شعࢪ .

يتأخر البائع في الرد

لأنك لست الزبون الوحيد .

الرسايل مارضن يرحن واوديهن
يخافن چفك الغايب يأذيهن
ولك هنه ورق بيهن كلام انسان
عاد اقراهن وانوب شگ بيهن
بيضه اوراقهن بس الحبر بي لون
مابيهن مشاكل مثل راعيهن
ورسايل منك لحد هسه اداريهن
مثل نومة طفل بليل اهز بيهن
واگلبهن واشوف ايامك الحلوات
مو حلوات بس مجبور اسميهن
شايف من يطيح المطر فوگ الماي
ما بيها فخر من تسحگ اعليهن
واجيت لبيتكم گلت البريد الصوچ
بعتبتكم وذر شفتك مسويهن

شغَيرك عَني وبَعد مَتهِمك اخباري؟،
مَزروع يَمنه لُغم مَاتوصل الداري؟،
تغيرت عَني بوڪت حَلقه عِرس شاري،
موڪِتلي سِرك ترا بنص ڪَلبي ماينحجي شو طاشها اسراري؟،
شَمس الله طِلعت امس واليوم مابينت،
هَم غيرتها علي؟،
چانت وَڪتها شتا بالليل مَيت برد لاحڪني بنهاري؟،
بارد تچيني چنت وتعوفني بناري،
بِعدام واني اعتذر شيفيدًا اعذاري،
فڪرت انسى الحصل وانساك اچباري،
وڪُمت اني اڪتِب شِعر وڪُل فِڪره مني تچي جنت انتَ بفڪاري، يالمايرجعك دَمع شترَجعك اشعاري؟

ظلام أنتَ بحياتي وظُلمك هواي
وأضوگك مُر واگولن لا طعم هيل
وأعرفك خاين وأدريك بالذات
وتريد وياك أخلصها بتواسيل
" ولك أعرفك قبلي عاشگ
وأعرف البيك وضميت الأسرار بوحشةالليل
كُل هذا وبقيت مصبر الروح
حلم وأبقي على حيلچ قوي الحيل
أنا الدلليتك وبوكت عوز
وتگلهم عليه مشوفك الويل
أنا أكفر بالكرامةالطخت الراس
وأكفر بالعشگ وأهل المراسيل ".

وتريكت باكه صبر وكلاص سم
وتوكلت يا رب عليك
غبشه نعسانه الشوارع
مدري يا نثيه بفجر كمت اشتهيك
تذكرت تاجر اعرفه
كلي من تبيع روحك مرلي بلكت اشتريك
وتمت الصفقه وشراني
وكام يمليني بشروطه ما اريد وما اريد
ما اريد ايدك طويله
كتله اكصرها واجيك
وطيرتها من المتن
ورجعت ابشره وانذهل
جا وين اديك
كتله عد عينك شلتها
كلي جا بعد شلي بيك

مَحتاج نكعد سوه
واحچيلك شكَد خفت
مِن راحَت عيونك
ومِن كتلي خل نلتقِي
صدگني مَرني القَلق
ابديلَك بيا حَچي
مِن تسأل شلونك؟

بطرانَه الشَمِس تِچويني كُل يُوم
و اني حرورتي تچوي التَنَانِير
هوَ العَاش عُمرَّه بظَيم وهمُوم
عندَّه الموتْ تَسيورَة خَطَاطِير

وكَلها تهد علي بس أنتَ صير وياي
شما تثگل علي ما تصعب نفضَها
وفراغ بداخلك محد كدر يمَلي
" انا راس الخَساره الما تعوضَها "

اخذني بكلشي ما ابيعك
اخذني من التعب يمك
جگارة بچفك اشعلني
اموت بسد اصابيعك
اخذني وياك من عندي
اخذني ب أي حلم ارتاح
مو شرط بحلم وردي

بَعدك
ما بنيت لغيرك أحلام
و لا لعيونهم مَشيت الأيام
وكف ميلي برحيلك
صارله أعوام
و يُلوموني
و أنا بيا حَال و أنلام .

شكُثر صارت عَزيزة الگعده وياك
مثل شَهگة هوىٰ عند اليغرگوُن .