منشورات ربما مـُخـدر .. على Telegram

كلشي تغير بيه بآخر فترة ، احس روحي صرت شخص ثاني تماماً من أدركت هالشي هنا حسيت أن راح أفقد الشخصية الي جنت متعود عليها قبل بس بالواقع انا ما فقدت شي كل ما في الموضوع أن جاي تتخلص من النسخة الي صارت ما تناسبك بعد ، النسخة الي چانت تشوف الأمور بعيون غيرها ، النسخة الي چانت تحاول ترضي الكل الا نفسها ، لو ردت اوصف هالشعور راح يكون أشبه بـ "الأنهيار الداخلي" بس هالمره ما راح تكدر تسوي شي غير أن تباوع وبس ، هالمره راح تواجه الكل وأولهم نفسك بس بدون أي أقنعة وقتها راح تبدي تعرف منو انت فعلاً .

"الريوگ" هو الشي الوحيد الي اتحمس اله صباح كل دوام وبنفس الوقت أكثر شي مفتقده بسبب الغيابات 🦦.

²⁵-²-¹⁵

يجي يوم

☕✨.

أحسه يوم عشوائي بشكل مبالغ بي🤣🤍

الإنسان من يصير أمام الأمر الواقع وقتها راح تطلع منه نسخة مخيفة يكدر يواجه الدنيا بيها ، نسخة أقل عاطفية وبنفس الوقت قاسية على الكل ، تجي ايام تشوف أن ما عندك اي طريق ثاني غير أن تواجه وبس .

"أحس روحي فاشل"
جملة ممكن تسمعها بيوم من الايام وراح يكون مصدرها صوت جاي من الداخل ، كل شخص ممكن يمر بلحظة ضعف بحياته لحظة يكون بيها محبط ويحس كل جهوده راحت بلا فايدة ، بس لو نجي للواقع انت مستحيل تكون فاشل تدري ليش ؟
لأن لو حسبنا كم مره چنت تعبان بيها وكملت ف وقتها راح تطلع انجح واحد بالدنيا .

🫀.

يمكن مرات نكون محتاجين هواي أمور بحياتنا ، أمور ممكن تغير حياتنا للأفضل إلا أن ما راح نكدر نحصلها لعدة أسباب ممكن لان بعده ما جاي الوقت المناسب الها وقتها راح تحس روحك حيل ضعيف ومهموم لحد ما تجي اللحظة الي تجي الكلمات من الناس الي فعلا تحبك وهنا جاي أعني "الأهل" وقتها راح تدرك أن كل الي جنت تحتاجه هوه شخص "يحس بيك" شخص يحچيلك كلمات تطيب خاطرك أن لو مهما يصير أنا وياك ، والايام الصعبة هاي راح تعدي وتخلص وتصير سوالف .