Special Pathology | Super Alpha 54

سلايدات المخبر🤍🤍
#General_pathology
#Super_Alpha_55

📌محضّرات الرئة :
•تفحّم رئة anthracosis of the lung
•ذات رئة وقصبات Bronchopneumonia
•سل رئوي pulmonary tuberculosis lung

📌محضّرات القولون :
•داء الصباغ القولوني melanosis coli
•سرطانة غدية جيدة التمايز في القولون Well differentiated adenocarcinoma (colon)

📌محضّرات الكبد :
•تشحّم كبد steatosis liver _fatty chang
•استحالة هيالينية في الكبد Hyalide change of the liver
•احتقان مزمن منفعل في الكبد مع تنخّر نزفي chronic passive congestion and hemorrhagic necrosis
• نقائل ورمية إلى الكبد metastatic Carcinoma Liver

📌محضّرات الطّحال :
•احتشاء أبيض في الطحال White infarction

📌محضّرات العظام :
• ذات عظم ونقي Osteomyelitis
•ورم عظمي غضروفي (العرن) Osteochondroma
•ورم ذو الخلايا العطلة في العظام Osteoclastoma

📌محضّرات الجلد :
•الخثرة الحديثة والمتعضية Recent and organized thrombus
•النسيج الحبيبومي granulation tissue
•سرطانة لابدة شائكة الخلايا في الجلد، داء بوين Bowen diseases
•سرطانة شائكة الخلايا في الجلد جيدة التمايز Welldifferented squamous cell Carcinoma
• وعاؤوم شعيري في الجلد Capillary hemangioma
• ورم قيتاميني الخبيث في الجلد milanoma

📌محضّرات الكلية:
•التهاب كلية وحويضة مزمن chronic pyelonephritis
•التهاب كلية وحويضة سلّي tuberculous pyelonephritis

📌محضّرات الرّحم :
•التهاب عنق رحم مزمن غير نوعي nonspecific cervicitis
•فرط تصنع نموذجي لباطن الرحم typical hyperplasia (endometrium)
•ورم عضلي أملس في الرحم Lieomyoma
•غرن عضلي أملس في الرحم (ورم خبيث) Lieomysarcoma

📌محضّرات الكيسات:
•الكيسة المائية hydatid cyst
•غدوم كيسي مصلي بالمبيض serous cyst Adenoma
•غدوم كيسي مخاطي بالمبيض mucinous cyst adenoma

📌محضّرات العقد اللمفية:
•التهاب عقد لمفية سلي tuberculous lymphadenitis
• نقائل ورمية إلى عقدة بلغمية metastatic Carcinoma Lymph node

📌محضّرات الثدي :
•غدوم ليفي في الثدي fibroadenoma
•سرطانة قنوية مرتشحة في الثدي invasive ductal carcinoma

#General_pathology
#Super_Alpha_55

📌"بعض الأورام والنقائل الورمية"

🔬الورم القتاميني الخبيث في الجلد:
1. بشرة رقيقة مشدودة ومتقرِّنة(مُقتَلَعة) عند أحد أطرافها.
2. تحتها أدمة محتشدة بخلايا مطموسة بالميلانين(لون بني إلى ذهبي).

🔬غرن عضلي أملس في العضلية الرحمية:
1. فقط ألياف عضلية، لها اتجاهات عديدة، أنويتها متطاولة.
2. اختفاء اللحمة الليفية والأوعية.

◽متل ما اتفقنا لما نشوف نسيج عضلي معناتا عضلوم او غرن.. والفرق بينن هو وجود او اختفاء الاوعية الدموية(فراغات مبطنة بخلايا وليس فقط فراغات بيضاء..)

🔬الورم العجائبي الناضج في المبيض:
1. مشاهدة أيّ نسيجين بآن معاً يستحيل اجتماعهما في منطقة واحدة يكفي للتشخيص.
2. أهم المكونات الجلد(بشرة وأدمة).
3. غدد قولونية وألياف عضلية وغضاريف وشرائط عظمية وغيرها من النسج(سلطة نسج).

🔬نقائل ورمية إلى عقدة بلغمية:
1. طرف المحضر: محفظة ليفية وحولها خلايا شحمية( فراغات بيضاء).
2. نسيج لمفاوي غامق غزير الخلايا.
3. ضمنه جرببات لمفية(دوائر غامقة اللون) يجاورها نقائل ورمية(دوائر زهرية ابهت).

◽كمان بسل العقدة رح نشوف دوائرة باهتة..
بالسل هالدوائر هي نخر تجبني يعني تخرب لهيك بتكون ابهت ومالها حواف واضحة..
بالنقائل السرطانية بتكون الدوائر الها حدود ولونها اغمق ولها شكل الاعشاش الغدية

🔬نقائل ورمية للكبد:
1. نميز محضر الكبد من المسافة البابية الحاوية ضمنها فراغ يمثل قناة صفراوية(تبدو دائرية أو طولانية بحسب مستوى القطع).
2. بين هذه المسافات حبال خلايا كبدية سليمة.
3. جزء منها بدأ بتشكيل أعشاش غدية (فراغات مبطنة بخلايا عمودية، نواتها مصطبغة، مختلفة الأشكالوالأحجام).

◽يعني منشوف نسيج كلو غدد وهون مندور عالقناة الصفراوية ع اطراف المحضر غالبا.. لنأكد التشخيص.

#General_pathology
#Super_Alpha_55

📌"الأورام السليمة ذات المنشأ غير الظهاري"
محضرات هالجلسة صعبين لهيك بدن تركيز منيح..

🔬عضلوم أملس في الرحم:
1. حزم عضلية متقاطعة في جميع الاتجاهات.
2. يربط بينها نسيج ليفي موعى.

◽اهم شي نشوف الاوعية لنحكم انو عضلوم وليس غرن.

🔬شوانوما:
1.مجهرياً: بشكل أساسي من Antoni A حيث نشاهد منطقة غزيرة الخلايا، غامقة التلون
قد نشاهد بعض Antoni B بشكل باهت قليل الخلايا.
بالإضافة لنسيج ليفي على أحد أطراف الساحة.

2. سلايدات: نرى المنطقتين بشكل واضح وكذلك ضمن المنطقة A نميز ظاهرة سياج البستان(اصطفاف الأنوية المتطاولة وراء بعضها تاركة سيتوبلازماها خارجاً).

🔬الورم العظمي الغضروفي(العرن):
منحرك كل الساحة لوقت نشوف بالترتيب من المحيط للمركز:
1. قبعة غضروفية باهتة.
2. منطقة تعظم.
3. حجب عظمية.
4. نقي العظم(فراغات بيضاء تشبه الشحم مع عدم وجود نواة مندفعة للمحيط).

◽بمحضر ذات عظم ونقي رح نشوف بس شرائط عظمية لا خلوية وحولها رشاحة التهابية.. بدون النقي او الغضروف.

🔬ورم وعائي(وعاؤوم) شعيري في الجلد:
1. البشرة الرقيقة.
2. الأدمة: انفتاح لأوعية دموية غزيرة على حساب بقية الملحقات الجلدية.

🔬الورم العظمي ذو الخلايا العرطلة:
1. عدة حجب عظمية: مقاطع كبيرة مثلثية الشكل تقريبا، بلون زهري متجانس كالبلور.
2. ضمن كل منها خلايا عرطلة:
سيتوبلازما كبيرة زهرية وتحوي عدة أنوية مبعثرة ضمنها..
عالتكبير الصغير رح نشوف دوائر بحدود واضحة ولونها اغمق من بقية الساحة..

#General_pathology
#Super_Alpha_55

📌"السرطانات اللابدة والأورام الظهارية الخبيثة"

🔬 داء بوين(السرطانة اللابدة شائكة الخلايا في الجلد):
1. تسمك واضح بالبشرة وثخانة وتطاول في الحليمات البشروية.
2. فرط تقرن(لون احمر) على السطح.
3. أدمة تحوي ملحقات جلدية وممكن نشوف ضمنها اوعية دموية.

🔬سرطانة شائكة جيدة التمايز في الجلد:
1. نشاهد دائماً نسيج البشرة الطبيعي على أحد أطراف الساحة.
2. يجاوره بشرة رقيقة مشدودة بشكل مستقيم.
3. وتحتها اللآلئ الكيراتينية في الأدمة: دوائر زهرية او برتقالية، متجانسة(لون واحد لماع مميز)، متحدة المركز.

◽الأوعية الدموية بتكون فراغات بيضاء مبطنة بخلايا وجواتها متل قطرات من الكريات الحمر، وما بتغلطو لانو عدد الاوعية قليل مقارنة مع اللآلئ، واعتمدو بالتمييز على ثخانة البشرة..

🔬سرطانة الظهارية البولية الحليمية في حويضة الكلية:
ما يميزها عن محضر التهاب الكلية والحويضة المزمن هو وجود الحليمات:
_بروزات من محور ضام موعى وحوله خلايا خبيثة شبيهة بالانتقالية.
_تكون بنفسجية اللون، إما بشكل إصبعي أو مائل أو دائري بحسب محور القطع.

◽كتير ضروري لما نشوف محضر كلية انو ندور بكامل الساحة لأنو ممكن نشوف الحويضة وبعدها فراغ ابيض وبعدها الحليمات.. وهيك بيختلف التشخيص من التهاب ل سرطانة..
ولا تنسو انو بالسل منشوف نخر تجبني.

🔬سرطانة غدية جيدة التمايز في القولون:
1. أحد أطراف الساحة نسيج سليم: الغدد متطاولة وبينها فراغات وموجودة بالمخاطية فقط.
2. الطرف الآخر خبيث: غدد مزدحمة مستندة على بعضها(اللحمة بينها قليلة)، مختلفة الأشكال(غالباً مدورة) والأحجام، متوضعة بشكل عشوائي في المخاطية والعضلية والمصلية.

◽بداء الصباغ القولوني كنا نشوف الغدد سليمة بس حواليها وبالصفيحة المخصوصة في نقط بنية تابعة لصباغ الليبوفيوسين.

🔬سرطانة قنوية مرتشحة في الثدي:
رح نشوف منطقتين كتير بيختلفو عن بعض:
1. القسم السليم:
_نسيج دهني بشكل فراغات بيضاء
_فصوص الثدي ضمنها اقنية وغدد حليبية بشكل بقع غامقة التلون.
2. القسم الخبيث:
حبال من خلايا غزيرة متكاثرة عشوائياً ضمن لحمة ليفية من الكولاجين(نقط أنوية غامقة ضمن لحمة أبهت)
يعني مابكون في صفة مميزة لهالخباثة..

#General_pathology
#Super_Alpha_55

📌"فرط التصنع والأورام السليمة"
رح نتفق على انو فرط التصنع بصير على حساب شغلتين: الغدد + اللحمة الخلوية.
◽ مقارنات مع محضرات سابقة

🔬فرط تصنع نموذجي في غشاء باطن الرحم:
1.الساحة تشبه الجبن السويسري: لانو رح نشوف مقاطع مقاطع ومفصولة عن بعضا..
2.الغدد تكون كيسية الشكل ومختلفة الأحجام.
3.اللحمة خلوية مزدحمة.

◽الغدد بتكون غزيرة كتير وواضحة انها غدد من الظهارة المكعبة المبطنة الها.. وما بتشبه كيسات نابوت(بالتهاب عنق الرحم) لأنو لازم نشوف كيسة نابوت لمعتها كبيرة وموجودة تحت الظهارة المطبقة الرقيقة..
صح في كيسات صغار.. بس عددن قليل وبكونو مبطنين بخلايا اسطوانية يادوب انها تبين.. مو متل بطانة الغدد الرحمية ابدا..
وكمان الحؤول بميز التهاب عنق الرحم وما منشوفو بفرط التصنع..

🔬فرط تصنع عقيدي سليم بالبروستات:
1.الغدد لها انثناءات حليمية بشكل أصابع.
2. قد نجد داخل الغدد مفرزات كثيفة بشكل صفائح(الأجسام النشوانية).
◽وهيك منميز غدد الرحم عن غدد البروستات..
3.اللحمة خلوية مزدحمة.

🔬غدوم كيسي مصلي في المبيض:
المقطع بجدار الكيسة وليس بالمبيض..
1.شريط ضام وحيد باهت: يحوي فراغات تمثل اوعية دموية ونقط تابعة لأنوية خلوية.
2. على أحد أطرافه المواجه للمعة: ظهارة.
3.جوف وحيد.

◽بيشبه الكيسة المائية، بالكيسة الشريط شفاف لا خلوي (وغالبا منشوف عدة اشرطة) أما هون الشريط بلون زهري باهت لأنو خلوي (وعادةً وحيد).

🔬غدوم كيسي مخاطي في المبيض:
1.عدة أشرطة ضامة غامقة: يعني خلوية.
2. الظهارة موجودة على طرفي كل شريط.
3. عدة اجواف(لُمعات) قد تكون مملوءة بمخاط ذي لون باهت جدا.

◽ملخص:
شريط ولمعة = جدار كيسة
1. الغدوم: شريط ضام خلوي بلون زهري
اما مصلي منشوف فيه شريط باهت وعلى احد اطرافه ظهارة لانو في لمعة وحدة بس
او مخاطي ورح نشوف كذا شريط غامقين، متصلين مع بعضن بحيث بكل طرف في ظهارة وضمن هاللمعات المشتركة ممكن نشوف مخاط باهت جدا.
2.الكيسة المائية: شريط شفاف لا خلوي.

🔬غدوم جريبي في الغدة الدرقية:
(هو المحضر الوحيد للغدة الدرقية).
1. الجريبات الدرقية(دوائر تحوي مادة غرائية زهرية)
2. محفظة ليفية تفصل بين نسيجين أحدهما طبيعي مضغوط والآخر غدوم يحوي بين الجريبات عدد كبير من الخلايا الجريبية.

◽الدوائر مختلفة الاشكال والاحجام عكس الانابيب المنوية المتنخرة اللي بتكون ملتفة وبأحجام متقاربة، وبمحضر "احتشاء احمر بالخصية" بكون في محفظة محتقنة ضروري انو نشوفا..
ولو خطرلكم انو هالدوائر هي نخر تجبني.. معناتا هاد محضر سل ولازم نشوف معو اطار لمفاويات
والسل تابع للرئة او الكلية او..الخ
بس هون مافي علامة مميزة لأي نسيج تاني..
+النخر يعني تخرب أما هون غراء بلون لامع وصافٍ مميز.

🔬غدوم ليفي في الثدي:
1. غدد غامقة بشكل قرون الغزال.
2. بينها تكاثر للحمة باهتة مخاطية وأخرى غامقة ليفية.
3.قد نشاهد نسيج دهني على محيط الساحة وفصيصات واقنية حليبية(لون بنفسجي).

#General_pathology
#Super_Alpha_55

📌"الالتهاب الحبيبومي"
رح نتفق على انو الحبيبوم بيعني
نخر تجبني: ساحة زهرية خالية من اي معالم
ولازم ندور عليها ونتأكد انها موجودة لنأكد التشخيص لأنو كل الأعضاء بهالجلسة الها امراض من الجلسات السابقة..
+اطار من اللمفاويات(نقط بنفسجية)
++خلايا لانغهانس وخلايا ظهارينية..

🔬الحبيبوم ضد جسم أجنبي:
1. فراغات بلورية مدببة الطرفين تمثل مكان الكولسترول(لأنو بزول عند التحضير) وتمييزا سهل جدا
2. بينها خلايا عرطلة(زهرية غامقة) ورشاحة التهابية.
هون مارح نشوف مظاهر الحبيبوم ك حالة استثنائية..

🔬سل رئوي:
1. غشاء الجنب
2. الأسناخ
3. التجبن الواضح في عدة مناطق
4. لمفاويات متجمعة بشكل اطار

🔬التهاب عقدة لمفاوية سلي:
1. المحفظة الدائرية: يعني الساحة كلا عبارة عن دائرة وهاد بميز العقدة
2. انتشار غزير جداً للمفاويات.. ببين المحضر لونو بنفسجي
3. بينها مناطق النخر التجبني.. لون زهري ابهت

🔬التهاب كلية وحويضة سلي:
1. كبيبات كلوية
2. أنابيب كلوية، وعادي انو يكون بعضها متدرق
3. انتشار غزير للمفاويات
◽ولحد هلأ هو تماما متل الالتهاب المزمن بس بالالتهاب المزمن:
منشوف الكبب متنخرة ومتليفة بشكل واضح(يعني بقلبا مادة زهرية) وما منشوف التجبن حواليها..
وغالبا المحضر بكون قسمين بحيث نميز انو هالقسم هو التهاب مزمن والتاني بكون شبه سليم..
4. مناطق النخر التجبني: ساحة زهرية مافيا معالم، بعدة مناطق جانب الكبب والانابيب، او غالبا بتكون ع اطراف المحضر.

#General_pathology
#Super_Alpha_55

📌"الالتهاب المزمن"

🔬النسيج الحبيبي:
1. انفتاح لأوعية شعرية صغيرة: فراغات بيضاء مبطنة بصف من الخلايا وقد تكون مملوءة بكريات حمراء.
2. نقط بنفسجية تابعة لخلايا التهابية متنوعة ومولدات ليف.
3. دون علامات مميزة لأي محضر تاني، وممكن عالاطراف نشوف فقدان لخلايا البشرة.

🔬التهاب المرارة المزمن:
هون رح نشوف ٣ غلالات فوق بعضن:
1. مخاطية: ثنيات مميزة تشبه ثنيات محضر التهاب البوق الحاد..
2. تحتها عضلية: تحوي جيوب روكيتانسكي - اشوف(ناجمة عن اندخال الطبقة المخاطية)
3.تحتها مصلية قد تحوي اوعية محتقنة

◽التهاب البوق الحاد بتكون الساحة عبارة عن دائرة عضلية محتقنة بالخارج، ولما نتجه للداخل(المركز) منشوف ثنيات مخاطية مميزة، بين الثنيات في رشاحة التهابية..

🔬التهاب الكلية والحويضة المزمن:
1.الكبب الكلوية: متنخرة(لا تحوي خلايا وإنما مادة زهرية اللون) جزئياً أو كلياً.
2.الأنابيب الكلوية: متدرقة تحوي بلورات زهرية غرائية.
3.النسيج الخلالي بين الكبب والأنابيب يكون مليء بالرشاحة الالتهابية(نقط بنفسجية).

🔬التهاب عنق الرحم المزمن غير النوعي:
1.الحؤول الشائك(تحول الظهارة البسيطة الاسطوانية إلى مطبقة مسطحة غير متقرنة)
2.تحت هذه الظهارة المطبقة نلاحظ: كيسات(بويضات) نابوث..
هي عبارة عن لمعة كبيرة نسبياً.. مبطنة بصف من الخلايا.. وغالبا مملوءة بمفرزات.
3. وجود غدد مخاطية.

🔬الكيسة المائية:
1.عدة صفائح لا خلوية (شرائط لا تحوي أوعية أو خلايا)، شفافة ومتوازية وهلامية المظهر.
2.الطرف المواجه للمعة من كل شريط يكون مبطن بطبقة منتشة(وليس كلا الطرفين)
3. قد نشاهد في اللمعة أكياس بنات، ولا يوجد رشاحة التهابية.

#General_pathology
#Super_Alpha_55

📌"الالتهاب الحاد"
رح نتفق على انو التهاب يعني شغلتين:
رشاحة التهابية(غالبا منشوفا بشكل نقط بنفسجية)
+ اوعية محتقنة فيها دم.

🔬التهاب الزائدة الدودية الحاد:
1.ساحة مليئة جدا بالعدلات(نقط بنفسجية)..
2.فراغات بيضاء ضمنها رشاحة التهابية
3.الظهارة المواجهة لهذه اللمعة (الفراغات): جزء منها سليم والآخر متنخر.
4. وجود الجريبات اللمفاوية تحت الظهارة، وكذلك يمكن ملاحظة غدد ليبركون.

🔬التهاب البوق الحاد:
رح نشوف غلالتين:
1. المخاطية: ثنيات مميزة جدا بينها رشاحة التهابية
2.حولها العضلية: فيها اوعية محتقنة بوضوح.

🔬ذات رئة وقصبات:
رح ندور بالساحة على
1. القصبة وبداخلها رشاحة التهابية
2. بكون بجانبا: وعاء دموي محتقن بشكل واضح
3.حولهما: الأسناخ(فراغات بيضاء، بعضها مملوء بالالتهاب).
ولما نشوف بس اسناخ مع رشاحة التهابية واوعية محتقنة.. فهي حالة متقدمة..

◽ممكن نشوف نقط سودا بتمثل غبار الفحم.. بس تُهمل أمام الالتهاب.. لأنو ممكن اي شخص فينا نتيجة التعرض عالمدى الطويل يكون عندو تفحم بنسبة خفيفة ومو مأثر..

🔬ذات عظم ونقي:
1. حجب عظمية: أشرطة بلورية، زهرية اللون(وفي محضر لونا باهت على رمادي) ما بتحوي ضمنها لا خلايا ولا أي شي تاني.
2. حول الحجب توجد الرشاحة الالتهابية: خلايا متنوعة.

#General_pathology
#Super_Alpha_55

📌"التخثر واضطرابات الحركة الدموية"
رح نحكي عن السلايدات و◽المجاهر:

🔬احتشاء أحمر في الخصية:
1. أشباح الأنابيب المنوية: دوائر ملتفة بداخلها مادة زهرية(لهيك قلنا اشباح.. الخلايا ميتة ومو مبينة انويتها.. وعم تعمل لمعة الانبوب ضيقة او حتى غائبة).
2. بين الانابيب: نسيج خلالي محتقن يحوي اوعية فيها دم.
واذا شفتو شريط بين هالأنابيب.. فهاد حجاب ضام من المحفظة.
3. على محيط الساحة: محفظة محتقنة اوعيتها مملوءة بالدم.

🔬احتقان مزمن منفعل في الكبد مع تنخر نزفي:
مبدأ الاستبعاد🫡
1.تناوب بقع غامقة(حول المسافة البابية) مع باهتة(حول الوريد المركزي)...
◽بس بمحضراتنا مجهريا كل الخلايا تموتت وصارت بلون زهري باهت لهيك رح نشوف مسافة بابية فيها قناة صفراوية وباقي الكبد كلو بلون زهري.

🔬احتشاء ابيض في الطحال:
1. محفظة
2. اللب الأحمر السليم:
فراغات بيضاء (جيوب وعائية) وحولها حبال خلايا طحالية(حبال بيلروث)
◽لكن بشكل عام بالمجاهر اللي عنا بكون اغلبوو محتشي: غائب المعالم(فقط لون زهري).
3. اللب الأبيض:
عقيدات لمفاوية غامقة التلون(بنفسجية)
أشرطة زهرية مميزة(حجب ضامة)
◽وبالمجاهر اكتر شي منعتمد عليه هو بقع الهيموسيدرين الذهبية.

🔬الخثرات:
1. الحديثة: حمراء اللون مميزة.
2. المتعضية: شاحبة اللون، تحوي تشققات تمثل انفتاح أوعية شعرية.
3. بينهما أنوية تابعة لمولدات الليف.
◽ممكن نشوف عالمحيط بالمحضر الموجود بمخبرنا: نسيج البشرة.

#General_pathology
#Super_Alpha_55

📌"الأذية الخلوية والتكيف الخلوي"

🔬تفحم الرئة:
1. فراغات بيضوية او متطاولة تمثل الاسناخ
2. قد نشاهد فراغات دائرية ذات ظهارة منثنية تمثل قصبات او قصيبات
3. على المحيط نسيج ليفي يمثل غشاء الجنب
4. تراكمات لبقع سوداء تمثل غبار الفحم ضمن البالعات السنخية.

🔬داء الصباغ القولوني:
1. غلالة مخاطية تحوي غدد ليبركون القولونية الطويلة، وتحتها غلالة عضلية
2. بقع بنية إلى ذهبية اللون تمثل صباغ الليبوفيوسين ضمن البالعات الكبيرة، تنتشر بين الغدد او في الصفحة المخصوصة.

🔬تشحم الكبد:
1. المسافة البابية: وريد باب، شرين كبدي، قناة صفراوية(هاامة: فراغ بشكل اسوارة لانو مبطن بخلايا مكعبة).
2. فراغات بيضاء تمثل الفجوات الشحمية.

🔬استحالة هيالينية في الكبد:
رح نشوف منطقتين بلون زهري، مفصولتين بحدود واضحة:
1.جزء سليم: حبال خلايا كبدية ومسافات بابية.
2. جزء الاستحالة:
ساحة زهرية اللون، بلورية المظهر، خالية المعالم وتحوي فقط الياف كولاجين وانوية مولدات الليف.
#General_pathology
#Super_Alpha_55

السلام عليكم..
📌رح ننشر تباعاً.. فقرات بعنوان العلامات المميزة لكل محضر.. ولكل محاضرة بمحاضرتا
بحال حبيتو لما تخلصو دراسة.. انكم تجمعو كل المحضرات مع بعضها..
رح نذكر بالبداية اللي بميز النسيج السليم وبعدين ميزة الأذية.. ورح نغمق الشي المهم

📌نصيحة من الدكتور هيثم كرمال المذاكرة.. اعتمدو مبدأ الاستبعاد.. يعني اول شي حددو النسيج السليم (مثلا كبد) وهيك بتحصرو التشخيص ب ٥ امراض(تشحم او استحالة او تنخر...الخ) بدل ال٥٠ (اللي هني تقريبا كل محضراتنا)
وموجودين امراض كل عضو بالمثبتة

موفقين يارب🤍🤍
#Pathology_Practical
#Super_Alpha_55