Habesha Zena | ሐበሻ ዜና

https://youtu.be/P18Kd0QMFCs?si=H-pF7MmDdMyhtxOD

https://youtu.be/XwOtgDt7lq8?si=C3T1s1RsiSb8reNR

2 ❗️

https://youtu.be/re-XUxtde28?si=gbtZGQ-qwCONFmHf

https://youtu.be/zXhSgOu4oQU?si=7Y_XOtZ6cHxHxqDB

የአዲት ታዳጊ ህይወት አልፏል !

በኢትዮጵያ አቪዬሽን ዩኒቨርሲቲ የሐዋሳ ቅርንጫፍ በመደበኛው የፓይለት ስልጠና ልምምድ ላይ የነበረ ቀላል የተማሪዎች መለማመጃ አውሮፕላን (Dimond DA40NG) አየር ላይ ሳለ ባጋጠመው የቴክኒክ ችግር ምክንያት አርሲ ነጌሌ አካባቢ ለማረፍ መገደዱን የኢትዮጵያ አቪዬሽን ዩኒቨርስቲ ገልጿል።

" ይህንን ተከትሎ በመደበኛ ስልጠናው ላይ የነበሩት አስተማሪውና ተማሪው የመለማመጃ አውሮፕላኑ ሕብረተሰቡ ላይ አደጋ በማያደርስ ሁኔታ ለማሳረፍ ከፍተኛ ጥረት ያደረጉ ቢሆንም ለማረፍ በተደረገው ጥረት መሬት ላይ በነበረች አንዲት ታዳጊ ላይ ጉዳት ደርሷል " ብሏል።

በዚህም የታዳጊዋ ህይወት አልፏል።

የኢትዮጵያ አቪዬሽን ዩኒቨርስቲ፥ የአደጋው መንስኤ ምን እንደሆነ በመጣራት ላይ መሆኑን አሳውቋል።

https://youtu.be/SUi66YIEoyg?si=gy4N-vbx_gpuJjKI

ኢትዮጵያ ወርቅ አገኘች።

ሀገራችን በኦሎምፒኩ የመጀመሪያ የወርቅ ሜዳሊያ በማራቶን በጀግናው አትሌትላችን ታምራት ቶላ አማካኝነት አግኝታለች።

ምንም እንኳን በፓሪስ እየተመዘገበ ያለው ውጤት አንገት የሚያስደፋ ቢሆንም ዛሬ በወንዶች ማራቶን የተገኘው ውጤት የሚያኮራ ነው።

አትሌት ታምራት እጅግ በሚደንቅ ብቃት ነው ወርቁን ወደ ኢትዮጵያ እጅ ያስገባው።

አትሌት ታምራት ተጠባባቂ የነበረ ሲሆን የአትሌት ሲሳይ ለማን መጎዳት ተከትሎ ነው በውድድሩ ሊሳተፍ የቻለው።

አሜሪካ በየመን የሃውቲ ቡድን ይዞታዎችን ደበደበች❗️

አሜሪካ በየመን የሃውቲ ቡድን ይዞታዎችን በመደብደብ ድሮኖች እና ሚሳኤሎች ማውደሟን አስታወቀች። ቡድኑ ትናንት በኤደን ባሕረሰላጤ ሁለት የአሜሪካ የጦር መርከቦችን መምታቱን መግለጹ ይታወሳል። ይህን ተከትሎ በመካከለኛው ምስራቅ የሚንቀሳቀሰው የአሜሪካ እዝ (ሴንትኮም) የአጸፋ እርምጃ መውሰዱን አስታውቋል።

በተፈጸመው የአየር ድብደባ ሁለት የሃውቲ ድሮኖች፣ ሦስት ጸረ ሚሳኤል ክሩዝ ሚሳኤሎች እና የመቆጣጠሪያ ጣቢያው መውደማቸውን ነው ማዕከላዊ እዙ የገለጸው። የሃውቲዎችን ጥቃት “ኃላፊነት የጎደለውና አደገኛ ነው” መሆኑን በመጥቀስም ለቀጣናው መረጋጋት ሲባል የቡድኑን ይዞታዎች መደብደቡን እንደሚቀጥልም ጠቁሟል።

https://youtu.be/JSM2OcTEKbE?si=F3mhn2iWJqCvN750

አቶ ደመቀ መኮንን ከመንግስት እና ከገዢው ፓርቲ ከነበራቸው ኃላፊነት ተሰናበቱ

ላለፉት 11 ዓመታት በምክትል ጠቅላይ ሚኒስትርነት ያገለገሉት አቶ ደመቀ መኮንን፤ ከመንግስት እና በገዢው ፓርቲ ከነበራቸው ኃላፊነት መሰናበታቸውን ለጉዳዩ ቅርበት ያላቸው ምንጮች ለ“ኢትዮጵያ ኢንሳይደር” ገለጹ። አቶ ደመቀ በብልጽግና ፓርቲ ምክትል ፕሬዝዳንትነት በነበራቸው የኃላፊነት ቦታ ላይ፤ የብሔራዊ መረጃ እና ደህንነት አገልግሎት ዋና ዳይሬክተር አቶ ተመስገን ጥሩነህ መተካታቸውን ምንጮቹ አስታውቀዋል። (ኢትዮጵያ ኢንሳይደር)

[በዚህ ዘገባ ላይ ተጨማሪ መረጃዎች ይታከሉበታል]

በበዓሉ ዋዜማ ካጋጠሙ ሁለት የእሳት አደጋዎች ውጪ የጥምቀት በዓል ያለምንም አደጋ ክስተት በሰላም ተከብሯአል።

የአዲስ አበባ እሳትና አደጋ ስጋት ሥራ አመራር ኮሚሽን በዓለ ጥምቀተ በባህሩ ቦታና ታቦታቱ  ከመንበራቸዉ ሲወጡም ሆነ ሲመለሱ  በነበሩ እንቅስቃሴዎች ሁሉ ምንም ዓይነት አደጋ እንዳላጋጠማቸው ለጣቢያች ገለፁ።

የኮሚሽኑ የህዝብ ግንኙነት ባለሙያ አቶ ንጋቱ ማሞ ለጣቢችእንደተናገሩት  ከበዓላቱ ቀናት አስቀድሞ  ከሀይማኖት አባቶች ፣ ከበዓሉ አስተባባሪዎችና ከባለድርሻ አካላት ጋር በተለያዩ መድረኮች ላይ የግንዛቤ ማስጨበጫ ስራን  በመስራቱና ህብረተሰቡም ከኮሚሽን መ/ቤቱ የተላለፉ የጥንቃቄ መልዕክቶችን ተግባራዊ በማድረጉ በዓሉ  በሰላም ተከብሯል ብለዋል።

ሆኖም በበዓሉ ዋዜማ በከተራ ዕለት በአራዳ ክፍለ ከተማ ወረዳ ሁለት ራስ ደስታ ሆስፒታል ፊት ለፊት እንደዚሁም  በልደታ ክፍለ ከተማ  ወረዳ 9 በግተራ እየተባለ በሚጠራዉ አካባቢ  በአጋጠሙ ሁለት የእሳት አደጋዎች ሰባት የንግድ ሱቆች ላይ ጉዳት ደርሷል።

የኮሚሽኑ የአደጋ ጊዜ ሰራተኞች በሁለቱም ቦታዎች ያጋጠሙት  የእሳት አደጋዎች ተዛምተዉ የከፋ ጉዳት ሳያደርሱ  መቆጣጠር  ችለዋል።

በአደጋዉ በሁለት የእሳት አደጋ ሰራተኞች ላይ ቀላል ጉዳት ደርሷል።

በአጼ ሀይለስላሴ ስም የተሰየመው ፈጣን መንገድ በኬንያ ተመረቀ

በኬንያ በአፄ ኃይለስላሴ ስም የተሰየመው የፍጥነት መንገድ መውጫ መጠናቀቁ የትራፊክ ፍሰትን ከማቃለሉም በላይ አሽከርካሪዎች በቀላሉ ወደ መሃል ከተማ እንዲገቡ ያስችላል ተብሏል። የፍጥነት መንገድ በ2021 ከተጀመረ ወዲህ ወደ መሃል ከተማ የሚገቡ አሽከርካሪዎች ወደ ሙዚየሙ መውጫ እና ወደ መሃል ከተማ ለመድረስ ዩኒቨርሲቲ ሙንገድ፣ ኡሁሩ መንፈድ ወይም ኪፓንዴ መንገድን ጨምሮ ሌሎች አማራጮችን ይጠቀሙ ነበር።

አዲሱ የመውጫ መንገድ በአምስት ወራት ውስጥ በቻይና እና ኬንያዊያን የመንገድ ተቋራጮች የተገባ ሲሆን ኬንያ የፈጣን መንገዷን መውጫ ኢትዮጵያን ከ40 ዓመት በላይ ለመሩት እና የአፍሪካ አንድነት ድርጅትን በመሰረቱት አጼ ሀይለስላሴ ስም ሰይማለች።ካሳለፍነው ሀምሌ ጀምሮ ግንባታው ሲከናወን ነበር።

ባለ አምስት መስመር መውጫ መንገዱ አሽከርካሪዎች ወደ ማዕከላዊ የንግድ አውራጃ በቀላሉ እንዲገቡ እና የትራፊክ መጨናነቅን ለመቀነስ ያለመ ነው። የቻይና መንገድ እና ድልድይ ኮንስትራክሽን ኮርፖሬሽን ዋና ስራ አስኪያጅ ዩዋን ቹንኩን፣ ፈጣን መንገድ ኩባንያ ሊሚትድ ዋና ስራ አስፈፃሚ ስቲቨን ዣኦ፣ የኬንያ የመንገድ እና ትራንስፖርት ዋና ፀሀፊ ጆሴፍ ምቡጓ እና እና የኬንያ ብሔራዊ አውራ ጎዳናዎች ባለስልጣን (KeNHA) ዋና ዳይሬክተር ኩንጉ ንዱንጉ በተገኙበት መንገዱ ተመርቋል።

የዚህ የፍጥነት መንገድ ጥቅም ከፍተኛ ነው የተባለ ሲሆን ከማዕከላዊ ቢዝነስ አውራጃ (ሲቢዲ) እና የመንግስት መስሪያ ቤቶች እምብርት ከሆነው ከሃራምቤ ጎዳና የቅርብ መውጫ ሆኖ ያገለግላል ሲል የኬንየው ዘ ስታንዳርድ ዘግቧል።