أغنيه وشعُور ..

‏رضيت الصمت واخترت الغياب وسكة المقفين
‏بعد ما كانت ايام الوصل من اعذب ايامي

‏يصبرني على جور الزمن وتعاسة الروتين
‏مرور الوقت وشعور الرضى عن فايت احلامي

‏تخيرت الامل درب طويل ولذته بعدين
‏تنجيني من اليأس العنيد ولجة اوهامي

‏سقى الله بارد النسمه وليل من شهر تشرين
‏لا زلت امجده للحين وانعي سابق اعوامي

‏تشبثت الهوى لكن لقيت العاقبه غسلين
‏نهايتها بداية درب ما يشفق على آلامي

‏تملكت القناعه يوم عمري وصل نهاية العشرين
‏معاد الوقت يسعفني وادور مصدر إلهامي

‏وانا شرهات ظني سقتها للي معه وجهين
‏ يا كيف الناس تشفع له ويشفع عذري السامي

‏اشوف ان الحياة بطبعها ما ترحم المسكين
‏تجرد من شعور الضعف التجريد إلزامي

‏ياكم قدست نفسي عن دروب المهزله واللين
‏وكم جنبت عن بير احتياج وداخلي ظامي

‏زهابي عزة النفس العظيمه والكرامة جين
‏مثل سيف يجمل صاحبه والمعركة حامي ..

‏النفس لا طابت ترى ما بها طّب
‏أصعب علاج علاج نفسٍ عزيزه ..

الانسان لما يظل متمسك فيك مهما
‏كانت الظروف أنتبه من يوصل لمرحلة
‏"عزت علي نفسي ونفسي عزيزه "..

‏انا ما جيت أبرر شي ولا بأعاتبك بإحساس
‏ولا يفرق سواءً رحت ولا جيت بـ الخيره

‏تخيلتك تشابهني على طيب الأصل والراس
‏وأثر اسباب خيبات العشم من زود تقديره

‏فلا يلحقك فيني عطف ولا يحتلك الوسواس
‏أنا "دوله" وقلبك كان مواطن خاين الديره ..

يمر الحزن في صدري ولا يلقى حضن وأعذار
افتش عن عذر واحد ولا القى سوى الخيبه

تعلمت الوقوف اللي يبعثر كومة الاسرار
وقفت بـ صف أحلامي و أماني ماهي قريبه

على درب الوفا امشي وأسكت قلبي الثرثار
وأشيل من الغلا واجد وأشيل الضيق والطيبه

اعاتب طيفه بـ صبحي على الغيبات واللي صار
وقبل أكمل عتابي ، يجي ليلي ويسري به

وانا صدري بعد بعده يضيق ان مروا الزوار
على جرة خطاه ، اللي بعدها طول الغيبه

تلحفت الفرح غصبٍ على وجهي لبست ادوار
عشان الناس ماتدري ، وكل الناس تدري به

سهرت الليل من حزني ولا باقي سوا التذكار
احسب إن حبه مصيبه ، وصار فراقه مصيبه

يعرف ان القسى يوجع واعرف ان الزمن دوار
وقلبي مثل ما صابه حزن ، بيمر ويصيبه !

بعادي ماهو بـ عادي و وجهي لو تمر أقدار
يشوفه في وجيه اللي يمرونه من " الطيبه"..

" صبور ؟ اي والله أني ما ثنيت العزم قبل أدوج
‏ بـ ريضان الجفا واضمى لـ وصلك لين تسقيني

‏شجاع ؟ اي والله اني ماعرفت الذل قبل اسوج
‏قدم رجلي على درب لـ بيت اهلك يوديني

‏كريم ؟ اي والله اني ماعرفت الشح قبل تروج
‏دموعي في عيّوني ثم اشح بحسرتي فيني .

‏احبك ؟ حسبي الله ليت مالك في سماي بروج
‏ولا لك في البسيطه كود شيٍ بينك وبيني

‏دخيلك لا تلفت رح بفالك واترك المرجوج
‏( تغانم مابقى لك ولا انا ماعاد يمديني )

‏فمان الله سق ركبك على درب السنين العوج
‏ولكن طالبك لا اقفيت عني لا تخليني "..

‏- ضيدان بن قضعان .

قلبك دليلك لْيا اشتبهت عليك الأمور
لا تقرب اللي يجيك الشكّ من صوبها ..

‏يكفيني رحلت ولا حصل مني خطا وقصور
‏وانا حتى وداعي فيه بصمه تثبت اخلاقي

‏تخير فالديار اللي يغشيها ظلام ونور
‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور
‏تدور فالبشر مثلي ولكن صعبه تلاقي

‏فمان الله يا اخر محطه والسنين تدور
‏فمان الله والهقوه تخيب هقوة الهاقي ..

‏بارك الله بالهوى والليل وأنفاس المدينة
‏وقصّر الله خطوة الغالي وقلل من سفرها

‏كيف يقدر شخص يجمع راحة الدنيا بعينه
‏لا نظر لي كنه يجمّع ذنوبي ويغفرها

‏فيه سيل من السلام وفيه غيث من السكينة
‏فيه نار و نور کنّه شمسٍ تجفف نهرها

‏شال قلبي يوم قلبي من رماد وجاب طينه
‏رش روحي لين قامت تروي القاع بمطرها

‏صاحبي وحبالك من الحب في صدري متينة
‏أرضك اللي ماهي أرض الناس لا من ضقت زرها ..

‏"إن رضيت بشي ما أرضى مخافة"
‏ما أقبل أنصاف الرضا في كل أموري

‏وإن رفض قلبي وعاف الدرب عافه
‏"ما أجيه بنص خطوّة من عبوري"

‏"الوداعة والسماحة واللطافة"
‏هذي أصدق مازرعته خلف سوري

‏والسكوت إن حمّل ضلوعي كلافة
‏"بيض الله وجهه بغيبة حضوري"..

‏الوقت لو غيّر مفاهيم وطبوع
‏أبقى الذّي ما غيّر الوقت طبعه
‏يوم الليالي جفوة أحباب وربوع
‏"ما بار بـ أحبابه..ولا خان ربعه"
‏يا اللي تشوف العمر تابع ومتبوع
‏أنا أشوف العمر موقف وسُمعة ..

على قدّ العشم تسخي يدين الوقت بـ التجريح
‏زعمت الصبر و أول من خذلني فالصبر زعمي ..

وفي رواية أخرى قال جابر بن علوش
"مشتاق لك رغم إني مابي ولا شيّ
وهذا هو الشوق النظيف الحقيقي"..

لقطة ختام عند محمد السلطان:
يا علّ الدروب اللي تضمّك حيـا وأزهـار
لو أنك تعيش أيامك البيض من دوني.