أحياء بلا حدود🧬

اخر حاجه علشان نكون نهينا علي حبة اللقاح دي خالص
انت عارف اساسا بتنبت ازاي وتخرج أنبوبة اللقاح علشان تروح وتوصل لخلية البيضة علشان تتخصب ويحصل كل ده ؟
عايزك الأول تعصر دماغك وتفكر وتدي ناتج كدا حتي ولو كان غلط وأهبل بس فكر هيا أنبوبة اللقاح دي ممكن تكون اتكونت ازاي ؟

بص يا سيدي مش احنا قولنا انها بتسقط علي الميسم ؟
عارف الميسم بيعمل ايه؟
الميسم لما حبة اللقاح بتسقط عليه
بتروح تكون محلول سكري
المحلول السكري ده لازم يكون مخفف عن المحلول الموجود بداخل سيتوبلازم حبة اللقاح
عارف ليه أكيد
علشان الماء ينتقل من المحلول إلي افرزه الميسم إلي المحلول الداخلي لحبة اللقاح ما الماء بينتقل من المحلول المخفف إلي المحلول المركز متنساش
بالتالي كدا الماء هيبقا كتير في حبة اللقاح
فيروح السيتوبلازم ضاغط علي الجدار مش كدا ؟
طيب ما الجدار سميك
ولكن اتكلمنا عن شوية مناطق كدا اسمها ثقوب الانبات الجدار عندها مش بيكون سميك
اهي دي المناطق الي عندها هيتمدد الجدار بسبب ضغط المحلول الداخلي لحبة اللقاح علشان يكونلي في الآخر أنبوبة اللقاح علشان تنبت حبة اللقاح ويحصل اخصاب بس كدا

ادعولي وادعوا لكل الشباب إلي في القناة الفترة دي صعبة علينا بسبب ضغوط الكلية فربنا يوفقنا ويوفقكم يا رب

وأدي يا سيدي رسمة كتاب المدرسة
إلي بتوضحلك ان الجدار الخارجي السميك مش بيحيط بكل حبة اللقاح لأ بيكون فيه مناطق مشاورلك عليها أنا بالسهم مفيهاش تغليظ ولو لاحظت في الصوره رقم 3 هتلاقي ان فعلا انبوبة اللقاح اتكونت من خلالها والمنطقه دي قولنا اسمها ايه ؟
ثقوب الإنبات
متنساش

ياريت نحفظ حقوق القناة وتعب المستر ولو عايز المسدج تحول من القناة مباشر او تحط لينك القناة... بالتوفيق ليكم

عارفين حبة اللقاح دي حكايتها حكاية وبيتجلي فيها عظمة خلق ربنا هو عموما الواحد في حياته لو تأمل كل حاجه حواليه ربنا خلقها هيعرف إن فيه جمال في الموضوع

حبة اللقاح دي ياسيدي انت عارف بتتكون ازاي فمش هعيد الكلام تاني بتاعها
أنا جاي أكلمك عن تركيبها وازاي بتنبت أساسا

أولًا هتلاقيني حطيت ليك صوره بعد البوست علطول علشان تستوعب الكلام

حبة اللقاح دي مكتوبلك في الكتاب انها بيتم احاطتها بجدار سميك لحمايتها

طيب تعالي أكلمك بالتفصيل شويه
حبة اللقاح دي بتتكون من جدارين مش جدار واحد

الجدار الداخلي وده بيكون رقيق خالص
والجدار الخارجي وده بيكون سميك ومحيط بحبة اللقاح وهو ده الي هو كلمك عليه
لكن عايز أقولك حاجه هل الجدار الخارجي ده بيحيط بكل حبة اللقاح؟ يعني نفس سمك التغليظ موجود علي كل حبة اللقاح ؟
ولا فيه مناطق بيكون السمك فيها قليل عن بقية المناطق خالص ولو فيه فأيه فائدة كدا ؟

أولًا الجدار الخارجي السميك الي هو قالك للحماية ده مش بيحيط بكل حبة اللقاح (ركز في رسمة كتاب المدرسة)
بيبقا فيه مناطق هتلاقي الجدار الخارجي ده مش سميك مفيش تغليظ أساسا
الله؟
طيب ليه؟ وعلشان أيه؟ ما أكيد كل حاجه ربنا خلقها ليها حكمه

هقولك الحكمه من وجود مناطق مفيهاش الجدار السميك ده إن حبة اللقاح تعرف تنبت أساسا مش انت عارف ان لما حبة اللقاح تسقط علي الميسم هتكون أنبوبة اللقاح ؟
طيب هل تظن كدا إن لو الجدار السميك ده محيط بكل حبة اللقاح بدون وجود أي مناطق رقيقة كان أنبوب اللقاح ده هيتكون؟؟
ولا كان لازم يبقا فيه مناطق الجدار فيها مش بنفس السمك علشان لما حبة اللقاح تسقط علي الميسم تعرف تكون أنبوبة اللقاح أيوا كان لازم
عارف المناطق إلي مش بيكون فيها التغليظ بنفس السمك دي بيكون اسمها ايه ؟ بيكون اسمها ثقوب الانبات
ودي إلي قولنا من خلالها هيتم تكوين أنبوبة اللقاح وإلي عدم وجودها مكنش هيخلي أنبوبة اللقاح تنشأ أصلا بسبب عدم وجود أي ممر لإن الجدار كله كان هيبقا بنفس السمك فكان هيتعذر تكوين أنبوبة اللقاح

https://t.me/limitless_bio

كل يوم هحاول أديكم معلومه جديده كدا تستاهل دماغكم يلا نبدأ معلومة النهاردة

بس لازم تقرأ تركيبها الأول قبل ما تقرأ ده علشان تفهم

يعني ايه الجملة الموجودة في الكتاب عند نضج الأرشجونيا هو بيحصل ازاي وبنعرف ازاي لو كانت نضجت أو لأ ؟
أدي الإجابة

تركيب الأرشيجونة بالتفصيل

الحته دي لزيادة الفهم عندكم
اقرأو الصفحه من أولها دي عليكم عادي
الحته إلي بالأحمر دي هيا إلي زيادة ولكن جميلة

افتحوا الصورة واقرأو ان ده كله بيحدث بعدددد الإخصاب

اقرأوهم حاجات مهمه وركزوا في الألفاظ المكتوبة والتتابعات الزمنية وحاجه آخر جمال ومن موقعي هذا أشكر د.ريهام علي هذا العمل الرائع إلي لسا بستفيد وبفيد بيه

دي أسئلة أنا إلي مألفها كدا بالحب وربنا يديم المحبة وادعولي علشان داخل علي مذاكرة مواد ملتهبة ويا رب سترك

أخيرا رأيكم طلع صح في حاجه