Hani Tube

በመላው ሀገራችን ለምትገኙ ግብር ከፋዮች በሙሉ

ጥር 19/2017 ዓ.ም (የገቢዎች ሚኒስቴር)

የገቢዎች ሚኒስቴር ከክልል እና ከተማ አስተዳደር የገቢ ተቋማት ጋር በጋራ በመቀናጀት ወደ ስራ ያስገባው በQR ኮድ (በሚስጥራዊ መለያ) የተደገፈ የማንዋል ደረሰኝ ህትመት ከየካቲት 3/2017 ዓ.ም ጀምሮ ሙሉ ለሙሉ ተግባራዊ ይደረጋል፡፡

ስለሆነም በየደረጃው የምትገኙ ግብር ከፋዮች ግብር ለምትከፍሉበት ቅ/ፅ/ቤት ወይም ታክስ ማዕከል ተገቢውን የደረሰኝ ህትመት ጥያቄ በማቅረብ በQR ኮድ የተደገፈ ደረሰኝ ከብርሃን እና ሰላም ማተሚያ ድርጅት ብቻ የጊዜ ገደቡ ከመጠናቀቁ በፊት እንድታሳትሙ ጥሪያችንን እናስተላልፋለን፡፡

ከዚህ በፊት ባለው አሰራር አሳትማችሁ ነገር ግን ያልተጠቀማችሁበት የማንዋል ደረሰኝ ካለ ቁጥሩን በመግልፅ ለቅ/ፅ/ቤታችሁ እንድትመልሱ እናሳስባለን፡፡


ሙሉ መልዕክቱ፥ የገቢዎች ሚኒስቴር ነው

#Ethiopiatax #ግብር #ታክስ

#አስቸኳይ_ማስታወቂያ

ጥር 17/2017 ዓ.ም (የገቢዎች ሚኒስቴር)

ልዩ መለያ ኮድ (Unique QR code) ያለበት የደረሰኝ ህትመት ለማሳተም ፈቃድ ለወሰዳችሁ እና በመውሰድ ላይ ላላችሁ በሙሉ

የታክስ ደረሰኝ አጠቃቀም እና አስተዳደር መመሪያን ለማሻሻል በወጣ መመሪያ ቁጥር 188/2017  መሠረት ከየካቲት 1 ቀን 2017 ዓ.ም ጀምሮ ልዩ መለያ ኮድ (Unique QR code) የሌለው ደረሰኝ መጠቀም የማይቻል መሆኑ ይታወቃል፡፡

በመሆኑም ልዩ መለያ ኮድ (Unique QR code) ያለበት የደረሰኝ ህትመት ለማሳተም ከገቢዎች ሚኒስቴር ፈቃድ የወሰዳችሁ እና ለመውሰድ በሂደት ላይ ያላችሁ የህትመት ፋቃድ በመውስድ  ደረሰኙን ለማሳተም በብርሃንና ሰላም ማተሚያ ድርጅት የባንክ ሂሳብ ቁጥር 1000003794141 በኩል ክፍያ መፈጸም የሚጠበቅባችሁ ሲሆን በመቀጠልም፡-

   📌 ከገቢዎች ሚኒስቴር የተሰጣችሁን የህትመት ፍቃድ፣

   📌 2% ተቀናሽ ያደረጋችሁበትን የተቀናሽ ግብር ደረሰኝ እንዲሁም

   📌 ክፍያ በመፈጸም ባንክ ገቢ ያደረጋችሁበትን አድቫይስ ሶፍት ኮፒ በማተሚያ ድርጅቱ የኢ-ሜል አድራሻ  [email protected]  በኩል እንድትልኩ ሆኖ ከላይ የተጠቀሱትን ቅደመ ሁኔታዎች አሟልታችሁ ህትመቱን ያልወሰዳችሁ ይህ ማስታወቂያ ከተገለፀበት ጊዜ ጀምሮ በብርንና ሰላም ማተሚያ ድርጅት በኩል የተቀላጠፈ አገልግሎት ማግኘት የምትችሉ መሆኑን መግለጽ እንወዳለን፡፡


የኢ.ፌ.ዴ.ሪ. ገቢዎች ሚኒስቴር

የንብረት ታክስ አሰራር | Property Tax Calculation |
https://youtube.com/watch?v=Hle5YXqlBK0&si=44ozaTEBotSpU-Iy

አንድ ተቀጣሪ በአንድ ወር ውስጥ ከአንድ በላይ ለሆኑ ቀጣሪዎች የማይሰራ ወይም ግብርን ቀንሶ ገቢ የማድረግ ግዴታ ያለበት ካልሆነ በስተቀር ግብሩን የማስታወቅ ግዴታ የለበትም፡፡

አንድ ተቀጣሪ በአንድ ወር ውስጥ ከአንድ በላይ ቀጣሪዎች ያሉት ወይም ከራስ ገቢ ላይ ግብር ቀንሶ የመያዝ ግዴታ ያለበት እንደሆነ፣ ተቀጣሪው ከየሦስት ወሩ መጨረሻ በኋላ ባሉት 30 ቀናት ውስጥ የግብር ማስታወቂያ ማቅረብ ይኖርበታል፡፡


አንድ ተቀጣሪ ግብር የማሳወቅ ግዴታ የሌለበት ሲሆን ቀጣሪው ለተቀጣሪው የሚሰጠው ግብር ተቀንሶ ቀሪ መሆኑን የሚያሳየው ደረሰኝ ለዚህ አዋጅና ለታክስ አስተዳደር አዋጅ ዓላማ ሲባል ቀጣሪው በየወሩ መክፈል በሚኖርበት ግብር ላይ እንደተሰጠ የግብር ውሳኔ ተደርጎ ይወሰዳል፡፡

የንግድ ፈቃድ እድሳት እስከ ጥር 15/2017 ዓ/ም  የተራዘመ መሆኑን
ንግድና ቀጣናዊ ትስስር ሚኒስቴር የገለጸ በመሆኑ አለቅጣት  የንግድ ፈቃድዎትን በኦንላይን (https://etrade.gov.et) ያድሱ።
✅ዌብሳይት-www.Hanitube.com
✅You Tube http://youtube.com/@hanitubeaccounting?si=6prlZI8Q5qz1DCEp
#ንግድ #ንግድፈቃድ #ግብር #ክሊራንስ

የወር ኪራይ 10,000 (ለመኖሪያ ከተከራየ)ቢሆን  እንዴት እንሰራለን የሚለው ለማየት

10,000*12=120,000
120,000*50%= 60,000

የተጣራ ትርፍ    60,000
(ስንጠረዥ ለ)  በማየት

60,000*20%-3,630=8,370
ቴምብር ቀረጥ
10,000*12*0.5%=600
ጠቅላላ 8,370+600=8,970  ✅

https://youtu.be/V0a-Te8x3jA

https://youtube.com/shorts/-68dRnW8NXo?feature=share

ስለ ተቀናሽ ወጪዎች የወጣ መመሪያ ቁጥር 5/2011
ወጪዎች ስለሚቀነሱበት ሁኔታ
ለስራው አስፈላጊ የሆኑ ወጪዎች

1. ማንኛውም ወጪ በግብር ከፋዩ ገቢ ውስጥ የተካተቱትን ገቢዎች ለማስገኘት፣ ለስራው ዋስትና ለመስጠት እና ስራውን ለማስቀጠል በግብር ዓመቱ ውስጥ የተደረገ አስፈላጊ የሆነ ወጪ መሆኑ እስከተረጋገጠ ድረስ እንደወጪ ይያዛል፡፡

2. አስፈላጊ ወጪዎች የሚከተሉትን ይጨምራል፣
ሀ. በነፃ በሚጠቀምበት ወይም በተከራየው ህንፃ ስራውን ሲያከናውን ቤቱን በሰጠው ወይም በአከራዩ ስም በሚታወቀው የመብራት፣ የውሃ ወይም የስልክ ቆጣሪ የተጠቀመ እደሆነ እነዚህን ክፍያዎች በግብር ከፋዩ እንደሚከፈሉ በግልፅ በውል ውስጥ የተካተተ ስለመሆኑ ከተረጋገጠ እና ወጪው የተከፈለበትን ደረሰኝ ኦሪጂናል ካቀረበ፣

ለ. ለማዘጋጃ ቤት አገልግሎት የተከፈለ ክፍያ፣

ሐ. የተመዘገበ ተርን ኦቨር ታክስ እና ኤክሳይዝ ታክስ እንዲሁም ተመላሽ ያልተደረገ ወይም በጊዜው ባለመቅረቡ ተመላሽ የማይደረግ የተጨማሪ እሴት ታክስ፣

መ. የተበላሸ ዕቃ ዋጋ፣ የአገልግሎት ጊዜ ያለፈባቸው እና የተወገዱ እቃዎች ዋጋ እና ለማስወገድ የወጣ ወጪ፣

3. ግብር ከፋይ ለንግድ ድርጅት እና መኖሪያ  ቤት በአንድ የመብራት፣ የስልክ ወይም የውሃ ቆጣሪ የሚጠቀም በሚሆንት ጊዜ የመብራት፣ ስልክ እና የውሃ ወጪ በወጪ ተቀናሽ የሚያዘው ከወጪው 75 በመቶ ብቻ ይሆናል፡፡

4. ከላይ የቀረቡት ወጪዎች ከሚያስገኙት ገቢ፣ ለስራው ከሚሰጡት ዋስትና እና ቀጣይነት ጋር ሲነጻጸር ያልተጋነኑና ተመጣጣኝ መሆን አለባቸው፡፡ ወጪዎቹ የተጋነኑ በሚሆኑበት ጊዜ ባለስልጣኑ በተገቢው መረጃ ላይ ተመስርቶ ማስተካከያ ሊያደርግ ይችላል፡፡

5. ባለስልጣን መስሪያ ቤቱ የተጋነኑ ወጪዎችን ለመወሰን የሚረዳውን የራሱ የአሰራር ሥርዓት አዘጋጅቶ ተፈፃሚ ሊያደርግ ይችላል፡፡

6. አንድ ግብር ከፋይ የንግድ ስራ እንቅስቃሴው በተቋረጠበት በተወሰነ ጊዜ ውስጥ ወይም ስራ ባላገኘበት ጊዜ ያወጣው ወጪ የማይቀር ወጪ ሆኖ ከተገኘ ገቢ ያላስገኘ ወጪ ቢሆንም በወጪ ተቀናሽ ሊፈቀድለት ይችላል፡፡

7. ግለሰብ የንግድ ስራ ባለሀብት ከመደበኛ የሥራ ቦታው ከ25 ኪሎ ሜትር በላይ በመሄድ የንግድ ስራውን ለማከናወን በሚያደርገው እንቅስቃሴ ለሚያወጣቸው ወጪዎች ለምግብ እና ለመኝታ ለአንድ ቀን እስከ 1000ብር፣ ለትራንስፖርት  ያወጣው ወጪ በስራ ላይ ባለው የአየር፣ የውሃ እና የየብስ ትራንስፖርት አገልግሎት ዋጋ መሰረት በማስረጃ ተረጋግጦ የወጪ ተቀናሽ የሚፈቀድለት ሆኖ ከዚህ መጠን በላይ የሚያወጣው ወጪ በተቀናሽ ወጪ አይያዝም፡፡

8. ለግብር ከፋዩ ሠራተኛ የሚከፈል ያኃላፊነት አበል ወይም የውክልና አበል ተቀናሽ ሊሆን የሚችለው የንግድ ስራውን የማስተዋወቅ እና የማሳደግ ሥራ ላይ በሃላፊነት ለሚሰራ ሰራተኛ ወይም የስራ መሪ የተከፈለ ሲሆን ነው፡፡

9. በኢትዮጲያ ነዋሪ ያልሆነ ድርጅት በኢትዮጵያ ውስጥ ላለው በቋሚነት ለሚሰራ ድርጅቱ ጥቅም ያደረገውን ትክክለኛ ወጪ ለመተካት በኢትዮጵያ ውስጥ በቋሚነት የሚሰራው ድርጅት የሚፈጽመው ክፍያ ተቀናሽ የሚደረገው ወጪው የንግድ ስራ ገቢ ለማግኘት፣ ለንግዱ ስራ ዋስትና ለመስጠት ወይም የንግድ ሥራውን ለማስቀጠል የተደረገ እና በቋሚነት በሚሰራው ድርጅት ሊሰራ የማይችል ከሆነ ብቻ ነው፡፡
10. የጥቃቅንና አነስተኛ ድርጅት በሥራ ላይ ላሠማራው አባሉ የሚከፍለው ደሞዝ እንደ ወጪ ተቀናሽ ይፈቀድለታል፡፡
11. በዲዛይን ለውጥ ምክንያት ህንጻ ፈርሶ ሲገነባ የፈረሰው ህንፃ የመዝገብ ዋጋ በወጪ ተቀናሽ ይያዛል፡፡

12. የተሽከርካሪ ጎማ የሚሰጠው አገልግሎት ከአንድ አመት ያነሰ እንደሆነ እንደ አላቂ ዕቃ ተቆጥሮ ወጪ የሚያዝ ይሆናል፡፡

የወለድ ወጪ

1. የወለድ ወጪ ሊፈቀድ የሚችለው በብድሩ የተገኘው ገንዘብ ለንግድ ሥራ እንቅስቃሴ መዋሉ ሲረጋገጥ ነው፡፡ ሆኖም የፋይናንስ ተቋማትን ሳይጨምር አንድ ግብር ከፋይ ለተወሰነ የሥራ እንቅስቀሴ የወሰደውን ብድር ለሌላ ዓላማ የሚያውል ወይም ይህንኑ ብድር ለሌላ ተግባር በብድር የሰጠ ከሆነ፣ የሚፈቀድለት ተቀናሽ የወለድ ወጪ ለሌላ ያበደረው ወይም ለሌላ ዓላማ ያዋለው ተቀንሶ ለንግድ ስራው እንቅስቃሴ በዋለው ብድር መጠን ብቻ ይሆናል፡፡

2. አንድ ግብር ከፋይ በዱቤ ለሚገዛው ዕቃ ወይም አገልግሎት ዋጋውን እስኪከፍል ድረስ ወለድ እንደሚከፈልበት ውል የገባ እንደሆነ ለከፈለው የወለድ መጠን በአዋጁ እና በደንቡ መሰረት የወጪ ተቀናሽ ይፈቀድለታል፡፡

3. ግብር ከፋይ ህንጻ ለመገንባት ብድር የወሰደ እንደሆነ፣ ህንጻው እሰኪጠናቀቅ ድረስ የተከፈለው ወለድ በእርጅና ተቀናሽ የሚካተት ሆኖ ህንጻው ተገንብቶ ከተጠናቀቀ በኋላ የተከፈለው ወለድ በወጪ ተቀናሽ የሚፈቀድ ይሆናል፡፡

በምርት ዘግጅትና አቅርቦት ሂደት የሚያጋጥምን ብክነት እንደ ወጪ ስልመያዝ

1. በምርት ዝግጅትና አቅርቦት ሂደት(በብጣሪ፣ በትነት፣ በማቅለጥ፣ በሽርፍራፊ፣ በቆይታ ጊዜ ወዘተ) የሚባክን ምርት የዕቃ መጠን በሚመለከተው የመንግስት አካል በቀረበ ጥናት መሰረት እንደ ወጪ ሊያዝ ይችላል፡፡

2. የተሟላ ጥናት ማግኘት ካልተቻለ ባለስልጣኑ ከግል ተቋማት፣ ከግብር ከፋዮች፣ አግባብነት ያለው አካል ወይም ባለስልጣኑ በሚያደርገው ጥናት መሰረት ውጪ የሚያዝበትን መጠን ሊወሰን ይቻላል፡፡

3. ለእያንዳንዱ ምርት መረጃ ሊሰጥ የሚገባውን አግባብነት ያለውን አካል ባለስልጣኑ ይወስናል፡፡

ተቀናሽ የሚደረግ የመዝናኛ ወጪ

1. የማዕድን ማውጣት እና ፍለጋ፣ የማኑፋክቸሪንግ እና የግብርናና የሆርቲ ካልቸር ስራ ላይ የተሠማራ ቀጣሪ ለተቀጣሪው በነፃ የሚያቀርበው ምግብ እና መጠጥ ዋጋ በዚህ መመሪያ መሰረት በወጪ የሚያዘው በአንድ ወር የሚያወጣው ወጪ በወሩ ለተቀጣሪዎቹ ካወጣው አጠቃላይ የደሞዝ ወጪ ከ30% ባልበለጠ መጠን ብቻ ነው፡፡

2. በሆቴሎች፣ በሬስቶራንቶች ወይም በሌሎች የምግብ አገልግሎት በሚያቀርቡ ተቋማት ውስጥ ለተሰማሩ ሰራተኞች ቀጣሪዎች የሚያቀርቡት የምግብ እና መጠጥ ወጪ ተቀናሽ የሚያደርገው በአንድ ወር የወጣው ወጪ በወሩ ለተቀጣሪዎቹ ከወጣው አጠቃላይ የደሞዝ ወጪ 20% ባልበለጠ መጠን ብቻ ነው፡፡

3. የሚፈቀደው የመጠጥ ተቀናሽ ወጪ ምንም የአልኮል ይዘት የሌለው መጠጥ ነው፡፡

4. ከላይ የተገለፁት ተቋማት የምግብ አገልግሎት የሚያቀርቡት በራሳቸው አዘጋጅተው  ከሆነ ከምግብ ዝግጅት ጋር በተያያዘ የተደረጉት የግብዓት ወጪዎች በወጪ ተቀባይነት አግኝተው ግብር ከሚከፈልበት ገቢ ላይ ተቀናሽ ሊደረግ የሚችለው ከድርጅቱ በሚቀርብ ህጋዊ ደረሰኝ/የግዢ ማስረጃ መሰረት ይሆናል፡፡

5. ከላይ የተገለጹት ተቋማት የምግብ አገልግሎት የሚያቀርቡት በ3ኛ ወገን አማካኝት ከሆነ ወጪው ተቀባይነት የሚኖረው ስለአቅርቦቱ ከአቅራቢው ጋር የተደረገ ውል፣ አገልግሎቱ ስለመገኘቱ ከድርጅቱ በሚቀርብ ማረጋገጫ እና ለአቅራቢው ገንዘቡ ስለመከፈሉ በሚቀርብ ህጋዊ ደረሰኝ መሰረት ይሆናል፡፡

6. በማዕድን ማውጣት፣ በማኑፋክቸሪንግ እና በግብርና እና በሆርቲካልቸር ስራ የተሠማራ ቀጣሪ ከከተማ ርቆ በሚገኝ ቦታ ለተመደበው ተቀጣሪው በነፃ ለሚያቀርበው የማረፊያ ቤት አገልግሎት ያወጣው ወጪ ተቀናሽ ይፈቀድለታል፡፡

7. "ከከተማ ርቆ የሚገኝ ቦታ" ማለት ቢያስ ሃያ ሺህ ነዋሪ ካለው የከተማ ወሰን ሰላሳ ኪሎ ሜትር ርቆ የሚገኝ ሥፍራ ነው፡፡ www.hanitube.com
YouTube..🌟..https://youtube.com/@hanitubeaccounting?si=6prlZI8Q5qz1DCEp

https://youtube.com/live/VsE8tMJuEFY?feature=share

ፈቃድ ሳይኖረው በህገ-ወጥ መንገድ ከመርካቶ ዕቃ በማሸሽ መኖሪያ ቤቱ ውስጥ ሲያከማች የነበረ ግለሰብ ላይ ርምጃ ተወሰደ

AMN - ታህሳስ 1/2017 ዓ.ም

የኮልፌ ቀራንዮ ክፍለከተማ የኑሮ ማረጋጋት እና የህገ-ወጥ ንግድ ቁጥጥር ግብረ ሀይል ባደረገው ድንገተኛ ፍተሻና ኦፕሬሽን ፈቃድ ሳይኖረው በህገ-ወጥ መንገድ ከመርካቶ ዕቃ በማሸሽ መኖሪያ ቤቱ ውስጥ እንደ መጋዘንና ስቶር አድርጎ ሲያከማች የነበረ ህገወጥ ነጋዴ ላይ ህጋዊና አስተዳደራዊ ርምጃ ተወስዷል፡፡

የክፍለከተማው የወረዳ 07 ዋና ስራ አስፈጻሚ አቶ ለማ ቱሉ፣ በህገ-ወጥ ተግባራት ላይ የተሰማሩ ነጋዴዎችም ሆነ ተባባሪ አካላት ላይ የሚወሰደው ህጋዊና አስተዳደራዊ ርምጃ ተጠናክሮ እንደሚቀጥል መናገራቸውን ከአዲስ አበባ ሰላምና ጸጥታ አስተዳደር ቢሮ ያገኘነው መረጃ ያመላክታል፡፡
ተጨማሪ ....

https://youtube.com/live/uARAG7WL5_8?feature=share

ኃላፊነቱ የተወሰነ የግል ማህበር (PLC) እና የአክሲዮን ማህበር (SC) ተመሳሳይነትና ልዩነት

በኢትዮጵያ ንግድ ህግ ዉስጥ ካሉት የንግድ ማህበራት መካከል ኃላፊነቱ የተወሰነ የግል ማህበር (PLC) እና የአክሲዮን ማህበር (SC) ይገኙበታል ።
ሁለቱም ማህበራት አክሲዮን ያላቸዉ ወይም ካምፓኒዎች ሲሆኑ ተመሳሳይነትና ልዩነት አላቸዉ።

ተመሳሳይነታቸዉ
• ህጋዊ ሰዉነት ያላቸዉ መሆኑ ፣
• የራሳቸዉ ንብረት ያላቸዉ መሆኑ፣
• የራሳቸዉን ትርፍና ኪሳራ ተጠያቂነት ያለባቸዉ መሆኑ፣
• ሁለቱም ትንሹ የአባላት ብዛትና የመነሻ ካፒታል ያላቸዉ መሆኑ፣
• ሁለቱም በቦርድና በማናጀር መመራት የሚችሉ መሆኑ ነገር ግን ለ PLC አሰገዳጅ አለመሆኑ፣
• የሁለቱም ተጠያቂ በተዋጣዉ የገንዘብ መጠን (አክሲዮን ) መሆኑ ፣
• ሁለቱም የሙያ መዋጮን የማይቀበሉ መሆኑ
• በሁለቱም ካፒታል ማሳደግና መቀነስ የሚቻል መሆኑ ፣
• በሁለቱም አክሲዮኖች በመያዣ /በዋስትና / መያዝ ሚችሉ መሆኑ።

ልዩነታቸዉ
አንድ ኃላፊነቱ የተወሰነ የግል ማህበር / PLC/ private Limited Company/ ለማቋቋም የአባላት ብዛት ከሁለት ማነስ የማይችሉ መሆኑ እንዲሁም ከሀምሳ መብለጥ እንደማይችሉ በንግድ ህጉ ተገልጿል። የአክሲዮን ማህበርን (share company ) በተመለከተ ለማቋቋም ከ5 አባላት ማነስ የማይችል ሲሆን ብዛት ግን ገደብ የሌለዉ መሆኑን በንግድ ህጉ ላይ ይገኛል።
• ኃላፊነቱ የተወሰነ የግል ማህበር መነሻ ካፒታል 15000 ሺህ ብርና ከዚያ በላይ ሲሆን የአንድ አክሲዮን ዋጋም በኢትዮጵያ ብር አንድ በመቶ ማነስ አይችልም
• አክሲዮን ማህበር መነሻ ካፒታል 50000 ሺህ እና ከዚያ በላይ ሲሆን የአንድ አክሲዮን ዋጋ ከአንድ መቶ ብር በታች መሆን አይችልም
• ኃላፊነቱ የተወሰነ የግል ማህበር ካፒታሉ ሙሉ በሙሉ አስቀድሞ የተከፈለ ሲሆን የአክሲዮን ማህበር ግን ሙሉ በሙሉ አስቀድሞ የሚከፈል አይደለም ነገር ግን ከተፈረሙ አክሲዮኖች ቢያንስ 1/4 (25%) መከፈል አለበት የቀረዉ በሂደት የሚከፈል ይሆናል።

• ኃላፊነቱ የተወሰነ የግል ማህበር የአክሲዮኖች ሽያጭ ለህዝብ ክፍት የሚደርግ አይደለም  ነገር ግን አክሲዮን ማህበር ለህዝብ ክፍት የሚደረግ ነዉ
• ኃላፊነቱ የተወሰነ የግል ማህበር (PLC) ላይ አክሲዮን ማህበር ዉስጥ ያለ ሰዉ አክሲዮኑን ለሶስተኛ ሰዉ ማስተላለፍ አይችልም ምክንያቱም መተዳደሪያ ደንቡ ላይ አባላት ይህን እስካልፈቀዱ ድረስ በህጉ መሰረት sale freely transferable አይደለም።

ነገር ግን አክሲዮን ማህበር ላይ አክሲዮን ማስተላለፍን በተመለከተ አክሲዮን የገዛ ሰዉ አክሲየኑን ለሌላ አባል ላልሆነ ሰዉ በቀላሉ ማስተላለፍ ይችላል ። ስለዚህ አክሲዮን ማስተላለፍ ከተፈለገ በቀላሉ የአክሲዮን ማህበርን መምረጥ ያስፈልጋል ማለት ነዉ።
• አስተዳደራዊ አካል (ቦርድ) ን በተመለከተ አክሲዮን ማህበራት ሁሉ ከ3-12 ሰዉ የሚይዝ ቦርድ ኦፍ ዳይሬክተር ሲቋቋም ኃላፊነቱ የተወሰነ የግል ማህበር (plc) ዉስጥ የቦርድ መዋቅር ግዴታ አይደለም።


🔥እኔን ለማግኘት ከፈለጋችሁ
t.me/youhanii

🔥ቴሌግራም ቻናል ለመቀላቀል
👇
t.me/hanitube

🔥ዌብሳይት
👇
www.hanitube.com

🔥YouTube👇
https://youtube.com/@hanitubeaccounting?si=6prlZI8Q5qz1DCEp

ማንኛውም አካውንቲንግ ትምህርቶች እና ስለኢትዮጵያ ታክስ ህጎችን በተመለከተ መማር ከፈለጋችሁ


🔥እኔን ለማግኘት ከፈለጋችሁ
t.me/youhanii

🔥ቴሌግራም ቻናል ለመቀላቀል
👇
t.me/hanitube

🔥ዌብሳይት
👇
www.hanitube.com

🔥YouTube👇
https://youtube.com/@hanitubeaccounting?si=6prlZI8Q5qz1DCEp

#የተጨማሪ_እሴት_ታክስ_አዋጅ #hanitube #አዲስአበባገቢዎች #tax

የሽያጭ መመዝገቢያ መሣሪያ የአድራሻ ለውጥ ለማድረግ መሟላት ያለበት ቅድመ ሁኔታ


1-አዲስ የንግድ አድራሻ የተቀየረ የንግድ ምዝገባ እና የንግድ ፈቃድ፣

2-ለታክስ ባለ ስልጣኑ የአድራሻ ለውጥን ማሳወቅ ፣

3-የአድራሻ ለውጥ ለማድረግ የሚያስችል ከግብር ከፋዪ የታክስ ማዕከል የተጻፈ

      የአድራሻ ለውጥ ደብዳቤ ለአቅራቢው መውሰድ፣

4-የተጨማሪ እሴት ታክስ ካላቸው ማቅረብ አለባቸው፡፡

@Ethiopiatax
#hanitube #የተጨማሪ_እሴት_ታክስ_አዋጅ #ገቢዎች
#ታክስ

#tax #hanitube #አዲስአበባገቢዎች የተጨማሪ እሴት ታክስ
#ቫት_Vat

ለበለጠ መረጃ
ዌብሳይት www.hanitube.com
YouTube..🌟..https://youtube.com/@hanitubeaccounting?si=6prlZI8Q5qz1DCEp
ቴሌግራም ቻናል🌟http://t.me/hanitube

የካፒታል ጌን ጥቅም #capitalgaintax በሚከናወንበት ወቅት inflation index መመልለት የግድ ነው።ይህን በተመለከተ ከዚህ ቀደም የሰራሁት ቪዲዮ ታች ባለቀ ሊንክ ይመልከቱ
✅የ capital gain tax አሰራር👉https://youtu.be/PqV5xI1q8oQ?si=dQrUGzzn0UT-YKt3


#capital #ካፒታል #EthiopiaTaxlaw #አዲስአበባገቢዎች #tax #ለታክስ #taxlaw

በከተማችን ከደረሰኝ ውጪ ግብይቶች እንዳይፈፀም የተጀመሩ ቁጥጥሮች ተጠናክፈው እንደሚቀጥሉ ከአስመጪዎች፣ ከአምራችና አከፋፋዮች ጋር በተካሄደ የውይይት መድረክ ተገለፀ።

ህዳር 10 / 2017 ዓ. ም : አዲስ አበባ ገቢዎች ቢሮ

በዛሬው ዕለት የአዲስ አበባ ከተማ አስተዳደር ገቢዎች ቢሮ በደረሰኝ ግብይት ዙሪያ በመርካቶ ከሚገኙ አምራቾች፣ አከፋፋይዮችና አስመጪዎች ውይይት አካሄደዋል ።
አዲስ ያቀረቡ ሲሆን ከተሳታፊዎች የተለያዩ አስተያየቶችና ጥያቄዎች አስተው ከሚመለከታቸው ኃላፊዎች ምላሽ ተሰጥቷቸዋል
ሙሉ መረጃውን ከአዲስ አበባ ገቢዎች ቢሮ የፌስቡክ ገጽ ቀጥሎ ባለው ሊንክ ላይ ያገኙታል...https://www.facebook.com/100069067094802/posts/pfbid02k4mauMq4fPexovyzDdAp42c5CPBnKTZMb6QgmsRq6TPtq3W8pF9oCJwk3iGsA9aXl/?app=fbl

#የግብርዜና #የተጨማሪ_እሴት_ታክስ_አዋጅ #AddisAbaba #EthiopiaTaxlaw #አዲስአበባገቢዎች #ገቢዎች #በመርካቶ #ጉምሩክ #Hanitube #Ethiopiatax

የእርጅና ተቀናሽ

በግብር ዓመቱ በሙሉ ጥቅም ላይ ያልዋለ ዋጋው የሚቀንስ ሀብት

አንድ ወጋው የሚቀንስ ሀብት በግብር ዓመቱ ከፊል ለሆነው የዓመቱ ጊዜ ብቻ በጥቅም ላይ የዋለ እንደሆነ የሚፈቀደው የእርጅና ተቀናሽ ወጪ ከጠቅላላ የዓመቱ የእርጅና ቅናሽ ሂሳብ ላይ ጥቅም ላይ ያልዋለበት የዓመቱ ከፊል ጊዜ ተመጣጣኝ በሆነ መቶኛ ከተቀነሰ በኋላ ያለው ተቀናሽ ወጪ ብቻ ነው፡፡

ለንግድ ስራ በጥቅም ላይ የዋለው የህንፃ ክፍል

1. በግብር ከፋይ የተገነባ ህንፃ የእርጅና ቅናሽ መታሰብ የሚጀምረው ሀብቱ የንግድ ስራ ገቢውን ለማስገኘት ለአገልግሎቱ ዝግጁ ከሆነበትና አገልግሎት መስጠት ከጀመረበት ቀን አንስቶ ሲሆን ተቆጣጣሪው ባለስልጣን ለግብር ከፋዩ የህንፃ ግንባታው ስለመጠናቀቁ የሚያረጋግጥ የምስክር ወረቀት ከሰጠበት ጊዜ በፊት ሊሆን አይችልም፡፡

2. ለእርጅና ተቀናሽ አያያዝ ከጠቅላላው የህንጻ ስፋትና ዋጋ ለንግድ ስራው ጥቅም ላይ የዋለው የህንጻው መጠን ዋጋ ተለይቶ ካልቀረበ በወለሉ ስፋት መቶኛ በማስላት ዋጋው ተለይቶ መቅረብ አለበት፡፡

3. ከላይ በተጠቀሰው መሰረት ግብር ከፋዩ ለይቶ ካላቀረበ ከጠቅላላ የህንጻው ዋጋ ለንግድ ስራው የዋለውን የህንጻው ስፋት መጠን በማስላት ባለስልጣኑ በራሱ ወስኖ ተቀናሽ ያደርጋል፡፡

4. ጥቅም ላይ የዋለ የህንጻ ክፍል ማለት የህንጻው ክፍል ለሌላ ዓላማ እስካልዋለ ድረስ ግብር ከፋዩ ህንጻውን ለኪራይ አገልግሎት ዝግጁ ያደረገ ከሆነ ህንጻው ባይከራይም ለኪራይ አገልግሎት ጥቅም ላይ እንደዋለ ተቆጥሮ ከቤት ኪራይ በተገኘ ገቢ ላይ ግብር በሚሰላበት ጊዜ እንደወጪ ተቀናሽ ሊያዝለት ይገባል፡፡

5. በዚህ አንቀጽ 2 እና 3 የተደነገገው ድንጋጌ ለኪራይ ገቢ ግብርም በተመሳሳይ ተፈጻሚ ይሆና፡፡

6. የዚህ አንቀጽ 4 ድንጋጌ ለሌሎች ዋጋቸው የሚቀንስ እና ግዙፋዊ ሀለዎት ለሌላቸው ሀብቶች እንደ አግባብነቱ ተፈጻሚ ይደረጋል፡፡

ለእርጅና ቅናሽ መሠረት የሆነ ዋጋ ካልቀረበ በገበያ ዋጋ ስለመወሰን

1. የአንድ ዋጋው የሚቀንስ ሀብት የእርጅና ቅናሽ ለማስላት መሠረት የሆነው የተሰራበት ወይም የተገዛበት ዋጋ የሚገልጽ ሰነድ ታክስ ከፋዩ ማቅረብ ያልቻለ እንደሆነ ባለስልጣኑ በታክስ አስተዳደር አዋጅ መሰረት በሚወሰነው የተሰራበት ወይም የተገዛበት የገበያ ዋጋ 70 በመቶ የእርጅና ተቀናሽ የፈቀድለታል፡፡
2. ሀብቱ የተገዛበት ወይም የተሰራበት ዋጋ የተጨማሪ እሴት ታክስ የግብአት ታክስ የተካካሰለት ከሆነ የተካካሰው መጠን በሚፈቅድለት የእርጅና ተቀናሽ ዋጋ ውስጥ አይካተትም፡፡
የእርጅና ቅናሽ የሚፈቀድበት ሁኔታ
1. ስለ እርጅና የሚደረገውን ቅናሽ ለመወሰን የሚከተሉት ቅድመ ሁኔታዎች ሊሟሉ ይገባል፣

ሀ. የእርጅና ቅናሽ ጊዜያቸውን ያልጨረሱ ንብረቶች ሽያጭ የተከናወነው ግንኙነት ባላቸው ሰዎች መካከል ከሆነና የተላለፈበት ዋጋ ከተጣራ የመዝገብ ዋጋው የሚበልጥ ከሆነ የእርጅና ቅናሽ ለማስላት መሰረት የሚሆነው የተጣራ የመዝገብ ዋጋው ነው፡፡

ለ. በታክስ ከፋዩ ስም ላልተመዘገቡ ሀብቶች የእርጅና ተቅናሽ ወጪ አይፈቀድም፡፡

ሐ. በባል ወይም በሚስት ስም የተመዘገበ ህንጻ ለግለሰብ ንግድ ስራ የዋለ እንደሆነ የእርጅና ተቀናሽ ሊፈቀድ የሚችለው ህንጻው ለንግድ ስራው አገልግሎት እንዲውል፣ የእርጅና ተቀናሽ እንዲጠየቅበትና ህንጻው ሲሸጥ ተገቢውን ግብር እና ታክስ እንዲከፈልበት የባልና የሚስት የስምምነት ሰነድ ሲቀርብ ነው፡፡

2. ለቀጥተኛ የእርጅና ተቀናሽ የግብር ከፋዩ ዋጋው የሚቀንስ ሀብት ወይም ግዙፋዊ ሀለዎት የሌለው የንግድ ስራ ሀብት ቀሪ ዋጋ ከብር 2000 የሚበልጥ ከሆነ የእርጅና ተቀናሽ ይፈቀድለታል፡፡

3. ማንኛውም የንግድ ስራ ሀብት የተናጠል ዋጋ ከብር 2000 በታች ከሆነ በአንድ ጊዜ በወጪነት መያዝ አለበት፡፡

4. በዓይነት የሚደረግ የካፒታል ሀብት መዋጮ እና በውርስ ለሚተላለፍ ሀብት የእርጅና ቅናሽ መሰረት በሚተላለፍበት ጊዜ የነበረው የተጣራ የመዝገብ ዋጋ ነው፡፡

ዋጋው እየቀነሰ የሚሄድ የእርጅና ቅናሽ ዘዴ አቀናነስ

1. ዋጋው እየቀነሰ የሚሄድ የእርጅና መጠን የሚሰላው በግብር ዓመቱ መጀመሪያ በነበረው የተጣራ የመዝገብ ዋጋ ላይ የእርጅና ተቀናሽ መጣኔውን በማስላት ይሆናል፡፡

2. “በግብር ዓመቱ መጀመሪያ የነበረው የተጣራ የመዝገብ ዋጋ” ማለት ከመጀመሪያው የመዝገብ ዋጋ በየጊዜው የተቀነሱ የእርጅና ተቀናሾች ከተቀነሱ በኋላ የሚገኝ ዋጋ ነው፡፡

ሀብትን ማስተላለፍ እና በባለቤትነት መያዝ

ለእርጅና ቅናሽ እና የካፒታል ሀብት በማስተላለፍ በሚገኝ ጥቅም ላይ ለሚከፈል ግብር ዓላማ ምዝገባ የሚፈፀምበት ሀብት በሽያጭ፣ በልውውጥ ወይም በስጦታ ሲተላለፍ አስተላላፊው ሀብቱን እንዳስተላላፈ የሚቆጠረው እና የተላለፈለት ሰው ሀብቱን በባለቤትነት እንደያዘ የሚቆጠረው የሽያጭ፣ የልውውጥ ወይም የስጦታ ውሉ፣ ውል ለመዋዋል ስልጣን በተሰጠው አካል ዘንድ ከተመዘገበበት ቀን ጀምሮ ሆኖ የእርጅና ተቀናሽ ሊጠየቅ የሚችለው ሀብቱ የተመዘገበ መሆኑ ሲረጋገጥ ነው፡፡
ይህን ያውቁ ኖሯል?👆🏾

#tax #hanitube #አዲስአበባገቢዎች የተጨማሪ እሴት ታክስ
#ቫት_Vat

ለበለጠ መረጃ
ዌብሳይት www.hanitube.com
YouTube..🌟..https://youtube.com/@hanitubeaccounting?si=6prlZI8Q5qz1DCEp
ቴሌግራም ቻናል🌟http://t.me/hanitube

ቅድመ ታክስ /With Holding Tax/

የፈደራል ገቢ ግብር አዋጅ ቁጥር 979/2008፤የፈደራል ታክስ አስተዳደር ቁጥር 983/2008፤ በመመሪያ ቁጥር 2/2011 መሰረት :-

ቅድመ ታክስ ማለት አንድ አገልግሎት ወይም የዕቃ ግዢ በሚከናወንበት ግዜ ገዢዉ ለአገልግሎት ወይም ለዕቃ ከሚከፍለዉ ክፍያ ላይ ግብር ቀንሶ ለመንግስት የሚያሳዉቀዉ የግብር አይነት ነዉ ፡፡

አላማ፡-መንግስት ቅድመ ግብርን በበጀት አመቱ መጨረሻ ከሚሰበስብ ይልቅ  ገቢ በተገኘበት ወቅት ሰብስቦ ልማትን ለማፋጠን አመቺ ነዉ ከሚል አንጻር  የመጣ ነዉ፡፡

ምጣኔው...

አንደኛ:-ለንግድ ለሚዉሉ ዕቃዎችን ወደ አገር ስያስገቡ የእቃዎቹ የጉምሩክ ዋጋ ፤ የመጓጓዣ ዋጋ (CIF) መሰረት በማድረግ 3%የንግድ ስራ ገቢ ግብር በቅድሚያ ለባለስልጣኑ ይከፍላል ፡፡

ሁለተኛ:-በሀገር ዉሰጥ ከሚፈፀሙ ክፍያዎች ላይ ግብር ቀንሶ የማስቀረት ግደታ የተጣለባቸዉ ድርጅቶች (ሰዎች)፤

✅በአንድ የዕቃ ግዥ ከ10,000 በላይ ለሆነ የዕቃ አቅርቦት ለሚፈፀም ክፍያ እና
✅በአንድ በአገልግሎት ዉል ከ3,000 በላይ ለሚፈፀም ከፍያ 2% ግብር ቀንሰዉ የማስቀረት ግዴታ አለባቸዉ ፡፡

በመጨረሻ

✍️ግብር ተቀናሽ የሚደረግበት ዕቃ ወይም አገልግሎት አቅራቢ የግብር ከፋይ መለያ ቁጥሩን እና የፀና የንግድ የስራ ፈቃዱን ግብር ቀንሰዉ ለሚያስቀረዉ ገዢ ልያቀርብ ካልቻለ ገዢዉ ለአቅራቢዉ ከሚፈጽመዉ ጠቅላላ ክፍያ ላይ 30% ግብር ተቀናሸ ማድረግ አለበት ፡፡
✅✅✅✅✅✅✅✅✅✅✅✅
ለበለጠ ስለ ግብር ለመማር ከ 78,600 በላይ ተከታይ ያለውን የ You Tube ቻናል ማለትም  Hani Tube ይቀላቀሉ

አካውንቲንግ ትምህርት እና የኢትዮጵያ ታክስ አሰራር እና አዋጆችን ለመማር :-
📣You tube:- https://www.youtube.com/@Ethiopiatax
📣ዌብሳይት:Www.hanitube.com
📣https://t.me/hanitube   ቴሌግራም ቻናል

#Withholdingtax #ታክስ #ንግድ #ገቢዎች #አዲስአበባገቢዎች #በመርካቶ #ethiotax #EthiopiaTaxlaw #የተጨማሪ_እሴት_ታክስ_አዋጅ #የቴምብር_ቀረጥ_አዋጅ #AddisAbaba

የታክስ ደረሰኝ አጠቃቀም እና አስተዳደር መመሪያ ማሻሻያ ቁጥር 188/2017

በእያንዳንዱ ደረሰኝ ላይ ልዩ QR ኮድ (unique QR code) ማካተት ግዴታ መሆኑን እንዲሁም ከዚህ ቀደም ታትሞ በእጃቹ የነበረ ደረሰኞች ይህ መመሪያ ከተሻሻለበት እስከ 3 ወር ብቻ እነደሚያገለግል ይገልጻል ።

#ደረሰኝ_Receipt_Invoice #book_keeping

@hanitube
#ገቢዎች #ታክስ #ንግድ #መመሪያ

#በመርካቶ ሸራ ተራ አካባቢ በገቢዎች ቢሮ ሰራተኛ ስም ሲያጭበረብር የነበረ ግለሰብ በህብረተሰቡ ጥቆማ በቁጥጥር ስር መዋሉ ተገለፀ ።

ህዳር 4/ 2017 ዓ.ም : አዲስ አበባ ገቢዎች ቢሮ

በዛሬው ዕለት የአዲስ አበባ ከተማ አስተዳደር ገቢዎች ቢሮ ከአዲስ አበባ ፓሊስ ኮሚሽን ጋር ባካሄደው ቅንጅታዊ ክትትል የቢሮ ሰራተኛ በመምሰል ነጋዴዎችን ሲያጭበረብር የነበረውን ግለሰብ በቁጥጥር ስር መዋሉ ተገለፀ ።

ቢሮው ከህዳር 1/2017 ዓ.ም ጀምሮ ከፌደራል የሚመለከታቸው ባለድርሻ አካላት ጋር በመቀናጀት ያለደረሰኝ ሽያጭ ላይ ቁጥጥር መጀመሩ ይታወቃል ።

ይህን መነሻ በማድረግ በህግ ቁጥጥር ስር የዋለው ተጠርጣሪ ግለሰብ በመርካቶ ገበያ በአንድ ግለሰብ ሱቅ ውስጥ በመግባት የዕቃዎች ደረሰኝ ሲጠይቅና ሲያጭበረብር በደረሰ ጥቆማ መሠረት ለማምለጥ ቢሞክርም በፓሊስ ቁጥጥር ስር ሊውል ችሏል ።

ቢሮው የንግዱ ማህበረሰብ ማንኛውም በግል ወይም በቡድን የሚንቀሳቀሱ አጭበርባሪዎች ወደ ንግድ ስፍራቸው ሲመጡ የቢሮ ሰራተኛ መሆናቸውን መታወቂያና መለያ ባጅ በመጠየቅ ሊያረጋግጥ እንደሚገባ ተጠቁሟል ።

ከዚህም በተጨማሪ አጠራጣሪ ድርጊቶች ሲያጋጥሙት በነፃ የስልክ መስመር 7075 በመጠቀም እንዲጠቁም ጥሪ ተላልፏል ።
ምንጭ -ከአዲስ አበባ ገቢዎች ፌስቡክ ገጽ
#አዲስአበባገቢዎች #ንግድ #ገቢዎች #ታክስ

https://youtu.be/i1RDWGtZQJk?si=02qlrEOz_pmSjGQq

#AddisAbaba

" ያለደረሰኝ አትሽጡ አልን እንጂ እቃ እንወርሳለን ያለ አካል የለም " -የአዲስ አበባ ገቢዎች ቢሮ

የአዲስ አበባ ገቢዎች ቢሮ " በከተማዋ በርካታ ነጋዴዎች በግብር ከፋይነት ተመዝግበው ደረሰኝ የማይሰጡ በመሆናቸው እና ችግሩም በጣም እየሰፋ በመሆኑ ወጥነት ባለው መንገድ ህጉን እንዲያከብሩ እና ወደስርዓት እንዲገቡ ለማድረግ እየሰራው ነው " ሲል ገልጿል።

ቢሮው የታክስ ኢንተለጀንስ እና ምርመራ ዳይሬክተር አቶ ተስፋዬ ነጋሽ የቁጥጥር ስራው ከዚህ ቀደምም የነበረ ቢሆንም በዘመቻ መልክ ከመስከረም አጋማሽ ጀምሮ በሁሉም ክፍለ ከተሞች ቁጥጥር እየተደረገ መሆኑን ለቲክቫህ ኢትዮጵያ ተናግረዋል።

ዘመቻ ሲባል ፦
- ወደ ቫት ስርዓት ውስጥ ያልገቡትን ማስገባት ፣
- ፈቃድ የሌላቸው ፈቃድ እንዲያወጡ ማድረግ፣
- ደረጃቸው ደረሰኝ መስጠት የሚገባቸው ሆኖ ሳለ የማይሰጡትን ደረሰኝ አስፈቅደው እና አሳትመው መጠቀም እንዲጀምሩ ማስቻልን ያካትታል።

የቁጥጥር ስራው በተለይም በገበያ ሞሎች ላይ በልዩ ትኩረት እየተሰራ እንደሆነ ታውቋል።

ከዚህ ጋር በተያያዘም አንዳንድ ነጋዴዎች እየተደረገ ያለው እንቅስቃሴ " ንብረት ለመውረስ እና ሱቆችንም ለመዝጋት ነው " በሚል ሱቃቸውን ዘግተዋል ንብረትም ወደ ሌላ ቦታ አዙረዋል።

ቃላቸውን ለቲክቫህ ኢትዮጵያ የሰጡ አንድ በመርካቶ አካባቢ የሚሰሩ ነጋዴዎሽ  " ከምንም በፊት ያሉትን ችግሮች ማወቅ ይገባል። ቸርቻሪውን ማነጋገር ያስፈልጋል። ችግሮቹን ለመቅረፍ መሰራት አለበት። " ብለዋል።

" ነጋዴው ከአስመጪ እቃ ሲገዛ አስመጪው ከዋጋው በታች ደርሰኝ ይሰጣል አልያም ጭራሽ ላይሰጥም ይችላል ፤ ምንም  አይነት የግዢ ደረሰኝ ባላገኘበት ' ነጋዴው ሱቅ ውስጥ ያለዉን ንብረት እንወርሳለን ' ማለት ትክክል አይደለም " ሲሉ አክለዋል።

" መንግሥት ታች ያለው ነጋዴ ላይ ጣቱን ከመቀሰር አስመጪዎቹን ደረሰኝ እንዲሰጡ ማድረግ እና ቸርቻሪውን ማወያየት ያስፈልጋል " ብለዋል።

ከዚህ በተጨማሪ ደግሞ አንዳንድ የራሳቸው የገቢዎች ሰዎች ያልተገባ ጥቅም ለማግኘት ሲሉ ቸርቻሪዶችን ማስጨነቅ እንደሚቀናቸው ቃላቸውን የሰጡ አንዳንድ ነጋዴዎች ጠቁመዋል።

ያለ ደረሰኝ ግብይት በሚፈጸምበት ወቅት የገንዘብ ድርድር ሁሉ እንደሚያደርጉና ያሉ ችግሮች ስር የሰደዱ እንደሆኑ ገልጸዋል።

" ከምንም በላይ ያለ ደረሰኝ ግብይት እንዳይኖር ከላይ ጀምሮ መስራት እንደሚገባ ነጋዴው በደረሰኝ ከገዛ በደረሠኝ እንደሚሸጥ ከላይ ግን እጃቸው የረዘመ ሰዎች ስላሉ መቆጣጠር እንደሚያስፈልግ " አመልክተዋል።

ሁኔታዎችን በመጠቀም በህግ ሰበብ ከነጋዴው ገንዘብ የሚቀበሉና ሙስና የሚሰሩ ህገወጥ ተግባራትንም የሚያባብሱ በገቢዎች አካባቢ ያሉ ሰዎች እንዲታረሙ መሰራት እንዳለበት አክለዋል።

ሌላ አንድ በቲክቫህ ኢትዮጵያ የሃሳብ መለዋወጫ መድረክ ሃሳባቸውን ያካፈሉ ዜጋ ፥ አስመጪዎች እና አምራቾች ለጅምላ ነጋዴ እና ቸርቻሪ ያለደረሰኝ ስለሚሸጡ ያለደረሰኝ የተገዙ እቃዎች እንደሚኖሩ ገልጸዋል።

" ነጋዴዎች እቃዎቻቸው ሳይወዱ ደረሰኝ ስለሌላቸው እንዳንወረስ ብለው ወደ ሌላ ቦታ ያሸሻሉ ሱቅም ለመዝጋት ይገደዳሉ  " ብለዋል።

" ዋናው ስራ መጀመር ያለበት ከአስመጪዎች እና አምራች ኢንዱስትሪዎች መሆን አለበት ፤ እነሱን በሚገባ ከተቆጣጠሩ እና እርምጃ ከወሰዱ በኋላ በተዋረድ ጅምላ ነጋዴዎች እና ቸርቻሪዎችን መቆጣጠር ይገባል " ብለዋል።

" የችግሩ ምንጭ ከሆኑት አስመጭዎች እና አምራች ኢንዱስትሪዎች ጠበቅ ያለ እርምጃ መወሰድ አለበት " ሲሉ ሃሳባቸውን አካፍለዋል።

" በዛሬው ዕለት በመርካቶ አካባቢ ንብረት ሊወረስ ነው፤ ሱቃችን ሊዘጋ ነው " የሚል ውዥንብሮች በመፈጠራቸው አንዳንድ ነጋዴዎችን ግርታ ውስጥ መክተቱ ተናግሯል።

ስለ ጉዳዩ ቲክቫህ ኢትዮጵያ የአዲስ አበባ ገቢዎች ቢሮ የታክስ ኢንተለጀንስ እና ምርመራ ዳይሬክተር አቶ ተስፋዬ ነጋሽን አነጋግሯል።

ዳይሬክተሩ ምን መለሱ ?

➡️ " ጠዋት ሱቆች ሁሉ ተዘግተዋል " ተብሎ ተወርቶ በአካል ዞሬ አይቻለሁ የተወሰኑ ሱቆች የተለያዩ ቦታዎች ላይ የተዘጉ የሚመስሉ አሉ ነገር ግን መደበኛ ሥራ ቀጥሏል።

➡️ " በዚህ ደረጃ ተዘግቷል ለማለት እይቻልም ተዘጋ የሚባለው ምን ያህል ሱቅ ሲዘጋ ነው ? አንድ ቤት ሁለት ቤት ተዘግቶ ይሆናል ነገር ግን አብዛኛው እየሰራ ነው።

➡️ ህገ ወጥነትን ማስቀጠል የሚፈልግ አካል  አለ። ሆን ብሎ ' የሆነ ነገር ተሰርቷል፣ ሊሰራ ነው ' የሚል ውዥንብር መፍጠር የሚፈልግ አካል እንዳለ ነው የተረዳሁት።

➡️ ቁጥጥር ሊደረግ ነው በተለይ አስመጪ እና አከፋፋይ ላይ ሲባል ቸርቻሪ ላይ ስጋት የሚፈጥሩ አሉ፣ በትላንትናው ዕለትም የሚሸሹ ነጋዴዎች ገጥመውናል ያለፍቃድ ይነግዱ የነበሩ ናቸው ብንጠየቅ መልስ የለንም በሚል ስጋት ነው። ሱቃቸውን ቢዘጉም እነሱ ናቸው የሚሆኑት።

➡️ ተዘግቷል የሚለውንም እርግጠኛ መሆን ይፈልጋል በእርግጥ የተዘጋ ነው ወይስ ነጋዴው በsocial ችግር ሱቃቸውን ዘግተው ስለሌሉ ነው የሚል ጥርጣሬ የሚያጭር ስለሆነ የተዘጉ አይደሉም ወደሚል ድምዳሜ ነው የደረስነው።

➡️ ይርጋ ሃይሌ የገበያ ሞል ላይ ከ15 ቀን በፊት ኮንትሮባንድ ስለነበረ ጎምሩኮች በርብረዋል ደረሰኝ የሌለውን ወርሰዋል ደረሰኝ ያለውን ጥለው ወጥተዋል።

➡️ የገበያ ሞሉ ላይ እቃዎችን መለየት አስቸጋሪ ስለነበር እና ሰዎቹም ተባባሪ ስላልነበሩ ለጊዜው ታሽጎ ነበር። በአሁኑ ሰዓት ሀሉም ተከፍተዋል። የቀረ ካለ በንግድ ቢሮ በኩል ፈቃድ ያልነበረው በመሆኑ በተወሰደ እርምጃ ነው።

➡️ ታሽገው የነበሩ አብዛኛው ሱቆች ተከፍተዋል። እስካሁን ያልተከፈተ ካለ ፈቃድ ስላላወጣ ነው የሚሆነው በተረፈ እቃ የሚወረሰው ኮንትሮባንድ ሲሆን ብቻ ነው።

➡️ ሁሉም ሰው ደረሰኝ ስለማይሰጥ የሚመለከተው ብቻ ነው ደረሰኝ እንዲሰጡ የሚጠበቀው መስጠት የሚጠበቅባቸው ነጋዴዎች ደረሰኝ እየሰጡ ግብይታቸውን ይቀጥሉ።

➡️ " እቃችሁ እየተወረሰ ነው፣ ሊወረስብን ነው" የሚሉ አካላት እቃቸው ምን ስለሆነ ነው የሚወረሰው ? እንደዚህ የሚሉ አካላት ኮንትሮባንድ ስለሆነ ይመስላል።

➡️ ያለደረሰኝ አትግዙ ፣የሚሸጥላችሁን ጠቀሙ እኛ ደግሞ ያለደረሰኝ ግብይት የሚፈጽምን አካል እንቆጣጠራለን ብለናል የምንከታተላቸውም ለዛ ነው።

➡️ እቃ ለመውረስ የህግ መሰረት ያስፈልጋክ። እቃ የሚወረሰው የታክስ እዳ ማካካሻነት ከተያዘ ብቻ ነው።

➡️ ግብይት ላይ ያለ እቃን የታክስ ማካካሻ ብለን የምንወርስበት ምክንያት የለንም። ክፍተት ያለበትን ነጋዴ ለማወናበድ የሚሮጥ ሌላ ጥላ የሚፈልግ አካል የሚያወራው ወሬ ነው።

➡️ " ያለደረሰኝ አትሽጡ " አልን እንጂ እቃ እንወርሳለን ያለ አካል የለም። ይህም ለነጋዴዎች በደብዳቤ እንዲደርሳቸው ተደርጓል።

ምንጭ tikvahethiopia

#AddisAbaba #ለታክስ #tax #ታክስ #ግብር #ethiotax #ጉምሩክ #አዲስአበባገቢዎች

ውድ ግብር ከፋዮቻችን
በታክስ አስተዳደር አዋጅ 983/2008 አንቀጽ 83 ሰነድን የማቅረቢያ ጊዜ ቅዳሜ፤ እሁድ ወይም የህዝብ በዓል ላይ ካረፈ በቀጣዩ ቀን ግብሩን ማሳወቅ እንደሚቻል ይደነግጋል። ስለሆነም ሰኞ ማለትም ህዳር 02 ቀን 2017ዓ.ም የመጨረሻ ቀን መሆኑን  በመገንዘብ ለተጨማሪ ወለድ እና ቅጣት እንዳይዳረጉ ግብርዎትን በወቅቱ እንዲያሳውቁ በማክበር እንገልጻለን።

የከፍተኛ ግብር ከፋዮች ቅ/ጽ/ቤት
ስራ አስኪያጅ ጽ/ቤት
#taxlaw #tax #ገቢዎች #ታክስ #ግብር #hanitube #EthiopiaTaxlaw

ሰኞ ህዳር 2 ያለ ቅጣት አሳውቁ፡ ክፈሉ

ለዉድ ግብር ከፋዮች በሙሉ

አመታዊ እና ወርሀዊ የገቢ ማስታወቂያና መክፈያ  ቀን  ጥቅምት 30 /2017  ዓ.ም ቅዳሜ ቀን ስለዋለ ሰኞ ህዳር  2/2017 ዓ.ም ያለቅጣት መስተናገድ ትችላላቹ።

#ፍራንኮቫሉታ

የታክስ ማስታወቂያ ዘግይቶ ማቅረብ የሚያስከትለው ቅጣት

I.  በሕግ በተወሰነው ጊዜ ውስጥ የታክስ ማስታወቂያ ግዴታውን ያልተወጣ ታክስ ከፋይ ለዘገየበት ለእያንዳንዱ የታክስ ጊዜ ወይም ከፊል ለሆነው ጊዜ ያልተከፈለውን ታክስ 5% (አምስት በመቶ) 25% (ሃያ አምስት በመቶ) እስኪሞላ ድረስ ቅጣት ይከፍላል፡፡
II.  ለመጀመሪያው የሒሣብ ጊዜ ወይም ከፊል ለሆነው ጊዜ የታክስ ማስታወቂያ ያላቀረበ ሰው በዚህ ተራ ቁጥር (|) ድንጋጌ መሠረት የሚከፍለው ቅጣት ከብር 50ሺ (ሃምሳ ሺ ብር) አይበልጥም፡፡
III.  ለዚህ አፈጻጸም ያልተከፈለ ታክስ ነው የሚባለው በታክስ ማስታወቂያ ላይ መታየት በነበረበት እና ታክሱ መከፈል ባለበት ቀን በተከፈለው ታክስ መካከል ያለው ልዩነት ነው፡፡
IV.  በማናቸውም ሁኔታ የሚጣለው ቅጣት ቀጥለው ከተመለከቱት ከዝቅተኛው ያነሰ አይሆንም፦
ሀ) ብር 10ሺ (አሥር ሺ ብር)፤
ለ) በታክስ ማስታወቂያ ላይ መመልከት ከነበረበት የታክስ መጠን 100% (መቶ በመቶ)፡፡

V.  በዚህ የተመለከተው ቢኖርም ታክስ ከፋዩ በታክስ ጊዜው ሊከፍል የሚገባው ታክስ የሌለ እንደሆነ፣ የታክስ ማስታወቂያ ሳያቀርብ ለዘገየበት ለእያንዳንዱ የታክስ ጊዜ ብር 10ሺ (አሥር ሺ ብር) ቅጣት ይከፍላል፡፡

VI.  የታክስ ማስታወቂያን ዘግይቶ በማቅረብ የተጣለው ቅጣት ተፈጻሚ የሚሆነው የታክስ ማስታወቂያ ሊቀርብባቸው በሚገባ:-
ሀ) በፌዴራል የገቢ ግብር አዋጅ መሠረት በሚኖርበት የታክስ ማስታወቂያ፣
ለ) በፌዴራል የገቢ ግብር አዋጁ መሠረት በከፋዩ ተቀንሶ የሚያዝን ታክስ በሚመለከት የሚቀርብ የታክስ ማስታወቂያ፣
ሐ) በተጨማሪ እሴት ታክስ አዋጅ መሠረት የሚቀርብ የተጨማሪ እሴት ታክስ ማስታወቂያ፣
መ) ወደ ሀገር በገባ ዕቃ ላይ የሚከፈለው የተጨማሪ እሴት ታክስ ወይም ኤክሳይዝ ታክስ የሚያሳይ የጉምሩክ ዲክላራሲዮን፣
ሠ) በኤክሳይዝ ታክስ አዋጅ መሠረት የሚቀርብ የታክስ ማስታወቂያ፣
ረ) በተርን ኦቨር ታክስ አዋጅ መሠረት የሚቀርብ የታክስ ማስታወቂያ እና፣
ሰ) በታክስ ከፋዩ መቅረብ የነበረበት ታክስ ማስታወቂያ ላይ ነው፡፡

VII.  የቅጣቱ አወሳሰን:-
ሀ) ለገቢ ግብር አዋጅ በዓመት፣
ለ) ለተጨማሪ እሴት ታክስ እንደታክስ ከፋዩ የግብይት መጠን በየወሩ ወይም በየሶስት ወሩ፤
ሐ) የደረጃ ሀ የተርን ኦቨር ታክስ ከፋይ እንደታክስ ከፋዩ የግብይት መጠን ለእያንዳንዱ በወር ወይም በሶስት ወር፣
መ) ለኤክሳይዝ ታክስ በወር፣
ሠ) ለደረጃ ለ ለተርን ኦቨር ታክስ ከፋይ በየሶስት ወሩ፣
#hanitube #ግብር #ታክስ #ገቢዎች #tax #taxlaw
  

የማስታወቂያ ወጪ

1. የንግድ ሥራ ለማስተዋወቅ የተደረገ ወጪ በወጪነት የሚያዘው፡-

ሀ. ግብር ከፋይ ምርቱን ወይም አገልግሎቱን ለማስተዋወቅ በተለያዩ ዝግጅቶ ላይ ለሚደረግ የማስተዋወቅ ሥራ በገንዘብ ወይም በምርት ወይም በአገልግሎት የሚፈጽመው ክፍያ በወጪ ተቀናሽ የሚያዘው ከጠቅላላ ገቢው 3 ከመቶ ባልበለጠ መጠን ብቻ ነው፡፡

ለ. ግብር ከፋይ ምርቱን ወይም አገልግሎቱን ለማስተዋወቅ ለመገናኛ ብዙሃን ወይም ለማስታወቂያ ድርጅት የሚከፍለው ክፍያ ሙሉ በሙሉ በወጪ ተቀናሽነት ይያዛል፡፡

2. ምንም የማስተዋወቅ ስራ ሳይሰራበት የሚሰጥ ገንዘብ፣ ምርት ወይም አገልግሎት ክፍያ በማስታወቂያ ወጪ ተቀናሽ ሆና አይያዘም

ለበጎ አድራጎት ስራ የሚደረጉ ስጦታዎች ተቀናሽ ወጪ

ለበጎ አድራጎት ስራ የሚደረጉ ስጦታዎች በወጪ ተቀናሽነት የሚያዙት የዚህ ዓይነቱ ወጪ ከግብር ከፋዩ ግብር የሚከፈልበት የግብር ዓመቱ ገቢ ከ 10 በመቶ ካልበለጠ ብቻ ነው፡፡ "ግብር የሚከፈልበት የግብር ዓመቱ ገቢ" ማለት ለበጎ አድራጎት ስራ የተደረጉ ስጦታዎች ሳይቀነሱ በሂሳብ መዝገቡ የታየው ግብር የሚከፈልበት ገቢ ነው፡፡

ተያያዥ የግብር ግዴታዎች

አንድ ግብር ከፋይ ከከፈለው ክፍያ ሊሰበስበው የሚገባ ከተከፋይ ሒሳብ ተቀንሶ የሚከፈል ግብር /ከተቀጣሪ የስራ ግብር እና በዕቃ ወይም በአገልግሎት ግዢ ወቅት ከተከፋይ ሂሳብ የሚቀነስ ግብር/ ቀንሶ ገቢ ያላደረገ ቢሆንም ወጪውን ስለማውጣቱ ከተረጋገጠ ሊከፈል የሚገባውን ግብር፣ ወለድና ቅጣት በማስከፈል ወጪው ሊያዝለት ይገባል፡፡

ወጪዎችን ስለማከፋፈል

ወጪዎችን ለማከፋፈል፡-

1. አንድ ወጪ ከአንድ በላይ የሆኑ የገቢ ዓይነቶች ለማስገኘት የዋለ እንደሆነ የወጪው ክፍፍል የሚወሰነው ወጪው ጥቅም ላይ በዋለበት ጊዜ ከእያንዳንዱ የገቢ ዓይነት በተገኘ የገቢ ድርሻ ልክ ይሆናል፡፡

2. አንድ ወጪ አንድን ገቢ ለማግኘት እና ለሌሎች ዓላማዎች የዋለ እንደሆነ የወጪው ክፍፍል የሚወሰነው የወጪዎቹ አንጻራዊ ባህርይና መጠን ግምት ውስጥ በማስገባት ገቢ ለማስገኘት እና ለሌላ ዓለማ የዋለበት መጠን እና የወጪ መጠን መጣኔውን በመገመት ገቢ ለማስገኘት የዋለውን መጠን ብቻ በመውሰድ ይሆናል፡፡

“120 ሚሊየን ህዝብ የምናስተዳድረው ከ64 ሺህ ግለሰቦችና ኩባንያዎች በምንሰበስበው ግብር ነው” - ጠ/ሚ ዐቢይ......ሰኔ/2016 ዓ.ም ፓርላማ ላይ የተናገሩት
✅✅✅✅✅
ዛሬ ጥቅምት /2017 ዓ.ም በፓርላማ ላይ ደግሞ....
ከገቢ እና ታክስ አሰባሰብ ጋር በተያያዘ ባነሱት ሀሳብ ኢትዮጵያ ከአጠቃላይ ሀገራዊ ምርቷ ግብር 8.5 በመቶ እንዲሸፍን እቅድ መያዙን ነው የተናገሩት፡፡
በዚህ መሰረትም በ2017 አመት ከፌደራል 900 ቢሊየን ከክልሎች 600 ቢሊየን በአመቱ በአጠቃላይ 1.5 ትሪሊየን ብር ገቢ ለመሰብሰብ መንግስት እየተንቀሳቀሰ ነው ብለዋል፡፡ ባለፉት 3ወራትም 180 ቢሊየን ብር ገቢ መሰብሰቡን አክለው ገልጸዋል፡፡
✅✅✅✅✅✅✅✅✅✅✅
መንግስት ግብር ላይ ጠንከር ብሎ እየሰራ ነው።ነጋዴዎች የግብር ህጎችን በጥንቃቄ ለማወቅ ብትጥሩ መልካም ነው።
#tax #vat #ግብር #EthiopiaTaxlaw

https://youtube.com/@ethiopiatax

በአዲሱ የተጨማሪ እሴት ታክስ አዋጅ መሰረት ባንኮች ከሚያስከፍሉት የአገልግሎት ክፍያ ላይ VAT(15%) የመሰብሰብ ግዴታ ያለባቸው በመሆኑ ይህን ታክስ ያስከፍላሉ።

በመሆኑም ይህ የከፈልነው VAT ወርሃዊ ማሳወቂያ ወቅት እንደ Input Vat በመውሰድ ማቀናነስ ይቻላል ።

በማሳወቂያ ወቅት ለዚህ የሚቀርበው ማስረጃ Bank Advice ነው።
#Hanitube #vat #tax
✅✅✅✅
መረጃውን ለሌሎች ሰዎች እንዲደርስ ሼር ያድርጉ
https://youtube.com/@ethiopiatax

በአዲሱ የተጨማሪ እሴት ታክስ አዋጅ 1341/2016 መሰረት ከተጨማሪ እሴት ታክስ ነፃ ሆነው ወደ አገር እንዲገቡ የተፈቀዱ ዕቃዎች የሚከተሉት ናቸው
👉🏿በቪዬና የዲፕሎማቲክ ግንኙነት ኮንቬንሽን ሚሲዮኖች፣ ዲፕሎማቶች ወይም የኩንሱላር ጽ/ቤቶች  ከተጨማሪ እሴት ታክስ ነፃ እስከሆኑ ድረስ እነዚህ ሚሲዮኖች፣ ዲፕሎማቶች ወይም የኩንሱላር ጽ/ቤቶች ወደ አገር የሚያስገቡዋቸው ዕቃዎች፣
👉🏿በዓለም ዐቀፍ ስምምነት ከተጨማሪ እሴት ታክስ ነፃ የተደረጉ ዓለም ዐቀፍ ድርጅቶች ወደአገር የሚያስገቡዋቸው ዕቃዎች፣
👉🏿በፋይናንስ፣ በቴክኒክ፣ በሰብዓዊ እርዳታ ወይም በአስተዳደር ድጋፍ የዓለም ዐቀፍ ስምምነት ከተጨማሪ እሴት ታክስ ነፃ እስከተደረገ ድረስ የውጭ አገር መንግሥት ወደአገር የሚያስገባቸው ዕቃዎች፣
👉🏿በጉምሩክ ደንብ ከጉምሩክ ቀረጥ ነፃ እስከተደረገ ድረስ መንገደኛው ይዞት የሚመጣ የግል መገልገያ ዕቃ፣
👉🏿ወደ አገር የሚገባው ዕቃ ዋጋ ሚኒስቴሩ በሚያወጣው መመሪያ ከሚወስነው እስካልበለጠ ድረስ በአንድ ጭነት የሚመጣ ዕቃ፣
👉🏿ወደ አገር የሚገባ ለግብርና ሥራ የሚውል ምርጥ ዘር፣ ማዳበሪያ፣ የተባይ ማጥፊያ፣ የአረም ማጥፊያ ወይም የፈንገስ ማጥፊያ፣
👉🏿ለኢትዮጵያ ብሔራዊ ባንክ የሚቀርብ ወደአገር የሚገባ ወርቅ
👉🏿የውሃ ማከሚያ፤ አጐበር፣ የሕክምና መገልገያ እና የሕክምና መሣሪያ
👉🏿በምግብ፣ መድኃኒትና የጤና እንክብካቤ አስተዳደር እና ቁጥጥር አዋጅ ቁጥር 1112/2011 መሠረት ወደአገር የሚገባ በሐኪም የሚታዘዝ መድኃኒት፣
👉🏿በሚኒስትሮች ምክር ቤት የኢንቬስትመንት ማበረታቻ ደንብ በተደነገገው መሠረት ኢንቬስተሮች ከቀረጥና ታክስ ነፃ ሆነው ወደአገር የሚያስገቡት ዕቃ
👉🏿አምቡላንስ እና የእሳት አደጋ ተሽከርካሪዎችና መሣሪያዎች፤ 
🌴🌴🌴🌴🌴🌴🌴🌴


#tax #hanitube #አዲስአበባገቢዎች የተጨማሪ እሴት ታክስ
#ቫት_Vat

ለበለጠ መረጃ
ዌብሳይት www.hanitube.com
YouTube..🌟..https://youtube.com/@hanitubeaccounting?si=6prlZI8Q5qz1DCEp
ቴሌግራም ቻናል🌟http://t.me/hanitube
✅ይህን መልእክት ለወዳጆቹ ያጋሩ
https://youtube.com/@ethiopiatax

የቴምብር ቀረጥ የሚከፈልባቸው

በአዋጅ ቁጥር 110/90 በአንቀጽ-3 መሰረት በሚከተሉት 12 ሰነዶች የቴምብር ቀረጥ እንዲከፈልባቸው ያዛል፡-
1.   የማህበር መመስረቻ ፅሁፍና መተዳደሪያ ደንብ
2.   ግልግል ሰነድ
3.   ማገቻ
4.   የዕቃ ማከማቻ ማረጋገጫ ሰነድ
5.   ውል፣ ስምምነትና የእነዚህ መግለጫ
6.   የመያዣ ሰነዶች
7.   የሕብረት ስምምነት
8.   የስራ ቅጥር ውል
9.   የኪራይ፣ የተከራይ አከራይ ማረጋገጫ
10.   ማረጋገጫ
11.   የውክልና ስልጠና
12.   የንብረት ባለቤትነት ማስመዝገቢያ ሰነድ

#Ethiopiatax #ethiotax #hanitube #tax #የቴምብር_ቀረጥ_አዋጅ
✅✅✅✅✅✅✅✅✅✅✅✅✅✅
ይህን ያውቁ ኖሯል?👆🏾

#tax #hanitube #አዲስአበባገቢዎች የተጨማሪ እሴት ታክስ
#ቫት_Vat

ለበለጠ መረጃ
ዌብሳይት www.hanitube.com
YouTube..🌟..https://youtube.com/@hanitubeaccounting?si=6prlZI8Q5qz1DCEp
ቴሌግራም ቻናል🌟http://t.me/hanitube

ከድብልቅ ማቴሪያሎች የተሰሩ ዕቃዎች ዋጋ አወሳሰን
ወደ አገር ውስጥ  የሚገባ ዕቃ ከድብልቅ ማቴሪያል የተሰራ ዕቃ ሆነው ቅ/ጽ/ቤቱ የጉምሩክ ባለሙያ ወይም የስራ ኃላፊ በሁሉም የዋጋ አተማመን ዘዴዎች በመጠቀም ውሳኔ መስጠት በማይቻልበት ጊዜ የዕቃውን የጉምሩክ ዋጋ ለመወሰን ዕቃው የተሰራበት የድብልቅ ንጥረ ነገር  ዋጋ ተወስዶ አማካኝ ሬሾ ላይ  በመመስረት ይሆናል፡፡
ምሳሌ፡- ወደ ሀገር ውስጥ የገባ የአዋቂ ጫማ 20% ከንጹህ ቆዳ 80% ደግሞ ከሰው ሰራሽ ቆዳ የተሰራ ቢሆንና ከንጹህ ቆዳ የተሰራ የአዋቂ ጫማ ዋጋው 6$ ከሰው ሰራሽ ቆዳ የተሰራው ደግሞ $4 ቢሆን የእቃው ዋጋ (0.2*6)+(0.8*4) = $4.4 ይሆናል፡፡ ሆኖም እቃው የተሰራበትን የድብልቅ መጠን ማወቅ ካልተቻለ በከፍተኛ ዋጋ ተወስዶ ይሰራል፡፡


ምንጭ፡- የጉምሩክ ዋጋ አተማመን መመሪያ ቁጥር 158/2011 እና
              የጉምሩክ አዋጅ 859/200
#ጉምሩክ #ገቢዎች #tax #hanitube #Ethiopiatax #ethiotax

ታክስን መሰወር የሚያስከትለው ተጠያቂነት

በታክስ አስተዳዳር አዋጅ 983/2008 መሠረት

1.ማንኛውም ሰው ታክስን ለመሰወር በማሰብ ገቢውን የደበቀ፣ የታክስ ማስታወቂያውን  ያላቀረበ ወይም ታክሱን ያልከፈለ እንደሆነ ከብር 100,000ሺ  እስከ ብር 200,000ሺ በሚደርስ የገንዘብ ቅጣት እና ከ3 እስከ 5 ዓመት  በሚደርስ ፅኑ እስራት ይቀጣል፡፡

አንድ ግብር ከፋይ ግብር የሚከፈልበት ዓመታዊ የንግድ ስራ ገቢ ነው የሚባለው ከንግዱ ስራ ከተገኘ ጠቅላላ የግብር ዓመቱ  ገቢ ላይ ለግብር ከፋዩ የተፈቀዱት ወጪዎች ተቀናሽ ከተደረጉ በኋላ የሚገኘው የገቢ መጠን እንደሆነ  ተደንግጓል፡፡ የዕርዳታ ወጪ(Donation) የሚፈቀደው ግብር ከሚከፈልበት ገቢ 10% አይበልጥም በማለት የተደነገገው አፈፃፀሙን ግልፅ ለማድረግ  ከገንዘብ ሚኒስቴር ስለተቀናሽ ወጪዎች የወጣው መመሪያ ቁጥር 5/2011 አንቀጽ 9 ግብር የሚከፈልበት የግብር ዓመቱ ገቢ ማለት ለበጎ አድራጎት ስራ የተደረጉ ስጦታዎች ሳይቀነስ በሂሳብ መዝገብ በተያዘው ግብር የሚከፈልበት ገቢ ስለመሆኑ የተገለፀ ስለሆነ ለበጎ አድራጎት ስራ የተደረጉ ስጦታዎች በወጪ ተቀናሽነት የሚያዙት የዕርዳታ ወጪ ሳይካተት ግብር ከሚከፈልበት ገቢ ከታወቀ በኋላ 10% መሰላት ያለበት መሆኑን ያሳያል፡፡

በገቢ ግብር አዋጅ ቁጥር 979/2008 አንቀጽ 21 ንዕስ አንቀጽ 1 ድንጋጌ መሰረት አንድ ግብር ከፋይ በአንድ የግብር ዓመት ግብር የሚከፍልበት ገቢ ለመወሰን የሚያስችሉ ግብር ከፋዩ ለንግድ ስራው ገቢ  ለማኘት ያወጣቸው ተቀናሽ ወጪዎችን ተለይተው የተዘረዘሩ ቢሆንም በአዋጁ አንቀጽ 24 መሰረት የተፈቀዱ ለበጎ አድራጎት ድርጅቶች ያዋላቸው ስጦታዎችን በተቀናሽነት ለመያዝ ልንከተለው የሚገባውን ሁኔታ ከዚህ እንደሚከተለው ቀርቧል፡፡
ሙሉውን ለማንበብ ሊንኩን ይጫኑ፡ www.hanitube.com

የታክስ ዕዳ አከፋፈል ቅደም ተከተል
አንድ ታክስ ከፋይ የታክስ ግዴታውን በወቅቱ ባለመክፈሉ ምክንያት ቅጣት እና ወለድ መክፈል በሚኖርበት ጊዜ የአከፋፈል ቅደም ተከተሉ፦
👉በመጀመሪያ ዋናውን የታክስ ዕዳ፣
👉በሁለተኛ ደረጃ ክፍያው ለዘገየበት የሚከፈል ወለድ፣
👉በመጨረሻ ቀሪው የአስተዳደራዊ ቅጣት ይሆናል፡፡
ማንኛውም ታክስ ከፋይ በሚፈፀምበት ጊዜ ከአንድ በላይ የታክስ ዕዳ የሚፈለግበት ከሆነ ክፍያው የሚሸፍነው ዕዳ ቅደም ተከተል ዕዳው በተፈጠረበት ጊዜ ቅደም ተከተል መሠረት ይሆናል፡፡

በድረ ገጽ፦ www.hanitube.com

ምንጭ -ገንዘብ ሚኒስቴር

ይህ ግሩፕ ጠቃሚ ነው ካላችሁ
አሁን Add እንድታደርጉ
በአክብሮት ትጠየቃላችሁ🙏🏾

ዌብሳይት-www.hanitube.com

ይህን ያውቁ ኖሯል?👆🏾

#tax #hanitube #አዲስአበባገቢዎች የተጨማሪ እሴት ታክስ
#ቫት_Vat

ለበለጠ መረጃ
ዌብሳይት www.hanitube.com
YouTube..🌟..https://youtube.com/@hanitubeaccounting?si=6prlZI8Q5qz1DCEp
ቴሌግራም ቻናል🌟http://t.me/hanitube

#Ethiopia

የገንዘብ ሚኒስቴር ፥ በአዲሱ የተጨማሪ እሴት ታክስ አዋጅ ቁጥር 1341/2016 በውሃ፣ በኤሌክትሪክ ኃይል እና በትራንስፖርት አቅርቦት ላይ ስለሚከፈል የተጨማሪ እሴት ታክስ ማብራሪያ ሰጥቷል።

አነስተኛ ገቢ ያለው የህብረተሰብ ክፍል በመኖሪያ ቤቱ የሚጠቀመውን አማካይ ወርሃዊ የውሃና ኤሌክትሪክ ፍጆታ ከታክሱ ነፃ የሚያደርግ ሲሆን ከታክሱ ነፃ ከተደረገው በላይ የውሃና ኤሌክትሪክ አገልግሎት ተጠቃሚዎች ላይ የተጨማሪ እሴት ታክስ ተፈፃሚ እንዲሆን ያደርጋል ተብሏል።

የትራንስፖርት አገልግሎትን በተመለከተ ከተጨማሪ እሴት ታክስ ነፃ የመሆን መብት ባለሶስት እግር ተሽከርካሪን ሳይጨምር ከስምንት መቀመጫ በታች ያላቸውን ሌሎች ተሽከርካሪዎች እንዳይመለከት ተደርጓል፡፡

አሁንም የብዙሃን ትራንስፖርት አገልግሎት አቅርቦቶች ከተጨማሪ እሴት ታክስ ነፃ የተደረጉ ሲሆን ባለሦስት እግር ተሽከርካሪን ሳይጨምር፣ አሽከርካሪውን ጨምሮ ከስምንት ሰው በታች የመጫን አቅም ያላቸውን ተሽከርካሪዎች በመጠቀም የሚሰጥ የትራንስፖርት አገልግሎት፣ የተጨማሪ እሴት ታክስ እንዲከፈልበት መደረጉን ገንዘብ ሚኒስቴር አመልክቷል።

(ሙሉ ማብራሪያው ከላይ ተያይዟል)

@hanitube #አዲስአበባገቢዎች #tax #የተጨማሪ_እሴት_ታክስ_አዋጅ

ከለይ ስማችዉ የተዘረዘረ ግብር ከፋዮች ከዚህ በፊት የ ተ.እ.ታ ግብር በየ  ሶስት ወር ስታሳዉቁ እና ስትከፍሉ አንደነበረ ይታወቃል ሆኖም ከ ሀምሌ 2016 ዓ.ም ጀምሮ የ ተ.እ.ታ ግብር በየ ወሩ እነድታሳዉቁ እና እንድትከፍሉ እናሳዉቃለን::

መረጃው:-የአዲስ አበባ ገቢዎች ቢሮ የከፍተኛ ግብር ከፋዮች ቅ/ጽ ቤት
#አዲስአበባገቢዎች #hanitube #tax

#ትልቅ ለውጥ

https://youtu.be/1lK_BAySDLY?si=BWGrzL6rR9hjV1_p

  በጣት አሻራ የተደገፈ የግብር ከፋይ መለያ ቁጥር ለማውጣት የሚያስፈልጉ መረጃዎች
  በንግድ ስራና ቤት በማከራየት የተሰማራ ማንኛውም ግለሰብ
-  አገልግሎት መጠየቂያ ፎርም ሞልቶ መቅረብ
-  የታደሰ የነዋሪነት መታዎቂያ፣ወቅታዊ የኢትዮጵያ ወይም የሌላ አገር ፓስፖርት ፣የኢትዮጵያ ወይም የሌላ ሀገር የታደሰ መንጃ ፈቃድ፣የተረጋገጠ የልደት የምስክር ወረቀት
-  ለውጭ ዜጋ የስራ ፈቃድ/ፓስፖርት
-  ከ6 ወር ወዲህ የተነሳው 3*4 ሁለት ጉርድ ፎቶግራፍ
-  በሞግዚትነት /በእንደራሴነት የሚያስተዳድር ከሆነ የሞግዚትነት/እንደራሴነት ከፍ/ቤት የተሰጠ ማስረጃ
-  የይዞታ ማረጋገጫ ወይም የኪራይ ውል  ይዘው መሄድ ይጠበቅብዎታል፡፡


🔥እኔን ለማግኘት ከፈለጋችሁ
t.me/youhanii

🔥ቴሌግራም ቻናል ለመቀላቀል
👇
t.me/hanitube

🔥ዌብሳይት
👇
www.hanitube.com

🔥YouTube👇
https://youtube.com/@hanitubeaccounting?si=6prlZI8Q5qz1DCEp

ማንኛውም አካውንቲንግ ትምህርቶች እና ስለኢትዮጵያ ታክስ ህጎችን በተመለከተ መማር ከፈለጋችሁ


🔥እኔን ለማግኘት ከፈለጋችሁ
t.me/youhanii

🔥ቴሌግራም ቻናል ለመቀላቀል
👇
t.me/hanitube

🔥ዌብሳይት
👇
www.hanitube.com

🔥YouTube👇
https://youtube.com/@hanitubeaccounting?si=6prlZI8Q5qz1DCEp

#የተጨማሪ_እሴት_ታክስ_አዋጅ #hanitube #አዲስአበባገቢዎች #tax

🛑ለጥንቃቄ

http://youtube.com/post/Ugkx766aCN3D-E5AnzURi8KRQFidX97B83IC?si=bypphqmNU8TK5Dy6