محمود ابو المجد

حركة بسيطة رفعت النتايج ٣ أضعاف 🤯🚀

الاسبوع اللي فات كنت منشغل شوية ومنقطع عن النشر على x وعلشان عندي هدف لازم احققه قبل نهاية السنة قررت إني لازم اعوض اللي فات وارفع نتايج الحساب مرة تانية 😁

وبحركة واحدة بس شرحتها في الكورس رفعت نتايج الحساب ٣ أضعاف وأكتر من ٣٠٠ متابع و ٥٠ ألف مشاهدة في ٣ ايام فقط 🚀

ودي نتايج الحساب آخر اسبوع فقط

هو انت بتشتغل ليه ؟
علشان يجيلك فلوس ؟

طيب هتستخدم الفلوس ف إيه ؟
أو محتاج فلوس كتير ليه الفترة دي بالذات ؟

السؤال ده سألته لأكتر من عميل كنت معاهم ف الاستشارات وف كل مرة ألاقي إجابة مختلفة تماما وبعيدة عن خالص عن الشغل

وف الغالب بتكون أسباب شخصية بتدفع الشخص إنه يجتهد في شغلك ويبقى عايز يطور منه ويكسب فلوس أكتر خصوصاً مقدمي الخدمات بيبقى عندهم أهداف خاصة لزيادة دخلهم

من خلال معرفة الأسباب دي بشكل تفصيلي بقدر ازود من قدرتي على إقناع عميلي بالعرض اللي بقدمه وأعرف إيه الهدف اللي عاوز احققه واركز في خدماتي أو تدريبي أو المحتوى اللي هساعده فيه

إننا نحقق الهدف ده بالتحديد من غير مانتشتت في أهداف تانية بدون تأثير وبعيدة عن هدف عميلي وبالتالي يكون غير راضي

ودي واحدة من الاستراتيجيات البيعية اللي اتعلمتها من فترة في المكالمات البيعية أو تحويل العملاء لمهتمين بخدمات أسعارها عالية

وتخليهم يدفعوا بسهولة وهما مبسوطين وبدون اعتراضات 🤞💁‍♂️

ازاي انت تخصصك تسويق أو كونتنت كريتور
ومش عارف تسوق لنفسك ؟

الإجابة 👇

لان التسويق الشخصي مختلف عن التسويق للمشاريع وللأسف أغلب الفريلانسرز بيهتم بانه يتعلم مجاله وبس وينسى يتعلم كيفية استقطاب العملاء وميعرفش ازاي يتعامل مع نفسه كعميل

فالنتيجة بتكون شخص عنده سنين من الخبرة بس كاتب بوست على جروب بيطلب فيه شغل بشكل غير مقنع وبأسلوب غير جيد

عايز تعرف السر اللي مخليني مستمر في صناعة المحتوى بقالي ٤ سنين

السر هو اني مش بصنع محتوى أصلا
يعني نادر جدا لما ابتكر فكرة من الصفر أو أخد وقت في التفكير وصناعة المحتوى واربط نفسي إن لازم يكون في أفكار جديدة

لأ أنا بس بحدد الاستراتيجية وبفهم البريف كويس

وبعد كدا ببدء أعيش حياتي عادي يعني اتصفح السوشيال ميديا أو أخرج اتمشي أو اتكلم مع ناس اعرفها وده هو مصدر الأفكار

بحول المواقف والمحتوى اللي بيمر قدامي لمحتوى يخدم الهدف بتاعي وبكدة مش هتكون العملية مرهقة أبدا

فانت علشان متتعطلش ف صناعة المحتوى اتعامل معاها إنها روتين أو مهارة بتمرنها بالاستمرارية وبطورها بالتغذية البصرية

وجرب كدة وانت ف المواصلات تسيب الموبايل وتركز شوية ف الطريق أو ف مواقف الناس الموجودة هتلاقي أفكار بتجيلك من كل ناحية وده هو اللي هيخليك مستمر ومبتعطلش

ويهمني اعرف انت ازاي بتحافظ على استمراريتك في صناعة المحتوى ؟

قولتها قبل كدا وهقولها تاني للتأكيد
علشان مهم جداً

لو انت شغال في التسويق أو صناعة المحتوى
ضروري تذاكر علم نفس تسويقي

وبالتحديد التأثير والاقناع وسلوك البشر

وأنا اضمنلك إن لو فهمتهم صح نتايج شغلك هتزيد بنسبة كبيرة

في بدايتي كنت فاكر إن النجاح هو الحصول على أكبر عدد من العملاء المحتملين أو الاسئلة حول خدماتي

بس اللي توصلت ليه إن ٨٠٪ من العملاء المستهدفين غير جاهزين
فبقيت احط كل مجهودي على ال ٢٠٪ المستعدين للدفع 💰

من خلال
✅ تحليل عملائي الحاليين ومعرفتهم طريقة جذبهم
✅ التركيز على الخدمات ذات القيمة العالية
✅ محاولة نسخ نفسي من خلال تكرار العمليات الناجحة 👌
✅ استخدام أدوات أتمتة لتسهيل العمليات وتوفير الوقت
✅ التركيز على بناء أصول طويلة المدى

كل الخطوات ساعدتني بفضل الله احقق مبيعات لخدماتي بأسعار عالية في أوقات أقل للجمهور المناسب في الوقت المناسب 👌

‏إذا نجحت في بناء براندك الشخصي

سيكون الربح من خبراتك موضوع سهل 💰

كل ماعليك هو معرفة مشاكل جمهورك
وتقديم الحلول في شكل منتجات أو خدمات مناسبة لهم 👌

من أفضل الكتب اللي قريتها في علم النفس التسويقي ( التاثير علم نفس والإقناع )

الكتاب بيقدم رؤية شاملة لفهم كيفية تأثير العوامل النفسية في سلوك الإنسان وقراراته.

لو انت مسوق أو كاتب محتوى ضروري تقراه
لأنه هيضاعف نتايجك🤯

‏"لو بتعمل أجمد شغل في الدنيا
بس مش بتسوّق له محدش هيشوفه 👀

واللى عامل شغل أقل منك
بس بيتكلِّم عنه هو اللي هيتشاف 👁‍🗨"

صباح الخيرات والبركات 💫

للي مهتمين يتعرفوا على منصة x ( تويتر)

قريب ان شاء الله هيكون في سيشن مجانية

هشرح فيها اسباب التواجد على المنصة وخوارزمياتها

وازاي تبني حساب احترافي يزود متابعينك وعملائك

ا يسجل في الفورم اللي ف الفورم👇

https://gforms.app/r/EClc9KM

لينك الانضمام للجروب هيظهرلك بعد التسجيل أو اكتب تم

أول دولار ليا من العمل الحر ✌️🚀

من تلت سنين كنت لسه داخل رابعة جامعة واعرف حجات بسيطة عن التسويق الالكتروني بس فاهم سوشيال ميديا واعرف ازاي ممكن ندير صفحة ونكبرها وأرد على العملا واتابعهم واحط افكار بسيطة للمحتوى

وكان أول عميل من السعودية طلب مني امسكله حساب تويتر وأعمله محتوى و أكبره وساعتها متكلمتش خالص في المقابل لإني مكنتش عارف ان الموضوع فيه فلوس كويسة وبالنسبالي مجرد هواية بس دلوقتي بتكلم عادي 😂😂🏃

وبعد ماوصلنا لعدد المتابعين اللي كنت متفق عليه لقيته بيقولي اديني بياناتك احولك مكافأة وحولي 50$

ومن ساعتها بدئت اخد كورسات في التسويق الالكتروني وازاكر تسويق بالتفصيل أكتر وخلصت دورات وقريت كتب كتير وكمان اتخصصت إدارة أعمال واشتغلت مع أكتر من ٢٠ عميل في مصر وبرا

والحمد لله دلوقتي بقدم أكتر من خدمة في التسويق بالمحتوى وبناء الجمهور لمساعدة أصحاب المشاريع ومقدمي الخدمات في الحصول على عملاء وبناء جمهور سواء على تويتر أو المنصات الأخرى 👌

ودي كانت قصة أول دولار أونلاين 🏃🏃🚀

سمعت قبل عن استراتيجية اسمها قوة التعليقات 💪

وان ممكن تعليق واحد يضاعف متابعينك أو يجيبلك عملا 💰

الأسبوع ده الحمد لله أحد التعليقات على منصة x
حقق ٢٠٠ متابع و٤ عملاء محتملين

‏من فترة اشتغلت مع مدربة كانت تصرف مبلغ كبير كل شهر علشان تقدر تقفل حجز دوراتها

بعد العمل تمكنا من اتمام الحجز في ١٢ يوم
بدون أي إعلانات 😁

✅ قللتا اعلانات وزودنا المحتوى
✅ التركيز على بناء جمهور وبعدها تحويلهم لعملاء
✅ تحويل الجمهور من خلال فانل
✅ تحديد الحجز بوقت

٤ اسرار هيخلوك مسوق بالمحتوى مبيعطلش

- تغذية بصرية مستمرة
- مخزن أفكار
- المشي والصمت
- الاسئلة الغبية

الحمد لله على كرمه وفضله
وصلت ل10 الاف بعد 3 سنوات 🥰

مش مجرد متابعين دول جمهور مستهدف وناس واثقة فيا واستاتذتي بتعلم منهم
يعني الوجهة أهم من السرعة ومهما طالت التجربة ان شاء الله هتوصل بس انت اصبر

وشكرا ليكم جميعا على دعمكم ومتابعتكم 🥰

مش لازم يكون عندك خبرة كبيرة علشان تبدء تسوق لنفسك وتحصل على عملاء

أنا حصلت على أول عميل 👇

- بدون كورس بآلاف الجنيهات
- أقل من ١٠٠٠ متابع
- بدون ملف اعمال


كل اللي عملته اني شاركت مع الناس ازاي ممكن اساعدهم

- محتوى تعليمي ومفيد
- خدمة مجانية اكتسب بها ثقة البعض
- نشر آراء العملاء أصحاب الخدمات المجانية


التسويق الشخصي مش معادلة صعبة وفيزيائية الموضوع ابسط مما تتخيل وكل اللي تحتاجه إنك تظهر نفسك لعميلك المناسب ✅

أكتر ناس محتاجين يهتمو بالبيرسونال براند لإنها بتفرق جدا في نتايج شغلهم

- الدكتور
- المدرسين
- الفريلانسر
- المحامي
- المهندس
- المستشار المهني

وأي حد بيقدم خدمة شخصية تعتمد على خبراته أو مهاراته فهو محتاح يظهرها للناس بشكل يكسب بيه ثقتهم ويخليهم حابين يشتغلو معاه 👌

انت مش محتاج كورسات زيادة علشان تلاقي شغل

انت محتاج تطبق اللي اتعلمته وتفرج الناس نتايجك 📈

البوستين دول في نفس الأسبوع واحد منهم عدى ال ٣٠٠ الف والتاني داخل على ال ٤٠ ألف

والحقيقة إن الاتنين مفيهمش قيمة عالية يعني مش محتوى تعليمي متعوب عليه علشان ينتشر بالطريقة ولكنه محتوى ترفيهي عادي كوميك مع جملة تعبر عن وضع أو نصيحة خفيفة

بس اللي لاحظته من خلال تجربتي على أكتر من صفحة أن

- الفيسبوك الفترة الحالية بيدعم المحتوى الترفيهي أكتر وبيساعده على الانتشار
- الناس بتتفاعل مع المحتوى الترفيهي أكتر من التعليمي وبتشيره وده بيساعد ف الانتشار
- المحتوى المستفز واللي بيلعب على فكرة مثيرة للجدل بينتشر بسرعة
- المحتوى الترفيهي مش دايما هيحققلك مبيعات بس هو ممكن يساعدك توصل لناس أكبر وعدد متابعين أكبر كمان
- بلاش تجري ورا الأرقام وتنزل أي ترند وخلاص واختار اللي يناسب مجالك ويهم جمهورك علشان تقدر تستفيد منهم في المستقبل

وفي النهاية حابب اقولك أن الموضوع كله قايم ع التجربة والتحليل والاستمرارية

معلومة عرفتها من كم يوم وفرقت معايا جدا لما طبقتها 🤯

أول سطر في المحتوى هدفه جذب القارئ للتوقف أمام محتواك

وليس تلخيصا للمحتوى أو ذكر النقطة المهمة 😉

اقراها كويس وقولي رأيك في تعليق 👇