منشورات الحَسَنْ مُؤَيَّد. على Telegram

وجهوا القناة اذا تحبون ❤️

لون بوصافك اتعشگ
جبل من الصبر يشهگ
تحن يمته شوكت
وجه الثلج يعرگ
تلمست الجرح بالليل
واليم الضوه ادنيت
ردت اعرف نتل لو شگ
سمعت الروح ونت بيه
كاغد من تهم لزگ
وياهو يصرف ال ملزگ
تگاطيع وصبر مابيه
گبل ما جيسه يتشگگ
واذا تلحگ
وأذا دنياك مثل ام الغزالة بـ ليل
ماتدري وببنها توهمت تسحكَـ
فلاهي اتضر يلن ابن الغزالة يطيب
يحمل سحگة امه ولا بعد يزهگ
المطر شم الورد من دنگ اعله الگاع
وراح يبوسه من دنگ
صبح كلك صبح
وارموشك مرايات
وانگوط وربيع بطولك معلگ
للمك والتم انه وياك
والتف بيك واطبگ
واشوفك شوفة القداح
لمه من يريد ايطيح
والتف لف جگاره عليك واشبگ
شوصفك وانت روح الماي
وانه شلون فَــي البرتقال زغير
وين على نهر يلحگ
يمن طبعك ثلج ويلوگ بيه الصيف
ولو هب البرد بهواك نتمشرگ
أحبك ردتك بكل لون
أذا ابيض
واذا اشگر
واذا اغمگ
يلن لونك مثل لون الچمه العطشان
من شبگات گاعه يصير لونه احرگ
ويلكشني البرد واشتاگلك وأحتام
تطلع بالجنح سبگ
يا أول نبع مبهوره بي حلوات
ملهوفه امهاتهه عليه
غنن للعشگ مطبگ
وحده تشيله الـ چكليت
وحده تصير فَــي عليه
وحده ادوف حنه
ووحده بي تطلگ
يگنطار النخل ومنين جبت اللوز
مو بعده النخل والچمر بعده ازرگ
اجر الليل بيد وبيد اسيس بيك
حد الگيشك واغرگ
وأفز والگه الوكت بي طول
واتچوه خضر ع النار
اثارينـي الخضر ع النار
وانه روحي مثل روح النخل لو صارت بجريد
والجريد ما مامون يتشرگ
وراويت الجرح لـ بن امي
عافه وراح
بعد ياهو لجروحي يشوفهه معوگ

محسن الخياط السماوي

تخبل

سابع جار ألكم بيدة محبس جان
صايغ محبسه من نشوفه نذكركم

اسف ادري اخرتك على الباب
وادري استغربت ع الشفته بية
اسف بس قبل ما عايش احساس
سچينة تدگ باب الضحية
غرابة جيتك خلتني محتار
دمي بچفك وتسأل علية
اول مرة ما اگولن هلا لضيف
وما امد للسلام الجاي ايدية
اسف لچن صعبة نگل للرماد
بملگه النار عوفي الفوضوية
ما متعلم على الباب اخليك
طيرة مصوبة بالمغربية
بس ما ادري
اجرحك ؟
لو اداويك ؟
حنيني وثاري گامنلك سوية
ليش انطاني دور الوردة والسيف
ياهو الكتب هاي المسرحية
گلب مكتول اخوها وقرب الثار
وجدم ركضة غريب على الهوية
چا ماگتلي طالت صفنتك ليش
لو تدري شكثر الثنين اذية
اسامح ؟
دمي لسه بحلگ الغراب
اصوب الطايحة ؟
متلوگ الية
ياروحي احاه شكد صعبة الخيارات
من تبقه بشر صاحب قضية
مدري بيا طريقة اوصفلك احساس
عزيز وما يذكروه بالوصية
شرجعتلي مشاهد وگفتك هاي
زمن خلاني ما امدلك ادية
زمن وانا الچنت قبل المواعيد
اركض ع الدرب ركضة شضية
تذكر هذا شارعنا الگبل جان
بس جيتك اليحسبها جية
وتذكر من جنت تتعارك وياي
لان كل ساعة جايبلك هدية
وتذكر من كلتلك ما يظلون ؟
لا تشمهم كلتلك ما يظلون
چذاب العطر ع المزهرية
اسف بس گبل ما عايش احساس
سچينة تدگ باب الضحية

شاعركم باطلالة جميلة ..

كسرت خاطري
والخاطر ببيش يطيب ؟
ظفايرها مشانق والفرح منحر
عيشتني بأحساس التوه جاي يضيع
وگادتني !
ولكن ضيعتني اكثر
هلا يابو هلا تلگتني
بس بعدين ؟
رجعت ويا فشلته اليرجع معير
شكد بيها سوالف رمشة المصدوم
چنت ما رايد اسمع
بس جنت مجبر
گالت هاي هي
وما ادري شحسيت
اسمع صوت بس ما ادري شتكسر
درت وجهي ورحت
مابينت مكسور
ولكن ظلي چان بمشيه يتعثر
وحگ الجنت احبهن بيها ما غلطان !
لذلك من اريد اعذرها ما اگدر
مريضة ومرضتني وزرعت استفهام
الواقع ما يجيبه وللخيال انجر
المفروض النوايا تصير شر وخير
لكن نواياها وياية شر وشر !
من فات الوكت مريت بالادراك
چنت باقي برغبتي ما جنت مضطر
شوية شوية من گامت احلامي تضيع
عفت كلشي ورحت خوفي الوجع يكثر
رجعت مشوه ومتعلم ومكسور
ومابية ارفع ايدي شلون المخدر
منها وكلشي ما ينصلح من تعود
رجعت ويا فشلته اليرجع معير

هاي اخر محطة تسولف شصار
اسولف عنها ما جاي اكتبلها
من دمي وبأصابع چفي
باحساس رسمتلي السما
تگلي اوصللها
بزوايا صوري چانت تحلم يصير
خط بلون خط جرة كحلها
ما تستحي تگلي الگبلك حنان !
واني استحي شلونچ ما اگلها !
عزفتلي انكساري بكل الالحان
وانه بعود الفرح ردت اعزفلها
وگفت فوگ جرحي وطلعت صوت
هلاهل !
وانه بكلهن واگفلها !
لگيتلها حلول لكلشي
بأوقات مشاكل روحي ما حاولت احلها
من گد ما وجها لكلشي يندار
راحت واني ما حافظ شكلها
الاعرفه استغلتني بكلشي
بس ليش ؟!
يمكن لان ماجنت استغلها
بكلهن كاسرتني
واني والله
حتى حچاية ما چنت اكسرلها
المهم چانت
رجعت بكلشي ربحان
ورفضت بكل خساراتي اركعلها
عرفت شلون اطيب
وبالمحطات
كعدت باخر السفرا اشرحلها
"انتي مو اعظم خسارة
وعادي ما احسبج ربح
وحتى اذا مديتي چفج
چفي مامده بصلح
انتي والقبلج
اماني وضيعتجن بالسما
هي چانتلي البداية
وانتي صرتي الخاتمة
ارفض تعيشين بية
وابقه شايلج جرح
انتي مو اعظم خسارة
وعادي ماحسبج ربح"
هاي اخر محطة تسولف شصار
اسولف عنها ما جاي اكتبلها

المطر شم الورد من دنگ اعلى الگاع
وراح يبُوسه من دنگ
صبح كلك صبح
وارموشك مرَايات
وانگوط وربيع بطولك معلگ
للمك والتم انه وياك
والتف بيك واطبگ
واشوفك شوفة القداح
لمن من يريد ايطيح
والتف لف جگارة عليك واشبگ

مو انا ليضل محروك نص كلبه
ومو انت التكول علي عفته وصرت مارغبه
وحقك أنا نفسه لچنت تبچي علي
وبعدها حچايتي من تنحجي صعبه
وبعدني مقرر فراكك لحد مااموت
ومن هسه الدمع من عينك تشربه
وتكسير الاصابع والقلق والخوف
والشهكه لبصدرك نفسك تجربه
واذا ردتلي؟ ما تلكه ذاك الجان
اليغني على سفر وثنينه بغربه
وخلك لا تجي سديت كلشي وياك
السيف الجان بيدك فارك الركبه