منشورات ربما مـُخـدر .. على Telegram

🙂‍↔️

العناية طلعت سبايسي زيادة عن اللزوم 🦦

يا ما مشينا بدروب وكل ظنا أن هالدرب يشبهنا بس بالأخير طلع لا يشبهنا ولا يشبه إحساسنا ، توصل لمرحلة تسأل نفسك هو احنا وين ؟ وليش الخطوات صارت ثگيلة هلكد !! مع ذلك تبقى مستمر بالمشي على أمل أن تلگي الطريق الي ما تحس روحك غريب بي ، مرات نبقى مستمرين بنفس الطريق مو لأن تعرف نهايته وين ولا لأن انت متأكد أن هو هذا الدرب الصحيح خطواتك هاي كلها علمود ما تبقى بمكان ما يشبهك صح راح تتعب بس خلي ببالك شي واحد يمكن الطريق الي يشبهك مو واضح ويمكن بعده ما انوجد بس هالشي مو معناته ان ما راح تلكاه ، راح توصل وما يهم وين المهم راح توصل وتذكر أن خطواتك ومحاولاتك اهم من أن تضيعها بين محطات ما تشبهك .. وهنا ما جاي اقصد أحلامكم فقط لا كلشي بحياتكم بي طريق وتذكر أن مو كل الطرق تستاهل تعبك ..

تذكير الي قبل لا يكون الك .

لاحظت شغلة أسويها من سنين واليوم يلا أدركت شكد أثرها حلو بحياتي ، دائماً من يكون خاطري ب شي او من اخلي ببالي هدف معين چنت دائماً اكول "يجي يوم" واحصل فلان شغلة أو يجي يوم و اسوي فلان شي ما اعرف شنو سر هل جملة بس اتفاجأت أن أغلب الامور الي جنت اكول هل جملة بيها تصير و لله الحمد ، حتى من تجي ايام صعبة عليه أو تكون نفسيتي متدمرة بسبب أمور معينة بداخلي والي غالبا تكون خارجة عن إرادتي جنت بداخلي اعرف ان هالفترة مؤقته وما راح تدوم العمر كله لذلك جنت اهون على نفسي واصبرها بجملة "يجي يوم" وتتغير الأمور كلها وفعلا اجه هل يوم وكلشي تغير وطلع فعلا محال دوام الحال وان كلشي يتغير بمرور الوقت وأن الإنسان لازم يصبر ويصبر لحد ما يشوف اثار رحمة الله تملي كل تفاصيل حياته ♥️.

could be البيت !

يكولون أن الإنسان يوصل لـ أقوى نسخة من نفسه من يخسر حلمه ويوم بعد يوم بديت أؤمن بالكلام هذا أكثر واكثر ، مستحيل اوصل للشخص الي انا عليه اليوم لو صارت كل الامور مثل ما انا اريد الأمور الي سعيت علمودها وما حصلتها ضافتلي هواي أشياء لهل سبب دائماً اكول فخور بالشخص الي انا عليه اليوم .

خلاص من اليوم ورايح ما اريد الاشياء الي احبها ولا اريد يكون الي نصيب بيها ، كل الي اريده أن الله عز وجل ينطيني الشي الي استاهله وبس مو الي احبه ، من اكول اشياء هنا أعني دراستي احلامي وحتى الناس .

🫴🏻✨

يجي يوم .