قناة تفاصيل مشروع عبايات Telegram Posts

اذكروني بدعوة تسعدني دنيا واخره 🌷

مندوب هذا تعاملت معه وارخص شي حصلته محترم وامين

رقم ثاني بالة طويل يصور لكم ويشرح كل خام ايش الأفضل بس عادي لو تأخر بالرد

السلام عليكم
بخصوص الاقمشه من الكويت حالياً اعتمدت محل معروف وقديم بالكويت له سمعة محل بوكنان مشهور حيل واسعار الاقمشه متفاوته بس الكويت عندهم الخامات وصناعات مختلفه عنا هنا بالسعودية مثلا صناعة الاندونيسي عندهم افضل واعلى سواد وجودة وحتي سعرها مرتفع أنا تجربتي كانت بخامة انترنت كلاسيك اف أي بي وخام كينزو الي يبون واقف كلهم كوري بنزلكم ارقام تواصلوا معهم يصورون لكم من ناحية الشحن لا أنصحكم ترسلون مندوب بنزل لكم رقمه او أي مندوب تعرفون يطلع الكويت يستلم الاقمشة ويدفع المحل بعد تحويل منكم عليه لان هناك مايقبلون تحويل ياخذ وقت الدولي يستلمها مندوب يوصلها الحفر اقرب الكويت وبعدها تطلع لكم بشحن بري ارخص عليكم بكثير

بخصوص كثير يسالون عن الاقمشه شتوي
في كثير بس أنتي حسب ميزانتيك وحسب ايش حابة فكرة تصميم

المخمل انواع في من الأفضل بيور سلك نسيج الخيوط 100%حرير بس يبي عنايه غسيل بالبخار فقط ومترة يبدا من 100 ريال

وفي مخمل سي وي سي صيني شركه هاذي بس تعتبر كويسه

وفي مخمل كوري يسمونه المحلات قطيفه يجي اثقل شوي والاسعار حسب محلات في من 40 الي 60 متر

وفي مخمل نوع استرتش مانصحك فيه ابدا

وفي نوعية رخيصه صيني متر حدود25 ابدا مو كويس يمسك كهربا ووبر

وفي خام الشتوي شامواه

شامواه حلو ودافي وفي لمعه خفيف ناعم ملمسه


شامواه في صيني وفي كوري بس يفرق بالمتانه الشامواه مايجي ثقيل مقارنة بالجوخ بس في عيوب نفس أي خام البقع صعب تنظيفها شوي لان سطحه ناعم ملمسه المتر يبدا من 25 وفوق يوصل الي40 المتر

بالطاقة اوفر عليكم الدباسي تقريبا يبيع ب200

وفي خام شتوي الجوخ
هذا يعتبر اكثر دافئ يسون منه عبايات وجاكيت وفي من دبل فيس يعني يجي علي وجهين لون فاتح وغامق حصلتة عند البازار بجده والحامد بالرياض تحصلين الوان منه

وفي قماش الجلد اخذي نوعيه كويسة افضل نوع دبل فيس حلوة ملمس وبشكل عباية مايجي واقف حيل إذا تبين واقف في نوع ثانيه بالسوق الجلد متره من 40 الي 35 تقريبا

خام كتان انواع وصناعه مختلف نفس الشي يفرق الاسعار بس تبدا من اغلا شي الصناعه 
يوجد كتان مغسول وكتان لنن وكتان عادي وايضا 
من اقمشه عبايات خامه لنن وهي انواع وصناعه مختلف 
تبدا من اجود صناعات الهندي الامتار سعر يفرق إذا ساده او لنن مطرز برسومات تبدا من 40 الي 70و80 متر هذا نوع الهندي لكن أحاول أنا شخصيا ابعد عن الخامات الي تبي عنايه خاصه بالغسيل نفس لنن لان نسيج الخيوط ممكن يكمش الأفضل تنقع بموية قبل غسيل او تاخذين زياده بالامتار احتياط نفس الشي أي خام فيه نسبة قطن نفس رايون ممكن يكمش بعد اول غسله نفس الشي لنن مخلوط بفسكوز هذا نسيج شبة صناعي ولايتحمل موية حاره بذات 
بس بالصيف يكون بارد علي جسم ويوجد لنن خيش هذا نسيج من الياف نبات يجي واقف وملمس يختلف عند نسيج لنن الساده 

السلام عليكم 
بخصوص انواع الاقمشه واسعارها كثير يبي يعرف 
الاقمشة عارفين أنها عالم كبير الانواع عندهم مختلفة 
الاسعار تختلف حسب محلات والاقمشة 
بس بقولكم الي جربت شخصيا
خام كريب حسب من وين تاخذون أي محل والمنطقة
في محلات بااسواق شعبيه زي المعقلية بالرياض او اسواق الحب بالدمام او اسواق البلد بجدة تكون اسعارها أقل شوي 
بحكم أنها ايجار أقل شوي عليهم ولان يبيع جملة كميات كبيره ماتفرق معه الامتار وسبب ثاني هو ياخذ من المصدر المصنع مباشر مايكون فيه مورد معين ياخذون منه 
مثلا العماري ياخذ منه محلات معينه ويزيدون سعر عن سعر عنده لان السعر عليهم مرتفع ياخذون من مورد مو من مصنع مباشر بالنسبه الاسعار الاقمشه 
يعني تقريبا المتر كريب الكوري من ٢٥الي ٣٠ الي٤٠ حسب الصناعه لان كوري في درجه اولى وفي أقل 
يوصل الكريب لاغلي شي الياباني حدود ٩٠ ريال 
وفي كريب الصيني أرخص بعد بس كل ماقل السعر يقل جودته إذا تبين شي جودة فعلا لاتاخذين صيني ابدا
قماش تفته او تفته جاكار يجي هذا نسيج حق تدخيلات بالعبايه او عبايه المتر تقريبا ٢٥الي ٤٠ حد المعقول وفي محلات اقمشه تبيع اغلا شوي يوصل ٥٠ واكثر إذا كانت في رسمات ملونه او شي مميز وفخم 
وقماش حرير مغسول خام نسيج خفيف ناعم متر حسب صناعه يفرق الاسعار في من الياباني حدود 70 الي90 ريال المتر وفي أقل الكوري وفي أقل منه الصيني بس فرق كبير بينهم بالجوده والشكل 
كل صناعة لها مميزاتها وسعرها

قناة تفاصيل مشروع عبايات pinned «اذكروني بدعوه تسعدني دنيا وآخره 🌹»

اذكروني بدعوه تسعدني دنيا وآخره 🌹

للحديث بقيه بإذن الله وقت ثاني اكمل لكم