الاستاذ كرم حاتم | اللغة الانكليزية @karamhatim Channel on Telegram

الاستاذ كرم حاتم | اللغة الانكليزية

06 Jan, 06:10

السلام عليكم..
باجر امتحان نصف السنة 4 وحدات وأي طالب من اصدقائكم حاب يختبر مستواه هلا بي.. دعوة لجميع محافظة بابل.

اوقات البنات:
من 8:00 الى 11:00 صباحًا
من 2:00 الى 4:00 ظهرًا

اوقات الولد:
من 3:30 الى 8:00 مساءً
-

1,801

الاستاذ كرم حاتم | اللغة الانكليزية

30 Dec, 20:43

هاي الدفعة اني ناوي عليها نية گشرة اريد اجيب بيها مياية وتسعينات اكثر من أي دفعة فاتت.. وبناءً على ذلك تم اتخاذ بعض القرارات:

🔴أولًا:
فتح يوم آخر لامتحان نصف السنة الـ 4 يونتات. يعني راح يكون عندكم موعدين:

- هذا الخميس 2/1/2025
- الثلاثاء اسبوع الجاي 7/1/2025
- واللي يريد يمتحن إلكتروني هم عادي.

🔴ثانيًا:
محاضرة المخططات الشاملة لمادة الكورس الأول راح تكون يوم الأربعاء اسبوع الجاي المصادف 8/1/2024 وراح تتصور أيضًا وتنشر الكتروني مجانًا بدون كود.

🔴

ثالثًا:
بس نكمل منهج يوم 28/2/2024 راح ارجع اعيد مادة الكورس الثاني من يونت5 الى النهاية ولمدة شهر (من شهر 3 الى شهر 4) للطلاب اللي ما ضبطوا الكورس الثاني واللي ثبرتهم امتحانات الانتساب وتيهوا الاول والتالي.
-

3,181

الاستاذ كرم حاتم | اللغة الانكليزية

09 Dec, 02:46

الشي اللي متعرفوه انتم الشباب الصغار هو انو الانسان من يوصل لهذا العمر وينفجر الشيب براسه بعد ميهمه شي وماله خلك لشي ويستغني عن كل شي تقريبًا ويقلل انفعالاته والعصبية لأنها تأذيه نفسيًا وجسديًا وتمرضه.. فمن تشوفه معصب بهالشكل وهو بهالعمر معناها هو معتبرك انت كل اللي بقى اله بحياته.. هو يعتبرك اهم شي بحياته حاليًا وانك الشي الوحيد اللي يستحق أن يخسر صحته ويتلف اعصابه علمودك.. هو بأعماقه وبعقله الباطن قلق من تقدمه بالعمر واقترابه من الموت ومدا يشوفك محقق حتى تقدم بسيط بحياتك لحد الآن.. ويزيد قلقه اكثر من مدا يشوف بيك أمل ولا دا تساعد نفسك على أتفه شغلة بالحياة اللي هي الدراسة لكم ساعة وانت بكامل نشاطك حاليًا.. فشلون راح تعيش هاي الحياة بكبرها ومصايبها ومصاعبها من بعد ما يموت؟ وحتى اذا ندمت وقررت تصلح نفسك بعدين.. هل بذاك الوكت رح تكون بالنشاط والقوة والقدرة الكافية على اصلاح ما مضى من حياتك؟ ترا ترا هذا هو مختصر تفكيرهم.. ثقوا بالله.. لهذا السبب بالذات هو معصب عليك.. مو لأنه يريد يتفاخر بيك گدام اصدقائه الشيّاب.. لا.. هو بهالعمر عبر مرحلة التفاخر والأشياء بدت تفقد معناها وبريقها بعينه.. هو بس قلق عليك ودا يشوفك ما مهتم وغافل وجاهل ومغرور بنفسك وعلى وشك أن تخسر كل شي وتندم.

4,358

الاستاذ كرم حاتم | اللغة الانكليزية

09 Nov, 11:04

امتحانات الاستاذ كرم حاتم للفترة الحالية:

يوم الأربعاء القادم 13/11/2024
🔴 امتحان نصف يونت5 للمجموعة الصيفية الإلكترونية.

🔴 امتحان يونت1 كامل للمجموعة الشتوية الإلكترونية.

يوم الجمعة القادم 15/11/2024
🔴 امتحان نصف يونت5 للمجموعة الصيفية الحضورية.
_

5,129