🇵🇸قناة الطفل المسلم ❤️(كرتونات اسلامية) ❤️

تفسير سورة التحريم للأطفال /الجزء 2⃣
#تفسير_جزء_قد_سمع

تفسير سورة التحريم /الجزء 3⃣
#تفسير_جزء_قد_سمع

••كرتون🎥
#مستكشفو_الحيوانات ••الحلقة الثامنة و الثلاثون ••-38-

قصص وحكايات:
قصص الانبياء للاطفال:
⭕️⭕️⭕️سلسلة بداية الخلق⭕️⭕️⭕️

📕📕📕 الحلقة 13📕📕📕


📌📌 ابراهيم عليه السلام الجزء 5

كان ياما كان ولا يحلى الكلام الا بذكر النبى عليه الصلاة والسلام

دلوقتى ياولاد زى ما احنا فاكرين ايه اللى   حصل المرات اللى فاتت
ابراهيم تزوج من هاجر وخلف منها ابنه اسماعيل ..  وربنا امره انه يسيب هاجر واسماعيل فى صحرا فى مكة
وهاجر مكنتش خايفة خالص خالص لانها متاكدة ان ربنا مش هيضرها وان ربنا بيحفظ عباده
وابراهيم لما سابهم اعد يدعى ويدعى ان ربنا ان مراته وابنه اعدين فى صحرا مفيهاش لا زرع ولا ماية واعدين لوحدهم خالص... فدعى ربنها انهم يكونوا بيصلوا ويرزقهم الخير الكتيير اوى وكمان دعى ان ربنا يبعتلهم ناس تعيش معاهم وتحبهم علشان ميكونوش لوحدهم

وشوفنا ازاى ربنا استجاب لدعاء ابراهيم ورزق هاجر واسماعيل زمزم .. فاكرين لما هاجر فضلت تطلع وتنزل من الصفا والمروة وجبريل ضرب الارض بجناحه وطلعت ماية زمزم

انتوا عارفين ياولاد احنا لحد دلوقتى بنعمل زى هاجر وبنسعى بين الصفا والمروة

فى الحج والعمرة ياولاد لازم نسعى بين  الصفا والمروة 7 مرات وندعى ربنا زى هاجر

المهم عاشت هاجر تشرب زمزم وترضع اسماعيل... لحد اما فى يوم كان فى قبيلة... قبيلة ياولاد يعنى عيلة كدة كبيرة... القبيلة دى ياولاد كان اسمها جرهم... اسمها ايه ... جرهم... قبيلة جرهم دول كانوا دايما بيتنقلوا من مكان لمكان علشان يدوروا على ماية... ولما الماية تخلص يروحوا يدوروا على مكان تانى يعيشوا فيه... فكانوا ماشيين قريب من هاجر واسماعيل ... فشافوا من بعييد طيور طايرة فى المكان دا... فاستغربوا اوى ياولاد لان هم متاكدين ان المكان دا صحرااا خالص ومفيهوش اى ماية ... والطيور مش بتكون موجودة غير فى مكان فيه ماية

المهم راحوا يشوفوا ايه الموضوع وازاى طيور موجودة هناك ومفيش ماية..  لكن لاقوا حاجة غريبة جدا

لقوا هاجر والبيبى اسماعيل وكمان عين ماية زمزم... فاستاذنوها وطلبوا منها انهم يعيشوا معاها عند زمزم ... وهى فرحت جدا ان ربنا بعتلها ناس تعيش معاها ووافقت على طول بس بشرط ان الماية بتاعتها مش بتاعتهم... هى طبعا هتخليهم يشربوا منها معاها بس تكون بتاعتها

جرهم جمعت كل الناس بتوعهم..  كل رجالتهم وستاتهم واطفالهم ... وعاشوا حوالين زمزم مع هاجر واسماعيل

وهاجر كانت سعيدة جدا لان بقى عندها اصحاب ليها واصحاب لابنها وناس تعيش  معاهم

اسماعيل كبر وسط جرهم واتعلم منهم اللغة العربية السليمة .. بس حصل حاجة غريبة جدا

ابراهيم عليه السلام شاف رؤية..  رؤية ياولاد زى الحلم كدة... بس اى رسول بيشوف حلم دا بيكون وحى من ربنا... وقولنا قبل كدة ان وحى يعنى رسالة من ربنا

يعنى ربنا بلغ ابراهيم برسالة عن طريق الحلم

شاف ايه ابراهيم ... شاف فى الحلم انه بيدبح ابنه اسماعيل

ياااااالله ... دا اختبااار كبييير جدا جدا من ربنا ... ابراهيم فضل سنيين طويلة جدا معندوش اولاد ... وربنا رزقه باسماعيل وهو حبه جدا جدا ..  وربنا اختبره تانى وامره انه يسيبه فى صحراء مكة... وبعد لما اسماعيل كبر شوية ربنا امره انه يذبحه

طبعا طبعا ابراهيم عليه السلام دايما بيسمع كلام ربنا ..  وهو متاكد ان كلام ربنا كله خير ... وهو مش عااايز اى حاجة غير ان ربنا يكون راضى عنه ويدخله الجنة

وفعلا ياولاد ابراهيم راح لاسماعيل وقاله انه شاف فى الحلم انه بيدبحه

وسبحان الله ياولاد اسماعيل كمان كان بيحب ربنا جدا جدا ودايما بيسمع كلامه ومتاكد ان كلام ربنا هو الخير

وعلى طوووول قاله ياابويا اعمل اللى ربنا بيقولك عليه وانه ان شاء الله هيكون من الصابرين ومش هيزعل بقى ويجرى ويعيط ولا يخاف .. هو مش عايز غير ان ربنا يرضى عنه

وفعلا ياولاد ابراهيم اخد اسماعيل ومشيوا بعيد شوية كدة فى مكان فاضى... ونيم اسماعيل على الارض علشان يدبحه ... وطلع السكينة يااولاد ...  وحط السكينة على رقبته... لكن حصلت معجزة تانية..  سبحان الله هو قادر على كل شئ... السكينة مش راضية تدبح او تأذى او تعور اسماعيل... السكينة معملتش اى حاجة فى رقبة اسماعيل

زى ما ربنا امر النار متحرقش ابراهيم... امر بردوا السكينة متأذيش اسماعيل

ونادى ربنا على ابراهيم ... يااا ابراهيم ... انت صدقت الحلم ... وفعلا بكدة نجح فى الاختبار ... انه سمع كلام ربنا فى حاجة صعبة جدا جدا عليه ..  وكمان اسماعيل نجح فى الاختبار وصبر وكان راضى بقضاء الله

وربنا بعتلهم كبش كبييير.. كبش ياولاد يعنى خروف كدة... كبش كبير ابراهيم يدبحه بدل اسماعيل

وابراهيم فعلا دبح الكبش.. واليوم دا بقى عيد لكل المسلمين ... واحنا لحد دلوقتى بندبح الكبش فى العيد الاضحى

وبكدة ياولاد لازم نتاكد ان كلام ربنا هو الخير والسعادة حتى لو صعب علينا... الجنة غالية اوى اوى ياولاد... لازم كلنا نسمع كلام ربنا واحنا مبسوطين علشان ربنا يجمعنا كلنا فى الجنة

ونقف لحد هنا ونشوف المرة الجاية هيحصل ايه مع اسماعيل

يتبع ...

والسلام عليكم ورحمة الله وب

ركاته



المصادر
🔹سل

سلة حلقات قصص الانبياء للشيخ نبيل العوضى

🔹كتاب قصص الانبياء لابن كثير

🔹تفسير السعدى

قصص الانبياء للاطفال:
السلام عليكم جميعا
باذن الله الحلقة القادمة هتكون عن قصة قوم لوط وذلك لتسلسل الاحداث
احنا حاولنا بقدر الامكان ان القصة تكون مناسبة للاطفال

فارجو منكم ان تسمعوا القصة اولا بمفردكم قبل ان تعرضوها على اطفالكم

فمن يرى تأجيل القصة لاطفاله لبضع سنوات اخرى فلا بأس وان شاء الله مش هيكون فى اى خلل فى احداث القصص

لان قصة لوط قصة منفصلة تماما ولكنها تزامنت مع احداث ابراهيم عليه السلام

والله الموفق

وجزاكم الله خيرا

قناة اسلامية للطفل المسلم وايضا للكبار فهي تعلمنا تعاليم الدين الإسلامي بصورة بسيطة وواضحة لجميع الاعمار نفعنا الله وإياكم وتقبل منا ومنكم صالح الأعمال

https://t.me/kartonaateslamia

#شير_تؤجر

تفسير سورة التحريم للأطفال /الجزء 2⃣
#تفسير_جزء_قد_سمع

🎙انشودة
🌳وصف الجنة🌳

🎉حكايات ماما خوجة

🏝الجنة🏝

قصص الانبياء للاطفال:
⭕️⭕️⭕️سلسلة بداية الخلق⭕️⭕️⭕️

      📕📕📕 الحلقة 12📕📕📕

📌📌ابراهيم عليه السلام الجزء 4

ونبدا ونقول كان ياما كان ولا يحلى الكلام الا بذكر النبى عليه الصلاة والسلام

طبعا الولاد الابطال فاكرين احنا قلنا ايه المرة اللى فاتت... وفاكرين ابراهيم عليه السلام مع قومه اللى بيعبدوا الشمس والقمر واللى بيعبدوا الاصنام والملك اللى بيقول ان هو ربنا .... وطبعا محدش نسى  ان ابراهيم عليه السلام هاجر من العراق وراح فلسطين هو وزوجته سارة وابن اخوه لوط... وعرفنا ازاى ربنا حفظ سارة من الملك الشرير اللى خطفها من زوجها وانه كمان ادلها هاجر هدية ... وان سارة قالت لابراهيم يتجوز هاجر علشان ربنا يرزقه اولاد ... وفعلا ربنا كريم اوى اوى ورزق هاجر بيبى جمييل جدا اسمه اسماعيل

دلوقتى ابراهيم عايش فى فلسطين مع زوجاته سارة وهاجر وابنه اسماعيل اللى فرح بيه جدا جدا لانه مكنش عنده اى اولاد

المهم ياولاد ربنا اوحى لابراهيم ... اوحى يعنى قاله بس عن طريق ملاك مثلا او انه يشوف حلم مثلا... فربنا اوحى لابراهيم انه ياخد زوجته هاجر وابنه البيبى الصغير جدا اللى لسة مولود دا ويروح بيهم لمكان اسمه مكة.. ويسيبهم هناك لوحدهم ويرجع تانى فلسطين...

مكة ياولاد كانت صحراااااااااء..  مفيهاش اى حاجة كلها رمل فى رمل.... مفيش الكعبة... مفيش ناس .. .. مفيش ماية... مفيش زرع... مفيش اى حاجة... صحراء بسسس..

بس طبعا ابراهيم عليه السلام دايما بيسمع كلام ربنا ومتاكد ان كلام ربنا هو الخير حتى لو صعب علينا نعمله

فمن غير تفكير اخد زوجته هاجر وابنه اسماعيل وراح بيهم مكة وكان معاهم شوية ماية وشوية تمر ووهو ماشى وسايبهم ندهتله هاجر... ياا ابراهيم ... ياابراهيم ...هتسيبنا هنا لوحدنا وتمشى .... هتسيبنا لمين ...وابراهيم مش بيرد عليها...فقالتله يا ابراهيم هو ربنا اللى امرك تعمل كدة..  قالها ايوة دا امر الله ...على طول علشان هى مؤمنة ومتاكدة هى كمان ان كلام ربنا هو كلللللل الخييييير وان اللى يسمع كلام ربناا ربنا هيسعده وهيديله حسناااات كتيييير اوى اوى وهيسهل له كل حياااته... على طول ردت هاجر عليه وقالتله يبقى ربنا عمره ما هيضيعنا او يضرنا وسكتت وهى راضية بامر ربنا

مشى ابراهيم عليه السلام ... وهاجر فى صحراء مكة لوحدها خالص هى وابنها..  تشرب الماية وتاكل التمر وترضع البيبى لانه لسة صغير مش بياكل... ويجى عليها الليل وهى فى الصحرا لكنها مش خايفة ابدا ابدا لانها متاكدة ان ربنا هيحفظها... مش خايفة من اى حاجة لان ربنا معاها

واحنا كمان ياولاد لازم منخافش ابدا ابدا من اى حاجة ومن اى حد طالما احنا بنسمع كلام ربنا... ولو حصل وكنا فى مكان وخايفين ..  يعنى كنا بليل والنور قطع ..  او وسط ناس خايفين منهم ياذونا..  نفضل ندعى ربنا ان ربنا يحفظنا ويطمن قلبنا..  وان شاء الله ربنا هيحفظنا زى ما حفظ نوح وهود وصالح من الاشرار ...وزى ما حفظ ابراهيم من النار ..  وحفظ سارة من الملك الشرير ..  وهنشوف دلوقتى هيحفظ هاجر ازاى

دلوقتى ياولاد الماية خلصت ... والتمر خلص ... واللبن بتاعها اللى بترضعه للبيبى خلص لانها مش بتاكل ولا بتشرب... عارفين ياولاد لبن البيبى اللى بياخده من مامته دا بيتعمل من الاكل اللى الام بتاكله... فلازم الام تاكل وتشرب علشان اللبن يتعمل   ...  فهى دلوقتى جعانة وعطشانة فمفيش لبن لاسماعيل... وطبعا اسماعيل بيعيييييط ويعيييييط كتيير جدا علشان جعان

هاجر اعدت تفكر تعمل ايه وتجيب ماية منين علشان تشرب... بصيت جنبها لاقيت فى جبل صغير كدة... قالت هتروح تطلع الجبل علشان تشوف كويس من فوق وتدور على اى ناس او اى ماية تشرب منها

الجبل دا ياولاد كان اسمه الصفا.. سابت اسماعيل وطلعت الصفا تشوف من فوق لكن مفيش اى حد..  تنادى على اى حد ... بس مفيش حد بيرد عليها لان مفيش حد ... وتدعى ربنا ان ربنا يرزقها...  نزلت تانى وراحت لاسماعيل اللى لسة بيعيط .... ولاقت جبل واحد تانى اسمه جبل المروة...  فطلعت الجبل دا بردوا بتدور على اى ناس او اى ماية لكن للاسف مفيش اى حاجة... نزلت ورجعت تانى لاسماعيل وهو لسة بيعيط

راحت قالت تروح تشوف تانى فوق جبل الصفا يمكن يكون حد جيه او تشوف اى مكان فيه ماية

فضلت ياولاد رايحة بين الصفا والمروة كدة ..  تطلع وتدعى وتنزل  وتروح للجبل التانى تطلع وتدعى وتنزل... وهى تعبانة وجعانة وزعلانة ان اسماعيل جعان وعمال يبكى ...  لكن تعبها دا وجوعها ممنعوهاش انها تجرى وتطلع وتدعى وتنزل

عارفين ياولاد طلعت الصفا والمروة كاام مرة... طلعت ياولاد 7 مرات

من الصفا للمروة
ومن المروة للصفا
ومن الصفا للمروة
ومن المروة للصفا
ومن الصفا للمروة
ومن المروة للصفا
واخر مرة من الصفا للمروة

وهى فوق جبل المروة وعمالة تدعى سمعت صوت

فنزلت بسرعة لاسماعيل ... ولاقت حاجة غريبة جدا

لاقت ياولاد الملك جبريل ... زى ما احنا فاكرين ياولاد ان كل ملك ليه الشغل بتاعه...
فى ملايكة شغلها انها تسبح لله طول...
وفى ملايكة شغلها تسجد لله علطول.
وفى ملايكة شغلها تكتب الحسنات
وفى ملايكة شغلها تكتب السيئات
وفى ملايكة شايلة عرش ربنا

وفى الملك جبريل... اللى بيوصل كلام ربنا للرسل ... اسمه ملك الوحى..

هاجر ياولاد شافت جبريل عند اسماعيل... وجبريل ملك جميل عنده جناحااات كتييبر اوى..  فضرب الارض بجناحه... فالارض طلعت ماية كتير كتير كتييييير اوى اوى.... هاجر بسرعة حطت ماية ف الزجاجة بتاعتها وبسرعة عملت بالرمل اللى ف الارض كدة زى سور حوالين الماية علشان الماية متجريش وتضيع....

والماية دى ياولاد هى ماية زمزم اللى احنا بنشرب منها لحد دلوقتى لما بنروح مكة

ورسولنا محمد صلى الله عليه وسلم قال لو مكنتش هاجر عملت السور دا وجمعت الماية.. كانت زمزم دى بقيت نهر كببير اوى اوى

لكن هى كانت عطشانة جدا فخافت الماية تضيع وشربت ورضعت اسماعيل

وجبريل قال لهاجر ان اسماعيل هيكبر وهيبنى مع ابوه ابراهيم اول بيت لله فى الارض ...  يعنى اول مسجد فى الارض ..  اللى هى الكعبة المشرفة

ونقف هنا المرة دى ونشوف مع بعض هيحصل ايه المرة اللى جاية وهاجر هتقابل مين

والسلام عليكم ورحمة الله وبركاته

يتبع...

بقلم : ماهى محيى

الحلقة العاشرة من برنامج

📜 #السيرة_النبوية_للأطفال📜

🔖بعنوان: وصول الرسول ﷺ إلى المدينة واستقبال المسلمين له - بناء المسجد النبوي - المؤاخاة بين المهاجرين والأنصار

الحلقة التاسعة من برنامج

📜 #السيرة_النبوية_للأطفال📜

🔖بعنوان: هجرة النبي صلى الله عليه وسلم من مكة الي المدينة

https://t.me/AhmedBenShoaib?livestream

••كرتون🎥
#مستكشفو_الحيوانات ••الحلقة السابعة و الثلاثون ••-37-