ICPC Iraq - منافسات برمجية

المنصة هذي باقية وكل ما تحلون مسائل اكثر، كل ما راح يزداد مستواكم على لائحة المتنافسين

هنا تلگون لائحة مسابقة رمضان من البداية للنهاية (مو بس اخر 3 ايام):
https://icp.murt.me/ramadan

وهنا تلگون اللائحة العامة لكل الاشخاص بالمنصة والجامعات من بدينا الى الان:
https://icp.murt.me/

جدا فخور بيكم جميعا، ومتحمس للقادم 💪

كل عام وانتو بخير 🌙🎉

حبيت اشارك وياكم النتائج النهائية مال اخر مسابقة الي سويناها باخر 72 ساعة من شهر رمضان

هذي اسماء اكثر 10 اشخاص حققو نقاط ويانا بهذا التحدي الاخير:

1. Muslim Ashoor
2. Hassan header
3. Ammar Hani
4. Abdulazeez yaqdhan
5. Mohammad Redah
6. Mohammed Haider
7. zainalabiden abotiheen
8. Osama Salam
9. Ahmed Sameen
10 Israa Adnan

كلش اشكركم على اهتمامكم بهذي التجربة.

اثناء شهر رمضان فقط، حلينا ما يقارب 2,000 مسألة برمجية سوية بهذي المسابقة 🎉

مهارات حل المشاكل من اهم المجالات الي ممكن تطورون بيها نفسكم وتعتبر اكثر شي ترغب بي الشركات التقنية وتدفع مبالغ كبيرة بس حتى يحصلون اشخاص عدهم problem solving قوي

متحمس اكون وياكم بهذي المسيرة ونتطور سوية حتى نوصل الى مستويات اعلى

هذي بداية الطريق، والقادم اكثر.

صارلنا 24 ساعة من بدينا تحدي اخر ٣ ايام من هذي المسابقة

لحد الان، عدنا ٣ ابطال متفوقين گدرو يحلون اكثر من 10 مسائل بهذي الفترة

1. Muslim Ashoor Nadheer
2. Hassan header jassam
محمدرضا عبدالرحمن3.

تكدرون تشوفون لائحة المتصدرين على هذي المنصة:
https://icp.murt.me/ramadan

⚠️ملاحظة: اذا تحلون مسالة قديمة انتو حاليها مسبقا وفقط تعيدون رفع الحل مالتها ما راح تنحسب الكم النقاط بهذي لائحة اخر ٣ ايام، لازم تحلون مسالة جديدة حتى يصير عدالة والكل يبدي بنفس المستوى

اخر ٣ ايام من رمضان
ا============ا
وصلنا الى نهاية هذي المنافسة الرمضانية الي بديناها هنا سوية

وبهذي اخر ٣ ايام من الشهر حبيت نسوي فد تغيير بسيط يصنع النا شوية تشجيع وحماس🔥

ابتداءا من هذي اللحظة ولمدة 72 ساعة، راح نبدي نحسب نقاط من جديد


شنو راح استفاد؟
ا=========ا
الاشخاص الي يجمعون اكبر عدد نقاط خلال ال72 ساعة القادمة على منصة LeetCode راح يتم ترشيحهم الى نوعين من الفرص:

* فرص عمل بشركات قطاع خاص
* فرصة مشاركة بالبطولة البرمجية القادمة


طريقة حساب النقاط
ا============ا
🟢️️️️️️ المسائل السهلة - 1.5 نقاط
🟠 المسائل المتوسطة - 3 نقاط
🔴 المسائل الصعبة - 5 نقاط


شلون اسجل؟
ا=======ا
اذا بعدكم ما مسجلين ويانا بالمنصة، ضيفو اسمائكم هنا وراح تبدي تنجمع نقاطكم تلقائيا:
https://airtable.com/embed/appWKfo6vEZ3oLBOk/shrzcDhVU1LPBFlWy


⚠️ ملاحظة: بعضكم ممكن راح يفكر يستخدم الChatGPT لو Google حتى يحصل حلول جاهزة، انصحكم ما تسوون هذا الشي لانه ما راح تستفادون وراح تكون النقاط ما بيها اي معنى. الفائدة من هذا التحدي انه نتطور ونتدرب، اذا نجيب حلول جاهزة ما راح نستفاد. ماكو مشكلة اذا نستشير مصادر خارجية تساعدنا نوصل الى الحلول ونطورها، بس لا تاخذون حل جاهز

مجموعة المسائل الجديدة

22. Richest Customer Wealth
23. Number of Employees Who Met the Target
24. Left and Right Sum Differences
25. Minimum Number Game
26. Difference Between Element Sum and Digit Sum of an Array
27. Find the Highest Altitude
28. Maximum Sum With Exactly K Elements

مرحبا مرحبا جميعا!

وصلنا الى منتصف شهر رمضان وصار عددنا 107 شخص بهذي المنافسة!

لحد الان، اجمالي عدد المسائل الي حليناها جميعا على منصة LeetCode هي 883 مسألة

اكو اشخاص من هسة خلصو المسائل الي شاركتها بالبداية، لذلح راح اضيف الكم بعد كم مسألة حتى نستمر بالتحدي

واليوم عدنا شخص جديد يصعد الى لائحة ال Top 3، مبروك للصديق مسلم وباقي الشباب:

🥇 Abdulrahman Sami Abdullah
🥈 Abdulazeez yaqdhan
🥉 Muslim Ashoor Nadheer

مبروك للابطال الي متصدرين لائحة المتسابقين ويانا بهذي المنافسة:
Abdulrahman Sami Abdullah
Osama Salam
Hassan header jassam

احب اشارككم بعض الاحصائيات لحد الان بهذي المسابقة:
🟢️️️️️️ عدنا 98 شخص سجل ويانا من بدينا الى الان
🟢️️️️️️ اجمالي عدد المسائل الي حلوها هذولة الاشخاص وصل الى 537 مسألة

الحماس مستمر واشكركم جميعا على اهتمامكم بهذي المنافسة

اذا عدكم اي سؤال او مشكلة باستخدام المنصة اني موجود على الايميل
[email protected]

مرحبا جميعا 🎉️️️️️️

صار عدنا منصة من خلالها نشوف اداء المشتركين ويانا بهذا التحدي البرمجي اثناء شهر رمضان

تگدرون تشوفون اسماءكم ويانا على هذا الموقع
https://icp.murt.me/ramadan

حاليا، اكثر ٣ اشخاص مجمعين نقاط بهذا التحدي همة
Abdulrahman Sami Abdullah
Edo Khudeeda
Abdulazeez yaqdhan

استمرو بحل المسائل حتى تزيد مرتبتكم على المنصة

اذا تريدون تضيفون اسمكم على المنصة، املو هذي الاستمارة وابدو بحل الاسئلة:
https://airtable.com/embed/appWKfo6vEZ3oLBOk/shrzcDhVU1LPBFlWy

واذا عدكم اي مشكلة، تواصلو وياية على
[email protected]

شكرا الكم جميعا على مشاركتكم ويانا بهذي المنافسة 💪️️️️️️😍️️️️️️

ICPC Iraq - منافسات برمجية pinned «تحدي البرمجة اثناء شهر رمضان ا==================ا مساء الخير على مبرمجين العراق ورمضان كريم عليكم جميعا بعد ما رجعنا من بطولة البرمجة بمصر، راح نحد سنونا على موضوع المنافسات البرمجية ونستقتل حتى نحصل مرتبة عالية بالبطولة القادمة (بعد ٧ اشهر تقريبا) الي…»

تحدي البرمجة اثناء شهر رمضان
ا==================ا

مساء الخير على مبرمجين العراق ورمضان كريم عليكم جميعا

بعد ما رجعنا من بطولة البرمجة بمصر، راح نحد سنونا على موضوع المنافسات البرمجية ونستقتل حتى نحصل مرتبة عالية بالبطولة القادمة (بعد ٧ اشهر تقريبا)

الي حاب يشارك ويانا بتحدي ٢٩ يوم اثناء شهر رمضان، راح نقضي هذا الشهر نحل مسألة برمجية كل يوم حتى نطور هذي المهارات

الخطوة الاولى🚩
ا==========ا
اشتركو بالتحدي من خلال التعليمات هنا
https://t.me/challenge_29/90

(اذا ما يعجبكم تشتركون بالتحدي، مو مشكلة، هذا الشي خياري بس ممكن يساعدكم على الالتزام)


الخطوة الثانية🚩
ا==========ا
سوو حساب على منصة LeetCode وضيفو اسمكم لهذه الاستمارة
https://airtable.com/embed/appWKfo6vEZ3oLBOk/shrzcDhVU1LPBFlWy


الخطوة الثالثة🚩
ا==========ا
اذا انتو مبتدئين بموضوع حل المسائل، راح اقترح الكم قائمة بالمسائل على منصة LeetCode تگدرون كل يوم من شهر رمضان تحلون وحدة منها

انصحكم تحلوهن بنفس الترتيب بهذي الرسالة حتى الصعوبة تصير تدريجية عليكم:

1. To Lower Case
2. Maximum Number of Words Found in Sentences
3. Find Words Containing Character
4. Running Sum of 1d Array
5. How Many Numbers Are Smaller Than the Current Number
6. Check if the Sentence Is Pangram
7. Sum of Squares of Special Elements
8. Palindrome Number
9. Find First Palindromic String in the Array
10. Number of Good Pairs
11. Minimum Number Game
12. Check if the Sentence Is Pangram
13. Defanging an IP Address
14. Goal Parser Interpretation
15. Maximum Odd Binary Number
16. Decode the Message
17. Shuffle the Array
18. Kids With the Greatest Number of Candies
19. Concatenation of Array
20. Build Array from Permutation
21. Count Pairs Whose Sum is Less than Target

(راح اضيف بعد مسائل بمرور الوقت)

جيب الكاس جيبه
ا==========ا

واخيرا عدنا فرصة نشارك بالبطولات العالمية لاول مرة بتاريخ العراق 🇮🇶

التفاصيل والتسجيل موجودة بهذي الاستمارة 👇

https://airtable.com/appWKfo6vEZ3oLBOk/pagmHqpKuKRllEDNg/form

مساء الخير على مبرمجين العراق!!

احب اشارك وياكم هذي الفرصة الرهيبة الي صارلنا سنين نتمناها بالعراق

منافسة برمجية على مدى ٣ ايام

‎🟢 من يوم ١١ الى يوم ١٣ بشهر كانون الثاني
‎🟢 نبدا من عصر الخميس الى نهاية السبت
‎🟢جوائز مالية توصل الى مليون دينار، وفرص عمل للفائزين
‎🟢الكرادة ، قرب ساحة الفردوس

المشاركة مجانية، وكذلك الهاكاثون يغطي تكاليف النقل والسكن للاشخاص الي انقبلو من خارج بغداد

التسجيل والتفاصيل هنا:
https://aswar.iq/hack

بعد دقيقتين نبلش!!
ا============ا

نشوفكم على الديسكورد 👇
https://discord.gg/dFu5DsVPvN

تعليمات منافسة اليوم
ا=============ا

مثل ما تعرفون اليوم عدنا مسابقه وكلنا راح نستخدم الدسكورد

هذا الرابط حتى تدخلون:
https://discord.gg/dFu5DsVPvN



شلون استخدم الديسكورد؟
ا================ا
اكو هواي اشخاص شافو الدسكورد شويه صعب ومعقد. سوينا هذا الفيديو يشرح شلون تدخل وشلون تسوي الاشياء الاساسيه:

https://youtu.be/IM_Goa1YiHw



⚠️شلون ادخل للمنافسه؟
ا===============ا
اول شي تروح لهذا الموقع:
https://vjudge.net/

بعد ما تسوي حساب وتسجل بالموقع
عندك رابط ثاني الي هو رابط الكروب مال المسابقه هم تروح على هذا الرابط وتسوي انضمام:

https://vjudge.net/group/iqcp?r=iVxOmITll4Ns6N5qVWDK

وهم سوينه فيديو يشرح شلون تسوي كل هذي الاشياء:

https://youtu.be/VCK-1nyFB5s



⚠️اخر شي شلون ارفع جوابي ؟
ا===================ا
هم سوينه فيديو يوضحلك شلون ترفع الكود مالتك وكل هذي الامور راح تصير واضحه الك ورة متشوف
الفيديو:

https://youtu.be/C9nTq6ycx2Q


⚠️اذا عندي سؤال؟
ا===========ا
اذا عندك سؤال راح نكون موجودين قبل المسابقه بساعه بروم اسمها

(general-voic-chat)

تكدر تجي وتسأل سؤالك

اول منافسة برمجية
ا===========ا

يا هلا بالمبرمجين المبدعين!!

يابة اليوم شنو عدنا منافسة ودية تعرفنا على طبيعة المنافسات البرمجية وشلون واحد يدخل لهذا العالم ويتطور بي.

راح تكون عدنا اكثر من مستوى والمنافسة مفيدة للاشخاص المبتدئين الي ما عدهم تجربة وية الموضوع تماما والاشخاص المحترفين!

تعالو نتنافس ونطور من مهارات بعض!


موعد المنافسة
ا=========ا
🔵يوم الجمعة (٧ نيسان)
🔵ساعة ١٠ مساءا


التفاصيل كلها على منصة الديسكورد 👇
https://discord.gg/dFu5DsVPvN

المجتمع العراقي للمنافسات البرمجية
ا======================ا

يا مساء الخير على مبرمجين العراق!!

اليوم جايبلكم شغلة جديدة متحمس اشاركها وياكم، صارلنا فترة نشتغل عليها اني والشباب من 7 جامعات عراقية!!

سوينا مجتمع على منصة Discord لاستضافة الاشخاص الي حابين يطورون نفسهم بهذي مهارات حل المسائل البرمجية وممكن فد يوم من الايام يشاركون بمنافسات برمجية عالمية

هذا الرابط حتى تدخلون لهذا المجتمع:
https://discord.gg/dFu5DsVPvN


⚠️ليش Discord؟
ا===========ا
بالرغم اغلب الناس هنا گالو يريدون المجتمع يكون على التيليگرام، قررنا نستخدم الديسكورد لانها منصة ناضجة كلش هواية اكثر وبيها خصائص عديدة تساعدنا بتطوير هذا المجتمع.

بالاضافة الى هذا، الديسكورد منصة يستخدموها اغلب مبرمجين العالم ومهم نتعلم عليها.

واخيرا، التيليگرام بيها هواية ضوضاء بسبب رسائل خاصة وقنوات مشتركين بيها، ردنا هذا المجتمع يكون بمكان هادئ اكثر شوية بحيث من تجيكم اشعارات او رسائل من عنده تعرفون هذي فقط خاصة بالبرمجة، مو سوالف عامة.


⚠️شلون ادخل؟
ا==========ا
فقط يحتاج تنزل التطبيق وتسوي حساب (مجاني). تگدر كذلك تدخل من الحاسبة. انصحكم تنزلون التطبيق على التلفون حتى تكونون ويانا طول الوقت وما تفوتكم الاشياء الي نشاركها هناك

بعد ما تدخلون، المنصة راح تطلب منكم معلومات عن مستواكم البرمجي وكذلك الجامعة الي تداومون بيها، حسب اجوبتكم راح تنضافون للمجموعة المناسبة الكم ولجامعتكم.


⚠️اني مبتدئ كلش، يصير ادخل؟
ا===================ا
اكيد يصير وهذا المجتمع للجميع، بجميع المستويات. الهدف انه نخلق بيئة تساعد الشخص المبتدئ يدخل لهذا العالم، وكذلك نساعد الشخص المتقدم يطور من مستواه ويوصل الى مرحلة عالمية بمساعدة بعض والاخرين.


⚠️اذا عندي سؤال؟
ا===========ا
تگدرون تكتبون بالتعليقات او تواصلو وية الضلع علي (@Al33sh)

منافسة برمجية ودية
ا============ا

اليوم باليل راح نسوي منافسة برمجية ودية بسيطة صغيرة على گد حالنا بيناتنا كاصدقاء!

اذا احد مهتم يشارك بيها يسوي حساب على منصة Code Forces المجانية

وخلي يرسل معرف الحساب مالته هنا بالتعليقات حتى @crecentt يضيفه للمنافسة!!

متحمس نتدرب سوية اليوم.

اني هذا حسابي:
https://codeforces.com/profile/murt

تحدي رمضان (٢٩ يوم من البرمجة)
ا=====================ا

رمضان كريم على كل ابطالنا المبرمجين هنا!

اذا حابين تطورون نفسكم بهذي مهارات البرمجة التنافسية وتمارسون
Problem Solving

فهذا التحدي خوش فرصة ممكن تفيدكم

اليوم بدينا بتحدي ٢٩ يوم (@challenge_29)

واكو هواية اصدقاء راح يستغلون هذا التحدي حتى يحلون عدد من المسائل البرمجية كل يوم

اذا حابين تشاركون، كل التفاصيل موجودة بهذي الرسالة
https://t.me/challenge_29/43

واني راح اكون وياكم واشارك حتى احل مسائل على منصة Code Forces

كتبولي بالتعليقات اذا مهتمين تشاركون ويانا ❤️

صباح الخير على مبرمجين العراق!!!

خلصنا من البوتكامب مال مسقط، شكرا لكل الاشخاص الي شاركو بي ومثلو العراق بهذا التجمع الدولي.

تتذكرون من التقينا على الزوم قبل اسبوعين، هواية ناس من محافظات عديدة كالو راح نبدي نسوي نادي مال برمجة بالجامعة مالتنا (قسم من المحافظات الي اتذكرها جانت كربلاء، بصرة، موصل، نجف، ديالى، انبار)

ممكن اعرف منو بلش يسوي هذي النوادي؟ دا اريد اتعرف عليكم واعرف تقدمكم وشلون ممكن ندعمكم

وهمينة نريد نسوي مكان يجمع كل هذي النوادي حتى واحد يساعد الثاني ونستفاد من بعض

بعدها نبدي نسوي تدريبات وورشات حتى نطور من كل الفرق ونبدي نشارك بمنافسات محلية وبعدها اقليمية وبعدها عالمية 🇮🇶🌎

فهسة اذا تگدرون تشاركوني بالتعليقات، شنو سويتو لحد الان!

Hello Muscat Bootcamp
==================

I just wanted to clarify few things about the Hello Muscat program (sending this in English since language skills are required for this program):

🔵 The program will be entirely in English, since many of the trainers and staff do not speak Arabic. Please make sure you're comfortable understanding English (reading and listening) to maximize utility from this program. It's ok if you're not super fluent; you just need to be able to understand enough to learn from your trainers.

🔵 The deadline to register is 11pm on March 4 (Saturday). Please fill the form ASAP and contact our team to arrange payment. If you need financial assistance, please contact us. Make sure you watch the recording if you missed yesterday's session before you apply. There will be other steps to complete once you fill out the form, which we will share with you after you register.

🔵 If you have any questions or need help, email [email protected] or call 07809563573.