قصائد مكتوبه _ الملا محمد بوجبارة

قصيدة : ختام الوحي
الرادود : الملا #محمد_بوجبارة
الشاعر : #حسن_طاهر_المعيبد
استشهاد رسول الله محمد (ص)

••••••••••••••••••••••••••••••••

بفگد (طه) دار التراتيل
صفت هالمسه دار لنياح

وختام الوحي نادى جبريل:
(النبي راح) صداها: (علي طاح)

(علي) لـ(الزچيّه) يدير النظر
وگبل (طه) يمكن شعوره احتضَر
طويل القهر يا طويل السفر!
و الآهات!

بدا من جذوره (الوحي) ينگطع
وكلامه الأخير اعله حس الدمع:
وداعًا يحيدر: بـامان (الضلع)
(النبي) مات!

ايتلفّت ينادي: يزهراء!
الوصيّه تجارت بلدموع

(النبي) بحضنه بس غمّض (العين)
سمع خلفه تكسير لضلوع!

تنهّد ومالت ضلوع السمه!
(علي) وخلّه چفّه بچتف (فاطمه)
اليهدّ البلايا، الفگد هدّمه
جبل طاح!

صفى الأوّل بكل شي، مو لاولّي
تهون المصايب على المبتلي
و(علي) حتى ينهض صرخ: (يا علي)!
مدد صاح!

اليريد ايْعرف عُظم لمصاب
و شنو اللي جرى بـ(حيدر) اليوم!

يشوف الرفع راس (لاسلام)
من اهمومه ما يگدر ايگوم

يعين (الله) (حيدر) على غربته
يصد للجنازه وتهل دمعته
نبي الأمّه ميّت ولا أمّته
إجت ليه

بعد كل عطائه، يصير الجزه
(علي) اللي يغسله (علي) ايجهّزه
(علي) وحده يوگف عليه بالعزه
و يواريه

بعد (طه) يا غربة الدين
الوصيه بعد عينه تنداس

على نعشه تعرف بِأن چان
(علي)، أهله و اصحابه و الناس

يگلّب تُرابه ويشمّه و يوِن
بگى يناظر لسيفه بعد الدفن
بعد (طه) تهزمني حرب (الحزن)
يـ(فقّار)

ترى المشهد البيه يحير الصبر
(أحُد) تبچي خلفه وتگول لـ(بدر):
يدنيا العجايب، (علي) منكسر!
شنو الصار!

يدنيا الحِنى ظهر لِشداد
انحنى ظهره بعد (النبي) ومال

صدگ (حيدر) ايريد لِيشيل
وعلى چتفه ركن السمه انشال

الأشمّ، الهُمام، الشجاع، الأبي
من الهم تضعضع جبل طالِبي
شنو حاله يرجع و دافن نبي
شيظل بيه !

(أتى) وعينه تنزف جرح (هل أتى)
رجع من دفنْته ولگى بنيّته
على بابه تلثم أثر يمنته
و تحاچيه!

لگى (الزهره) محنّيه و اتنوح
تشم باقي عطره على الباب

تلم ذكرياته من الدار
گبل ما يسحگوها لاجناب

بعد ما نبينا انحجب و اندفن
(الحسن) رد يدوّر على ام (الحسن)
بده يشد سهامه عليّه الزمن
يـ (أُماه )

(الحُسين) اعله جدّه ونينه اعتله
مشى اللي اعله نحره شكثر قبّله
طلع خلفه (طيبه) و رجع (كربله)!
(حُسيناه)

(الحسن) گلبه گبل النعش صار
بعد جدّه مرمى للسهام!

يـ ناس احترگ گلب (لحسين)
گبل ما يحرگون لخيام !

قصيدة : ختام الوحي
الرادود : الملا #محمد_بوجبارة
الشاعر : #حسن_طاهر_المعيبد
استشهاد رسول الله محمد (ص)

••••••••••••••••••••••••••••••••

بفگد (طه) دار التراتيل
صفت هالمسه دار لنياح

وختام الوحي نادى جبريل:
(النبي راح) صداها: (علي طاح)

(علي) لـ(الزچيّه) يدير النظر
وگبل (طه) يمكن شعوره احتضَر
طويل القهر يا طويل السفر!
و الآهات!

بدا من جذوره (الوحي) ينگطع
وكلامه الأخير اعله حس الدمع:
وداعًا يحيدر: بـامان (الضلع)
(النبي) مات!

ايتلفّت ينادي: يزهراء!
الوصيّه تجارت بلدموع

(النبي) بحضنه بس غمّض (العين)
سمع خلفه تكسير لضلوع!

تنهّد ومالت ضلوع السمه!
(علي) وخلّه چفّه بچتف (فاطمه)
اليهدّ البلايا، الفگد هدّمه
جبل طاح!

صفى الأوّل بكل شي، مو لاولّي
تهون المصايب على المبتلي
و(علي) حتى ينهض صرخ: (يا علي)!
مدد صاح!

اليريد ايْعرف عُظم لمصاب
و شنو اللي جرى بـ(حيدر) اليوم!

يشوف الرفع راس (لاسلام)
من اهمومه ما يگدر ايگوم

يعين (الله) (حيدر) على غربته
يصد للجنازه وتهل دمعته
نبي الأمّه ميّت ولا أمّته
إجت ليه

بعد كل عطائه، يصير الجزه
(علي) اللي يغسله (علي) ايجهّزه
(علي) وحده يوگف عليه بالعزه
و يواريه

بعد (طه) يا غربة الدين
الوصيه بعد عينه تنداس

على نعشه تعرف بِأن چان
(علي)، أهله و اصحابه و الناس

يگلّب تُرابه ويشمّه و يوِن
بگى يناظر لسيفه بعد الدفن
بعد (طه) تهزمني حرب (الحزن)
يـ(فقّار)

ترى المشهد البيه يحير الصبر
(أحُد) تبچي خلفه وتگول لـ(بدر):
يدنيا العجايب، (علي) منكسر!
شنو الصار!

يدنيا الحِنى ظهر لِشداد
انحنى ظهره بعد (النبي) ومال

صدگ (حيدر) ايريد لِيشيل
وعلى چتفه ركن السمه انشال

الأشمّ، الهُمام، الشجاع، الأبي
من الهم تضعضع جبل طالِبي
شنو حاله يرجع و دافن نبي
شيظل بيه !

(أتى) وعينه تنزف جرح (هل أتى)
رجع من دفنْته ولگى بنيّته
على بابه تلثم أثر يمنته
و تحاچيه!

لگى (الزهره) محنّيه و اتنوح
تشم باقي عطره على الباب

تلم ذكرياته من الدار
گبل ما يسحگوها لاجناب

بعد ما نبينا انحجب و اندفن
(الحسن) رد يدوّر على ام (الحسن)
بده يشد سهامه عليّه الزمن
يـ (أُماه )

(الحُسين) اعله جدّه ونينه اعتله
مشى اللي اعله نحره شكثر قبّله
طلع خلفه (طيبه) و رجع (كربله)!
(حُسيناه)

(الحسن) گلبه گبل النعش صار
بعد جدّه مرمى للسهام!

يـ ناس احترگ گلب (لحسين)
گبل ما يحرگون لخيام !

رابط القصيدة
https://youtu.be/NTP3_XlHeh0?si=unFNIJLQkBvoompf

قصائد الملا محمد بوجبارة

https://youtube.com/@H.K.J

قصيدة : #ذكريات
الرادود : الملا #محمد_بوجبارة
الشاعر : #أسامه_الناصر
#الأربعين #1446

•••••••••••••••••••••••••••••••••••••••

بحضن الشوق غافي .. جات بقلبي صوره
( احلى ذكــريـاتي؟ .. يــوم اللي ازوره )
          ما اجملها من ذكرى
       ( قاعد داخل الحضره )

-  -  [1]  -  -  -

غفيت آنـا بحضن شوقي .. ( طفل غافي بـحضن امه )
و تمر صوره على قلبي .. و يفز اقليبي من حلمه

صرت اتذكّر و انـهـار .. و اعيش بـحالةْ الصدّمه
سـريـعـه مرّت الأيـام .. ( قبل فتره چنت يمّه! )



مــتـفـضّـل عليه .. هذا و آنــا ضـيـفـه
من الحضره اطلع .. و ( يحضني مضيفه )

          و امشي ( بشارع السدره )
          ( قاعد داخل الحضره )

-  -  [2]  -  -  -

توّسلت بـقمر هاشم .. نخيته و بو الفضل سامع
قلت له يا اخو زينب .. اليفارق حضرتك ضايع

تخيلت اني بالحضره .. حلم لكن احس واقع
( طلعت آنا من الجنّه .. ولا ادري متى راجع )



محـروم الزيـاره .. مو مــثــل الـيـزوره
( الشافت عينه قبه .. صار اعظم شعوره )

            چانـت حلوه هالنظره
          ( قاعد داخل الحضره)

-  -  [3]  -  -  -

اذا يوم اربعينه ايمر .. احس بــ روحي تـتـألم
يسألوني متى تزوره؟ .. اضل ساكت ولا اتكلم

احبك يا ابو السّجاد .. ويشابه حبي ( حب ميثم )
تمنيت اعتني هالعام! .. و لكن بالظرف تعلم



متعود اجي له .. في يوم اربـعـيـنه
( و هالعام انحرمنا .. لجله ما مشينه )
        
           دمعه بعيني من اقره
          ( قاعد داخل الحضره )

-  -  [4]  -  -  -

ازورك من بعيد اشلون .. يـ اقرب من شراييني
اذا موعد رحيلي حان؟ .. اريد بقبري اتجيني

يبو الأكبر صحيح انّـه .. مسافه بينك و بيني
اوصّي كلمن يزورك .. ( سلامي وصله لــ احسيني )



بيني و بيني ابچي .. وينزف قلبي جَرحه
اذكر يوم اجي لك .. چانت احلى فرحه

            قلبي و انجبر كسره
          ( قاعد داخل الحضره )

-  -  [5]  -  -  -

عجيبه كربلاءْ احسين .. في كلشي تختلف يانـاس
المشي فيها يرد الروح .. شحلات بـكربله الانفاس

اذا ضاقت عليه اهناك .. اروح الصاحب الأحساس
( تروح الضيقه من قلبي .. وانا داخل على العباس )



آخر امنياتي .. ابهالدنيا القصيره
اقضي بكربلاءك .. انفاسي الاخيره
          
           انـخـه فاطمه الزهره
          ( قاعد داخل الحضره )

رابط القصيدة
https://youtu.be/iIKdcniGgqU?si=Oq_nwsJ3Bmor4K5l


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصائد مكتوبه _ الملا محمد بوجبارة pinned «قصيدة : مثل عاشور الرادود الملا : محمد بوجبارة صفر 1443 الشاعر علاء عبدالحسين الكربلائي ................................................. دخول الشام فوك الناگه اذاني محرم ثاني ياعباس راواني بحجي الشمات الگلب مكسور .. ويبوفاضل مثل عاشور دخول الشام ...…»

قصيدة : #ياليل_القهر
الرادود : الملا #محمد_بوجبارة
الشاعر : #كرار_حيدر_الخفاجي
ليلة 2 #محرم1442

...........................

ياليل القهر .. هد حيلي السهر
قصة كربله .. او سبي العائلة

مرسومة ابخيالي

.........................

هالروايه التنذكر بلسان فاجد
تكسر احساس القلم .. لو ردت وصف الالم
ابيوم واحد ينذبح سبعين واحد

يوم عاشر كربلاءء الفاجعه
ذهل عما ارضعت كل مرضعه
ذكريات اخيام نار او مشرعه
او صوت كسر اضلوع بذني أسمعه

هاي الذاكره .. ظهري تكسره
و الجانو مِثِلْ .. روحي وبالفعل

شو عافوني تالي

............................

شفت من حرقو على العيله المخيم
طفله تنحب واقفه .. طفله تركض خايفه
طفله مجروحه اباذنها او ينزف الدم

عسعس الليل او بقينه ابلاه حمه
زينب اتنومنه بس ما نايمه
تفز كل اشوي طفله حالمه
تريد ابوها او جثه ابوها مهشمه

نمنه امن النعس .. او ينظرنه الحرس
من طاح القمر .. يم شاطي النهر

ما ظل عدنه والي

............................

وابصبح يوم اهدعش نزلت دمعتي
من دنت نوق الهزل .. ربطوا ايدينه ابحبل
جفي مربوطه اويه جف ارقيه اختي

بالطريق ايقود ناقتنه الحزن
اقبالي و ايضربون زينب عالمتن
اتصيح ياعباس ياخويه او تون
حتى من سجب الدمع ذاب الجفن

والشامت شمت .. من زينب بجت
روس اعله الأسل .. ما ويانه اهل

و انه ابهذا حالي

..............................

اويانه بس اعليل و اِقيوده ابرقبته
ناحل او صابه السقم .. دامي دلاله الهضم
يمشي قوه او بهض ثقل القيد جثته

لون تعثر جِدمه يوقع الترب
واعله ظهره ابسوط اشوفه ينضرب
و اعله هذا الحال قضاه الدرب
يبتعد عن ديره وا ابديره يطب

اليا ديره يجي .. ايسمو خارجي
واصلنه الصبر .. بدروب اليسر

ساهرنه الليالي

...........................

شفت كل هذا او بعد ما جاي حتفي
عمري هم وي نايحه .. ألف ذكره جارحه
لسه جويت نار موجوده اعله جفي

حاولت انسه او يذكرني الوسف
جرح ضمدته او جرح ثاني نزف
اسكينه اني والدمع لا مانشف
عَاشِر ابكل يوم و ابكل قاع طف

موتي امناطره .. روحي امحيره
مكسور الجنح .. ياهم يا جرح

ما ظل اعله بالي

...............................

عمري جان اخمسطعش بس همي أكبر
شيبت من الحصل .. صرت وحدي ابلا أهل
و اليعوف اهله يعيش اشلون يقدر

ابعيني شفت احسين طايح عالثره
و الشمر متربع ايحز منحره
راد يسلب محبسه او حاول تره
تالي مل او شفته قاطع خنصره

سلب محبسه .. ابصدره يرفسَه
يشتم فاطمه .. او حماي الحمه

او صوتِ الضحكه عالي

https://youtu.be/lwLJzhLS9R0?si=345jvMJIrwmnych5

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #جرى_ما_جرى
الرادود : الملا #محمد_بوجبارة
الشاعر : #أسامه_العامر
#محرم1446

••••••••••••••••••••••••••••••••••••••••••••••


اِجه الليل .. يالاحباب .. اِجه الليل
ابسواده .. و رماده .. وصَدى الخِيل

اَحاچيكم وما تِـردُّون
أَنَا ابهمِّي … وانتوا مِچَاتيل

( 1 )

اِجه .. ابرهبِتَه .. و غُربتَه .. المُوحِشَه
ولگه كلشي غالي ابحياتي مِشَى
نِشَدني : اشكُـبُر صَبرِچ وعايشَه

اعله هالحال

گلتله : اليحِب من صدِگ يحتمِل
حبيبي نـظرته اعله حَر الرَّمل
وَاخاف امن امُوتَن يظل منجدِل

بلا اظْلال

وسُؤال العَلى بَالي ينعاد
شَغَطي ، وشخلِّي ، امن الاجساد

احترگنه .. وبقن .. بس عَبايات
وَلا حِيلة .. عندي .. وَلا حِيل

————————————

( 2 )
سِرَاجي انطفه والدِّليل اشتعل
وظلام اهدعش ، دمعه سَال و سِأَل
أَهَل اِنتي  ( زينب ) ؟ ولا من أَهل ؟!

يحَامُون

گلتله : نَفِس ما يضيع النِّفَس
گمت فَـارس افْگد و اقدِّم فَرَس
وِلَسْود عَلِيهم ( هَوا الله ) لِـبَس

وْمِلَا الكُون

نَحِيب الدُّخَـان امن لخيام
( ياعـبَّاس .. يالاكبر .. ياجسَّام )

على الغبرة نمتوا بلا رُووس
وحرمتونه عَذْب التَّراتيل

————————————

( 3 )

شَوصفن .. شَعدِّن .. جَرى ما جَرى
بَعدكُم .. عَـدُوكم .. عَلـيَّه اجْترا
فَلا مثلي جِرْعت مِنْ المُر مَـرَة

يالاحـبَـاب

( سِبيَّة ) … لَمَنَّه .. حِچالي اسكتِت
وْ ياهالـ ( خَارِجية )  ابهَظُمتي الطَمِت
( هَدِية ) .. تهدّ الجِبَال .. و طحِت

عَل تـراب

أَوِنَن .. حُسَيناً .. حُسينَاه
يردُّولي يـمِّـچ ذِبحـنَـاه

وبعد ماسِلبنَاه .. سِحگنَاه
اشيفيد البچي والتِواسِيل


رابط القصيدة
https://youtu.be/X3srMnSJoTw?si=Zg1Czr5Iy1djueK-

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #شعندي_غيرك
الرادود : الملا #محمد_بوجبارة
الشاعر : #علي_حسين_البحراني
ليلة 9 #محرم1446

•••••••••••••••••••••••••••••••••••••

أنا اشعندي غيرك .. ترجع لي مذبوح
ترى ما عرفتك .. يالكلّك اجروح
إجا احسين .. بچى وصاح
علي راح .. علي راح

١
گعدنا ابخيمتك بس آنا واحسين
عليك انموت عادي احنه لاثنين
امگطّع، مدري ألزم إيدك امنين!

حاچيني يلكبر أمك آنا
سواد اعيونك اشغيّر مكانه!
اوليدي الراح مو نفسه الإجانا

سكوتك ذبحني .. خلاني أنهار
تعال اعله حضني .. خوفي الرمل حار
على الگاع .. جبل طاح
علي راح .. علي راح

٢
يبعد الروح گلّي اشبيك ما بيك؟
أداوي احسين يمّك لو أداويك؟
مالت رُگبِتك وأمك تحاچيك

خلّيني أحط خدي اعله خدك
بس لا نايم ابوَنّي أگعدك!
آنا الما حِسبت احساب فگدك

أعاين وأعد لك .. چم طبره بالراس
فقط يطلع الدم .. ما تطلع أنفاس!
علا الصوت .. بلنياح
علي راح .. علي راح

٣
أصيح اگبال جسمك صيحة أحزان
((آنا الوالده والگلب لهفان))
يعطشان اشرب ادموعي يعطشان

مثْل اشفافك اگليبي تفطّر
يبّسها العطش والموت والحر
اشبيدي اعليك سامحني يلكبر

يروحي اشكثر دم .. من ثغرك ايسيل!
حسافه اعله طولك .. ما تلگى تغسيل
جمر آه .. بلرواح
علي راح .. علي راح

٤
أنا واحسين بسّ انشيل لسهام
اشـ باگي امن الجسد ما جابه لخيام!
أشگ جيبي عليك وألطم الهام

يلكبر بالحصيره اشلون شفتك
من كثر الخسِف لا ما عرفتك
حرام أرضى ابرحيلك يوم عفتك

ملامح محمد .. خسفوها بالسيف
يزهرة زماني .. داسوها يا حيف
الحزن دوم .. مَـ ينزاح
علي راح .. علي راح

٥
أحلفك بالتسع أشهر يسردال
إخذني ولا تخليني اعله هالحال
بعَد چفك تصير ابچفي لحبال

صحت وين أخفي جسمك، تاه بالي
عن لا تنسحگ بالخيل تالي
عجيبه الدنيا ما تترك لي غالي

يكل أمنياتي .. لا يمكن أنساك
يلكبر عساني .. مذبوحه وَيّاك
دنى الليل .. يمصباح
علي راح .. علي راح

رابط القصيده
https://youtu.be/Cq8grnaXo4Y?si=nYW1A9GjUj3On0xz

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #شكرا_ولدي
الرادود : الملا #محمد_بوجبارة
الشاعر : #علي_عسيلي_العاملي
ليلة 8 #محرم1446

••••••••••••••••••••••••••••••••••••••••••••••••

قاسِمي للقلبِ حقَّاً أنتَ قاسمْ
ولظهري كنتَ يومَ الطفِّ قاصِمْ
صرتُ أمَّاً لِلْعَنا
وأنا لستُ أنا…رفقاً بحاليْ

١
قُرَّةَ العينِ…زينةَ الزينِ…وُدَّ الوِدادِ !
هدَّني وجْديْ…سال في خدِّي…قَطْرُ العِهادِ
أطلبُ الموتَ…أرفعُ الصوتَ…في كلِّ واديْ
ولَدِيْ "قَاسِمْ"…أيها القاسِمْ…لُبَّ الفؤادِ

عندما تفتقدُ الأمُّ الوليدا
قلبُها الملهوفُ يلقى الموتَ عيدا
هكذا تَطْوِيْ الدَّهَرْ
وهْي تُجرِيْ للقمرْ…دمعَ الليالي…رفقاً بحاليْ !


٢
وابُنيَّاهُ…وارضِيَّاهُ…أَيْ واحبيبا
وجْهُكَ الصُّبْحُ…زفَّكَ الرُّمْحُ…رأساً خضيبا
ساعةَ العُرسِ…كيفَ يا شمْسي…مِلتَ غروبا
أيُّ حِنَّاءِ…أيُّ إدماءِ…كنتَ عجيبا !

ونثارُ العرسِ ما كانَ ورودا !
نثروا فوقَكَ يا روحيْ حديدا
بضَّعوا مِنْكَ الجسدْ
صِحْتُ "يا زهرا مددْ"…هذا دلالي…رفقاً بحاليْ

٣
وَلَدِيْ حُلْمي…نادِني" أمِّي"…ما من مُجيبِ !
إنَّ لي ديْنا…فافتحِ العيْنَ… أَطْفِئ لهيبيْ
ما ترى قَهْري…في سِبا الأسْرِ…يعلو نحيبي
عاتقي يُقْرَعْ…جهرةً أُدْفعْ…شِمرٌ رقيبي

ربطونا وابنةَ العلياءِ زينبْ
وبحبلٍ واحدٍ للشامِ نُسحبْ
كلَّما الحورا تَقَعْ
فأنا أيضاً أقعْ…فوقَ الرمالِ…رفقاً بحالِيْ


٤
بيدي الرُّقْعهْ…تشربُ الدمعهْ…يا لَلْفِراقِ !
ذهبَ الحِبْرُ…بقِيَ العِطْرُ…يحكي اشتياقي
برَّدتْ قلبي…في أسى الدربِ…فوقَ النياقِ
ويلَهُ الظالمْ…شدَّها ناقِمْ…زادَ احتراقي

سَلْوَتي ظلَّتْ برأسٍ رفعوهُ
آهِ لكنْ بحجارٍ أوْجَعُوهُ
إنْ أقُلْ: يا قاسميْ
كانَ سوطُ الآثمِ…ردَّ المقالِ…رفقاً بحالي

٥
أبلغِ الحيدرْ…أبلغِ الكوثرْ…آيَ السلامِ
غايةُ المَنِّ…بالرِّضا عنِّي…هذا مرامي
واقصِدَنْ شُبَّرْ…نازِفَ المنحرْ…والجسمُ دامي
بالدمِ القاني…أنتَ قُرباني…عند الإمامِ

ولدي شكرُكَ حتَّى الحشرِ دائمْ
ولدي بيَّضْت وجهي عند فاطمْ
لكَ شكريْ للأبدْ
أنتَ حزني والسعَدْ…حتَّى الوِصالِ…رفقاً بحاليْ

رابط القصيده
https://youtu.be/Nir5Yc4POI0?si=XibsY3CuDlEu-aLZ

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #خليلي_أخوي
الرادود : الملا #محمد_بوجبارة
الشاعر : #السيد_سعيد_الصافي_الرميثي
ليلة 7 #محرم1446

••••••••••••••••••••••••••••••••••••••••••••••••••

يازماني اليتمتني من حنان امي وابوي
عاد بس خليلي اخوي
ذبحو ضواي اعله النهر
. دنياي ليل ابلا كمر
يازماني يازماني
-------------------------------------
ياعتابي            اعليمن اعتب
يازمن كافي الغدر حن اعله حالي
امن الطفوله      التالي عمري
عندي ماخله دمع ظيم الجرالي

الراح يادمعة عتب تكدر تجيبه
ومن مصيبه اوكع بأصعب مصيبه
والصدى يناديني زينب ياغريبه
وشبديه وشبديه

ومن بدت رحلة عذابي ويه عباس الكفيل
عاشرت دمعي اليسيل
وماادري شيظملي القدر
دنياي ليل ابلا كمر
يازماني يازماني
-------------------------------------
امن المدينه       من طلعنه
جان يبره الناكتي حامي الضعينه
ماتركني          خطوه وحده
وجان يغمرني الوفه العنده وحنينه

وبين ساعه وساعه يازينب يكلي
بلصبر يابت علي يختي تحلي
ومادنت ليه الشمس ولرايه ضلي
حامي خدري حامي خدري

ومن وصلنه الكربله بعيوني شفت النيه ليل
ونار وتهاجمني خيل
ونعرضت اكبالي صور
. دنياي ليل ابلا كمر
يازماني يازماني
-------------------------------------
وشدهاني        اعضامي ترجف
واني بوجود اخوتي واشعر وحيده
المن اسأل               حتى اعرف
بعد من عندي الزمن شنهي اليريده

راحت امي واني خمس اسنين عمري
وراح ابوي وودعت وياه صبري
واعله جبد الحسن دمعي لسه يجري
فاركوني فاركوني

حكي ياوادم لون دمعي يهل كلبي يحير
وبعد ماادري شيصير
ماانصف وياي الدهر.
دنياي ليل ابلا كمر
يازماني يازماني
-------------------------------------
ولن كفيلي        العندي غالي
من كبل كل الخيم دك خيمه اليه
هذا طبعه               كله غيره
وزين يعرف هيبت اخته الهاشميه

مانسه ارباي وسهر ليلي اعله مهده
ولجميل الزينب الرايد يرده
يقدم اجفوفه هديه ويوفي وعده
مانساني مانساني

ومن كعدنه ثنينه كعدت عتب اني وضواي
كتله خويه انريد ماي
وتبسم ابوجهي ابفخر
. دنياي ليل ابلا كمر
يازماني يازماني
-------------------------------------
اخذ جوده           وراح عني
واني نساني العطش شوك انتظاره
وبين خوفي         ونتضاري
وكمت اشوف الطف علي مضلم نهاره

لو يرد سالم اضل اصبر وتاني
واعله شوفة كافلي هايج حناني
ومن بعيد حسين اشوفه الوحده اجاني
ابلا عضيده ابلا عضيده

يصيح يازينب ولوني من وكع حامل لواي
ونكطع منه رجاي
ورديت مكسور الظهر
. دنياي ليل ابلا كمر
يازماني يازماني
-------------------------------------
خويه اخذني         خل اكله
عندي للعباس من امه وصيه
مأمنه عندك        يبني اختك
زينب الحره العقيله الهاشميه

واني اخته الماكو عندي غيره والي
وبوجوده محد امشاهد خيالي
بعد غير النوح بلغربه شبكالي
ياكفيلي ياكفيلي

انياط كلبي تكطعت عباس وي كطع الجفوف
ولا بعد بعيوني اشوف
شلي ابعمر بس للقهر
. دنياي ليل ابلا كمر
يازماني يازماني

رابط القصيدة
https://youtu.be/KyMRN3QRbYw?si=vqkzPi_MgkfWU-jM

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #عندي_أصحاب
الرادود : الملا #محمد_بوجبارة
الشاعر : #عبدالله_بوحمد
ليلة 6 #محرم1446

•••••••••••••••••••••••••••••••••••••••••••••••

عنـدي صفوه .. الشهــــــاده.. أمــلـهــا   
                  بالبــــريّــــــه .. ولا ايجــي .. مـثـلـهــا
  يستـلّــذون .. بالمـنـيّـه دوني          عندي أصحاب .. تارسين اعيوني
             
*                  *                  ***
رجــــال .. صفـوة الرّجـــال .. بالوصـف جـبـال .. مــا تهـزهـا ريـح
مـثـــــال .. آيـــه بالكــمـــال .. شنهــو هالجـمـال .. لـلـفـــــده اتصيح 
    گالـوا الموت .. ليـك يـسـوه           لجـلك انـروح .. كلـنـه فدوه
اشلون صفوه اگبالي .. بالأجل مَـتْبـالي .. وكل نبـض برجالي .. حــسـيــن
كالوا انتـــــه الغالي .. من گبــل للتّالي .. إلنه تبگــــــه الوالي .. حــسـيــن

                
ذولــه نخبــــه .. تعرفــــــه .. مقـامــــي
                 هـــم سيوفــي .. ورماحــي .. وسهامــي
  حتّى الأعــداء .. بيهم ايحسدوني     عندي أصحاب .. تارسين اعيوني
*                  *                  ***

  حـبـيـب .. للگلـب گـريــب .. ناصـــر ومجــيـب .. يعـتــذر مُـحـال
  وجـيـــه .. أشهد آنـــه لـيـه .. فــــارس وفـقــيــه .. آيــــــه بالقـتــال
  ابعينــي يكـفــيــه .. هوّه قمّــه       شيــخ الأنصــار .. صــار اسمه
ابراسـه شد لعصابه .. حــشّـم ابأصحــابه .. صـاح ويّا احبابه .. حــسـيــن
وآنه إلهــم شاهــــد .. صوت منهم واحــد .. انتـــه بسّ القائــد .. حــسـيــن

                 كل شهم لـــي .. يـبـيّــــــن .. ولائــــــه
                 ليّـــه حاضــر .. يــقــــــدّم .. دمائـــــــه
ابصوت لـبّــيـك .. كلهم ايلبّــوني         عندي أصحاب .. تارسين اعيوني
             
*                  *                  ***
  زهـيـــر .. يـهـتــف وبـريــر .. للأجــــل نطــيــر .. عشگـك الجنـــاح
  نريـــــد .. ننذبـــــح أكــــيــد .. للذّبـــح نشــيــــــد .. حيْ على الفــلاح
  لـــو يگطعــون .. وذره وذره        انصيــح يحسيــن .. ردنـــه نظره
لا منيّــه اتهمـــــنه .. وانته خيمنـه اتلمـنه .. يكفـــــي انّـك يمنه .. حــسـيــن
احسبنه من صحبانك .. نحمي كل صيوانك .. ننجعــــل قربانك .. حــسـيــن

                  الكــل يگـلّـــي .. اعلــه إذنــك .. أتــانـــي
                  أفدي روحـــك .. يــســـــيّـــــد .. زمانــي
كلها للمـــوت .. يمّي يترجّــوني         عندي أصحاب .. تارسين اعيوني

*                  *                  ***

ابنيــــاح .. حــر بنـــي ريـــاح .. يطـلــب السّـمـاح .. سـيّـــدي أتــــوب
مـجـيــر .. تجبــــر الكـــســيـر .. لــك فــــده أصير .. وابـدي بالحروب
خصمــك النّــار .. وآنــه عـفـتــه        الجــنّــه يحسيـــن .. كـلها انتـــه
و لن وهــب ناداني .. تـقـبـل النصراني .. دينــي وي قــــرآني .. حــسـيــن
ليك عايـف عرسي .. بالشهــــاده أُنسـي .. أفـتـديـــك ابنفــــسي .. حــسـيــن

                 عافوا الكـــــــل .. غــــــياره .. وإجـــــولي
                  وآنــــــه أدري .. حِـلِـمـهـــم .. قبـــــــولي
كلشي ناـــسيــن .. وآنـــه ما ينسوني      عندي أصحاب .. تارسين اعيوني
             
*                  *                  ***
  فـنــــون .. عابــس المنــــون .. عاقــل ابجــنـــون .. مــزّگ القميــص
  فـــــداك .. صاح إلي معـــاك .. غالي بس هـــواك .. والعمر رخيــص
  عابس اليــوم .. شوف عشگــه        گلبــي يحسيـن .. كُــون أمزگــه
او جنبه شوذب طالــع .. صاح ويّا نافـــــع .. للممـــات انبايــع .. حــسـيــن
الكاهـلـــي ابشـيـباتـــه .. يهتـــف ابعبراتــه .. عمري تسبيحاته .. حــسـيــن

                   بالوفـــــه مـــن .. يجيــهـــــا .. ينافـــــس
                   او بالشجاعـــــه .. صــــوارم .. أشــاوس
صاروا ادروع .. امن الهوه يحموني    عندي أصحاب .. تارسين اعيوني

*                  *                  ***

أشـــوف .. جـون إجـه يطوف .. قـبّـــل الچفــــوف .. وضّـــــح المصيـر
مُعــيـــن .. يحچــي بالونــيــن .. إغنــي يا حـسيــن .. عـبـــــدك الفـقـيـر
حلمـي بالمـــــوت .. عنّي ترضــه      أســـود أنخــاك .. وجهي بيضــه
عبدك ايعرفـــوني .. أسـود ايشوفــوني .. ابدمّي يِـحْـلَـه لــوني .. حــسـيــن
إنتــه ريح الجنّــه .. ابـشمّـتــــك أتهنّــه .. اويـــاك أظل أتمنّــه .. حــسـيــن

                ربعـــــه مـثـلــــه .. عشگـهــــا .. الخــدامـــه
                واتركـــــــــــولي .. ابوفاهـــــم .. عــــلامــــه
بين السيوف .. چانوا ايخـــدموني        عندي أصحاب .. تارسين اعيوني

قصيدة : #سبع_الموت
الرادود : الملا #محمد_بوجبارة
الشاعر : #ابو_جعفر_العبودي
المقدمه كلمات المرحوم : ملا محمد المسيري
#محرم1446

••••••••••••••••••••••••••••••••••••••••••••••••

يا بوفاضل    دونك اگرومها
يا بوفاضل    شامها او رومها
إحتزم والعدو انسف  غرابيبه
انت وارث علي ومظهر أعاجيبه
*
يا ربيب الوفا ابروض المراجل
ومرخيات الگلاید والأصايل
يابوفاضل يخو زينب ينايل
انطلگ يا زعل سمر العواسل

ازهم الباشط او حدّده
من نجيع العده الشارده
ارشد او نيتك ما تزل
يا سعد خاطر الوالده

بالسلامه    اگصد اطفوفها 
بالسلامه   تامن احتوفها
ادحر امحاربك واطفي لواهيبه
انت وارث علي ومظهر أعاجيبه
*
اگحم الوادي دك الغاضريه
وانحدر سيل من شوش الثريّه 
غرّگ  اشگوگها  ابدم  الرديّه
لاتخلي من اعدانا سريّه

يا كفو والله تنطح كفو
يابوفاضل يسم العدو
خصمك ابنظرتك ينفني
والولد سره من الأبو

والحريبه      صیدك اصگورها
والحریبه       شنهو مگدورها 
حگك امن السمه بيمينك اتجيبه
انت وارث علي ومظهر أعاجيبه
*

ارسم ابنود دستور الكفاله
ابجادحات الشجاعه والبساله  
زينب الحره صاحبة الجلاله
تستضيق ابوجودك استحاله 

حيدري وهاشمي واعربي
والغضب أصلك الطالبي 
مطلبي خدمتك للحرم
ياحسيني الوفه وزينبي

     هالعقيله      انت كفّالها
هالعقيله       احرس اخيالها
  وانت گد الأمر والفعل ندريبه
انت وارث علي ومظهر أعاجيبه

رابط القصيدة
https://youtu.be/SEcgDpsZ5PM?si=EcxiFxS0L7J3oRw8


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #وينه_حبيبي
الرادود : الملا #محمد_بوجبارة
الشاعر : #أمجد_الشطري
ليلة 4 #محرم1446

•••••••••••••••••••••••••••••••••••••••••••••••••

وكت الفجر مامستقر كلبي حاير
دعواتي إلك بويه لهلك تلفي باجر
دعوه حميدة وجهك تريده

1
بليلة كئيبة صابتني ريبه
فزيت أدور مثل الغريبة

كلبي وجعني والهم أخذني
مو مطمئنه يـلــ واعدتني

وكت الفجر فزيت حسيت برزية
صليت إلك ودعيت ودموعي جريه
بهذا الدعه يابوي أدعو وشلت أديه
من كُل طارق كون يحفظك ربي إليه

بسمك صحت بويه شوكت يمي أشوفك
صبري كضه رد عوضه مااعوفك
الظلت وحيدة وجهك تريده

2
تسألني عيني وشوكي وحنيني
انعه واكلها هسه يجيني

كل بالي يمك مشتاقة أشمك
والثم جفوفك وبروحي أضمك

صار شكثر والعين ماشافت خيالك
شنهو السبب ماجيت ما ادري شجرالك
أبالي أنت أدور وآنه أدري أعله بالك
يَحنَيّن الدلال محتاج الدلالك

أبنيتك محتاجتك رد عليها
بدونك بقت وتغربت ماتجيها
جيتك بعيده ؟ وجهك تريده


3
ليلة أعله ليلة دمعي أسيلة
تدري سفرتك صارت طويلة

منهو الاسأله وعليك أكله
يابويه هجرك سوالي عِلّه

كل يوم أكول اليوم ترجع ياحياتي
وآنه أعله هذا الحال فاضت نايباتي
لنه أجاني حسيـن كلي ياغلاتي
أنتي يبعد الروح وحده من بناتي

هدني السهر حالي بخطر وأنت سكته
خوفي بقهر أسمع خبر ماسمعته !
بنت العقيدة وجهك تريده


4
مرت ليالي وحسين اجالي
خله أعله راسي أيده وحجالي

سألته بنحيبي وينه حبيبي
فكده ذبحني وهو طبيبي

كلي بعد ميعود أيسي ياحميده
من القصر شمروه وتكَطّع وريده
وتالي بحبل جروه ومكيده أيده
وديني كتله أعليه محبوبي أريده

كلي بعـد حان الوعد ماتشوفيّ
ظهره أنكسر وبلا نحر نوحي وانعيّ
السكنت البيده وجهك تريده


5
جتني رقية لزمت أيديه
بهذا مصابي تهون عليه

شافني أعاني بهمي السباني
كالتلي مثلج هم باجر أني

كتلها شنو يصير كولي يارقية
كالتلي رأس حسين احضنه بهاي أدية
أنتي إلي ماشفتي الابو بيوم المنية
بس آنه اشوفه بطشت والشيبة دمية

بذاك المحل يلفي الأجل بالخرابة
وأنتي بحزن كلبج يون وينه بابا
حالة شديده وجهك تريده

رابط القصيدة

https://youtu.be/N-CwFUCEb0E?si=o505ujjQhXdyGCTL


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #غيرة_الخوة
الرادود : الملا #محمد_بوجبارة
الشاعر : #عبدالله_بوحمد
ليلة 3 #محرم1446

••••••••••••••••••••••••••••••••••••••••••••••••••

كـلمـــه .. وحــده نحچيـها .. مــــا نثـنّـيـها .. ابدمنـــه نبنيــها .. كـربـلـه
نــــاذر .. كل بطـل عمره .. غايتـه الكُبره .. فاطمــه الزّهره .. تـقـبــلـه
* * *
يَـأُمْــنَـــه يالـعظيــمـــه وشـايـلـــه الــزّود
عـلـى الـكلمـه ترانــــه گدهـــــــا واگــدود
مـنـو ايردنـــه وحَچـينــه رنّـــة اسيــــوف
عـلـي يجري ابدمـــانــه وبينـــه مــوجــود
بالخـلايـا علي او تربيه من علي واربعتنه بالشّمايل كلنـــــه نسخة علي
مدرستنه علي بينــه غيرة علي بالحرايب عدنه صيحه يا علي يا علي

والطـف .. بينــــه تتـبـاهـا .. الله ســــــوّاهـا .. إلنــــــه أهداها.. امن السّمـه
بيـــهــا .. نوصــل الغايــه .. انركّـز الرّايــه .. اترفـرف ابآيــه .. فاطـــمـه

* * *

قَـسَــــــم بالله نِـفْـرحـــــــچ يــــامّ الْبـنــيــن
الحسـيـن يـظـل مكانـــــــه ساكـن العـــيــن
لبـواليمّــــه صفينــــــه أربــــــع اجـيـــوش
البطـل ويـنـــه ويگابــــل إخــوة احسـيــــن
بينه هيبــة علي بينه شمـرة علي بالشجاعــه وبالفراســه واريثنه علي
بينه خزرة علي بينه فزعـة علي لو وگفه لو مشينه أربعـه مـــن علي

احـسينـچ .. كلمتــه نسمـع .. كلشـي له يركع .. من جهات أربع .. نحـرسه
او زينب .. نستـــره ظلها .. بـــس نـــــدللها .. كل حــرف إلها .. انقـــدّسه

* * *

نخلّــي الطـــف ضحــاهــا ينگلــــب لــيـل
نــذل سبعيـن ألــف مـــن أبرهــــه وفـــيـل
أبـابـيـلــــــچ يَأُمْـنَــــه اتـنــــزّل المــــــوت
اعلـــه خيّالـــه نخــلّــي تسحـــگ الخــــيـل
واحنه چفنه علي واحنه قبضة علي لو ضربنه بالأعادي اويانه يضرب علي
بينه يظهــر علي واليقاتــــــل علي والكتايب كلها توگع من يحارب علي

نكـســر .. كــل أعادينــه .. وانتي تدرينــه .. ريـــح أيادينــه .. صرصره
كـلـمـــن .. فكّــر ايجينــه .. تنشلـــع عينــه .. والمــــدد لينــه .. حــيــــدره

* * *

بحـــر مـــن دم نســـوّي يجـــــري بالسوح
وأبواليمّــــه ايتـبسّــــــم والعــــــــــده اتنوح
نـغــرّگـــهــا ابدمـــــاهــا زمــــــرة الـــشّـام
اليعاندنــــه نجـلـيــــــــه وننـــــــزع الـروح
وابحـرز يا علي وابذكـر يا علي تغرگ الطـف بالعساكـر والسّفينه علي
نهجــم ابيا علي انّازل ابيا علي نخطف أرواح السرايا مــن نده يا علي

ســالـــم .. راس أبواليمّــه .. واليجــي يمّــــه .. والله يا يُمّـــه .. نسحـگـه
مــنّــــه .. اليقترب خطـوه .. بَلْـوِتَـــــه بلــوه .. ابغيرة الخـوّه .. نحــرگـه

* * *



العـــده تـــدري بنينــــچ بيـــهــا عــــــبّاس
وابوفاضـــل خيالــــــه يرعــــب النّـــــاس
إذا يمشـــــــي مشيتــه اتــزلزل الگـــــــاع
اليگرّب يم خِـيَمْــنـــه ابجدمــــــه ينــــداس
هالگمر من علي وجهه صورة علي وابوفاضل بالمراجل كلّه صاير علي
واخوته من علي مثـلـه تشبـــه علي كل خِيَمنـه نفتديها توصـيه مـن علي

واحنــــه .. للخيــــم جَـنّــه .. عالخصـم طعنــه .. انـزّل اللعنــه .. عالعـــده
والطــف ..عرش أبوالأكبر..أي شخص يحضر ..ما يحب حيدر .. نطـــرده

* * *

فــــلا نرجـــع وعدنــه وعـــــــد الأحــرار
تراب الطــــف وســـــاده وكربلـه الـــــدار
نحــــــب نسكـــــن ييمُــــــه دار الحـسيــن
رســـل ويّا الأيمّـــــــــه ايجونــــــــه زوّار
بينه يفخــر علي إلنـــه يشكر علي والزّچيّــه للزياره تعتنــــــي وي علي
طـــــه ويّا علي والرسل وي علي والأيمّـه للاضرحتنه تحضر اويا علي

حـضـره .. امگابلــه حضـره ..إلنه متحضره .. والقـــــبب كُبره.. من ذهب
زايـــــر .. إلنــــــه يوميّــــه .. واربعينيّـــــه .. مشيـــه شيعيّــه .. ابلا تعب

رابط القصيدة
https://youtu.be/GsdLSVnZgA8?si=HxQK7qxs6czbExGn


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #آه_يحسين_واغيابه
الرادود : الملا #محمد_بوجبارة
الشاعر : #حسن_طاهر_المعيبد
ليلة 2 #محرم1446

•••••••••••••••••••••••••••••••••••••••••••••••••

جيتچ لا روح .. (يُمّه) ولا عين
يا (أم احسين) .. خلّاني (احسين)

كلهم وايّاه .. وآنه ويَه الآه
خلّاني (احسين)

****

(١)
دار الحادي باحبابي .. وعليّه اندارت الوحده
ضاگ البيت يا (يمّه) .. وحلت يم گبرچ الگعده
إجيت وآنه شبه الكاس .. وبعز الظمه اتبدّه
بعض احزان (لِبنيّه) .. تحتاج لحضن (جدّه)

(يمّه) اخذيني .. بعد (احسيني) .. ضياع! ضياع!
شحال الطفله … وفوگ العلّه .. وداع! وداع!

گبرچ مجهول .. و دلّاني النوح!
بس المجروح .. يفهم مجروح

يحس ببلواه .. وآنه ويَه الآه
خلّاني (احسين)

(٢)
وگفت بالعمر، لايّام .. يـ (يمّه) بساعة الممشه
زغيره وجفني خلف (احسين) .. شيّب حاجبه و رمشه
لذت بيچ بنحيب الطير .. أخذوا لهفته و عشّه
الفگد لمّة أهل بيته .. يحس بيت الأهل، نعشه

العاف اعزازه .. يمشي اجنازه .. غريب … غريب!
راح الغالي .. ما خلّا لي .. حبيب ! .. حبيب!

جر گلبي الضيم .. يم گبرچ جيت
بنت اهل البيت .. بلا أهل و بيت

بغربة فرگاه .. وآنه ويَه الآه
خلّاني (احسين)

****

(٣)
الگال الـ جدّه ضمني و راح .. واخذ أحلامي من عيني
خلّاني ولذت يمّچ .. أگلّچ: (يُمّه) ضمّيني!
يا فاطم فلا ظنّيت .. الـ بسمچ چان ايسمّيني
مثل بابچ بعد ميروح .. الحزن يطبگ على اسنيني

بعد احبابي .. مثلچ بابي .. جريح .. جريح!
گلبي امن ايحن ..مثل (المحسن) .. يطيح .. يطيح!

بگلبي المزروع .. يم باب الدار
كل رجفة شوگ .. ينبت مسمار

نار امْحاتاه .. وآنه ويَه الآه
خلّاني (احسين)

(٤)
راح (احسين) يـ(ام احسين) .. ويمچ جيت أنتظره
ترك تحت الترب (زهره) .. وسط داره ترك (زهره)
ترى من فارگت حضنه.. وانا يا (يُمّه) متحيره
أخاف الخيل ما ترحم .. باقي ادموعي بصدره!

شحال الفاگد .. مو بس والد .. إمام .. إمام!
بصدره الحاني .. اتصير امچاني … سهام.. سهام!

أغفى بيا حال .. لو جن الليل
أسمع بالدار … ركضات الخيل

واسهر وانعاه .. وآنه ويَه الآه
خلّاني (احسين)


( ٥ )
إجيتچ بس جسد ناحل .. تركت ارويحتي ببابه
تهب ريح الهجر وتصيح: .. (آه يحسين و اغيابه!)
أشم گبرچ واسولف له .. و دموعي تبلّل ترابه
واوسّد خاطري، بضلعچ .. و اون لاحبابي و احبابه

عمري الأخضر .. بعد (الأكبر) .. جفاف .. جفاف!
ترجع (زينب) .. خدر امسلّب .. أخاف…أخاف

كلما أشتاگ .. (عبدالله) النوب
گمت و هزّيت … مهده المگلوب

سكته امناغاه! .. وآنه ويَه الآه!
خلّاني (احسين)


(٦)
يـ(يُمّه) اشحال معلوله .. واتشوف الدوه يسافر
بعد (البارحه) ظلّيت .. ما حس بطعم باچر
تشبه كسرة اضلوعچ .. يـ (زهره) كسرة الخاطر
تحفر خدّي دمعاتي .. امن احس بسحگة الحافر!

ازغيره وحزني .. أكبر مني .. عذاب .. عذاب
واللي امدّلل .. ما يتحمّل .. غياب … غياب


امن اسمع بالدار .. دگّة بيبان
أركض بالماي .. يمكن عطشان

بس ما ألگاه! .. وآنه ويَه الآه!
خلّاني (احسين)

رابط القصيدة
https://youtu.be/uI3Gud2mqx4?si=tAdkD3lxeBTh86bw


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #أميري_حسين
الرادود الملا #محمد_بوجبارة
الشاعر : #أمجد_الشطري
ليلة 1 #محرم1446

••••••••••••••••••••••••••••••••••••••••••••••••

نقسم قسم والله يومك فلا ننساه
أميري حسين ونعمة الأمير

1
كلمة نحجيها بوعينه ويشهد الله علينه
للأبد ماننسى يومـك وأنـت تعرف بينه
نعطش وهاي المجالس كل وكت تروينه
مصيبتك يحسين تبقه وهي الي تنجينه

المنبر نضل وياه يومك فلا ننساه
أميري حسين ونعمة الأمير

2
ياحسين أنصارك احنه ونفتخر خدامك
خيرك مغطي علينـه وبصدرنه وسامك
لـو نعيـش الدنيـا كلها نحـي كـل أيامك
مانسـاوي ذره وحـده من رماد خيامك

هذا الأمر عشناه يومك فلا ننساه
أميري حسين ونعمة الأمير

3
كل شعيرة من الخدامة بكل وفه انأديها
هـذا واجـب وأنت تدري مانفـرط بيها
لو تريد أركاب منه بكربله ننطيها
نوافي عبد الله الرضيع وزينب نواسيها

ولي يفيض دماه يومك فلا ينساه
أميري حسين ونعمة الأمير

4
احنه حبينه وهوينه ولحضة مازلينه
غير حبك يابو لاكبر والله ماحبينه
شما خدمنا شما تعبنا فدوه ياولينه
أنت والزهرة الزجية كون ترضه علينه

كلمتنا للزهرا يومك فلا ننساه
أميري حسين ونعمة الأمير

5
ياحسين إلي يخدمك من صميم إحساسه
توفقه بسنينه كلها وأنت ترفع رأسه
باجر بيوم المنية الأجل لو جاسه
تسلمه صك الشفاعة وهم تهون أنفاسه

هذا الترك دنياه يومك فلا ينساه
أميري حسين ونعمة الأمير

رابط القصيدة
https://youtu.be/afpqMBO9NtI?si=BKqCnY01-zPUfGRQ


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #يهل_العزيه
الرادود : الملا #محمد_بوجبارة
الشاعر : #أبو_تراب_الأحسائي
ليلة 1 #محرم1446

••••••••••••••••••••••••••••••••••••••••••••••

يَهل       الخدمه           اِوْ يَهل العزيّه
شدّوا       الهمّه           اِبـْهاي الرّزيّه
نوحوا اعله ابني           و اخته السّبيّه

يـَهل      العزيّه

1
يل دمعكم  بيه   اداوي  اجروحي          اِوْ يطفي الجمره
ساعدوني اعله البواﭼـي اِوْ نوحي         اِبـْجاري   العبره
بان   هالليله     نحر     مذبوحي         اِوْ هلـّت   العشره

يخدّام       انه ام اللي انسلب ثوبه يخدّام
و انه اللي بتها بالذل طبّت الشام       اِوْ بعد عزها اِبـْخرايب صارت اتنام

وينه اللي الهم        فطـّر    دليله
اِيساعد  ﮔلبي        اِوْ ﮔلب العليله
ذوّب  روحي        حزن   العقيله

يـَهل   العزيّه


2

آنه  أم    الغاليه    و  الغالي           اِلـْهشّموا   ضلعه
جيت   ويّاكم    اَوِنْ   لعيالي           و ألطم اِوْ   انعه
حسين عطشان اِوْ فطر دلالي           اِسـْﮕوه لو دمعه

عله حسين       ادوّر وين من ينعه عله حسين
و اجمّع بالمآتم دمعة العين          تره اخته امن انذبح دخلت دواوين

الله    اِيـْعينه            اللي اِيعين  ﮔـلبي
من  لطموني            ما اشوف  دربي
ﭼـنـّي للموت            اتعب    و اربّي

يـَهل  العزيّه

3

شدّوا همّتكم يا  اهل    الخدمه          اِوْ نوحوا ويّايه
حسين لو طاح أبو فاضل  يَمّه         شيلوا     الرّايه
اِلـْبنتي زينب من تجيها اللطمه         روحوا    نعّايه

بلا اخمار      اِلـْ(علي) حجّبها تالي اتظل بلا اخمار
اِوْ تدوس اِبـْجدم حافي بكربله النار     و تصير اعليها لمّه اكبار و اصغار

انشد       وينه         الملـﭼـوم وينه
العباس    ابني         ﮔطعوا   يمينه
بعد      عيونه         ضربوا اسكينه

يـَهل    العزيّه

4

يـَهَل ( آ يحسين ) اِوْ ( آ يمصابه )           لا      تخلـّونه
لو تركتوا حسين ايسلبوا     اثيابه            من    يذبحونه
بالمدامع   طفوا    نار      اطنابه            تره اِيـْحرﮔونه


ردت ماي       اِلـْحبيبي اِوْ نور عيني بس ردت ماي
يخدّامه تعالوا اسـﮕوه وياي        خلص مِنّ البواﭼـي دمع عيناي


دلاّل       ابني                 اِلـْينبض مَحنّه
اِبـْسهم   امثلث                  ينـﮕـطع  منّه
و زينب تمشي                  بالغصب عنّه

يـَهل    العزيّه


5

وينكم   عاشور   هل   اهلاله           اِوْ سلـّبوا    زينب
نوحوا عاللي  داسته    الخيّاله           اِوْ جسمه  اِمترّب
ﮔوموا ابني اِبـْكربله    ﭼـتـّاله           اِبـْراسه ظل يلعب

يصيحون           خوات حسين طلعوهن يصيحون
الضرب خلـّه بناتي اِمْغيّره اللون  اِبْرُقيّه ظلوا ايسبّوا اِوْ يسحبون


يـَهل  الونّه          و الدّمعه   بالعين
مذبوح ابني         نوحوا عله حسين
زينب  بعده         دخلت     دواوين

يـَهل    العزيّه

https://youtu.be/GR9MmcP7_xs?si=ovbNjcOa4-WItSiO


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #نار_بجروحي
الرادود : #دانيال_بوجبارة
الشاعر : #أحمد_الهلباوي
#محرم1446

••••••••••••••••••••••••••••••••••••••••••••••

إخيام مذبوحي ،، نار بجروحي
وصرخة الماي الماي الماي
نار بجروحي

قصة غرام اويه الضمه
تجرح مواويلي
وتهدم ركن حيلي
ويرخص دمع ليلي
وكل الدموع لفاطمه
وهيّه التجازيني
وعالحب تدليني
بس خدمة احسيني

درب مهجور ،، الحياة ابلا دمع صحره ،، ودرب مهجور
وسراج النور ،، شفت بس خدمة الزهره ،، سراج النور
وحزن عاشور ،، يموت الگلبه مايقره ،، حزن عاشور

أحسين عنواني ،، باب وجداني
وحرگت النار النار النار
باب وجداني


يجبرني عشگي اعله الدمع
لني احب عطشان
ومتوسد التربان
واعيونه للصيوان
اخيامه التخليني انفجع
چي هجموا اعليها
وبس الحرم بيها
وضجت بواچيها

أظن تدرون،، منو الصعدت هذاك التل،، اظن تدرون
وأگول اشلون،، يظل بالهيمه الامدلل،، اگول اشلون
اسم ام عون ،، الغريبه اهناك يتبدل ،، اسم ام عون

تريد واليها ،، وحيل مابيها
تمشي واتطيح اتطيح اتطيح
وحيل مابيها


گتله انه احبك للابد
واعيونك أشعاري
يل خيمتك داري
وحبك جمر ناري
وعاشورك اوياي انولد
ابچي لمهد خالي
وحال الخدم حالي
جرحك شغل بالي

وتسيل العين ،، اجي للماي واتدنى ،، وتسيل العين
حبيبي احسين،، ابجواره وانحرم منه ،،حبيبي احسين
ومصيرك وين،، يهل ما تعرف الونه ،، مصيرك وين

وين تاليته ،، العاف تعزيته
ينتهي وضاع ضاع ضاع
العاف تعزيته


يا گلبي هنياله اليصب
دمعه لأهل بيته
وبالحب صفت نيته
وكل همه تعزيته
والزهره تقبل كل گلب
من ينكسر حاله
للضامي واعياله
ولضيعة أطفاله

الدمع مريود ،، على الظل بالفلا دامي ،، الدمع مريود
الثياب السود ،، علامه لليحب ضامي،، الثياب السود
لحليف الجود،، الفضل من هامي لاجدامي،، لحليف الجود

التاج البراسي،، ابزود عباسي
وكل دمع سال سال سال
ابزود عباسي

رابط القصيدة
https://youtu.be/SxcBvLYje60?si=ezYzByrYG2vQhLhk

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #ما_تقدر
الرادود : الملا #محمد_بوجبارة
الشاعر : #عبدالله_بوحمد
#محرم1446

•••••••••••••••••••••••••••••••••••••••••••••••

مـــا بيني وبينك .. ينشـاف ابعـينك
أحلامك ماتت واحلامي
تاليــــها العِشره .. تخلص بالعَشره
من يومـك تگصر أيّــامي



* * ***
نــــــــوّخ ضعـنّـه ابكربـلـه صـار الحچـــي كرب وبله
نظـــــرات الوداع بانــت عـلـيـنـه
ضمنه الحزن وجهه ابوجه للفرگـه صرنــــــــــه نتّـجه
متروســــه أوجاع شبگـــــة إديـنـه
متـغـيــره علـيـنــه أرض العـراگ مـا چـنـها أرضنـه وأرض أبونـه
كل نسمه ابهواهـــا نسمة افـــراگ واهل المــاي إحـنـــه وعطّشونـه

من تبچی وتنحب .. تبچيــلك زينب .. يحسيــــن آلامـك آلامي
الظامي من يبچی .. ما يگدر يحچي .. والظامي يفهم عالظامي


* * ***

گـلّي ابوداعـــك شحتمل يحسيــــن من تمطـر نبل
لمّـن يصـوبوك تومــي إليّـه
مـدري يـظـل بيّـــه گلـب وكـت التطيح اعله الترب
كلمـا يضــربوك عينـك عليّـه
ما تگـدر تجينــي اتجيبـك الخـيـل يَـبْـن أمّــي على صـدرك ركضها
شيلوا احسين أصرخ محّـد ايشيـل يمّـي الخيـــل واعظامــك ترضها

أسمع چـــم كسره .. وأبگـــه منــكسره .. كل رضّـه چنها باعظامي
واهتـــف محـنيّـه .. حاچينـــي اشويّـه .. مَتْجاوب كل وجهـك دامي

* * ***

أدري ابوضع ليل احدعش مـالـي خيـــــم مـالك نعش
راسك معـــه النّاس وآنـــــه سبيّــه
بالگيـــد أصلّـــي النافـلـه او مطروح إنتــــــــــه بالفله
جثتك بــــــلا راس فــوگ الوطيّــه
ما عـنـدي چفـن يحسيـن أغطّيـك واخيمنـــــــــه وعــباتــــك سلّبوها
تاذيني العـــــده ابيســري وتأذّيك خل زينب تمر يـــم جســــم أخوها

باچـــــر أتـيـسّـر .. أمشـي وراح أعثر .. يـم جسمك ترجـف أجدامي
واختـــك مچتوفه .. هالحـــال اتشــوفه .. يا خويــه راســـــك جدّامي

* * ***

ابدرب السبــي نمشـي سوه كـل نظــره جـرح ابـلا دوه
نترافـــــگ اشلـون رمــح وهـزيـلـه
يمّــــك تميّـــــــــل ناگـتـي عينـــــك تعايـــــــن حالتـي
كلمـــــــه بالعـيــون آه يـالعـــقــــيـلـه
شحچي من أشوف ابطبّـــة الشــام زيـنـتــــهـا وطبلـــهـا والشمـــاتـه
أصرخ الله يرحــــم ذيــــچ الايّــام يـــم عــبّاس وايـــــدلّل خـــــواتـه

أوگـف باحزانــي .. يـم روس إخوانـــي .. بحجاره يرمي چـم رامي
ما يِـطْوَل عمري .. راح أرجـــع أدري .. بالشّـام اتخلّـــص أعوامي


رابط القصيدة
https://youtu.be/V3Db3RoK1-w?si=F5TXV8M4liNyD5IZ

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #بويا_خايفة
الرادود : الملا #محمد_بوجبارة
الشاعر : #أبو_نجم_الاحسائي
#محرم1446

••••••••••••••••••••••••••••••••••••••••••••••••••

يبويا..مـرمي بالـهيـمة أنُظرَك!
يبويا..خل أَرَوِّي بچـفي نحرك
يبويا..يَـتَّمِتْني و شنـهو عِذرك!
يبويا..إنهض وضمني في صدرك

ظلام..والخدر..ياحُسين..منسلب
الخيام..مُرعِبة..تلتظي..و تلتهِب
حرام..طفلتك..تنسبي..و تنضرُب

بخدي سطرة و إذني نازِفـة
و جيتك أركُض بويا خايِـفـة
مابگت خيمات..
چفوفي مچويات..
و بالجسد لچْمات

نـحِّلَتْـني رفسات الشِّمِــر
و بْسِياطه عذَّبْـنـي زجُـر!!
بنوحي و الدَّمعات
ذِبْلَت الوجْــنــات
و فِرْحَت الشّمَّات
##############
هضيمة..سَيِّــدَة و إسمي رُقيَّــة
هضيمة..و عنِّي گــالوا خــارجية
هضيمة..سِلْـسِلة بنـحري و إديَّه
هضيمة..عالهِزل أمــشــي سبية!

الدَّلال..مِن رِحل..وشبگى؟..بدنيتي
مُـحال..راحتي..و موتتك..موتِتِي!
حِـبال..قاسِية..بيسرتي..و يمنتِـي

يا عـذابي يا فگْد الأبــو
والله صعبة نظرات العدو
تجرح الإحساس
ومِن أصد للراس
تضحك الأرجاس

بعدك آنه و شلون أرتوي؟!
و بالبراري وجهي ينچوي
فُرجة بين الناس
و بإسم عـبـاس
تشهگ الأنفاس

رابط القصيده
https://youtu.be/AY9WEl0yOXs?si=x3F60Qh07exC5zsx

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

قصيدة : #ضياغم_حيدر
الرادود #محمد_بوجبارة
الشاعر : #علي_عسيلي_العاملي
#محرم1446

••••••••••••••••••••••••••••••••••••••••••••••••••

اللهُ يا بواسِلْ…أنتمْ صارِميْ
فيكُمْ بدا يُقاتِلْ…عِرْقٌ هاشميْ !

ورِثتُمُ الشجاعهْ…في الحربِ الضَّروسْ
فما لكم قناعهْ…إلاَّ بالرؤوسْ !

أنا طَه…فيكم أتباهى
أنا طَه…فيكم أتباهى

مِنْ "أبي طالبَ" جئتُمْ…والفتى سرُّ أبيهْ
فثمانٍ بعدَ عشرٍ…ما لكُمْ أيُّ شبيْهْ !

بكُمْ
الحق اعتلى
في طفِّ الولا
مِنْ عقيلٍ ، جعفرٍ ، تَوَّجْتُمُ المَلا
أرضاً لِلْعُلى
صارتْ كربلا !

٢

للزَّيْنِ كنتُمْ زيْنَا…حُسْناً لِلْحَسنْ
فَدَيْتُمُ حُسَيْنا…يا وُلْدَ الحَسنْ !

ما هابَ جيشَ الخَتْلِ…أعني القاسما
ساواهُمُ بالنَّعلِ…فيهِمْ قاسما

لَمْ يرْهَبْ…كَيْ يَحْمِيَ زينبْ
لَمْ يرهَبْ…كَيْ يَحْمِيَ زينبْ

قبلَهُ هذا شبيهي…بطَشَ البطشَ الشديدْ
سيفُهُ صالَ ينادي…في العدى:"هلْ مِنْ مزيدْ" ؟

فما
في الدُّنيا أحَدْ
ساواكمْ أبدْ
بإباءٍ رافضيٍّ خُضْتُمُ الشِّدَدْ
والصوتُ رعَدْ
"يا زهرا مدَدْ"!


٣
ضياغِمٌ حيَادِرْ…عِنْدَ الزَّمجرَهْ
فحقَّ أنْ يُفاخِرْ…فيْكُمْ "حَيْدَرَهْ"

للطَّفِّ قرَّتْ عَيْنُ…فالكلُّ هتَفْ :
"لبَّيكَ يا حُسينُ"…دوَّتْ للنَّجفْ

فالأربَعْ…أبطالُ الأنزَعْ
فالأربَعْ…أبطالُ الأنزَعْ

بدْرُ "عباسٍ" كفاكُمْ…في سما "أمِّ البنينْ"
ذا أميرُ الماءِ يُدعى…مِنْ أميرِ المؤمنينْ !

لكُمْ
بينَ الخافقيْنْ
دَيْنٌ أيُّ دَيْنْ
يا خِياراً ، واختياراً ، لابنِ الخِيرَتيْنْ
نَيْلُ الحُسْنَيَيْنْ
في دربِ الحُسينْ !

رابط القصيده
https://youtu.be/ArrWdxG32QA?si=vE02THsHEadc8fSw


قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223

محرم 1446 🖤

قصيدة : كل شي منها
الرادود : الملا #محمد_بوجبارة
الشاعر : #علي_البحراني
استشهاد السيدة خديجه عليها السلام 1445

•••••••••••••••••••••••••••••••••••••

كل شي منها، وبيها أسرار السما
الما عرفها اشلون يعرف فاطمه!
الله أنزلها گبل قرآنه آيه
وللفضايل والمجد صارت بدايه
كل شي منها

-١-
رحمه عاللي انگال عنّه ((رحمةً للعالمين))
سبْگت الكل ابفضلها عن جداره وعن يقين
واهيا للإيمان أمّ، وصارت أم المؤمنين
ابحيث لو ماكو خديجه، الدين ما يتسمّى دِين

من ضواها ظلمة الجهْل انمحت
واهيا للإسلام حواء أصبحت!
من سلالتها الطهاره والهدايه
وللفضايل والمجد صارت بدايه
كل شي منها

-٢-
فاطمه ليلة قدر وأم فاطمه تبگى النهار
حضره قدسيه ويقينا بالعرش إلها مزار
من تسبّح ينفتح للجنه والدنيا مسار
والله من منزل خديجه الغار من حگه يغار

هالعقيده مُبغض البيها يشك
الخادم ابمنزلها أعلى امن الملِك
إلها مديونه تظل كل البرايا
وللفضايل والمجد صارت بدايه
كل شي منها

-٣-
من أجل عين الديانه قِبلت اتبات ابحصير
قدّمت كل اللي عدها وحاشى ما گالت كثير
تفتخر بيها الأيمّه وچانت اتوالي الأمير
علّمت هالناس بس المو موالي ايظل فقير

المال عدها حب نبينا المؤتمن
بالمقابل حصّلت أم الحسن!
الرب يحبها وجابت الكوثر كفايه
وللفضايل والمجد صارت بدايه
كل شي منها

-٤-
للصفات الجوهريه صارت الحره وعاء
باختصار اهيا الألف والباء بحروف الهجاء
واهيا باب الأنبياء وأمهات الأنبياء
من كمالات اللي بيها اتكمّلت باقي النساء

مريم العذراء بالحرّه اقتدت
يوم صاحت "يا خديجه" واولدت
لنها تسبيح العلا وكنز الخفايا
وللفضايل والمجد صارت بدايه
كل شي منها

-٥-
جبرئيل ازداد هيبه ومنها نال أعظم مقام
لنّه چان ايسلّم اعليها ويِبلّغها السلام
سلِّم اعليها يشيعي وردّد ابحب هالكلام
ألسلام اعله خديجه ابعدد أنفاس الأنام

ألسلام اعله العفيفه الطاهره
ألسلام اعله الشكوره الصابره
ألسلام اعله الوفت حتى النهايه
وللفضايل والمجد صارت بدايه
كل شي منها

رابط القصيده

https://youtu.be/4Nxxk0ZrrXU?si=ARwqbJpEwsFJDGcK

قصائد الملا محمد بوجبارة

https://instagram.com/hmsh.223

https://youtube.com/@H.K.J

https://t.me/hmsh223