CÜMƏ GÜNÜ ZÖHR NAMAZININ ƏMƏLİ
Zörh olduqda Məhəmməd ibn Müslimin İmam Sadiqdən (ə) nəql etdiyi bu duanı oxuyun. Bu dua Şeyx Tusinin “Misbahul-mutəhəccid” kitabına istinadən belədir:
Allahdan qeyri ilah yoxdur, Allah böyükdür, Allah pak və münəzzəhdir, həmd-səna o Allaha məxsusdur ki, Özünə övlad götürməmiş, hökmdarlıqda şəriki yoxdur və zəif olmadığından hamisi yoxdur, Onu çox-çox böyük bil.
Daha sonra de:
Ey nemətləri yağdıran, ey şər və pisi uzaq edən, ey insanı yaradan, ey ən uca himmət sahibi, ey zülmətləri örtən, ey bəxşiş və kərəm sahibi, ey zərəri və ağrını kənarlaşdıran, ey qaranlıqlarda qorxanların həmdəmi, ey təlim görməyən alim, Məhəmmədə və Ali-Məhəmmədə salam göndər, Özünə layiq olanı mənim barəmdə yerinə yetir. Ey o kəs ki, adın dərman, yadın (Səni yad etmək) şəfa və itaətin (Sənə itaət etmək) zənginlikdir, sərmayəsi ümid və silahı göz yaşları olan kəsə rəhm et. Sən pak və münəzzəhsən, Səndən qeyri İlah yoxdur, ey qəmxar, ey səxavətli, ey göyləri və yeri vücuda gətirən, ey cəlalət və ikram sahibi.
2) Cümə namazında iştirak etməyin böyük əhəmiyyəti vardır və İslamın əzəmətinə səbəb olur. Əgər cümə namazında iştirak edə bilməsəniz, zöhr namazında “Cumə” və “Munafiqun” surələrini, əsr namazında “Cumə” və “Tövhid” surələrini oxu.
3) İmam Cəfər Sadiq (ə) buyur ki, kim (Cümə günü) sübh və ya zöhr namazından sonra bu duanı oxusa, bir il boyunca ona heç bir günah yazılmaz:
Allahım, Sənin, mələklərivin və elçilərivin salamı Məhəmməd və onun Əhli-Beytinə olsun.
4) İmam Sadiq (ə) buyurub: “Hər kim cümə günü və başqa günlərdə zöhr və sübh namazından sonra bu salavatı desə, Həzrət Qaimi (ə.f) görməyənədək ölməz:
Ey Allahım, Məhəmmədə və Ali-Məhəmmədə salam göndər, onların fərəcini tezləşdir.
Bu gündə Məhəmmədə və Ali-Məhəmmədə salavat demək qədər fəzilətli deyildir. Başqa bir hədisdə buyurulur ki, cümə günü yüz dəfə salavat demək, istəklərin həyata keçməsinə səbəb olar. Bir hədisdə İmam Baqir (ə) buyurub: “Cümə günü mənim ən sevimli ibadətim Məhəmmədə və Ali-Məhəmmədə salavat deməkdir.
Başqa bir hədisdə Həzrət Rəsulallah (s) buyurub: “Çox işıqlı gecədə və çox aydın gündüzdə, yəni cümə gecəsi və cümə günündə mənə çoxlu salavat göndərin.” O həzrətdən soruşdular: “Çoxlu salavat dedikdə nə qədər salavatı nəzərdə tutursunuz?” O həzrət buyurdu: “Yüz dəfə və nə qədər artıq olsa daha yaxşıdır.
5) “Səhifeyi-Səccadiyyə”nin 46 (1) və 48-ci (2) duasını oxu.
6) Şeyx Tusi “Misbahul-mutəhəccid”də yazır: Hər kim cümə günü zöhr namazından sonra iki rəkət namaz qılsa və hər rəkətdə “Həmd”dən sonra yeddi dəfə “İxlas” surəsini oxusa, namazı qılıb qurtardıqdan sonra bu kəlmələri desə, gələn cüməyədək ona bəla və fitnə toxunmaz, həmçinin Allah onu Həzrət Məhəmməd (s) və Həzrət İbrahimlə (ə) (Cənnətdə) bir yerdə edər:
Ey Allahım, məni cənnət əhlindən et: o Cənnət ki, bərəkətlə doludur və onu abad edənlər mələklərdir, peyğəmbərimiz Məhəmmədin – Allahın salamı olsun ona və xanidanına – və atamız İbrahimin – salam olsun ona – kənarında et.
