مؤرخين ثالثه ثانوي 2025

اصحو افطروا وصلو وخلصوا اللى وراكم وهتيجو تلاقونى فاتحه الجروب من بدايه اليوم بأذن الله
استغلو اليوم ف حاجه كويسه خلصوا اللى وراكم وانزلو اتمشو أو قومو اعملو حاجه بتحبوها كلو اكله كان نفسكم فيها طول الاسبوع هاتو سناكس واقعدوا اتفرجو على فيلم البسو وروحو اقعدو مع صحابكم خلو اليوم ده يوم تفريغ النجتيف انيرجى عشان تستقبلو الاسبوع الجديد بطاقه جديده ومتحسش انك مضغوطه وبتكرر نفس الروتين كل يوم
خلص اللى وراك وعيش اليوم على مزاجك عشان انت ليك حق على نفسك انت مش اله شغاله طول الاسبوع بدون راحه انت ليك حق تفرغ طاقتك وترتاح شويه
ربنا يريح بالكم واشوفكم احسن الناس يارب ♥️

بكرا الجمعه

الحياه جميله
حبو بعض
الدنيا لسه بخير
الحياه تستحق نعيشها 🤩

حل واجب السياسة الخارجية
https://youtu.be/I1CQ7RHLyaY

مؤرخين ثالثه ثانوي 2025 pinned «غدا الخميس بأذن الله ♥️ المحاضره السادسه فى الفصل التانى 👻🫰🏻 📌 ميعادنا بكرا 👇🏻 📌سنتر الاكاديميه ←الساعه(9:30)صباحاً⏰ - شارع المدينة المنورة - بجوار مسجد عثمان معن بعمارة تقديمات الغاز -الوراق 📌سنتر الرحمانى ← الساعة (12) ظهراً⏰️ - إمبابة ش/ المنيرة الرئيسي…»

غدا الخميس بأذن الله ♥️
المحاضره السادسه فى الفصل التانى 👻🫰🏻
📌

ميعادنا بكرا 👇🏻
📌سنتر الاكاديميه ←الساعه(9:30)صباحاً⏰
- شارع المدينة المنورة - بجوار مسجد عثمان معن بعمارة تقديمات الغاز -الوراق


📌سنتر الرحمانى ← الساعة (12) ظهراً⏰️
- إمبابة ش/ المنيرة الرئيسي أمام كشري أبو مداح بمقر مسجد الرحمن

📢يسمح بدخول طلبه جديده بشرط الالتزام

تعالى وشد زميلك عشان الخير يجيلك 👌🏻

مؤرخين ثالثه ثانوي 2025 pinned «﴿وَأَن لَّيْسَ لِلإنسَانِ إلاَّ مَا سَعَى وَأَنَّ سَعْيَهُ سَوْفَ يُرَىٰ﴾ غداً الاربعاء بأذن الله ♥️ المحاضره السادسه فى الفصل التانى🚨 📌سنتر الرحمانى ← الساعة (8:30)⏰️ - إمبابة ش/ المنيرة الرئيسي أمام كشري أبو مداح بمقر مسجد الرحمن والمحاضره السابعه…»

﴿وَأَن لَّيْسَ لِلإنسَانِ إلاَّ مَا سَعَى وَأَنَّ سَعْيَهُ سَوْفَ يُرَىٰ﴾

غداً الاربعاء بأذن الله ♥️
المحاضره السادسه فى الفصل التانى🚨
📌سنتر الرحمانى ← الساعة (8:30)⏰️

- إمبابة ش/ المنيرة الرئيسي أمام كشري أبو مداح بمقر مسجد الرحمن



والمحاضره السابعه فى الفصل التانى
📌سنتر تراست← الساعة (12)⏰️

- ٥ ش احمد سلام أمام المطافي من شارع المطار - امبابة

#حدوتة تاريخية💪♥️
تعالى وشد زميلك عشان الخير يجيلك 👌🏻

📌يسمح بدخول طلبه جديده بشرط الالتزام

رااح السلطان قفل المكالمه وقعد يعيط

بس يا سيدي والباقي هنكمله في الملخص اللي جاي

بس معلش الدحيح مش اجدع مني استأذنك تشوف الملخصات اللي فاتت وتشوف الملخص ده وتستني الملخصات الجايه ولو انت مش في جروب التيلجرام تدخله وتدخل صاحبك او صاحبتك وبس شكرا ليكم😉😉😂😂😂😂😂😂

السلطان قاله : دي ركنه حصان طب والله اضايقت
ونده علي ام السعد الخدامه بتاعته وقالها
يا ام السعد انت يا ام الزفت اعدلي الحصان


وبعدها حصل صلح كوتاهيه ابريل ١٨٣٣

خلينا دلوقتي في المهم وهنكمل القصه دي

دور مصر الحضاري في الشام او انجازات مصر او محمد علي في الشام
اولا نشطنا التجاره والزراعه هايللل
وطدنا الامن وفرضنا النظام وجعلنا التجنيد اجباري

اخضع الامراء الاقطاعيين ونزع منهم السلاح

بص بقي ممكن يجيلك هنا سؤال كان انجاز لمحمد علي ولكن امر سلبي هتقول نزع منهم السلاح
لان السوري كان شايف ان من ضمن الرجوله الشنب وانه يمسك سلاح هه اااه يا بتوع تهبُرني عيونك انتو

واقرار سلطه الحكومه المركزيه في مصر

تعالي بقي نكمل اقولك علي اتفاقيه كوتاهيه وتدخل الدول الاوربيه

زادت نفوذ محمد علي واتساع مصر لتشمل بلاد الشام وادنه
وتأييد السلطه علي كريت وشبه الجزيره العربيه والحجاز

جيه علولو ١٨٣٤ قال لقناصل اوربا انا عايز انفصل عن الدوله العثمانيه
القناصل قاله لا لا لا انت بتعمل اييه ده قرار غلط جدا

وجيه ١٨٣٨ السلطان العثماني كان بيبعت عصافير عشان ترشد عن محمد علي في الشام
وقالهم يا جدعان انا عايز انفصل بقولكم لكن قالولو لا عشان خايفين ان نفوذه وقوته تزيد وده طبعا خطر عالتوازن الدولي

الدول الاوربيه عملوا قاعده عرب وقاعده اجانب عشان انتصارات محمد علي

انتصارات محمد علي وتهديده للسلطان العثماني خوفت الدول الاوربيه
وخافو ان نفوذه تبقي خطر علي التوازن الدولي
فاكر لما قولتلك هنبقي امبراطوريه زي الدول الكبري ياااض

تعالي بس كلمه بيني وبينك انجلترا كانت بتتلكك عشان متضايقه من نظام الاحتكار فا اللي حصل اييه

بعد حروب الشام قعدوا
الدول الاوربيه : ينفع يا علولو اللي ابنك ابراهيم عمله
قالهم والله انا قولتله يجيب الشام بس معرفش انه هيجيب السلطان نفسه والله
طب يا علولو ابنك عور السلطان وده مش هينفع
فا قررنا نحن الدول الاوربيه الاتي
هنصالحكم وياريت متتكررش تاني

تمام يا سلطان
تمام يا دول يا اوربيه
تمام يا محمد يا علي
تمام يا دول يا اوربيه
وقام محمد علي والسلطان وباسو بعض والدنيا اتصافت خلاص
والسلطان العثماني نزل ستوري عالفيس وحط عليها اغنيه احنااا توينز اخوات مفيش تالت بينا شيلنا بعض في الازمات مفيش واحد شالنا

ومحمد علي خدها Replay عنده وكتب عليها انا والسلطان اخوات واللي بينا اشاعات والحمدالله كله اتراضي وحط الاستوري علي اغنية انت اخويا زميلي انا في ضهرك

جيه بقي السلطان العثماني كان مأيير من اللي حصل فيه
فضل مرقد لمحمد علي وبيجهز عشان يواجهه


حروب الشام التانيه موقعه( نزيب او نصيبين) ١٨٣٩
وممكن يقولك حرب علي حدود الدوله السوريه التركيه او ممكن يقولك حرب في الجزء الشمالي الشرقي لمصر او شمال حلب

بس تعالي الاول افهمك
السلطان العثماني شااف ان كوتاهيه دي بيكسب بيها وقت عشان يستعد ان يربي محمد علي

وراح اتفق مع روسيا علي معاهده سريه يوليو ١٨٣٣ بتنص علي ان يلتزم الطرفان ان يساعد كل منهما الاخر في اي حرب سواء داخليه او خارجيه

ايوه متستغربش روسيا اللي كانت بتحارب الدوله العثمانيه في كل ثانيه بقوا اصحاب واخوات دلوقتي
علاقه متناقضه او متباينه وتوكسيك زيك انت والاكس بتاعتك جتكم القرف


وراحت انجلترا اصطادت في الميه العكره وقالت للسلطان تعالي بقي نلغيله نظام الاحتكار عشان تعرف تحاربه
وعملوا هما الاتنين معاهده (بلطه ليمان) ١٨٣٨
وهي معاهده اقتصادية بين إنجلترا والسلطان تنص علي الغاء نظام الاحتكار في مصر


وجت ساعه الحرب
ساعه عوده مياه الوجه ورد الشرف والكرامه والسلطان استعد جامد اوي اوي

وراحت في يونيه ١٨٣٩ عملت معركه نصيبين

سببها
انجلترا اصفرت وشجعت السلطان عشان يخضع ويكسر محمد علي بالقوه لينفذ معاهده بلطه ليمان ١٨٣٨ خاصه بعد ما فرنسا بقت في صف انجلترا والسلطان

واللي متعرفوش كان السلطان وجدي محمد علي كانو هيتراضوا بجد و جداني بس انجلترا كانت صفرا وبتخليهم يفشلوا بتعكر كل مساعي الصلح


فا راحت القوات العثمانيه علي منطقه نزيب او نصيبين علي حدود تركيا وسوريا وحصلت حاجه بوم طخ

الجيش العثماني دخل مخرجش ليييه بقي
عشان ابراهيم عمي وعمك سحق الجيش العثماني

يا عيني كان بيبلع اي جندي بيشوفو

راح قائد الاسطول العثماني قاله خد يا هيما ده مفتاح الاسطول ودي الجنود اللي اتبقت ودي الساعه بتاعتي وانا من ايدك دي لايدك دي

وزادت قوه محمد علي برا وبحرا

محمد علي اتصل علي السلطان العثماني قاله اييه يا برو ينفع اللي حصل ده
السلطان طبعا فاتح المكالمه وساكت

قاله اسممممعععع يالا يااللي اجمد حد عندكم الشيف بوراك انا احترمت المعاهده وانت اللي نقضتها فانا مش عليا غلط وبقولهالك لاخر مره انا محمد علي كابوسك يلا
وراح مشغل اغنيه من فضل الاخصام خفوا التخطير خفوا الاجرام عشان اللي بقينا بنشوفو ده حرام كلها أبطال كلها اهرام

اختلف محمد علي مع مينو في
مينو منع دخول المصريين في الصناعه
محمد علي استقدم ابناء السودان يعني يديهم خبره يعني معنصرش زي مينو
الله عليك يا جدي والله



حرب اليونان ١٨٢١ - ١٨٢٨ او (الموره) حرب بناء علي امر السلطان


اسبابها : مفيش جديد بيتقال حصلت ثوره اعتراض علي الدوله العثمانية في اليونان اخواتنا اليونانيين عايزين ينفصلوا عن الدوله العثمانيه فارسل محمد علي الجيش المصري في اول حرب بالجنود المصريين خير اجناد الارض ١٨٢٤ وكسبناهم

احسن احسن عشان حزلقوم كان عايز يروح واتغفل

نتائجها : محمد علي في بناء قوته الذاتيه نجح فيها وهي ان يعمل جيش قوي نظامي وفعلا يا ساده الجيش المصري اكتسب خبره ميدانيه يعني التعليم جيه بفايده ومجهود اخونا الكولونيل سيف مراحش عالارض

ضمينا جزيره كريت لامبراطوريه مصر

ارتفاع شأن جدنا محمد علي من مجرد تابع للسلطان لحاكم مستقل

بصوا جت الدول الاوربيه تترجا محمد علي وتبوس الايادي كده وتقولو يامحمد يا علي كفايه حرااام كفايه حراااام كفايه دمدمه في اليونانيين اتفاوضت الدول الاوربيه مع محمد علي ومتكلمتش مع السلطان وده طبعآ تقليل من السلطان الهلهوله كده السلطان بيتهلفت

ودي طبعاا حاجه ايجابيه علي محمد علي حيث نمو فكره الانفصال عن الدوله العثمانيه وتحقيق استقلال مصر



حروب الشام والاناضول ١٨٣١ - ١٨٤٠ او (حروب الشام الاولي ) حرب بناء علي رغبه محمد علي

ودي حرب كان محمد علي نفسه فيها قبل السودان والجزيره العربيه كمان اثبت ده

١٨١٠ فكر ان يطلب من السلطان ان يتنازل له عن الشام مقابل مبلغ من المال
انا شوفت المشهد ده فين قبل كده 🤔

ايوه برافو عليك يا مجتهد ياللي بتذاكر
لويس الخامس عشر لما فكر ان يطلب من السلطان ان يتنازل له عن مصر

تشابه بين محمد علي ولويس الخامس عشر في طلب غرض بشكل استراتيجي

الله عليك يا جدي والله

واثناء حرب شبه الجزيره العربيه طلبها من السلطان علي انها ليها اهميه في اخضاع الوهابيين بص يا سلطان بصراحه انا لازم اخد الشام عشان اقدر اقضي علي الحركه الوهابيه فا قاله لا يا محمد يا علي


وجيه بعد السودان وحرب الجزيره العربيه اصبحت الفكره بتطارده واكثر الحاحا وبينام يحلم بضم الشام ويقوووول يا لو احتليت الشام هبقي مرضي ومتكيف والله وهفتح فروع كرم وزين وجوري الشام وهخربها

الله عليك يا جدي محمد علي والله


وبعد حرب اليونان طلب محمد علي من السلطان ان يضم الشام كا مكافاه كده وتعويض عن الخساير اللي خسرها في حرب اليونان فا السلطان قاله سيبني افكر .. مش موافق و اداله كريت

فا بص كده وقاله ايييه ياعم ده دي بعيده واهلها متمردين انا عايز الشام فا رفض


فا بصراحه بقي جدي طلبها بالذوق بس شكل الذوق مش جايب نتيجه فا راح فعلا وهيحتل الشام ولكن اظهر اسباب غير طبعآ الاسباب الحقيقه


الاسباب اللي اعلنها ايييه اللي هي كده وكده

رغبه محمد علي في اعاده الفلاحين الهاربين من الضرائب واللي هربانين من الخدمه العسكريه

لكن والي عكا قاله عليا النعمه ما في حد هيخرج من هنا دول رعايا عثمانين وحقهم يقعدوا في اي حته تبع الدوله العثمانيه وشوح بأيده كده

فا طبعآ كل الكلام ده كان هيعديه جدي محمد علي لكن انه يشوحله دي اللي ضايقت محمد علي راح داخل واحتل الشام
وقال للسلطان بكلم الوالي بتاع الشام راح مزعقلي روحت احتليت بلده


لكن الدوافع الخفيه اللي هي بجد بقي

تأمين حدود مصر الشماليه الشرقيه

هفهمك سوريا فوقينا كده وده هيأثر علينا زي حمله الدوله العثمانيه لما بعتتها من الشام فا احنا هنا بنمنع الخطر

طب والله الله عليك يا جدي


وتقويه الجبهه العربيه ضد السلطان

اهميه بلاد الشام باعتبارها المجال الحيوي لمصر من الشمال
ورغبه محمد علي في توسيع الإمبراطورية المصرييه بعد ضم السودان والجزيره العربيه

طب بجد بجد الله عليك يا جدي


احداث الحرب بقي

الجيش المصري دخل الشام وقال

اسمعي يا منطقه الشام والعيش السوري يخصني
نقول كمان الشام والعيش السوري يخصني اي دكر دماغه توزه يقول لا مش هتحتلنا هنرولكم زي البطاطس السوري امييين

فا دخل الجيش واحتل عكا في مايو ودمشق في يونيو وحمص في يوليو

وعمك ابراهيم ميتوصاش دخل بلاد الاناضول وتمركز في ادنه ودخل الاستانه عاصمه الدوله العثمانيه
ااااااخ انا شكلي جبت دول ابويا مقاليشش عليها
ابراهيم سأل جندي كان معاه في الجيش هو ابويا كان قايلي احتل اييه واقف فين

قاله يا ابراهيم باشا انا عمال اشاورلك وانت مفكرني ان ببعتلك سلامات وانا كنت عايز اقولك يا ابراهيم باشا احنا احتلينا الشام خلاص انت رايح فييين تانيي

قاله هااااااار اسووووود اومال احنا فين دلوقتي
قاله انت احتليت الدوله العثمانيه

قالو يالهوي يالهوي يالهوي وانت كنت فين

قاله شوفتك بعيني دي ومقدرتش اعمل حاجه سامحني سامحني

المهم دخل علي السلطان بيته ب حصان

الجزء الخامس من الفصل الثاني
#مراجعه_تخاطيفي

بعد القلق والنهضة اللي عملها علولو في الزراعه والصناعه والتجاره والنقل والمواصلات والتعليم والنظام السياسي زي ما شوفنا في #المراجعات_التخاطيفي اللي فاتت

جيه الوقت اللي اوريك فيه قد اييه احنا كنا دوله ليها هيبه ليها شنه ورنه والناس تعمل خاطر عشانا


سياسه مصر الخارجيه يعني التعامل مع الدول اللي بره

قبل محمد علي مكنش لينا سياسه خارجيه لان احنا كنا تحت امر وسياده الدوله العثمانيه من القرن ال ١٦ يعني من سنه ١٥١٧ للللللللححححححدددددد ١٩١٤ مش عايز اسبق الاحداث بس هتعرفها في الفصل الرابع

وطبعا سياستنا بتتحدد علي اساس الدوله العثمانيه سواء في السلم او الحرب

لكن بعد ما جدي محمد علي مسك مصر اتغيرت السياسه خالص
اولا بدا يفكر انه يستقل عن الدوله العثمانيه
فاكر ساعه اما السلطان طلب من علولو يروح الحرب الوهابيه في الحجاز دي كانت اول مره تجيله الفكره

والمره التانيه لما حصل عاركه بين محمد علي والسلطان في حرب الشام هنا اتثبتلي ولازم يتثبتلك انت كمان ان محمد علي رغم انه كاان بصمجي ومش متعلم الا انه كانت دماغه الماظ

جاتله فكره ان يعمل رابطه عربيه قدام الرابطه العثمانيه وتضم مصر والشام والجزيره العربيه ووادي النيل


بسم الله الرحمن الرحيم اول حرب هيدخلها محمد علي
عايزك تفرق بين حروب بمزاج محمد علي وحروب بأمر من السلطان


حروب شبه الجزيره العربيه ١٨١١ - ١٨١٩ حرب بأمر من السلطان

سببها اييه
الشيخ محمد عبدالوهاب ال سعود مش عاجبه نظام العثمانيين فا قرر ينفصل عن الدوله العثمانيه ركز معلش ممكن يقولك تشابه محمد عبدالوهاب مع علي بك الكبير ان هما الاتنين حاولو الانفصال عن الدوله العثمانيه

وطبعا الحرب انتهت بنجاح محمد علي وجيشه في اسقاط الدوله السعوديه الأولي
وعلي فكره السعوديين بيكرهونا من الوقت ده بسبب كده


Wwiiiiiiiiiiiinnnnnneeerrrrrr
مبارك عليك يا جدي ومن نجاح لنجاح دايما
اصلا دول كبسه وعلي قد الايد

نتائج الحرب دي بقي
سلطه محمد علي في مصر زادت بدل من تابع يعني والي كده بيقعد ٣ سنين الي حاكم مستقل قراره نابع من دماغه

واصبح لمحمد علي وجود سياسي وعسكري في شبه الجزيره العربيه واسند السلطان لمحمد علي مشيخه الحرم المكي ولابنه ابراهيم ولايه جده

من اليوم شيخ محمد علي جديد بيتولد 😉


اتسع مجال مصر ليشمل احفظها بالاغنيه دي

يا يا يا يا
الحجاز نجد عسير
جزء من اليمن جزء من الخليج

تاني
الحجاز نجد عسير
جزء من اليمن جزء من الخليج

كانت بدايه لفكره تكوين رابطه عربيه في مواجهه الرابطه العثمانيه

كانت بريطانيا ترقب بعين حظر يعني مقلقه من توسع محمد علي ده وده بيمثل خطوره علي طرق مواصلاتها وهتفهم ده كويس في الفصل الخامس



حروب السودان ١٨٢٠ - ١٨٢٢ حرب بأراده محمد علي

اهداف محمد علي من كده اييه ؟

متابعه المماليك الهاربين من مذبحه القلعه الي دنقله في السودان
هجيبك واغز واشك وابك فيك لحد ما اصفيك شغلتي

تحقيق فكره المجال الحيوي والامتداد الطبيعي من الجنوب يعني تبقي السودان حدود لينا من الجنوب عشان تحت مصر
امن قومي يا صاحبي بتاخدها في الجغرافيا درس الحدود السياسية

وعشان ينمي التجاره مع السودان وسنار ودارفور
ايوه ياض صح زي مينو كده

تجنيد السودانين في الجيش افتكر استبعد استبعد لجا عااد

نتائج الحرب او ممكن يقولك اييه اجراءات محمد علي في السودان
او يقولك وضح دور مصر الحضاري في السودان

توحيد اجزاء السودان لاول مره تحت اسم السودان

عندك في الجغرافيا ان السودان والمانيا كانو مقسومين محمد علي بقي وحد السودان

براجعلك جغرافيا اهوه اي خدمه😉😉

عين حاكم للسودان برتبه حكمدار له سلطه مدنيه وعسكريه
بس ياخد الاوامر من ديوان الداخليه في مصر

قسم السودان زي مصر بالظبط لمديريات واقسام نفس التقسيم الإداري بتاعنا

بني مدن جديده زي الخرطوم التي اصبحت عاصمه السودان ١٨٣٠
يا سلام عليك يا جدي وربنا صانع الطفره والحضاره
ومدينه كسلا علي النيل الازرق
لا لا لا هذا ما لم نسمع عنه من قبل

وقد ساعده في ضمه السودان اكتشاف منابع النيل واوساط افريقيا ودي هتكتمل اكتر في عهد اسماعيل

ادخل بها زراعات مصريه كالقمح والخضروات والفاكهه ايوه زي مصر كده ادخل بها محاصيل زراعيه


استقدم محمد علي ابناء زعماء السودان للدراسه في مصر كما شارك السودانين اخوانهم المصرييين

الله علي الوحده ايوه هما دول العرب وقت الشده

وزار محمد علي السودان ١٨٣٨ وقدم منح تعليميه ل ٦ من السودانين لدراسه علوم الزراعه

قفلوا المداخل البابا داخل


بص بقي تعالي نعمل تشابهات واختلافات مع الفصل الأول

اولا تشابه نظام محمد علي الاداري في مصر والسودان
وتشابه في ادخال المحاصيل الزراعيه الجديده

صباح الخير يا حبايبنا 🥰❤️

إن الله إذا كلّف أعان
فلا تنظُر لثُقل التكليف، وانظر لقدرة المُعين..

"لا يُكلّفُ اللهُ نفسًا إلا وسعَها"

كل مسؤولية ألقاها الله على عاتقك أنتَ لها، فاستعن بالله ولاتعجز. ❤️

#محاضرات_الإنعااااش
#هتشد_معايا_وهقولك_عاااش

https://www.facebook.com/share/15CztKrFiz/?mibextid=WC7FNe

مؤرخين ثالثه ثانوي 2025 pinned «﴿ وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ} مواعيد غدا الثلاثاء بأذن الله ↓ شرح المحاضره الخامسة فى الفصل الثاني 📌سنتر الانشا ارض اللوا←الساعه (9ونص صباحاً)⏰ - ٦ش اشرف السباعى متفرع من ش المعتمديه وش عبده خطاب بمزلقان…»

﴿ وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ}

مواعيد غدا الثلاثاء بأذن الله ↓

شرح المحاضره الخامسة فى الفصل الثاني
📌سنتر الانشا ارض اللوا←الساعه (9ونص صباحاً)⏰

- ٦ش اشرف السباعى متفرع من ش المعتمديه وش عبده خطاب بمزلقان ارض اللواء

ـــــــــــــــــــــــــــــــــــــــــــــــــــــــــــــــــــــــــــــــــــ
والمحاضره السادسه فى الفصل التانى
📌سنتر المصري (ستار)← الساعة(12 ظهراً)⏰

- ٣٨ شارع عمر بن الخطاب امام صيدلية عبدالسميع ومسجد عمر بن الخطاب - ارض الجمعية

صباح الخير والنشاط والحيوية على احسن طلبة في الدنيا ♥️
عايزة اقول كلمتين الناس اللي خايفة والناس اللي بدأت تفقد الشغف وتراكم الموضوع ابسط من كدا بكتير والله ولسه معانا وقت كبير بنقع اه الوقت بيضيع اه بس المهم نرجع تقوم تاني ونحاول تاني ونسعى ونعافر عشان نلاقي نتيجة ده ♥️💪🏻
اصحوا النهاردة جددوا النية بينكم وبين ربنا ونطلب منه الاعانة ونفتح صفحة جديدة مع نفسنا متوكلين على ربنا ونقول احنا قدها ♥️💪🏻
واحنا معاكم وفي ضهركم لحد ما تحققوا كل احلامكم 🥰♥️

مؤرخين ثالثه ثانوي 2025 pinned «غدا الاثنين باذن الله المحاضره الخامسة في الفصل الثاني↓ سنتر الكمال الساعه 8:30 المحاضره السادسه في الفصل الثاني ↓ سنتر فيوتشر الساعه ١١ سنتر طلعت حرب امبابه الساعه ١.٣٠»

غدا الاثنين باذن الله
المحاضره الخامسة في الفصل الثاني↓
سنتر الكمال الساعه 8:30

المحاضره السادسه في الفصل الثاني ↓
سنتر فيوتشر الساعه ١١
سنتر طلعت حرب امبابه الساعه ١.٣٠

تحدى لكل طلاب الادبي في مصر في التاريخ
https://youtu.be/yPFE4bTno9M

حل اسئله المسابقه
وسبب الاجابه
اتعلم تاريخ صح
فيديو ٢١ دقيقه

https://www.facebook.com/share/v/15Z1CQ3Hxg/?mibextid=WC7FNe