تصاميم ممرضات صور ممرضات صور طبيبات صور دكتورات كلام تحفيزي صور بنات صور طالبات

شنو هاي الهبّة الجديدة مال كل واحد يدخل كورس شهر وشهرين ويصير مدرب تنمية بشرية ويكعد يعلم الناس شلون يعيشون حياتهم !
لعد الطبيب والاخصائي النفسي المن درس وتعب وتخصص اذا اي واحد ياخذ دورة مال (حشو كلام) صار اخصائي بحياة العالم !
وهاي البشرية مصدكة الحشو والجذب والاوهام ويكعدون يطبقوها ويخربون بحياتهم وبنفسياتهم ويصدكون سوالف تضرهم متفيدهم ، عمي خلوها ترجية بإذنكم ماكو احد يحل مشاكلكم غير نفسكم ماكو بوست لو محادثة بينكم وبين اي اخصائي تنمية بشرية حتكون حل سحري لمشاكلكم وعقدكم ، ذوله يبيعولكم اوهام ، يبيعولكم حشو وجذب ولغط لايودي ولا يجيب ماكو بشر حيعرفكم من جلسة ساعة مو نوب ينطيكم حل ويفسر نفسيتكم وشخصيتكم والاسوأ يدخلون ايمانكم ودينكم بالنص ، مال اقري او اقره هالكد ايام وسبحي هالكد تسبيحات ويتحققلج فلان شي وتنرزقين فلان شي ، بغض النظر عن معتقداتنا هو غير التنمية البشرية علم ؟ شدخل الدين بالنص ؟ يعني تضارب فظيع بين الاثنين وضحك ع عقول العالم بشكل كارثي

مشكلتي اني كلما اتوب ارجع اذنب ، كل ما اوعد رب العالمين اخلف بوعدي تعبت من نفسي شسوي منين ابدي وشلون اتصرف وي هاي النفس الأمارة بالسوء ؟

ج/ بهالظروف الصعبة الي دنعيشها وبهالاغراءات والفساد الخلقي وبعز تراكمات حياتك ، انت دتفكر بالذنب وشلون توصل الى الله وشلون تتقرب الى الله هذا الشيء عظيم ، شوف عزيزي او عزيزتي ما دام عندك تأنيب ضمير اتجاه الذنب فـ انت بخير ، ما دام تضوج من تروح لمكان بي معصية فـ انت بخير ، ما دام تندم على الذنب الي سويته وره فترة فـ انت بخير
بس ؟
صحيح انت بخير .. بس خيرك الي انت بي ضعيف
صحيح انت مؤمن .. بس إيمانك الي انت بي ضعيف
احنه نحتاج : ذنب + اصرار على تركه
اكثر مانحتاج : ذنب + بكاء على فعله
اكو واحد من يسوي ذنب يبجي بس يبجي حتى يريح ضميره وكل دمعه تنزل منه تهد جبل ، هاي الدموع هي الي راح تغسل حديقة كلبك وراح ترجع تزهر من جديد ، كل انسان بينا معرض للذنوب من الصبح لليل ، حياتنا عبارة عن جبهة ، ابليس يرفع واحنه نكبس والبطل مو الي يسوي ذنب وبعدين ندم وكام يبجي لا البطل الي يسوي ذنب ويوكف كدام الذنب ويكول ( الله اهم ) ، مو بس المجاهد بالجبهة ، انت هم بالجبهة ، واني هم بالجبهة ، عندك عتاد لتكلي لا ماعندي شي ، لا عندك عتاد وتعرف شنو عتادك ؟ عندك الصلاة اذا التزمت بوقتها راح تكدر تنتصر بيها حتى على شيطانك الاكبر وبعد شي ثاني عندك مو بس صلاتك لا عزيزي عندك الصدقة ، تصدق ، مو شرط فلوس تتصدق ، ديننا مجاني مو بفلوس ، تريد تتصدق بفلوس ومعندك ! ابستم بوجه امك هاي اعظم صدقة ، خفف جرح واحد بكلامك هاي اعظم صدقة ، علم طفل سورة الفاتحة هاي اعظم صدقة خليك دائما قريب من الناس الي تشوف بيهم الله ، خلي الله بين عيونك لحتى ما ترتكب ذنب والاهم ثم الاهم هو القران خليك آيه تمشي ع الكاع خلي القرآن قريب من قلبك ويومك ودائماً حافظ على ذكر يلهج بي لسانك ( اللهم أشغل قلبي بحبك ولساني بذكرك وبدني بطاعتك ) 🤍.
انظر الى حالك الان
( أن كان يصلح للموت والقبر )
فإستمر عليه
( وأن كان لا يصلح لهذين الأمرين )
فتُب إلى الله
وتذكر أن الله تعالى يعينك على التوبة ولا يعينك على المعصية فإذهب لما تعان عليه وإسحق ما لا تعان عليه 🤍.

التواصل؟

كل احنه نستخدم اغلبية السوشل ميديا للتواصل سواء وي الاقارب معارف أصدقاء وغيرها من العلاقات ..

لكن كل شخص منا يملك شخص معين سواء كان حبيب صديق علاقتنا بي مُختلفة وتواصلنا بي مُختلف .

اكثر او اغلب المشاكل الي تصير ويانا وي هلشخص بالذات هي ان ليش متحاجيني ؟
ليش هاملني ؟ انت متتواصل ويايه ! انت عندك غيري شخص تهتم له واني احتاجك !!

ومن هالكلام هو حينفر ويضوج منك لان هو اكيد اله اسبابه الي متخلي يتواصل وياك بحدود شغله او اوقاته او ممكن يكون شخص محتاج لفترة يكون لوحده يعيد نفسه ويسترجع قوته مهما كان فنبقى بشر والنه طاقتنا لذلك لازم نعرف ونفهم ونقدر ظروف المقابل ونسمع منه

اما اذا هو بالأساس ما يريد يتواصل ويانه وما عنده اي عذر عقلاني وقتها مو مضطرين نسامحه مقابل هو رافض اساسا تواصلنا ووجودنا بحياته ! اساساً ليش نفرض وجودنا بحياة شخص ميريدنا

مو بس شغلك ودراستك و صلاتك و حياتك اختبار حتى هاي ابسط الاشياء مثل المحادثات هي اختبار الك ولشخصيتك ولتطورك بس انت مو ملاحظ !!

مثل ما انت بشر والك حياة وظروف غيرك كذلك يحتاج وقت وراحة وانجاز 🤍

لذا لا تكن ليناً فــ تعصر ولا تكن صلباً فــ تُكسر ، كُن انت بُحسن ما استطعت تُشكر 🤍.

مبارك عليكم الشهر🤎
الحمد الله الذي أتم علينا شعبان،وبلَغنا رمضان،أعاننا الله وإياكم على صيامه وقيامه،ونسأل الله الرحمة والمغفرة والعتق من النار
كل عام وأنتم بخير

اكثر جملة جنت أكولها ..
اني انسان سيء مذنب مخطأ ..... ليش؟
الله ميوفقني ميحبني ميرزقني ... ليش؟

وبمرور الايام ادركت ان الصوج بيه !

بعيد كُل البعد عن رب العالمين
بعيد بصلاتي والي هي مو لله
هي إليه اني ، الصلاة الي احنه نحتاجها هي متحتاجنا ولا رب العالمين الي بحاجتنه ، الصلاة لقاء بخالق السماوات والأرض ، بينك ما بين نفسك منو يتحمل يلتقي بيك 5 مرات باليوم وبكل احوالك :

تعبان .. ضايج .. فرحان .. ناجح .. فاشل
غني .. فقير .. الخخ .. راح تكول محد وأن كان اكو فراح يكون ملل وتعب ومشاكل واسباب .. ع عكس من تروح تصلي تسولف وانت مظلوم تنتصر وانت فرحان تفرج وانت تعبان ترتاح ، بهالحال راح نعرف ان فعلا احنه الي بحاجة هلصلاة محد غيرنا

رب العالمين يكول ونحن اقرب اليه من حبل الوريد !
بهلقرب وتدعوا له ويرفض !
واذا يرفض معناها كاتبلك شيء افضل من الي طلبته + يعوضك عنها بالآخره عن كل دعوة الك مو مستجابة ، الله رحيم غفور بعباده .

الحياة‍‍ متخلص اذا صليت 5 دقايق !
امشي بمبدأ انو صلاتك مو شغلة روتينية ومجبور عليها ، ع فكرة انت راح تكعد مع ربك شوية وتكعد 5 دقائق ابد مو هواي ، مو هواي ع الي انطاك كلشي رجلين وجسم كامل وعقل وما ناقصك شي ، استعد لصلاتك لان انت راح تقابل ربنا ،صلي وانت متلهف واذا سألك احد وين رايح ( كله رايح اقابل رب العالمين ) خلي احساس بداخلك واول ما ترفع ايدك لرب العالمين كول ( الله اكبر ) بس كولها بأبتسامة واشتياق ، اقرأ الفاتحة بكل راحة واسمع جواب ربك بعد كل اية ، اركع واحمد الله بطريقتك ( كول الحمدلله يارب على كل النعم الي نطيتنياها ، الحمدلله حمداً طيباً مباركاً فيه كما ينبغي لجلال وجهك ولعظيم سلطانك ) وبالسجود تذكر انو اقرب مايكون العبد لربه وهو ساجد ، اسجد واهمس ببطن الارض ويسمعك ما في السماء سبح لربك واحجيله كلشي بكلبك ( يارب ساعدني ولا تخليني احتاج لأحد ) ، ( يارب سهل أمري )
( يارب اصلح لي شأني )
كلشي تحتاجه طلبه من رب العالمين سلم أمرك لرب العالمين

من تأخر ع صلاتة
تأخرت عليه كل أمور حياته

شنو تريد بيت؟ سيارة؟ زواج؟ حياة سعيدة؟ رزق؟ وظيفة؟ امور تتحقق بفضل رب العالمين اشياء تنطلب منه قبل متنطلب من ايي مخلوق ضعيف بهلدنيا

راح تكول لا عندي موعد عندي دوام عندي برنامج عندي دراسة عندي ..... اشياء ما تكمل اذا مو برضا رب العالمين وتوفيقاته شنو اليضمن مراح تموت وانت رايح للدوام؟ شنو اليضمنهن اشياء دنيوية لا اكثر ولا اقل ..

ابسط مثال من نشوف أنفسنا متعلقين بشخص معين راح شوي شوي تطلع اسباب مواقف هلشخص الي چنه نشوفه ملاك صار شيطان ويريد أذيتنه هنا بس رب العالمين يريد يثبت لك ان مالك سند غيره ، كلشي اله وقت بهلدنيا وما يدوم الا وجهُ ذو الجلال والأكرام ، ذب حملك وهمك ع سجادتك وأكملها صح 🤍

" القاعدة الصح بـ الحياة "

عيش لنفسك ودللها ولترفض الها شيء
بطل تعيش لغيرك لأن الكل حيمر وانت الي راح تدمر

كل احنه نعيش وي علاقات واذا مو علاقة ف صداقات واذا مو صداقات ويا ناس نحبهم موجودين بحياتنا والهم تأثير علينا من كل النواحي وابسطها تأثير نفسي !
يعني مثلا فلان شخص غالي عندي لدرجة مكانته متوصف بكلام و أي شيء هو يسوي اني اتأثر حاجاني فرحت مازحني ضحكت زعلني بجيت اهملني تأذيت نساني نكسرت وتدمرت ووو زين وبعدين؟؟

شوكت نتعلم نعيش لأنفسنا ومنعيش لأحد ثاني هلشخص هذا اذا كان يحبك فمراح يهملك واذا كان حاب وجودك فمراح يحسسك انك شيء ثقيل بوجودك فدام هو ممعتبرلك وجود ليش فارض نفسك بحياته !!

حنون يحبني يدللني يساعدني يسمع الي تمام بس هاي أشياء مو كافية !! ممكن هلشخص يسوي هلشيء بس لان ميحب كسر الخواطر او ممكن يسوي هيج لان هو اصلا حياته كلام وبس فـ ليش نتأثر !!

بكل علاقة نعيشها اليوم وقبل وبعد نخلي اللوم ع الطرف الثاني ونستثني انفسنا ونستثني الاسباب وهلشيء كلش غلط ممكن احنه السبب الي خله المقابل يتصرف بطريقة محلوه و ممكن اكو اسباب جبرته يعاملنا بهيج طريقة فـ ليش اللوم والتعب النفسي الي نسببه لغيرنا ليش لازم كل ما نبتعد وننهي علاقتنا بشخص نأذي ونرسم اله ايام من قساوتها يخسر كل حيله يله يتخطاها والكلام مو بس للبنت للشاب هم كلهم بشر وعندهم مشاعر ليش نجرح بعض !!

" صافح و سامح و دع الخَلق للخالق "

وهاي قاعدة احلى منها ماكو ممكن تتأذى ممكن يحركون روحك بكلمات متستاهلها ممكن ينسونك ويتخطونك وتبقى مقهور صامت بس هلشيء ميضيع عند رب الكون راح يعوضك ويقويك ويخليك تتخطى اشياء صعبة وتصير تشوفها تافهه لذلك خليك انسان وي اي انسان ثاني والي يضرك خلي الله يضره‍‍ 🤍.

- مراح يتغير شي بحياتج اذا بقيتي بنفس
الدوامة ليش هيج صار وشمعنه اني وليش
ولیش . عايشة كئيبة وتظلین تذكرين شكو
موقف سلبي صارلج وتشحنين نفسج.
سؤال ممليتي ؟!
غيري مودج سوي شي تحبيه حاولي تفكرين
بهدف وحاولي تسعيله اغنية ، دعاء ، حدیث
مع شخص ایجابي ، طلعة ، فستان جدید ،
کتاب ، لمة حلوة ، تغيير ديكور البيت تغییر
قصة شعرج ، اكلة تحبيها ، المهم تطلعين من
مو الكأبه وتصيرين أيجابية حتى تكدرين
تستمرين بحياتج لان استمرار الحزن هوه موت بطيئ 🤍.

وية مرور الوقت حتصير عندك قناعة بأنه الحياة صعب تنعاش غير بس وية الناس البسيطة الصادقة السلسة اللينة و الوهينة ، و الأيام الصعبة متهون غير بس وية إللي يسهلوها عليك ،
بـ سؤالهم الدائم و گعدتهم المريحة .. و إهتمامهم الخالي من التكلف .. و عطائهم اللامحدود و إلتماسهم للعذر بوقت تقصيرك تجاهم .. و حبهم إللي بدون تقيد
وتضيق ، ناس يشيلون عنك الحمل مو يثگلو عليك 🤍.

- أقسم بالله اكو ناس خسارتهم مكسب مثل الوباء بالضبط ، هيج تحس شي كابس على أنفاسك ، يسحبونك ليجوه وماكو من وراهم لا خير ولا رجا ولاتوفيق من الله !!
إلي يسترخص زعلك ويخرب واهسك بكلشي ، وإلي يعتبر وجودك بحياتهم
بس علمود ترضيهم هذوله إخسرهم وانته الربحان راح تكتشف إن حياتك بدونهم احسن وأنظف.
من تختار إختار إللي يوصلك لـ فوووك إلي يغيرك نفسياً للأحسن ، إلي يخليك تحب روحك ويحلي الدنيا بعيونك ويشوفك شغلات بشخصيتك مجنت تعرفها قبل.
الناس يدخلون بحياة ناس علمود يكملوهم مو يكملوا عليهم 🤍.

- البنت هي تربية أهلها لا العمر ولا الوظيفة ولا المنصب ولا الشهادة تصقل شخصية الإنثى .
الي شبعانة عند ابوها ما تركض ورا الفلوس ، واللي تربت على كرم اهلها ما تتحمل الرجال البخيل ، والبنت الي شافت ابوها يحترم امها وامها تحترم ابوها هي الي تقدر الحياة الزوجية ، والي فقدت شي مادي او نفسي ببيت اهلها هي الي راح تبحث عنه وتوصل لهدفها وحلمها ، والي تربت تصبر وتكول الحمدلله ع كل شي ، والي تصون اهلها مستحيل تغدر وتخون .

المجتمع ، الشغل ، الناس يمكن يعلموها هواي أمور بس مستحيل يتغير الاساس الي تربت بي البنت هي تربية اهلها 🤍.

تصاميم ممرضات صور ممرضات صور طبيبات صور دكتورات كلام تحفيزي صور بنات صور طالبات pinned «حسابي ع الإنستقرام 🤎 https://instagram.com/dhiq.ar?igshid=YmMyMTA2M2Y=»

حسابي ع الإنستقرام 🤎

https://instagram.com/dhiq.ar?igshid=YmMyMTA2M2Y=

ردة فعلك تغير حياتك

المنظور الاول :
يوم الاربعاء جنت طالع بالسياره اكو شخص كدامي كسر علية اني عصبت وتضايقت وتعاركت وياه وبقيت طول اليوم معصب …

المنظور الثاني :
يوم الاربعاء جنت طالع بالسياره واكو شخص كدامي كسر علية اني كتله الحمد لله على السلامة حبيبي الحمد لله مصار قدر روح الله يوفقك وكملت يومي بهدوء وفرحت اكثر لان حجيت حجاية حلوة لشخص وتسامحت وياة …

عزيزي القارئ من قريت القصة انت تلقائي عرفت شلون تكمل حياتك . زين اسئلك سؤال ؟ تخيل نفسك بنفس الموقف من المنظورين اكو شخص تحكم برد الفعل ؟ اكو حكومة او بيئة او دولة تحكمت برد الفعل لو الشخص بنفسة هوه المقرر شنو تكون ردة فعلة بلمختصر ردة فعلك هيه قرارك وهيه الي ممكن تحدد شلون تكمل يومك او شلون تكمل حياتك كلها ، بعض الناس يكونون متعودين على العصبية ورد الفعل القوي والمستعجل ، بسبب البرمجة العقلية الي كونوها من طفولتهم والمكان الي عاشو بيه والخ … ، بس رغم كل هذه تكدر تغير الي تبرمجت علية وبطريقة سهله كلش هيه كلها مجرد تفهم الموضوع شلون ممكن ياثر عليك وعلى حياتك ، بهاي اللحظة اتمنى فهمت العبرة من الموضوع وكلش اتمنى تكمل حياتك بتسامح وعفوية . 🤍

الطيبة المفرطة ؟

اعتبرها داء ليس لها دواء .

الاغلبية عندهم هلطيبة المفرطة الي تخليهم يقدمون وينطون ويضحون وينسون الاحداث المو حلوه من غيرهم وميهمهم غير المقابل يضحك ومرتاح ومتونس رغم هلشيء حلو وفطرة سليمة لهالانسان نكدر نسميها بس بهيج مجتمع وبهج عقليات مراح يعيشششش ابد مراح يعيش

راح يلتفت شيء يوم لنفسه بعد فوات الآوان راح يتمنى يرجع بي الزمن ويعيش لنفسه وبس يقدم لنفسه وبس راح يتمنى ولو ثواني تنعاد من ايامه الي فاتت حتى يصححها ويختار سعادة لنفسه وسكينة لروحه !

بس شنو فائدة هالادراك وهو نفذت كل طاقته لأجل الاخرين ! تمام انت مسامح مُحب الخير مشارك الناس بفرحتهم شيء حلو بس مو ع حساب نفسك .. ايي ومو ع حساب نفسج !


الكلام موجه الج همين لتخسرين احلى ايام عمرج وانت تحاولين ترضين شخص خلف كواليس السوشل ميديا هو مو معترف بوجودج اساساً .. لتقدمين ولتنطين ولتضحين لان وحدج راح تخسرين وحدج راح تبجين وحدج راح يخلصون ايام حياتج وانتِ تتوهمين واني وانتِ نعرف ينعدون ع اصابع الي يخافون الله بيج ويردونج حلالهم والي يريدج ما يأذيج وما ينزل دمعاتج ويبجيج حت لو جان الغلط بيج ..


مختصر لكل الكلام اذا مجنتوا تقدمون شي لنفسكم وتحبوها عمركم مراح تلكون اليضحي علمودكم ويحبكم 🤍.

انقذ نفسك

فشلك الاول هوه نجاحك الاول وطريق النجاح صعب وبيه عقبات وروحك راح تتعب وتمر بمشاعر عميقة ماراح تطلع منها اله بسعيك وطموحك
كلنا راح نحارب وماراح نستسلم تجنباً للفشل والندم
انقذ نفسك انت هسه تكدر تغير وتبني وترسم طريقك كعدتك وبقائك بنفس المكان ماراح يغير شي
التغيير هوه الحزن والبكاء والتعب وبعدها الانتصار وبعدها النجاحات
الفشل الاول يخلق الف نجاح
لاتستسلم حتى لو تحاول اكثر من ٧ مرات ، كمل مثل مابديت وكل يوم هوه يوم جديد للتغيير
صح الطريق صعب وبيه تعب بس بقائك بمكانك راح ياذيك اكثر
انقذ نفسك وتحدى الكل
كلنا شفنه مشاكل وتعب وحزن بس تخطيناه وصار مجرد كلام
رحلة التغيير صعبة بيها تناقضات واستسلام وضغط نفسي وحزن وكل المشاعر الصعبة راح تصادفك
بهيج رحلة محاولاتك مو سريعة ماراح توصل بيوم واحد ، صير لنفسك الطبيب المعالج والمستمع والمشاهد
شوف مشاكلك واسمعها وعالجها وتقبل اخطائك ، التقبل هيه اول مراحل التغيير ، اي انسان يعيش بالتقبل هوه انسان قوي محد يكدر يوكف بوجهة ، كل العظماء في العالم تقبلو منهم الي تقبل هوه يتيم ومنهم الي تقبل هوه ضعيف وتقبل اخطاء وتقبلو كل شي ، لازم نتقبل اولا كلنا نغلط منها غلط مقصود او لا هاي مو مشكله لازم نتقبل ونبدي برحلة جديده كلنا حاولنا وسعينة ووصلنا ، كلنا عدنا جانب مانحبة بس هذه يتغير بلمحاوله مو بلتذمر صح راح تواجة صعوبة بس بلاخير يتغير ، راح تشوف بداخلك شخص يريد ينجح وشخص يريد يستسلم وشخص يريد يعيش وشخص يريد يموت ، قاوم حتى اذا وصلت ممزق لان لذة الوصول راح تشفي كل شي بداخلك ، واجة لاتهرب 🤍.

الشخصيات الغامضة

هواي نواجه بحياتنا هالشخصيات بس كلماً حسب شخصيته مثلا اكو انسان غامض خوفا ع كبريائه ومكانته و اكو شخص غامض خوفاً ع حزنه وهذا اكثر شخص يحتاج هوايه نوكف وياه ونسنده ونسعده .

هسه تكول شلون يابه اذا هو غامض ومنطوي ع نفسه شلون اكدر اوكف ويا واسعده

فلان شخص ضحك وتشاقه وبعد الضحك والشقه انضغط وسكت او اشتكى من موضوع مأذي كبل نكله اوو انت نفسيهه دضحك شبيك لتصير ممل ونضل نملي تشاؤم وطاقة سلبية رغم العكس هو ممكن بهالدقايق دامه فتح كلبه واشتكى من فد شي حت لو تافهه نسمعله ونحاول ندخل السعادة لكلبه لان لو ممرتاح يمنه ويشوف راحته يمنه مجان حجه من الاساس

مثلا شخص ع طول يسند الكل بكل شدة بكل موقف يكون دائما مضحي بوقته و بنفسه بكلشي بس وقت يكون بحاجه مساعده من عدنا ! احنه شنسوي نتصرف ويا وكأن ممسويلنا اي شي ولا مقدم عمره حت يوكف النه ويساعدنا

كمثال ع موضوع اكو بنت اعرفها تكول اني اصغر اخوتي ودائما اليردونه مني ياخذونه من عيوني سواء ماديات سواء خدمات او اي شي ممكن يحتاجونه بس اني من اشتري لبسه اشوفهم يضوجون لان شتريت لبسة معينة يضل الموضوع يحز بخاطري رغم هو تافهه الموقف وعادي بس حسيته فد شيء واذاني لان متعودة البس اي شي اشتري واشوفه الهم والي اذاني اكثر اخوي كال لزوجته اشتريلج مثله ؟ بس مكلي حلو عليج !

فـ من هلموقف نكدر ننتبه ان الحجاية الي ممكن تنطقها هي تأثر سواء سلبياً او ايجابياً ما اكولك عامل الكل ع حساب نفسك لا بس الشخص الي تشوفه منطوي ع نفسه ومتأذي وساكت احتوي لتضل تلومه انت متغير انت نفسيه انت مريض لان ممكن هلاشياء مو بي اساسا بس انت تصنعها بي

كل انسان بينا يحتاج الكلمة الحلوة والمواقف الحلوة فاذا ما احسنت للحواليك لا تضره يعني شكد حلو تنام رغد بنهاية يومك وانت منطي طاقة حلوه وغارس حجايات حلوه بروح كذا شخص حواليك مو ضروري الكل يكونون الك سند واصدقاء واحبة ووو .. الخ

بس ضروري تكون صادق مع نفسك ومع الي حواليك وقتها ما اعتقد حنلكه شخص غامض او انطوائي بلا اسباب لذلك ما تصعب علينا وقت نعالج هالاسباب بدون تعبت وتكلفة 🤍.

ياترى شحتغير لنفسك بهاي السنه ؟

مثلا حتحاول تتخلص من الغيرة اتجاه الاشخاص الي مو ضارينك وتتمنالهم الخير ؟

مثلا حتتخلص من كثرة اللغوا والغيبة عن ناس معينة وتبلش حياتك صح لنفسك وبس ؟

مثلا حترجع لطبيعة نفسك الي خسرتها قبل سنوات نفسك الي جانت عايشة ع نية بسيطة لا اكثرر اييييي بالضبط مثل ما تذكرت هسه ايامك ذيج الجانت تمر وما تضر احد بيها والمضرة مضرة كلام مو شرط تكون فعل ، انت هسه من تقرأ وترفض تتقبل الحقائق الي بداخل نفسك ، شلون حتغيرها ! احنه بشر كل واحد بينا عنده شي معين يضر بي نفسه مثلا او يضر بي الآخرين
فياترى شتذكرت من كلامي هذا الي ذكرته الك
هم حجيت ع شخص ما مأذيك وجرحته شستفاديت ؟
نكرت جذبت ضريت ما نفعت شستفاديت ؟
كل شيء تقدمه راجعلك لو بعد الف سنة فياترى مستعد ترجع الك الاشياء الي سويتها وضريت بيها الناس ! بحالة وحده ممكن راح تتخطى الاشياء الغلطت بيها وأياً كانت هو ان تبطل تسويها اولاً وتطلب من رب العباد المغفرة ويسامحك عليها لان رب العالمين رحيم غفور ممكن يمحيها من سجلك ويمحي كل مضرة بداخل نفسك وتبلش تعيش صح ولكن بحسن نيك اولاً واخيراً ، اكعد ويا نفسك وحط ورقة وقلم واشطب كلشي غلط وحاول تتخلص ولو من شيء خبيث بهالسنة وبلشها صح عيش لنفسك وحقق الاشياء الي تنفعك لدنياك ولآخرتك 🤍

عباد البشر .

مثل ميكول علي الوردي : لا اقصد بهذا الموضوع أن اقنع جميع القراء ، الطرح حيكون من منظوري اني ورأيي ومو شرط أنو تتقبل كلامي

- تدرون شنو أحلى شيء بالدين الاسلامي ؟
انو جعلنا أحرار احرار بمعنى الكلمة حررنا من هواي اصنام جانت تقيدنا وجعلنا أحرار عابدين لله وبس ميزنا وخله النا قيمة كلش جبيرة ومنعنا أنو ننطي عقلنا ، قبل من جنا صغار جنا نستغرب من قصص فرعون وهيمنته وآمون وهواي من الي طغوا ومن نشوف الناس تعبد حجر وبقر وفأر ونار يزيد استغرابنا شلون من الممكن الواحد يعبد هيج ؟
وصرنا نتوقع أنو احنا مستحيل حيجي يوم ونعبد مخلوق ، لكن ما أن اجه عصر التطور اجت اصناف جديدة واساليب جديدة محتكرة حول شلون ممكن يحولون الناس الى عبيد الهم ، ووصل بيها هالناس أنو تعبد بشر إي وداعتكم بشر يمكن يكون هالتعبير مجازي لكن أفضل تعبير ممكن يمثل الواقع المُحاطين بي خل ندخل بموضوعنا

راح احجي عن الفئات الشائعة فقط

1- عبدة السياسي :
الفئة هاي " كلش مهمة " لان من خلال هاي الفئة ممكن تودي شعب كامل الى التهلكة وممكن تنقذ شعب كامل ، تتقبل هواي احتمالات بس احتمال التهلكة اكبر ، بالعالم كله كل سياسي اكو مجموعة من المجتمع والناس تأيدة ويحبوه ومنكذب ع بعضنا فهالفئة كلش منتشرة بالعراق والصراحة تخووف والنا تجارب سابقة وياهم بتاريخ العراق العظيم خلت اغلب الشعب يمشي وية ثقب الحايط ولا زلنا ، وصلت بيهم المرحلة يقدسوه ويجعلوه معصوم مع العلم ماكو انسان معصوم ولو فعلاً احنا معصومين فميسمونه بشر يسممونه ملائكة وهاي بالفطرة البشرية يعني ، اكو منهم يحببوه وينذلون علمودة حتى لو كان ظالم وجائر وهالشي ماكو سياسي ينكره أو يرفضة ويكللهم اني مو نبي فهو شلون تكون اله مكانه من دونهم

2- عبدة المشاهير
قبل لا افتح حلكي انتو تعرفون هالناس كلش زين ولابد يوم من الايام صادفتولكم واحد منهم او يمكن تكون انت منهم اي انت ، الانسان المشهور هوة شخص الناس تعرفه ويتميز عن غيرة سواء بموهبة او فكرة أو فن او جعل اله منصه واشتهر بيهة او يمكن طلع يركص بال Tik tok وطش …… الخ .

فبعض الناس يحبوووه " الفانزززز " يحبوا لدرجة ياخذوا قدوة بكلشي بكلشي يكون مرجع الهم وكلشي يسووي يسووا وهذا غلط كلش جبير لنفترض طلع هذا مو خوش انسان انت متكدر بعد تميز الغلط من الصح لان بكل بساطة صرت تشوفه قدوة بكلشي وهو يشوفك مجرد رقم وروح ، وهذا حرفيا مرض نفسي هواي كتب وناس حجووا بي وأكو كتاب اسمه ( سيكلوجية الجماهير ) مقاري بس عجبني يحجي عن هالموضوع

3- عبدة الحب
حرفيا هالنوع داقني كلش سواء وافقتوني الرأي او لا راح احجي واليحب يقرة معندي مانع ، اي بعض البنات متخيلات الحب او الرجال كأنه فد شيء نازل من السماء بحيث تضل ترسم عالم برتقالي وتتخيل عريس الغفلة يجيها وبينما هي جاي تتخيل تنصدم بالواقع الي عايشة بي الحب مو اهم من الحياة ولا اهم من صحتج ولا كرامتج ولا حياتج هوة جزء ضئيل منها واذا بنينا حياتنا ع مجرد شعور حلوو حتصير حياتنا مجردة من الحياة ، وانتي بهالاثناء معلقة نفسج بشيء هامشي فجأة ضاع من ايدج تخيلي شنو ممكن تصير حياتج ! راح تكومين وتكملين حياتج و تعالجين نفسج وجروحج وتضمديهة ؟ لو تتركين حياتج ع ارفف ذكريات تكاد تتلاشى وتكعدين تنتظرين الراح يرجع 🤍

هلموضوع بي هواي كلام عن فئات ال BTS وغيرها وغيرها ما اكدر احجي بي وما اريد انكره ، هذا كلامي مو بس الكم هذا النفسي حتى يذكرني اني منو ولو بعد سنين 🤍.

الحلم و الهدف

اغلب الاوقات نلاحظ نفسنا باقين بنفس المكان ومانتقدم وتطول قائمة الامنيات والفرق بين يوم ويوم هوه امنية جديده تضيفها لقائمة امنياتك وتمر الايام وتبقى هاي امنيات وتتمنى تتحقق فجئة ،

اول شي تسوي حتى تحقق حلمك هوه تحوله الى هدف لان اكو فرق بين الحلم والهدف ، الهدف هوه شي تسعى اله حتى توصلة وترسم خطة وتعرف شلون توصل ، الحلم هوه تحلم توصل لمكان بس متعرف شلون ومنين راح توصل ، حاول تصيغ هدفك كلش زين ولازم يكون هدفك واضح حتى تعرف تركز علية ، وتعرف ترسم الخطة الصحيحة لطريقك ، ابعد عن تفكيرك الوصول السريع لاتتخيل راح تكعد من النوم تلاكي كل احلامك متحققة هذه الشي مستحيل يصير هذه مجرد مخدر جاي تقنع نفسك بيه حتى تبقى بمكانك لانك تتعاجز تحرك نفسك وترسم طريقك ، خليك دائماً واقعي وتعرف تقيس مستواك وحاول تطورة دائماً لاتخلي يعبر يوم واحد من حياتك وانت بنفس المكان لان هذه الشي يضرك انت بس مايضر شخص غيرك ، دائماً خلي اهدافك ذكية ومدروسة والشي الاهم من كل هذه هوه الاستمرارية مو تتعب وتعوف الهدف الي تريدة اذا تكاسلت و تركت هدفك راح تتاخر اكثر واكثر ، واذا كنت انسان بدون هدف راح تكون انسان بدون حياة مراح يكون الك ولحياتك معنى ابداً ، والعقبات الي توجهك بطريقك هاي شي كلش طبيعي بكل طريق بلحياة تصيرلك بيه مشاكل وعقبات بس الاشخاص الي يتخطوها همه الي يستحقون يكملون الطريق ، وشكرا 🤍.

طموح و شغف !

اغلبكم تسمعون هيج كلمات وتفسرون معناها بطرقكم الخاصة اكو منكم يكول طموحي اكون طبيب وواحد يكول طموحي اكون مهندس الخ …

زهراء بنيه لطيفة جانت تطمح تكون ممرضة واجتهدت بحياتها لحد ماصارت ممرضة وبعد مامارست هاي الوظيفة شافت نفسها جاي تشعر بلملل والتكرار وعرفت هاي الوظيفة حالها حال اي وظيفة ثانية هنا زهراء بعد متكدر تتراجع عن الي صار لان خلصت حياتها تحقق طموحات المجتمع وماتعرف شنو طموحها بلضبط

زهراء ليش اختارت التمريض ؟ اختارت هذه الشي بسبب اكو مكانه اجتماعية للكادر الصحي بلمجتمع وهيه لا جانت تحب هذه الشي ولا جانت تتخيل حياتها كلها وهيه ممرضة جانت عدها هدف وصلت اله وخلاص انتهى الشغف بيه

زهراء فكرت مثل باقي الشباب و البنات بلمجتمع هوه اختيار شي مثل باقي الناس او اختيار شي بدون تفكير بدون لاتسئل نفسها اني شنو اريد او شلون اريد اسلوب حياتي

من بعد ماقريت هذي القصة اريدك تكعد بينك وبين نفسك تكول اني شنو اريد شلون اريد اشوف نفسي وين اريد اوصل الطموح المصطنع راح يجي يوم وينتهي راح توصل اله وبعدها تمل وتتندم لانك دخلت بشي ماتحبة من كل قلبك اشوف فلان يريد طب وفلانه تريد طب اسئلهم ليش همه بنفسهم ميعرفون يجاوبون هوه ع الاغلب يريد يحقق حلم اهلة بس او يريد يمشي مع القطيع بس ، اطمح طموح لنفسك حقق احلامك وخلي احلامك حقيقية اكو طريقة تعرف نفسك من صدك تريد هذه الشي او لا اسئل نفسك 7 مرات ليش ( اريد اصير دكتور - ليش ؟ ، بسبب المكانه الاجتماعية - ليش تريد هاي المكانه الاجتماعية ؟ … ) هذه الشي راح يخليك تشوف موضوع الطموح من منضور ابعد وتختار حياتك بعناية . 🤍