Damn I'm sixth!

المشكلة الثانية (النوم)
احتياج البشر للنوم ٦_٨ ساعات وال ٨ اصلا زايدة
مو تنام ١٢ و ١٣ ساعة ! وخاصة بأيام العطلة طالب السادس يصير عاشق للنوم بحيث محد يكدر يكعده نومة أهل الكهف.

لا تكول اظل انعس ، تكوم وتغسل وجهك زين وتهيأ جو لنفسك مال دراسة وتدرس

دائما غير مكان الدراسة ؛ من تحس بملل
حتى تظل مصحصح مو تنعس وترجع تنام

الدراسة مو شرط الفجرية،صحيح بيها فوائد معينة بس إذا أنت نظامك ما متعود مو شرط تجبر نفسك ! الي يريد يدرس يدرس بأي وقت وبأي ظروف ...
واذا انت تريد تجرب دراسة الفجر بس تكول اظل منعس معناها انت ما نايم من وكت.
تريد تكعد الفجر ب ٤ أو ٥ ضروري تنام ب ١٠ أو ١١
مو تنام ب ١ وتريد تكعد ب ٥ مصحصح! ماكو هيج شي...لازم تصير واقعي.

أغلبية مشاكل الطالب هو ( الموبايل )
مشكلة أزلية...
قره ساعة وكال خل اخذ الموبايل فد ٥ دقائق اغير المود، ما يحس إلا الوقت عابر ساعة وهو ع الموبايل ،هنا هو راح يكتئب ويحس بندم..ما يرجع يدرس ويعوض ! لا... الأفندي يكول هي خربانة خربانة يضيع وقته بغير شي أو يظل ع الموبايل.

وحتى إذا رجع يدرس بشنو راح يحس ؟ الوقت ما يكفي .. والوقت ديطير !
اكيد يطير وانت دتطيره، قريت ساعة متتالية بتركيز أو دتقره محاضرة، تاخذ ريست بسيط تطلع من مود الدراسة مو تروح ع الموبايل، يجي واحد يكول زين اذا اني اقره ع الموبايل ...تنزل المحاضرات وتغلق النت وتخلي الوضع طيران خاف صديقك الفارغ يجي يتصل ويضيع وقتك
عود تخلص كل الي عليك ،اوك افتح موبايل تونس بي فترة.

الوقت موجود اذا يستثمره الطالب بشكل صحيح
واني متأكد اغلبيتكم الي يعاني من الوقت هو يسخت بالموبايل هواي...

اني مو مثالي ،اني قبل جنت اعاني من هالشي ببداية السادس بس شوية شوية بلشت أنضبط وحسيت بفارق الوقت.
شلون تنضبط؟ شوية مسؤولية انت مو صغير !
تريد تحقق شي لازم تتنازل عن راحتك خلال هالفترة، هي كلها ٦ أشهر.

شلون الدراسة ؟
وشنو المشاكل الي تعانون منها بهالفترة
حتى انزللكم كم توجيه تستفادون منه
@AabBsSsSBot

طلاب السادس
خل اكلك شغلة وتذكرها من توصل للوزاري
أو المراجعة هم ، إذا تظل تفكر بالمدرسة وشنو جابت المدرسة أو المدرس الفلاني وتظل زعلان لأن جايبلك سؤال اثرائي ويروحلك يوم أو يومين ما تدرس بيهن ،ف أنت شغلتك كلش داجة
راح تبعرها بالوزاري ! في حال انت مابطلت هالوسواس والحرص الزايد بأسئلة المدرسة شغلتك كلش داجة ...هيج طبع بالسادس راح يكلفك شغلتين ما الهن ثالثة في حال ما بطلته
الأول : راح تصخمها بالوزاري غالبا غالبا بنفس المادة الي توسوس بيها...
والثاني: مكمل للأول وهي" الإعادة "
اني جايك من المستقبل ..وبعدين تتذكرني

كلتلك من زمان السادس يريد شخصية ما تهتم أبد بدرجات المدرسة ولا يعيرلها أي اهتمام ، يجيبلك ٤ اسئلة و ٢ منهن اثرائي و ٢ منهجيات
والامتحان من ١٠٠
ف انت في حال جاوبت بالمنهجيات وجبت ٥٠ من ١٠٠
اعتبر حالك جايب ١٠٠ ،ببساطة...لا أكثر ولا أقل.
والباقي يمك اني بالنسبة الي اجيتك من المستقبل وكلتلك الي راح يصير وياك اذا تظل تنطي أهمية لكلاوات مدرسك الاثرائية وتحجم المدرسة.

استغلوا وقتكم ،من تشوف اكو وقت اضافي عندك لا تضيعه ع الملهيات أكثر من اللازم
السادس مرحلة حساسة ، يريدك تستغله ابشع استغلال.

ونقطة مهمة وخصوصا للمعيدين ،صديقك دخل كلية ومدري ايش لا تتحسس، كول الله يوفقه وما مجبور تتابع اخبارهم ! حتى ما تضر نفسيتك
هالأمور شوية تأثر على النفسية والنفسية التأثير القليل عليها ضرره جبير.

اي شي يضر نفسيتك بهالفترة ابتعد عنه نهائي.

اذا تريدون تسهلون السادس عليكم
لا تفكر اكثر مما تدرس!
مجرد تخلص من التفكير بالمشكلة انت تخلص من المشكلة نفسها اساسا...
تهويله وتحجيمه وتضخيمه راح يسبب عندك الخوف المو طبيعي ، وهاي يوكعون بيها حتى الطلاب الشطار ...الحرص مطلوب والمسؤولية مطلوبة بس بدون تضخيم.

على سبيل المثال طالب باليومي أو بالشهري درجته زفت انت مجرد انت تتحبط منها راح تضيع عليك ايام تفكر بيها وما تقرا انت مدا تحل مشكلة اذا فعلا المشكلة منك ! بمكان ما اني اجي افكر هواي واحبط ارجع اشوف الأسئلة منهجية لو اثرائي؟ اذا منهجية ارجع اشوف الغلط وين ؟ اتعلم منه وفضت راحت..بمكان ما احجم المشكلة اتعلم منها ،٩٠% من أصحاب المعدلات درجاتهم بالشهري ونصف السنة هابطات ،اذن مو مقياس.

واذا اثرائي اصلا ما اباوعلها عساني جايب ٥٠.

هاي مشكلة بهالفترة دتواجهونها اغلبيتكم
وعليه؛ لا تفكر بالمشكلة زايد هاي اولا
ودرجات الشهري واليومي مو مقياس ثانيا
تتعلم من الخطأ حتى بالمستقبل ما توكع بي نفسه ثالثا.

بخصوص الريست تره ماكو ريست نص ساعة أو ساعة 😂
الريست بالدراسة مجرد دقائق قليلة كل ساعة وتطلع من مود الدراسة وبدون ما تروح ع الموبايل لأن الموبايل اذا تكول الزمه كم دقيقة راح تصير كم ساعة ...من برنامج لبرنامج تباوع ضايعة ساعتين !
لهذا انتبه من هالشغلة، شوكت تاخذ ريست ساعة وكذا ..
من تخلص اليوم مالتك ،يعني انت خلصت دراسة
نفه عن نفسك شوية ،اما غيرها هذا ( تسخيت ).

راح تكول اني شنو اظل طول السادس هيج !؟
لعد شتريد؟ هو السادس التزام ومثابرة مستمرة
هو مدة محدودة تخلصها وحتى سوالف مايصير
بس تنجح وتحقق مبتغاك تنساه.
انت اذا تريد شي تتخلى عن شي ، تريد معدل ونجاح تتخلى عن جزء من راحتك مؤقتًا.
ماكو شي يجي بالسهل.

طلاب
اذا نحجي ع الظروف؛ الظروف ماتخلص.
واذا نحجي ع الضغط؛ الضغط مايخلص
طول فترة السادس ماكو شي مثالي ،هنا اني احجي ع الأغلبية أو تقريبا الكل ،ماكو واحد خلال سنة ما تصيرله ظروف ،لهذا انت مجبور تتحملهم
لأن هي فترة مؤقتة، الظرف يروح بس الندم يظل متواتر.
حاول تستغل وقتك شكد ماتكدر.
السادس انت تحدد مصيرك بي ، اكو طلاب محد جبرهم ان يعيدون ٤ و ٥ سنوات ويجيب المعدل الي يريده.
لهذا انت معليك بغيرك...
كل واحد عنده مسار يمشي بي.

طبعا هذا مو كلام تنمية بشرية ومن هالكلاوات
هاي حقيقة حتمية.
ونعرف هواي ناس مروا بيها.

الي درس خلال العطلة واستفاد خيرا ع خير
الي ما درس انت كلشي ما فايتك.
يعني تبلش من هسه هو الطبيعي.
من الأخير اجيبها الك،صدكوني اكو ناس من بعد نصف السنة درسوا دراسة جدّية وجابوا معدلات هم نفسهم ممتخيلين يجيبوها.

ما اكلك تنتظر للنصف السنة ،انت اذا ما مبلش من هسه تبلش بس دا اضربلك مثال.

طلاب
الي يوكع طلاب السادس ببداية السنة
مهما كان هو مستواه الدراسي ، هو التهويل
التهويل بالسادس والتشويش ويظل حاير الطالب شنو يقرأ ويرجع وره شوية يوصل لمرحلة ان يكول اني اعيد ! هو بعده هستوه بلش سادس !
يفكر يعيد ! هواي طلاب من دفعة ٢٤ أو الدفعات السابقة يخلي هيج فكرة بعقله وفعلا ينتكس بالسنة الأولى ويوصل للوزارة الإعادة تصير واقع حال.
المطلوب منك تظل هادئ ولا تشوش نفسك
ولا تظل تسمع الف نصيحة من الف شخص ،انت مجرد تقرأ بإستمرار وبدون تشويش راح تخلص المادة وتضبطهن وتجيب معدل ،الطالب بهالمرحلة يحتاج ( الصبر ) تقرا وتستمر وتصبر = معدل الي تريده انت.
التشويش شنو ؟
تجي تكثر مصادر سواء من الملازم أو المدرسين
وتجي تخلي الف جدول كدامك من الف شخص وتظل صافن وتضيع وقت وحاير ع شنو تعتمد ...تترك الجداول الجاهزة وحتى جدول خاص بيك لا تسوي ،مجرد تنظم وقتك.

طلاب
خلي ببالك انت عندك مواد درخية لازم تصير نفس الأكل والشرب مثل الأدب والإسلامية هذه مواد جافة يعني ضروري كل يومية تقراهم واذا كلش تنضغط خلي مادة وحدة والثانية بين يوم ويوم
الي تخليها ،الأدب اهم شي تخلي يومي.

الموازنة بين المدرسة والبيت انت مبدئيًا عندك 5 ساعات صافي من ترجع للبيت
تقرا بيهن ٣ مواد ، ووياها تقره الأدب
وثاني يوم تقره ٣ مواد الثانية ، المادة من تقراها اذا انت عابر مواضيع ما قاريهم ابد ترجع تقراهم ومعليك بالمدرسة ،تكملهم وتضبطهم
لأن انت مستحيل تكدر تمشي ويه المدرسة اكيد راح يصير عندك تراكمات ف من البداية امشي صح ولا تمشي ويه المدرسة حتى ما يصير عليك تراكمات من الطرفين.

أما إذا أنت مسوي انتساب انت متوفر الك كل الوقت تمشي نفس الشي تكدر ٣ مواد ومادة ثابتة
تنظم وقتك وتخلي أهداف يومية بدون جدول يقيدك ،يعني انت كعدت من النوم تكول راح اقره فلان شي وفلان شي وفلان شي
وما تنام الا تخلص المواضيع الي مخليهم وتضبطهم.

شلون اختار انتساب لو اداوم ؟
انت تكدر تقره بدون مدرسة ووحدك تضبط المادة وما تحتاج تمتحن أو تروح تشرح كدام المدرس
هنا الانتساب احسن الك.

تكول اني ما التزم وحدي واحتاج انضغط بالمدرسة والخ ..
هنا انت الدوام افضل الك.

وكل طالب يعرف نفسه.

دفعة ٢٥
شكد ما تريد تتأخر بالدراسة اتأخر بس ضبط الي تقراه ،لأن انت مبدأيا ما راح تتأخر اذا درست الموضوع وضبطته يلا تعبر ع البعده ، ولا تدرس دراسة كلاوات وسريعة وبدون تضبيط علمود تكول اني دا أتقدم بالمادة وتقنع نفسك بطريقة غلط علمود ما تتوتر انت هنا راح تتأخر بالمادة مهما جان وقتك جبير وراح تتلكأ وتضطر مستقبلا ترجع وتعيد ! هنا انت مضيع المشيتين.

اقره بتأني وتضبيط اني اضمن الك انت توصل للمراجعة بعد ٦ أشهر مخلص كلشي وتراجع براحتك.

الغلط الشائع بالسادس هو هذا ان انت تسوي الي كلت عليه فوك وتقره بدون تضبيط للموضوع.
ويعتمد ع فكرة ان اني بعدين من ارجع اقراه بالشهري أو امتحانات راح اضبطه، ماكو هيج شي
راح يقراه مرة ثانية وهم ما راح يضبطه وراح يواجه مشكلة ويتعب ضعف ويستنزف طاقة اكثر.

لهذا حتى انت تبلش بداية صحيحة مادام هستوك مبلش سادس و بعدك ببداية الطريق
ضبط من البداية يلا تعبر للموضوع الثاني.

اقروا ...
الي يريد يطلع هالسنة هاي اخر فرصة الك
واني مدا اشجعك،نجاحك ما يضيف الي شي ولا رسوبك يأثر ع نفسيتي ،اني مخلص سادس صارلي ٤ سنوات ..
لا قناة تفيدك ولا لعبة ولا مسلسل ولا اب ولا ام ولا اخ ،معدل السادس يظل بصمة وياك شأت ام أبيت.
شدولها

عدد الطلاب الحاصلين على معدل 99.29 فما فوق بدون إضافات:

سنة 23 عددهم 1749.
سنة 24 عددهم 765 .

مبدئيًا المعدلات هذه السنة راح تنزل.

@adm2rtySsin
#واحة_الجامعة

@adm2rtySsin
هاي قناة الجامعة
ادخل بيها اذا كملت ، وكلشي راح احجي بيها

والي نجح الف مبارك اله
هو هالسنة نسبة النجاح مو زينة...والتربية ما تحجي، الأغلبية مأجلة حتى اذا معدله زين ببقية المواد ،وهذا هم يأثر ع المعدلات لأن درجة د١ مهمة.
ع العموم ننتظر الاحصائيات مال هالسنة ونقارنها ويه العام حتى نشوف الوضع شلونه.

طلاب نصيحة
سواء الك أو إذا اكو احد من اهلك سادس ...
وهو مستواه زين بس لأي سبب كان ماطلع معدل الي يريده وهو مأجل ...لا تصير سبب يعيق الاعادة ولا انت تخاف من الإعادة اذا جان عندك طموح ومالك دخل شيصير بالمستقبل.

دا اشوف جايبين ب ٣ مواد أو ٤ درجات ١٠٠ أو نهاية ٩٠ بس أكو مادة مدمرة معدله سوء جانت بل ٨٠ أو ٧٠ انت جريمة تكمل وما تعيد.

لأن انت اذا كملت راح تدمر نفسك بنفسك هاي نصيحة لوجه الله ...ف لا أخاف من الاعادة وعيد وراح تجيب ال ١٠٠ السنة التجي وانت مغمض.

بشروا @AabBsSsSBot

فضيحة ...
كل هالخبصة وبالأخير نزلوهن ملفات !
بلد متصيرله جارة.

اقصد قبل 6 أو 5 سنوات جانو ينطون لطالب واحد أو 2 وما جان اكو معدل 100 بدون إضافة
اعلى شي 99.86 .

76 طالب محصل معدل 100%
الظاهر منطين بالعربي 100 وهذه اول مرة تصير بتاريخ العراق.

المتحدث باسم وزارة التربية:- إعلان نتائج السادس الإعدادي في الساعة السادسة مساء اليوم.

هالكلام حوله لجماعتك ولأهلك هم
ولا تخلي أحد يتدخل بمسار حياتك.
وللحديث بقية

طلاب الي ممتحنين كل المواد أو حتى الي مأجل
اول شي..
شنو تجي نتيجتك باجر لا تنقهر مقدار شعراية
أعرف اكو منكم راح يكول شلون تكول هيج وتعب سنة وأكيد ننقهر لا اراديًا اذا اجتي أقل التوقع!
ادري بيك ومن حقك ...بس اني دا اكلك لا تنقهر ولا تعبرها اصلا وانت مستقبلا راح يثبت عندك هالشي وتشوف القهر مالتك مجرد سذاجة منك.

ثاني شي..
من هسه أكلك اذا انت مأجل وتشوف درجاتك مو هي الي تطمح الهن ولا بالمستوى الي تريدهن
مباشرة تأخذ قرار الإعادة ولا تتردد.
مهما جان قرار أهلك ولا تهتم الهم أصلا ...ليش كلتلك هسه مو باجر ؟
حتى من هسه تخلي هالنقطة بعقلك وقرارك يكون أسرع.

خير الكلام ما قل ودل ،وعندي نقطة مهمة جدا باجر أذكرها لسبب ما.

الله يوفقكم ويفرحكم.

#عاجل

إضمن دخولك الى منصة نجاح للحصول على النتيجة ...
دعت وزارة التربية طلبة السادس الاعدادي الى استلام الباركودات الخاصة بمعرفة نتائجهم ... حيث سيتم إعلان النتائج يوم غدٍ الإثنين مساءً بإذن الله..