download/rmw077o5oqvmlzf
#မဟာဗောဓိမြိုင်ဆရာတော်ဘုရားကြီး
#ဝနဝါသီဉေယျဓမ္မသာမိထေရ်
#နတ်တလူသာသနာပြုအသင်း
#kokolatt_shwemahar
Credit Original Uploader 🙏🙏🙏🪷

527

မဟာဗောဓီမြိုင်ဆရာတော်ဘုရားကြီး၏တရားတော်များ

21 Oct, 14:37

အတိတ်ကံကောင်းအကျိုးပေးစေရန်
~~~~~~~~~~

အတိတ်ကံ အကောင်းအဆိုး
နှစ်မျိုးရောပြွမ်း ရှိရာတွင်
အတိတ်ကံကောင်းကျိုးပေးခွင့် ရနိုင်ရန်မှာ
ပစ္စုပ္ပန်ကံကောင်းမှု - မကောင်းမှုအပေါ်တွင်လည်း
တည်မှီပါ၏။

အတိတ်ကံကောင်းက အကျိုးပေးရန်
မည်သို့ပင် စောင့်နေစေကာမူ
ပစ္စုပ္ပန်ကံက ညံ့လွန်း၊ မကောင်းလွန်းလျှင်အကျိုး
ပေးခွင့် သာလိမ့်မည်မဟုတ်ပါ။

အတိတ်ကံကြီးမားပြီး ပစ္စုပ္ပန်ကံက ကြီးမားသော်
ကြီးပွားတိုးတက်မည်။ထို့ကြောင့် ပစ္စုပ္ပန်ကံ ကောင်းမွန်စေရန်ထူထောင်ရပေလိမ့်မည်။

(မဟာဗောဓိမြိုင်ဆရာတော်ဘုရားကြီး)

🙏🙏🙏🙏🙏🙏🙏🙏🙏

Credit to မူရင်းရေးသားပူဇော်သူ🙏
Credit Original Uploader 🙏🙏🙏🪷

433

မဟာဗောဓီမြိုင်ဆရာတော်ဘုရားကြီး၏တရားတော်များ

20 Oct, 14:16

အကုသိုလ်ဆိုတာ
တခြားကဖြစ်တာ
မဟုတ်ဘူး ၊
ကိုယ်ရဲ့ ကိုယ်နုတ်
စိတ်ကဖြစ်တာမို့
ကံသုံးပါကိုလုံခြုံအောင်
စောင့်ထိန်းနိုင်ကြပါစေ။

🙏မဟာဗောဓိမြိုင်ဆရာတော်🙏
Credit Original Uploader 🙏🙏🙏🪷

614

မဟာဗောဓီမြိုင်ဆရာတော်ဘုရားကြီး၏တရားတော်များ

19 Oct, 12:20

🔳 ထမင်းလုံးတစ္ဆေ
➖➖➖➖➖➖➖➖

အမြင်၊အကြား၊ အနံ့၊ အရသာ၊ အထိအတွေ့ ဆိုတဲ့အာရုံငါးပါး တစ်ပါးပါးကို စွဲလမ်းနေခြင်းဟာ #ထမင်းလုံးတစ္ဆေအခြောက်ခံနေရခြင်းသာ။

အာရုံတို ့မည်သည် ဘယ်သူကိုမှ သက်ညှာရိုးထုံးမရှိ။

သို့သော် အာရုံဆိုတာ အာရုံရှင်မှ ထွက်ကျလာတဲ့ အရိပ်မျှသာ။

အာရုံ ချင်းဆက် လူချင်းဖျက်နေတာ အစွဲကဆင်းလာတဲ့ ကိလေသာက ဝင် ဖျက်နေတာ။

ဒါကြောင့် အာရုံငါးပါး တံခါးငါးပေါက်မှာ ကိလေသာ မဝင်သာအောင် #သတိကလေးအစောင့်ချထားစမ်းပါ။

မဟာဗောဓိမြိုင်ဆရာတော်ဘုရားကြီး
🙏🙏🙏🙏🙏🙏🙏🙏

၁၉၉၉ ခုနှစ်၊ နတ်တလူတောရ သြဝါဒ
Credit Original Uploader 🙏🙏🙏♥️

681

မဟာဗောဓီမြိုင်ဆရာတော်ဘုရားကြီး၏တရားတော်များ

18 Oct, 15:13

ရန်ကုန် စာရေးဆရာ/ဆရာမကြီးများအား ပေးသော ဩဝါဒ ၂

447

မဟာဗောဓီမြိုင်ဆရာတော်ဘုရားကြီး၏တရားတော်များ

16 Oct, 14:59

.
❝ ငါ့အတွက်ဘာရှိသလဲ ❞
༺⚜❈⚜❈⚜❈⚜❈⚜༻

. ငါ့အတွက်ဘာရှိသလဲ ဆိုတော့ …

. ❝ ကံ ❞ အမွေပဲ ရှိတယ် … !

. ဒို့ ကံအမွေက ကိုယ်သွားရာ ပါမှာထင်တယ် … !

. သွားရာအမြဲပါမှာ မကွဲဘူးဗျ … !

. ကိုယ်သေလို့ရှိရင် သားသမီးတွေက လိုက်မယ်တဲ့လား … ?

. လိုက်မှာက ဘယ်သူတဲ့တုန်း … ?

. သားတွေသမီးတွေ အပိုင်ထင်မနေကြနဲ့ … !

. ထားခဲ့ရမှာနော် … !

. သားတွေ, သမီးတွေ မဆိုထားနဲ့ ကိုယ့်ကိုယ်ကြီးတောင် ထားခဲ့ရမှာ ယူသွားလို့ မရဘူး … !

. ဒါဖြင့် စာရင်းစစ်လိုက်တော့ ကိုယ်နဲ့ မကွဲတာဟာ ကံပဲ ရှိတယ် … !

. အဲ့ တော့ ငါ့ဥစ္စာက ဘာရှိသလဲဆိုတော့ ကံပဲ ရှိတယ် … !

. ရှိနေတဲ့ ရွှေငွေတွေ, ပစ္စည်းတွေကရော ကိုယ့်နောက် ပါမတဲ့လား … ?

. ပြီးတော့ ရှိနေတဲ့ ညီအကိုမောင်နှမ, ဆွေမျိုးတွေကလည်း ဒီကနေ့ မတည့်ရင် ဒီကနေ့ ရန်သူပဲ … !

. မတည့်တဲ့နေ့ မိတ်ဆွေ မဖြစ်ဘူး … !

. ❝ ကံ ❞ ကတော့ မိတ်ဆွေနော် … !

. ဒါကြောင့် မိတ်ဆွေစစ်သည် ❝ ကံ ❞ ပဲ … !

. ကိုယ်ဘယ်လိုကြီး ဖြစ်နေနေ ❝ ကံ ❞ ကတော့ ခွဲသွားတာလည်း မရှိဘူး … !

. ပြတ်စဲကြောင်း ကြေငြာတာလဲ မရှိဘူး … !

. အမြဲပါမှာ … !

. ကိုယ်လုပ်တဲ့ ကောင်းတဲ့ ❝ ကံ ❞ အတိုင်း နတ်ပြည်တက်မယ့် ပုဂ္ဂိုလ်ကို ဘုရားက ဝင်ဆွဲချလို့ မရဘူး … !

. သိကြားက ဝင်ဆွဲချလို့ မရဘူး … !

. ကိုယ်လုပ်တဲ့ မကောင်းတဲ့ ❝ ကံ ❞ အတိုင်း ငရဲ, ပြိတ္တာ, တိရစ္ဆာန်, အသူရကာယ်သွားမယ့် ပုဂ္ဂိုလ်ကို ဘုရားက ဝင်တားလို့ မရဘူး … !

. သိကြားက ဝင်တားလို့ မရဘူး … !

. ကိုယ်လုပ်တဲ့ ❝ ကံ ❞ အတိုင်းသွားကြရမှာ … !

. ကျုပ်တို့ အခု စာရင်း စစ်ကြည့်လိုက်ရင် ကောင်းကံ ❝ မ ❞ ဖို့ ပေါ်ပါ့မလား … ?

. ဆိုးကံက ❝ ချ ❞ ဖို့ များတယ်နော် … !

. ကိုယ့်ကိုယ်ကို အထင်ကြီး မနေကြနဲ့ … !

. ကောင်းတာလုပ်လုပ်, ဆိုးတာလုပ်လုပ်, အကြံနဲ့ လုပ်လုပ်, အပြောနဲ့ လုပ်လုပ်, ကိုယ်ထိလက်ရောက်လုပ်လုပ် ကိုယ်လုပ်တဲ့ ❝ ကံ ❞ ဟာ …

. ❝ ကိုယ့်အမွေ ❞ ပဲလို့ မှတ်လိုက်ပါ … ❗

👑. မဟာဗောဓိမြိုင်ဆရာတော်ဘုရားကြီး

🌼. ချမ်းမြေ့သာယာရှိကြပါစေ … 🌾

Credit … Original Uploader & Photo

427

မဟာဗောဓီမြိုင်ဆရာတော်ဘုရားကြီး၏တရားတော်များ

16 Oct, 14:57

သူတပါး မကောင်းတာကို တွေးနေရင်
ကိုယ့်အတွက် ကောင်းတာတွေ တွေးဖို့
အချိန်တွေ ဆုံးရှုံးတယ် ။

သူတပါး မကောင်းကြောင်းတွေ ပြောနေရင်
ကိုယ့်အတွက် ကောင်းတာတွေ ပြောဖို့
အချိန်တွေ ဆုံးရှုံးတယ် ။

သူတပါး မကောင်းမှု လုပ်တာကို ထိုင်ကြည့်နေရင်
ကိုယ်ကောင်းတာလုပ်ဖို့ အချိန်တွေ ဆုံးရှုံးတယ် ။

ကမ္ဘာကြီးက တဖြည်းဖြည်းပူလာတယ်
ကိုယ့်စိတ်တွေ အေးအောင်ကြိုးစားထားမှ
ဘဝအချိန်ခဏလေးနေရတာ တန်ဖိုးရှိမယ် ။

နေရာတိုင်းက ဆူနေတယ်
ကိုယ့်စိတ်ကိုယ်တိတ်အောင် ငြိမ်အောင် ကြိုးစားထားမှ
ဘယ်နေ့ ဘယ်အချိန် ဘယ်ဘေးနဲ့ သေရမယ်မှန်း
မသိနိုင်အတွက် ပြင်ဆင်ပြီးသားဖြစ်မယ်။

ကုသိုလ်လည်းမရ၊ပညာလည်းမရ ဥစ္စာလည်းမရ
အကုသိုလ်တွေပဲ အဖတ်တင်တဲ့
အလုပ်တွေအတွက်အချိန်မဖြုန်းပါနဲ့ ။

ကုသိုလ်ကောင်းမှုက
တိတ်ဆိတ်တဲ့ သဘောရှိတယ် အေးချမ်းတယ်
အကုသိုလ်က ဆူတယ် ပူတယ်
ဒါကြောင့် တိတ်တိတ်လေးနေနော်
ဘဝက သိပ်မြန်လွန်းလို့ပါ။

(မဟာဗောဓိမြိုင် ဆရာတော်ဘုရားကြီး)
Credit Original Uploader 🙏🙏🙏♥️

335

မဟာဗောဓီမြိုင်ဆရာတော်ဘုရားကြီး၏တရားတော်များ

16 Oct, 14:56

မဟာဗောဓိမြိုင်ဆရာတော်ဘုရားကြီး၏
သြဝါဒတရားများမှ ကောက်နုတ်ချက်
------------------------
တရားဆိုတာ ရှိပြီးသားပါ။
တခြားသွားရှာစရာမှ မလိုဘဲနဲ့
မလုပ်ချင်နဲ့ မလုပ်တာဘဲရှိတယ်။
လုပ်လို့မတွေ့တာက မလုပ်တာထက်ဆိုရင်
"အထုံ" ပါရမီလေးရှိသွားတော့ မေတ္တယျ ကျ
မလွဲဘူးဗျ။----
ဆင်ကန်း တောတိုး..တော့ မဖြစ်စေနဲ့
သတိတစ်လုံးနဲ့ လှုံအောင်ထိန်းပါ။🙏🏻🙏🏻🙏🏻
မူရင်းရေးသူကို crd🙏🙏🙏♥️

291

မဟာဗောဓီမြိုင်ဆရာတော်ဘုရားကြီး၏တရားတော်များ

16 Oct, 14:50

နေပူပူ လအေးအေး
🙏🏻🙏🏻🙏🏻🙏🏻🙏🏻

ကုသိုလ်ကောင်းမှုအားကြီးလို့
လူ့ ဘဝရောက်လာတယ်ဆိုပေမယ့်
လူ့ဘဝ ရချိန် ရောက်ချိန်ကလေးမှာ
ကုသိုလ်အရှိန်တွေ တုံ့နေ တန့်နေ တတ်တယ်။

တစ်နေ့ တစ်နေ့ ကုသိုလ်နဲ့ အကုသိုလ်
ဘာအလုပ်များသလဲဆိုတာ
ပြန်စဉ်စားကြည့်ပါ။
အကုသိုလ်အလုပ်များတယ်ဆိုတဲ့အဖြေ
ပေါ်လာပါလိမ့်မယ်။

အကုသိုလ်ဆိုတာ လောဘ၊ ဒေါသ၊ မောဟ၊
တဏှာ၊ မာန စတဲ့ကိလေသာတွေကြောင့်
ဖြစ်ရတာ။

ကိလေသာအပူရှိန်ဆိုတာ နေပူရှိန်လိုပဲ
ပြင်းလည်းပြင်း၊ များလည်းများ၊
အားလည်းကြီးတယ်။

နေမသာတဲ့နေ့ မရှိသလို ကိလေသာမဖြစ်တဲ့
အကုသိုလ် မလုပ်တဲ့ နေ့ ရယ်လို့
ရှိမယ်မထင်ဘူး။

နေကအပူပေးသလိုပဲ အကုသိုလ်ကလည်း
အပူပဲပေးစေနိုင်တယ်။

အေးချင်ရင်တော့ လနဲ့တူတဲ့
ကောင်းစိတ်ကလေးမွေးပြီး
ကုသိုလ်ဖြစ်အောင် လုပ်ကြရမှာပဲ။

လဆိုတာ အချိန်တိုင်း မသာဘူး၊
လဆန်းလဆုတ် အပြုအပြင်ကလေးနဲ့သာ
ရတာ။

ကုသိုလ်စိတ်ဆိုတာလည်း ပြုပြင်ပေးနိုင်မှ
ဖြစ်ပေါ်နိုင်တာ။

ကုသိုလ်စိတ် ဖြစ်ပြီဆိုရင်လည်း
လသာသလိုပဲ အားလုံးကို အေးစေနိုင်တယ်။

#အနန္တကျေးဇူးတော်ရှင်
#မဟာဗောဓိမြိုင်ဆရာတော်ဘုရားကြီး
🙏🙏🙏🙏🙏🙏🙏🙏🙏🙏🙏

#မူရင်းရေးသားပူဇော်သူကိုလည်းဂါရဝပြုပါသည်။🙏

အပ္ပမာဒေန သ မ္မာ ဒေ ထ
#သတိတစ်လုံး အမြတ်ဆုံး
🙏🙏🙏🙏🙏🙏🙏
Credit Original Uploader 🙏🙏🙏🪷❤️

368

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ (Burmese)

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

မဟာဗောဓီမြိုင်ဆရာတော်ဘုရားကြီး၏တရားတော်များ

1,812

937

48

Best Similar Channel

Random Similar Channel