Human.uz | Rasmiy kanal

Лос-Анжелесдаги ёнғинлар камида 24 кишининг ҳаётига зомин бўлди

The Guardian нашрининг маълум қилишича, ҳалок бўлганларнинг саккиз нафари Палисейдс туманида, қолган 16 нафари эса Итон ҳудудида топилган. Улар шахси ошкор этилмаган, аммо MSNBC эфирида актриса Женнифер Гарнер маълум қилишича, қурбонлардан бири унинг черковдаги яқин дўсти бўлган. Гарнернинг сўзларига кўра, аёл ўз уйидан чиқиб кетишга улгурмаган.

Шаҳарда ҳозирда учта йирик ёнғин давом этмоқда: Пасифик-Палисейдс ҳудудида (96 квадрат километрга яқин), Херст туманида (3,2 квадрат километрга яқин) ва Итон ҳудудида (57 квадрат километр).

Reuters хабарига кўра, 12 январь куни атроф-муҳитдан тахминан 100 минг киши эвакуация қилинган. Табиий офат ҳудудидан 400 га яқин ҳайвон, асосан от ва эшаклар қутқарилган. Улар Лос-Анжелесдаги отлар боқиладиган марказга жойлаштирилган.

@humanuzofficial

Қозоғистонда қор бўрони туфайли 95 та машина тўқнашди

Оммавий йўл-транспорт ҳодисаси Оқмола вилоятидаги Остона - Шучинск трассасида содир бўлди, деб хабар беради Tengrinews нашри. Илк хабарларда 40 та автомобиль иштирок этгани айтиб ўтилган, аммо кейинчалик тўқнашган машиналар сони 95 тага етгани маълум бўлди.

Ҳодисада жабрланганлар ҳақида маълумот йўқ.

Ҳодиса жойида полиция ходимлари ва йўл мутахассислари ишламоқда. Йўлнинг бир томони тозаланган, ҳаракатга яроқли бўлган машиналар йўлда ҳаракатни қайта бошлаган.

@humanuzofficial

Калифорнияда самолёт қулади. Қурбонлар бор

Кичик самолёт Фуллертон аэропорти яқинида қулаган, у мебель омбори биносига урилиб, қулаган. Бино томида тешик пайдо бўлган ва ёнғин чиққан. Ҳалокат оқибатидаи икки киши ҳалок бўлган.

Жароҳатланган 18 кишидан 9 нафари маҳаллий шифохоналарга етказилган, қолганларга эса ҳодиса жойида ёрдам кўрсатилган. Самолёт Фуллертон аэропортидан парвоз қилган ва аэродромга қўниш учун қайтаётган бўлган.

@humanuzofficial

АҚШда номаълум шахс автомобилни оломон устига ҳайдади, қурбонлар бор

Янги Орлеанда Янги йил байрамини нишонлаётган оломонни йўлтанламас автомобиль босиб кетди. Камида 10 киши ҳалок бўлди, яна 30 киши яраланди. Бу теракт сифатида баҳоланмоқда.

Маҳаллий ОАВ маълумотларига кўра, номаълум шахс автомобилни "Бурбон-стрит" кўчасида тўпланган одамлар устига ҳайдаган. Ҳайдовчи қочишга муваффақ бўлди.

Шунингдек, гувоҳларнинг сўзларига кўра, тўқнашувдан сўнг воқеа жойида отишма содир бўлган.

@humanuzofficial

Яна муаммо: Boeing 737-800 Jeju Air самолёти шассидаги муаммо сабабли аэропортга қайтди

Yonhap агентлигининг Jeju Air авиакомпаниясига таянган ҳолда хабар беришича, душанба куни маҳаллий вақт билан соат 6:37 да Сеулнинг Кимпхо аэропортидан Чеджу оролига йўл олган 7C101 рейси парвоз қилди.

Бироқ учиб чиққанидан кўп ўтмай, экипаж самолётнинг шасси тизимида муаммо борлигини аниқлади ва камроқ бир соат ичида самолёт Кимпхо аэропортига муваффақиятли қўнди.

Бортда 161 нафар йўловчи бўлган, ҳеч ким жабрланмаган. Авиакомпания ушбу рейс учун шунга ўхшаш бошқа Boeing 737-800 ҳаво кемасини тақдим этди. Бироқ хавфсизликни ўйлаган 21 нафар йўловчи парвоздан воз кечишни афзал кўрган.

Jeju Air авиакомпаниясининг якшанба куни содир бўлган ҳалокатида 181 киши қурбон бўлган эди. Ҳалокат сабаби сифатида барча учта шасси тизимининг ишламай қолиши кўрсатилмоқда.

Шунингдек, Жанубий Кореянинг вақтинча президенти Чхве Сан Мок душанба куни мамлакат авиакомпаниялари тизимининг хавфсизлиги бўйича шошилинч текширув ўтказиш бўйича топшириқ берган.

Транспорт вазирлиги маълум қилишича, Жанубий Корея авиалинияларида фойдаланилаётган барча Boeing 737-800 самолётлари текширувдан ўтказилади. Умумий ҳисобда 101 та самолёт бор, шулардан 39 таси Jeju Air'га тегишли. Авиация ҳокимиятлари авиакомпаниялар Boeing протоколларини ва парвоз олди текширувларини тўғри бажараётганини кўриб чиқади.

@humanuzofficial

Жанубий Кореяда ҳалокатга учраган самолётнинг иккала қора қутиси ҳам топилди, деб хабар берди мамлакат Ер, инфратузилма ва транспорт вазирлиги.

Авиаҳалокат қурбонлари сони 177 кишига етгани хабар қилинди...

Самолёт ҳалокати муносабати билан бир ҳафталик мотам эълон қилинди, деб хабар бермоқда “Yonhap”.

@humanuzofficial

Жанубий Кореяда Boeing 737-800 ҳалокати: 127 киши ҳалок бўлди

Жанубий Кореяда 28 декабрь куни маҳаллий вақт билан соат 9:07 да (Москва вақти билан 3:07) Boeing 737-800 йўловчи самолёти ҳалокатга учради. У Бангкокдан Муанг шаҳрига парвоз қилаётган эди.

Қўниш пайтида самолёт учиш-қўниш йўлагидан чиқиб кетиб, тўсиққа урилди. Натижада самолёт икки қисмга ажралиб, ёнғин чиқди.

Самолёт бортида 175 нафар йўловчи ва 6 нафар экипаж аъзоси бор эди. Жанубий Кореянинг «Ренхап» ахборот агентлигига кўра, дастлабки маълумотларга кўра, фақат икки киши тирик қолган ва улар шифохонага етказилган. Расмийлар айтишига кўра, бу вақтгача 127 кишининг ҳалок бўлгани тасдиқланган.

Мутасаддиларнинг тахминига кўра, ҳалокатга шассининг носозлиги сабаб бўлган бўлиши мумкин. Бу ҳолат учиш-қўниш пайтида қушлар билан тўқнашув туфайли юз берган бўлиши эҳтимол қилинмоқда. Ҳозирча аниқ сабаблар ўрганилмоқда.

@humanuzofficial

Магдебургда фожиа. Номаълум шахс машинани одамлар устига ҳайдади

Германиянинг Магдебург номаълум шахс катта тезликда автомобилни одамлар устига ҳайдади. Натижада 11 киши ҳалок бўлди, яна 60 киши турли даражадаги жароҳатлар билан касалхонага ётқизилди.

Анъанавий Рождество ярмаркаси ўз авжида бўлган пайтда, ушбу фожиа содир бўлди. Ҳодиса шаҳарнинг марказий ратушасига қараб йўналган одамлар оқими орасида юз берди. Саксония-Анҳал ҳудудий ҳукумати воқеани террор акти сифатида баҳолади, ва тадбир ташкилотчилари шаҳар марказини бўшатишга чақиришди.

Ҳуқуқ-тартибот органлари ҳайдовчини қўлга олишди ва унинг шахсини аниқлаш ишларига киришишди. Бу шахс 2016 йилда Берлиндаги Рождество бозорида содир этилган ўхшаш террор ҳужумида иштирок этган гуруҳнинг издоши бўлиши мумкинлиги тахмин қилинмоқда. Ўша пайтда, жиноятчи юк машинасида одамлар устидан ўтиб, 12 кишини ҳалок қилган эди.

@humanuzofficial

Австралия лабораториясида ўта хавфли вируслар сақланган юзлаб пробиркалар йўқолди — Newsweek

Квинсленд штати соғлиқни сақлаш вазири Тим Николснинг маълум қилишича, жами 323 та тирик вирус намуналари йўқолган. Бу воқеа 2021 йилда содир бўлган, аммо қоидабузарлик фақат 2023 йилда аниқланган.

Қарийб 100 та пробиркада ўлим даражаси 57 фоиз бўлган Хендра вируси мавжуд бўлган. У кўршапалаклар орқали юқади, қон кетиши, ўпка шишиши ва баъзи ҳолларда вирусли менингитни келтириб чиқаради. Шунингдек, қутуришга ўхшаш лиссавирус намуналари ҳам йўқолган.

@humanuzofficial

Башар Асад оиласининг бункери ҳақидаги видеокадрлар эълон қилинди. Унда Башар Асаднинг кичик укаси — Махер Асад саройи остидаги яширин жойда олингани айтилмоқда.

Видеода кадр ортидаги шахс савдо дўкони пакетлари, қурол-яроғлар, олтин ва тилла муқоваланган Қуръон борлигини айтади. Шунингдек, хазинага олиб борадиган зирҳланган эшик ҳам кўринади.

Махер Асад Суриядаги иккинчи шахс ҳисобланади. У бригада генерали, Республика гвардияси ҳамда элита 4-танк дивизиясининг қўмондони.

@humanuzofficial

"Тоттенхэм" ва "Ньюкасл" Ҳусановни қишки трансфер ойнасида ўз сафига қўшиш учун курашмоқда - The Telegraph

Премьер-лиганинг рақобатчи клублари 20 ёшли ҳимоячи Абдуқодир Хусановни 25 миллион фунт эвазига «Ланс»дан олиб келишни режалаштирмоқда. Бу ҳақда The Telegraph нашри ёзмоқда.

Нашрнинг ёзишича, "Тоттенхэм Хотспур" ва "Ньюкасл" «Ланс»нинг марказий ҳимоячиси Абдуқодир Хусановни келгуси трансфер ойнасида ўз сафига қўшиш учун ҳаракат қилмоқда. Хусанов, Франциянинг Лига 1 чемпионатида ёрқин ўйинлари билан ажралиб турган футболчи, Беларуснинг "Энергетик-БГУ" Минск жамоасидан бор-йўғи 18 ой олдин 100 минг еврога сотиб олинган эди.

20 ёшли Хусанов, «Ланс» жамоасида ўз ўрнини мустаҳкамлаб, Европанинг етакчи клублари скаутларининг диққат марказида бўлмоқда. "Пари Сен-Жермен" ҳам ўзбекистонлик футболчи билан қизиқиш билдирган бўлса-да, Англия Премьер-лигасидаги етти клуб Хусановга қизиқиш билдираётгани хабар қилинди. У шу мавсумда клубнинг 13 ўйинидан 9 тасида асосий таркибда майдонга тушган.

«Ланс» футболчини жорий бозор шароитида 25 миллион фунтдан юқори нархга сотиб катта фойда олиши мумкин. Бельгиялик британиялик мураббий Уилл Стилл уни шу ёзда жамоага жалб қилган ва уни асосий таркибда ўйнатиб келмоқда. Хусанов ҳимоя марказида асосий ўйинчи бўлиб қолган бўлса-да, керак бўлганда ҳимоявий ярим ҳимоячи сифатида ҳам ўйнай олади.

"Тоттенхэм", яқинда Кристиан Ромеро ва Мики ван де Веннинг жароҳатлари туфайли марказий ҳимояда муаммоларга дуч келгани сабабли, қишда янги ҳимоячи сотиб олишни ўйламоқда. "Ньюкасл" эса Хусановни келажакда Премьер-лигада ўйнай оладиган истеъдодли ёш футболчи сифатида кўрмоқда.

«Ланс» охирги йилларда истеъдодли футболчиларни етиштириш бўйича яхши натижалар кўрсатган, жумладан, Лоис Опенда 46 миллион еврога РБ Лейпцигга ўтган бўлса, Эли Уахи ўтган ёзда 30 миллион еврога Марсельга сотилган эди.

@humanuzofficial

Bank of China собиқ раҳбари ўлимга ҳукм қилинди

Хитойда дунёдаги энг йирик банклардан бири бўлган Bank of China (Хитой Банки)нинг собиқ раҳбари Лю Ляньгэ пора олишда айбланиб, ўлим жазосига ҳукм қилинди, деб хабар беради Xinhua Finance.

Суд шунингдек, Люнинг барча мулкини мусодара қилиш ва уни фуқаролик ҳуқуқларидан маҳрум этиш ҳақида қарор чиқарди.

Ҳукмга кўра, ўлим жазоси икки йилга кечиктирилган. Бу шуни англатадики, агар Лю ушбу давр мобайнида янги жиноят содир этмаса, ўлим жазоси умрбод қамоқ жазосига алмаштирилиши мумкин.

Лю Ляньгэ 2023 йилнинг октябрида ҳибсга олинган. Унга 121 миллион юань ($17 миллион) миқдорида пора олиш ва 3,3 миллиард юаньлик ноқонуний кредитлар бериш айби қўйилган.

Хитойда 2024 йил бошидан бери умумий ҳисобда 589 мингдан ортиқ шахс коррупция бўйича жавобгарликка тортилган.

@humanuzofficial

Диплом ололмаган талаба 8 кишини пичоқлаб ўлдирди

Хитойнинг Цзянсу вилоятидаги талабалардан бири ўзи ўқиган коллежга ҳужум қилди — 8 киши ҳалок бўлди, 17 киши яраланди. Илк маълумотларга кўра, у унга диплом берилмагани учун ўч олган.

Ҳужум Исин шаҳридаги касбий коллежда содир бўлган. Гумонланувчи — 21 ёшли талаба. У пичоқ билан бинога кириб, атрофидагиларга ҳужум қилган.

Хитой ОАВ хабарига кўра, талабанинг имтиҳонлари муваффақиятсиз ўтган, у диплом ололмаган ва ўч олишга қарор қилган. Ҳужумчи қўлга олинган.

@humanuzofficial

Том Хэнкс Трамп сайловларда ғолиб чиққандан кейин АҚШни тарк этди

Голливуд актёри ўз қарори ҳақида у мухлисларига очиқ мактуб орқали хабар берди: "Оғир қалб ва ундан ҳам оғирроқ чемодан билан расман эълон қиламан: мен мамлакатни тарк этдим. Президент Трамп 2.0 мен кутган нарса эмас экан. Натижаларни кўрганимда, "Югур, Форрест, югур!" деб ўйладим. Ва айнан шундай қилдим", — деб ёзди Хэнкс.

У ўзини сиёсий муҳожир деб атади. Актёр АҚШга Опра Уинфри президент бўлган тақдирдагина қайтишини айтди.

Айтиб ўтиш жоизки, Том Хэнкс бу йўлни танлаган ягона шахс эмас. Яқинда маълум бўлдики, актёр Ричард Гир ҳам рафиқаси ва икки ўғли билан Коннектикутдаги ранчосини 10,75 миллион долларга сотган ва Испанияга кўчиб ўтмоқда.

ОАВ маълумотларига кўра, АҚШни актёр Роберт Де Ниро, қўшиқчилар Тейлор Свифт, Леди Гага ва бошқа машҳур медиа шахслар ҳам тарк этишни режалаштирмоқда.

@humanuzofficial

Австралияда 16 ёшгача бўлган болаларга ижтимоий тармоқлардан фойдаланиш тақиқланиши мумкин

Қонун лойиҳаси ноябрь ойида мамлакат парламентига киритилиши режалаштирилмоқда, у ратификация қилинганидан 12 ой ўтгач кучга киради, деб ёзади CNN Австралия бош вазири Энтони Албанезега асосланиб.

Қонун доирасида Instagram, Facebook, TikTok, X ва, эҳтимол, YouTube каби платформалар қамраб олинади. Коммуникациялар бўйича вазирнинг айтишича, ижтимоий тармоқларга киришга муваффақ бўлган 16 ёшгача бўлган фойдаланувчилар ва уларнинг ота-оналари жаримага тортилмайди, қонунни бузган платформалар жавобгарликка тортилади, деб хабар беради The Guardian.

Албанезе ушбу қарорни ижтимоий тармоқларнинг ёшларга таъсиридан хавотирда эканлиги, жумладан, аёлларга нисбатан нафрат ёки тана ҳақидаги қарашлар билан боғлиқ контент сабабли қабул қилганини айтган. Бош вазирнинг сўзларига кўра, у бу масалани "минглаб" ота-оналар ва бошқа катталар билан муҳокама қилган.

@humanuzofficial

💰АҚШда сайловолди кампанияларига 3,5 миллиард доллар сарфланди — FT

Financial Times нашрига кўра, Харрис 2,3 миллиард доллардан кўпроқ маблағ тўплаб, 1,9 миллиард доллар сарфлаган бўлса, Трамп 1,8 миллиард доллар тўплаб, 1,6 миллиард доллар сарфлаган. Бюджетнинг ярмидан кўпроғи рекламага сарфланган, кейинги асосий қисми эса маъмурий харажатларга кетган: Харрис — 250 миллион доллар, Трамп — 200 миллион доллар.

FT шунингдек, республикачилар номзоди барча маблағларнинг 14 фоизи (100 миллион доллардан ортиқ) суд харажатларини қоплаш учун сарфлаганини аниқлади.

Open Secrets номли нодавлат ташкилотнинг ҳисоб-китобига кўра, 2024 йилда президент, сенатор ва конгрессменлар сайлови кампанияларига жами 15,9 миллиард доллар сарфланган, 2020 йилда эса бу сумма 15,1 миллиард долларни ташкил этган.

Энг сўнгги хабарларга обуна бўлинг:👉@sofuzb

Владимир Зеленский Россия Федерацияси Соғлиқни сақлаш вазирининг биринчи ўринбосари бўлди

Федерация Кенгаши раиси Валентина Матвиенко пленар мажлисда Соғлиқни сақлаш вазири биринчи ўринбосари устида ҳазил қилди ва унга фамилиясини баланд овозда айтиб юрмасликни маслаҳат берди: «Биринчи ўринбосар бўлганингиз яхши, лекин фамилиянгизда унчалик омадингиз чопмаган».

Бу гапларга жавобан Россия Соғлиқни сақлаш вазири биринчи ўринбосари фақат ирония билан елка қисди. Гап шундаки, унинг фамилияси Зеленский, исми эса Владимир бўлгани учун ўзига хос «омадсизлик»ка дуч келган.

@humanuzofficial

Олимпиадада ғолиб чиққан боксчи аёл аслида эркак эканлиги аниқланди - Reduxx

Жазоирлик Иман Халифнинг тиббий хулосасида унда эркакларга хос XY-хромосома, тухумдонлар ва кичик эркаклар жинсий аъзоси борлиги кўрсатилган.

ХОҚ Халифнинг биологик жиҳатдан эркак эканлигини билар эди, аммо шунга қарамай, унга аёллар билан беллашишга рухсат берди: Халиф биологик аёлларга қарши барча жангларда ғалаба қозонди ва олтин медални қўлга киритди — Reduxx, Le Correspondant

@humanuzofficial

Перу терма жамоаси ҳимоячиси Хосе Уго Де ла Круз Меза футбол ўйини вақтида майдонда тўғридан-тўғри яшин уриб, вафот этди. Яна етти киши касалхонага ётқизилган.

Кучли ёмғир "Хувентуд Беллависта" ва "Фамилия Чокка" жамоалари ўртасидаги дербини бузди. Футболчилар 23-дақиқада майдонни тарк эта бошлашди ва шу пайт майдон бўйлаб чақмоқ чақди, бирданига бир неча кишини қулатди.

@humanuzofficial

Испанияда қурбонлар сони 95 кишига етди. Мамлакатда уч кунлик мотам эълон қилинди

El País газетаси ҳукумат баёнотига таяниб, 92 киши Валенсияда, яна икки киши Кастилия-Ла-Манчада ва битта инсон Андалусиянинг Малага шаҳрида ҳалок бўлганини хабар қилмоқда. 31 октябрдан бошлаб Испанияда ҳалок бўлганлар хотирасига уч кунлик мотам ўтказилади.

El Diario нашри ураган «Дана»ни сўнгги 100 йилдаги энг катта офат деб атади. Газета маълумотларига кўра, ҳалигача юздан ортиқ одамнинг қаерда экани номаълум.

@humanuzofficial

Россияда КХДРдан келган 11 минг ҳарбий бор — Жанубий Корея Миллий хавфсизлик кенгаши

Жанубий Корея ҳукуматининг юқори лавозимли амалдори мамлакатнинг Миллий хавфсизлик кенгашида ёпиқ брифингда Россиядаги шимолий кореялик ҳарбийлар тўғрисида янги разведка маълумотларини очиқлади, дея хабар бермоқда «Би-би-си».

🔷 Жами 11 минг КХДР ҳарбийлари Россияда бўлиб, улардан уч мингга яқини мамлакатнинг ғарбий қисмида жойлашган ва ҳозирда машқдан ўтмоқда.

🔷 Шимолий кореяликларнинг бир қисми Курск вилоятига, яна бир қисми Донбассга йўналтирилиши мумкин. Лекин Сеул ҳозирча КХДР ҳарбийларининг жангларда қатнашганини ёки йўқотишларга учраганини тасдиқлай олмаяпти.

🔷 Шимолий кореяликлар россиялик ҳарбий кийим билан таъминланиб, уларга Россия қуроллари берилмоқда, бу орқали ҳарбийларнинг келиб чиқиши яширилмоқда.

🔷 Россиядаги КХДР контингенти орасида генераллар ва юқори лавозимли офицерлар бор, лекин уларнинг асосий қисми пиёда аскарлардир.

Жанубий Корея ҳозирча КХДР ҳаракатларига қандай жавоб қайтаришини ҳал қилмаган, деди амалдор. Агар Сеул Украинага қурол етказишга қарор қилса, бу дастлаб мудофаа қуроллари билан бошланишини таъкидлади.

Шу билан бирга, ОАВ ва экспертлар маълумотларига кўра, Украина Жанубий Кореядан қуролни бевосита эмас, балки, масалан, АҚШ каби учинчи давлатлар орқали олаётганини «Би-би-си» қайд этмоқда.

@humanuzofficial

🔻"Жетаур"ми ёки "Жетур"?

Хитой автомобиллари қандай ўқилади? Видеода хитойликларнинг талаффузини тинглаш мумкин.

🚦Обуна бўлинг: @carzoneuz

Испаниядаги тўфон 51 кишини ҳаётдан олиб кетди

Испаниянинг Валенсия шаҳрида "Дана" тофони туфайли 51 киши ҳалок бўлди. Интернетда сувга ботиб кетаётган одамлар ва вайрон бўлган биноларнинг суратлари пайдо бўлди.

El Mundo газетаси ёзишича, Испаниянинг жанубидаги бир неча провинцияни сув босганидан кейин ўнлаб одамлар сув қопқонида қолган. 50 дан ортиқ киши, жумладан тўрт нафар бола ҳалок бўлган. Альбасете провинциясидан яна олти киши бедарак йўқолган.

Маҳаллий ҳокимият темир йўл ва ҳаво транспортида узилишлар борлигини хабар қилмоқда. Энг кўп зарар кўрган ҳудудлардаги аҳолини уйларини тарк этмасликка чақиришмоқда.

@humanuzofficial

⚡️🇺🇿Аббос Файзуллаев "Осиёнинг энг яхши ёш футболчиси" деб эълон қилинди!

@humanuzofficial

Суданда бортида руслар бўлган юк самолёти уриб туширилди

Масъулиятни аввалроқ ҳукумат тарафдори бўлган "Тезкор ҳаракат кучлари" ҳарбийлаштирилган ташкилоти исёнчилари ўз зиммаларига олишган.

Ҳалок бўлганлардан бири Airline Transport Incorparation FZC бош муҳандиси Виктор Гранов эди. У билан бирга яна бир қанча ҳамкасблари ҳам бор эди.

Россия элчихонаси маҳаллий ҳокимият органлари билан алоқада эканликларини ва содир бўлган воқеанинг барча тафсилотларини аниқлаётганини маълум қилди.

👉@humanuzofficial

Колумбия университети олимлари саратонга қарши янги дори воситасини ишлаб чиқди

Вакцина организмга модификацияланган ҳужайраларни етказиб беради, улар иммун тизимини шишлар ва метастазларни аниқ нишонга олишга "ўргатади".

Дори мушукларда муваффақиятли синовдан ўтди: у барча меланома ва агрессив колоректал саратонни йўқ қилди ҳамда шишлар ривожланишигача бўлган вақтда саратон ҳужайралари ўсишини пасайтирди. Шу билан бирга, даволаш соғлом ҳужайраларга зарар етказмайди.

Олимлар ҳозирда беморлар учун персоналлаштирилган вакциналар устида ишламоқда.

👉@humanuzofficial

The New York Times: Исроиллик ҳарбийлар тасодифан ҲАМАС раҳбари Яҳё Синварга дуч келиб қолган

Исроил аскарлари Ғазо сектори жанубида одатий патрулни амалга ошираётган пайтда отишма бошланган, деб хабар бермоқда NYT исроиллик мансабдорларга таянган ҳолда.

Дронлар ёрдамида Исроил мудофаа армияси ҲАМАС аъзолари жойлашган бинолардан бир қисмини йўқ қилган. Чанг тарқалгандан кейин, ҳарбийлар биноларни текшира бошлади ва у ерда кутиламаган шахс, яъни 2023 йил 7 октябридан бери мамлакатлар қидираётган ҲАМАС раҳбари Яҳё Синварнинг жасадини топишди", деб ёзади нашр.

👉@humanuzofficial

НАТО бош котиби Марк Рютте: Украина альянснинг 33 ёки 34-аъзоси бўлади

💬"Ҳозирги вақтда вазият шундай кўринмоқдаки, Украина 33-аъзо бўлади. Аммо, эҳтимол, ундан олдин бошқа бир давлат кириб қолиши мумкин. Лекин келажакда Украина НАТОга аъзо бўлади. Бу Вашингтонда қабул қилинган қароримиз", — деди Рютте Брюсселда бўлиб ўтган альянс мудофаа вазирлари учрашувида. Шунингдек, у бу қачон рўй беришини аниқ айта олмаслигини қўшимча қилди.

Рюттенинг таъкидлашича, Шимолий Атлантика альянси Киевни қўллаб-қувватлашда давом этади.

«Агар керак бўлса, биз узоқ вақт давомида бунга тайёрмиз. Биз шундай ҳолатда бўлишни истаймизки, Украина Россия билан музокараларни кучли позициядан бошлаши мумкин бўлсин. Лекин бу вақт ҳали келмади. Украина узлуксиз қўллаб-қувватлашга ишониши мумкин», — дея қўшимча қилди НАТО бош котиби.

👉@humanuzofficial

Нигерияда ёқилғи ташувчи автомобилнинг портлаши оқибатида камида 94 киши ҳалок бўлди, деб хабар бермоқда CNN.

Маълумотларига кўра, ҳодиса мамлакат марказидаги Жигава штатида содир бўлган. Ёқилғи ташувчиси ҳалокатга учраган ва портлаб кетган.

👉@humanuzofficial

Фаластинга етказилган зарар 14-20 миллиард доллар деб баҳоланди

Бу ҳақда Жаҳон банки президенти Аджай Банга маълум қилди.

Унинг таъкидлашича, ҳисоб-китоб БМТ ва Европа иттифоқи билан ҳамкорликда тайёрланган. Банганинг сўзларига кўра, урушнинг иқтисодий оқибатлари унинг қанчалик кенгайишига боғлиқ. Агар можаро маҳаллий даражада қолса, жаҳон иқтисодиётига зарар камроқ бўлади, аммо унинг кенгайиши оқибатлари жиддий бўлади.

Фаластин бош вазири Муҳаммад Мустафо ҳам Ғазо секторидаги вайронагарчиликлар мисли кўрилмаган даражада эканлигини таъкидлаб, тикланиш учун халқаро ёрдам зарурлигини қайд этди.

👉@humanuzofficial

Ўзбекистон - БАА 1:0

Жаҳон чемпионати йўлланмаси учун навбатдаги ўйинда ҳамюртларимиз Бирлашган Араб Амирликлари терма жамоасини кичик устунлик билан мағлуб этди. Отабек Шукуров пенальтидан гол урди.

Ўзбекистон гуруҳда 10 очко тўплаган ҳолда етакчилик қиляпти.

👉@humanuzofficial

Мбаппе зўрлашда айбланмоқда

Мадриднинг "Реал" ва Франция терма жамоаси футболчиси Килиан Мбаппега зўрлаш айблови қўйилди, деб хабар бермоқда TV4 News.

25 ёшли француз футбол юлдузи Килиан Мбаппе, Швециянинг Стокҳолм шаҳрига ташрифидан кейин зўрлашда гумонланиб, ҳозирда тергов остида турибди. TV4 Nyheterna хабарига кўра, бир аёл уни жинсий зўравонликда айблаган, бу воқеа, тахминан, 10 октябрда, Мбаппе мамлакатдан хусусий самолётда кетганидан кўп ўтмай, унинг меҳмонхонасида содир бўлган.

Аёл тиббий ёрдам сўраган ва Мбаппени гумон қилинган жиноятчи сифатида кўрсатган. Полиция тергов бошлади. Мбаппе ўз жамоаси билан тўхтаган меҳмонхонада суд-экспертиза текшируви ўтказилган.

Айбловларга жавобан, Мбаппе жамоатчиликка ҳеч қандай қонунбузарлик қилмаганини айтди ва ижтимоий тармоқлардаги баёнотида бу айбловларни "фейк" деб атади.

👉@humanuzofficial

Музлатгичга осилиб олган эркак соҳилдан 48 километр узоқликда қутқарилди

Эркак балиқ овлаш кемасида денгизда бўлган. Довул соҳилга етиб келишига бир неча соат қолганда унинг кемаси талофатга учрайди. Эркак радио орқали соҳил қўриқчилари билан боғланиб, ёрдам сўрайди, лекин кейинроқ довул туфайли алоқа узилади. Орaдан бир сутка ўтиб, қутқарувчилар уни Флорида соҳилидан 48 километр узоқликда топишади — у океанда музлатгични ушлаган ҳолда жон сақлаган.

Бу ҳодиса ягона эмас. Яна бир кишини Мексика соҳилидан 100 километрдан ортиқ масофада ағдарилган қайиқда сузиб юрган ҳолда топишган. У ҳам қутқарилган.

👉@humanuzofficial

Флорида штатида “Милтон” тўфони оқибатида камида 11 киши ҳалок бўлди

Бу маълумотлар Америка расмийларига таянган ҳолда NBC телеканали томонидан тақдим этилган. 3,3 миллион америкалик электр энергиясиз қолди, дея хабар беради журналистлар.

Довул оқибатида турар-жой бинолари вайрон бўлган ва сув босган, йўллар вайрон бўлган. Тампада довул сабаб қурилиш крани шаҳар марказидаги бино устига қулаб тушди.

Флорида губернатори Рон ДеСантиснинг айтишича, бўрон кутилганидек кучли бўлмаган. Довулнинг якуний зарари ҳали баҳоланмаган.

👉@humanuzofficial

Адабиёт бўйича Нобель мукофоти жанубий кореялик ёзувчига берилди

Хан Ганга ушбу нуфузли мукофот "тарихий жароҳатларга қарши турадиган ва инсон ҳаётининг нозиклигини очиб берувчи шиддатли шеърий насри учун" берилди.

2024 йилнинг барча лауреатларини тақдирлаш маросими 10 декабрь куни бўлиб ўтади.

👉@humanuzofficial

"Милтон" тўфони аллақачон Флорида штати яқинида

Метеорологлар бўроннинг бешинчи даражасини (максимал) белгилашди.

Ҳозир у деярли 15 км/соат тезликда ҳаракатланмоқда, шамолнинг тезлиги эса 290 км/соатга этади.

👉@humanuzofficial

АҚШга даҳшатли “Милтон” тўфони яқинлашмоқда

Жо Байден барча режалаштирилган саёҳатларини бекор қилди, 5,5 миллион одам эвакуация қилиниши эълон қилинди ва табиий офат оқибатларини бартараф этиш учун Миллий гвардиянинг 5 минг аскари сафарбар қилинди.

У сўнгги 100 йилликдаги талофати катта бўлиши кутилаётган тўфон, деб айтилмоқда. Тезлиги 290 км/соатгача бўлган тўфон бугун кечқурун Флорида қирғоқларига етиб бориши кутилмоқда. Довулга хавфнинг энг юқори, бешинчи тоифаси берилган ва синоптиклар у ҳали мавжуд бўлмаган олтинчи даражага етиши мумкинлигини тахмин қилмоқда.

Ҳатто "Эндрю" ва "Катрина" тўфонлари ҳам унчалик хавфли эмас эди, чунки улар йирик метрополиялардан узоқда содир бўлган. "Милтон", прогнозларга кўра, Тампа қирғоқларига eтиб боради, Флориданинг 11 округини уради ва Атлантика қирғоқлари бўйлаб кетади.

Ҳозирда Флоридада фавқулодда ҳолат эълон қилинди. Комендантлик соати жорий этилган ва мажбурий эвакуация амал қилади. Ҳар олтинчи ёқилғи қуйиш шохобчасида бензин тугаган, одамлар штатдан тезроқ чиқиб кетишга шошилмоқда. Авиакомпаниялар чипталар нархини чеклаб, Флоридадан қўшимча рейслар жўнатишмоқда. Шунга қарамай, баъзилар ҳокимиятнинг барча огоҳлантирувларига қарамасдан ҳудудда қолишмоқда. Тампадаги шифохона жабрланганлар учун очиқ қолади, ҳозир унинг атрофида ҳимоя иншоотлари қурилмоқда. Флорида Миллий гвардияси 5000 аскарни сафарбар қилди, яна 3000 аскар бўрон қуруқликка етиб келганда жойлашади.

Милтон Флоридага «Хелен» довулидан атиги бир ярим ҳафта ўтиб етиб келади, ураган натижасида 277 киши ҳалок бўлган эди. Штат ҳали бу вайронкорликлар оқибатларидан ўзини тиклай олгани йўқ. Кўчаларда ҳали ҳам тўпланган ахлат, метал лавҳалар ва маиший техника қолмоқда. Мансабдорлар Милтоннинг шамоллари бу чиқиндиларни "ўқ-дориларга" айлантириб, одамларга ёки уйларга зарар етказишидан хавотирда.

👉@humanuzofficial

Буюк қайтиш

Озарбайжон Республикаси ва Арманистон ўртасида доим низоли бўлиб келган тоғли Қорабоғ ҳудуди 1993-2020 йиллар ораси арманлар ишғолида қолган. 4 йил аввал Озарбайжон ихтиёрига қайтариб олинган бу жойларда кўплаб шаҳар ва қишлоқлар мавжуд. Гарчи у ерларда вазият барқарорлашган бўлса-да, ҳалигача махсус текширув ва блок пост орқали ҳудудга ўтилади. Сабаби, мина ва портловчи моддалар хавфи.

Журналист Ҳамза Жумаев тоғли Қорабоғ ҳудудида бўлиб, махсус репортаж тайёрлади. Пойтахтдан 350 километр узоқликда Жаброил шаҳри ва Фузулидаги бугунги ҳаёт билан танишди, узоқ айрилиқдан кейин ватанига қайтган одамлар билан суҳбатлашди. Қолаверса, Қорабоғда барқарор ҳаётни қўллаб қувватлаш мақсадида Ўзбекистон томонидан қуриб берилган 1000 ўринли замонавий мактабда ҳам бўлди.

📹Батафсил видео: https://www.youtube.com/watch?v=B-pFGWfw2lw&t=15s&ab_channel=HUMAN.UZ

👉@humanuzofficial