Postagens do Canal Medicine made simple.

و إن ينصركم الله فلا غالب لكم.

الحمد لله رب العالمين وقف إطلاق نار، رحم الله شهداء غزة المرابطة، رجال نسأل الله أن يلقانا بهم في الجنة.


ليبيا ك شعب من يوم يومنا قلباً و قالباً مع القضية و لو كره عباد الطغاة.

دعواتكم لأخوتنا في فلسطين لحظات فارقة نسأل الله أن يفرح قلوبهم و يرزقهم الأمن و الأمان يارب العالمين.

السلام عليكم 🌟

أصدقائي وزملائي الأعزاء،
أتمنى أن تكونوا بخير وبأفضل حال. عندي طلب بسيط منكم، لكنه مهم جدًا بالنسبة لي وللدراسة التي أعمل عليها. هذا الاستبيان يركز على ظاهرة burnout (الإرهاق المهني/الدراسي)، وهو موضوع يلامس حياتنا كطلاب بشكل مباشر. مشاركتكم ستضيف قيمة حقيقية وتساعدنا جميعًا على فهم أفضل لهذه الظاهرة والعمل على تحسين بيئتنا الدراسية ❤️💡.

📌 رابط الاستبيان: [https://forms.gle/8FSgmCzCPiygDG7a7]

أعرف أن وقتكم ثمين، لكن مشاركتكم ولو لدقائق بسيطة تعني الكثير. اي تحسن في الصحة النفسية لطلاب الطب الحاليين والمستقبلين ستكون في ميزان حسناتكم إن شاء الله.
شكرًا لكم مقدمًا، ودمتم دائمًا بخير ونجاح 🌟✨.

السلام عليكم ورحمة الله وبركاته
ان شاء الله حالكم بخير🙏🏻
بالله لو سمحتوا لو في أي حد قري او يقرا من القناة يعبي الإستبيان بيش نحددوا مستقبل القناة ان شاء الله
و بارك الله فيكم و وفقكم الله 🫡
https://docs.google.com/forms/d/e/1FAIpQLSe5OnF1hASfpzCv4Jbe_3dDEgday91e0Yx2prfAmiCzcpbmfA/viewform

السلام عليكم ورحمة الله وبركاته
مفاضلة 7
كورس ال GIT كامل بإذن الله
https://youtube.com/playlist?list=PL_bJfG4fIuxqq2IPVx1rpeYY3rPb81SWY&feature=shared

بإذن الله حيعجبكم، المحاضرات قصار متنخلعوش منهم😂.

بالتوفيق ان شاء الله

السلام عليكم ورحمة الله وبركاته
كيف حالكم ان شاء الله بخير

طبعا السيمستر الجديد خلاص بدي 😂
و بنوضح شوية حاجات، للي يسأل هل حنشرح مادة في سيمستر الكلينك هذا و شن نظام الباثولوجي 3.

قبل كل شي للأمانة لا أعتقد اني حنشرح مادة في الكلينك أقل شي السيمستر هذا ممكن ندير ملخص لحاجة معينة و نشرحها او نحل اسئلة لمادة معينة بإذن الله يعتمد هذا عالوقت، حنكون ديما متواجد لمساعدة أي حد بإذن الله فحنساعد باللي نقدر عليه في أي مادة و اللي عنده سؤال القروب قاعد مفتوح، لأن للأسف سنة 2025 حننضغط فيها ضغط مش عادي ف دعواتكم ربي يسخرلي الحال،
بالنسبة لتوجه القناة بإذن الله مش حننقطع لكن حنتجه لمحتوى تعليمي أشمل و أقصر بإذن الله سواء هني او في صفحتي في الفيس، و جامعات برا طرابلس بالنسبة للفسيو أيه حنكمل سلسلة اسئلة Guyton بإذن الله، و المحتوى القادم على الأغلب بيشمل حتى بحوث طبية يعني الحاجات الاساسية لكل دكتور او طالب مفروض يعرفهم، كيف تقرا بحث طبي وين تلقا بحث طبي، هذم حاجات لازم تعرفهم سواء كان عندك نية او معندكش نية ادير بحوث لأن المفروض عليك انك تقرا البحوث الجديدة بذات لما تتخصص بعدين أو كان عندك أصلا تخصص معين من توا، و كذلك حنركز عالمصادر لإمتحانات المعادلات بذات اسئلة ال usmle حنديرلهم فقرة بحيث نحل و نشرح مرة مرة خمسة و ستة اسئلة مع بعض من جزئية، و تلخيصات لحاجات مهمة للفسيو و الباثو كمراجعة و استفادة لينا كلنا.


نجوا للباثو بالنسبة لقبل النصفي مش حنفتح كورس زي مادرت و اني زي ماقلتلكم مش مخطط اني نركز عالكورسات السنة هذي ف فتحته كله مجاني ليكم، و شبه نزلت أغلبية المحاضرات في قناة اليوتيوب مزال شوية و يكونوا كاملات.


و بإذن الله نكملوا المشوار على خير خلاص هانت سنتين و نص بس😂 (من غير سنة الإمتياز)

فضلا وليس امرا يا دكاترة عبولنا الاستبيان اهوه
مع اختيار Code 34
للمساهمة في بحث لأخ لكم
ومشكورين جدا.

https://docs.google.com/forms/d/e/1FAIpQLSdoV_6reu5uYZVg81wzwcSqbG_AZ3FG49j8LelHf5IDc1Zv5g/viewform

الحمد لله على ما مضى و وفقنا الله في كل خطوة يارب العالمين، مع أن النهاية كانت فيها شوية سلبيات لكن مننسوش نذكروا بالخير الناس اللي مشفناش منها إلا كل خير في الدفعة لأن والله في ناس طيبة و ميستاهلوش الا كل الخير و نذكروا القليل من الكثير منهم.

سليم ساعدنا في الهستو و المايكرو ربي يرحم والديه
معاذ في الأناتومي كذالك
عبد الحميد في الميكرو
عبد الحميد الفقيه في الميكرو و الباثو
سند في الفارما
شهد في البارا
عوف في السلوكية
ملاك في ال IT
سارة في الاناتومي و الفارما
في بنت زمان دارت ملخص لكلام الخمسي في الانترو الله يرحم والديها نسيتها مني😂
الناس اللي شادة بوت الدفعة
و الطلبة اللي يمشوا للمحاضرات و يسجلوا مننسوش جهدهم والله اكثر ناس مظلومة منهم ياسين و مروة يرحم والديهم
و المندوبين اللي دار منهم خير مشكور

و القائمة تطول بارك الله فيكم و رحم الله والديكم، و بإذن الله كل حد دار خير حيلقاه قدامه في الدنيا و الأخرة.

بسم الله الرحمن الرحيم
{ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا }
دعواتكم لخوتنا الطلبة اللي قعدتلهم على درجات بسيطة ان يصفوها و يديرولهم حل، ميعنيش انك صفيتها انك تنسى الموضوع لأن في ناس مش قادرة ترتاح حتى في عطلتها.

ف أذكروهم بالدعاء أضعف الإيمان.

السلام عليكم ورحمة الله وبركاته
ان شاء الله تكونوا توفقتوا في الإمتحان اليوم و ان شاء الله الكل يصفيها، للأسف غير لائق انك تنزل ملخص و تقول اقروا منه و الدفعتين اللي قبلك مطلعوش منه فجأة اليوم قرروا يغيروا.


ف بإذن الله يصير خير بإذن الله كلكم مصفينها و مهيش نهاية المشوار بإذن الله.
ان شاء الله نكون أفدتكم سواء كان عن طريق المحاضرات العادية او الاسئلة او الملخصات.

و بإذن الله خير ان شاء الله سيمستر الكلينك يكون فاتحة خير علينا أجمعين.