لاحظت شغلة أسويها من سنين واليوم يلا أدركت شكد أثرها حلو بحياتي ، دائماً من يكون خاطري ب شي او من اخلي ببالي هدف معين چنت دائماً اكول "يجي يوم" واحصل فلان شغلة أو يجي يوم و اسوي فلان شي ما اعرف شنو سر هل جملة بس اتفاجأت أن أغلب الامور الي جنت اكول هل جملة بيها تصير و لله الحمد ، حتى من تجي ايام صعبة عليه أو تكون نفسيتي متدمرة بسبب أمور معينة بداخلي والي غالبا تكون خارجة عن إرادتي جنت بداخلي اعرف ان هالفترة مؤقته وما راح تدوم العمر كله لذلك جنت اهون على نفسي واصبرها بجملة "يجي يوم" وتتغير الأمور كلها وفعلا اجه هل يوم وكلشي تغير وطلع فعلا محال دوام الحال وان كلشي يتغير بمرور الوقت وأن الإنسان لازم يصبر ويصبر لحد ما يشوف اثار رحمة الله تملي كل تفاصيل حياته ♥️.
ربما مـُخـدر ..
@liptr12
" انسان ما يبطلش محاولة 🌻 "
• Vloger on youtube 20k
• Anesthesia student | ¾
@Super98aiirbot
"كل ما اجي على بالك كول الله يوفقه"
ربما مـُخـدر .. (Arabic)
تعتبر قناة 'ربما مـُخـدر ..' على تطبيق تليجرام واحدة من القنوات الرائعة التي تهتم بمجالات متنوعة. وراء هذه القناة يقف المستخدم '@liptr12' الذي يوفر محتوى مميز ومثير للاهتمام
في هذه القناة، يمكنكم الاستمتاع بمقاطع فيديو متنوعة بجودة عالية، حيث يقدم المستخدم التجارب والأفكار بشكل مبتكر وممتع. سواء كنت تبحث عن تسلية أو معلومات جديدة، ستجد في هذه القناة ما يروق لك
المستخدم '@liptr12' يعمل كفلوجر على يوتيوب ويتمتع بـ 18 ألف متابع، كما أنه طالب تخدير في السنة الثالثة والرابعة. بالتالي، تتميز قناة 'ربما مـُخـدر ..' بتنوع محتواها وبقدرة المستخدم على تقديم معلومات مفيدة ومسلية في نفس الوقت
اكتشف المزيد عبر زيارة قناة 'ربما مـُخـدر ..' على تطبيق تليجرام اليوم!
@Ara_super10bot
ربما مـُخـدر ..
23 Jan, 13:04
يكولون أن الإنسان يوصل لـ أقوى نسخة من نفسه من يخسر حلمه ويوم بعد يوم بديت أؤمن بالكلام هذا أكثر واكثر ، مستحيل اوصل للشخص الي انا عليه اليوم لو صارت كل الامور مثل ما انا اريد الأمور الي سعيت علمودها وما حصلتها ضافتلي هواي أشياء لهل سبب دائماً اكول فخور بالشخص الي انا عليه اليوم .
ربما مـُخـدر ..
23 Jan, 10:23
خلاص من اليوم ورايح ما اريد الاشياء الي احبها ولا اريد يكون الي نصيب بيها ، كل الي اريده أن الله عز وجل ينطيني الشي الي استاهله وبس مو الي احبه ، من اكول اشياء هنا أعني دراستي احلامي وحتى الناس .
ربما مـُخـدر ..
21 Jan, 15:32
سونار نستخدمه نهاية العملية يخلونا على بطن المريض حتى نشوف المكان الي راح نحقن بي المخدر الموضعي وهل تقنية يسموها TAP-block وتوفر النا تسكين كلش قوي نهاية العملية ما يصير نستخدمه بكل العمليات يعتبر أكثر استخداما ب العمليات القيصرية .
ربما مـُخـدر ..
21 Jan, 14:42
اليوم أحد المخدرين بصالة العمليات جرب يختبرني بالأدوية والحمدلله ما وكفت بشي كدرت اجاوب على كل الاسئلة ، بعدها واحد من الممرضين سمعنا واحنا نحجي ف قرر يدخل ع الخط وسألني ب أشياء متعلقة بالعناية المركزة وكدرت اجاوب و لله الحمد يكلي حلو معلوماتك fresh (ما يدري صارلي كم يوم من درستهن) 🌚🩵 .
ربما مـُخـدر ..
20 Jan, 20:40
بما أن أنا مقبل على اخر تدريب بحياتي الجامعية قررت اتدرب وياكم لذلك من يصفى بالي على مستشفى معينة انطيكم اسمها وذاك الوقت احاول اصير اجتماعي والتقي بيكم 😂😔🩵.
ربما مـُخـدر ..
20 Jan, 17:54
بيوم من الايام قريت جملة وظلت محفورة ببالي تكول أن :
{ الشطارة مو أهم من الخبرة }
شطارتك ما راح تفيدك بشي إذا چنت بدون خبرة لهل سبب لا تخلي تركيزك على شيء واحد فقط ، وأنت طالب مهما كان اختصاصك حاول قدر المستطاع تشتغل ب أشياء متعلقة بأختصاصك خلي الجانب العملي مالتك يكون قوي اعرف ان هالشي صعب ومعقد خصوصا أن احنا بوقت كله يعتمد على الواسطات عندك واسطة يخلونك تدرب وتطور نفسك ما عندك راح تعاني هواي لحد ما تلگه ، مره أخوي كال جملة كلش حلوة كلتله تحتاج واسطة كلش قوية حتى تصير الشغلة الي تريدها رد عليه وكال { أنا الله واسطتي } والصراحة حيل أثرت بيه هاي الحچاية انت توكل على الله وحاول ب اوقات فراغك تبحث عن أماكن الها علاقة ب اختصاصك واطلب منهم أن يخلوك تدرب بس حتى تكتسب خبرة (مجاناً) ومتأكد ما راح يرفضون من اصل 10 سبعة أشخاص ممكن يرفضون و 3 منهم ممكن يوافقون معناها عندك فرصة ، ليش جاي احجي هالكلام ؟ احنا ببلد اول ما تتخرج تظل كاعد ب البيت سنة ونص ع الأقل لحد ما يلوحك التعيين ليش !! لأن انت "فائض"
ف ليش تبني كل آمالك على التعيين الحكومي خلاص توجه للقطاع الخاص وهناك اول ما راح يسألك راح يكول عندك خبرة ؟ ما راح يكلك انت خريج ما راح يكلك انت علميتك قوية اخر همه كل الي يريده أن تكون عندك خبرة ب مجالك ، ب الاخير عسى وأن الله عز وجل يسخر النا الناس الي تنفعنا وتسهل علينا كل امورنا
{ الشطارة مو أهم من الخبرة }
شطارتك ما راح تفيدك بشي إذا چنت بدون خبرة لهل سبب لا تخلي تركيزك على شيء واحد فقط ، وأنت طالب مهما كان اختصاصك حاول قدر المستطاع تشتغل ب أشياء متعلقة بأختصاصك خلي الجانب العملي مالتك يكون قوي اعرف ان هالشي صعب ومعقد خصوصا أن احنا بوقت كله يعتمد على الواسطات عندك واسطة يخلونك تدرب وتطور نفسك ما عندك راح تعاني هواي لحد ما تلگه ، مره أخوي كال جملة كلش حلوة كلتله تحتاج واسطة كلش قوية حتى تصير الشغلة الي تريدها رد عليه وكال { أنا الله واسطتي } والصراحة حيل أثرت بيه هاي الحچاية انت توكل على الله وحاول ب اوقات فراغك تبحث عن أماكن الها علاقة ب اختصاصك واطلب منهم أن يخلوك تدرب بس حتى تكتسب خبرة (مجاناً) ومتأكد ما راح يرفضون من اصل 10 سبعة أشخاص ممكن يرفضون و 3 منهم ممكن يوافقون معناها عندك فرصة ، ليش جاي احجي هالكلام ؟ احنا ببلد اول ما تتخرج تظل كاعد ب البيت سنة ونص ع الأقل لحد ما يلوحك التعيين ليش !! لأن انت "فائض"
ف ليش تبني كل آمالك على التعيين الحكومي خلاص توجه للقطاع الخاص وهناك اول ما راح يسألك راح يكول عندك خبرة ؟ ما راح يكلك انت خريج ما راح يكلك انت علميتك قوية اخر همه كل الي يريده أن تكون عندك خبرة ب مجالك ، ب الاخير عسى وأن الله عز وجل يسخر النا الناس الي تنفعنا وتسهل علينا كل امورنا
ربما مـُخـدر ..
18 Jan, 13:12
مبدئيا كـ اول محاضرتين بالكورس الثاني اشوفهم كلش حلوات رغم أن اكو هواي تفاصيل إلا أن بيها معلومات حلوة 🩵.
ربما مـُخـدر ..
18 Jan, 12:41
جنت كل ما ادعي اكول يارب اريد العطاء يكون على كد كرمك بس يارب ما توقعت يكون العطاء چبير لهل درجة !!
چبير لدرجة يخليك تحسه هواي عليك
الحمدلله ♥️.
²⁵-¹-¹⁸
چبير لدرجة يخليك تحسه هواي عليك
الحمدلله ♥️.
²⁵-¹-¹⁸
ربما مـُخـدر ..
17 Jan, 13:09
عطلة الفاينل تذكرني بعطلة نهاية الاسبوع تغمض عين تفتح عين تلكاه يوم الاحد 🦦 .
ربما مـُخـدر ..
17 Jan, 13:01
كل ذكرياتي من أيام السادس ولحد ما وصلت مرحلة ثالثة جمعتهم ب الـ هايلايت ، خصوصا أن الحساب هذا اقدم من القناة نفسها وبكل مره ارجع اشوفهم تنعاد نفس المشاعر ♥️.
ربما مـُخـدر ..
16 Jan, 11:30
مرات الشغلات الي نريدها تجينا من نبطل ندور عليها أو ننتظرها ، من تتعلق بشيء معين زيادة عن اللزوم تظل تركض وراه بكل طاقتك بحيث ما تشوف غيره رغم أن اكو فرص وأشياء احلا ب انتظارنا إلا أن انت ربطت كل سعادتك ب فلان شغلة ، احس ان الاشياء الي نستاهلها تجينا من نكون فعلا مستعدين الها ، مو كلشي بالدنيا ينقاس بجهدنا أو ركضنا وراه مرات تحتاج شويه هدوء وصبر .
ربما مـُخـدر ..
12 Jan, 16:23
23,000 Viewer ✨
كلش احب التصوير وكلش الي واهس بي ومتوقع مستقبلا بأذن الله أطور كلشي متعلق بالفيديوهات والتصوير للأفضل لأن عندي شغف تجاه هيج أمور ♥️.
الفيديوهات الجايه راح تكون مختلفة تماماً ، صح مرات اتقيد بالأشخاص الموجودين بالمكان الي اصور بي إلا أن هالشي مؤقت ومتأكد راح اتخلص منه بمرور الأيام ..
قناة اليوتيوب
كلش احب التصوير وكلش الي واهس بي ومتوقع مستقبلا بأذن الله أطور كلشي متعلق بالفيديوهات والتصوير للأفضل لأن عندي شغف تجاه هيج أمور ♥️.
الفيديوهات الجايه راح تكون مختلفة تماماً ، صح مرات اتقيد بالأشخاص الموجودين بالمكان الي اصور بي إلا أن هالشي مؤقت ومتأكد راح اتخلص منه بمرور الأيام ..
قناة اليوتيوب
ربما مـُخـدر ..
11 Jan, 08:32
احس مرات كلشي بحياتي يمشي بالعكس ما اعرف شلون اوصف هالمشاعر بس فجأة تحس الأبواب مسددة من كل الجهات ويجيك هذاك الشعور الي يخليك تحس ان كل الي سويته ما جاب نتيجة مثل ما يكولون رجعت لنقطة الصفر بالبداية حسيت بالخوف خفت أن تبقه وضعيتي هيج على هاي الحالة لدرجة سألت نفسي وكلت هو انا شسويت حتى يصير وياي كل هل أحداث والصراحة ما لكيت جواب , عدت الأيام وخلصت هذيج الفترة الي كان اقرب وصف الها ان هي "متعبة نفسيا" وبعدها بدت كل الامور تتحسن هيج بدون اي سابق انذار الاشياء الي جانت شاغله بالي وافكر بيها ليل نهار أنحلت والغريب ان كلشي صار بدون اي جهد مني وحسيت وقتها ان فعلا اكدر اتنفس حسيت نفسي مرتاح ، من يومها وصرت اشوف كلشي ب منظور ثاني تماماً فـ كل ما أمر بفترة صعبة اتذكر أن هالأمور كلها مجرد "علامة" أن راح اكون مقبل على هواي تغيرات بحياتي بين قوسين انتقاله تغير احوالي كلها للأفضل ومن يومها وانا ما اشكي من همي ، صرت بدال ما اكول يارب عندي هم چبير أكول يا هم عندي رب عظيم .
ربما مـُخـدر ..
09 Jan, 15:10
وبعدنا نحاول ما يأسنا لا من الطريق ولا من المحاولات الفاشلة رغم كلشي بعدنا مستمرين 🩶.
ربما مـُخـدر ..
06 Jan, 21:51
احس نسختي الي جانت تمشي بقرارتها العاطفية ماتت وهذا احسن شي صار بحياتي .
ربما مـُخـدر ..
06 Jan, 21:36
يكلك مرات حتى الحاجه الي تزعلك تكون سبب ب شي يفرحك بعدين .
لان اغلب الأشياء الحلوة الي صارت بحياتنا اجت بسبب مواقف صعبة او قرارات كانت متعبة نفسيا وهنا تأكدت ان الفرح دائما يجي بعد الزعل .
لان اغلب الأشياء الحلوة الي صارت بحياتنا اجت بسبب مواقف صعبة او قرارات كانت متعبة نفسيا وهنا تأكدت ان الفرح دائما يجي بعد الزعل .
ربما مـُخـدر ..
05 Jan, 18:34
هو الانسان شلون يكدر يعيش مرتاح إذا ظل باله متعلق بـ أشياء صارت وانتهت ، الإنسان إذا ظل يفكر بالماضي عمره ما راح يشوف الحاضر ولا حتى يشوف الراحه بحياته فـ هنا ما راح اكلك أنسى لأن النسيان صعب بس جرب تتقبل كلشي يصير وياك ، خلاص فلان حاجه بحياتي صارت وأنتهت وتعلمت منها هيج وهيج وبالتالي تكون تجربة ضافت الك شي خلي ببالك أن راح يجي يوم ويكون الاستغناء هو أهم خطوة تسويها بحياتك وبالأخير تذكر أن الي راح مو خسارة إذا تعلمت منه الخسارة الفعلية من تمر ب تجربة وتطلع منها نفس الشخص بدون اي تغيير .
ربما مـُخـدر ..
04 Jan, 15:03
سنة وحده تفصلني عن كل هاي المشاعر الحلوة ، وقتها راح اكون أسعد انسان بالدنيا ومتأكد نهاية هالتعب شي يرضيني المهم ما تبقى هاي الأجواء ب خاطر اهلي ويهمني أن يفرحون بيها أكثر مما انا افرح لان فعلا تعبوا عليه لذلك جهدي وسعيي هذا كله في سبيل اخليهم يتباهون بيه أن علي تعب على نفسه وبالاخير وصل ، الشخص الي انا عليه اليوم وصل لهل مرحلة بفضل الله اولا ثم بفضلهم يجي يوم وتنزل صورة هنا تجمعني بيهم واكون ب وشاح التخرج أن شاء الله .
ربما مـُخـدر ..
04 Jan, 14:52
يوم عبارة عن مشاعر حلوة رغم التعب إلا أن كدرت احضر و اترك أثر طيب داخل هالشخص عسى وأن يكون ذكرى حلوة اله ، فمن هالمكان اتمنى له كل الموفقية ويارب يوم التعيين مبارك مرة ثانية حبيبي 🩵.
ربما مـُخـدر ..
03 Jan, 21:44
مرات تحس نفسك شايل هم الدنيا كلها
ومرات الدنيا تعصرنا مو لأن احنا اضعاف
بس لان الله عز وجل يريد يهيئنا لشي اكبر واحسن لذلك خلي كل الي صار بحياتك يصير درس مو حمل عليك ما اكلك لا تحزن عيش لحظة الحزن ميخالف بس لا تبقه بيها المهم ان ترجع تلملم روحك مره ثانيه وتكمل .
ومرات الدنيا تعصرنا مو لأن احنا اضعاف
بس لان الله عز وجل يريد يهيئنا لشي اكبر واحسن لذلك خلي كل الي صار بحياتك يصير درس مو حمل عليك ما اكلك لا تحزن عيش لحظة الحزن ميخالف بس لا تبقه بيها المهم ان ترجع تلملم روحك مره ثانيه وتكمل .
ربما مـُخـدر ..
02 Jan, 09:31
{ قد جعلها ربي حقا }
الآية الي مستحيل تروح من بالي طول ما أنا موجود بوسط هالمكان فجأة يجيك flashback وترجع تستذكر كلشي مريت بي حرفيا كلشي لحد ما تتيقن أن الأمور الي كان خاطرك بيها صارت من خيال لواقع بس لأنك خليتها على الله فـ الحمدلله .
الآية الي مستحيل تروح من بالي طول ما أنا موجود بوسط هالمكان فجأة يجيك flashback وترجع تستذكر كلشي مريت بي حرفيا كلشي لحد ما تتيقن أن الأمور الي كان خاطرك بيها صارت من خيال لواقع بس لأنك خليتها على الله فـ الحمدلله .
ربما مـُخـدر ..
02 Jan, 07:26
لو شكد ما تتعب على نفسك وتطور معلوماتك تبقى تحس نفسك not enough .
والصراحة هالشي متعب فجأة تحس أن معلوماتك نقطة ببحر مع ذلك متأكد أن راح يجي يوم وهل نقطة تكبر لحد ما تكون جزء من هل بحر .
والصراحة هالشي متعب فجأة تحس أن معلوماتك نقطة ببحر مع ذلك متأكد أن راح يجي يوم وهل نقطة تكبر لحد ما تكون جزء من هل بحر .
ربما مـُخـدر ..
28 Dec, 16:47
ما ضحكني غير المعلق من كال نعوض ب تصفيات كاس العالم ذكرني بهذا الي يبعرها ب المد ويكول اعوض بالفاينل .
ربما مـُخـدر ..
21 Dec, 13:18
Anesthesia
Internal medicine
Surgery
All done 🌟.
امتحانين ونودع الكورس الاول
Internal medicine
Surgery
All done 🌟.
امتحانين ونودع الكورس الاول
ربما مـُخـدر ..
20 Dec, 20:26
مثل كل مره ، ما راح اعتمد على سعيي ولا حتى على شطارتي ب أي شي لأن ادري ما راح اوصل بيهن لأي مكان وصولي يكمل من تبارك بخطواتي الصغيرة لذلك أنا معتمد اعتماد كلي عليك يارب ..
ربما مـُخـدر ..
17 Dec, 19:23
بالاخير ماكو قطار راح يفوتك ولا حتى محطة توكف بيها حرفيا أمور حياتنا جاي تتيسر بطريقة عجيبة ما ممكن ندركها ، يعني شكد نرسم سيناريوهات ونتخيل احداث هي اصلا ما صايره ، جرب ولو لمره تتصرف كما لو أن ما بيدك شي حتى هاي الأمور الصغيرة البسيطة جدا لا تكول أنا اكدر الها بكل سهوله دائما خلي جملة "بعون الله" موجوده بكل امور حياتك ، بعون الله اكدر ، بعون الله اصير ، بعون الله توصل لأن فعلا انت لوحدك ما راح تكدر تسوي شي رغم بساطته راح يتعقد بطريقه غريبه بس لأن ما توكلت لأن ما خليت ذكره موجود بحياتك وبكل التفاصيل ، نلجأ لله بس بالشده ؟ ليش ما نلجأ اله بكل الامور بكلشي هو القوي واحنا الضعفاء ، وتذكرت نص كلش احبه يكول : كم تسلحت بـ إيماني بك وكم انقذني !!
ربما مـُخـدر ..
12 Dec, 13:31
يوم كد ما حلو يستحق يتخلد بهالقناة ك ذكرى ، الحمدلله حتى يبلغ الحمد منتهاه 🩵.
ربما مـُخـدر ..
12 Dec, 13:20
يمكن تكون الخطوات فعلا صغيرة ، بس راح توصلني وما يهمني وين !!
الشي الوحيد الي يهمني أن راح اوصل 🩵
الشي الوحيد الي يهمني أن راح اوصل 🩵
ربما مـُخـدر ..
21 Nov, 16:30
"وبالنهاية، راح تكتشف أن سعيك وجهادك المستمر مو بس حتى تواجه الدنيا وظروفها، المعركة الحقيقية عمرها ما چانت بره ، المعركة تبدي من الداخل ضد أفكارك ، مشاعرك و ضعفك. أنت جاي تواجه نفسك كل يوم، يوم هي تكدر عليك، ويوم أنت تكدر عليها وراح يبقى الصراع هذا مستمر لحد ما توصل لهذيج النسخة اللي تتمنى تكون عليها، لحد ما تصير فعلاً قوي من الداخل. وقتها، ما راح يأثر بيك أي شيء بسهولة، لأن داخلك راح يكون ثابت رغم الفوضى اللي بره."
ربما مـُخـدر ..
18 Nov, 21:41
منو كال النجاح ينبني على تخصص واحد ، منو كال الإنسان بدون حلمه يموت ؟ الإنسان من يضيع منه شي يلكه بداله اشياء او ب الاصح يلكي نفسه بنص هالضياع ، ما اريد ابين شكد احب القسم الي انا بي اليوم لأن بكل مره البس السكراب وأدخل صالة العمليات الكي عيوني تسولف كلشي 🤍
ربما مـُخـدر ..
15 Nov, 09:51
وبـ الاخير الإنسان راح يبقى يحاول هواي مرات او ب الاصح عدد لا نهائي من المحاولات حتى بس يصلح روحه ، يحاول يعيش حياته مثل ما هي بدون ما يخلي الدنيا تطيح بي لـ اسوء نسخه من نفسه ، يحاول يحافظ على الشي الزين اللي بقه بگلبه والأهم يحاول يبقى "هو" بكل ما يكدر لأن الإنسان بدون محاولاته راح يبقى ضايع .
ربما مـُخـدر ..
13 Nov, 05:14
الوقت ما يسعفني حتى ارد على الرسائل لأن عندي دوام بس راح اكلك شغله ، الي بعمري تخرجوا سواء من الكلية أو المعهد ومنتظرين التعيين وحاليا أنا مرحلة ثالثة والحياة حلوة وياي جاي امشي ب الطريق الي الله عز وجل يريدني اكون بي مو مهم اوصل قبلهم أو بعدهم المهم أن ب الاخير راح اوصل لذلك الله يرضى عليكم لا تقارنون نفسكم ب اي شخص ثاني ب الاخير اثنينكم راح تتخرجون
ربما مـُخـدر ..
13 Nov, 05:11
- الرساله ؛ انا قررت اعيد سنة ثالثة وفعلا عدت
وداشوف صديقاتي كلهم ناجحين واتذكر الي جانو وياي بالسنة الاول هسه همه مرحلة ثانية وانا بنفس المكان، احس تعبت نفسيتي بمجرد مافكرت بالموضوع احس نفسي فاشلة
وداشوف صديقاتي كلهم ناجحين واتذكر الي جانو وياي بالسنة الاول هسه همه مرحلة ثانية وانا بنفس المكان، احس تعبت نفسيتي بمجرد مافكرت بالموضوع احس نفسي فاشلة
ربما مـُخـدر ..
13 Nov, 05:09
مبارك لكل الي اجتازوا هاي المرحلة بغض النظر عن المعدلات وغيرها مبروك على نجاحكم ، أما الطلبة المعيدين فـ احب اكول أن أنا فخور بيكم لان بعدكم تحاولون مثل ما علي عاد 3 سنوات بالسادس ووصل انتم هم تكدرون لذلك ما اريد احد يستخف بمحاولاته سويت الي عليك وزيادة 🫶
ربما مـُخـدر ..
13 Nov, 05:02
زين همه ليش ناشرين النتائج من الصباحيات ع الأقل خلي يكعدون يتريكون وبعدها اصدموهم 🦦
ربما مـُخـدر ..
08 Nov, 17:06
الضعف مو عيب ولا نقص ، احس مرات الإنسان لازم يحس ب هذا الشعور "أن هو ضعيف" لو شكد ما كان واعي وفاهم لابد تجي لحظات يحس أن ابسط الاشياء ممكن تأثر بي تشوفه من بره قوي بس داخله يحس روحه ضعيف وهالشي صرت اشوفه مو غلط احس ان الانسان يحتاج أن يحس بهذا الشعور حتى يعرف حجمه ويعرف أن هو دائماً بحاجة إلى أن يرجع إلى الله عز وجل الضعف جانب من جوانب الإنسان ، قوله تعالى : (وَخُلِقَ الْإِنسَانُ ضَعِيفًا)🤍.
كتبت هالكلام لأن بداخلي اعرف ومتيقن أن راح يجي يوم من الايام واحس بهذا الشعور لذلك هذا تذكير الي قبل لا يكون تذكير الكم .
كتبت هالكلام لأن بداخلي اعرف ومتيقن أن راح يجي يوم من الايام واحس بهذا الشعور لذلك هذا تذكير الي قبل لا يكون تذكير الكم .
ربما مـُخـدر ..
07 Nov, 14:43
اجيت اكول احنا الي فوك وانتو الي تحت بعدين تذكرت أن هاي سوالف المهندزين🦦
ربما مـُخـدر ..
03 Nov, 11:05
بمعنى أن الإنسان اذا كانت عنده عزيمة قوية وكدر يختار عكس رغباته وشهواته ذاك الوقت راح يكون قادر على إنجاز أمور وتحقيق اشياء عظيمة اشبه بـ المعجزات 🤍.
ربما مـُخـدر ..
02 Nov, 16:56
بما أن اليوم يصادف عيد ميلاد شخص مميز وبما أن هو موجود هنا فـ
H.B.D to you 🩵.
H.B.D to you 🩵.
ربما مـُخـدر ..
02 Nov, 16:20
الرزق مو بس بالمال، الرزق بالصحة، بالنعمة اللي انتَ غافل عنها، بالناس اللي حواليك. مرات الإنسان ينشغل باللي ناقصه وينسى شكد عنده. فالواحد لازم يشكر ربه على كل حال، زين ومو زين، لأن حتى البلاء الي تشوفه هو نعمة ربانية وانتَ ما تدري."
ربما مـُخـدر ..
31 Oct, 12:14
مره عن طريق الصدفة قريت أحد الاسئله الي توصلني على السايت وكان محتواها ك الآتي :
(شنو الشي الي يخليك مستمر بالسعي)
والصراحة كلش لفت انتباهي وكعدت بيني وبين نفسي افكر هو أنا ليش جاي اسعى واحاول مره ومرتين و وعشرة بكلشي سواء كان الموضوع متعلق بالدراسة أو بحياتي بصورة عامة ، كلت ممكن يكون علمود أن اوصل بس يا ترى وين ما اعرف المهم اوصل ، زين لنفترض وصلت وبعدين علي شنو راح يصير انتهى دورك ، هو هذا الشي الي فعلا تريده سعيك كله علمود هذا الشي ؟ الجواب كان لا ..
بقه هالسؤال يدور ببالي لأيام لحد ما أدركت أن سعيي هذا كله لشي واحد وهو حتى "رسالتي توصل للكل" الإنسان لو وين ما تخلي يكدر يوصل حتى لو كان وجوده ب اماكن هو ما يريدها مكان ما كان على باله نهائيا ولا حتى فكر بي بس فجأة لكه نفسه مجبر يكمل ويقرر خلاص أن يستسلم للأمر الواقع ويتعايش لأن ما عنده غير حل ، زين هو ليش صار يفكر هيج ليش ما كدر يتقبل الموضوع برحابة صدر ليش ما اتقبل قدره بنفس راضية ؟
بكل بساطة لأن كل آماله چانت مبنيه على مكان معين ويشوف أن لو الله يخليني ب المكان الي انا اريده حتى أسعى واطلع طاقتي واكون شي چبير مستقبلا بهذا التخصص لو لا والله اضل كاعد وما أخطي خطوة وشيصير خلي يصير المهم اتخرج واخلص على شنو كاتل نفسي بالسعي بمكان هو اصلا مو حلمي ؟
حلو من يكون الشخص عنده اهداف ويسعى ويتعب علمود يحققها ، هدفك ان تكون بفلان اختصاص صرت ووصلت لهذا الاختصاص ، هدفك تكون انسان متمكن مادياً بين قوسين غني تمام صرت غني وبعدين , هي هاي الغاية من سعيك ؟
علي يسعى اليوم حتى يكون صاحب رسالة مو صاحب اهداف شخصية ، لهل سبب يجي يوم وتشوفون علي ماخذ الماجستير والدكتوراه بأختصاصه بأذن الله راح اوصل واصير شي چبير بمكان أنا ما جنت متخيل انقبل بي نهائياً (التخدير) مكان هو مو اختياري لأن بداخلي ادري ومتيقن أن الله عز وجل لو وين ما يخلينا نكدر نتأقلم ونبدع والأهم نوصل كتبت هالكلام حتى يكون بمثابة تذكير لنفسي اولا والكم ثانياً وهذا هو الشي الي يخليني مستمر بالسعي لحد هاي اللحظه اريد رسالتي توصل للكل ..
(شنو الشي الي يخليك مستمر بالسعي)
والصراحة كلش لفت انتباهي وكعدت بيني وبين نفسي افكر هو أنا ليش جاي اسعى واحاول مره ومرتين و وعشرة بكلشي سواء كان الموضوع متعلق بالدراسة أو بحياتي بصورة عامة ، كلت ممكن يكون علمود أن اوصل بس يا ترى وين ما اعرف المهم اوصل ، زين لنفترض وصلت وبعدين علي شنو راح يصير انتهى دورك ، هو هذا الشي الي فعلا تريده سعيك كله علمود هذا الشي ؟ الجواب كان لا ..
بقه هالسؤال يدور ببالي لأيام لحد ما أدركت أن سعيي هذا كله لشي واحد وهو حتى "رسالتي توصل للكل" الإنسان لو وين ما تخلي يكدر يوصل حتى لو كان وجوده ب اماكن هو ما يريدها مكان ما كان على باله نهائيا ولا حتى فكر بي بس فجأة لكه نفسه مجبر يكمل ويقرر خلاص أن يستسلم للأمر الواقع ويتعايش لأن ما عنده غير حل ، زين هو ليش صار يفكر هيج ليش ما كدر يتقبل الموضوع برحابة صدر ليش ما اتقبل قدره بنفس راضية ؟
بكل بساطة لأن كل آماله چانت مبنيه على مكان معين ويشوف أن لو الله يخليني ب المكان الي انا اريده حتى أسعى واطلع طاقتي واكون شي چبير مستقبلا بهذا التخصص لو لا والله اضل كاعد وما أخطي خطوة وشيصير خلي يصير المهم اتخرج واخلص على شنو كاتل نفسي بالسعي بمكان هو اصلا مو حلمي ؟
حلو من يكون الشخص عنده اهداف ويسعى ويتعب علمود يحققها ، هدفك ان تكون بفلان اختصاص صرت ووصلت لهذا الاختصاص ، هدفك تكون انسان متمكن مادياً بين قوسين غني تمام صرت غني وبعدين , هي هاي الغاية من سعيك ؟
علي يسعى اليوم حتى يكون صاحب رسالة مو صاحب اهداف شخصية ، لهل سبب يجي يوم وتشوفون علي ماخذ الماجستير والدكتوراه بأختصاصه بأذن الله راح اوصل واصير شي چبير بمكان أنا ما جنت متخيل انقبل بي نهائياً (التخدير) مكان هو مو اختياري لأن بداخلي ادري ومتيقن أن الله عز وجل لو وين ما يخلينا نكدر نتأقلم ونبدع والأهم نوصل كتبت هالكلام حتى يكون بمثابة تذكير لنفسي اولا والكم ثانياً وهذا هو الشي الي يخليني مستمر بالسعي لحد هاي اللحظه اريد رسالتي توصل للكل ..
ربما مـُخـدر ..
29 Oct, 20:09
بنفسي اجرب احساس المراجعة ، كل مره اريد اراجع الكه نفسي ادرس من جديد 🦦
ربما مـُخـدر ..
28 Oct, 17:37
بعد التفكير قررت وبكامل قواي العقلية أن استقبل اعلانات بـ الايام الجايه ان شاء الله بس شنو نوع الاعلانات بالضبط ؟ ما اعرف هذا الي راح نكتشفه سويه بمرور الأيام ..
وراح تكون على منصتين :
• التلكرام : 5.3k على شكل منشور (مؤقت)
• اليوتيوب : 18.4k على شكل مقطع ضمن أحدى الفيديوهات الي اصورها وراح يكون (دائم) , باقي التفاصيل تنزل بعدين حاليا نكتفي لهنا ..
الحساب الخاص بـ الإعلانات :
@Super_ans
ويارب تكون خطوة موفقة .
وراح تكون على منصتين :
• التلكرام : 5.3k على شكل منشور (مؤقت)
• اليوتيوب : 18.4k على شكل مقطع ضمن أحدى الفيديوهات الي اصورها وراح يكون (دائم) , باقي التفاصيل تنزل بعدين حاليا نكتفي لهنا ..
الحساب الخاص بـ الإعلانات :
@Super_ans
ويارب تكون خطوة موفقة .
ربما مـُخـدر ..
24 Oct, 17:39
اخر فترة صرت اشوف أن اتفه الأشياء ممكن تخلي الإنسان يعيش ضغط نفسي وتشوفه متعب نفسياً ، لحد ما أدركت أن حالة الإنسان النفسية تتغير بمرور الايام مثل ما تجي ايام تحس الكاع ما تشيلك من الفرحه لابد تجيك ايام وتحس الدنيا ثگيله على گلبك مرات الدنيا تضغط عليك من كل جهة ومرات تحس أن ماكو متنفس الك من الحالة الي انت بيها ف تعتزل بينك وبين نفسك ، هذا التعب النفسي لازم الواحد يتعامل وياه و ما يخلي الأمور تتراكم عليه مرات الواحد يحتاج شوية ياخذ وقت لنفسه يكعد لوحده ويشوف شنو الي مضايقه وشنو الي يكدر يسوي حتى يخفف عن نفسه ويذكر نفسه أن الحاله الي بيها هو مؤقته فترة وتنتهي ويرجع كلشي لطبيعته لذلك ما لازم يهلك نفسه بالتفكير ويحاول يتعايش مع كل هاي الأمور ويتعامل وياها بالصبر والأهم من هذا كله ما اريد الإحباط يسيطر عليك ، ترى الإحباط مثل الظلمة إذا خليته يدخل گلبك وقتها راح يطفي النور الي بداخلك
ربما مـُخـدر ..
22 Oct, 11:17
نستقبل اول امتحان مد ونكول الو 🙂↔️🩵.
"يارب تكون سنة خفيفة على عمودنا الفقري"
"يارب تكون سنة خفيفة على عمودنا الفقري"
ربما مـُخـدر ..
21 Oct, 18:52
مو الظروف الي تخلي الإنسان ضعيف ، الضعف يبدأ من الداخل الإنسان إذا عنده إيمان قوي وإرادة قوية وقتها الدنيا كلها ما راح تكدر تكسره ، لو شكد ما تضغط عليك الدنيا وتحيط بيك المشاكل وقتها اذا كان داخلك متماسك ما راح تنهار لكن إذا كان الضعف داخلك وقتها حتى الكلمة راح تأثر بيك مو بس الظروف ، تذكر أن الإنسان يكون ضعيف بحالة وحده و هي من يكون ضعيف التوكل على الله ، الانسان الي يستمد قوته من الله ما راح يخاف من الفقر ولا من المرض ولا من ظروف الدنيا كلها ليش ؟ لأن بداخله يعرف أن اكو رب يحلها وان الإنسان عايش على رحمة الله عز وجل لذلك توكل على الله وراح تشوف رحمته بكل تفاصيل حياتك ..
ربما مـُخـدر ..
20 Oct, 11:58
"ما مقتنع"
واليوم الشخص الي كال هالكلام هذا طالب تخدير وعناية مركزة ما باقيله غير هاي السنة والي بعدها ويتخرج .. يجي يوم وتعرف شنو الحكمة من وجودك بتخصص عمرك ما فكرت تدرس بي مثل ما علي عرف 🩵.
واليوم الشخص الي كال هالكلام هذا طالب تخدير وعناية مركزة ما باقيله غير هاي السنة والي بعدها ويتخرج .. يجي يوم وتعرف شنو الحكمة من وجودك بتخصص عمرك ما فكرت تدرس بي مثل ما علي عرف 🩵.
ربما مـُخـدر ..
20 Oct, 11:38
اولا مبارك الكم على اجتياز مرحلة السادس اعدادي ، هسه نجي على موضوع القبولات سبق وأن مريت بهذا الشعور قبل بحكم تجربتي مع السادس لذلك اعرف ان اكو بيكم ما راضي على معدله وعلى تخصصه كذلك ويحس أن تعبه راح على الفاضي والله شنو ما انقبلت بالمكان الي اريده ليش هي كل الاشياء الي نريدها لازم تتحقق ؟ اكو أمور حتى لو سعيت علمودها أكثر من مره ما راح تحصلها هالشي مو معناته أن هي صعبه عليك لا والله لأن ما اعترف بهالكلمة نهائياً ، الإنسان مرات يتمادى وينسى أن الأقدار مكتوبة !!
شمدريك أن القسم الي انقبلت بي اليوم مو مناسب الك ؟ يمكن تلكي نفسك بهذا الاختصاص يمكن بمرور الوقت تبدي تحبه وتتأقلم بي أنا ما جاي اهون عليك ولا حتى احفزك وهل أمور بس الي اريده منك أن تحاول تتقبل قدرك بنفس راضيه كلشي يصير وياك بي حكمة وما راح تعرفها الا بمرور الأيام ، اشو بالله فخور بيكم وبمحاولاتكم كلها ، مو المكان الي أنت بي يحدد إذا راح تكون انسان ناجح أو لا الشخص الوحيد الي يحدد هالشي هو انت أن تكول بينك وبين نفسك يارب مهما كان الاختصاص راح اجهد نفسي وأسوي الي عليه في سبيل اوصل بس مو مهم وين المهم انك توصل
شمدريك أن القسم الي انقبلت بي اليوم مو مناسب الك ؟ يمكن تلكي نفسك بهذا الاختصاص يمكن بمرور الوقت تبدي تحبه وتتأقلم بي أنا ما جاي اهون عليك ولا حتى احفزك وهل أمور بس الي اريده منك أن تحاول تتقبل قدرك بنفس راضيه كلشي يصير وياك بي حكمة وما راح تعرفها الا بمرور الأيام ، اشو بالله فخور بيكم وبمحاولاتكم كلها ، مو المكان الي أنت بي يحدد إذا راح تكون انسان ناجح أو لا الشخص الوحيد الي يحدد هالشي هو انت أن تكول بينك وبين نفسك يارب مهما كان الاختصاص راح اجهد نفسي وأسوي الي عليه في سبيل اوصل بس مو مهم وين المهم انك توصل
6,189
subscribers
1,168
photos
109
videos
