ربما مـُخـدر ..

منو كال النجاح ينبني على تخصص واحد ، منو كال الإنسان بدون حلمه يموت ؟ الإنسان من يضيع منه شي يلكه بداله اشياء او ب الاصح يلكي نفسه بنص هالضياع ، ما اريد ابين شكد احب القسم الي انا بي اليوم لأن بكل مره البس السكراب وأدخل صالة العمليات الكي عيوني تسولف كلشي 🤍

وبـ الاخير الإنسان راح يبقى يحاول هواي مرات او ب الاصح عدد لا نهائي من المحاولات حتى بس يصلح روحه ، يحاول يعيش حياته مثل ما هي بدون ما يخلي الدنيا تطيح بي لـ اسوء نسخه من نفسه ، يحاول يحافظ على الشي الزين اللي بقه بگلبه والأهم يحاول يبقى "هو" بكل ما يكدر لأن الإنسان بدون محاولاته راح يبقى ضايع .

يجي يوم ..

أنا مش سوبرمان
Super anesthesia Student انا

چاي وسعي 🙂‍↔️🤍.

الوقت ما يسعفني حتى ارد على الرسائل لأن عندي دوام بس راح اكلك شغله ، الي بعمري تخرجوا سواء من الكلية أو المعهد ومنتظرين التعيين وحاليا أنا مرحلة ثالثة والحياة حلوة وياي جاي امشي ب الطريق الي الله عز وجل يريدني اكون بي مو مهم اوصل قبلهم أو بعدهم المهم أن ب الاخير راح اوصل لذلك الله يرضى عليكم لا تقارنون نفسكم ب اي شخص ثاني ب الاخير اثنينكم راح تتخرجون

- الرساله ؛ انا قررت اعيد سنة ثالثة وفعلا عدت
وداشوف صديقاتي كلهم ناجحين واتذكر الي جانو وياي بالسنة الاول هسه همه مرحلة ثانية وانا بنفس المكان، احس تعبت نفسيتي بمجرد مافكرت بالموضوع احس نفسي فاشلة

مبارك لكل الي اجتازوا هاي المرحلة بغض النظر عن المعدلات وغيرها مبروك على نجاحكم ، أما الطلبة المعيدين فـ احب اكول أن أنا فخور بيكم لان بعدكم تحاولون مثل ما علي عاد 3 سنوات بالسادس ووصل انتم هم تكدرون لذلك ما اريد احد يستخف بمحاولاته سويت الي عليك وزيادة 🫶

زين همه ليش ناشرين النتائج من الصباحيات ع الأقل خلي يكعدون يتريكون وبعدها اصدموهم 🦦

صباح الخير

I am studying but "stu" is silent 🙂‍↔️

الجو والمكان والأشخاص كلشي چان ولا غلطة🤍

.

.

😔😔🩵🩵🩵

.

مشهد حلم 🤍.

.🏅💛.

الضعف مو عيب ولا نقص ، احس مرات الإنسان لازم يحس ب هذا الشعور "أن هو ضعيف" لو شكد ما كان واعي وفاهم لابد تجي لحظات يحس أن ابسط الاشياء ممكن تأثر بي تشوفه من بره قوي بس داخله يحس روحه ضعيف وهالشي صرت اشوفه مو غلط احس ان الانسان يحتاج أن يحس بهذا الشعور حتى يعرف حجمه ويعرف أن هو دائماً بحاجة إلى أن يرجع إلى الله عز وجل الضعف جانب من جوانب الإنسان ، قوله تعالى : (وَخُلِقَ الْإِنسَانُ ضَعِيفًا)🤍.
كتبت هالكلام لأن بداخلي اعرف ومتيقن أن راح يجي يوم من الايام واحس بهذا الشعور لذلك هذا تذكير الي قبل لا يكون تذكير الكم .

🙂‍↕️👍🏻

.

.

اجيت اكول احنا الي فوك وانتو الي تحت بعدين تذكرت أن هاي سوالف المهندزين🦦

.🥇.

🫶

الابطال مو عندهم ملابس خاصه بيهم ؟
لذلك علي هم عنده 🙂‍↔️🤍.

🤍.

.

مرات الطريق هو الي يعلمنا مو النتيجة .

Another productive day .
24.11.4

.

🌟.

بـ الأخير وبعد كل هاي المحاولات راح نوصل .

بمعنى أن الإنسان اذا كانت عنده عزيمة قوية وكدر يختار عكس رغباته وشهواته ذاك الوقت راح يكون قادر على إنجاز أمور وتحقيق اشياء عظيمة اشبه بـ المعجزات 🤍.

بما أن اليوم يصادف عيد ميلاد شخص مميز وبما أن هو موجود هنا فـ
H.B.D to you 🩵.

الرزق مو بس بالمال، الرزق بالصحة، بالنعمة اللي انتَ غافل عنها، بالناس اللي حواليك. مرات الإنسان ينشغل باللي ناقصه وينسى شكد عنده. فالواحد لازم يشكر ربه على كل حال، زين ومو زين، لأن حتى البلاء الي تشوفه هو نعمة ربانية وانتَ ما تدري."

..

Surgery med exam is done .

🌱.

24.11.1

مره عن طريق الصدفة قريت أحد الاسئله الي توصلني على السايت وكان محتواها ك الآتي :
(شنو الشي الي يخليك مستمر بالسعي)
والصراحة كلش لفت انتباهي وكعدت بيني وبين نفسي افكر هو أنا ليش جاي اسعى واحاول مره ومرتين و وعشرة بكلشي سواء كان الموضوع متعلق بالدراسة أو بحياتي بصورة عامة ، كلت ممكن يكون علمود أن اوصل بس يا ترى وين ما اعرف المهم اوصل ، زين لنفترض وصلت وبعدين علي شنو راح يصير انتهى دورك ، هو هذا الشي الي فعلا تريده سعيك كله علمود هذا الشي ؟ الجواب كان لا ..
بقه هالسؤال يدور ببالي لأيام لحد ما أدركت أن سعيي هذا كله لشي واحد وهو حتى "رسالتي توصل للكل" الإنسان لو وين ما تخلي يكدر يوصل حتى لو كان وجوده ب اماكن هو ما يريدها مكان ما كان على باله نهائيا ولا حتى فكر بي بس فجأة لكه نفسه مجبر يكمل ويقرر خلاص أن يستسلم للأمر الواقع ويتعايش لأن ما عنده غير حل ، زين هو ليش صار يفكر هيج ليش ما كدر يتقبل الموضوع برحابة صدر ليش ما اتقبل قدره بنفس راضية ؟
بكل بساطة لأن كل آماله چانت مبنيه على مكان معين ويشوف أن لو الله يخليني ب المكان الي انا اريده حتى أسعى واطلع طاقتي واكون شي چبير مستقبلا بهذا التخصص لو لا والله اضل كاعد وما أخطي خطوة وشيصير خلي يصير المهم اتخرج واخلص على شنو كاتل نفسي بالسعي بمكان هو اصلا مو حلمي ؟

حلو من يكون الشخص عنده اهداف ويسعى ويتعب علمود يحققها ، هدفك ان تكون بفلان اختصاص صرت ووصلت لهذا الاختصاص ، هدفك تكون انسان متمكن مادياً بين قوسين غني تمام صرت غني وبعدين , هي هاي الغاية من سعيك ؟

علي يسعى اليوم حتى يكون صاحب رسالة مو صاحب اهداف شخصية ، لهل سبب يجي يوم وتشوفون علي ماخذ الماجستير والدكتوراه بأختصاصه بأذن الله راح اوصل واصير شي چبير بمكان أنا ما جنت متخيل انقبل بي نهائياً (التخدير) مكان هو مو اختياري لأن بداخلي ادري ومتيقن أن الله عز وجل لو وين ما يخلينا نكدر نتأقلم ونبدع والأهم نوصل كتبت هالكلام حتى يكون بمثابة تذكير لنفسي اولا والكم ثانياً وهذا هو الشي الي يخليني مستمر بالسعي لحد هاي اللحظه اريد رسالتي توصل للكل ..

🫶

.

طب باطني is done 🙂‍↔️🩵.

بنفسي اجرب احساس المراجعة ، كل مره اريد اراجع الكه نفسي ادرس من جديد 🦦

بعد التفكير قررت وبكامل قواي العقلية أن استقبل اعلانات بـ الايام الجايه ان شاء الله بس شنو نوع الاعلانات بالضبط ؟ ما اعرف هذا الي راح نكتشفه سويه بمرور الأيام ..
وراح تكون على منصتين :

• التلكرام : 5.3k على شكل منشور (مؤقت)
• اليوتيوب : 18.4k على شكل مقطع ضمن أحدى الفيديوهات الي اصورها وراح يكون (دائم) , باقي التفاصيل تنزل بعدين حاليا نكتفي لهنا ..

الحساب الخاص بـ الإعلانات :
@Super_ans

ويارب تكون خطوة موفقة .

لا تكول يارب أنا عندي هم چبير
كول يا هم أنا عندي رب عظيم ..

ليالي المد is coming 🤌

اخر فترة صرت اشوف أن اتفه الأشياء ممكن تخلي الإنسان يعيش ضغط نفسي وتشوفه متعب نفسياً ، لحد ما أدركت أن حالة الإنسان النفسية تتغير بمرور الايام مثل ما تجي ايام تحس الكاع ما تشيلك من الفرحه لابد تجيك ايام وتحس الدنيا ثگيله على گلبك مرات الدنيا تضغط عليك من كل جهة ومرات تحس أن ماكو متنفس الك من الحالة الي انت بيها ف تعتزل بينك وبين نفسك ، هذا التعب النفسي لازم الواحد يتعامل وياه و ما يخلي الأمور تتراكم عليه مرات الواحد يحتاج شوية ياخذ وقت لنفسه يكعد لوحده ويشوف شنو الي مضايقه وشنو الي يكدر يسوي حتى يخفف عن نفسه ويذكر نفسه أن الحاله الي بيها هو مؤقته فترة وتنتهي ويرجع كلشي لطبيعته لذلك ما لازم يهلك نفسه بالتفكير ويحاول يتعايش مع كل هاي الأمور ويتعامل وياها بالصبر والأهم من هذا كله ما اريد الإحباط يسيطر عليك ، ترى الإحباط مثل الظلمة إذا خليته يدخل گلبك وقتها راح يطفي النور الي بداخلك

نستقبل اول امتحان مد ونكول الو 🙂‍↔️🩵.
"يارب تكون سنة خفيفة على عمودنا الفقري"

مو الظروف الي تخلي الإنسان ضعيف ، الضعف يبدأ من الداخل الإنسان إذا عنده إيمان قوي وإرادة قوية وقتها الدنيا كلها ما راح تكدر تكسره ، لو شكد ما تضغط عليك الدنيا وتحيط بيك المشاكل وقتها اذا كان داخلك متماسك ما راح تنهار لكن إذا كان الضعف داخلك وقتها حتى الكلمة راح تأثر بيك مو بس الظروف ، تذكر أن الإنسان يكون ضعيف بحالة وحده و هي من يكون ضعيف التوكل على الله ، الانسان الي يستمد قوته من الله ما راح يخاف من الفقر ولا من المرض ولا من ظروف الدنيا كلها ليش ؟ لأن بداخله يعرف أن اكو رب يحلها وان الإنسان عايش على رحمة الله عز وجل لذلك توكل على الله وراح تشوف رحمته بكل تفاصيل حياتك ..

.

.

.

🩺🩵.

.

.

.

🙂‍↔️

.

"ما مقتنع"
واليوم الشخص الي كال هالكلام هذا طالب تخدير وعناية مركزة ما باقيله غير هاي السنة والي بعدها ويتخرج .. يجي يوم وتعرف شنو الحكمة من وجودك بتخصص عمرك ما فكرت تدرس بي مثل ما علي عرف 🩵.

اولا مبارك الكم على اجتياز مرحلة السادس اعدادي ، هسه نجي على موضوع القبولات سبق وأن مريت بهذا الشعور قبل بحكم تجربتي مع السادس لذلك اعرف ان اكو بيكم ما راضي على معدله وعلى تخصصه كذلك ويحس أن تعبه راح على الفاضي والله شنو ما انقبلت بالمكان الي اريده ليش هي كل الاشياء الي نريدها لازم تتحقق ؟ اكو أمور حتى لو سعيت علمودها أكثر من مره ما راح تحصلها هالشي مو معناته أن هي صعبه عليك لا والله لأن ما اعترف بهالكلمة نهائياً ، الإنسان مرات يتمادى وينسى أن الأقدار مكتوبة !!
شمدريك أن القسم الي انقبلت بي اليوم مو مناسب الك ؟ يمكن تلكي نفسك بهذا الاختصاص يمكن بمرور الوقت تبدي تحبه وتتأقلم بي أنا ما جاي اهون عليك ولا حتى احفزك وهل أمور بس الي اريده منك أن تحاول تتقبل قدرك بنفس راضيه كلشي يصير وياك بي حكمة وما راح تعرفها الا بمرور الأيام ، اشو بالله فخور بيكم وبمحاولاتكم كلها ، مو المكان الي أنت بي يحدد إذا راح تكون انسان ناجح أو لا الشخص الوحيد الي يحدد هالشي هو انت أن تكول بينك وبين نفسك يارب مهما كان الاختصاص راح اجهد نفسي وأسوي الي عليه في سبيل اوصل بس مو مهم وين المهم انك توصل