#Olimpiada
#Vazirga murojaat
Assalomu alaykum hurmatli Hilola Umarova!
Ushbu murojaat xatini Respublika ustozlar kanali admini sifatida kimyo,fizika , biologiya ustozlari nomidan umumlashtirgan holda yozyapmiz.Guruhda yozilgan barcha ustozlarning fikrlarini bir joyga jamlab yozishga qaror qildik. Murojaatimizni albatta e’tiborga olasizlar degan umiddamiz!
Mana yaqinda asosiy olimpiadaning tuman bosqichi 9-11 sinflar o’rtasida bo’lib o’tdi, ammo bu olimpiada ko’pchilik ustozlarning dilini xira qildi. Olimpiadada Prezident huzuridagi ixtisoslashtirilgan agentlik maktablari va ixtisoslashtirilgan xususiy maktablarning oddiy umumta’lim maktablari bilan birga imtihon olganlari bunga asosiy sabab bo’ldi.Keling endi nega ustozlarning dilini xira etganini asoslab bersak:
Har yili oddiy maktablar o’zaro alohida olimpiadada qatnashar edilar , Prezident huzuridagi ixtisoslashtirilgan agentlik maktablari va ixtisoslashtirilgan xususiy maktablar esa to’gridan-to’g’ri viloyat olimpiadasida qatnashish yo’llanmasiga ega edilar. Bunday vaziyatda tabiiyki qaysidir maktab o’quvchilari tumanda 1-2-3-o’rinlarni olib g’oliblik degan tuyg’u nima ekanligini his qilishar edilar, o’zlariga bo’lgan ishonchi ,fanga bo’lgan mehri yanada to’lib toshgan edi. Biz ustozlar ham bundan behad xursand edik, chunki tumanda,maktabda,o’quvchilar oldida obro’yimiz,hurmatimiz oshardi, biroq 2024 -yilgi olimpiadada Tabiiy fandan aksar 1-2-3-o’rinlarni deyarli 90% ni oddiy maktablar olmadi.”Nega endi maktab o’quvchilari olmadilar yaxshiroq tayyorlansinlar edi” degan fikr tug’ilishi tabiiy.Keling bu savolga ham javob bersak.
O'zbekiston hamma uchun teng huquqli demokratik davlat ekan nega shu tenglikka ta'limda amal qilinmaydi?
Nega hamma ta'lim oluvchilar uchun bir xil sharoit yoki imkonyatlar mavjud emas?
Hamma bir -xil imkonyatga ega emas ekan , unda nima uchun eng bilimli, iqtidorli,saralab olingan 12-nafardan alohida yo'nalishi bo'yicha chuqurlashtirilib haftasiga 6 soatlab asosiy yo'nalishi bo'yicha o’qitiladigan,majburiy to’garaklar mavjud, 1 smenali laboratoriya va barcha zamonaviy texnologiyalar berilgan sinf xonalarida o'qitiladigan o'quvchilarni,
oddiy maktablarning 2-smenada xonalarga zo'rg'a sig'ib, 35-40 nafar o’quvchiga haftasiga 2 yoki 1 soatdan o’qitiladigan,dasturdagi barcha fanlarni o'qishga majbur bo'lgan,(chunki xususiy va PIMI maktablarda faqat asosiy blokdagi fanlar o’qitiladi bu hech kimga sir emas) laboratoriya xonasini faqat orzu qiladigan, interaktiv doskalarni ko'rganda hayrat bilan qaraydigan oddiy maktab o'quvchilarini bilan bir maydonda bellashtirilishi bu qanchalik to’g’ri.
Nega PIMI va xususiy maktab o’quvchilari har sinfdan 9-10-11-sinfdan 3 nafardan o’quvchi olib kelishdi olimpiadaga, oddiy maktab o’quvchilari esa 1 nafardan qatnashdilar ,tabiiyki ular 1,2,3 –o’rinlarni ketma-ket bitta muassasa olyapti bu ham adolardan emas bizningcha.
Unda biz maktab o’qituvchilariga ham tabiiy fan soatlarimizni ko’paytirib beringlar,xuddi ularnikidek ustama foizlar qo’shib beringlar,12 nafar saralab olingan iqtidorli o’quvchiga qiynalmasdan biz ham dars o’taylik.
Laboratoriya jihozlarini ,interaktiv doskalarni beringlar ana undan keyin bizni o’quvchilarimizning bilimlarini sinanglar shunda adolatli bo’ladi.
O’rin olomagan o'quvchilarni o’z sevgan fanidan , ta'limdan, maktabdan ko’ngli qolmaydimi? Ularning ruhiyatichi?
O’qituvchilarchi?
Direktordan hammani oldida majlislarda gap eshitish-u,maktab direktor fondidan beriladigan ustamaning 30 balidan mahrum bo’lishi. Bu degani 1,2,3-o’rinlarni olib bilmasa bu degani ustamada 30 balldan mahrum bo’ldi degani.O’qituvchilar asosiy ballni shu olimpiadadan olar edik.Afsuski iqtisodchilarimiz shu yo’llarni ham o’ylashgan shekilli.
Prezident huzuridagi ixtisoslashtirilgan agentlik maktablari va ixtisoslashtirilgan xususiy maktablarda to’g’ri saralangan ustozlar bor ularda vaqt ham ,sharoit ham, oylik ham ,eng asosiysi o’qiyman deydigan 12 nafargina o’quvchilarni o’qitishga sharoit bor.
https://t.me/attestatsiyakimyogar2021
